رواية خدعة القدر الحلقه الأولي بقلم الكاتبه ملك إبراهيم حصريه وجديده على مدونة النجم المتوهج
رواية خدعة القدر الحلقه الأولي بقلم الكاتبه ملك إبراهيم حصريه وجديده
_ انتي عايزة تخلي عمر يحبك بالسحر يا فريدة
= ايوه يا مريم ومستعدة اعمل اي حاجه عشان يحبني.
شهقت بهلع وهي تشاهد هذا اللقاء التلفزيوني الذي يذاع على احدى القنوات الفضائية وترى هذا الساحر الذي تتحدث عنه جميع القنوات وتنتشر اخبار كثيره عنه عبر المواقع الالكترونيه ويتحدث الجميع عن قوة سحره وقدرته الكبيرة في تغير حياة البشر، نظر اليه مقدم البرنامج وتحدث بفضول:
- تقدر تشرح للسادة المشاهدين يعني ايه بتقدر تغير حياة البشر؟!
ابتسم الساحر بثقة:
- يعني اي حد بيتمنى حاجه بساعده في تحقيقها من خلال سحري
لم يفهم مقدم البرنامج ما يقصده ليسأله مرة اخرى:
- ممكن تشرح بوضوح اكتر، يعني انا مثلاً لو عندي حلم، تقدر من خلال سحرك تحققلي الحلم دا؟!.
تحدث الساحر بثقة:
- طبعا اقدر
ابتسم مقدم البرنامج وتحدث بسخرية:
- يعني عايز تقول ان حضرتك المصباح السحري!!
تحدث الساحر بتأكيد:
- حاجه زي كده
اندهش مقدم البرنامج من ثقته القوية بنفسه وتحدث اليه بإتهام:
- بس مفيش حاجه اسمها سحر واي حد بيقول على نفسه ساحر وانه يقدر يغير حياة البشر يبقى نصاب
ثم ذكر مقدم البرنامج الحديث الشريف
- قال رسول الله ﷺ "من أتى عرافا فصدقه فيما قال فقد برئت منه ذمة الله ورسوله"
ثم أضاف بثقة:
- ولو الموضع سهل كده يبقى كان من الأولى انك تحقق احلامك انت!
ابتسم الساحر بثقة قائلاً:
- ومين قالك ان انا مش بحقق احلامي دلوقتي، اللي انا بعمله دا هو تحقيق حلمي
نظر له مقدم البرنامج بستغراب ليضيف الساحر بتأكيد:
- انا احلامي اني اسعد البشر واحققلهم كل احلامهم
ارتفعت الاصوات حولهم بحماس وبدأ الجمهور الحاضر بداخل الاستوديو بالهتاف بأسمه.
نظر مقدم البرنامج حوله بدهشه وشعر ان كل ما يحدث حوله مرتب لأشهار هذا الساحر.
ترك مقدم البرنامج ورق الأسئلة الذي كان بيده ونظر الي الساحر بتحدي وتحدث بقوة:
- طب انا واحد الحمدلله ربنا محققلي كل احلامي، بعمل في حياتي كل حاجه انا بحبها، بشتغل الشغلانه اللي انا بحبها، عايش حياتي بالطريقه اللي بحبها، والحمدلله عندي الصحه والمال وأسم عيلة يشرف أي حد، انت بقى تقدر تعملي ايه؟؟..
ابتسم الساحر بثقة قائلاً:
- اقدر اغير كل ده واحوله لأكتر حاجه انت بتكرها في حياتك
تفاجئ مقدم البرنامج من رده وتأمله بدهشة للحظات ثم تحدث اليه بتحدي:
- وانا موافق تقلبلي حياتي وعايز اشوف هتقلبها ازاي وهتقدر تعمل ايه
توقفت جميع الاصوات وكُتمت الانفاس في انتظار رد الساحر الذي عجز عن الرد وظل ينظر اليه بصدمه يفكر كيف يخرج نفسه من هذا التحدي بأقل الخسائر، كان يعتقد انه اذا قام بتهديده انه سيغير حياته الي الاسوء و سيتراجع مقدم البرنامج لكنه زاد في عناده واصر علي التحدي.
تعلق بصرها بالتلفاز وهي تتابع ما يحدث امامها بخوف.
طال انتظار الجميع لسماع موافقة الساحر على هذا التحدي، ليتحدث مقدم البرنامج بثقة:
- كنت متأكد ان انت...
قاطعه الساحر بردا قاطع:
- موافق
صُدم مقدم البرنامج بعد استماعه الي موافقته، ارتفعت الاصوات بداخل الاستوديو هاتفين باسم الساحر بكل فخر وانبهار.
وقفت من مكانها بحماس وهي تتابع عبر شاشة التلفاز ما قاله الساحر بعد اعلان موافقته.
الساحر:
- موافق اغير حياتك واضيع منك كل حاجه انت بتحبها
نظر اليه مقدم البرنامج للحظات قليله ثم حرك رأسه بالايجاب قائلاً بتحدي:
- وانا متحمس جدا اعرف هتقدر تغير حياتي ازاي
اغلقت التلفاز وجلست تنظر أمامها بتفكير، اقتربت منها شقيقتها التوأم تنظر اليها بستغراب ثم جلست بجوارها تتحدث بفضول:
- مالك يا فريدة قاعده سرحانه في إيه؟!
اعتدلت في جلستها تنظر لشقيقتها ثم تحدثت بحماس:
- كنت بتفرج على برنامج عمر
تنهدت شقيقتها بضيق ثم تحدثت بغضب:
- هو انتي مش هتنسي موضوع عمر ده بقى!!
تجاهلت فريدة حديث شقيقتها وتحدثت اليها بحماس:
- عمر كان مستضيف الساحر اللي أسمه "ساجي نيار" ودخلوا مع بعض في تحدي والساحر قال انه هيغير حياة عمر
نظرت اليها شقيقتها بستغراب ثم حركت رأسها بفضول قائلة:
- يعني إيه هيغير حياته؟!
ابتسمت فريدة وهي شارده في حلمها الوحيد وهو الزواج من عمر وتحدثت الي شقيقتها بحماس:
- مش مهم يا مريم هو هيعمل إيه، المهم ان ممكن الساحر ده يساعدني أخلي عمر يحبني
نظرت اليها مريم بصدمة قائلة:
- انتي بتقولي ايه يا فريدة؟!، انتي عايزة تخلي عمر يحبك بالسحر؟!
رفعت فريدة حاجبيها بتأكيد قائلة:
- ايوه يا مريم ومستعدة اعمل اي حاجه عشان يحبني
اتصدمت مريم من اصرار شقيقتها، نظرت اليها بزهول، لتضيف فريدة بحزن:
- انا عملت معاه كل حاجه ممكن تتعمل عشان يحبني وهو ولا كأنه شايفني أصلاً
غضبت مريم من اصرار شقيقتها الشديد في الزواج من عمر وتحدثت اليها بانفعال:
- هو أكيد محبكيش يا فريد لأنك كنتي بتعملي دايما اللي عكس شخصيتك وتربيتك وأكيد هو طول الوقت شايف وفاهم ان كل اللي انتي بتعمليه ده مجرد تمثيل ولأنه مش من قلبك أكيد مدخلش قلبه
سخرت فريدة من حديث شقيقتها واستمعت اليها باستهزاء، تجاهلت مريم نظرات فريدة الساخره واضافت بتأكيد:
- مستحيل السهر معاه للصبح وانه يوصلك للبيت هنا كل ليلة وش الفجر وانتي سكرانه ده اللي هيخليه يحبك!!
غضبت فريدة من حديث شقيقتها، تحدثت اليها بعنف:
- دا شئ ميخصكيش يا مريم وخليكي انتي في صحبتك اللي ضحكت عليكي وخطفت منك خطيبك، الأنسان الوحيد اللي انتي حبتيه وقاعده ليل ونهار تعيطي وهما عايشين حياتهم وانتي اللي طلعتي عبيطه في الاخر
تفاجأت مريم من هجوم شقيقتها عليها وحديثها الجارح لها لتضغط فريدة بقسوة علي جرحها وتضيف:
- انا مش زيك يا مريم انا هعمل المستحيل عشان اتجوز الأنسان اللي انا بحبه وخليكي انتي انصحي نفسك
وقفت فريدة لكي تصعد الي غرفتها بالاعلي، خفضت مريم وجهها تخفي دموعها المنسدله علي خديها بعد ان احيَّت شقيقتها جرحها من جديد.
رواية خدعة القدر بقلمي ملك إبراهيم.
عودة الي الاستوديو..
بعد انتهاء تصوير الحلقة مع الساحر، ظهر مروان مدير أعمال الاعلامي عمر الرشيدي متجهاً إلى غرفة عمر، دخل الغرفة يتحدث الي عمر بمرح:
- إيه يا عم الحلقة اللي توتر الأعصاب دي؟
ابتسم عمر بسخريه قائلاً:
- دا واحد نصاب وجاي يعمل لنفسه دعاية على حسابنا
ضحك مروان بمرح قائلاً:
- طب مش خايف لا يغير حياتك ويقلبها فعلا؟
التقط عمر مفاتيح سيارته قائلا بسخريه:
- هيقلب حياتي ازاي!!.. هيخليني مثلاً أنام بالليل وأصحى بالنهار؟!
ضحك مروان بمرح قائلاً:
- والله لو عمل كده يبقى ظبط حياتك مقلبهاش
ضحك معه عمر وهو يسير بجواره الي خارج الاستوديو، توقف امام سيارته قائلاً بحيره:
- ايه رأيك نسهر فين النهارده؟!
تحمس مروان كثيرا قائلاً له:
- أي مكان فيه بنات حلوين أنا معاك فيه
ضحك عمر وركب السيارة واشار لـ مروان ان يركب بالجانب المقابل له كي يذهبون الي احدى الأماكن المخصصه للسهر ويقضون ليلتهما بين النساء وتناول المشروبات.
رواية خدعة القدر بقلمي ملك إبراهيم.
صباح اليوم التالي..
استيقطت فريدة باكراً وذهبت الي منزل الساحر بعد ان عثرت على العنوان عن طريق الانترنت.
وقفت تنظر لمنزله بخوف وتردد، التقطت انفاسها بتوتر، حاولت تشجيع نفسها، غمضت عينيها وذكرت نفسها بحبها الكبير لعمر وحلمها بالزواج منه ثم اتجهت مباشرة إلى الداخل قبل ان تتراجع وتعود الي منزلها.
دخلت المنزل تنظر حولها بخوف وتوتر، شهقت بصدمه عندما رأت عدد كبير من السيدات يجلسون ينتطرون دورهم في الدخول إلى الساحر، نظرت حولها جيدا حتى رأت سيدة تجلس امام مكتب صغير، اقتربت منها بخطوات ثقيله، وقفت امامها تتحدث بارتباك:
- لو سمحتي انا عايزة أقابل الساحر "ساجي نيار"
قيمتها السيدة من خلال نظراتها اليها جيدا بثوبها غالي الثمن ومظهرها الذي يدل علي انها تنتمي الي اصحاب الطبقه الراقيه.
تحدثت السيدة ببرود:
- هتدفعي الف جنيه وتستني في دورك
شهقت فريدة قائلة لها بفزع:
- طب لو سمحتي أنا مش هقدر أنتظر كل دول، ممكن تدخليني على طول وانا هدفع كل اللي تطلبيه
ردت السيدة ببرود:
- هتدفعي خمس تلاف جنيه عشان تدخلي قبل كل دول؟
تحدثت فريدة بلهفة:
- تمام هدفع أي مبلغ
عوجت السيدة فمها قائلة:
- طب طلعي فلوسك وتعالي معايا أوصلك عند الساحر
فتحت فريدة حقيبتها بارتباك ثم اخرجت منها الاموال واعطتهم للسيدة بتوتر.
اخذت السيدة الأموال ثم تحدثت ببرود:
- تعالي ورايا
ذهبت فريدة خلفها وجسدها ينتفض برعب، كانت تسير خلفها وعينيها تنظر يمينا و يسارا بهلع، اخذتها السيدة إلى غرفة مظلمة وبها نيران مشتعلة بجميع زوايا الغرفة وفي منتصف الغرفة مكان فارغ ومن الواضح انه مخصص لجلوس الساحر وامامه نار مشتعلة.
- اهلاً بيكي
صرخت فريدة بفزع عند استماعها للصوت، التفتت خلفها سريعا تنظر لصاحب الصوت، نظر لها من الأعلى إلى الأسفل ثم تحدث بجمود:
- اهدي متخافيش
حركت رأسها بالايجاب ومازالت عينيها تتأمله بفزع، تأملته للحظات بهيئته الغريبه وعلمت انه هو الساحر، تتذكر شكله جيداً بعد رؤيتها له في برنامج عمر.
تجاهل الساحر نظراتها الفضوليه واتجه الي مكانه وجلس بثقه، ليزداد من أشتعال النار تلقائياً، نظرت فريدة الي النار المشتعله بهلع.
تحدث اليها بثقة:
- اتفضلي اقعدي
اقتربت منه وجسدها يرتعد بخوف وجلست امامه.
نظرت الي انعكاس ضوء النيران بداخل عينه وهو يتحدث ببرود:
- خير؟؟
عجز لسانها عن الحركه بسبب حالة الرهبه والفزع التي تمر بهما الان، ليعيد الساحر سؤاله مرة اخرى بصرامه:
- اتفضلي قولي يا انسه جايه طالبه ايه؟!
حركت رأسها بالايجاب هي تنظر الي النار المشتعلة امامها، حاولت اخراج صوتها بصعوبه، تحدثت بكلمات متقطعه من شدة الخوف:
- انا..انا.. ككنت.. عايزه من حضرتك.. تخلي واحد.. يحبني
عقد ما بين حاجبيه بستغراب قائلاً بغموض:
- عايزه واحد يحبك ازاي؟!
بلعت ريقها بتوتر واضافة:
- هو شخص انا بحبه وهو مش حاسس بيا وانا نفسي يحبني ويتجوزني
حرك رأسه بتفهم، تأملها عدة لحظات قبل ان يرد عليها:
- بس ده هيكلفك كتير
اعتدلت في جلستها قائلة بلهفة:
- انا مستعدة ادفع اي مبلغ بس يحبني زي ما بحبه ويتجوزني
ابتسم الساحر بثقة قائلاً لها بتأكيد:
- هيحبك ويتجوزك اطمني
ابتسمت بسعادة كبيرة بعد ان وضع بقلبها امل جديد في الوصول لقلب حبيبها.
اضاف الساحر مطالبً منها بتأكيد:
- انا هحتاج صورة ليه وشوية معلومات عنه دا هيساعدني في عمل المحبه اللي هعمله
رد فريدة بستعداد تام:
- انا معايا صورة ليه واعرف عنه كل المعلومات اللي ممكن تحتاجها
ضحك بمكر قائلاً بسخريه مخفيه:
- شكلك بتحبيه اوي؟
ردت فريدة وعينيها على وشك ان تخرج قلوب حمراء من شدة حبها له:
- انا حبه اوي وهو مش حاسس بيا ابداً
تأمل الساحر مفاتنها ثم تحدث بمكر:
- يبقى أكيد غبي
تحدثت فريدة بخجل:
- بالعكس دا انسان ذكي جداً وناجح في شغله وحياته وبنات كتير بيتمنوه
حرك الساحر رأسه بهدوء وهو يستمع اليها، توترت فريدة قليلا قبل ان تخبره انه يعرفه جيدًا، صمتت للحظات ثم تحدثت بتوتر:
- علي فكره حضرتك تعرفه كويس
تحدث بستغراب:
- انا اعرفه!
حركت رأسها بالإيجاب ثم فتحت حقيبتها واخرجت صورة لعمر واعطتها للساحر.
اخذ منها الصورة ونظر اليها بستغراب دام للحظات قليلة ثم تحولت نظراته الي نظرات ماكره بعد ان رآى انه هو مقدم البرنامج الذي اهانه وقلل من قيمة سحره امام المشاهدين.
تحدث اليها بهدوء:
- المذيع اللي انا كنت معاه امبارح؟!
حركت رأسها بالإيجاب قائلة بتبرير لما فعله عمر معه:
- بس والله هو انسان كويس جداً واكيد مكنش يقصد انه يدخل مع حضرتك في تحدي ويقولك الكلام اللي قاله ده
تأملها لحظات قليله بتفكير ثم قرر استغلالها في الانتقام منه والفوز في هذا التحدي.
تحدث بمكر:
- انا كنت ناوي ادمر حياته واخليه يندم على التحدي اللي دخله معايا ده بس عشان خاطرك انا مستعد انسى التحدي ده واخليه يحبك ويتجوزك كمان
ابتسمت بسعادة وحماس.
اضاف الساحر بمكر:
- انا دلوقتي عايزك تقوليلي كل حاجه عنه، يعني عنوان بيته ومين عايش معاه في البيت، بيخرج امتى وبيرجع البيت امتى، بياكل من برا اكل جاهز ولا بياكل من البيت، وانتي كمان عايز اعرف عنوان بيتك ومين عايش معاكي في البيت وكل حاجه عنك برضه
استغربت من اسئلته الكثيرة وتحدثت بفضول:
- هي المعلومات دي ليها علاقة بالسحر؟!
تحدث الساحر بتأكيد:
- طبعاً لازم اكون عارف كل حاجه عنكم عشان السحر ميتعملش لشخص تاني بالخطأ
ردت فريدة بقلق:
- لأ شخص تاني بالخطأ إيه؟!.. أنا هقولك على كل حاجه... بقلمي ملك إبراهيم.
... يتبع.
ياتري خطة الساحر هتنجح وفريدة هتتجوز عمر بالسحر زي ما هي فاكره 🤔 ولا القدر هيكون له رأي تاني 🙈😂 تابعوا الرواية هتعجبكم ان شاء الله واستنوني كل يوم في نفس الميعاد المكتوب على الغلاف ومتنسوش تكتبوا رأيكم وتوقعاتكم في التعليقات وصلوا على النبي محمد ﷺ في 5 تعليقات ورا بعض♥️♥️🌹 ادعموا الصفحة بالتفاعل حبايبي 😍 وتابعوني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
0 تعليقات