كعموشا الحلقه الأولي بقلم محمد منصور حصريه وجديده على مدونة النجم المتوهج

كعموشا الحلقه الأولي بقلم محمد منصور حصريه وجديده على مدونة النجم المتوهج 

كعموشا الحلقه الأولي بقلم محمد منصور حصريه وجديده 

يوووووو. هي ناقصة علي الصبح

دة اللي قاله الاسطي سعد ودة شاب وسيم في الثلاثينات من عمره متجوز فاطمة  بنت خالته.  و مخلف منها تلت بنات وقال الجملة اللي في اول الحكاية  دي علشان الميكروباص بتاعه عطل وهو ماشي علي طريق الترعه في بلدهم كوم السمن   وهنا قال الزبون اللي قاعد جنب منه

خير يا اسطي 

سعد بص له  وهو بيحاول يخليها تدور

خير يا عمنا  بس والنبي خد الشباب اللي في العربية 

و انزلو ادوني زقه

شاب تاني من الركاب قال

وبعدين بقي هو احنا قادرين علي الصبح نزق نفسينا 

سعد

لو انت همدان ما تهمدش بقيت الناس ولو ما اتزقتش هنفضل واقفين كده. براحتكم بقي

الشباب اللي كانو في العربية نزلو لانهم عايزين يروحو شغلهم وزقو الميكروباض وسعد بيحاول يخلي يدور وكان بيبص لهم وهو بيقول

انشفو شوية وخلاص هانت اهه. هو انتو بتفطرو باتية ولا اية

العربية دارت فجاة رجع يبص قصاد منه لقي نفسه رايح ناحية الترعه ما قدرش يعمل حاجة غير انه صرخ وهو بينزل بالميكروباص في قلب الترعه  وبدا يبقلل،،،،،،،،

كعموشا 

من تاليفي 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

بعدها بشوية حلوين كدة جه من بيته جري وكان لابس شبشب الحمام  الشيخ كريم ابو سعد  ومع مراته حجازيه و معاهم فاطمة مرات سعد اللي كان علي كتفها اخر بنت و حاطه لها البزازه في بوقها والثلاثة كانو واقفين قصاد الحتة اللي وقع فيها سعد بالميكروباص وكانت الحكومة هناك و بتوع الدفاع المدني واهالي الستات اللي كانو في الميكروباص كانت زيطة عند الترعه دي والحمد لله ان كل اللي في الميكروباص طلعو عايشين اصل الترعه مش غويطة اوي. ورغم كدة كانو لسة بيدورو علي سعد اللي ماكنش لي اي اثر. وراحت حجازيه لواحد من بتوع الدفاع المدني واسمه فؤاد   وقالت

ابني يا اخويا لسة ما طلعش مع اللي طلعو

فؤاد كانت بدلته لسة بتتزل ميه  ما هو لسة طالع من تحت وقال 

والله يا حجة احنا جبنا كل اللي كانو تحت

حجازية

انزل دور كويس

فؤاد

دورنا يا حجة والله

حجازية

طيب ولو نزلت جبتهولك

فؤاد

اية الجملة المريبة دي. انا حاسس انك امي وخوفت منك فجاة

هنا وقف وسطيهم  الشيخ كريم اللي بص ل مراته وقال

انا كام مرة اقول ما تقفيش مع حد غريب من غير محرم

حجازية

دة مش غريب دة ضفدع بشري

كريم بص ل فؤاد وقال

دة ضفدع ازاي وهو شبه البني ادم اهو. وبعدين انا عبيط ومش عارف شكل الضفدع. 

وراح كريم وقف وراء فؤاد وقال

لو دة ضفدع فين الصدفه اللي بتبقي علي ظهره

فؤاد بص له وهو هايتجنن وقال لنفسه

بيقولو اية دول

لكن فؤاد رجع بص ل حجازية اللي قالت وهي بتضحك

 مع انك معاك ال Ai وشلبي تو في  لكنك لسة جاهل وما تعرفش الفرق بين الضفدع والسلحفاة.

اتصدم فؤاد اكتر ورجع بص ل كريم اللي كان بيقول

مين قال اني ما اعرفش مش  السلحفاة دي اللي يحلس بطنها 1599 مرة. يزغرط

فؤاد

يخرب بيت ابوكم ما فيش كلمة واحدة اتقالت في الحوار دة حق. كله باطل. دة انا  لو مكان ابنكم اعيش مع البلهارسيا في الترعه ومارجعش اعيش معاكم 

وسابهم ومشي وهنا بص كريم ل حجازية وقال

انتي السبب.

هنا فاطمة عيطت وقربت من كريم وقالت

يا ابا كريم سعد رايح 

و مجاشي وشكلنا كدة احنا بس اللي هناكل المحاشي

كريم

اطمئني جوزك بخير

فاطمة

انا محساشي شكل سمك القرش كله و مسماشي 

كريم

اهدي يا فاطمة عيد 

فاطمة

انا اسمي فاطمة الراسي بنت الحج راسي

كريم

عارف لكن انتي مش سامعه نفسك عماله تعددي بكلمات اغاني فاطمة عيد 

حجازية

سيبك من المنكوبه دي وقولي هنعمل اية دلوقتي هتسيب ابنك في الترعه 

كريم

انا سالت ال Ai. وقالي انه طالما نزل الترعه وما طلعش يبقي التمساح الترعاوي كله،،

في نفس الوقت كان سعد خارج من حمام شقته بعد ما خد دش وغير هدومه ورمي الهدوم اللي مطرحها مية الترعه في الغساله ودخل المطبخ وفتح حله المحشي وبدا ياكل. لغاية ما سمع صوت خبط علي باب شقته راح يفتح الباب و شاف قصاد منه. عوض صاحبه الوحيد وابن عمه وقال له عوض

انت هنا وابوك وامك ومراتك قاعدين قصاد الترعه مستنين خروجك منها

سابه سعد وراح ناحية حله المحشي وهو بيقول

وقاعدين ليه هناك هي اول مرة اقع في الترعه بالميكروباص الخربان دة

عوض قفل الباب ودخل وراء منه وقال

ولما هو خربان بتركبه لية

سعد وهو بيحط صباع محشي في بوقه قال 

هو يعني بمزاجي ما ابويا اللي غاصب عليه الشغلانه الزفت دي. انت عارفني يا عوض انا بحب الغناء قد اية ونفسي ابقي برنس الجيل

عوض حط ايدة في حله المحشي طلع صباع وكله وقال

غناء اية دة انت يا سعد صوتك معصية زيها بالظبط زي اكل مال اليتيم

وضحك عوض و لسة هياخد صباع محشي تاني سعد ضرب ايدة وقال

امشي اطلع برة

وقفل الحلة وقال عوض

طيب لية كدة طيب

سعد

هو انت تضايقني وتاكل من المحشي بتاعنا

عوض

يا عم خلاص ما تزعلش واجهز علشان عندنا فرح

سعد

برة البلد ولا جوة

عوض

برة البلد انت عايز ابوك يعرف انك بتغني دة كان قطع خبرك و خبري 

سعد فتح حله المحشي تاني وقال

ودة فرح مين يا عوض

عوض خد صباح محشي تاني وقال

فرح بنت الحج دودي العتره

سعد

تاجر الحشيش

عوض

هو

سعد

روح الله يخرب بيتك يعني انا ابويا هيخرب الدنيا لو عرف اني بغني من وراء في الافراح لا كمان هغني في فرح بتاع تاجر حشيش

عوض

دفع كويس وبلاش تخربها علينا

سعد

ودة دفع كام

عوض

5 بواكي و شيكارة علف 

سعد

ولية العلف هو جايب خروف يغني 

عوض

خد البواكي و سيب لي العلف ويلا البس البدله اياها علشان يدوبك نلحق نروح الفرح، ،،،،،،

لسة كريم و حجازية وفاطمة قاعدين علي الترعه مستنين خروج سعد من الترعه وقالت حجازية ل كريم 

ما تقلع يا كريم وانزل بص علي الواد في الترعه

كريم

هو انا بعرف اعوم يا ولية

حجازية

تعوم فين دي الترعه مش غويطة اوي كدة

كريم

يعني ابنك مستحيل يموت فيها غرقان

حجازية

يغرق فين بس انت بتضحك علي نفسك

كريم

اومال احنا قاعدين ليه ياوليه 

حجازية

انا عارفه مش انت الراجل مقعدنا لية ل دلوقتي

فاطمة

زمان المحشي برد،،،،،،،

وصل سعد الفرح وطلع المسرح و لسة هيغني لقي

 ام العروسة بتبص له اوي 

و بتقرب منه وبتقول له

انت جيت. يا بابا 

وهوب الحلقة خلصت وهو اللي جابو لنفسه.

بكرة نكمل باذن الله

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺