رواية المشاغبه والظابط الفصل الثالث عشر والرابع عشر والخامس عشر بقلم الكاتبه سلوي عوض حصريه وجديده على مدونة النجم المتوهج
رواية المشاغبه والظابط الفصل الثالث عشر والرابع عشر والخامس عشر بقلم الكاتبه سلوي عوض حصريه وجديده على مدونة النجم المتوهج
سيف: معلش تعيش وتاخد غيرها
ياسين: طاب اقفل بقا وجعت دماغي
سيف: ماشي بس خلي بالك من مجنوننتي
الراوي: ليغلق سيف الهاتف مع ياسين ليفكر
سيف: اخيرا لقيت فتاه احلامي
الراوي: اما ياسين فكان يتحدث مع نفسه
ياسين: انا عايز انام خلاص مش قادر
الراوي: ليستلقي ياسين علي سريره ليغمض عينيه ليجد صوره ورده أمامه
ياسين: ايه جاب صورتها قدامي ديه انا منكرش أنها بقت جميله اوي بس ولو مش هنولها مرادها خلي ياسمين تنفعها
الراوي: ليغط ياسين في نوم عميق
الراوي: اما ياسمين فقد جفاها النوم وكانت تفكر حول ما ستفعله مع حنتيره
ياسمين: ايوه كده بس لازم الجماعه يسافرو بس مين اللي هيساعدني أنهم يسافرو
الراوي: لتضع يدها علي رءسها
ياسمين: بس مافيش غير ابويا وخالتي خلاص اول مايصحو هعملهم حوار واخليهم يسافرو بس يارب ابويا مياخدش باله من حكايه الطبنجه أناملي ساعتين عشان اصحي فايجه
الراوي: وبعد أن نامت ياسمين ها هي تري ف احلامها سيف ممسكا بيدها
سيف (في الحلم): تعالي معايا يا قلبي هنروح جزيرة مافيش فيها غيرنا احنا الاتنين
ياسمين: تنزع يدها من يده نعم يا حبيبي انته جايبني مكان ما فيهوش ناس يعني هنجعد زي الجرود وحدينا
سيف: حبيبتي عشان نبقا علي راحتنا
الراوي: لتتركه ياسمين وتذهب
ياسمين: لا مع نفسك يا حلو
الراوي: لتسمع صوته وهو ينادي عليها باءعلي صوته
سيف: ياسمين ارجعي يا ياسمين
الراوي: لتعاود ياسمين مره اخري لتجد سيف ومعه فتاه
ياسمين: مين ديه
سوزي: انا سوزي خطيبته
ياسمين: مين ديه ياسيف
سوزي: مقولتلك خطيبته
ياسمين: طاب تعالي بجا
الراوي: لتمسكها ياسمين من شعرها وتقذفها ف البحر
ياسمين: مع السلامه ياسوزي سيف بتاعي انا وبس
سيف: انتي ايه اللي عملتيه ده مش هتبطلي جنانك ده
الراوي: لتستيقظ ياسمين لتمسك بصوره سيف
ياسمين: كده يعني بجا انته بتزعجلي عشان جريبتك ام وسط مخلوع ديه طاب وحياه ابوي ماشي ياسيف
الراوي: لتخرج ياسمين من غرفتها لتجد المنزل هاديء
ياسمين: هما لسه نايمين انا جعانه هروح اشوفلي حاجه اكلها
الراوي: لتدخل المطبخ وتفتح الثلاجه لتاءخذ قطعه من الجبن
ياسمين: كده حلو اعملي كوبايه شاي مع سندوتش جبنه اسخن معدتي لغيت ما يصحو انا عارفه نايمين لدلوك ليه الله يرحم ف البلد كانو بيصحو جبل الفجر جايين هنا يدلعو طاب والله لاءصحيهم مش انا صحيت يبجا لازم الكل يصحي
الراوي: لتشعل ياسمين التلفاز علي قناه الاغاني وترفع الصوت لاءعلي درجه ليستيقظ الجميع مفزوعين
عزيزه: ايه الصوت ده فيه ايه
شحته: باين في فرح ف العماره
عزيزه: من فجر ربنا كده
سنيه: سماعيل جوم شوف الصوت العالي ده
اسماعيل: ناس جليله الذوج
ياسين: ايه ده مين عامل دوشه كده ايه صوت الاغاني ديه أخرج اشوف في ايه
الراوي: ليخرجو جميعا من غرفهم ليجدو ياسمين واقفه تضحك
عزيزه: والله ما عندك ريحه الدم
شحته: كده بردك يا بتي تسرعينا كده
سنيه: حرام عليكي والله
اسماعيل: خلاص ياجماعه ديه ياسمين واحنا واخدين علي جنانها
ياسمين: لجيتكم طولتو ف النوم جولت اصحيكم ولا انتو خدتو علي الجلع مش كان زمانك يا اما بتجهزي الغدا ايه الضهر جرب ييدن موراكمش حاجه تعملوها ولا جعدتكم ف مصر خسرت اخلاجكم
الراوي: ليضحك الجميع عليها
عزيزه: أمته بس ربنا يعدلهالك وتغوري من وشنا نفس ارتاح منك يا ربي مرار ف مصر ومرار ف الصعيد
ياسين: بجولك يا أبا عايزك معايا ف مشوار بعد العصر
ياسمين: مشوار ايه هتروحو فين هاه جوللي
ياسين: غوري من وشي احسنلك وبعدين انتي مالك
شحته: ماشي يا ولدي
سنيه: عجيبه يعني كل الدوشه ديه وورده لساها نايمه انا هخش اشوفها
الراوي: لتدخل سنيه غرفه ابنتها بتجدها مستيقظه وفي يدها كتاب تقرءه
سنيه: عامله ايه دلوك يا بتي
ورده: الحمدلله احسن يا امي
سنيه: اكيد صحيتي علي صوت الدوشه بتاعت بت خالتك
ورده: اه والله يا اما جيل ما انام كت جريت نص الكتاب ولما جومت جولت اكمله
سنيه: طاب افطري الاول عشان تاخدي علاجك
ورده: ماليش نفس والله يا اما
سنيه: كلي يابتي عشان تطيبي وتبجي زي الفل
ورده: هو انا غلطت يا امي اني حبيت ياسين والله مش باءيدي
سنيه: اسمعي يا بتي ياسين دلوك بجي جوزك يعني تحافظي عليه وتعملي المستحيل عشان هو كمان يحبك اكتر مابتحبيه وبعدين انتي دخلتي مدرسه وروحتي الجامعه وعجلك كبير وفوج ديتي كمان معاكي
ياسمين: ورده يحلها ربنا يا امي
سنيه: ربنا يسهلك الصعب يا بتي
ياسمين: متجومي بجا ياست ورده وبطلي تتسلبطي
ورده: والله ابدا تعبانه
ياسمين: طاب اسمعي انا سمعت الواد ياسين بيتكلم مع حد ف التلافون وبيجول أنه عنده جضيه مهمه جوي بعد كام يوم ومحتار ومش لاجي حل للجضيه وجال الجضيه ديه لو كسبها اسمه هيلمع
ياسمين: وانتي كتي جرده ف الكليه وجايبه امتياز وعملتي ماجستير علي النت بجولك ايه يا خالتي
سنيه: هات حبه بجرش متلمو عزالكم واتكلو علي الله بتك اللي تاعبها جلبها الغبي
سنيه: والله عال يا سمن بتتريجي علي خالتك
ياسمين: مجولنا بلاش سمن وزيت ديه انا ما صدجت أمي بطلت تجولها وبعدين اعملكم ايه كل شويه جايين كاني البلد ف الشارع اللي ورانا
سنيه: يعني كنا نسيبوكم وحديكم وبت خالتك عامله عمليه
ياسمين: محسساني أنها عامله جلب مفتوح ديه حتت زايده وكمان معموله بالليزر
سنيه: بتحرجمي حوالين ايه يا بت اختي
سنيه: وبعدين صلي على النبي ف جلبك انتي بتبشري عليها
ياسمين: بجولك ايه مش عايزه بتك تعيش سعيده مع جوزها
سنيه: ده كل املي ف الدنيا
ياسمين: يبجا خلاص اتوكلو علي الله
سنيه: مش هعمل مجالب تاني
ياسمين: له ولا مجالب ولا حاجه بس يا بخت من زار وخفف
سنيه: خلاص نمشو بكره بس بت خالتك امانه ف رجبتك
ياسمين: ف عيوني وجلبي كمان
سنيه: ربنا يهديكي يا بت اختي
اما في منزل سيف
كانت عمته تجلس مع ابنتها
سوزي: شايفه يا مامي الاستاذ سيف بيعاملني ازاي ده انا ولا كاءني موجوده ف الحياه
باكينام: اعمله ايه انا طيب قولتلك حاولي تتقربي لمرات خالك وانتي مبتسمعيش الكلام
سوزي: يا مامي عايزاني اجري ورا الحيوانات والقرف ده طاب متكلمي خالو وخليه يجوزنا لبعض ولا انتي عايزه العز ده كله يروح من بين أيدينا
باكينام: لا طبعا ده انا كنت اموت فيها بس انتي عارفه خالك عمره مهيغصب علي ابنه ف حاجه صدقيني خليكي مع مرات خالك سيف بيحبها اوي وميقدرش علي زعلها اسمعي انتي تروحي معاها تحضري الندوات اللي بتعملها واي حاجه تقولها تقوللي امين وراها علي طول
سوزي: اف بقا طيب هتصل بيها اشوفها فين
باكينام: ايوه كده شاطره
لتتصل سوزي علي زوجه خالها
سوزي: حضرتك فين يا طنط
زوجه خالها: عندي ندوه ف الجمعية
سوزي: ممكن احضر معاكم
زوجه خالها: اه يا حبيبتي ممكن هبعتلك اللوكيشن وتعالي
سوزي: ميرسي يا انطي
ابتسام: العفو يا روحي بس متتاءخريش عشان هنبدء
سوزي: لأ طبعا جايه علي طول
لتغلق ابتسام الهاتف
ابتسام: يا جماعه في عضوه جديده انضمت للجمعيه بتاعتنا تبقا بنت اخت جوزي واكيد احنا محتاجين افكار الشباب
جميع السيدات: يا ريت يا ريسه
جايده: مش هيا ديه برده اللي هتموت علي سيف ابنك اكيد عامله موضوع الجمعيه ده حجه
ابتسام: يا جيجي خلي نيتك حلوه زيك كده
جايده: طاب هنشوف ما اهي طول عمرها عارفه انك مهتمه بالحيوانات ليه دلوقت عايزه تحضر معانا الاجتماع
---
اما ياسمين
ياسمين: كانت قد دخلت غرفه سيف واقفلت بالمفتاح ادور بجا ف اوراجه يمكن الاجي حاجه تنفعني
السرد: لتبحث ف الاوراق ولكنها لا تعثر علي شيء له أهمية
ياسمين: اكيد هو صديق لياسين علي الفيس اخش عند ياسين واجيب ايميل سيف
السرد: وبالفعل تدخل علي ايميل أخيها لتجد ايميل سيف لتبحث في الميل علي ايميل والدته
ياسمين: يا حلاوتك وانته متصور ببدله الظابط كده نشوف امك اكيد امك حلوه زيك
السرد: لتجد ايميل والدته ابتسام الدمنهوري مديره جمعية الرفق بالحيوان
ياسمين: هخشلها علي الماسنجر
السرد: لترسل لها رساله
ياسمين: ازي حضرتك انا حابه اتعرف عليكي انا معجبه جدا بنشاطك ف الجمعيه وانا طبيبه بيطريه
السرد: لتري ابتسام الرساله لتكتب رقمها
ياسمين: حلو جوي بعتت نمرتها هكلمها
السرد: لتتصل ياسمين
ابتسام: الو مين
ياسمين: الصراحه حضرتك متعرفنيش انا هجولك انا مين بس توعديني أن اللي هجوله يفضل سر بينا
ابتسام: ليه يعني
ياسمين: اوعديني بس
ابتسام: حاضر اوك اوعدك
السرد: لتقص عليها ياسمين كل ماحدث
ابتسام: هو انتي بقا ياسمين اللي جننت سيف ابني
ياسمين: بس هو ميعرفش اني انا ياسمين يعرف اني ام ياسين
ابتسام: لاء عرف يا حبيبتي البوابه باعتك له
ياسمين: اه يا بنت ال
ابتسام: بنت ياسمين طاب انا حبيته جوليلي اعمل ايه ده كده هيعمل مني عصيده
ابتسام: لاء هو كمان حبك اسمعي انا عايزه اشوفك لوحدينا اه وسيف هيقابل والدك واخوكي وهيطلبك من والدك بس بعد ميعلمك الادب
ياسمين: اه يا ابن
ابتسام: يابنت ياسمين ما اعمل ايه طيب
ابتسام: قابليني الساعه سبعه
ياسمين: بس انا معرفش اماكن ف مصر
ابتسام: في كافيه بعد بيتكم بشارع هستناكي هناك
ياسمين: وانتي عرفتيه ازاي
ابتسام: اولا اسمها حضرتك ثانيا الاستاذ كان غضبان زي عادته عند اخوكي وكلمت ياسين قاللي أنه قاعد ف الكافيه وبعتلي اللوكيشن
---
ياسمين: شكلنا هنبجو أصحاب يابوسي
ابتسام: وانتي شكلك شقيه
ياسمين: يووه هيا لحقت جات
ابتسام: بصوت واطي ديه سوزي بنت عمت سيف
ياسمين: عارفاها ده انا واكلاها علجه إنما ايه تمام
ابتسام: وانتي شوفتيها فين وتعرفيها منين
ياسمين: عرفتها عن طريج مذكرات سيف شوفتها ف الحلم وضربتها
ابتسام: طاب اقفلي لما اشوف هخلص منها ازاي
ياسمين: هيا جاتلك ليه
ابتسام: بتقول انها عايزه تنضم للجميه
ياسمين: ليه نفسها تبجا جطه ولا هو هو
ابتسام: ده انتي مشكله اقفلي بقا عشان اوزعها وارجعلك تاني
ياسمين: ماشي يا حماتي
---
ابتسام: بقا عندي اتنين مجانين بدل مجنون واحد ربنا يعيني عليكم
السرد: لتغلق ابتسام الهاتف مع ياسمين
ابتسام: سوزي حبيبتي معلش كان معايا تليفون مهم مطلوب مني اسافر بني سويف عشان فيه هناك مجموعه كبيره من الكلاب الضاله ولازم الجمعيه تتصرف دول حتي بيقولوا أن في تقريبا حيوان شكله غريب فها اخد مجموعه من الاعضاء وطبيب بيطري عشان يكشف عليهم تحبي تروحي معانا
سوزي: لاء يا انطي اصل معدتي بتوجعني
ابتسام: خلاص لما ارجع اوعدك لينا قعده مع بعض انا وانتي وسيف ف النادي
سوزي: بفرحه بجد يا انطي
ابتسام: اه يا قلب انطك
سوزي: طاب باي انا بقا
ابتسام: باي يا روحي
السرد: لتخرج سوزي من الجميعه
سوزي: الست ديه مجنونه ولا ايه عايزاني اسافر معاها اخر الدنيا عشان الحيوانات اوه مش عارفه خالو بيحب فيها ايه ياله اروح اشوف اي حاجه اعملها
السرد: وهنا تتصل ابتسام علي ياسمين
ابتسام: عملت زي ماقولتي بالظبط وسوزي مشيت
ياسمين: ناقص الخطه اللي هنزل بيها من البيت
ابتسام: وهو انتي يعني هتغلبي اقولك فاضل علي العصر نص ساعه واكيد والدك وياسين هيروحو لسيف بعد مينزلو تعالي لي علي الكافيه
ياسمين: جشطه امي مجدور عليها
السرد: لتغلق ياسمين الهاتف مع ابتسام لتذهب الي خالتها
ياسمين: سنسن حبيبتي
سنيه: عايزه ايه
ياسمين: عايزه اخرج شويه وانتي تغطي عليا جدام امي
سنيه: طاب وابوكي واخوكي يا فالحه
ياسمين: لا هما رايحين مشوار
سنيه: طاب وانتي راحه فين
ياسمين: رايحه اقابل حماتي ام ظابط قلبي
سنيه: بت انتي اوعي تكوني بتعملي فيا مجلب
ياسمين: له والله بكلمك جد خليكي حلوه
سنيه: طيب انا هجول لأختي انك هتنامي جار ورده وانكم كمان جفلتو الباب بالمفتاح
ياسمين: جلبي يا سنسن
#سلوي_عوض
#المشاغبه_والظابط
بارت 14
---
سنيه: بس اوعي تتاءخري
ياسمين: له هروح اجولها انا جيت واجي علي طول متخليكي حلوه سكه ساعتين تلاته
سنيه: طيب ماشي ياسمين روحي بجا راجبي الجو واول ميخرجو تعالي جوليلي
سنيه: هتشغليني عندك يابت عزيزه
السرد: لتخرج سنيه وتتركها لتراقب لها الجو وبعد بضع دقائق
سنيه: خرجو اخلصي ياله والحمدلله عمك سماعين نايم
ياسمين: البس طيب
سنيه: البسي وروحي ربنا يعد لهالك
ياسمين: يارب يا سنسن
السرد: لتخرج ياسمين وهيا ترتدي فستان انيق لتدخل غرفة ورده
ورده: الله شكلك حلو جوي والفستان جميل اخير بجيتي انسه ياسمين حلوه بجد
ورده: اه والله اسمعي يا ياسمين عاوزاكي تجعدي عاجله جدام أم سيف اوعي تعملي حركاتك متخليش الوليه تاخد عنك فكره كده ولا كده
ورده: خلي بالك أن الست ممكن تحبك عشان شجاوتك وخفت دمك لكن يوم متكون عاوزه عروسه لولدها هتدور علي واحده عاجله اسمعي مني
ياسمين: انتي بتخوفيني ليه يعني مروحلهاش
ورده: له روحي واجعدي معاها وخليها تشوف ادبك واخلاجك يعني وريها ياسمين الحلوه مش ياسمين التانيه اعوذ بالله منك
ياسمين: خلصتي محاضرتك يا اختي انا هجيبلك اوراج الجضيه بتاعت ياسين عشان تذاكريها وتكتبي مرافعه تخليه يكسب الجضيه اعصري مخك ديه اول خطوه لعجل ياسين
ورده: بس انا عاوزه جلبه
ياسمين: انتي بجره يا بت العجل الاول وبعدين الجلب ده انتي عيله بمخ كلب
---
ورده: طاب غوري هاتي الورج واتكلي علي الله.
ياسمين: طيب يا اختي.
وبعد أن تحضر ياسمين ورق القضيه لورده ثم تتجه الي الكافيه حيث تجلس ابتسام… لتراها ياسمين، لتذهب إليها بكل ادب.
ياسمين: ازي حضرتك، انا ياسمين. عرفت حضرتك من صورتك اللي علي النت.
ابتسام: تسلم عليها اهلا بيكي يا بنتي، اقعدي.
ياسمين: باءدب حاضر.
وهنا ياءتي النادل.
النادل: تحبو تشربو ايه؟
ابتسام: هاتلي قهوه مظبوط… وهات للاءنسه عصير. تشربي عصير ايه يا حبيبتي؟
ياسمين: اللي حضرتك تحبيه.
ابتسام: ما البت شكلها عاقل اهيه، امال الواد بيقول أنها مجنونه ليه؟
ابتسام: مالك يا بنتي؟ انتي في حاجه ضايعه منك؟
ياسمين: انا له.
ابتسام: اصلك بتبصي ف الأرض كتير.
ياسمين: انا اسفه اصل انا اول مره اشوف حضرتك يعني.
ابتسام: طاب ممكن تتصرفي بطبيعتك؟
ياسمين: ماهيا ديه طبيعتي حضرتك.
ابتسام: طاب انتي مربعه ايدك ليه؟ فكيها يا ماما.
ياسمين: باءدب حاضر.
ابتسام: بقولك ايه، انا همشي… القعده مش عجباني.
ياسمين: ليه طيب؟
ابتسام: مش حساكي اللي حكالي عنها سيف، مختلفة عنك خالص.
ياسمين: عاوزه الصراحه؟ اصل البت ورده بت خالتي جالتلي ابجا عاجله عشان متاخديش عني فكره عفشه.
ابتسام: لاء، انا بقا عاوزه ياسمين المطرقعه المجنونه اللي ابني حبها.
ياسمين: مبلاش…
ابتسام: علي فكره انا كمان ف شبابي كنت مجنونه زيك. عشان كده شاكر حبني واتجوزني… لاءنه لقاني مختلفه عن كل البنات اللي عرفهم.
ياسمين: يعني اتصرف علي طبيعتي ومش هتزعلي مني؟
ابتسام: بالعكس ده انا هفرح اوي.
ياسمين: زي الفل.
وهنا ياءتي النادل بالقهوه والعصير… لتاءخذ ياسمين العصير وترتشف منه.
ياسمين: بصوت عالي العصير ده حمضان!
النادل: لاء يا افندم، ده لسه معصور حالا.
ياسمين: اولا انته كداب… عشان ده مش اوان المانجه! وكمان الجهوه من غير وش؟ هاتي كده يا حماتي… ايه يا اخويا؟ حد جالك أننا سواح؟ ولا عشان حماتي لابسه نضيف؟ بجولك ايه ده؟ اجفلكم الجهوه ديه؟
النادل: يا افندم ده كافيه حضرتك.
ياسمين: له بالعربي اسمها جهوه! متتكلمو لغوه بلدكم… لازم يعني الانجليزي "كافيه"؟ ومكافيهش خلص… هات غيرهم!
لتنظر ياسمين الي الترابيزه المقابله… لتجد فتاه وشاب يضحكون عليها.
ياسمين: بتضحكو علي ايه يا؟ حلو منك ليها.
فردوس: ايه ده بت؟
ياسمين: يا فردوس انتي سايبه الكوافير ودائره مع الشباب؟ طاب والله لاءجول لامك. وانته مين يا مسبسب؟ انته وحاططلي كيلو زيت علي شعرك!
فردوس: انتي مين؟ وبعدين ده خطيبي.
ياسمين: خطبك جن! انته خطيبها يا واد انته؟ وريني يدكم اشوف الدبله.
الشاب: وانتي مالك انتي؟ وبعدين انتي مين؟
ياسمين: وانته مالك يا بارد؟
لتقترب منها فردوس وتحاول صفعها، فتمسكها ياسمين من شعرها وترميها على الأرض وتجلس فوقها.
ياسمين: بجا انتي تضربيني يا فردوس؟ وحياه امك الفتانه ديه لاعرفك مجامك!
---
ابتسام: بكسوف يخربيتك يا ياسمين! فرّجتي الناس علينا.
ابتسام: خلاص يا حبيبتي عيب كده. قومي بقا… البنت هتموت تحتك.
ياسمين: مش هسيبها غير لما تعتذرلي الاول.
ابتسام: اعتذريلها يا بنتي وخلاص.
فردوس: انا اسفه… حقك عليا.
ياسمين: ايوه كده… عالم متجيش غير بالعين الحمرا.
ابتسام: ممكن نرجع ترابيزتنا بقا؟
ياسمين: طيب.
لتذهب ياسمين مع ابتسام.
ابتسام: ده انتي عباسيه خالص! الله يكون ف عونك يا ابني… ياريتني سيبتك تقعدي عاقله.
ياسمين: ماكنا عاجلين… وانتي جولتي خليكي علي طبيعتك.
ابتسام: بس مش تمرمطي البت كده وتفضحينا… فرّجتي الناس كلها علينا.
---
ياسمين: بجولك ايه؟ متفجعيش مرارتي… انتي عاوزه ايه بظبط؟
ابتسام: قولتلك قبل كده اسمها حضرتك… مش انتي.
وهنا يأتي النادل.
النادل: العصير حضرتك… شوفيه.
ياسمين: تتذوّق مش بطال… وبالنسبه للقهوه وش تقيل اهو.
ياسمين: طاب ياله… اتمشي افرنجي.
وبعد أن شربوا المشاريب…
ابتسام: بقولك ايه؟ تيجي نجري ومنحاسبش؟
ياسمين: بفرحه اه!
ليتركوا الكافيه وهما يجرون.
ياسمين: انا بردك اللي مجنونه؟ امال انتي تبجي ايه؟ اصبري اخد نفسي!
ابتسام: تضحك عليها انا كده اللي كسبت… وعملت مقلب فيكي! عشان انا كنت متفقه مع الجرسون علي العصير والقهوه… وحاسبتهم الدوبل غير البقشيش.
ياسمين: اه يا بت ال…
ابتسام: بنت! عيب… انا حماتك.
ياسمين: طاب والله لاءطلعه علي عين ابنك!
#سلوي_عوض
#المشاغبه_والظابط
بارت 15
ابتسام: عشان تعرفي انك مش بتاعه مقالب لوحدك.
ياسمين: اول مره حد يعمل فيا مجلب.
ابتسام: ومش اخر مره.
---
مرسي: في الصعيد يجلس في منزله مع زوجته رجاء وابنته نجلاء
شوقي: عاجبك عمايل بت اختك؟ اهو جوزها مراضيش يرجعها… الحل ايه؟
نجلاء: انا عاوزه اشوف عيالي… عيالي وحشوني.
وهنا يسمعو صوت طرق على الباب.
مرسي: ايه يا عواد؟ تعالي خش.
عواد: انا عرفت أن نجلاء اتلطجت وانا عاوز اتجوزها.
نجلاء: وانا موافجه… تعدي شهور العده ونتجوزو علي طول.
هنا يدخل ابن مرسي.
شوقي: أبا… عرفت اللي حصل! خالتي عزيزه جوزت ياسين ولدها لورده بت سنيه.
رجاء: يعني هيا ولدها يتجوز… وانا بتي تطلج ف جرايرهم؟
عواد: اتجوزها ازاي وهيا ملبوسه؟
نجلاء: الموضوع ده فيه ملعوب.
مرسي: وهتعملو ايه؟
رجاء: احنا لازم ناخدو بتارنا! مش كفايه جرسونا وفضحونا ف البلد؟ وبعدين ايه اللي كل شويه راحين مصر؟ اه… تلجاهم بيروحو يغيرو جو ويتفسحو… واحنا جاعدين هنا مجادرينش نطلعو من خشم الباب بعد اللي عملوه!
رجاء: وانته جاعد لا بتهش ولا بتنش زي خيبتها!
مرسي: ما انا روحت وزعجت معاهم.
شوقي: هو انته عرفت تاخد منهم حج ولا باطل؟
رجاء: طاب انته عرفت منين أنهم اتجوزو؟
شوقي: عرفت وخلاص.
رجاء: المهم انتو هتسكتو؟
عواد: بعد عده اختك انا هتحوزها… ونحطو يدنا ف يد بعضينا.
رجاء: هيا ياسمين الزفته السبب ف كل اللي جري.
عواد: ياسمين ديه؟ انا نفسي اجطعها بسناني.
---
ياسين: في القسم يجلس هو ووالده ينتظران سيف
سيف: انا اسف جدا والله… ما كنتش اعرف ان في اجتماع… سامحني يا عمي.
شحته: خلاص يا ولدي ولا يهمك.
ياسين: اطلبلنا قهوه.
سيف: حاضر… اتفضلو اقعدو.
ياسين: اجعد يا أبا.
سيف: انا قولت نتقابل هنا عشان نتكلم علي راحتنا… ومن غير اي مقدمات… انا معجب بالانسه ياسمين… وبطلب أيدها منك يا عمي.
شحته: يضحك ولا عاوز تاخد بتارك منها؟
سيف: تار ايه؟
شحته: خلي بالك… ياسمين مبتخبيش عليا اي حاجه.
---
سيف: ونعمه التربية.
شحته: اسمع يا ولدي… انا معنديش اغلي من عيالي… ويمكن ياسمين اكتر شويه. انا جلعتها… واه هيا بتتصرف بجنون… لكن من ناحيه الادب والاخلاج… بتي الحمدلله. هيا مخها طاجج… وياما جاها عرسان وكلهم اترفضو… كانت دائما تجوللي: نفسي يا أبا اعيش مغامره… مش عاوزه اتجوز جواز تجليدي.
شحته: انا اه راجل صعيدي… بس الدنيا اتجدمت غير الاول… عشان كده علمتها لغيت ما جالت كفايه… بس ياسمين بتي دكتوره… هيا كل مشكلتها المجالب اللي بتعملها.
سيف: وانا يا عمي اعجبت بيها عشان المقلب اللي عملته فيا… طول عمري نفسي اتجوز واحده زي ياسمين… انا مبحبش الحياه التقليديه.
ياسين: بس اسمع يا صاحبي… احنا ممكن نخسر بعض بسبب جنان اختي… اه انا بجولك من اولها… متاجيش تجوللي اختك عملتلي مشاكل… واختك تعبتني.
سيف: بعد اذن عمي… احنا لازم نخلي ياسمين تعقل شويه.
يغمز ياسين لسيف… فينتبه سيف.
---
ياسين: يبص لموبايل سيف
ياسين: يطلع موبايله ويكتب رسالة
سيف: ياخد موبايله ويقرا الرساله
محتوي الرساله:
"اوعي تجول جدام ابوي علي اتفاجنا… احسن يخرب بيتي. انته بس جوله إنك ف خلال كام شهر هتتجدم رسمي لياسمين… وكمان جوله ميجولش لياسمين اي حاجه."
سيف: ينظر لياسين نظره موافقه إنشاء الله يا عمي بعد كام شهر هجيب والدتي ونخطب الانسه ياسمين من حضرتك رسمي… وارجو أن الكلام يبقا مابينا احنا التلاته… حتي ياسمين مش لازم تعرف حاجه.
شحته: وجت ما ربنا يسهلك امورك… وتاجي تتجدم باءذن الله… وجتها هعرف بتي وامها.
سيف: انا اصلي عندي قضيه مهمه ولازم اكون مركز فيها.
شحته: يتذكر كلام ياسمين عن حنتيره ربنا يوفجك يا ولدي.
ياسين: مش ياله بينا يا أبا… نتوكل علي الله؟
شحته: حاضر ياولدي.
ليتركو سيف ويذهبو الي المنزل.
سيف: يتصل بياسين ممكن افهم خليتني اقول لوالدك كده ليه؟
ياسين: بجولك ايه… اسمع كلامي وانته تكسب.
سيف: خليني وراك… اما اشوف اخرتها.
---
ياسمين: تجلس مع ورده وتحكي لها اللي حصل
ورده: حله ولجت غطاها… يعني أمه مجنونه زيك.
ياسمين: المهم… عملتي ايه ف الجضيه؟
ورده: كتبت حتت مرافعه إنما ايه… وبعد كده رجعت كل حاجه مكانها.
ياسمين: جدعه… كده انا هخلي امك تشغل ياسين عشان ميلحجش يجرا المرافعه بتاعتك.
ورده: تعرفي انو كان كاتب مرافعه… بس مكانتش تمام… انا بجا عدلتها.
ياسمين: صوت ابويا برا… شكلهم جم… اروح اشوفهم عملو ايه مع ظابط جلبي.
ورده: طيب… متنسيش تخلي امي تشغل ياسين.
ياسمين: طاب… اندهي علي امك.
ورده: ليه؟
ياسمين: اندهي عليها وبس… عشان لو ياسين شافها واجفه معايا هيفهم.
ورده: كلامك صح.
أما يا اما سنيه جايه لتدخل عليهم.
سنيه: ايه يا بتي؟ في حاجه وجعاكي؟
ياسمين: له… بس عايزينك ف حاجه كده.
سنيه: انا ما صدجت أن محدش حس انك خرجتي… عاوزه ايه تاني؟
ياسمين: عاوزاكي تعملي نفسك تعبانه… سنانك وجعاكي… عشان ياسين ياخدك وتروحو للدكتور.
سنيه: ليه يعني؟
ياسمين: ما اهو اي وجع تاني هيجيبلك الدكتور هنا… لكن بتاع السنان مبيروحش البيوت.
سنيه: ايوه… اعمل نفسي عيانه ليه؟
ورده: عشان انا كتبت الدفاع بتاع الجضيه بتاعت ياسين… ومش عاوزينه يجراها… ولما يروح معاكي للدكتور… وتخلي خالتي تجوله تعالي نتمشو شويه… الوجت هيروح… وهيرجع ينام طوالي… ومش هيلحج يجراها.
ياسمين: ساعتها يبجا فرحان جوي… وكمان هيكتشف انها مش هيا المرافعه اللي هو كتبها… وانا هبجا اجوله أن ورده هيا اللي كتبت المرافعه… بعد كده ياخدها تشتغل معاه ف المكتب… ويروحو وياجو مع بعض… وهياخد عليها ويحبها.
سنيه: والله انتي بت ابالسه.
ياسمين: غلطانه انا يعني كله عشان بتك ولا عاجبك حالها كده
سنيه: له خلاص انتي صح
ياسمين: طاب روحي ياله وصرخي من سنانك
سنيه: طيب اديني رايحه اهو
لتخرج سنيه لتمثل أنها تتاءلم من أسنانها
عزيزه: سلامتك يا اختي مالك
سنيه: سناني يا اختي مجدراش
عزيزه: ياسين يا ولدي تعالي نودو خالتك للدكتور بتصرخ من سنانها
ياسين: طيب يا امي جاي اهو تعالي يا اختي البسي عشان نودوكي للدكتور
ياسمين: الخطه ماشيه تمام
وبعد أن خرجو في طريقهم لدكتور الاسنان تخرج ياسمين لتجلس مع والدها
ياسمين: امال انته كت فين مع اخوي يا أبا
شحته: ابدا يا بتي كنا ف مشوار
ياسمين: بخبث اصل في حد شافكم وانتو داخلين الجسم
شحته: اه اصل الظابط سيف صاحب اخوكي كان عاوز يتعرف عليا وجعدت معاه شويه واديني جيت
ياسمين: عليا انا يا حج
شحته: طاب اسمعي هو جال أنه عاوز يتجوزك بس بعد كام شهر هياجي يتجدملك وجاللي الصراحه معرفكيش حاجه لغيت مياجي عشان ف يده جضيه كبيره شكلها جضيه الراجل اللي نبهتيه يغباوتك
ياسمين: انا وعدتك اني هحل كل حاجه وبعدين كمان انتو لازم تسافرو يا أبا عشان تدو فرصه لياسين وورده ماهو طول ما انتو جاعدين وكاتمين علي نفسهم جوللي بجا هيحبو بعض أمته
شحته: خلاص بعد ميعاودو من عند الدكتور نتوكلو علي الله بس خلي بالك علي بت خالتك وعاوزك عاجله كفياكي مجالب وجنان فاهمه
ياسمين: حاضر بعد كده هتصرف بعجل
ياسمين: عن اذنك بجا اخش اطمن علي ورده وبعدين اخش انام شويه
شحته: نوم العوافي
لتتركه ياسمين وتذهب الي غرفه ورده
ياسمين: افرحي هيسافرو النهارده اخش انا بجا اشوف حالي
ورده: وانا هنام
ياسمين: احسن بردك عشان اخويا الاهبل ميحسش بحاجه
لتدخل ياسمين غرفه سيف لتاءخذ هاتفها لتجد ان ابتسام اتصلت عليها خمس مرات
ياسمين: حماتي العزيزه مش جادره علي بعدي
لتتصل عليها
ابتسام: انتي كنتي فين كل ده قلقتيني عليكي
ياسمين: كت بعمل مجلب ف ياسين اخوي
ابتسام: طاب قوللي عملتي ايه
لتقص عليها ياسمين كل ماحدث
ابتسام: وهيا تضحك يا خبر ابيض ده انتي كارثة من الكوارث
ياسمين: عاجبك عمايل ولدك جال لابويا أنه عاوز يتجوزني بس بعد كام شهر وجال لابويا ميعرفنيش ابنك غير رءيه ولا ايه
ابتسام: اصبري سيف بيتصل عليا
ياسمين: طاب متخليني اسمع المكالمه
ابتسام: وهعملها ازاي ديه
ياسمين: سهله تعملي مكالمه متجمعه
ابتسام: طاب انصحك متفكريش تاني انتي ناسيه أن ابني ظابط وهيفهم من صوت الكمفرانس
ياسمين: ياستي جوليله انك معاكي واحده صاحبتك ومعلجاها علي المكالمه
ابتسام: اصبري اهو بيرن
ياسمين: متردي عليه بجا
لتفتح ابتسام علي سيف
سيف: ايه برن عليكي انتظار
ابتسام: معلش يا حبيبي معايا صاحبتي علي المكالمه خير في ايه
سيف: انا قابلت والد ياسمين
ابتسام: وعملت ايه
سيف: مش فاهم ياسين وانا بتكلم مع والده بعتلي رساله اني اقول لوالده اني هخطبها بعد شهر وانه ميعرفش بنته
ابتسام: ليه طيب
سيف: مش عارف بس هو قاللي امشي ورايا وانته تكسب وبصراحه يا امي اصل ياسمين محتاجه تتربي شويه
ابتسام: مش انته اللي عاوز تتجوز واحده مجنونه
سيف: اه انا لو متجوزتش ياسمين مش هتجوز غيرها بس يعني هيا فظيعه ولازم تعقل شويه
ابتسام: هيا هتقابلنا أمته علي انها مامتها
سيف: هيا قالتلي هكلمك
ليضحك سيف
سيف: العبيطه لسه متعرفش اني كشفتها عاجباني اوي لعبه القط والفار ديه انا بقا اللي هعمل فيها المقلب اللي جاي
لتضحك ابتسام
ابتسام: ربنا يهدي
سيف: سلام انا بقا وكملي مع صاحبتك
ابتسام: سلام يا ابن المجنونه
ابتسام: سمعتي ياستي اخوكي هو السبب
ياسمين: بيردهالي ابن عزيزه
ابتسام: اكيد عملتي فيه حاجه
ياسمين: هجولك عملت فيه ايه
لتقص علي ابتسام كل ما فعلته مع أخيها
ابتسام: يا نهارك ابيض ده انتي طلعتي داهيه
ياسمين: بجولك ايه انا بجالي كتير معملتش مجالب ف حد
ابتسام: عارفه يابت يا ياسمين انا نفسي اعمل مقلب ف باكينام اخت جوزي وبنتها بصراحه اصلي مش بحبهم
ياسمين: عشان يعني
ابتسام: سوزي عاوزه تتجوز سيف
ياسمين: ديه حاجه لكن
ابتسام: هما شايفني اقل منهم بكتير لاءني انا من اسره متوسطه وازاي شاكر يحبني ويتجوزني غصب عن الكل عشان كده باكينام شايفاني متخلفه لكن قدام شاكر وسيف بتعاملني كويس اوي
ياسمين: اه يا ولاد الهو هو
ابتسام: بنت
ياسمين: ياسمين عاوزه تنتجمي منهم
ابتسام: ياريت
ياسمين: طاب اسمعي اللي هجولك عليه وتنفذيه وبعدها هيتوبو
لتقص ياسمين عليها ماسوف تفعله معهم
ابتسام: يا خبر انتي عاوزه تموتيهم
ياسمين: نفذي انتي بس
ابتسام: وجب يا معلمه الله
ياسمين: وهنتفج اتفاج
ابتسام: اتفاق ايه
ياسمين: اننا منعملش مجالب ف بعض نعمل ف الناس بس
ابتسام: تمام عارفه يا ياسمين انا نفسي اغمض وافتح الاقيكي مرات ابني وعايشه معانا هنا ف البيت الله ده هيبقا مستشفي مجانين
ياسمين: احلي حاجه الجنان وايه رءيك انا مش هااجي المجابله بتاعتك انتي وسيف
ابتسام: ليه بقا
ياسمين: مهو ده المجلب
ابتسام: بس كده سيف ممكن يتجنن ويجي البيت عندكم
ياسمين: له مش هيعرف عشان ياسين عنده الجضيه بتاعت بكره وبعد كده هو واخد اجازه يومين عشان عاوز ينتجم مني بس وحياه ابويا لاءعلمه الادب هو كمان
ابتسام: طاب ولما سيف يتصل عليكي؟
ياسمين: هخلي ورده ترد عليه وتجوله خالتي سافرت البلد
ابتسام: ولو اتصل علي ياسين؟
ياسمين: ديه بجا لعبتي انا
ابتسام: انتي لخبطتي مخي، سيف قال إنه مستني الميعاد منك
ياسمين: ما انا هكلمه واديله الميعاد وتروحي انتي معاه وتستني برده زيه ولما انا ما اجيش عمره مهيفتكر اننا نعرف بعض أو متفجين
ابتسام: برافو عليكي تخطيط عصابات
ياسمين: اي خدمه مش عاوز يربيني هنشوف مين فينا هيربي التاني أن مربيتك يا ابن ابتسام
ابتسام: بنت،
ياسمين: خلاص بجا خلي البساط احمدي وروجي كده المهم ياله روحي بجا عشان تنفذي المجلب ولا اجولك استني عاوزه اسالك سوال
ابتسام: خير
ياسمين: هو يعني جوزك لسه بيحبك؟
ابتسام: اكيد واكتر من الاول كمان وبنقعد نفتكر المقالب اللي كنت بعملها فيه زمان اصل هو كان ابن صاحب الشركه اللي ابويا شغال فيها وف يوم روحت اخد فلوس من والدي عشان اشتري كتب للجامعه وشاكر شافني وفضل يبصلي اوي وبعدين قاللي انتي مين انا اول مره اشوفك هنا فعملت نفسي بنت صاحب الشركه
ياسمين: ياخبر وبعدين؟
ابتسام: ديه كانت مشكله كبيره راح قال لوالدته أن باباه متجوز عليها ومخلف بنت كبيرة ومامته خربت الدنيا وعاوزه تطلق والراجل يحلف ويتقطع أنه مش متجوز وشاكر يقوله هيا قالتلي انها بنتك فوالدته راحت الشركه بعد كام ومن سوء حظي كنت برده ف الشركه وشاكر قالها اهيه بنت جوزك اهيه الست مسكت فيا كاءني حراميه ودخلتني المكتب علي حمايا والراجل يحلف أنه ميعرفنيش ولا عمره شافني والست تتخانق معاه وانا واقفه اضحك وبعدين ابويا خبط ودخل كان معاه ورق عاوز يمضيه لقيته بيقوللي ابتسام انتي ايه يا بنتي اللي دخلك عند سياده المدير حمايا قاله مين ديه ابويا قاله ديه ابتسام بنتي وحماتي مش مصدقه وبقت تقولهم انتو متفقين عليا راح بابا مطلع بطاقته وشد شنطتي وطلع منها البطاقه وكارنيه الكليه واخيرا الست صدقت
من وقتها بقا شاكر كان بيجيلي الكليه ويراقبني، وف مره شوفته وهو بيراقبني، وعملت نفسي مش واخده باللي بس قولت لامن الكليه، وشاكر يا حرام اخد علقه سخنه وبعدها صمم يتجوزني، وبيني وبينك لما كان بيضرب كان صعبان عليا اوي.
لتسمع ياسمين صوت أحد يتألم.
ياسمين:
هجفل معاكي اشوف في ايه برا وارجعلك تاني.
ابتسام:
خلاص روحي.
لتخرج ياسمين من غرفة سيف لتري خالتها تتألم.
سنيه:
اه يا خشمي… منك لله يابت اختي.
ياسمين:
هيا اختك مالها يا اما؟
عزيزه:
اصل دكتور السنان شالها ضرسين كانو مخرومين واداها حجنتين بنج وجلعهم.
سنيه:
انا والله مكان في حاجه وجعاني اروح للدكتور سليمه ارجع جالعه ضروسي.
ياسمين:
معلش يا سنسن… تعيشي وتاخدي غيرها، عشان تبجي تجوللي "سِمِن ديه" تاني؟
سنيه:
انا عاوزه اسافر البلد… مش هجعد هنا ولا دجيجه تاني.
شحته:
احنا فعلا لازم نسافرو عشان نشوفو مصالحنا.
اسماعيل: … وهتهملي بتك تعبانه؟
سنيه:
بتك معاها جوزها! وبعدين جعدتنا هتعمل ايه؟ انا هخش ألم حاجتي.
عزيزه:
خلاص كلنا نسافرو… وانتي يا بتي خلي بالك مع بت خالتك.
ياسمين:
ف عيوني يا اما.
ياسين:
طاب اقعدو لما الصبح يصبح… ده خلاص مفاضلش غير كام ساعه، وانا عندي قضيه بعد ما ارجع من المحكمه ابجو سافرو.
سنيه:
والله ما اجعد دجيجه.
وبالفعل كانو قد جهزو شنطهم.
شحته:
نشوف وشكم علي خير… خلي بالك من البنات.
وكان ياسين يثاءب.
ياسين:
حاضر يا أبا… انزل معاكم اوصلكم؟
عزيزه:
ده انته بتنام علي نفسك يا ولدي.
ليخرجو الي الاسانسير، ليلقي ياسين بجسده علي الاريكه. ليمر الوقت سريعا ليستيقظ ياسين ليجد الساعه العاشره.
ياسين:
يا خبر… الجضيه بتاعتي فاضل عليها ساعه! استر يارب… اغسل وشي واخد الملف وانزل جري.
وبعد أن ارتدي ياسين ملابسه اخذ ملف القضيه وذهب الي المحكمه.
حاجب المحكمة:
انته فين يا استاذ؟ ده لسه حضره القاضي ساءل علي القضيه بتاعت حضرتك… وكمان الأستاذ نعمان المحامي الكبير موجود جوه ف القاعه.
ياسين:
يا خبر! الأستاذ نعمان هنا بنفسه؟ استرها يارب.
ليدخل ياسين الي القاعه لتبدء مرافعته، فها هو ياسين يقرء من الملف ويترافع بطريقه أذهلت الجميع حتي القاضي نفسه نطق بحكم البراءه، بعد أن كان محكوم علي المتهم بالمؤبد.
لكن ياسين كان مذهولا.
ياسين:
ده مش كلامي ولا ده خطي! في حد لعب ف الملف… انا شاكك ف الزفته ياسمين… لاء بس ياسمين لا تعرف القانون ولا ثغراته… كده يبقا مافيش غير ورده.
وهنا يتقدم الاستاذ نعمان المحامي الكبير ليهنيء ياسين.
نعمان:
برافو عليك… مرافعه هايله… بالتوفيق دائما إنشاءالله.
ياسين:
شكرا لحضرتك يا استاذي.
وهنا يتقدم فاضل السكري اخو المتهم.
فاضل:
انا مش عارف اشكرك ازاي يا استاذ ياسين علي براءه اخويا… علي العموم ده شيك بمليون جنيه، وبره المحكمه في مفاجأة لحضرتك… ده غير لسه لما ناجي اخويا يخرج اكيد هيكافءك مكافاءه كبيره.
ياسين:
ليه كل ده حضرتك؟ انا معملتش غير الواجب يا افندم.
فاضل:
ياريت بكره بعد المغرب تعدي عليا ف الشركه… لاءني عاوزك ف أمر ضروري.
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق