رواية روح قلبي الحلقه الثالثه بقلم الكاتب محمد منصور حصريه وجديده على مدونة النجم المتوهج
رواية روح قلبي الحلقه الثالثه بقلم الكاتب محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وتخرج معه زينب من البالكونه وتتجه ناحيه الصاله وتنظر لمن تجلس علي الانتريه فتجد أميره تجلس وهي تضع رجل علي رجل وتنظر لها نظرة الانتصار فتتجه زينب ناحيتها بعصبيه شديده وتقول لحجازي
مالقتيش غير دي عشان تتجوزها
اميرة بنظرة الخبث
ايه ده يا حجازي هي دي مامتك
حجازي بدهشه
ايه ده بقي انتوا تعرفوا بعض ولا أيه
أميرة بخبث
اه. اعرفها دي الست اللي خليت البلديه تكسر عربيه البرتقال لي ابويا وتخلي يشتغل مع العمال يكنس ويلم زباله
فينظر حجازي الي زينب مصدوم فتقول زينب
كدابه في اصل وشها
اميرة
كدابه. يا شيخه حرام عليكي اشحال لو ماكنش الراجل ده اخوة جوزك وجوزك موصيكي عليه قبل ما يموت
فينظر حجازي الي والدته باستغراب اكتر ويقول
هو ده عمي. اللي ماكنتيش عايزاني اعرفه خالص
زينب باستنكار
وانت ايه اللي يخليك تعرف الاشكال دي
اميرة
ومالها الاشكال دي
حجازي غاضبا
ماما ماينفعش تتكلمي كده عن عمي
زينب
انت بتقول أيه ده بياع برتقال ازاي تقبل انه يبقي عمك دة انت من عيله الوحش
حجازي
وماله بياع البرتقال مش أحسن ما كان يبقي حرامي
زينب بانفعال
انا ماعرفش الكلام ده. والبت دي تخرج من شقتي حالا
فتنهض اميرة لكي تخرج فيتجه حجازي ناحيتها ويقف بجانبها ويمسك يدها ويقول لزينب
أميرة لو خرجت من هنا متهانه وبالطريقه دي انا هاخرج معها ومش هاتشوفيني تاني
زينب بحزن
عايز تسيبني وتمشي. بعد كل اللي عملته علشانك. ده انا من ساعه موت ابوك حرمت علي نفسي الرجاله عشان اربيك
حجازي
هي كلمه وملهاش تاني كرامه اميره وابوها اللي هو عمي من كرامتي واميرة هاتبقي مراتي
فتصدم زينب وتقول
انت يا حجازي تتجوز دي
وتنظر لي اميرة نظرة الضيق واميرة تنظر لها من فوق لتحت وتبتسم فتقول زينب
عرفت تضحك عليك بنت حمدان تلاقيها عامله ليك عمل
فتضحك اميرة وتقول لحجازي بدلع
انا لو اعرف ان دي امك ماكنتش ابدا خليت قلبي يحبك
زينب بعصبية شديدة
يا بت بطلي الكهن ده. بقي انتي ماتعرفيش أني امه
اميرة
اعرف منين بس هو انا عمري شوفت حجازي ابن عمي خالص
حجازي
خلاص كل الكلام ده مالهوش لزمه.
ثم ينظر لي زينب ويقول
وانتي يا ماما انا هاسيبك النهارده واروح ابات عند صاحبي موسي وبكره هارجع لك تكوني فكرتي واخترتي تحبي تحضري فرحنا ولا لا
ويتجه حجازي ناحيه باب الشقه واميره تنظر لزينب وتبتسم، ،،،
ونرجع بالاحداث لشهرين مضو واميرة تجلس مع صاحبتها ميار وميار كانت تعشق تاليف القصص وكانت ميار تكتب قصه واميرة تجلس بجانبها وتقول لها
انا غلطانه اني جيت لك اصلا
فتترك ميار القلم من أيدها وتنظر الي اميرة وتقول لها
ايه بس مالك
اميرة
بقالي ساعه بتكلم معاكي وانتي ماسكه القلم والورقه ومش ساله فيا
ميار
ما انتي عارفه اني لازم اخلص القصه دي عشان داخله بيها مسابقه الجمهوريه
اميرة
طيب يا ميار ربنا يوفقك. انا هامشي عايزة حاجه
وتقف اميرة لكي تنصرف فتمسكها ميار من يدها وتقول
ماتقعدي بقي انا خلاص خلصت كتابه وبعدين انتي عارفه اني بحب اخد رايك في اي قصه بكتبها
اميرة
وربنا انتي رايقه عماله اقول لك ابويا اشتغل في البلديه زبال عشان يصرف عليه وعلي تعليمي وهو صعبان عليه ونفسي اعمل اي حاجه عشان اريحه من التعب والشقي اللي هو في ده وانتي تقولي عايزه اعرف رايك في القصه
ميار وهي تتنهد
انتي مشكلتك دي حلها الوحيد انك تعملي زي نورا
اميرة باستغراب
نورا مين يا ختي
ميار
نورا بطله القصه بتاعتي الجديده اللي ظروفها زي ظروفك تقريبا
اميرة ساخرة
وعملت ايه. ست نورا
ميار
اتجوزت ابن مرات ابوها الغني جدا رغم ان مرات ابوها كانت بتكرها لكن نورا وقعته في حبها وخليته يصرف عليها هي وعيلتها
اميرة وعيونها بتلمع من كتر اعجابها بالفكره وبتبوس ميار في راسها وتقول
تسلم دماغك.
ميار
ايه عجبتك الفكره
اميرة
قوي ومافيش احلي من كده فكرة
ميار
بس بقي. المشكله بالنسبه ليكي فين هو الغني اللي ينفع يقوم بدور ابن مرات ابوكي
اميرة
موجود
ميار باستغراب
مين ده
اميرة
حجازي ابن زينب
ميار
حجازي ابن عمك. هو انتي تعرفي الا اسمه
اميرة بشر
نتعرف واهو بالمرة ارد القلم لزينب اللي كانت سبب في تكسير عربيه ابويا اللي كان بياكل منها عيش
ميار
اة. جيت لك علي الطبطاب. بس ده هاتوصلي لي ازاي
اميرة
انا هاتصرف المهم دلوقتي تشغلي خيالك كده وتكتبي كام مشهد يخليني اقرب منه وبسرعه واوقعه في حبي
ميار
بس كده من عينيه
اميرة ضاحكا
واهو بجوازي من حجازي ده. اعرف اكمل تعليمي واخد الشهادة بفلوس زينب واريح ابويا من الشغل بقي، ،،،،،،
وبعديها بكام ساعه راحت اميرة عند العمارة اللي ساكنه فيها زينب وبدات تسال عن حجازي لغايه ماعرفت شكله واتصدمت لما عرفت ان حجازي اللي علي طول بتشوفو في المنطقه مع موسي هو ابن عمها. وبدات تعرف كل تحركاته والنادي اللي بيلعب في كوره وبقيت تروح عند النادي وتستلف هدوم من ميار صاحبتها عشان تعجبه وميار تعرفها تعمل ايه وتقول ايه وتزود جرعه الاهتمام بي وتحضر كل ماتشاته وتستلف من ميار فلوس وتروح وراء حجازي في اي ملعب هو بيلعب في وفعلا وقعت حجازي في حبها وبدات تدخل حياته بكل قوه وتسمعه كلام حلو وحجازي بطيبه قلبه صدقها وسلم لها كل مفاتيح قلبه وكان كفايه اوي شهرين عشان تكون بالنسبه لحجازي نقطه ضعف.،،،
لغايه ماجه يوم وحجازي قاعد مع اميرة في كافيه وهو ماسك ايدها قال لها
اميرة عايز اتجوزك
اميرة
بسرعه كده
حجازي
انا ما بحبش اضيع وقت.
وقرب منها وبص في عينيها وقال
اللي بحسه وانا معاكي بيخليني عايش بتنفس هواكي
فضحكت اميرة وقالت
لا بلاش الحنيه دي انا مش قدك. وبعدين انت مستواك المادي اعلي مني. انا بنت عامل نظافه ازاي بس تتجوز واحده زيي
حجازي
اوعي تقولي كده تاني انا اتشرف بيكي وبوالدك في اي مكان وقصاد اي حد. اميرة انا بحبك ومستحيل احب غيرك لو ايه حصل
فتبتسم اميرة وتنظر الي قلب حجازي الذي اصبح في أيدها ورجع حجازي لزينب والدته وحكي ليها عن اميرة لغايه ما جه اليوم اللي خد اميرة وراح بيها لشقه والدته، ،،،،
ونرجع الي الوقت الحالي وحجازي بعد ماوصل اميرة الي الاوضه اللي هي ساكنه فيها دخل عشان يسلم علي عمه وكانت ميار موجوده ونظرت لحجازي مصدومه فميار اصلا تحب حجازي جدا من كتر كلام اهل المنطقه عنه وعن جدعتنه وياما حاولت ان تلفت نظرة ولكن بلافائدة واثناء حوار حجازي مع عمه بعد ماتعرفه علي بعض واخده عمه بالحضن. تميل ميار علي اميرة وتقول
هو حجازي طلع ابن عمك.
اميرة بصوت خافت
شوفتي المفاجاة وحلاوتها رايح جاي قدمنا ليل ونهار وماعرفش انه ابن عمي
ميار وهي تنظر له
حجازي ده جدع جدا والناس كلها بتحبه
فتضحك اميرة بخبث وتقول
حتي انتي.
فتنظر لها ميار مصدومه فتقول اميرة
بلاش تنكري كل ماكان بيعدي قدمنا كانت عينيكي هاتطلع عليه يا بت. انا عارفه انك بتحبي وهو بالنسبه ليكي نقطه ضعف
فتسكت ميار وهي بتبص لها مش عارفه ترد تقول ايه وكلامها كل صح. حبها لحجازي لايوصف لكنها بايدها خلته يحب صاحبتها ويحبها جدا. وتنظر له كمان مرة وهي كان هاين عليها تبكي وفي هذه اللحظه كان حجازي يقول لعمه
انا اسف علي كل اللي عملته فيك امي
حمدان
ويفيد بايه الاسف الله يسهل لها
حجازي
انا هاعوضك عن اي حاجه وهافتح لك محل فاكهه بدل العربيه اللي اتكسرت وهاجيب لك شقه احسن من الاوضه دي
حمدان
وايه لزمته يا ابن الغالي المصاريف دي كلها
حجازي
لزمته انك انت السبب في انك جيبت للدنيا احلي هديه بعدها ليا ربنا
وينظر حجازي الي اميرة وتنظر له ميار والي كميه الحب اللي في عيونه وتقول لنفسها
لا. ماينفعش انا اللي اسقي حبك في قلب واحده تانيه وبايدي خسرتك
وفي هذه اللحظه ينظر حمدان الي اميرة ثم ينظر الي حجازي ويقول
مش فاهم
حجازي
عمي انا عايز اتجوز اميرة
حمدان فرحا
هو انا هلاقي ليها راجل احسن منك. بس تفتكر امك هتوافق علي الجوازه دي
حجازي
انا اللي هاتجوز مش حد تاني. ولو ايه اللي حصل يستحيل اعيش من غير اميرة.
وينظر لي اميرة ويقول
عمي. اميرة بالنسبه لي مش حب وبس. دي الدنيا كلها
وتنزل دموع ميار اللي نفسها كانت تسمع الكلام ده منه. وفضلت تفكر وتفكر. تعمل ايه. لغايه ماقررت ان تضحي. بحبها بس في المقابل اميرة تحبه زي ما بيحبها والمهم انه يكون فرحان . وقام حجازي يمشي بعد ماخد موافقه عمه لانه كان عندة تمرين. فنظرت ميار الي اميرة وقالت بضيق
اميرة عايزاكي
فتخرج اميرة مع ميار ويقفوا في مدخل البيت وتقول ميار
حجازي بيحبك بجد بلاش تلعبي بقلبه
اميرة ضاحكا
ميار يا حبيبتي دي خطيبي وانا حرة في
ميار
اميرة انا مابهزرش. حجازي غير امه خالص وفعلا بيحبك وميستهالش منك الا كل الحب
اميرة
حب ايه بس الحب ضعف وانا ما احبش اكون ضعيفه قدام حد. انا جوازي من حجازي صفقه اخلي يصرف عليه لغايه ما اخد الشهادة وبعد كده هاخلي يطلقني وحلال عليكي
ميار
انتي بتقولي ايه. في واحده عاقله تفرض في واحد بيحبها كل الحب ده
اميرة
ميار. انتي مالك النهارده
ميار
لما بصيت له وشوفت كميه الحب اللي في عينيه ليكي صعب عليه قوي واستحقرت نفسي اني ساعدك في انك تلعبي علي بني ادم نظيف زي ده وتخلي يحبك لدرجه انه بيعترف قدمنا بحبة ليكي
اميرة
حبيبتي ده لو حجازي اخر واحد في الدنيا يستحيل احبه ده كفايه انه ابن زينب
ميار
ابنها اه. بس مش زيها
اميرة
بقول لك ايه انا عارفه ان الواد ملي عينك و قلبك
ميار بارتباك
مش كده. انا لما شوفت قد ايه بيحبك صعب عليه
اميرة
ميار يا حبيبتي اللي يصعب عليكي يفقرك
ميار
اميرة حرام تكسري قلبه ادي لنفسك فرصه تحبي وبلاش اللي يربطك بي المصلحه وانك تخلصي حسابك من زينب
هو ما يستاهلش يدفع تمن كرهك لي امه
اميرة
انا ما بحبش البني ادم الضعيف واللي بيكون قدامي زي العيل الصغير
ميار بعصبيه
حجازي مش عيل حجازي راجل تتمنا اي واحده وكونه انه بيخاف علي زعلك وديما بيتمني رضاكي مش معني كده انه ضعيف ده بيحبك قوي والحب مش ضعف
وفي هذة اللحظه ينزل موسي من الدور التاني وهو يصورهم فيديو بالموبيل بتاعه من فوقهم ويقول
الله عليكم. الصوت والصوره طالعين واضحين. حلاوة السامسونج بقي في كده
فينظروا له الاثنين والصدمه تشل تفكيرهم، ،،،،،،
خلصت حلقة النهاردة اللي يارب تكون عجبتكم. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق