رواية روح قلبي الحلقه الاولى بقلم الكاتب محمد منصور حصريه وجديده على مدونة النجم المتوهج
رواية روح قلبي الحلقه الاولى بقلم الكاتب محمد منصور حصريه وجديده على مدونة النجم المتوهج
للحب اشكال كتير فين اللي بيحب بعيونه وبس وفي اللي بيحب بالكلام وبس وفي اللي بيحب بالحركات وبس لكن يفضل احلي حب. الحب اللي يطلع من القلب ويوصل للقلب الحب اللي بيكون نقطة ضعف للي بيحب الحب اللي بيخليك تقول لحبيبتك انتي. روح قلبي ودي بقي حكايتنا الجديدة.
روح قلبي
من تاليفي.
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
موسي حامد الطيب طالب فاشل في رابعه حقوق بقاله 3 سنين واثناء دراسته كان بيسافر طابا وبيشتغل في فندق كبير هناك واتعرف علي سيده يهوديه من اصل عربي وأتجوزها وضحك عليها وسرق منها مبلغ 10 الف دولار من غير ماتعرف انه هو اللي سرقها ورجع لمنطقته ارض اللواء وغيرهم بالمصري وعاملو وقتها 100 الف جنيه مصري فاشتري محل وبدا يشغل فلوسه في شراءه اجهزة كهربية واخراجها لاهل منطقته بالتقسيط. وابوه الشيخ حامد راجل طيب وامام جامع ومش عاجبه حال ابنه اللي سافر ورجع بالمبلغ الكبير دة. وحاسس انها فلوس حرام وكان ديما بيدعي له بالصلاح واخته الصغيرة عبير. المخطوبه لي ابن خالها احمد وهو شاب مكافح وشغال شغلتين عشان يعرف يتجوز عبير. ،، وحجازي صاحب موسي و اللي بقاله 3 سنين في رابعه حقوق زي موسي ومابينجحش علشان بيحب الكوره جدا وبيكرهه كليه حقوق لكن رغم فشله في الدراسه لكنه ناجح جدا في حب الناس لي ومحبوب قوي من اهل المنطقه كلها و حجازي ده هو صاحب موسي الانتيم مع انه مختلف معه في طباع كتير وتقريبا حجازي بيكون ضد موسي ديما وفي مواقف كتير.
وحجازي شاب وسيم رياضي انيق أجمل مافي قلبه الطيب الصافي. ويعيش حجازي في عمارة من عمارات والدته في المهندسين اللي بينها وبين ارض اللواء شارع واحد وبيعيش مع حجازي والدتة وتدعي زينب الوحش امراة متسلطه صاحبه املاك ومحلات ومن ضمن هذه المحلات محل ملابس يقف امام منه عم حمدان اخوة جوزها المتوفي واللي زينب بتغير من بنته اميرة بسبب نجاحها وتفوقها والغريب ان اميرة تسمع عن ابن عمها وتعرف اسمه بس ولكنها ماتعرفش شكله وحجازي يسمع عن اميرة وعن عمه ولكنه لايعرفها ولا يعرف عمه. وعمره ماشافهم مع انهم من اهالي منطقه ارض اللواء. اللي ديما بينزلها. والسبب في كده زينب بعد موت جوزها اشرف اخو حمدان كان حجازي في سن صغير وكان في مدرسه دخلي وفي الاجازات كانت بتمنعه من نزول المنطقه الشعبيه علشان بتخاف عليه جدا. وماكنتش عايزا يختلط بالناس اللي في ارض اللواء المنطقه الشعبيه و لما كبر حجازي بدا ينزل للمنطقه من ورائها. المنطقه اللي كان بيحبها علشان هي دي المنطقه اللي اتربي فيها ابوة اشرف المحامي الجدع اللي مات في حادثه وزعل عليه ناس كتير جدا. ومع كتر نزول حجازي للمنطقه اتعرف علي موسي ودخلو كليه حقوق سوي ودارت الايام والاحداث الي ان وصلنا الي يوم بدات بعد منه احداث حكايتنا . ،،،،،،
في احدي الايام ومن داخل الشارع اللي ساكن فيه موسي يقف رجل في الستينات من عمره وهو من اهالي المنطقه وهذا الرجل يدعي عم رجب وعم رجب كان يستعد لزواج بنته ويقف في الشارع وسط بتوع الفراشه وكان عم رجب فرحان جدا وسعيد وكل اهالي المنطقه يباركون له وفجاة يدخل الي الشارع بوكس من القسم وينزل من البوكس 3 مخبرين وظابط ويقفوا وسط الشارع وكل الاهالي ينظروا لهم بخضه ويقول الظابط
فين رجب عبد التواب
فيتخض عم رجب ويقول
انا رجب عبد التواب
الظابط بحده
طيب يالا تعالي معانا
ويمسكوا المخبرين من يده ويسحبوا ناحيه البوكس وهو يقول
اروح فين بس ده فرح بنتي الليله
ويحاولو اهل المنطقه انقاذ عم رجب من يد المخبرين ولكن بلا فائده ويركبوا البوكس وبنته وزوجته ينزلو من شقتهم لكي يحاولو اقناع الظابط ان يتركه ولكن البوكس انطلق وبداخله عم رجب وهو ينظر الي زوجته وبنته بحزن شديد ،،،،،،،،
وبعدها بساعتين من داخل شقه موسي يدخل من باب الشقه والده الشيخ حامد وهو عصبي جدا وتقابله عبير بنته فيقول لها بحده
اخوكي لسه نايم
عبير
خير يا بابا مالك
ولكنه يتخطاها ويدخل الي حجرة موسي الذي كان لا يزال نائم مع ان الساعه تخطت الثانيه ظهرا ويهزه بعنف وهو يقول له
قوم كده وفوق لي
فيفتح موسي عيونه بالعافيه وينظر ناحيه حامد ويقول
خير يا بابا في أيه.
الشيخ حامد
انت ازاي يا عديم الدم والاخلاق تسلم للحكومه وصلات الامانه اللي علي عمك رجب
موسي بلامبالاه
يعني انت بتصحيني عشان كده
الشيخ حامد
ايه البرود اللي انت في ده. الراجل فرح بنته النهارده بدل ما تنزل تقول له مبروك وتقف معه. تحبسه
موسي
بقول لك ايه يا حج. انا ما بحبش حد يدخل في شغلي ده واحد واخد مني اجهزه كهربائية بالقسط وبقاله شهرين ما دفعش يبقي لازم اتصرف علشان ارجع حقي
الشيخ حامد بعصبيه
كسر حقك. يا اخي الراجل جه لغايه عندك واستسمحك تصبر عليه علشان مصاريف جواز بنته
موسي بحده
وانا قولت له لا. عايز فلوسي وده حقي. وماحدش يعرفني ازاي اخد حقي
الشيخ حامد بدهشه
حتي انا يا موسي.
موسي وهو بيقوم من علي سريره ويتجه ناحيه باب الاوضه. وينظر لوالده نظرة الجشع والجحود ويقول
حتي انت
ويغلق الباب خلف منه بمنتهي العنف ويترك الشيخ حامد وقلبه يعتصر من الحزن والاسي وتدخل بنته عبير وتجد الشيخ حامد يبكي فتاخذه في حضنها وتقول
حقك عليه انا
فينظر لها الشيخ حامد فتمسح له دموعه فيقول
سمعتي اخوكي قال ايه
عبير
سمعت. ادعي له ربنا يهدي
الشيخ حامد
بدعي له. يلين قلبه العاصي ويجعل له قلبه نقطه ضعفه
عبير
مش فاهمه يا بابا يعني ايه قلبه يبقي نقطه ضعفه
الشيخ حامد
يعني يسلط عليه قلبه . ويخلي الحب باب لرحمته بالناس قليله الحيله اللي بتلجا لي علشان ياخده منه جهاز بناتهم بالقسط وهو مابيرحمش. حوجتهم. اخوكي علشان ما بياخدش مقدمه منهم. بيحط 50 % علي كل الف
عبير
فعلا يا بابا وناس كتير بتشتكي من اسعارة علشان حرام بصراحه الجهاز ابو 3000 ج. يطلع من عنده قسط 4500
الشيخ حامد
ربنا ينتقم من الظالم اللي خلي الناس تلجا لواحد جاحد زي اخوكي
عبير
يارب. هون علي الغلابه
الشيخ حامد
لما الغلابه يهونه علي نفسيهم ويتقوا الله اللي زي موسي عمره ما يتحكم فيهم
عبير
طيب انا كده برضو مافهمتش يعني ايه يسلط عليه قلبه
فيضحك الشيخ حامد ويطبط علي كتف بنته بكل حب ويقول
الايام بس هي اللي هاتفهمك يعني ايه بني ادم ربنا يسلط عليه قلبه ويعيش، مكسور قدام نقطه ضعفه ، ،،،،،
ومن مدخل بيت موسي واثناء ماكان موسي ينزل علي السلم تدخل الي البيت. فايزة وهي امراه في اوائل الاربعينات من عمرها وجميله وترتدي عبايه سوداء مقطوعه وتدل علي حاله الفقر اللي بتعيش فيها وكان باين عليها الحزن لانها مرات عم رجب اللي موسي بلغ عنه فتقف امام موسي وتنظر له وموسي ينظر لها بشماته فتقول فايزة
انا جيت لغايه عندك زي ما انت كنت عايز
فينظر لها موسي من فوق لتحت ويقول
وبعدين
فايزة بحسره شديدة ودموعها تسبق حروف كلامها
خد اللي انت عايزة مني. وخرج لي رجب علشان ما ينفعش فرح بنته يكون النهارده وهو محبوس
وفي هذه اللحظه تقف خلف منها بنتها العروسه وتدعي كريمه وتنظر لها وتقول
ماما. انتي بتعملي ايه هنا
فتنظر فايزه الي بنتها بفزع شديد وتقول
انتي ايه اللي جابك ورايا امشي اطلعي علي فوق وجهزي نفسك علشان تروحي الكوافير بتاعك
كريمه
لا. مش ماشيه ومش عايزه اتجوز طالما جوازي هايكون علي حساب شرفك
فايزة بعصبيه
شرف ايه. انت عبيطه. انا هاتصرف في فلوس من واحده قريبتي وهحاسب موسي
كريمه وهي تنظر الي دموع فايزه اللي بتجري علي خدها
وتقول
واللي هيحاسب حد يعيط ليه
فايزه وهي تمسح عيونها
علشان صعبان عليه ابوكي
ثم تنظر فايزه في عيون بنتها وتقول
وخلاص بقي لازم تصدقيني.
كريمه
انا سمعاكي وانتي بتقولي خد اللي انت عايزه مني وخرج رجب
فايزه
هو انا عشان قولت كده تفكتري اني جايه ابيع نفسي
وتبكي فايزه وتاخذ بنتها في حضنها وتقول
لا يا حبيبتي. انا طول ما انا عايشه ماحدش هايلمسني غير ابوكي
كريمه بطيبه قلبها صدقت امها وقالت
طيب ياماما. وحقك عليه اني فهمت غلط
ثم تنظر كريمه الي موسي وتقول
علشان خاطر الجيره بلاش تخلي امي تعيط تاني
فايزة لبنتها بحزم
يالا روحي بقي وانا هاروح اجيب الفلوس وهحاسب موسي وجايه وراكي. علشان فرحك باذن الله يتم في ميعاده
فتمشي كريمه وهي فرحانه ان المشكله اتحلت وفرحها هايتم وينظر موسي الي فايزه وهو يضع ايده علي كتفها يقول
جدعه. كلفتي البت. احبك يا فايزه. اومال كنتي عامله فيها ستنا الطاهره ليه. لازم اقرص ودانك عشان تيجي
فتنظر له بغل وكرهه شديد وتقول
انا جيت لغايه عندك. وخلاص هتاخد اللي انت عايزه طلع لي جوزي علشان ماتكسرش فرحه بنتي وماتحرمش رجب من ليله زي دي
موسي
ماشي الكلام. يا نسوان ما تجيش الا بالدق علي دماغها
ويخرج الموبيل الخاص به ويتصل بظابط في القسم يعرفه وقال له وهو ينظر لفايزة
وليد باشا. خرج رجب علشان احلها معه ودي ولو ما تحلتش ابعت رجالتك تاني
وينهي المكالمه ويقترب من فايزه ويقول ببرود وهو يبتسم ابتسامه صفراء خبيثه
بذمتك قابلتي حد جدع وراجل زيي كده
فتنظر له وتقول
انت اخترت اكتر حاجتين مش فيك. لانت عمرك كنت جدع ولا عمرك هاتكون راجل
فبعد ما كان موسي بيبتسم توقف عن الابتسامه وقال لها
انا فعلا مش جدع. لكن انا راجل وارجل من جوزك وهاتشوفي بعينك . ودلوقتي بعد ساعه تروحي علي المحل بتاعي اللي في اخر الشارع وتطلعي علي فوق الدور التاني وانا جاي وراكي عشان نتحاسب ،،،،،،
وبعدها بساعه ينزل الشيخ حامد الي الشارع ومعه حجازي الذي حكي له ما حصل من موسي ابنه. مع عم رجب ومعه. وينزلو الشارع لانهم سمعوا صوت عم رجب والناس فرحانه بخروجه من القسم وكلهم حوالين منه يباركلو له فيقف الشيخ حامد امام عم رجب اللي كان ياخذ بنته كريمه في حضنه ويقول له
الحمد لله علي خروجك بالسلامه أنت مش عارف انا كنت زعلان قد ايه علي اللي عمله موسي معاك
عم رجب
ما هو زي ما بلغ عني هو برضو اللي اتصل وخلاهم يخرجوني. العسكري قال لي كده. باين عليك يا شيخ قدرت تقنعه يصبر عليه شويه انا مش عارف اشكرك ازاي
فيتعجب الشيخ حامد مما يسمعه وينظر الي حجازي ويميل عليه ويقول باستغراب
موسي ابني هو اللي خرجه ده عمره مايعملها
حجازي
لا يعملها. بس لو خد حقه حاجه تانيه غير الفلوس
ثم سمع عم رجب وهو يسال بنته كريمه علي مراته فايزه فتقول كريمه
هي قالت لي انها هاتروح تتصرف في فلوس من واحده قريبتها علشان تخرجك من القسم
عم رجب بدهشه
واحده قريبتها مين دي. ده كل قرايب فايزه في البلد وملهاش حد هنا غيري
فيشعر حجازي و الشيخ حامد بشي مريب بسبب اختفاء فايزه وانها بتتصرف في فلوس ونظر حجازي ناحيه اخر الشارع وبالتحديد ناحيه العماره اللي فيها محل موسي
وقال حجازي للشيخ حامد
شامم ريحه وسخه
الشيخ حامد
وانا كمان
حجازي
طيب خليك هنا يا شيخ وانا رايح اشوف الريحه الوسخه دي جايه منين
واتجه حجازي ناحيه العمارة وهو بيقول لنفسه
يارب اكون غلطان في اللي بفكر في
ويرفع باب المحل بمنتهي العنف ويصعد الي الدور التاني في المحل الذي كان عباره عن شقه من اوضه وصاله وحمام. ويخبط حجازي علي باب الشقه بغل شديد
ففتح موسي الباب وقال
حجازي بتعمل ايه هنا
ولكن حجازي يدفعه بعيد عنه عندما يري اشارب حريمي وهو اشارب فايزه وموسي يجري ناحيه منه ويقول
في ايه طيب قولي
ولكن حجازي يدفعه بعيد عنه بمنتهي العنف ويفتح باب حجره النوم فيجد فايزه علي السرير شبه عاريه فتستر نفسها بملايه السرير وتصدم ويغضب حجازي جدا ويضربه بالقلم بمنتهي العنف و يقول
هي حصلت تستغل ظروف الناس الغلابه للدرجه دي.
فينظر له موسي وهو يدفعه في صدره ويقول
انت اتجننت بتمد ايدك عليه وبعدين انت مالك انت. هي كانت من بقيت اهلك. وبعدين ماغصبتش عليها علشان تيجي لغايه هنا. هي اللي طلبت مني اني اخد اللي عايزه منه في مقابل اني ماخدش باقي الاقساط من جوزها
فينظر حجازي لفايزه التي تبكي بحرقه وتهز راسها نافيه لكلام موسي فيقول حجازي
عارف انه واطي وكداب وخسيس. المهم لمسك
فتهز فايزه راسها بالنفي مرة اخري وهي تقول
لا. مالحقش انا لسه جايه حالا
حجازي
طيب قومي استري نفسك وانزلي لجوزك عشان بيسأل عليكي. وانا هاتصرف معه
فيغلق حجازي الباب عليها لكي ترتدي ملابسها وينظر لي موسي ويقول له
بقيت وصلات الامانه اللي واخدها علي عم رجب تتقطع حالا.
فينظر له موسي ويقول
بقول لك ايه. احنا اصحاب اه وزي الاخوات. انما مابحبش حد يقول لي اعمل ايه وبالذات في شغلي
فيتجه حجازي ناحيته ويلف يده حول رقبته ويخنقه ويرفعه لفوق وهو يقول
وعهد الله لو وصلات الامانه اللي علي رجب ماتقطعتش انا هاقتلك بايدي يا نجس وهانسي انك صاحبي
فيختنق موسي ويقول بصعوبه
خلاص خلاص. هاموت. سيب رقبتي وانا هاقطعهم بس سيب رقبتي.
فيتركه حجازي فيتنفس موسي ويذهب ناحيه الجاكت المعلق علي شماعه ويخرج وصلات الامانه بتاعت رجب ويقطعها وهو غاضب جدا مما فعله به حجازي ويقول موسي
طيب وبقيت حقي
حجازي
فلوس عم رجب عندي
وتخرج فايزه من حجرة النوم بعد ان ارتدت عبايتها وقالت حجازي
والله يا حجازي انا جيت هنا غصب عني أن،،،،،
فيقاطعها حجازي قائلا
فايزه. مهما حصل ما كنش ينفع تقبلي انك تبيعي نفسك لاي خسيس. اوعي ترخصي نفسك تاني
فتحط فايزة عينيها في الارض وهي بتعيط بحرقة وتقول
انا كنت عايزا فرحت بنتي تكمل وجوزي ما يبتش في الحجز
حجازي
من حقك تحاربي علشان بنتك وجوزك. بس بعيد عن جسمك
فايزة وهي لسة بتعيط
انا اعمل بس انا ست بسيطة وما بفكرش زيكم انتم يا متعلمين
حجازي
خلاص اللي حصل حصل. ووصلات الامانه اللي علي جوزك خلاص اتقطعت انزلي وخليكي جنب جوزك وافرحي ببنتك وانسي اللي كان عايز يعمله فيكي الحيوان ده. وانا بقي ليا كلام تاني معه
فايزة وهي ترتدي الاشارب بتاعها
طيب ورجب جوزي هايعرف باللي حصل
حجازي
انتي ماجيتيش هنا وماحدش شافك
فايزه وهي تبكي فرحا وتحاول ان تبوس يد حجازي
الهي يستر عرضك زي ماسترت عرضي
وينظر الي موسي وموسي ينظر له غاضبا ويقول لنفسه
وحياة امك زينب لدفعك تمن القلم ده غالي قوي، ،،،،،،،،
ومن ارض اللواء وبالتحديد من تحت الكوبري ومن امام محل ملابس الخاص بي زينب الوحش يقف عم حمدان رجل صعيدي بسيط بائع علي عربيه برتقال وباين عليه الشقاء والعذاب وتقترب منة اميرة فتاة في مقتبل عمرها. وجميله جدا وعيونها العسلي لون يسحر العقل ورغم انها محجبه الا ان خصله شعرها الاسود الناعم اللي باينه من تحت الحجاب اضافت لي جمالها سحر خاص و بشرتها البيضاء الجميله تخطف عين وقلب كل من يراها وكانت اميرة سعيده جدا ووقفت امام عم حمدان وقالت
بابا. انا نجحت
فيفرح عم حمدان بشده وياخذها في حضنه وهو في منتهي السعاده ويقول
الف الف. مبروك يا اميرة
ويبكي من الفرح فتمسح دموعه بيدها وتقول
ليه بس كده. دلوقتي
عم حمدان
مش مصدق ان اميرة بنتي كبرت وهاتخش الكليه خلاص
اميرة
هو انت مستقل ببنتك ولا أيه. ده انا ان شاء الله هاكون محاميه قد الدنيا
عم حمدان
يارب اعيش لغايه ماشوفك محاميه. زي عمك اشرف الله يرحمه
ثم ترتسم علي ملامح وجه الحزن ويقول
كان نفسي اسقي المنطقه كلها حاجه ساقعه لكن. مش معايا فلوس تكفي
اميرة وهي تبوس يدة
ان شاء الله. هاخد الشهاده الكبيرة وهاعوضك عن كل ده.
واثناء حوار اميرة مع والدها حمدان تجلس زينب الوحش علي باب محل الملابس اللي قدامه تقف عربيه البرتقال وسبحان الله رغم ثراها الفاحش الا انها دائما تنظر لحمدان وبنته بمنتهي الحسد رغم فقرهم الشديد ولكنها مستكتره تفوق اميرة في التعليم علي ابنها الوحيد والمدلل والمحبب الي قلبها حجازي. وتنظر زينب لعم حمدان وبنته بغل شديد وتقول لنفسها
بقي بنت بياع البرتقال تنجح وحجازي ابني لا. حاجه تفقع المراره
وتظل تنظر عليهم وهم في منتهي السعاده وبتضحك اميرة ووالدها بيضحك فتنهض من مجلسها وتقول بغضب
ماخلاص بقي. هو كان حصل ايه عشان الضحك والهزار ده كله.
فينظر حمدان لها وتنظر لها اميرة التي كانت تكرها لانها عارفه انها بتغل وبتحقد عليهم ويقول حمدان
بنتي نجحت بلاش افرح بيها
زينب
يا خويا بلا وكسه. بس هي تكمل الاول وتاخد الشهاده الكبيره وبعد كده اعملها الزيطه اللي انت عملها دي
اميرة بتحدي
ان شاء الله هاخدها
زينب
وهتاخديها أزاي. هو ابوكي عارف ياكلك لما يعرف يصرف عليكي في كليه
اميرة وقد حرقتها الكلمه ولكنها مسكت نفسيها وقالت
ابويا بياكلني احسن اكل وهايصرف عليه لغايه ماخد الشهاده. الدور والباقي علي ابنك اللي بقي في سن جدي ومش عارف ياخد الشهاده لغايه دلوقتي
فيبتسم حمدان سعيد ببنته ولكنه يقول
عيب يا اميرة. ويالا روحي وفرحي امك
فتنظر لها زينب وهي تغلي من جوه لان كلمت اميرة حرقتها ورجعت الي محل الملابس بتاعها وهي قلبها قايد نار وباست اميرة راس ابوها وبصيت لمرات عمها زينب نظرة كيد وزينب تنظر لها وتقول لنفسها
ماشي يا بنت بياع البرتقال وحياة اللي جابوكي لكسر فرحتك. ومناخيرك دي هاجيبها الارض
وتخرج موبيلها وتتصل بشخص من معارفها في الحي وتقول
عايزاك حالا تيجي بحمله من الحي وتنظف الشارع من الوساخه اللي في. وخصوصا بتاع البرتقال. اللي قدام المحل بتاعي
وتغلق موبيلها وتنظر لعم حمدان وتقول
لما اشوف بقي انا ولا انتي، ،،،،،،،
خلصت حلقة النهاردة اللي يارب تكون عجبتكم. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق