رواية زواج علي ورق الفصل الاول بقلمMarità حصريه وجديده على مدونة النجم المتوهج
 |
رواية زواج علي ورق الفصل الاول بقلمMarità حصريه وجديده على مدونة النجم المتوهج
فارس و لانا اخوات عايشين مع ستون لإنو أهلون توفو من هني زغار فارس شب وسيم بعمر ال23سنة طايش شوي و عينو زايغة و بضل يبصبص ع الصبايا كتير بس مع هيك هوي شخص مسؤول و هوي اللي بيصرف ع اختو و ستو
لانا هيي اخت فارس الصغيرة بنت حلوة بشرتا حنطية و شعرا بني فاتح متوسط الطول عمرا 19سنة و بتدرس بالجامعة و هيي طيوبة و قلبا حنون كتير
******************************************************
فارس: يلا لانا سنتين لتجهزي
لانا: يلا يلا جاية
لانا : ستي أنا رايحة ع الجامعة بدك شي
الجدة: لا بنتي سلامتك ديري بالك ع حالك
طلعت لانا و فارس ع السيارة و مشي فارس
ليوصل لانا ع الجامعة
-لانا نازلة من السيارة
لانا: فارس روح عشغلك بسرعة مالك شغل هون ههه
فارس: ههه انتي ما دخلك
لانا: صحي ازكرت
فارس : شو ازكرتي ست لانا
لانا: في بنت بتدرس معي باينتا حاببتك
فارس: و انتي كيف عرفتي إنّا بتحبني
لانا: مبين لإنو البنت ما كانت بتحكي معي كتير يعني علاقتنا كانت سطحية بس من يوم ما دريت إنك أخي ما عاد تركتني و صارت تتقرب مني و كتير بتسألني عنك و هيك
فارس: يعني هيي ما قالتلك إنّا بتحبني هدول مجرد توقعات بس هههه
لانا : بس أنا متأكدة انا بتحبك إلتلك من وقت عرفت انك أخي صارت متل خيالي هههه شو أنا غبية حتى ما افهما
فارس: اي غبية و أغبى وحدة بالدني كمان ههه
لانا: ههه طالعة لأخي
فارس: اخرسي هههه
لانا: هههه حكيت شي غلط
فارس: صحي و هيي شلون
دريت اني أخوكي شافتني و أنا عم وصلك يعني
لانا: لا ههه دريت من الصبايا ما انت آخدلون عقلون و هني آلولا انو هاد أخوها للانا
فارس: يعني انتي مكتسبة شعبية بسببي
لانا: مو لهل الدرجة ولو بضلك فارس بس مو واحد من المشاهير ههه
فارس: طيب و حلوة رفيقتك هي
لانا: أنو رفيقة
فارس: اللي قلتي عنا أنَّا بتحبني
لانا: لا هي مو رفيقتي لإنو عم تتقرب مني لمصلحتا
فارس: أي مصلحة
لانا: مصلحتا إنَّا توصلك
فارس: هههه هلأ أنا صرت مصلحة
لانا: ههههههه
فارس: اي اليلي هيي حلوة و لا لاء
لانا: هههه ليكو عم يسألني عن جمالا حتى قبل ما يسألني شو اسما
فارس: هههه لإنو هاد أهم شي
لانا: ههه
اجت بنت من بعيد و عم تنادي لانا لانا
لانا : أهلين هلا
*و غمزت لانا فارس ليفهم انو هي هيي البنت
فارس اطلع ب هلا من فوق لتحت و قال بقلبو
فارس: ففف كتير عادية ما فيا شي مميز
هلا : لانا حبيبتي خلينا نروح ع الجامعة رح نتأخر
لانا: أوكي
هلا : صحي هاد أخوكي
لانا كتمت ضحكتا و قالت بقلبا ع أساس ما بتعرفي
لانا: فارس هي بتكون هلا هلا هاد فارس أخي
فارس (من غير نفس): تشرفنا
هلا : الشرف الي
و مدت ايدا و صافحتو
بعد شوي راح فارس و هلا كانت ميتة فرحة لإنو حكت معو بس هوي ما كان شايلا من أرضا
فاتو ع الجامعة و لانا راحت لعند بنت تانية و تركت هلا
لانا: صباحو يا قمر
مايا(بالإبتسامة دافية): صباح الخير لانا كيفك
لانا: منيحة و انتي
مايا: ماشي الحال
*ملاحظة* : مايا بتدرس مع لانا بنت لطيفة كتير و بسيطة و حلوة و جذابة كتير بشرتا بيضا و شعراطويل و أسود متل سواد الليل و عيونا زرق داكنين و جسما ممشوق عمرا 19 سنة ساكنة ببيت عما بعد وفاة امّا و ابوها و أخوها من سنوات.
لانا: بس يا مايا مبين انك مهمومة و مانك منيحة بالمرة إليلي شبكي
مايا: خلص حبيبتي و لا يهمك لا تشغلي بالك بقصصي ل مالا طعمة
لانا: لاء شو ما اشغل بالي احكيلي
مايا: و الله ما بعرف شو بدي إلك
لانا : رجعت مرت عمك لعادتا شي
مايا: اي
لانا: بدا تجوزك يعني
مايا: اي بتعرفي كل مرة يجي يتقدملي حدا بتحب تجبرني لإجوزو بدا تخلص مني
لانا: طيب و ه العريس منيح
مايا: ما بعرف و لا بدي أعرف أنا كل خوفي انو عمي ما يوقف بصفي ه المرة و يقبل يجوزني فيه
لانا: لاء ما بظن لإنو قلتيلي هديك المرة انو آل انو هي بنت أخي أمانة و ما بفرط فيها و ما بجبرا ع شي
مايا: بس هلأ مو متل قبل لإنو أوضاع عمي المادية سائت كتير و بجوز ما عاد يقدر يصرف عليي
لانا: خلص لا تخافي كلشي الو حل و بجوز يكون الشب منيح و يعجبك
مايا: حتى لو منيح ما بدي ياع
لانا: ليش بقا !!
مايا: لإنو سمعت انو شرطو اني بطل دراسة و أنا مستحيل أعمل هيك
لانا: بس مع هيك نيالك يعني كتير شباب عم يتقدمولك يعني تقريبا ٧ شباب لهلأ
مايا: ههه ريتون يجوكي انتي و يحلو عني
لانا: ههه انشاءالله
*بالليل*
قاعدة لانا عم تتعشا مع ستا حتى فات فارس ع البيت
فارس: مساء الخير
الجدة و لانا : مساء النور
فارس: ستي تفضلي هدول شوية مصاري كرمال مصروف البيت
الجدة: تسلم يا ابني طيب أعود لتتعشى لانا اومي اسكبي لأخوكي شوية شوربة
فارس: لا لانا اعدي ما بدي اتعشا طالع لبرا
الجدة : لوين
فارس طلع و طبش الباب
الجدة : لانا لوين عم بروح هاد
لانا: و الله ما بعرف
الجدة: و الله ه الولد طالع منزوع
لانا: ههه
الجدة: المهم الله يهديه
لانا: امين
*ببيت عم مايا*
وهيبة(مرت عم مايا): مايا ماياااا
طلعت مايا من الأوضة
مايا : آسفة ما سمعتك بالأول لإنو كنت مركزة بالدراسة
وهيبة: لك يلعن ه الدراسة يلي صرتي مطفشة بسببا شي ٧ عرسان
مايا: ......
وهيبة : المهم عمك عم يندهلك هوي بالصالون
مايا : اي حاضر جاية
.بالصالون.
مايا: عمي آل بدك تحكيني
فؤاد(عم مايا): ليكي يا بنتي انتي بنت المرحوم و انتي أمانة برقبتي لهيك طول ما أنا عايش ما رح خلي شي يزعجك و ما رح اجبرك عشي ما بدك ياه
مايا: تسلم يا أحلى عم بالدني
فؤاد: لهيك اليلي انتي موافقة ع هاد اللي جاي يخطبك و لا لاء
مايا: الصراحة لاء
وهيبة: لإنك وحدة ما بتعرف مصلحتا
فؤاد: وهيبة انتي شو دخلك ليش هوي طلبك انتي و لا هيي !!!
وهيبة: هيي
مايا: لكن تصبحو ع خير رايحة نام
فؤاد: و انتي من أهلو
فؤاد: يلا وهيبة قومي خلينا نروح نام
وهيبة : اي جايي
*بعد مرور أيام*
كانت الساعة ٨ الصبح وقت رن تلفون لانا و كان فارس ما إلو كتير من لما نام لإنو كان سهران برا
فارس: لاناااا لانا لانااا
لاناعم تفرك عيونا اييي شو بدك اليوم جمعة خليني نام ففف
فارس: لك انتي اللي خليني نام
لانا: ليش شو عملتلك اجيت فيقتك شيي !!
فارس: اي هاد تلفونك عم يرن ما خلا حدا نام اومي ردي
لانا: تلفوني هات لشوف !!
فارس: تفضلي ليكو
لانا: ففف هي هلا شو بدا مني من على بكرة الصبح
فارس: اي ردي
لانا: اي ألو هلا أهلين ...شو شو عم تحكي.... عنجد ففف... الله أكبر ...يلا بعدين بحكيكي ..
فارس: شو فييي شو صاير
صفنت لانا شوي
لانا: هوي......
يتبع.
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق