رواية روح قلبي الحلقه الرابعه بقلم محمد منصور حصريه وجديده على مدونة النجم المتوهج
رواية روح قلبي الحلقه الرابعه بقلم محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وفي هذة اللحظه ينزل موسي من الدور التاني في البيت وهو يصورهم فيديو بالموبيل بتاعه من فوقهم ويقول
الله عليكم. الصوت والصوره طالعين واضحين. حلاوة السامسونج بقي في كده
فينظروا له الاثنين والصدمه تشل تفكيرهم وتقول اميرة
انت بتعمل ايه هنا يا موسي
موسي وهو يلف حوالين منها وينظر لها باعجاب شديد.
كنت جاي اخد قسط متاخر من جارتكم لكن الحمد لله ان ربنا بعتني في الوقت ده عشان انقذ صاحبي وحبيبي واخويا حجازي من ايدك انتي وصحابتك السو دي
ميار بغضب
احترم نفسك انا مسمح لكش
موسي باستفزاز
انتي مين علشان تسمحي ولا ماتسمحيش انتي واطيه زيك زي صاحبتك
اميرة بنرفزه
انت قليل الادب ومش متربي
موسي
علي صوتك كمان ونخلي الناس تتلم واحكي لهم بقي. وافرجهم علي الفيديو وحجازي يجي ويشوف ويسمع وساعتها مين اللي هايطلع خسران انتي يا قموره
فتنظر اميرة الي ميار وتقول اميرة بهدوء
انت عايز ايه بالظبط
موسي وهو ينظر لي اميرة ويعطي طهره لميار
ايوة كده احبك وانتي صوتك واطي زي اخلاقك
اميرة وهي تتمالك اعصابها بالعافيه
طيب بلاش تغلط وقول عايز ايه
موسي
انا راجل تاجر احب ابيع واشتري
اميرة
مش فاهمه
موسي
انا اشتريت منك كلامك اللي قولتي علي صاحبي وهابيع ليكي سكوتي
اميرة
بكام
موسي
بكسرة عين حجازي قدامي. و فلوسه
اميرة
مع اني مش فاهمه ولا عارفه اللي انت عايزة ده هاعمله ازاي. بس موافقه
ميار باعتراض
موافقه علي ايه. هو ايه حجازي بالنسبه ليكي بيعه وشروه
اميرة
ميار اي حاجه تحصل بس جوازي من حجازي يتم واكيد انا هاطلع بقرشين حلوين من وراء حجازي
موسي وهو ينظر لميار
وانتي مالك شايله هامه ليه كده. حجازي عنده كتير لو خدت نص اللي عنده. او اكتر مش هايموت من الجوع وهو باين عليه دايب في صاحبتك يعني ممكن تسحب منه كل اللي هي عايزا وساعتها بقي اكبر تجارتي وافتح معرض كبير للاجهزة الكهربائيه
ميار
انت مريض. ازاي عايز تعمل كده. ده صاحبك اللي انت بتقول عليه زي اخوك وليل ونهار مع بعض
موسي
وفيها ايه طيب لما اتاجر في اخويا المهم المكسب يكون يستاهل وبعدين انا مصاحب حجازي ليه ما هو عشان فلوسه واللي حاولت كتير اسحبها منه وادخله شريك معايا لكنه واعي وناصح وديما يرفض
ميار
طيب عايز تسرقه وفهمتها ليه كمان عايز تكسر عينه وتكسر عينه ليه
موسي
ده حوار بقي انتي مالكيش في. وبعدين مالك كده قلبك واكلك عليه
اميرة
سيبك منها اصلها بتحبه
موسي
حب ايه بس ده انتوا لسه عيال صغيرة تعرفوا ايه عن الحب انتوا
ميار
الحب مش بالسن. انا اهو اصغر منك وبالنسبه ليك عيله لكن بعرف احب واصون اللي بحبه
وتنظر الي اميرة وتقول بحرقه
وانتي بقي طالما شايفه اني بحب حجازي فانا هاريحك اه. انا بحبه ومش هاخلي حد منكم يقرب منه وزي ما انتي بقيتي لحجازي نقطه ضعفه فحجازي بالنسبه ليا نقطه ضعفي، ،،،
وتخرج ميار الموبيل الخاص بيها من شنطتها وهي تقول
مع انه موبيل صيني لكن صوتكم طالع واضح في التسجيل
وتشغل ميار الموبيل بتاعها الذي كان يسجل كل ما يقال من حوار بينهم هما الثلاثه فينظرا لها موسي واميرة. وتقول ميار
مش انت بس اللي ذكي. انا كمان استغليت انك مديني طهري فتحت الموبيل وسجلت. اشوف وشكم بخير. ولا اللي زيكم مش وش خير
وتتركهم وتنصرف وموسي ينظر لها بضيق شديد وينظر لي أميرة ويقول بلغه التهديد
وعهد الله لو حجازي عرف حاجه من الحوار اللي دار بينا لزعلك انتي وصاحبتك وعيلتك كلها
فتنظر له أميرة بدلع لكي تتقي شرة وتقول
حاضر هاقول لها بس روق انت
فينظر موسي الي عيونها العسلي وخصله شعرها الحرير اللي اصابت قلبه بلسعه الحب ويقول بارتباك
انا ماشي.
ويتركها موسي وينصرف وهو ينظر ناحيتها وهي تنظر له،
،،،وبعد هذا الحوار بساعه تقف سيارة زينب امام باب اوضه عم حمدان وتنزل زينب من العربيه وتخبط علي الباب بعصبيه شديده فتفتح ساميه الباب مخضوضه فتنظر لها زينب وتقول
فين جوزك
ساميه
طيب قولي سلالموا عليكم الاول يا زينب
زينب
مافيش بيني وبينكم سلام فين جوزك
فيقف عم حمدان خلف زوجته ويقول
انا هنا يا زينب. خير
فتبعد زينب ساميه عن طريقها وتقف امام حمدان وتنظر الي اميرة التي كانت تاكل فول وتنظر لزينب ببرود من تحت لتحت فتقول زينب
خلي بنتك تبعد عن سكه ابني احسن ليك وليها
حمدان
حجازي هو اللي جه لغايه هنا وطلب ايد بنتي يعني ماحدش غصبه
زينب
بنتك التعبانه هي اللي لفت حوالين ابني لغايه ماضحكت عليه وخلته يحبها
حمدان بعصبيه
بنتي اميرة. ماتعملش كده انتي كدابه
زينب
انا مش كدابه يا حمدان ولو مش مصدقني اسالها اهي قاعده قدامك
فينظر حمدان الي اميره ويقول
صحيح اللي بتقوله مرات عمك ده
اميرة ببرائه الاطفال
انا العيله اللي في تلته ثانويه هاعرف اوقع واحد زي حجازي طيب ازاي بس انا مش عارفه مرات عمي بتكرهني ليه. مع اني بحبها
ثم تنظر أميرة لزينب وتقول
ما تيجي تاكلي فول. اه. معلش نسيت انتي واللي زيك ماتعرفوش طعم الفول
زينب بلغه التهديد
ابعدي عن ابني احسن لك والا حتي الفول ده هاحرمك منه وهاخليكي تاكلي من الزباله زي كلاب السكك
أميرة بكيد
مش هاهون علي حجازي
زينب
يبقي انتي اللي اختارتي ماترجعيش تعيطي يا بنت بياع البرتقال
وتخرج زينب من الحجرة وهي منفعله جدا وناويه علي الشر وساميه تغلق الباب خلف زينب وتنظر لبنتها وتقول
ابعدي يا بنتي عن حجازي شكل زينب ناويه علي الشر واحنا غلابه ومش قدها
اميرة
ماتقلقيش يا ماما انا اصلا مش هاينفع اكمل مع حجازي عشان في مشاكل حصلت ولا شكلي هاينفع اكمل تعليمي وكفايه كده عليه انا من بكرة هادور علي شغل عشان اريح بابا
حمدان
انتي بتقولي أيه مشاكل ايه اللي حصلت بينك وبين حجازي وشغل أيه اللي عايزه تدوري عليه انتي لو مش عايزه تتجوزي حجازي متتجوزهوش انما هاتكملي تعليمك ومش بمزاجك غصب عنك
اميرة
اكمل تعليمي ازاي. ده احنا مش لاقين ناكل
وتمسك طبق الفول وتقول
عارف طبق الفول ده من امتي. بلاش.
وتمسك الجلبيه التي ترتديها وتقول بحرقه
وعارف الجلبيه دي انا خيطتها كام مره عشان تنفع تسترني اللي زينا حرام يحلمه حرام يتعلمه حرام حتي يعيشوا سيبني يا بابا ادور علي شغل وكفايه عليه اوي شهاده الثانويه العام
وتنام علي الكنبه وهي تبكي، ،،،،،،،
وبعدها بيوم ومن امام النادي الذي يلعب في حجازي تقف ميار مع حجازي وفي يد حجازي موبيل ميار ويسمع حجازي التسجيل الصوتي للحوار الذي دار بين موسي وأميرة ويصدم حجازي ويعطي الموبيل لمنار ويقول
من زمان وانا مستني موسي يغدر بيا لاني غلط يوم ما اعتبرته زي أخويا لكني حاولت اغيرة وديما اقول لنفسي صاحبك خده علي عيبه. وعشان كده عادي خالص انه يغدر بيا ومش هو ده اللي يزعلني انما اللي وجع قلبي فعلا هي أميرة اللي حبيتها وعمري ماحبيت غيرها ولا هاحب غيرها
وفي هذه اللحظه تقف اميرة امامه وتنظر لمنار وتقول
استعجلتي قوي. انا اصلا جايه عشان اقول له علي كل حاجه
ميار
كان لازم احمي حجازي منك ومن موسي
اميرة
وانا مش زعلانه انه عرف كل حاجه. كده احسن بس كل اللي انا عايزا منه انه يسامحني
حجازي بحزن
ولا يهمك ياما ناس كتير بنحطها فوق راسنا وهما مكانهم تحت الرجلين
أميرة وهي تبكي
مش جديد عليه اني اكون تحت رجلين اي حد. انا أسفه غلط في حقك بس عشان خاطري انت ناس كتير بتحبك وعايزا تخدمك وانا عايزا اشتغل عشان اريح ابويا من الوقفه في الشارع ولم الزباله
حجازي بطيبه قلبه وقد صعبت عليه اميرة التي لايزال ينادي قلبه باسمها ويقول وهو يمسح دموعها
انتي مش هتشتغلي هاتكملي تعليمك وهتاخدي الشهاده وعمي حمدان هافتح له محل فاكهه بدل ماهو عامل نطافه
ميار باعجاب شديد
انت ازاي كده. بعد كل اللي كانت عايزا تعمله فيك بتساعدها
حجازي
مهما حصل منها هي بنت عمي واللي فينا ما بيغلطش يجي ويحاسب اميرة
فتنظر له أميرة وتقول
بجد انا اسفه. وحقك عليه
وتنصرف اميرة وحجازي ينظر ناحيتها وميار تنظر له باستغراب وتقول
انت بجد ناوي تساعدها
فينظر حجازي الي ميار ويقول
طبعا. عشان خاطر عمي اللي نفسه يشوفها محامي
فتقترب ميار من حجازي وتقول له
انت فعلا بني ادم تتمناك اي واحدة
حجازي وهو يبتعد عنها
شكرا جدا يا ميار. بس انا لازم امشي حالا عشان عندي تمرين
ويدخل حجازي الي النادي وميار تنظر له بكل حب وتتمني لو يحبها نص الحب اللي بيحبه لي أميرة ،،،،،،
ومن داخل المسجد الذي يصلي في الشيخ حامد والد موسي وبعد صلاة العصر كان الشيخ حامد متعود يقول موعظه او حكمه او تفسير ايه قرانيه وكان يتكلم عن الربا وحرمانيته فيضحك احدي الجالسين فينظر له الشيخ حامد ويقول
بتضحك ليه يا فوزي
فوزي
اصل بصراحه يا شيخ كلامك حاجه واللي بيعمله ابنك حاجه تانيه خالص
الشيخ حامد بضيق
وهو ايه اللي يضحك في كده
فوزي
يعني من باب اوله اللي تقول له حلال وحرام مش احنا.
المفروض تقول لي ابنك كده
الشيخ حامد
انا قولت كتير وهو مش عايز يسمع زي ما انت بالظبط مش عايز تسمع. مش انت برضو واخد منه فلوس بالربا ولا نسيت
فينظر كل من في الجامع لفوزي فيقول فوزي
ايه كلكم هاتبصو لي كنت محتاج فلوس عشان اجهز البت
الشيخ حامد
يعني بدل ماتلوم عليه وعلي ابني لوم علي نفسك. انت زيه قبلت الحرام ودخلته بيتك
فوزي
وانت يعني كنت عايزني اعمل ايه اجوز البت منين من معاشي اللي بيخلص قبل نص الشهر
الشيخ حامد
قول يارب وكانت هاتتحل انما انت واللي زيك اللي خليته واحد زي ابني يبقي ليه لزمه، ،،،،،
وبعدها بي 1/2 ساعه تدخل أميرة الي محل موسي فينظر لها موسي ويقول
هه عملتي أيه
اميرة
روحت له عند النادي بس لقيت ميار سابقتني وواقفه معه وبتسمعه التسجيل لكني عملت زي ما انت قولتي بالظبط دخلت عليه بدخله المسكنه مع الدمعتين. مع حقك عليه اسفه. خليته ينسي التسجيل اللي سمعه وينسي نفسه وهايعمل لي كل اللي انا عايزا.
موسي
مش قولت لك قلبه هو نقطه ضعفه. وبكدة بقي التسجيل اللي مع ميار تبله وتشرب ميته وحبه ليكي هايخلي يتجوزك وينسي كل حاجه وبعد ماتكوني مراته تعملي بقي اللي هاقول لك عليه
أميرة
أنت أيه يا اخي دماغك دي سم
موسي
بتعلم منك
أميرة وهي تسلط عليه سحر عيونها
ده انا اللي بتعلم منك ونفسي قرب منك كمان وكمان وافضل عايشه حياتي جنب منك
فيدوب موسي من اسلوب كلامها ويدوب في لون عيونها ويبدا قلبه ينادي بأسم اميرة عشان تكون أميرة قلب موسي وروح قلبه ،،،،،،،،
ومن النهاردة للحكاية حكاية تانية خالص
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق