رواية بعد فوات الاوان الحلقه السابعه بقلم الكاتب محمد منصور حصريه وجديده على مدونة النجم المتوهج
رواية بعد فوات الاوان الحلقه السابعه بقلم الكاتب محمد منصور حصريه وجديده على مدونة النجم المتوهج
من جوة محل يسري كان واقف منصور وطارق وكان يسري بيقول لهم
لا حول ولا قوة الا بالله. امتي حصل الكلام دة
طارق
امبارح بالليل وانت يا عم يسري زي ما عرفت تطلعها اول مرة هتعرف تطلعها تاني مرة
يسري
انا هعرف اطلعها بس امكم زعلتني جامد وانا ما بحبش حد يزعلني
منصور
خرجها يا عم يسري وبعدين نتكلم في اللي زعلك
يسري
هعملها ببلاش تاني لية ملهوش لزوم انا لو هخرجها لازم هي تيجي معايا سكة ودوغري وتبطل تلاعبني وتقولي باقي اللوح فين
طارق عمل نفسه مش فاهم وقال
لوح اية
يسري
دة حوار بيني وبين امكم روحو وقولها عم يسري هيخرجك بس لما تقولي فين باقي اللوح. عارفين انتم دخلتو منين ولا اقوم اوريكم الباب
منصور
بتطردنا يا عم يسري
يسري ببرود
اة.
طارق
احنا غلطانين اننا جينا لواحد زيك
يسري قام وقف وراح ناحية طارق وبص له اوي وبعدها ضربه بالقلم وقال
ابوك مات وانت صغير و امك ما عرفتش تربيك.
ف احسن لك تمشي بدل ما اربيك انا من جديد
منصور
بنضرب اخويا يا ابن الكلب
وهجم منصور علي يسري لكن يسري فلت من هجوم منصور ورمي تحت رجله وحط جذمته علي وشه وقال
مين ياة اللي ابن كلب
طارق
ابعد رجلك عن اخويا
ولسة هيهجم طارق علي يسري. يسري كان الاقوي ومسكه من رقبته وقال
انا عندي استعداد دلوقتي اكسر عضمك بس الناس هتغلطني وهيقولو ضرب عيال قد ركبته ف انا هسيبكم تخرجو علي رجليكم ولو فكرتو تعملو اي حركة شقاوة تاني هكسر رجلك منك لي
ورفع يسري رجله عن منصور وساب رقبه طارق والاثنين حسو انهم اتكسروا من بعد امهم وانهم مش هيقدرو يجيبو حقهم من المفتري يسري فخرجو من المحل ووشهم في الارض.،،،،،،
بعد فوات الاوان
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ويتغير المشهد. وطارق قاعد جنب منصور. علي الرصيف قصاد القسم والاثنين مكسورين ومنصور بيقول
لو كان معانا فلوس ما كنش الكلب دة قدر يعمل فينا كدة
طارق
وكنا عرفنا نقوم ل امنا محامي يخرجها من القضية دي
منصور
احنا مش عيال يا طارق علشان يتعمل فينا كدة ونسكت ولازم نرد القلم قلمين.
طارق
ما احنا مش هنقدر نعمل كدة الا لو معانا فلوس
منصور
الفلوس موجودة
طارق
فين دي
منصور
لما نبيع اللوح
طارق
هنبيعها وامنا في الحجز
منصور
مش انت واثق في استاذك منير
طارق
هو محترم بس 100 لوحة ممكن يخلو اي حد يطمع فينا احنا برضو ما نقدرش نفرق بين اللي صريح معانا واللي بيكتب علينا
منصور
احنا ولاد جمعه. وامنا سميحة علمتنا كتير وما اتخلقش اللي يضحك علينا. وبدل ما منير يعرف اننا معانا 100 لوحة. نوري لوحة واحدة بس ونشوف هيعمل اية معانا
طارق
طيب ومحروسة
منصور
محروسة اعتبرها ماتت
ما حدش دخل في غيبوبة وطلع عايش. المصيبة كلها في بنتها اللي طلعت لنا من تحت الارض
طارق
لا بقول لك اية مالكش دعوي بالقمر بتاعي انا هتجوزها
منصور
طارق ما تبقاش عبيط تكبر منك ب اكتر من عشر سنين
طارق
ولو بعشرين سنه اية اللي يمنع.
منصور
بقول لك اية سيبنا دلوقتي من نهال دي وخلينا نركز في اللوحة اللي هنوريها لمنير
طارق
بعد ما يسري يقفل المحل بتاعه هروح المخزن واطلع لوحة ونشوفها اصلي ولا تقليد،،،،،،،،
في نفس الوقت كانت نهال في القسم مع سميحة وجابت لها اكل وبتقول لها
انا قومت لك محامي علشان يخرجك من القضية دي
سميحة
باين لها يا بنتي مافيهاش خروج المرة دي
نهال
لا ما تقوليش كدة دة انا حبيتك اوي يا ست سميحة
بصيت لها وانا لسة مش مرتاح لها لكني قولت
وانا كمان بحبك طالما انتي بنت الغالية. اومال فين منصور وطارق
نهال
ما اعرفش من ساعة ما الحكومة خدتك وانا مش عارفة هما راحو فين
وسكتت شوية وبعدها قالت بخبث.
مع انهم المفروض يكونو قريبين منك في وقت زي دة الا بقي لو في حاجة اغلي منك تاخدهم منك
قلبي انقبض بعد الجملة الاخيرة دي و كأن الشيطان وسوس لي معقوله يكونو راحو للوح ونسيوني معقوله اكون ما عرفتش اربي وانا مش فارقة معاهم. دول ولادي اللي تعبت في تربيتهم
وهربت دمعه من عيوني ومديت نهال ايدها علشان تمسح لي دمعتي لكني حوشت ايدها توصل ل وشي و مسحت انا دمعتي وقولت
ما اتعودش حد غريب يمسح دموعي.
نهال
لسة ما اعتبراني غريبة عنك
سميحة
مش كل اللي بنعرفهم في يومين وليلة بيبقو قريبين مننا علشان يحسو بوجع ارواحنا. لكن دة ما يمنعش اني اقول لك شكرا علي الاكل وعلي انك ما سبتنيش زي اللي من دمي. واكتر من شكرا ما تستنيش مني لغاية ما المواقف ترتب غلاوتك في قلبي. وتستاهلي تكوني مكان مين، ،،،،،
نهال خدت الكلمتين دول مني وخرجت من القسم ومشيت في الشارع لغاية ما وقفت قصاد عربية ملاكي موديل السنة وخبطت علي باب العربية تلت خبطات اتفتح الباب ودخلت العربية وقعدت جنب السواق وبصت له وقال
عملتي اية
نهال
ولية مش سهلة لكن انا وراها ووراء عيالها لغاية ما نوصل لباقي اللوح
عارفين مين السواق. عكاشة جوز محروسة اللي المفروض انه ميت. وقال عكاشة لنهال
مش عايز الحكاية تعقرب مننا وعايز الوقت ما يسرقناش احنا ما قدمناش كتير قبل ما اسعد باشا يعرف اني لسة عايش ومعايا سر اللوح اللي اتسرقت من مخزنه
نهال
مش عايزاك تخاف طول ما انا معاك. وسميحة وعيالها ايامهم سواد معايا
عكاشة
عارف انك شيطانه مع انك اخت محروسة انما انتي من طينه وهي من طينه تانية،،،،
خلصت الحلقة لكن ما خلصتش الحكاية واللي جاي ضرب نار. وحلقات بطعم الفلفل الحار. ويلا سلام ومعاها باي
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق