رواية أنا لك ولكن ج٣ بقلم سارة بركات الفصل الثالث والرابع حصريه وجديده على مدونة النجم المتوهج

 رواية أنا لك ولكن ج٣  بقلم سارة بركات الفصل الثالث والرابع حصريه وجديده على مدونة النجم المتوهج 

رواية أنا لك ولكن ج٣  بقلم سارة بركات الفصل الثالث والرابع حصريه وجديده على مدونة النجم المتوهج 

عمر وهو واقف ورا يحيى:"وربنا إنت فاهمنى غلط."

أدهم وهو بيحاول يطوله:"نعم ياخويا، عاوزنى أبقى مبسوط لما تقول إنك عاوز مراتى."

يحيى بضحكة مكتومة:"يا أدهم إفهم هو أكيد مايقصدش."

أدهم بغضب:"إنت تخرس خالص."

سلمى:"خلاص يا أدهم إهدى وإسمعه، أكيد الموضوع فيه سوء تفاهم."

أدهم بغضب:"سوء تفاهم إيه بس ، إسكتى خالص إنتي كمان."

عمر:"صدقني ماقصدش ، أنا أقصد واحدة زيها يعنى نفسي فى واحده تبصلى بنفس النظرة إللي هي بتبصلك بيها ، أنا عاوز واحدة تحسسنى بنظراتها ليا إنى مافيش غيرى فى الكون كله."

أدهم بضيق:"ياسلام ، وإنت متخيل بقا إنى كده هصدقك؟"

عمر بتنهيده:"لازم تصدقنى ، أنا مافيش أى نيه من نحيتى لآيه خالص صدقنى."

أدهم بتنهيدة:"طمنتني، وبعدين هجيبهالك منين دى؟"

آية بضيق وهي بتبصله:"بتقول حاجة يا حبيبى؟، قصدك إيه يعني بكلامك ده مش فاهمة؟"

أدهم بتوتر وهو بيبصلها:"لا مابقولش، أقصد يعنى ناوي أجيبله عروسة يعني."

آية بضيق وهي رافعة حاجبها:"وهتجبهاله منين دى بقا؟ وتعرفها منين؟"

أدهم بتوتر:"أنا ماقلتش أعرف حد، وبعدين أنا كنت بهزر معاه عادى يعنى."

آية بضيق:"ماشي هعديها."

بهاء بضحكة مكتومة:"إلبس."

أدهم بضيق:"إسكت إنت خالص."

أروى بسعادة وهى بتشيل روفان إللى نايمة:"بما إننا كلنا متجمعين الأسبوع ده مع بعض، إيه رأيكم نتعشى بكرة بره؟"

آية بحيرة وهمهمة:"تصدقي فكره حلوه."

أدهم:"فكره حلوة إيه يا حبيبتى، ماينفعش تاكلي أى حاجه كده."

آية بضيق:"بطل تتحكم في أكلي بقا."

أدهم بضيق:"أنا غلطان إني خايف على صحتك إنتى وليليان؟؟"

يحيى:"إهدى يا أدهم."

آية بتنهيدة وهى بتقوم من مكانها:"اه يا يحيى خليه يهدى، أحسن أنا ماليش خُلق للنكد والخناقات لازم أحافظ على صحة وأعصاب لِي لِي."

أدهم بضيق:"ثوانى كده!،هو مش أنا كنت بقول الكلام ده من شوية؟"

عمر بنفاذ صبر:"بقولكم إيه ، أنا مش فايق لخناقاتكم."

أدهم وآية بصوت واحد وبضيق:"إحنا مش بنتخانق ومالكش دعوة بينا."

بهاء بضحكة مكتومة:"من تدخل فيما لا يعنيه سمع مالا يرضيه."

أدهم:"وإنت كمان تخرس خالص، يلا نمشي كلنا عشان آية تعبت."

آية بإستغراب:"بس أنا ماتعبتش."

أدهم:"لا تعبتى بس إنتي مش واخدة بالك."

يحيى لأدهم:"بس إنت مردتش على كلام أروى."

أدهم بإستفسار:"إللى هو؟"

يحيى بتنهيدة:" هو مش مهم رأيك ، بس عموما كلنا هنخرج نتعشى بره بكرة بليل وأنا إللي عازمكم."

أدهم بضيق:"لا إحنا مش جعانين عشان تعزمنا."

سلمى بضحكة مكتومة:"تاني يا أدهم!!"

أدهم:"تاني وتالت وعاشر ، مش كفاية إنه كتر خيره مقعدنا فى الفيلا بتاعته وده طبعا بعد محايلة منك كتير عليا."

سلمى:"وفيها إيه يعنى لما يعزمنا كلنا؟"

أدهم بضيق:"فيها إنه ماينفعش ، أنا مش شحات."

يحيى:"بس أنا ماقلتش إنك شحات."

عمر بنفاذ صبر:"بصوا ، بما إنكم هتفضلوا تتخانقوا كده كتير أنا هسبقكم على الفيلا ، بهاء إبقى إركب إنت مع يحيى."

مازن:"إستنى يا عمر خدنى معاك ، أنا مش حابب أقعد هنا أكتر من كده."

أدهم بضيق:"أونكل عمر يا ولد."

عمر بقهقهة:"سيبه أنا وهو أصحاب."

ملك بصوت طفولي:"وأنا كمان هاجى معاك يا أونكل عمر."

عمر بتنهيدة:"يلا بينا."

يحيى وهو بيكمل كلامه لأدهم:"مش معنى إنى بعزمكم على الغداء يبقى إنك شحات."

أدهم بتنهيدة:"برستيجى يابني ماينفعش."

آية بتنهيدة:"أنا موافقه يا يحيى على العزومة."

أدهم بضيق وهو بيبصلها:" إنتي بتمشي كلمتك عليا؟"

سلمى:"لا يا أدهم هي أكيد ماتقصدش."

أدهم:"أنا سؤالى موجه ليها هى."

آية وهى رافعة حاجبها:"هتعمل إيه يعني لو طلعت بمشي كلمتي عليك؟"

أدهم وهو معقد حواجبه:"حسابي معاكي لما نرجع."

أروى بتعجب وحيرة:"كل ده عشان قلت نتعشى بره!."

يحيى بخبث:"طب إيه رأيك يا أدهم لو العزومة دى كانت النص بالنص؟"

أدهم وهو رافع حاجبه:"إنت متخيل إنك هتقنعني كده؟"

يحيى وهو رافع حاجبه:"هو العرض مُغرِي بصراحة."

أدهم بتنهيدة:"خلاص أنا موافق."

آية بضيق:"ماكان من بدري، لازم خناقات يعني."

أدهم بغرور:"أه طبعا إنتي عارفاني مابقبلش شفقة من حد."

يحيى بقهقهة:"وماله ، يلا بينا يا جماعة نمشى."

ــــــــــــــــــــــــــــــــــــــــــــــــــــــــ

فى فيلا المحجوب:

أدهم بتنهيدة وهو بيحطها على السرير:"أخيرا وصلنا."

آية بسطحيه:"شكرا."

أدهم وهو رافع حاجبه:"إيه شكرا دى؟"

آية:"مافيش."

أدهم:"طيب أنا هغير وأنام."

آية بضيق:"هتنام وتسيبنى زعلانه كده؟!"

أدهم بإستغراب:"هو إنتي زعلانة؟"

آية:"اه."

أدهم بهدوء:"من إيه؟"

آية:"معرفش."

أدهم:"أنا ملاحظ من يوم مانتى حملتي فى ليليان وإنتي شغاله نكد."

آية بضيق:"أنا نكديه؟!"

أدهم بضيق:"ماقصدش، وبعدين أنا إللي المفروض أكون زعلان منك، إنتي إزاي تمشى كلامك عليا فاكراني ناسى الموضوع ده؟!!"

آية بتوتر:"ماهو انا ماقصدش ، الصراحة نفسى آكل بره."

أدهم بتنهيدة:"نفسك تاكلي بره وفهمت، بس مكنش ينفع إنك تتكلمي كده، فى حاجة إسمها تفاهم تقوليلي رأيك وأنا أقولك رأيي ونوصل لحل ، وبعدين الأكل ده مش صحي وأنا خايف عليكي إنتي وليليان."

آية:"عشان خاطري يا أدهم مش هيضر يعني ده يوم واحد."

أدهمم بتنهيدة:"ماشي،بس إنتي لسه ما أخدتيش عقابك على الطريقة إللي كلمتيني بيها دي."

آية بتوتر:"عقاب إيه ده؟!"

أدهم بخبث وهو بيقرب منها:"هتعرفي."

ونسيبهم يغرقوا في بحر عشقهم اللي مش هينتهي.

ـــــــــــــــــــــــــــــــــــــــــــــــــــــــــــــــــــــ

فى اليوم التالى:

كان قاعد سرحان في أوضته لحد ماقطع تفكيره صوتها...

أروى بإستفسار وهى بتبصله:"مالك يا حبيبى سرحان فى إيه؟"

بهاء بتنهيده:"بالى مشغول الفترة دى ، مش عارف حاسس إن فى حاجة غلط."

أروى بإستفسار:"حاجه غلط فى إيه؟ مش فاهمة."

بهاء بإستفسار:"هى آيه كويسه؟"

أروى:"ممكن توضح؟"

بهاء بتنهيدة:"مش عارف ، ممكن أنا إللى بيتهيألى بس هى تصرفاتها غريبه اليومين دول ونظراتها لأدهم غريبة أكتر."

أروى بحيرة:"يعنى؟"

بهاء بإبتسامه:"ماتشغليش بالك، ممكن يكون بيتهيألي أو هي بتتصرف كده عشان قربت على الولادة مثلا."

أروى بعدم فهم:"ممكن."

بهاء بتنهيدة:"أنا هروح فرع الشركة إللى هنا، وإنتي خدي بالك من روفان ونتقابل هناك في المطعم ياحبيبتى."

أروى بإستفسار:"لحد إمتى؟"

بهاء بعدم فهم:"مش فاهم ، تقصدى إيه؟"

أروى بحزن:"هتفضل مشغول عني كتير كده؟"

بهاء وهو بيبص فى عينيها:"أنا آسف غصب عني، الشغل الفترة دي بقا كتير أوي ، أنا ويحيى مسكنا مكان عمر فى الشغل بسبب حالته دى ، أنا معترف إنى مابقتش بظهر كتير بس إنتي عارفة إن ده غصب عنى، وبعدين إنتي معاكى روفان هي أكيد بتشغل وقتك كله."

أروى:"بس أنا ماصدقت نبقى مع بعض كلنا هنا فى إسكندرية، قلت فرصة وناخد أجازة من كل الضغوطات دى."

بهاء وهو بيبوس راسها:"أوعدك أول ما أخلص شغل النهارده هعوضك عن غيابى."

أروى بإيتسامة:"ماشى."

ــــــــــــــــــــــــــــــــــــــــــــــــــــــــــــــــــــــ

سلمى بإنشغال:"يحيى؟"

يحيى:"قلب يحيى قولي عاوزه إيه؟"

سلمى:"عاوزين نبقى ننزل نشترى لبس ليا أنا وملك."

يحيى بتنهيدة:"ماشى يا حبيبتى لما نرجع القاهره ننزل."

سلمى بإستفسار وهى بتبصله:"ممكن طيب نخليها بكرة؟"

يحيى:"بصى مضمنش وقتى بس هفكر."

سلمى:"ماشى."

ــــــــــــــــــــــــــــــــــــــــــــــــــ

كان قاعد مع ملك ومازن وبيفكر..

مازن بإستفسار:"إيه يا عمر سرحان فى إيه؟"

عمر بإستفسار وهو بيبصله:"هو أنا هفضل سينجل لحد إمتى؟"

مازن بإستفسار:"يعنى إيه سينجل؟"

عمر :"أقصد إنى إمتى هتجوز بقا؟"

مازن:"اااه ،مش عارف ممكن تسأل بابا."

عمر بقهقهة:"لا حرمت،هيقولى أجبلك عروسة وخالتى سهير والكلام ده لا."

مازن بإستفسار:"أمال إنت عاوز تتجوز ليه مادام إنت مش حابب تقابل العرايس بتوع تيتا سهير؟"

عمر:"أنت مش هتفهمني، وبعدين إنت لسه صغير بتتكلم معايا فى الكلام ده ليه؟"

مازن بضيق:"أنا مش صغير، وإنت إللى فتحت الموضوع ده."

عمر بتنهيدة:"آسف يا سيدى."

ملك:"مازن ، بقولك إيه ماتيجي نلعب؟."

مازن بضيق:"لا ، وسيبينى فى حالى."

عمر بقهقهة:"من الواضح إن أنا الوحيد إللى سينجل هنا."

مازن بإحراج:"إيه!!، لا لا لا لا أنا لسه صغير خالص على الكلام ده."

عمر بغمزة:"إهدى يا ميزو ، أنا بهزر معاك وبعدين مانت طلعت فاهم أهوه، ولا إللى على راسه بطحه بقا؟"

مازن بضيق وهو بيقوم من جنبه:"لا فاهم الكلام عشان إحنا لسه متكلمين في الموضوع ده أنا وإنت ، وبعدين إيه ميزو دي إسمى مازن، عن إذنك."

ملك لعمر بإستفسار:"هو مازن ماله؟"

عمر بقهقهة:"لا مافيش ، تعالى أنا هلعب معاكى."

ـــــــــــــــــــــــــــــــــــــــــــــــــــــــــــــــــــــــــــــــــ

آية:"يووووووووه يا أدهم، مش هلبس الطقم ده."

أدهم بضيق:"لا هتلبسيه."

آية بإحراج:"بس هو ضيق يا أدهم."

أدهم وهو بيستوعب الكلام:"هاه لا خلاص ، أنا كنت معتقد إنه لسه واسع، هختار طقم تانى."

آية بضيق:"ممكن تسيبنى أنا إللى أدور؟"

أدهم بإنشغال:"لا."

آيه:"طيب، بس بسرعه بقا عشان مانتأخرش."

أدهم بغرور وهو بيدور فى الهدوم:"أنا مابتأخرش."

ــــــــــــــــــــــــــــــــــــــــــــــــــــــــــــــــــــــــــ

يحيى لسلمى وهو بيبص فى الساعه:"أدهم وآيه فين كل ده؟"

سلمى:"ممكن لسه بيلبسوا."

يحيى بتنهيده:"طيب أنا بقول نستنى بره فى العربيه أحسن."

عمر وهو شايل روفان وبيلاعبها:"بهاء هيسبقنا على هناك."

أروى:"أه ماهو قالى الصبح كده."

مازن بضيق:"إحنا كده إتأخرنا ، بيعملوا إيه كل ده؟"

عمر:"عيب يا ولد ، إللى بتتكلم عنهم دول يبقوا باباك ومامتك."

مازن بضيق:"بس بابا مابيتأخرش أبدا."

يحيى:"أكيد هيخرجوا دلوقتى إحنا نستنى فى العربيات أحسن."

ملك وهى بتمسك فى إيد يحيى:"بابى، يلا نمشى."

يحيى:"يلا يا حبيبة بابى."

لسه هيتحركوا لقوا باب أوضة بيتفتح...

أدهم بإستغراب وهو شايل آية:"إيه إللى موقفكم كلكم هنا؟"

عمر بتريقة:"مافيش كنا بنتشمس بليل بس."

يحيى بضيق:"إتأخرت يا أستاذ."

أدهم بتنهيدة وهو بيخرج بره الفيلا:"عادى، المهم إن إحنا جاهزين خلاص."

آية بهمس لأدهم:"أدهم هو إنت لازم تشيلنى قدامهم كده كل شوية؟"

أدهم وهو بيوصل لعربيته:"ماينفعش نخسر ليليان عشان خايف من منظرنا قدام الناس ، وبعدين إنتى نسيتي إن الدكتوره قالت مفيش طلوع ولا نزول سلالم ولازم راحه تامه."

آية باستسلام:"حاضر."

أدهم بإستفسار وهو بيركبها العربيه:" أمال فين الواد مازن؟"

مازن:" أنا وراك يابابا."

أدهم:"يلا إركب."

يحيى:" خليك ماشى ورانا يا أدهم عشان مانتوهش من بعض."

أدهم وهو بيركب العربيه:"طيب بس سوق براحه."

يحيى بقهقهة:"هحاول."

ــــــــــــــــــــــــــــــــــــــــــــــــــــــــــــ

بعد فترة بسيطة وصلوا قصاد مطعم كبير لقوا بهاء واقف مستنيهم...

بهاء بإبتسامة:"أخيرا جيتوا وأنا إللى فكرت إنى متأخر."

يحيى بتنهيدة وهو بيبص لأدهم:"معلش الظروف حكمت."

بهاء:"حصل خير، يلا ندخل."

كانوا قاعدين على ترابيزة عائليه كبيره و بيهزروا وبيتكلموا فى المشاغل والحياه ..لحد ماقطع كلامهم صوت مسموع...

؟؟ بسعادة:"الله بجد!! أدهم ويحيى هنا!! وحشتونى جدا."

ادهم ويحيى بدهشه وبصوت واحد:"نيره!."

رواية/ أنا لك ولكن ج٣  .. بقلم/ سارة بركات 

الفصل الرابع

نيرة وهى بتقرب منهم:"أنا ماكنتش متوقعة إن بعد غياب السنين دى كلها أشوفكم هنا فى إسكندرية."

أدهم وهو بيقوم من مكانه وبيسلم عليها:"ياااه بجد كانت أيام جميلة، أخبارك إيه؟"

نيره:"أنا كويسة جدا،إنت إحلويت كده ليه؟ أنا كده هندم إني ضيعتك من إيدي."

أدهم بحمحمة وهو بيبص على آية إللى بتشيط من كلامها:"ده بس من زوقك شكرا."

يحيى بإبتسامة وهو بيسلم عليها:"فينك يا بنتى؟، إختفيتي ونستينا لا بتسألي ولا حتى بنسمع أخبار عنك."

نيرة بغرور:"أنا كده دايما ، بس ماتقلقوش أنا خلاص إستقريت."

عمر بحمحمة وهو بيقوم من مكانها وهو بيقاطع كلامهم:"مش تعرفونا."

نيره:"إستنوا كده قبل ماتعرفونى أنا هستنتج من نفسى، * بتشاور على عمر* إنت شعرك لونه بنى وعينيك عسلى يبقى إنت عمر صح؟"

عمر بإبتسامة وهو بيسلم عليها:"أكيد، اتشرفت بيكى."

نيرة:"الشرف ليا، *بتشاور على بهاء*وإنت شعرك أسود وعيونك لونها بني يبقى إنت بهاء طبعا."

بهاء وهو بيسلم عليها:"أهلا وسهلا إنتي بقا نيره إللى يحيى كان دايما بيحكى عنها."

نيره بكسوف:"إيه ده بجد! هو كان بيتكلم عنى."

سلمى بضيق وبصوت مسموع:"لا والله!."

نيره بإستفسار:"هو حضرتك مين؟"

سلمى بضيق وهى قاعده فى مكانها:"أنا....."

نيرة وهى بتقاطعها:"إستني كده، أنا أكيد عارفاكى إنتى أخت أدهم صح؟"

سلمى بضيق:"أه صح ، ومرات يحيى برده."

نيره بسعادة:"إيه ده يا يحيى إنت إتجوزت!."

سلمى وهى بتجز على أسنانها:"وخلف كمان يا حبيبتي."

نيره بحزن ليحيى:"يعنى إتجوزت أخت أدهم ومعرفتش تظبط حواري أنا وأدهم يا بكاش، مش مشكلة مادام الظروف جمعتنا تانى أكيد ليا فرصة معاه."

أدهم بتوتر زائد عن حده وهو بيبص لآية:"فى هنا أطفال عيب الكلام ده دلوقتى."

نيرة بتنهيدة:" آسفة، ماخدتش بالى."

أروى وهى بتقوم تسلم عليها:"إزيك؟"

نيره بإبتسامة:"إنتى بقا أروى الشقراء أم عيون خضراء زي عيون يحيى."

أروى بإبتسامة:"برافو عليكى."

نيرة:" بس غريبة انتي غيرتي لون شعرك خليتيه اسود."

أروى بصتلها بإستغراب:"أيوه، وفيها ايه يعني؟"

نيرة بإبتسامة:"مفيش انتي زي القمر عامة في أي حاجة."

نيرة بإستفسار وهى بتبص على آية:"مين بقا القمر إللى قاعدة هناك دى؟"

أدهم:"دي تبقى..."

آية بضيق وهى بتقوم من مكانها وبتقطع كلامه:"عن إذنكم أنا هروح الحمام."

مشيت من غير ماتستنى أى رد منهم...

نيرة بإستفسار للكل:"هو أنا قلت حاجة تضايق؟"

أدهم بتنهيده وببساطة:"إنتى خربتى بيتى بس."

نيره بعدم فهم:"مش فاهمه."

أدهم:"إللي دخلت الحمام دى تبقى آية مراتى."

نيره بصدمة:"إنت إتجوزت!!"

مازن بضيق وهو بيقوم من مكانه:"وخلف ، حضرتك أنا أبقى إبنه، عن إذنكم هروح لماما."

مازن سابهم من غير مايستنى رد...

نيره بندم:"أنا آسفة فعلا مكنش قصدي."

أدهم بتنهيدة:"ولا يهمك هو اليوم باين من أوله أساسا."

يحيى وهو بيحاول يغير الموضوع:"إتفضلي يا نيرة إتعشى معانا."

نيره بإبتسامة:"شكرا يا يحيى أنا كده هتقل عليكم."

يحيى:"لا ماتقوليش كده ، ده عيب فى حقى، إتفضلى إقعدى."

نيره:"حاضر."

ـــــــــــــــــــــــــــــــــــــــــــــــــ

كانت واقفة فى الحمام وبتحاول تهدي نفسها...

آية بضيق وهى ماشية رايحة جاية:"مين دى؟ وبتعمل إيه هنا؟وتعرف أدهم أوى كده ليه؟ دى بتقول إنهم كانوا بيحبوا بعض ، بس أدهم قالى إنى أول واحدة فى حياته، لا ماينفعش لازم أتصرف يا أنا يا هى." 

سمعت خبط على الباب...

مازن:"ماما خلصتى؟"

آيه:"إستنى هغسل وشي."

غسلت وشها وبعدها طلعت بره..

مازن بإستفسار:"مالك؟"

آية بإبتسامة مصطنعة:"مافيش أنا كويسة أهوه."

مازن وهو رافع حاجبه:"عليا؟!"

آية بضيق:"عاوزنى أفرح يعنى ولا إيه مش فاهمة؟."

مازن بطريقة طفولية:" هنحل الموضوع أنا مش هسمحلها تاخد بابا مننا، يلا بينا."

آية بثقة:"ماتقلقش بابا مش بيحب حد غيرنا ، بس هو فين مستناش معاك ليه؟"

مازن:"لا ماهما كلهم قعدوا مع بعض، هي منورانا تقريبا."

آية بخبث:"وماله، يلا بينا."

راحت عند الترابيزة وقعدت فى مكانها وتجاهلت وجود نيرة...

آية لأدهم بدلع:"معلش يا حبيبي ممكن تناولنى الملح إللى عندك؟"

أدهم:"حاضر."

نيرة لآية وهى بتمد إيدها عشان تسلم عليها:"أنا إسمى نيره كنت زميلة أدهم ويحيى فى الشغل فى البداية بس نقلت بعد كده أو بمعنى أصح إستقلت."

آية بسطحية وهى بتسلم:"أهلا."

نيرة:"أتمنى ماتزعليش من كلامى مع أدهم، أنا كنت بهزر عادى."

آية بهدوء عكس مابداخلها:"وحتى لو بتتكلمي بجد، أنا واثقه في أدهم إنه مش بيخونى أو مش هيخونى."

أدهم شرق وهو بياكل...

آيه وهى بتضربه على ضهره وبتجز على أسنانها:"خد بالك يا حبيبي بعد كده وإنت بتاكل أحسن تموت المرة الجاية."

نيره:"بس أنا ماقصدتش خيانة خالص ولا أى حاجة من الكلام ده."

يحيى بحمحمة وهو بيتدخل:"ممكن نكمل كلام طيب بعد الأكل."

نيرة بإبتسامة ليحيى:"حاضر."

سلمى بهمس لآية:"مش هنسيبها."

آية بغرور:"أكيد طبعا."

عمر وبهاء وأروى كانوا مركزين معاهم وبيحاول يكتموا ضحكهم..وبعد فترة بسيطة..

نيرة وهى بتسلم على يحيى:"شكرا على العزومة الحلوة دى يا يحيى، بس غريبة إن أدهم وافق كده عادى إنك تعزمه."

أدهم بهدوء وهو بيتدخل:"مانا داخل بالنص في العزومه دى."

نيرة بإبتسامة:" لسه زى مانت ، كنت واثقة إنك هترفض العزومة."

آيه لأدهم بدلع:"مش يلا يا حبيبي نمشي؟"

أدهم وهو بيبصلها:"هاه، ماشى."

يحيى وهو بيقوم من مكانه:"إتشرفنا بوجودك معانا يا نيره."

نيره:"الشرف ليا ، إنبسطت إني قابلتكم بعد غياب سنين كتير، إنتوا مش متخلين كنتم واحشنى قد إيه."

سلمى بضيق مكتوم:"يلا يايحيى."

عمر بإبتسامة وهو بيسلم على نيره:"إتشرفت بيكى ياقمر ، أتمنى نتقابل تانى فى يوم من الأيام." 

نيرة بإبتسامة:"ماحنا فيها أهوه ، بما إنكم هنا كنت حابه إني أعزمكم بكره عندى على الغداء ويا سلام بقا لو نروح نسهر بره زى زمان يا أدهم إنت ويحيى ، وخاصة إن بكرة عيد ميلادى."

يحيى بإحراج:"اه أكيد ، وماله."

أدهم بهمس ليحيى وهو بيجز على أسنانه:"أنا مش ناقص بيتى يتخرب أكتر ماهو مخروب."

آية:"بس أدهم مش فاضى يا حبيبتي، هو يادوب بيقعد معايا اليوم كله."

سلمى:"أنا ويحيى هننزل نجيب لبس لملك لبنتنا بكرة فمش فاضى ييجى."

نيره بتنهيده وهى بتبص ليحيى وأدهم:"وماله هبقى أجى أنا الفيلا عندكم وهقنعكم نسهر مع بعض بره ده عيد ميلادي وماينفعش ماتحضروش الحفلة ، عن إذنكم انا همشى بقا."

نيرة خرجت من المطعم وآية بصت لأدهم...

آية بتريقه بنفس نبره صوت نيره:"وماله هبقى أجي أنا الفيلا عندكم وهقنعكم نسهر مع بعض بره ده عيد ميلادي وماينفعش ماتحضروش الحفلة."

عمر  بقهقهة عالية وهو مش قادر يكتم ضحكته:"بس ماننكرش البت قمر برده."

آية بضيق:"إشبع بيها إنت ، انا مش مستغنية عن جوزى."

أدهم بتنهيدة:"يا حبيبتي إنتي فاهمة غلط."

آية بضيق:"أومال لو فاهمة صح بقا هعمل إيه؟"

سلمى:"وإنت يا يحيى إنت إزاي تتكلم معاها كده؟"

يحيى:"طيب ممكن نتكلم لما نروح عشان الناس بتتفرج علينا."

سلى بضيق:"أما نشوف آخرتها، يلا يا ملك."

أروى:"إهدوا يا جماعة ماحصلش حاجة لكل ده."

آية بضيق:"مانتى مش فى مكاني أنا وسلمى، لو واحدة جايه تخطف جوزك منك هتعملي إيه؟."

أدهم بضيق:"آية ، عيب كده يلا نمشى."

آية بضيق وهى بتبصله:"يلا."

خرجوا من المطعم...

بهاء بتنهيده:"تقريبا الموضوع صعب فعلا وهيحصل مشاكل كتير."

عمر بغرور وهو بيشيل روفان:"ماتقلقش ، انا هحل الموضوع ده."

بهاء:"ربنا يستر، يلا يا أروى."

ـــــــــــــــــــــــــــــــــــــــــــــــــــــــــــــــــــــــــ

دخلوا أوضتهم وبدأت كلام....

سلمى بضيق:"حلو أوي إللى شوفته النهاردة ده يا أستاذ."

يحيى بإستفسار:"إللى هو؟"

سلمى:"نعم!!!، أومال مين إللى إسمها نيره دي إللى قعدت تضحك وتتكلم بأريحية شديدة معاها، شايفنى هبلة؟"

يحيى بتنهيدة وهو بيقلع الجاكت:"عادي دي كانت زميلتنا انا وأدهم من زمان جدا."

سلمى بضيق:"أيوه أهلا وسهلا، وبعدين أعمل إيه يعنى؟"

يحيى:"ماتعمليش حاجة، هو فى حاجة حصلت؟"

سلمى بتريقة بنفس نبرة صوت نيرة:" بما إنكم هنا كنت حابه إني أعزمكم بكره عندى على الغداء ويا سلام بقا لو نروح نسهر بره زى زمان يا أدهم إنت ويحيى، مش هى قالت كده برده؟."

يحيى بقهقهة:"اه قالت كده بس مش هروح معاها فى أى مكان إهدي."

سلمى بضيق:"مانت مش هتروح أصلا، هو إنت فاكرني هسيبك كده تروح معاها في أي مكان عادى؟"

يحيى:"ممكن تهدى؟"

سلمى بتنهيدة:"خلاص هديت وبعدين أنا مش بشد في شعري."

يحيى:"طيب، ممكن ننام بقا عشان ورانا أنا وإنتي وملك مشاوير بكرة؟"

سلمى بسعادة:"بجد هننزل نشترى لبس؟"

يحيى وهو بقرب منها:"كل ده عشان خاطر عيونك ، وبعدين إنتي قولتى لنيره إننا نازلين فإحنا خلاص نازلين ماينفعش أكذبك."

سلمى بخجل:"طيب."

ـــــــــــــــــــــــــــــــــــــــــــــــــــ

أدهم بضيق وهو بيقفل باب الأوضة وراه:"ممكن أفهم إيه إللي إنتى عملتيه ده؟"

آية بضيق:"أنا إللى عاوزه أفهم مين دى وعلاقتك بيها إيه؟ وإزاى البجحة دى تكلمك كده؟!! دى ماشافتش ربع ساعه تربية."

أدهم بغضب:"عيب تتكلمى عن حد كده، هى معملتلكيش حاجه وحشة."

آية بصدمة:"إنت بتدافع عن دى؟!!"

أدهم وهو بيحاول يهدى نفسه:"إهدى يا حبيبتى أنا أقصد إنه عيب يعنى نتكلم عن حد بطريقه وحشة سواء فى وجوده أو فى غيابه."

آية بضيق:"يا سلام يعنى أسيبها عادي تعاكسك فى وجودى لا وكمان عندها امل يبقى في فرصة مابينكم تاني!!!!"

أدهم:" بس هى كانت بتهزر وبعدين مكنش في أولاني عشان يبقى في تانى."

آية:"لا يا راجل والمفروض إنى أصدق صح؟"

أدهم بغضب:"إنتى بتشكى فيا؟"

آية:"عشان إنت مش فى مكانى، إنت لو فى مكانى كنت هديت الدنيا لو واحد جه سلم عليا أو قالى كلمة حلوة، لكن أعمل إيه مانا ست وإنت راجل، فإللى هو معلش إستحملى وهو يعيش حياته برحته."

أدهم بغضب:"آية،إخرسى."

آية وهى بتكمل:"وإنت إزاي تسمحلها تكمل كلام كده عادي ، ولا إنت كنت حابب الكلام ده."

أدهم بعصبيه زائده عن حدها:"عيب تتكلمى معايا أنا كده."

آية بنفاذ صبر مع دموع:"طلقني يا أدهم لو سمحت."

الفصل الخامس والسادس من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙