رواية حكاية عشق الفصل الاول والثاني بقلم نهله مجدي حصريه وجديده على مدونة النجم المتوهج
رواية حكاية عشق الفصل الاول والثاني بقلم نهله مجدي حصريه وجديده على مدونة النجم المتوهج
مقدمة
في مجتمعنا فقط دائما يكون اللوم على الفتاة ،حتى ان كانت ضحية...ضحية لبشر لا يعرفون الرحمة ،دائما تكون هي المذنبة هي من دفاعتهم لانتهاك برأتها دون رحمه او شفقه ،نعم فهي ضحية لمجتمع ذكوري فاشل! فيه يكون الجاني ضحية ،والضحية جاني.
الفصل الاول
الابطال:
طارق عز الدين:شاب في منتصف الثلاثينات ،يعمل مهندس ديكور، يتميز ببشرته القمحيه وعيونه السوداء ضيقه وحاده ،عندما تنظر اليها تغرق في بحر من الظلمات ،طويل القامه له جسد رياضي وشعره اسود يغطيه بعض الخصلات الرمادية ،شخصية سريعة الغضب ولكنه يهدأ بسرعه وايضا لديه برود اعصاب يستفز كل من بتعامل معه ،فهو مزيج من كل شئ وعكسه
ايمان سمير قناوي:فتاة في ال27 من عمرها تعمل كطبيبة نسا وتوليد،متوسطة الطول،جسدها ممشوق ،شعرها اسود لامع يغطيه حجابها البسيط وعيونها واسعه لونها بني مثل الشوكولاته ،بشرتها بيضاء ،فهي مثال للرقه والهدوء ،رغم رقتها الا انها عنيده جدا.
منه:شقيقة ايمي تبلغ من العمر 17 عاما لها عيون خضراء مثل والدها حنونه جدا لكنها مشاكسه او كما يلقبها والدها "مجنونه"
احمد عز الدين:شقيق طارق الصغير يبلغ من العمر 30 عاما ،يعمل كمدير لشركة والده ،له جسد متناسق وعيون بنيه وبشرة خمريه
لينا عز الدين:فتاة طيبة جدا في كلية اداب ،اجتماعية ومرحه جدا كل من يراها يحبها ويتعلق بها ،قصيرة القامه عيونها بنيه ورموشها كثيفه جسدها متناسق
عماد نصار:صديق طارق له جسد رياضي وعيون خضراء وبشرة بيضاء وشعره اسود وهو صديق طارق الوحيد
لارين زين:فتاة في منتصف العشرينات قصيرة القامه لها جسد ممشوق وعيون زرقاء صافية وبشرة بيضاء ،ملامحها اوربية رغم انها مصرية ،صديقة ايمي.
****************************************
في احد المنازل بمحافظة القاهرة ،كان هناك يقف في شرفة منزله يمسك هاتفه المحمول ويحاول ان يهاتف ابنة اخته ولكن الرد"الهاتف المطلوب مغلق او غير متاح"
زفر علي بضيق وهو يتمتم:هتكون راحت فين بس!!
لسه مبتردش برضه؟!
قالتها زوجته بنبره قلقه
علي بضيق:لا يازينب...هتكون راحت فين بس دي الساعة بقت 10
زينب:استهدى بالله كدة وان شاء الله هتيجي دلوقتي
علي بلهفه:اهي بتتصل...انتي فين ياايمان
المتصل:احم انا مش ايمان
علي بدهشه:مين حضرتك؟!
المتصل:آآ صاحبة الموبايل ده في المستشفى
علي بقلق:اييييه!!! مستشفى ايه؟!
المتصل:مستشفى "......"
علي:طيب طيب انا جاي حالا
*****************************************
في مكان اخر في منزل عائلة قناوي ،منزل مكون من طابق واحد له حديقة واسعه كان سمير يجلس بصحبة ابن اخيه وزوجته منال.
منال بقلق:انا قلبي مقبوض قلقانه على البت
سمير:في ايه بس يامنال هو كل ماتروح تبات عند خالها تقولي كدة
منال بقلق:لا لا المرة دي بجد حاسه ان بنتي جرالها حاجة
سمير بضيق:اهدي بقى بعد الشر عنها وبعدين دي زمانها روحت من بدري
منال:برضه قلبي مش مطمن في حا..
قاطعها رنين هاتف زوجها
سمير:ده علي
منال بلهفه:طب رد عليه بسرعة
سمير:ايوا ياعلي
علي:الحق ياسمير ايمي في المستشفى
سمير بقلق:ايمان!!
منال بدموع:مالها بنتي
سمير:مستشفى ايه؟!
صرخت منال قائلة:مستشفى!!!!
علي:مستشفى "......" انا في الطريق حصلني على هناك
سمير:طيب سلام
اغلق سمير الهاتف وانطلق مسرعا بصحبة زوجته وابن اخيه الى المستشفى.
في النفس التوقيت الذي وصل فيه علي كان سمير ويترجل من سيارته ،ركضوا جميعا الى الاستقبال ليسألوا عن مكان ابنتهم ،ثم الى الطابق التي تركض فيه ،وصلوا الى هناك ،وانتظروا خروج الطبيب من الغرفة حتى يطمئنهم عليها
خرج الطبيب بعد 10 دقائق من وصولهم ،ركض اليه الجميع يسألونه بخوف عن حالة ابنتهم
الطبيب بأسف:اتعرضت لاغتصاب
"اغتصاب" وقعت تلك الكلمة على مسمع الجميع كالصاعقة ،كانت حالتهم مختلفه
علي تهوا على احد المقاعد ووضع رأسه بين كفيه غير مصدق لما سمع ،سمير اصابته حالة من الجمود فلم ينطق بكلمة واحده ،اما منال فشهقت بفزع وبدأت دموعها تهبط بغزارة على حال ابنتها الوحيدة التي الان في اعيون الجميع ،جلبت لهم العار!!
لفت انتباههم الطبيب وهو يقول:احنا مضطرين نبلغ الشرطة
سمير بغضب:اوعى تعمل كدة
الطبيب بهدوء:ده واجبي يااستاذ وبعدين كدة كدة لازم تبلغوا الشرطة دي جريمة
منال ببكاء:قصدك فضيحة
علي بغضب:مناااال اسكتي انتي ،ثم وجه حديثه للطبيب:شكرا يادكتور بس بعد اذنك نأجل الموضوع ده لحد مانطمن على البنت
الطبيب:طيب عن اذنكم
بعد رحيل الطبيب قالت منال:هتبلغوا البوليس وتبقى فضحية
علي:ممكن تسكتي شوية
سمير:منال عندها حق مش ناقصة فضايح هي
علي بذهول:طب وحق بنتك
سمير:ياترى لما ابلغ هترجع زي ماكانت كفاية لحد كدة بقى
علي بتأفف:انا هدخل اطمن على البنت
**************************************
دخل علي الغرفة واقترب من السرير التي تركض عليه ايمان ،ياالله! لقد تبدلت ملامحها تماما من طفلة لم تتجاوز ال17 من عمره اصبحت ذابله ،يبدو على ملامحها الارهاق الشديد ،دخل في تلك اللحظة سمير وزوجته واقترب منها ونظر اليها ،كانت هناك دمعه في عينيه حاول ان يمنعها من النزول ولكن ابت ان تبقى عندما رأى حالة فتاته الصغيرة
بعد عدة ساعات فتحت ايمان "ايمي" عينها بتعب شعرت بآلم حاد في رأسها همست بتعب
اقترب علي منها وقال بحنان:ايمي
هبطت دموعها بسرعه على وجنتيها عندما تذكرت ماحدث لها
علي:اهدي يا ايمي
ظلت تبكي بشدة وجسدها ينتفض من كثرة بكاءها ،ضمها علي بحنان وظل يربت على شعرها وهو يقول:اهدي متخافيش انا جانبك اهو اهدي
استيقظ سمير الذي غفى قليلا على الاريكة على صوت بكاءها ،نظر اليها طويلا دون ان يقترب منها ،كانت تنظر اليه وتبكي اكثر من تلك النظر التي رأتها في عيني والدها ،نظرة اتهام ،كانت تبكي فقط وهي تنظر لوالدتها التي لم تكف عن البكاء هي ايضا ،تركهم سمير وخرج من الغرفة ،في تلك اللحظة اطلقت ايمي صرخه:آآآآآه
ظلت تصرخ و تصرخ وعلي يحاول تهدأتها بكنه فشل ،دخل الطبيب بسرعه ومعه ممرضه وقال:كلوا برا برااا
اعطها حقنه مهدأه وتركها لتنام...
*****************************************
ايمي ايمي ايمييي
ايمي بشرود:ها
لارين:لا ده انتي مش معايا خالص
ايمي هي تجفف دموعها:كنتي بتقولي حاجة
لارين:انتي بتعيطي يا ايمي
ايمي بابتسامه باهته:لا ابدا
لارين بلوم:برضه بتفتكري الموضوع ده انسي
ايمي بدموع:انسى!! انسى ازاي والماضي هيفضل يطاردني طول حياتي
لارين بحنان:حبيبتي دي حاجة كانت غصب عنك لازم تنسي
ايمي:عندك حق لازم انسى
لارين بمرح:وبعدين مش هتبطلي تقعدي في الجنينه كدة في البرد ده انا بنشف كل يوم وانا جاية افكرك ان الساعه 3 وعندنا شغل الصبح
كان منزلهم عبارة عن فيلا صغيرة مكونه من طابق واحد له حديقة واسعه وثلاث غرف ،وبهو كبير نوعا ما وثلاث حمامات اثنين في غرف النوم والثالث بجانب المطبخ
ايمي بحزن:اصلها بتفكرني ب بيت بابا في مصر
لارين:كلمتيهم النهاردة
ايمي:اه كلمت منه اكملت بحزن:وحشوني اوي
لارين:بأذن الله هترجعلهم قريب
ايمي:يالا ننام عشان نعرف ننزل الشغل الصبح
لارين:يالا ياحبيبتي
****************************************
في احدى الدول الاوربية في لندن بالتحديد ،كان يجلس على مكتبه في مكتبه الهندسي ويطلع لبعض الاوراق
تمام كدة ياطارق
رفع رأسه ونظر الى صديقه وقال:تمام ياعماد مش عايز غلطة
عماد:طب هو احنا هنشوف المكان اللي هنعمله الديكور امتى
طارق:هو بعتلي الملف في تفاصيل المكان وان شاء الله للاسبوع اللي جاي هنروح نشوفه عشان نبدأ شغل
عماد:تمام يالا بقى الساعة بقت 3 عايز انام
ضحك طارق وقال:حد قالك تشتغل معايا
عماد بمرح:كنت لقيت غيرك وقلت لا
تناول طارق مفاتيح سيارته وهاتفه وقال:طب يالا ياخويا بدل ما ارفدك
ضحك عماد بشدة وهو يمشي بجانب طارق يخرجون من الشركة وقال:هترفد صاحبك واخوك
طارق بمرح:يابني انت اكتر واحد انا عامل نفسي بحبه ومع اول فرصه هقطع علاقتي بيك
عماد ضاحكا:تشكر يازوق
********************************************
في صباح اليوم التالي استيقظت ايمي وذهبت الى المرحاض ،اغتسلت ثم توضأت وادت فروضها ،ثم ايقظت لارين وذهبوا معا الى المركز الطبي الذي يعملون فيه
لارين:هروح انا على المعمل بقى
ايمي:اوكي اشوفك في البريك
لارين:اوكي
ذهبت لارين الى المعمل بينما ذهبت ايمي الى مكتبها في المركز ،وجلست خلف مكتبها وبدأت في ممارسة عملها الذي تعشقه ،لم يتبقى لها سوا عملها يأخذها من دوامة افكارها وماضيها الآليم ،جاء وقت الراحه ذهبت ايمي الى المعمل لاصطحاب لارين للغداء ،عندما وصلت وجدت من ينده عليها
" ايمي
ايمي:نعم دكتور جاك
جاك بابتسامة:هل تبحثين عن لارين؟!
ايمي:نعم هل رأيتها؟!
جاك:نعم لقد ذهبت لصالة الطعم وطلبت مني ان اخبرك بذلك
ايمي:حسنا دكتور جاك يجب علي ان ارحل الان
جاك:تفضلي
ذهبت ايمي الى الكافتريا وجلست بجانب لارين وقالت:لارين
لارين:اتأخرتي ليه
ايمي:معلش كنت براجع ملفات المرضى
لارين:انا مبسوطة اوي انك هتعملي مركز خاص بيكي
ايمي بضحك:والله على اساس انك مش شريكه معايا فيه
لارين:برضه انتي الدكتورة انا همسك المعمل بس
ايمي:عارفه احلى حاجة في وجودي هنا في لندن انك معايا
لارين:حد يصدق اننا اتقابلنا في الجامعة هنا انتي كنتي بتدرسي طب وانا علوم ولما اتخرجنا اكتشفنا اننا بنشتغل في نفس المركز
ايمي بشرود:اها ساعتها كنت انا هنا لوحدي ولما اتعرفنا انتي اللي عرفتيني على البلد هنا
لارين:قومي يالا البريك خلص
ايمي:اوكي باي
******************************************
في مصر "في منزل سمير قناوي"
كانت منه جالسه بجانب والدها وهي تحاول ان تهاتف شقيقتها ايمي
منه بضيق:ردي بقى
سمير:بتكلمي مين؟!
منه:بحاول اكلم ايمي بقالي ساعه مبتردش
سمير بشرود:وحشتيني ياايمي
منه:بتقول حاجة يا بابا
سمير:ها لا ابدا...امك فين
منه:ايه يا بابا حضرتك نسيت ماما عند خالو علي
سمير:طيب
رن هاتف منه فالتقطته بسرعه وهي تجيب:ايمي وحشتيني اوي
ايمي عبر الهاتف:انتي اكتر يامنوش وحشتيني اوي عامله ايه
منه بمرح:منفوخه في الثانوية العامه
ابتلعت ايمي ريقه بصعوبة وهي تتذكر تلك الايام الصعيبه قالت بصوت جاهدت ان يبدو طبيعيا:ربنا معاكي ياحبيبتي ذكري كويس عايزة مجموع حلو زيك كدة
منه:بأذن الله ادعيلي انتي بس
ايمي:والله بدعيلك ربنا ينجحك واكملت في نفسها:ويكون نصيبك احسن من نصيبي
منه:هو انتي مش هتنزلي بقى نفسي اشوفك بقى
ايمي:ربنا يسهل
بينما هي تتحدث مع اختها كان سمير شاردا ويحدث نفسه قائلا:معقول فات 9 سنين من غير ما اشوفك يا ايمي ،كنتي فرحتي ربنا يحميكي وانتي بعيد عني
ايمي عبر الهاتف:بابا وماما عاملين ايه؟!
منه:الحمدلله كويسين
ايمي:هما عندك عايزة اكلمهم
منه:ماما عند خالو علي بابا اللي موجود
بابا بابا ايمي عايزة تكلمك
تناول سمير الهاتف من ابنته وتحدث الى ايمي باشتياق:ايمي
ايمي بصوت يدل على البكاء:وحشتيني اوي
سمير بدموع:وانتي كمان ياحبيبتي وحشتيني اوي اوي
ايمي:حضرتك عامل ايه
سمير:انا بخير يابنتي طول ما انتي بخير
ايمي:انا لازم اقفل دلوقتي سلملي على ماما وبابا علي كتير لحد مااكلمه
سمير:من عنيا ياحبيبتي خدي بالك من نفسك
ايمي:حاضر ياحبيبي مع السلامه
اغلقت ايمي الهاتف وغطت وجهها بكفايها وظلت تبكي بشدة..
يتبع..
#نهلة_مجدي
رأيكم 😃
قراءة ممتعة
********************************
#حكاية_عشق "الجزء الاول"
الفصل الثاني
دخلت لارين عليها المكتب قائلة:ايه ايمي بقالي ساعة مستن...ايمي انتي بتعيطي ليه
ايمي بدموع:مفيش حاجة يالا عشان نمشي
لارين:انتي كلمتي باباكي
ايمي:ايوا
ضمتها لارين بحنان وقالت:انا عارفه انهم وحشوكي اوي متزعليش ربنا يجمعك بيهم قريب ان شاء الله
ايمي بابتسامه:مش عارفه لولا وجودك معايا كنت هعمل ايه
لارين بمرح:كنتي هتعملي فراخ ومكرونه بالبشاميل اللي بحبها يالا بينا بقى
ضحكت ايمي وقالت:يالا يامفجوعه من هنا
وكالعادة نجحت لارين ان تخرجها من حزنها ،وصلوا الى منزلهم وتناولوا عشاءهم ثم خلدت لارين للنوم بينما اعدت ايمي كوبا من القهوة وجلست على الارض في الحديقة تنظر للسماء كعادتها منذ ان جاءت الى لندن
عادت بذكرتها عشر سنوات للخلف
*********************************************
اعطها الطبيب حقنه مهدأه ثم خرج من الغرفة وقال:عندها انهيار عصبي ،اللي مرت بيه مكنش قليل ياريت نبعد عنها اي ضغط نفسي لحد ماحالتها تستقر
علي:متشكرين يادكتور
الطبيب:العفو
منال ببكاء:ياعيني عليكي يابنتي هتروحي مني
سمير بغضب:اخرسي بقى حرام عليكي انا اعصابي مش مستحمله مش كفاية المصيبة اللي احنا فيها
منال:هو انا اللي كنت دخلتها ثانوية عامه مش انت برضه علي:ماتسكتي بقى يامنال هو ده وقت عتاب عايزين نتعامل مع البنت بهدوء كفاية اللي حصلها اتفضلوا روحوا انتوا انا هفضل معاها
منال:بس..
علي مقاطعا:من غير بس روحي شوفي بنتك التانية اللي انتي سيبها من امبارح
في اليوم التالي استيقظت ايمي لتجد خالها يجلس جانبها ويقرأ في المصحف ،حاولت ان تتكلم ولكن صوتها ابى ان يخرج ،فقط دموعها تهبط على وجنتيها ،انتبه لها علي اقترب منها وقال:حمدلله على سلامتك ياحبيبتي
لم تجيب ظلت تبكي بصمت
علي:متخافيش انا جانبك
كلما تذكرت ماحدث كانت تبكي اكثر واكثر
علي بحنان:اهدي عشان خاطري
كانت تريد ان تتحدث ان تصرخ لتخرج تلك النيران التي بداخلها ولكن صوتها لا يخرج كأنه قرر ان يسجن حزنها داخل صمتها
*****************************************
فاقت من شرودها على صوت رسالة على "الواتساب" ،امسكت هاتفها وفتحت الرسالة ووجدتها من شقيقتها منه
"ايه اللي مصحيكي لدلوقتي"
ارسلت لها ايمي "خليكي في حالك :p "
منه"بقى كدة طب يالا يابت من هنا"
ايمي"تصبحي على خير ♥"
نهضت ايمي وذهبت الى غرفتها وخلدت في النوم
******************************************
في الصباح في مصر ،نزلت فتاة من على السلم بسرعة واتجهت الى والدتها وقبلت خدها وقالت:ايه ياحنون النشاط ده كله قايمه بنفسك وعامللنا فطار
ضربتها حنان على كتفها برفق وقالت:على اساس مين اللي بيفطركم كل يوم خيالي
لينا:ياحبيبتي احنا من غيرك ولا حاجة اصلا
"ايوا يابكاشه كلي بعقلها حلاوة كدة على طول"
لينا:حماده ياحبيبي خليك في حالك
احمد:ماشي ابقي شوفي مين هيوصلك ،ثم وجه حديثه الى والدته وقال وهو يقبل يدها:صباح الجمال ياست الكل
حنان:صباح النور ياحبيبي يالا عشان تفطري
لينا بطفولة:ناس ليها ياحبيبي وناس تاخد على دماغها
احمد بضحك:بطلي حقد بقى هتختفي من كتر الغل
لينا بحنق:لا والله شايفه ياست ماما
حنان:اسكت يااحمد دي ست البنات كلهم
احمد:ماشي ماشي
لينا برخامه:ماشي ليه ما لسه بدري
احمد:ها ها ها يخربيت سخفتك
حنان بجديه:بطلوا هزار بقى ويالا افطروا
احمد وهو ينهض:انا الحمدلله يالا يابت عشان اوصلك في طريقي كفاية اكل
لينا بمرح:اما اشوف اخرتها معاك
حنان:لا انا مش هخلص منكم امشوا يالا مع السلامه
احمد:سلام ياماما
لينا:باي باي يا مامتي
تنهدت حنان وقالت:ربنا يستر طريقكم ويرجعك ليا ياطارق
******************************************
"في منزل سمير قناوي"
اقتربت منه من والدها سمير قائلة:صباح الخير يا بابا صباح الخير يا ماما
سمير&منال:صباح النور
منال:يالا اقعدي افطري قبل ماتروحي الدرس
منه:حاضر
جلست منه تتناول فطورها
سمير:خلي بالك من نفسك
منال:ومتتأخريش برا
منه:حاضر والله حاضر ايمي كل ماتكلمني تحفظني الكلام ده
تنهدت منال قائلة:ايمان وحشتني اوي
سمير:ومين سمعك
منه:انا مش فاهمه كان ايه لازمته سافرها تكمل تعليمها برا وبعدين قدام خلصت مرجعتش ليه دي مخلصه بقالها 3 سنين
سمير:بطلي رغي وقومي روحي درسك يالا
منه:حاضر يالا سلام
منال:لا اله الا الله
منه:محمد رسول الله
****************************************
في شركة عز الدين للمقاولات
جلس احمد خلف مكتبه واخذ يراجع بعض الاوراق وبدا على ملامحه الضيق تحدث الى السكرتيرة الخاصه به
احمد بغضب:ايه الزفت ده الملف كله اخطأ
السكرتيرة بأرتباك:آ مستر احمد آنا
احمد بغضب:انتي ايه وزفت ايه في ايه يافريدة مش هتركز في الشغل يبقى مع السلامه
فريدة:انا اسفه يامستر احمد مش هتكرر تاني
احمد بتحذير:قدامك نص ساعة وتجبيلي الملف لو لقيت غلطة تاني مش هيحصل كويس فاهمه؟!
فريدة:حاضر يامستر بعد اذنك
احمد بضيق: اتفضلي
خرجت فريدة من المكتب وعلى وجهها علامات الضيق
مالك يافريدة في ايه
قالها شاب في اواخر العشرينات متوسط الطول عيونه بنيه ضيقه
فريدة بحنق:مستر حسام كويس ان حضرتك جيت مستر احمد جوا على اخره
حسام بدهشه:ليه ايه اللي حصل؟!
فريدة:عشان الملف بتاع المناقصة في اخطأ
حسام:فريدة ما انتي عارفه انه مبيحبش غلطه في الشغل عموما معلش هو احمد عصبي كدة على طول
فريدة:عادي بقالي سنتين اتعودت على كدة
حسام بمرح:اما انتي اتعودتي قالبه وشك علينا ليه...يالا سلام
دلف حسام الى المكتب وقال بمرح:ايه يا باشا صوتك جايب اخر الشركة
احمد بضيق:ساعنك كام
حسام:10 فين ساعتك؟!
احمد:وليك نفس تهزر في نائب رئيس مجلس الادارة يجي متأخر ساعتين
حسام:ياعم ما انت فحتني شغل لحد نص الليل
احمد:طب يالا على شغلك بقى واشوفك في الاجتماع
حسام:تمام يا باشا
*****************************************
"في لندن"
انهت ايمي عملها ثم توجهت الى المعمل لتصطحب لارين
لارين:ايمي حبيبتي
ايمي:ايه ياحبيبتي خلصتي
لارين:اه خلصت
ايمي:يالا عشان نروح نشوف المكان بتاع المركز وبكرا هنختار الالوان ماشي؟!
لارين:اوكي
ذهبا معا الى المركز ،كان عبارة عن مبنى مكون من طابقين وطابق ارضي ،وبه بعض الغرف في الطابق الارضي ،وفي الطابق الاول ممر طويل به غرف ايضا ،اما الطابق الثاني كان به غرف وغرفتان واسعتان.
لارين:المكان حلو ولما يتجهز هيبقى احلى بكتير
ايمي بابتسامه:فعلا اخيرا بعد عناء 9 سنين عرفت اعمله
لارين:هو هياخد قد ايه عقبال مايجهز
ايمي بجدية:مش عارفه بس هعرف بكرا i think مش اكتر من شهرين
لارين:اوكي انتي اللي هتقبلي الناس وتتفقي معاهم عشان انتي اللي عارفه التفاصيل
ايمي بهدوء:ان شاء الله يالا نرواح بقى عشان فصلت
****************************** *********************
دخل حسام على مكتب صديقه وجده شاردا ،هتف بأسمه مرتين لكن دون استجابه ،فامسك القلم الموضوع على المكتب وقذفه في وجهه
انتفض احمد وقال بضيق:ايه ياخي الهزار ده خضتني
حسام بضحك:اتخضيتي يابطه
احمد بضيق:اقسم بالله مافايقلك
حسام:لسه بتفكر في الموضوع اياه
وقف احمد بجانب الشرفة وتنهد ثم وقال:مبيروحش عن بالي
حسام بهدوء:انسى بقى يا احمد فات كتير وانت مبقتش زي الاول
احمد بشرود:موت ابويا هو اللي فوقني طارق سافر وفضلت انا هنا فجأة لاقيتني شايل مسئولية الشركات وانا لسه مخلصتش كلية...يارتني كنت فوقت من زمان
ربت حسام على كتف صديقه وقال بحنان:ربنا غفور رحيم
احمد بحنق:بس احنا مش ربنا
حسام:يابني ربنا بيسامح احنا البشر مش هنسامح اهم حاجة انك مترجعش للغلط تاني ادعي ربنا وان شاء الله هيغفرلك
احمد:يارب ياحسام
*******************************************
رن هاتف طارق برقم صديقه عماد
طارق:ايوا ياعماد
عماد:باشا هنروح بكرا عشان نشوف المكان وتقابل صاحبته
طارق:طيب ماشي الساعة كام؟!
عماد:على 8 كدة
طارق:تمام نخلص الشركة ونروح سوا
عماد:ماشي يا باشا سلام
طارق:سلام
******************************************
بعد ان وصلا الى منزلهم وبدلوا ملابسهم ،جلسوا ليتناولوا طعام العشاء
لارين:بقولك ايه يا ايمي
ايمي:ايه
لارين بهدوء:انا بفكر اتحجب
ايمي بسعادة:انتي بتتكلمي بجد!!
لارين بأبتسامه:ايوا بس محتاجة تشجيعك
احتضنتها ايمي بسعادة وقالت:ده احلى قرار خدتيه في حياتك بس ايه اللي خلاكي تفكري في موضوع الحجاب
لارين بجدية:بصراحه انتي لما كنتي بتكلميني في الدين وخلتيني اصلي وفهمتيني ان الصلاة عماد الدين وكمان ان ربنا فرض علينا الحجاب عشان احنا زي الجوهرة مش اي حد يشوفها الا اللي هيكون ليا في الحلال ويحافظ عليا ،كنت لما بادخل اوضتك وانتي مش موجودة جربت كذا مرة البس طرحه من عندك وعجبني شكلي اوي وبس كنت محتاجة ان حد يشجعني وخلاص انا خدت القرار ونويت اتحجب
ايمي بابتسامه:ربنا يثبتك يارب انا مبسوطة اوووي يا لورا.....هتلبسيه امتى؟!
لارين بتفكير:معنديش لبس ينفع للحجاب بفكر بكرا بعد مانخلص شغل ننزل نشتري لبس
ايمي بسعادة:تمام...هقوم اعملنا اتنين نسكافية ونتفرج شويه على ال t.v
لارين:اوكي
*******************************************
"في مصر"
كان علي جالسا مع زوجته زينب ويتحدثون
علي:ايمان وحشتني اوي
زينب:وانا كمان والله من يوم ماسافرت منزلتش ولا مرة
علي:ربنا يرجعها بالسلامة
صرخ هاتفه معلنا على اتصال جديد
علي بلهفه:دي ايمان....الو
ايمي عبر الهاتف بمرح:السلام عليكم
علي:وعليكم السلام وحشتيني يا ايمي
ايمي:انت اكتر يا بابا وحشتني اوي
علي:اخبارك ايه طمنيني عليكي
ايمي:انا الحمدلله كويسة المهم حضرتك صحتك عامله ايه
علي:انا كويس ياحبيبتي
ايمي:عاملين ايه وطنط زينب ومصر عامله ايه
علي بحزن:كل حاجة وحشه من غيرك
ايمي:متقولش كدة يا بابا عشان خاطري
علي:مش هترجعي بقى
ايمي:معلش يا بابا مش هينفع
علي:ليه يا ايمان؟!
ايمي بدموع:غصب عني والله يا بابا
علي:طب عشان خاطري ارجعي
ايمي:خاضرك غالي عندي بس انا مبقاش ينفع
علي:ليه بقى
ايمي:هقولك...انا خلاص هعمل مركز طبي خاص بيا هنا في لندن
علي بفرحة:بجد يا ايمي
ايمي:اه والله ان شاء الله بكرا هتفق مع شركة الديكور وهبدأ في تجهيزه
علي:طب ده هيحتاج تكاليف كتير اوي شوفي هتحتاجي قد ايه عشان احولك من هنا
ايمي:ربنا يخليك يا بابا انا من يوم ماجيت لندن وانا بشتغل عشان اعمل المركز ده وبعدين معايا صاحبتي هتدخل شريكة معايا في تجهيز المعمل بتاع المركز والحمدلله قدرت اجمع فلوس التجهيز وزيادة
علي:الحمدلله ياحبيبتي بس ده ميمنعش انك لازم تنزلي قريب
ايمي بتنهيده:ربنا يسهل يا بابا سلملي على طنك زينب تصبح على خير
علي:الله يسلمك ياحبيبتي مع السلامه
ايمي:سلام
اغلق علي الهاتف وساد الصمت قليلا ،كسرت زينب حاجز الصمت قائلة:عامله ايه
علي:عادي زي من ساعة ما سافرت صوتها حزن ومكسور
زينب باشفاق:ربنا يتولاها برحمته
******************************************
"في لندن"
جاءت ايمي وجلست بجانب لارين بعد ان اعدت كوبيا من النسكافيه
لارين:كنت بتكلمي مين؟!
ايمي:بابا علي
لارين:امممم انتي ليه بتقوليله بابا
ايمي:عشان هو اللي رباني من انا صغيرة كنت تقريبا قاعدة عنده على طول
لارين:اها هو معندوش اولاد
ايمي:لا مخلفش للاسف عشان كدة بيعتبرني بنته ساعة اللي حصلي مسبنيش دقيقة واحدة
لارين بترقب:مالك يا ايمي
ايمي:بابا علي بيزن عليا اني ارجع مصر
لارين:طب ماتنزلي زيارة بعد ماتجهزي المركز
ايمي بلامبالاة:ربنا يسهل
لارين:انا هنام تصبحي على خير
ايمي:خديني معاكي
لارين بضحك:معقول مش هتقعدي في الجنينه دي معجزة ده انتي مفوتيش يوم من ساعة ماجينا من غير ماتقعدي كدة
ايمي بضحك:خلاص يابنتي في ايه تعبانه وعايزة ارتاح
لارين:طب يالا ياقلبي ندخل ننام بكرا يون طوييييل
ايمي:على رأيك يالا
****************************************
خرجت من غرفتها في الليل لتطمئن على اولادها كالعادة ،دخلت غرفة لينا وجدتها نائمة مثل الملاك ،قبلت جبهتها ثم خرجت واتجهت الى غرفتها ،ولكن اوقفها صوت انين قادم من غرفة ابنها احمد ،عادت ادراجها ودخلت الغرفة وجدت احمد نائما وظهر على ملامحه الضيق ويهمس بكلام غير واضح اقتربت منه وحاولت ان تفهم مايقول ولكن لم تفهم ،ظهر على ملامحه الضيق اكثر واكثر وبدأ يقول بضيق:لآآ لآ آآ
انتفضت حنان ومدت يدها لتيقظه ،انتفض احمد من مكانه وصرخ بصوت عالي:آآآآه
الفصل الثالث والرابع والخامس والسادس من هنا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق