رواية أرملة رجل حي الحلقه الثالثه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الثالثه بقلم الكاتب محمد منصور حصريه وجديده على مدونة النجم المتوهج
انتي خايفة لية المرة دي كدة هي يعني اول مرة
دة اللي قاله بسيوني ل كريمة لما فاقت من البنج وكانت في عيادة خاصة تبع الحج بركات اتعدلت بعدها كريمة وقالت
مش مرتاحة يا بسيوني وحاسة ان المرة دي غير اي مرة
بسيوني
بقول لك اية يا مراة انا مش عايز نكد وكلام يكسر المقاديف امسكي العقل كدة وخليكي ماشية ورايا
كريمة
هفضل ماشية وراك لغاية ما نتمسك والعيال تضيع من بعدي
بسيوني
ام سيرة العيال اللي بتعصبني
كريمة
وهي في حاجة مصبراني عليك غيرهم. كنت ممرضة وعايشة بالحلال لغاية ما لويت ذراعي بالعيال ودخلتني في سكة النصب
بسيوني
يا مراة يا جاحدة دة انا بعمل ل مصلحتك عايز انظفك واخليكي من حتة ممرضة ملهاش لزمة ل هانم قاعدة في قصر. واهو قبل ما نفذ الملعوب ضربتك قصاد عيالك وطردتك علشان ما حدش فيهم يعرف ان ملاك الرحمة شيطان رجيم. وافضل انا الشرير والخسيس في رواية احدهم. وكلها كام يوم وفلوس بركات تبقي بتاعتنا
كريمة بحرقة
الله الغني. انا عايزا اربي عيالي ويكبرو يتشرفو بيا وانا اتشرف بيهم
بسيوني ماسكها من شعرها وقال
هو كل مرة قبل ما ننصب علي حد اسمع منك الموشح دة. كفاية نكد بقي دة انتي مراة بومة وايمنات المسلمين لو فتحت بوقك تاني من دلوقتي لغاية ما يخلص الملعوب. هحزنك علي عيالك الثلاثة واخليكي تحضري دفنتهم
وساب شعرها وخرج من الاوضة وعيطت كريمة وبصت لفوق وقالت
يارب ماليش غيرك انا من غير طهر ولا ليا عيله ولا حد يقف في وش المفتري دة حلها من عندك يارب وخلصني منه ،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من محطة مصر يوصل القطر اللي جاي من المنصورة وينزل من القطر. محمد خطيب كريمة الاولاني علشان يلاقي نحمده واقفة مستنيا بص لها
نحمده. اومال فين كريمة
نحمده
وحياة حبيبك النبي تسمعني كويس وتفهمني علشان كريمة هتغرز وسط طينه كلها خنازير وانا مش هقدر اعملها حاجة علشان كدة انا اتصلت بكام واحدة في البلد لغاية ما وصلت ل رقمك و اتصلت بيك
محمد بحدة
انا عايز اعرف هي فين علشان اصفي حساب قديم
نحمده
الحساب عدي علي 20 سنه وهي ماكنش ليها ذنب في اللي حصل لك
محمد مسك نفسه وقال
انا مش عايز اتعصب وافرج اللي في المحطة علينا اختك فين
نحمده
هعرفك مكانها بس ورحمة امك تهدي
محمد
هو انتي بجحة بتحلفيني بامي اللي ماتت بسبب اختك اللي سابتني وهي خطيبتي وراحت تتجوز واحد تاني ومن زعل امي عليه لما شافتي بتصفي قدام منها ماتت
نحمده
اختي مظلومة واللي كان السبب في انها تسيبك انا
محمد اتصدم
انتي
نحمده
مش هينفع احكي لك وسط الدوشة دي تعالي نقعد برة،،،،
ونرجع بالاحداث ل 20 سنه وراء لما اتنين اصحاب من القاهرة جم ل كريمة ونحمده علشان يتجوزوهم وكريمة الصغيرة احلي من نحمده الكبيرة والعريسين دول طارق وبسيوني اللي شغالين مع ابوهم عم طه. وبعد ما مشيو العريسين دخل طه
ل بناته اوضتهم وقال
جه ليكم عريسين من مصر يعني هتعيشو في العاصمة جنب البرج والسيما ومحطة مصر
نحمده
الله يا با. وهنتمشي علي الكورنيش
طه
هتتمشو علي الكورنيش. هه قولتو اية
نحمده كان باين عليها انها موافقة فقالت بدلع البنات
اللي تشوفو يا با
بص طه ل كريمة اللي كانت ساكتة فقال
وانتي يا كريمة رايك اية
كريمة
يا با انت ناسي اني مخطوبخ ل محمد
طه
محمد لسة هيجهز نفسه لما يجوز اخته يعني فيها 5 سنين كمان
كريمة
وماله يا با استني
طه
تستني اية عايزا تتجوزي بعد ما تعدي العشرين ويتقال عليكي بورتي
كريمة
يا با. بورت اية بس الكلام دة خلاص ما بقاش موجود
طه
لا موجود وانا مش عايز كلام تاني وجوازكم من بسيوني وطارق هيتم قريب اوي.
كريمة
طيب كنت بتسالني لية لما انت ناوي تجوزني عافية
طه
مش عافية انا ابوكي وعايز مصلحتك ولو مش فارقة معاكي كلمتي بصي ل اختك الكبيرة اللي كلها سنة وتكسر ال 20. ويتقال عليها بيرا
نحمده
وانت لية يا با ربط جوازتي بجوازتها انا عايزا اتجوز واعيش في مصر وسيبها هي بقي تستني محمد
كريمة
ايوة هستني لان محمد خطيبي والبلد كلها عارفه
طه
خطبتك لي قبل ما اعرف انه هيجوز اخته الاول
كريمة
وانا راضية وهستني يضايقك في اية دة
طه
انا كلامي معاكي خلص.
ولت البنات دة انا ماليش في
وسابهم وخرج من الاوضة وبصت لها نحمده وقالت
عجبك كدة
كريمة
بقول لك اية يا نحمده انا مش ناقصة وهتجوز محمد يعني هتجوز محمد. ولو الجوازة التانية هتم بالغصب انا هولع في نفسي
وعيلت صوتها اكتر علشان ابوها يسمعها
وبقولها باعلي صوتي هولع في نفسي
دخل طه الاوضة علشان يضربها لكن نحمده خدت ابوها وخرجت وهي بتقول
يا با مش كدة مش عايزين نفرج الناس علينا تعالي نخرج برة نتكلم
وفعلا خرجو وسابو كريمة لوحدها في الاوضة بتعيط،،،،
ونروح ل كافية جنب محطة مصر و محمد بيقول
ل نحمده
كل اللي انتي قولتي دة انا عرفيتو منها لكن عايز اعرفه هي سابتني لية
نحمده عيطت وقالت
بعت لخالتي ام فايز الداية وخليتها تقعد مع كريمة وتقول لها انك انت اخوها في الرضاعة
محمد اتصدم وقال
وهي صدقت ازاي ولية ما قالت ليش حاجة زي دي
نحمده
اصل قولت ل خالتي ام فايز تقولها ان اللي حصل دة حصل من وراء امك مرة كدة سرقة لما كانت امك في السوق وسابتك عندنا وقت ما كنت انا لسة هتفطم م انا اكبر منك بسنه ونص ولا انت
ناسي.
محمد
يعني انتي وراء اللي حصل وخلتيني اتحرم منها عشرين سنه
نحمده
كنت عايزا اتجوز واسافر مصر
محمد
وعلشان تسافري ،،،،
لكنه سكت لما موبيل نحمده رن فقالت
دة جوزي
فرديت وقالت
الو
فقال طارق
انتي فين
نحمده
ما انا قايلة لك رايحة العتبه اجيب هدوم للعيال
طارق
وما تعرفيش اختك فين
نحمده قلبها انقبض وقالت
يعني اية اختي فين مش انتو اللي عارفين مكانكم
طارق
كانت لغاية النهاردة الفجر في العيادة لكنها اختفت هي وعيالها.
اتصدمت نحمده. وقفلت وقالت ل محمد
كريمة شكلها اتخطفت هي وعيالها
محمد
لية ما تكنش طفشت
نحمده
هتطفش تروح فين دي ما لهاش حد في الدنيا، ،،،،،،،،،
احتمال الحكاية تكون لسة ليها تكملة لكن الاكيد ان الحلقة خلصت. مين يعرف كريمة راحت فين حاكم انا قلبي متوغوش عليها.
ومع السلالمو عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق