رواية أرملة رجل حي الحلقه الرابعه بقلم الكاتب محمد منصور حصريه وجديده على مدونة النجم المتوهج
رواية أرملة رجل حي الحلقه الرابعه بقلم الكاتب محمد منصور حصريه وجديده
يا باشا مراتي اختفت هي والتلت عيال وانتي تقولي لازم 48 ساعة يعدو علي اختفاهم علشان تفتح محضر
دة اللي قاله بسيوني للظابط اللي كان نبطشي في القسم وقت ما هو قرر يعمل محضر باختفاء كريمة وعيالها. وخلص كلامه من هنا رد عليه الظابط وقال بعصبية
ما تتعصبش عليه و هو دة القانون ولو مش عجبك تقدر تخرج من القسم وتدور علي مراتك بالطريقة اللي تريحك
بسيوني
يا باشا حس بيا انا واحد مراته وعياله الثلاثة اختفو وانت بتقولي استني 48 ساعة.
الظابط
دة اللي عندي شوف مراتك عند مين من قرابيها ولا انت زعلتها في اية وهي راحت فين. ويلا بقي شوف مصلحتك وخليني اشوف انا ورايا اية
فضل بسيوني واقف مبلم مش عايز بمشي فشخط في. الظابط وقال
قولت امشي،،،،،،
في نفس الوقت دة كانت كريمة جوة عربية نقل مقفوله بصندوق من وراء بتاع نقل بضائع. ومربوطة ايدها ورجليها زيها زي عيالها ومتكمم بوقها زيها زي عيالها ومش عارفه هي رايحة فين ومين عمل كدة، ،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح ل طارق اللي كان واقف مع نحمده وبسيوني قصاد القسم ونحمده بتقول وهي محروقة علي اختها
والله العظيم لو اختي ما ظهرتش لكون داخلة ومبلغه عنكم كلكم
طارق بص حوالين منه خايف يكون حد سمع كلام مراته وقال
ما تحطي لسانك في بوقك بدل ما اقطعهولك
بسيوني بحدة
ما تبس انتو الاثنين انتو ناسين اننا واقفين قصاد قسم
نحمده
خلي بتوع القسم يسمعونا ويعرفو اني مش هسكت علي اختي اللي اختفت بسبب اللي انتم كنتو عايزين تعملو فيها
طارق
ما تلمي لسانك بقي دة انتي مراة عايزا يتكسر عضم وشها
ولسة هيمد ايدة عليها لقي محمد بيمسكها وبيقوله
لا. بنت خالتي ما بتضربش
بص له طارق باستغراب شديد ودة ما اختلفش عن حال بسيوني، ،،،،،،
وقبل ما اكمل المشهد دة تعالو احكي لكم اية اللي حصل لما محمد عرف ان كريمة اختفت.
ونرجع للكافية اللي كان قاعد عليه محمد ونحمده و بعد ما نحمده قفلت مع طارق وفضلت تعيط فقال لها محمد
لية انتي قولتي انها اتخطفت ما هي ممكن تكون خديت العيال وراحت لحد من معارفها
نحمده
احنا من بعد موت ابونا طه ومابقاش لينا اي علاقة بحد حتي بيتنا اللي في المنصورة بعنا ورغم كل اللي شافته من جوزها بعد جواز 20 سنه ما فكرتش تطفش ولا مرة هتطفش دلوقتي وتطفش تروح فين بس دة انا غلابه وملناش حد في الدنيا. هي اتخطفت
محمد
ومين بس يعمل كدة
نحمده
ما عرفش بس السر عند طارق جوزي وبسيوني جوزها
محمد
طيب انا عايز اشوف الاثنين دول
نحمده اتخطيت وقالت
لا ما ينفعش تقابلهم ازاي ويعرفو انك كنت خاطيبها
محمد
لا. يعرفو اني ابن خالتكم اللي شغال في النيابة
نحمده
ابن خالتنا
محمد
ايوة خالتكم نعسه اللي امك الله يرحمها كانت مقطعها من سنين
نحمده
ولما هي يقولي انا وصلت لك ازاي
محمد
سهلة يا نحمده انتي عارفة اني شغال في النيابة واختك اختفت واني اتصلتي بيا علشان اساعدك نوصل لها
نحمده
وهو انت شغال في النيابة
محمد طلع كارينه النيابة وقال
انا سكرتير وكيل النائب العام انما هما هيعرفو اني وكيل نيابة علشان الهيبة.
نحمده
هنتكشف
محمد
ماتخافيش اتصلي ب جوزك واعرفي هو فين دلوقتي وانا هروح معاكي وهكون قريب منك وهدخل في الوقت المناسب، ،،،،،،،،
ونرجع ل محمد وهو بيطلع الكارينه بتاع النيابة وبيحطو في وش طارق و بسيوني وبيقول
تحبو اثبات تاني
بسيوني بلع ريقة بصعوبه ماهو نصاب ولازم يخاف من الحكومة وطارق حاله ما اختلفش عنه ما هو كمان زيه وشاف محمد الرعب في عيونهم حط الكارينه في جيبه وقال
فين كريمة وعيالها
طارق
ورب الكعبة ما اعرف لكن اعرف من حد شغال في عيادة الحج بركات ان بنته نيرة عرفت بان الحج بركات ناوي يتجوز كريمة وخربت الدنيا
نحمده
يبقي هي بنت بركات دي اللي خطفت اختي بعيالها
محمد لطارق
اوصل ازاي ل نيرة دي
طارق
هعرف واقول لك
محمد
بلغ نحمده وهي هتبلغني وانا بقي هعرف ازاي اوصل ل كريمة،،،،،،،،،،
بعدها بساعة توصل العربية اللي فيها كريمة بعيالها
ل قصر كبير في المريوطية. وينزل سواق العربية ويفتح الصندوق ويقول ل كريمة
انزلي
ونزلت كريمة من العربية وهي مرعوبه وبعد منها نزل عيالها وكام راجل جم ودخولها القصر علشان تشوف بركات قاعد علي كرسي كبير قصاد باب القصر وبيبص لها بصة مش مفهومة وبيقول
نورتي بيتك يا عروسة، ،،،،،،
اتصدمت كريمة ومع صدمتها الحلقة خلصت وسلام عليكم
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق