رواية دموع قمر الحلقه الثالثه بقلم الكاتب محمد منصور حصريه وجديده على مدونة النجم المتوهج
رواية دموع قمر الحلقه الثالثه بقلم الكاتب محمد منصور حصريه وجديده على مدونة النجم المتوهج
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فى الوقت دة يسمعوا صوت خبط علي الباب فتفتح قمر الباب فتلاقي واحدة اسمها ام عبير مرات ابوها التانية غير نعمه واقفة وبتقول لها
فين أبوكي يابت
قمر بعصبية
أنتي مين وأيه بت دي
ام عبير
أن مرات ابوكي يا حلوة. والدكر سايب البيت بقاله اسبوع من غير ولا مليم
فتتصدم قمر وتبص لابوها صبحي بص كلها اسئله. وتقول بحزن
انت متجوز يابابا.
ام عبير
اة يا ختي متجوز
فبص لها صبحي وهو مكسوف مش قادر يرد فقالت قمر
يعني انت كنت طول الفترة اللي فاتت بتاخد مني فلوس بحجة انك تعبان وانت بتاخد الفلوس دي عشان تصرفها علي مراتك التانية
صبحي
ياقمر، ،،،،،
قمر وهي بتعيط بحرقة.
حرام عليك والله. دة انا بقيت عرة في الكلية بسبب الفستان اللي مش عارفة اجيب غيرة. لسة عندي 20 سنة وشايلة هم يهد جبل البت اللي مستنيا الدلع طلعت لقيت نفسيها راجل البيت. هو انا اية ما بصعبش عليك ان كنت انت ولا اخويا رمضان
وفي الوقت دة يجي رمضان وكان باين عليه انه شارب وعميان ويبص ل ام عبير ويقول
في بيتنا بطل. انتي مين يا ساحرة الغجر
فتبص له نعمه وتقول
انت رمضان صح.
رمضان
اية بقي. ده انا طلعت مشهور انتي مين بقي
ام عبير
انا ام عبير
قمر بحزن
دي مراتك أبوك
رمضان وهو في غيبوبة
ابويا. اني واحد فيهم
فتضحك أم عبير ضحكه صوتها عالي فيقول رمضان
أيوا بقي يا تعبه كل الناس يا ام عبير
قمر
فوق يا رمضان من الحشيش اللي بتشربه. دة. بقول لك دي مرات ابوك
فيبص رمضان الي صبحي ويقول له
انت اتجوزت يا صبحي
ومايردش صبحي فيقول رمضان وهو بيضحك وبيبص
ل ام عبير
وانت هتقدر علي دي يا صبحي.
ويدخل الي اوضتة فتضحك ام عبير وهي بتبص علي رمضان وتقول لصبحي
انا عارفة ما طلعتش عسل لية زي ابنك
و يخرج رمضان مره تانية من اوضة وهو بيسحب ثلاثه من اخواته من رجليهم ويرميهم بره الاوضة وهو يقول
انا قولت ميت مره ما حدش ينام علي سريري بتشائم
فتضحك ام عبير تاني فيبص لها ويقول
ياريت ينفع بس انتي مرات اختي ما ينفعش خالص خالص
ويدخل الي الاوضة مره تانية ويستمر ضحك ام عبير فيفتح باب الاوضة تاني ويبص لها ويقول
ماتلمي نفسك يا وليه بقي ضحكتك خليت الشيطان قاعد جوه مستني يكون تالتنا
لكنها تفضل تضحك بشكل مستفز ورمضان بيقول
اية يا ولية مالك الزمبلك باظ ولا اية
ويبص لصبحي ويقول
اتجوزتها ازاي دي يا صبحي
ويدخل الي الاوضة ويقفل الباب وصبحي يبص ل ام عبير ويقول
ما تلمي نفسك بقي. فضحتيني. امشي دلوقتي وانا هافوت عليكي بكره
ام عبير. بعصبية
بكره أيه. ابنك تعبان ومحتاجه فلوس اجيب له علاج
فيدي لها صبحي ال 50 جنيه اللي لسة واخدها من قمر فتبص ام عبير للفلوس وتقول له
ايه ده 50 جنيه بس. ودول يعملوا ايه دلوقتي
صبحي
هما دول اللي معايا دلوقتي خديهم وامشي
ام عبير
ما ينفعوش دول شوف لي فلوس تاني. والا وعهد الله افضحك في المنطقة كلها واقول تعالو شوفو الراجل اللي رامي عياله لحماته تصرف عليهم
فتخرج قمر من شنطتها ال 50 ج التانية اللي كانت شايلها علشان موصلاتها للكلية وحطتهم في ايد ام عبير وقالت
دول كل اللي في البيت خديهم وغوري من هنا. وبلاش فضايح
ام عبير. وهي بتبص للفلوس
اغور. مش هرد عليكي
وتحط الفلوس في البوك بتاعها وهي بتقول
واعملي حسابك طالما انتي بقي طلعتي راجل البيت انا هاخد دول امشي بيهم نفسي دلوقتي بس يومين تاني وهرجع لك.
فيفتح رمضان باب الاوضة كمان مرة وهو عريان من فوق ولابس من تحت بنطلون بيجامه وكان رايح الحمام فيشوف ام عبير وقمر وصبحي وكانو بيشوفهم اول مرة فيقول
تلت ستات يادي الفضايح
ويقلع بنطلون البيجامه ويغطي بي شعره. وهو بيقول
سمحمد جوزي لو عرف ان في حد غريب شاف شعري فيها قطع رقبه
فتضحك ام عبير نفس الضحكة وتقول
والنبي انت عسل
رمضان
هو انتي لسه هنا يا ام فشة عايمة
ام عبير
انا خلاص كنت ماشيه
فيروح ناحيتها ويمسكها من ايدها ويقول لها
وهو ينفع تمشي لوحدك دلوقتي لازم اوصلك
ويروح بيها ناحيه اوضتة فيقف صبحي قدام منه وهو بيقول
رايح بيها فين
رمضان
الشيطان قاعد جوه هيموت ويشوفها
فيبعد نعمه عن رمضان وهو بيقول له
لم نفسك يا رمضان والا ما فيش الا الجذمه و روح استر نفسك
رمضان
ما انا مغطي شعري اهو.
لكن صبحي يبص ل ام عبير ويقول بعصبية
وانتي يالا امشي غوري علي البيت وماتجيش هنا تاني
فيبص لها رمضان ويقول
خلاص روحي انتي دلوقتي وهو اصلا قرب يموت وهانكمل سوي
ويروح رمضان ناحيه الحمام وهو بيترقص وبيقول
يا تعبه كل الناس يا مرات صبحي
صبحي بنرفزه وهو بيرمي بالشبشب
مرات صبحي يا ابن الكلب
وتمشي ام عبير ويبص صبحي ل قمر اللي قعدت علي جنب وهي حزينة وصعبان عليها نفسها وبتعيط وبتبص له
ما خلاص بقي خلصنا.
قمر
ما خلصناش انت ظلمتني وجيت عليه
صبحي بعصبية
بت. كل جنية خده منك هتاخدي علي الجذمة وكلمة تاني مش عايز اسمع. دي عيشة تقصر العمر
ويسيب صبحي الشقة ويخرج وتفضل قمر تعيط ويخرج رمضان من الحمام ويلاقي قمر بتعيط فيسيبها ويدخل اوضة فتدخل قمر وراء منه وهي بتعيط ورمضان نايم علي السرير فتقول
يرضيك يا رمضان اللي عمله ابوك. دة انا بتعب وبشقي مابين دراسة في الكلية وشغل في الكوافير. علشان بس الاحق مصاريف اكل وشرب علي اخواتي. ازاي يطلع متجوز هو انا ناقصة غلب يا رمضان
فيبص لها رمضان ويقول
عايزا اية يعني.
قمر
عايزاك جنبي انت اخويا الكبير ومحتاجلك
رمضان
طيب لف لفة وارجعي اكون لميت لك قرشين تمشي بيهم نفسك
قمر
طيب الفلوس اللي معايا كلها خدتهم مرات ابوك ومافيش عشاء في البيت لخواتك
ولكن رمضان كان حط دماغة علي المخدة ونام وقمر تصرخ وتعيط من القهر وتقول
حرام عليكم حرام عليكم حسو بيا. بقي انا تعبت والله تعبت ، ،،،،،،،،،،،
ومن جوة عياده تجميل في وسط البلد ل أشهر دكتور تجميل يقعد عمار قدام الدكتور سليمان اللي بيكشف علي عمار ويتفحص الحرق اللي في وشة ويقول سليمان بعد ما ينتهي من الفحص
انا عايزك تطمئن يا أستاذ عمار ان شاء الله هي عمليه واحده ووشك هايرجع زي الاول واحسن
عمار فرحا
والعمليه دي هاتكلف كام يا دكتور
سليمان
100 الف جنيه شامله كل شي
فيصدم عمار ويقول
مش ممكن ااقل من كده
سليمان
لا طبعا انت عارف ان كل حاجه غليت دلوقتي من علاج لفتح اوضه العمليات الي اخره دي ااقل حاجه بس انت بعد العمليه هاتحس بالفرق وساعتها هتلاقي ان اللي ادفع مالهوش لزمة جنب رجوع وشك لحالته الطبيعيه
عمار
أصل بصراحه يا دكتور المبلغ مش جاهز معايا
الدكتور
مع الاسف دي ااقل حاجه ممكن تدفعها علشان اللي راح يرجع تاني
فيقف عمار وهو يقول
ماشي يا دكتور شكرا
ويخرج من اوضة الكشف ويقابلة حسان اللي كان مستني برة وقال اول ما شافة
اية خير ان شاء الله
عمار
المرة دي في امل ان وشي يرجع زي الاول.
حسان
قولت لك دكتور سليمان دة غير اي دكتور احنا روحنا له
عمار
بس علشان ارجع زي الاول هحتاج 100 الف ج.
اتصدم حسان من الرقم ومبقاش عارف يرد يقول اية، ،،،،،
ومن قدام بوابة كلية تجارة كانت قمر عايزا تدخل الكلية لكنها نسيت الكارينة فراحت لامن الكلية واتكملت معه علشان تدخل الكلية لكنة رد علية وقال
لازم يكوني معاكي الكارنيه علشان تخشي
قمر
علشان خاطري انا اول مره انسي الكارنيه ولازم احضر محضره النهارده علشان الدكتور هايقول علي اللي الصفحات الملغيه من كتابه
امن الكليه
مش هاينفع دي تعليمات مدير الامن
قمر بنرفزه
يعني ايه مش هاينفع انا طالبه هنا وانت كل يوم بتشوفني انا لازم اخش
وتحاول قمر الدخول ولكن فرد الامن يمنعها بالقوه وهو يقول
انا مش ناقص قرف علي الصبح انا عندي تعليمات وبنفذها
قمر بعصبية
قرف. انتي بتقولي قرف. لو واحدة او واحد من اللي عندهم عربية ما كنتش قدرت تقول له كدة
فرد الامن
انتي عايزا تساوي نفسك ،،،،،،،،،،،،
في الوقت دة يظهر عمار ويقول لفرد الامن بحدة
اللي انت بتعمله. وعايز تقوله ده قله ذوق منك انت عارف ان دي طالبه هنا في الكليه وبتشوفها كل يوم خليها تدخل يا اسامه. بلاش الطريقة المستفزة دي
فيبص اسامه. اللي هو فرد الامن. ل عمار ويقول
بس يا عمار التعليمات، ،،،،،،
فيقاطعه عمار قائلا
اسامه ماتحورش وخليها تخش خليك حلو. انا لسة شايفك مدخل غيرها كتير ومش معاهم كارينهات ما جتش عليها
فيبص اسامه ل قمر ويقول لها
خشي يا ستي لكن بعد كده ماتنسيش الكارنيه بتاعك
فتبص قمر ل عمار نظره اعجاب وتقول له
شكرا
فيرد عمار مبتسما
مافيش حاجه تستاهل شكرا
وفضلت قمر واقفة تبص لعمار فيقول اسامه
هاتفضلي واقفه ما تخشي
فتدخل قمر. وتمشي جنب عمار اللي يبص لها وهو بيقول
اسامه رخم شوية لكن ابن حلال. ما تزعليش منه
قمر
ما حصلش اي حاجة. تعبتك معايا
فيبتسم عمار ويقول
ولا يهمك. بعد اذنك
ويمشي عمار ناحية المدرج بتاعه وتمشي قمر ناحيه المدرج بتاعها ولكنها تمشي كام خطوه وتقف تبص علي عمار. ولية ما تبصش عمار اول شاب يتكلم معها بشكل مهذب عمار اول شاب يحسسها انها بنت مش ناقصها اي حاجة. عمار اول شاب تنجذب لي قمر ويدق قلبها اوي ودخلت قمر المحاضرة وكانت بتتمني ان تخلص بسرعه
علشان تخرج وتشوف عمار تاني
وبعدها بساعه تقف قمر وسط الكلية وبتبص يمين وشمال
وكان نفسها اوي تشوف عمار لكنها يأست وخرجت من الكلية وقعدت برة علي الرصيف يمكن يظهر وجه وقت الكوافير وكان لازم تقوم وقامت وهي بتبص يمين وشمال يمكن تشوف عمار، ،،،،،،،،،،،
ومن جوة الكوافير تقف عبير جوة مكتب سهير وتقول لها
صدقيني يا سهير هانم دي اتفقت علي كل حاجه مع السمسار وبدات تمهد للزباين انها هاتفتح كوافير وباسعار خاصه للزباين اللي هتاخدهم من هنا
سهير
انتي بتقولي ايه قمر مستحيل تعمل كده
عبير
لو مش مصدقاني هي النهارده بعد الشغل هاتروح للسمسار علشان تتفرج علي المحل اللي هاتفتحه كوافير
سهير
ازاي قمر ها تفتح كوافير وهي مش معها حتي فلوس تشتري بيها فستان بدل اللي داب علي جسمها
عبير
سهير هانم انا جيت وحذرتك علشان انا واكله معاكي عيش وملح والنهارده بعد ما نقفل المحل هاروح معاكي واخليكي تشوفي قمر بعينيكي وهي بتتفرج علي المحل
فتنصدم سهير هانم مما سمعته لانها كانت بتحب قمر جدا ولكنها صدقت عبير وتخرج عبير من مكتب سهير هانم وتخرج الموبيل بتاعها وتتصل بسمسار معرفتها وتقول له
اقفل معايا واتصل علي الرقم اللي اديتهولك وانت عارف بقي هتقول اية، ،،،،،،،
وفعلا تقفل عبير من هنا ويرن موبيل قمر من هنا فترد قمر وتقول
الو
السمسار
ايوا قمر معايا
قمر
ايوا انا قمر
السمسار
ايوا يا قمر انا الحاج منتصر السمسار صاحب ابوكي الروح بالروح وابوكي كان موصيني اشوف لك محل تفتحي كوافير بأسمك وانا مستنيكي الساعه 10 تيجي تبصي علي المحل
قمر باستغراب
ابويا قال لك تشوف لي محل وما قليش ليه انه بيدور لي علي محل
السمسار
علشان ما كنش عايز يعشمك بحاجه ممكن ما تحصلش وعموما انا مستنيكي في العنوان ده
فتاخذ قمر منه العنوان وهي تقول لنفسها
ابويا جاب لي محل. معقولة يكون حس بيا ولما لاقاني زعلت قال يرضيني. طيب ما اتصل اسئلة
وتتصل بصبحي اكتر من مرة ولكن موبيلة كان غير متاح. فقالت لنفسها
يادي الموبيل الخربان بتاعك يا بابا. طيب اعمل اية دلوقتي
فتقف رشا وراء منها وتقول
قمر خلاص اتجننتي بتكلمي نفسك
قمر
لا. خالص دة انا بفكر بس في حاجة كدة.
رشا بخبث
طيب يا حبيبتي. ربنا معاكي. و عموما ماتفكريش كتير لو حاجة في مصلحتك.
وتسيبها رشا وتمشي وتقول قمر لنفسها
انا اروح واشوف اية حكاية المحل هو أنا يعني هاخسر أية، ،،،
وتنتهي ساعات العمل في الكوافير وتخرج قمر من الكوافير متجهه الي العنوان اللي خذته من السمسار ووصلت العنوان فلقيت السمسار قاعد قدام باب المحل ومعه سهير هانم وعبير وسهير كانت بتبص لها بغل شديد، ،،،،،،
ولغاية هنا. خلصت حلقتنا اللي يارب تكون عحبتكم ولو في العمر بقية هاكمل لكم الحكاية دية. سلام
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق