رواية ليل المستبد الحلقه الرابعه عشر بقلم الكاتب إسماعيل موسي حصريه وجديده على مدونة النجم المتوهج
 |
رواية ليل المستبد الحلقه الرابعه عشر بقلم الكاتب إسماعيل موسي حصريه وجديده على مدونة النجم المتوهج
بصى يا ليل ___ قال فارس اخو ليل وهو بياكل، الرجاله عشان تشتغل عندك محتاجين قائد
شخص مش بيخاف من جاسر ولا بيهابة، شخص يقدر يوفرلهم الحمايه ويقف قصاده.
هسمت ليل بيأس وانا هجيب من فين راجل ذى ده ؟
كل الرجاله خايفه من جاسر إلا وابتسمت ليل
إزاى مجاش فى بالى كل الوقت ده ؟
تقصدى مين يا ليل؟
الجدع الى وقف ضد جاسر يوم تنفيذ الأحكام مش فاكره اسمه لكن كان واضح انه يقدر يقف فى وش جاسر
دا حتى كان بيقول انه راجلى وتحت خدمتى
اسمه نصير... ناصر، ايوه اسمه ناصر ،لو قدرت اوصله
متأكده انه هيقدر يساعدني.
مستينه ايه يلا بينا، خرج فارس وليل يبحثون عن ناصر
ناصر كان ساكن فى بيت على أطراف القريه
منه للزرع، هناك لقيو ناصر قاعد قدام البيت، مولع حطب وبيحضر شاى.
فارس رمى السلام وناصر رد عليه، بص على ليل بضيق
وسمح ليهم يقعدو.
فارس اتكلم كتير، بعدها ليل طلبت من ناصر انه يشتغل عندها بالمرتب إلى هو عايزه.
ناصر بص لبعيد ،ومن غير تفكير همس اسف مش هقدر
ليل : انت خايف من جاسر انت كمان؟
استدار ناصر بغضب، مفيش مخلوق على الأرض ناصر يخاف منه.
ليل /امال رفضت ليه ؟
عندى اسبابى الخاصه، خدو واجبكم واتفضلو مع السلامه.
ليل / واجب ايه بقا، يلا بينا يا فارس كلهم شبه بعض.
فى الطريق فارس قال لليل ملحظتيش حاجه ؟
ليل / حاجة ايه ؟
فارس / ناصر زعلان منك
ليل / هو انا اعرفه اصلا؟ دا كل إلى دار بينا شوية كلام فاضى!
فارس! / ناصر شايل منك يا ليل!
ليل / ما يشيل ولا يتنيل هعمله ايه يعنى ؟
فارس / متنسيش انك محتاجها، ناصر اخر فرصه ليكى فى البلد هنا.
صرخت ليل، عايزنى اعمل ايه يعنى؟ اروح اترجاه ؟ اتزلله ؟
فارس / ليه لا؟
لو كان الراجل مجروح حاولى تعرفى السبب، حلى المشكله يا ليل قبل ما جاسر ما يقضى علينا.
مستحيل، صرخت ليل بغضب، خليه يغور فى داهيه
. لكن لما ليل رجعت البيت فكرت تانى اكتر من مره
لو كان ناصر اخر امل ليها مفيش مانع تمثل عليه
ما هى استاذه فى التمثيل، كلمتين حلوين هيجيبو رجله
كل الرجاله كده، كلهم ذى بعض.
رجعت ليل على بيت ناصر وقعدت من غير استأذان
ليل! / ممكن اعرف انت زعلان منى ليه؟
همس ناصر / هو انا فين وانتى فين يا هانم؟ إش جاب لجاب ؟
ايه إلى ممكن يربط شخص ذى بيكى ؟
ليل /ليه رافض تشتغل عندى يا ناصر؟ ارجوك قول.
رفع ناصر ايده ،الكرامه يا ليل هانم، كرامتي هى إلى بتمنعنى
هو انا قربت من كرامتك يا استاذ ناصر؟
ابتسم ناصر، انتى تعاملتى معايا كأنى حشره وناصر مش ممكن يقبل كده
طيب اسفه يا سيدى، متزعلش حلو كده ؟
بطلى سخريه منى يا ليل من فضلك؟
تنهدت ليل، رفع ناصر الكلفه بينهم ،انا اعتذرت خلاص بقا
تنفس ناصر بضيق ،مش حاسس اسفك
بتتكلمى من غير نفس
وإصلت ليل كلامها ،انت هتاخد فلوس كويسه ليه رافض ؟
رفع ناصر كوب الشاى قرب فمه ،مش هقبل اشتغل عندك
غير لما تقولى الحقيقه، ،بطلى تمثيل يا ليل
قولى الحقيقه نفسها وبعدها انا اختار
وجدت ليل نفسها آمام شخص استطاع ان يقرأها ،شخص لم يفلح معه التمثيل.
تنهدت بحزن وخجل ،الحقيقه يا ناصر انك اخر فرصه ليا هنا فى القريه.
جاسر حاصرنى وانا من غير حيل او قوه، لو موافقتش تشتغل معايا هضيع ،تارى هيروح ومش هعرف اخده
يعنى انتى محتاجانى يا ليل ؟
محتجاك والله، وألا عمرى ما كنت اتزللك كده دا مش ناقص غير ابوس ايدك.
موافق، همس ناصر بلا مبلاه، بس افتكرى انك محتاجانى
مش مشغلانى ، يعنى انا حر والتزامى الوحيد حمايتك
بس انا مش عايزه حمايتك وحدها يا ناصر ،انا ليه تار عند جاسر ولازم اخده
جاسر قتل والدى ووالدتى وكل عيلتى، وانت شايف عمل ايه فى فارس اخويا.
لو كنتى فاكره انى الاداه إلى هتحققى بيها انتقامك تبقى غلطانه يا ليل
انا مش آلة دم حيوانيه ،انا وافقت اوفر ليكى الحمايه من جاسر، يعنى بيتك، أرضك ،شخصك يكونو فى آمان وامنع إى خطر عنهم.
لكن اروح اقتل شخص تانى عشانك ؟ اسف دا مش من مبادئى، انا مش هقتل غير الناس إلى هتيجى عليه وتستحق الموت.
نفخت ليل بغضب ، فى الأخير لم يحقق ناصر غايتها
لكن ما وصلت له كاف إلى الآن
لنرى ما يفعله ناصر فى البدايه، هل يستطيع أن يقف فى وجه جاسر ؟
ايفلح فى حماية البيت والزرع ؟
ثم ابتسمت بثقه ،لو قدر يقف فى وش جاسر
انا هكمل لوحدى، ساعتها هقدر هشغل رجالة تحت ايدى
ينفذو اوامرى.
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تعليقات
إرسال تعليق