رواية ليل المستبد الحلقه الخامسه عشر بقلم الكاتب إسماعيل موسي حصريه وجديده على مدونة النجم المتوهج
 |
رواية ليل المستبد الحلقه الخامسه عشر بقلم الكاتب إسماعيل موسي حصريه وجديده على مدونة النجم المتوهج
انت هتكون شغال معايا، مش مع واحده ست، وإلى ينولك ينولنى
يا ناصر انت مشفتش المره دى عملت ايه؟
ملكش دعوه بالمره يا عويس ،قلتلك انت هتشتغل تحت ايدى
ومش هتاخد أوامر غير منى.
معاك حد تانى تعرفه يشتغل معانا ؟
يا ناصر الرجاله لما تعرف انها هتشتغل معاك هتبقى ذى الرز متقلقش ،انت صاحب صاحبك وقلبك ميت.
اتفقنا يا عويس اجمع إلى تقدر عليه من الرجاله وقابلنى عن بيت ليل مدكور ، متخفش من الفلوس احنا معانا ميزانيه مفتوحه
__وانت رايح فين يا ناصر؟
رايح بيت جاسر فخر الدين، لازم احط النقط على الحروف
انا مش عايز دم .
اخترق ناصر رجال جاسر فخر الدين بلامبلاه يده على مسدسه داخل سترته.
صرخ جاسر انت جاى تعمل ايه هنا؟
الصبر يا كبير، همس ناصر بثبات، عيب نتكلم واحنا واقفين كده.
جاسر //لو كنت جاى تطلب الشغل عندى تانى يا ناصر ،ملكش مكان هنا، شطبنا.
جلس ناصر __ لا، انا بس جاى احط النقط على الحروف يا كبير.. ششغلك ميلزمنيش.
همس ناصر __بص يا كبير البلد، انت بعت اكتر من شخص يقتلنى وعرفت انهم من طرفك
لكن إلى فات مات ،انا مش جاى اعاتبك.
حرقت أرض ليل مدكور وسرقت مواشيها ،برضه عادى
مليش فيه.
صرخ جاسر، مش ناقص غير حتت عيل يجى يحاسبنى يارجالة.
ضحك رجال جاسر بينما التزم ناصر آلصمت.
ناصر مش بيحاسب على حاجه متخصهوش يا كبير
لكن الى جاى هحاسب عليه.
القوالب نامت والنصاص قامت يا رجاله، صرخ جاسر ممازحا رجاله.
ابتسم ناصر ببرود، ليل طلبت حمايتي وانا وافقت.
امتعض وجه جاسر، لكنه ظل ثابت
اكمل ناصر، ليل هتكون فى حمايتى واى شخص هيتعرضلها
هيلقينى قدامه
وصدقني يا جاسر انت مش هتحب تشوف وشى واقف قدامك
من اللحظه زرع ليل وبهايمها وبيوتها تحت حمايتى وقد اعذر من أنذر.
نهض ناصر وغادر المكان تحت نظرات رجال جاسر
همس شديد، الواد دا مجنون يا كبير وهيعمل مشاكل كتيره اووى.
يبقى لازم تتخلص منه بسرعه يا خفيف، أكرى رجاله عليه
واوعدهم بفلوس كتيره ،انا عايزها تتم من بعيد عننا
لو ناصر مات اوعدك ان ليل هتترمى تحت رجليه تطلب رحمتى.
وصل ناصر مع رجاله إلى بيت ليل مدكور، وزع الحراسه حول المنزل وقعد مع ليل
بصى يا ست الكل، تحركاتك كلها لازم اعرف بيها من قبل
عشان اقدر اوفرلك الحمايه
الأرض هتتزرع من تانى، والمواشى مقدور عليها، الموضوع مش هيكون سهل.
ابتسمت ليل وماله يا ناصر بيه ابقى اخد اذنك حاضر
استشعر ناصر السخريه فى كلام ليل لكن مرضيش يتجادل معاها ،تمام اسيبك انا بقا.
والرجال دى هتنام فين ؟
وانت كمان هتنام فين؟
استدار ناصر، متخفيش محدش هيدخل بيتك ،الحوش واسع
واحنا متعودين ننام على الأرض يا دكتوره.
وماله همست ليل مع خروج ناصر من البيت ،المضطر يعمل اكتر من كده
أخضرت الأرض بعد اسبوعين من وجود ناصر ،الزريبه اتملت بهايم
جاسر ورجاله محدش هاجم الزرع او بيت ليل
كان واضح انها فترة سكون ما يسبق العاصفه ،ليل إلى كانت بتخرج تتمشى وسط أرضها إلى هى أرض جاسر اصلا
موزعه الابتسامات على الفلاحين ومحاوله بكل الطرق التقرب من رجالة ناصر إلى كانو بيحترموها احتراما لناصر
لكن فيه اكتر من حارس استجاب لليل
يتبع
تعليقات
إرسال تعليق