رواية زواج بالاجبار الحلقة الحادية والعشرين والثانيه والعشرون حصريه وجديده على مدونة النجم المتوهج
رواية زواج بالاجبار الحلقة الحادية والعشرين والثانيه والعشرون حصريه وجديده على مدونة النجم المتوهج
..وحشتيني
ريم اول ما سمعت الصوت قامت اتعدلت وقالت بهمس .. فارس
فارس .. وحشتيني يا ريم
ريم نزلت الفون من علي ودنها وغصب عنها عينيها دمعت
ريم غمضت عينيها ثواني وبعدين اتمالكت نفسها ورجعت حطت الفون علي ودنها تاني لاقت فارس بقولها انتي معايا ياريم انتي سمعاني
ريم خدت نفس وراحت ردت بجمود وقالتلو .. انتا جبت رقمي ده منين
فارس .. وتفتكري دي حاجه صعبة عليا .انا حتي مهندس كمبيوتر
ريم .. ماعلينا انت عايز ايه
فارس .. عايزك ياريم
ريم لسه هتتكلم
فارس قاطعها بهدوء وقالها .. عايزك تسامحيني ونرجع لبعض . ريم انا عرفت انك اتجوزتي غصب عنك انا هساعدك تطلقي منو ونرجع لبعض . انا مش عارف اعيش من غيرك
فارس .. ريم انا عرفت كل حاجة وعرفت انك كنتي مظلومه واسف اني شكيت فيكي بس كان غصب عني
ريم .. خلصت ياريت تقفل بقا ومتحاولش تكلمني تاني وزي ما انت قولت انا دلوقتي ست متجوزة يعني ماينفعش حتي اتكلم معاك
فارس بسخرية .. متجوزة . مش جوزك ده اللي خدك عافيه واتجوزك غصب بعد ما هددك
ريم .. ما يخصكش
فارس اتنهد وقالها.. يعني ايه
ريم .. يعني تبعد عني وعن طريقي لاني مش عايزة اعرفك تاني
فارس .. والحب اللي بينا نسيتيه
ريم .. الحب ده انت اللي بعتو يوم ماشكيت فيا . واذا كان عليا اه نسيته لان اللي يبيعني انا كمان ابيعو
و ادوس عليه برجلي كمان
فارس اتنهد وقالها .. انا عارف اني كنت ندل . انا نفسي تسامحيني ياريم
ريم .. ومين قالك اني مش مسامحاك
فارس .. بجد ياريم يعني انتي مسمحاني
ريم .. انا نسيتك اساسا يعني ولا زعلانه منك ولا زعلانه عليك انابس ندمانه اني عرفت واحد زيك في يوم من الايام
في الوقت ده حازم كان داخل من باب الشقه
ريم .. انا هقفل دلوقتي وياريت متحاولش تتصل تاني
فارس .. استني بس يا ريم اديني فرصة ارجوكي انا مش عارف اعيش من غيرك وندمان علي رد فعلي وقتها انا مكانش ينفع اشك فيكي
حازم دخل الاوضة وريم اول مشافته راحت قفلت الفون بسرعة وكان باين عليها الخوف والتوتر
حازم .. كنتي بتكلمي مين
ريم بتوتر .. م.مكنتش ب بكلم حد
حازم قرب منها بهدوء وقالها .. وريني التليفون
ريم .. ل.ليه
حازم بحده .. وريييني
ريم ادتله الفون واديها بتترعش
حازم فتح الفون وبدأ يقلب فيه
ريم كانت خايفه ومرعوبة
حازم طلع الرقم اللي كان بيكلمها وقالها .. رقم مين ده
ريم هزت راسها بخوف وقالتلو .. مش عارفه
حازم .. امال كنتي بتكلميه الزاي
ريم .. دا.دا رقم غريب لما لاقيته كدة قفلت
حازم .. قفلتي بعد ماتكلمتي معاه ١٤دقيقه
ريم بلعت ريقها برعب
حازم .. انتي هتقولي مين ده ولا هعرف انا بطريقي بس ساعتها مش هرحمك
حازم بغضب مكتوم .. انتطقي
ريم هزت راسها بدموع
حازم .. تمام
ورن علي الرقم وفتح الاسبيكر
ريم بسرعة قالتلو.. استني مترنش ه.هقو..
بس قبل ما تكمل كان فارس رد بسرعة وقال .. كنت عارف اني مش ههون عليكي ياريم
ريم حطت أيدها علي بوقها وغمضت عنيها بخوف
فتحت عينيها بصدمة لما سمعت صوت حاجة بتتكسر
بصت لاقت التليفون على الأرض مية حته
حازم بغضب .. ميين ده يابت
ريم بدموع .. دا.دا
وبدأت شهقاتها تزيد
حازم بغضب اعمي .. ماتنطقيي
ريم بشهقات .. فا.فارس
حازم بغضب .. فارس دا يبقى ميين
ريم .. خطيبي وكملت بسرعة ..اللي كان خطيبي
حازم غمض عينه بغضب وحاول يسيطر على عصبيته عشان مايقت.لهاش
و خد نفس وبعدين قالها بهدوء .. انتو لسه بتتكملو
ريم هزت راسها بسرعة وقالتلو .. لأ لأ معرفش عنو حاجة من يوم ما سيبنا بعض
حازم .. امال ايه اللي خلاكي تكلميه دلوقتي
ريم بدموع .. دا هو هو اللي رن
حازم .. وانتي بتردي عليه ليه
ريم .. ماكنتش اعرف ان هو والله
حازم .. وكان عايز ايه
ريم مكانتش عارفه ترد
حازم بغضب .. كان عايز ايه
ريم بلعت ريقها بخوف وقالت .. ك.كان عايز نرجع لبعض
وكملت بسرعه . ب.بس انا قولتله يبعد عني واني دلوقتي واحده متجوزة
وفضلت تعيط بخوف وكان جسمها كله بيترعش
وتقول .. والله ماعملت حاجة
حازم لما شاف منظرها كده وهي خايفة قرب منها ورفع ايده
ريم اول ماشافته كده رجعت لورا برعب وحطت ايديها على وشها لما افتكرته هيضربها
بس اتفاجأت لما لاقيته بيبوسها علي راسها
حازم نزل ايديها من علي وشها وقالها بهدوء عكس ما كان من شوية .. متخفيش انا مش هضربك
ريم دموعها كانت نازلة على وشها وشهاقتها كانت عاليه ومنظرها كان يقطع القلب
حازم ضمها لحضنه جامد وفضل يمشي ايده بحنان علي شعرها وقالها .. اهدي انا مش هعملك حاجة
حازم فضل ضامهما لحضنه شويه لحد ماحس انها بدأت تهدي وشهاقتها بدأت تقل بالتدريج
حازم طلعها من حضنه ومسح دموعها اللي لسه علي وشها
وقالها .. بقيتي احسن
ريم هزت راسها
حازم مسك ايديها وباسها وباس راسها وبعدين قام
وقالها .. هدخل المطبخ اجيبلك تاكلي عشان تاخدي الدوا
ريم .. لا مش عايزة آكل
حازم .. امال هتاخدي علاجك الزاي
ريم .. هاخده كده
حازم .. ماينفعش لازم تاكلي الاول
ريم .. وانت اصلا هتعرف تعمل اكل
حازم .. الاكل جاهز هسخنه بس
ريم .. هتعرف تسخنه
حازم .. هحاول متقلقيش عليا
ريم ابتسمت
حازم .. مااحنا بنعرف نبتسم اهو.امال علطول ضاربالي بوز ليه بقا
بعد شويه كان حازم جاب الاكل و قاعد بيأكلها
ريم .. كفاية شبعت
حازم رفع المعلقة على بوقها وقالها .. خدي دي بس
ريم كلت وبعدين حازم اداها الدوا
حازم شال الاكل ودخله المطبخ ورجع لاقها قامت من علي السرير وبتحاول تقف
حازم قرب عليها بسرعة وقالها عايزه تروحي فين
ريم .. هروح الحمام
حازم .. تعالي
وسندها لحد الحمام ريم دخلت الحمام ومسكت الباب عشان تقفله
حازم .. استني مش عايزاني اساعدك
ريم بصتله بحده وقالتلو .. لأ
وقفلت الباب في وشه
حازم ابتسم عليها وراح قعد علي السرير يستناها تخرج
بعد شويه خرجت وهي بتسند علي الحيطة
بصت لاقت حازم نايم على السرير ورايح في النوم كمان
ريم فضلت لحد ما وصلت للسرير بعد صعوبة
وقعدت علي السرير بتعب وهي بتاخد نفسها وبتتوجع بسيط
حازم حس بيها وراح قايم بسرعة
حازم مسح علي وشه وبعدين قالها .. خرجتي ليه لوحدك
ريم .. انت كنت نايم
حازم .. كنتي ناديتي عليا وانا كنت هقوم
ريم .. خلاص بقا محصلش حاجه
ونامت علي السرير بتعب
حازم قام و غطاها كويس
وبعدين دخل الحمام خد دش وطلع كانت ريم نامت
حازم خرج بره في الريسيشن وعمل تليفون ورجع نام جمب ريم
تاني يوم
ريم فتحت عينيها لاقت حازم بيلبس ورايح شغله
حازم .. صباح الخير
ريم .. صباح النور
حازم .. في ممرضه هتيجي دلوقتي هتفضل معاكي عشان تاخد بالها منك
ريم .. بس انا مش عايزة حد
حازم .. انتي تعبانة ومحتاجة حد معاكي
ريم .. بس انا مش حابه حد غريب يقعد معايا
حازم .. هبعتلك شيرين هي كده كده كلمتني و قالت هتجيلك
ريم .. ممكن اطلب منك طلب
حازم بصلها بمعني اطلبي
ريم .. انا عايزة ماما
حازم ملامحه قلبت بضيق
ريم .. ارجوك انا محتجاها
حازم قام .. الممرضة هتيجي دلوقتي . وشيرين جايه
ريم .. انت ليه مش عايزني اشوف ماما
حازم .. مين قالك كده انا بس شايف انو مالوش لزوم نتعبها المشوار طويل من شرم الشيخ لهنا
حازم قال كدة بس فعلاً مكانش عايز ريم تشوف مامتها
ريم بتفهم .. طيب ماشي بس انا مش عايزة ممرضه
حازم .. هكلمها ماتجيش وشيرين وندي هيجو يفضلو معاكي . ولا اقولهم هما كمان مايجوش
ريم .. لا خليهم ييجو
حازم مشي علي شغله
وبعد شويه كانو شيرين وندي جم وفضلو معاها
………………………
عند فارس كان راكب عربيته وماشي وفجأة جات عربيه قفلت عليه
العربية فضلت تقفل عليه وهو كان بيحاول يهرب منها
لحد ما فارس وقف العربية و راح نازل منها بغضب
و العربية التانية هي كمان وقفت ونزل منها ثلاث رجاله
فارس بغضب .. فى ايه ياحمار انتا وهو
الرجالة قربو عليه مره واحده و راحوا نازلين فيه ضرب فضلو يضربو فيه لحد ما فارس وقع على الارض مبيتحركش
واحد من الرجاله مال عليه وهونايم زي الجثه علي الارض مش قادر حتي يتحرك
الراجل قاله.. حازم باشا بيقولك دي بس قرصة ودن عشان بعد كده تبقي تفكر قبل ماتقرب من حاجه تخصه
وسابوه مكانه وركبو العربية ومشيو
واحد من الرجاله اتصل بحازم .. وقالو كلو تمام ياباشا
…………………………….
مساءا
عند ريم كانت قاعدة هي وشيرين بيتكلمو بعد ماندي مشيت
ريم .. احكيلي شوية عن مراتو . قصدي ام ابنه
شيرين .. عايزة تعرفي ايه بالظبط
ريم .. يعني كان بيحبها
شيرين .. ليه سألتي السؤال ده
ريم .. عادي .عندي فضول اعرف
شيرين .. بصراحة هو كان بيحبها اوي
ريم اول ما سمعت كدة حست بنغزة في قلبها متعرفش ايه سببها بس اتجاهلت إحساسها وكملت .. ولما كان بيحبها اوي كدة طلقها ليه
شيرين .. انتي سألتي حازم السؤال ده
ريم .. ايوا . بس ما جاوبنيش
شرين ..
شيرين .. ريم حازم بيحبك اوي . هو اه كان بيحب نرمين
بس حبو ليكي مختلف . وبعدين انا توقعش واحد في المية انو ممكن يكون بيفكر في نرمين دلوقتي
شيرين .. حازم بعد ماعرفك اتغير كتير عن الاول .
ريم .. الزاي يعني هو كان ايه
شيرين .. حازم كان يعتبر كل يوم مع واحدة عشان مزاجو
حتي وهو متجوز نرمين .. بس من وقت ما عرفك وهو بطل الموضوع ده
قاطعهم جرس الباب لما ضرب
شيرين .. هشوف مين
شيرين فتحت الباب وقالت بستغراب .. مين حضرتك
سحر .. انا مامت ريم .هي فين
شيرين بابتسامة .. اتفضلي ريم جوه في الاوضة
سحر دخلت وكانت معاها دينا
وشيرين وصلتهم لحد الاوضه
ريم اول ما شافتهم قالت بفرحة .. مااماا
سحر حضنتها وقالتلها .. الف سلامه عليكي يا حبيبتي
عاملة ايه دلوقتي
ريم .. الحمد لله
دينا قربت هي كمان وحضنتها وقالتلها .. الف سلامه عليكي
ريم .. الله يسلمك
ريم بصتلهم بستغراب وقالت .. بس انتو عرفتو الزاي .وعرفتو العنوان هنا الزاي
سحر .. جوزك بعتلنا واحد قالنا و عربية بسواق جابتنا لحد هنا
ريم بعدم تصديق .. حازم
سحر .. اه
ريم ابتسمت .. انتو كنتو واحشني اوي
سحر .. وانتي كمان ياحبيبتي
شيرين .. هجيبلكو حاجة تشربوها
ريم قالت .. دي شيرين ياماما مرات صاحب حازم و صحبتي
سحر ببتسامة قالت لشيرين .. اهلا بيكي
شيرين .. اهلا بحضرتك
ودخلت المطبخ جابتلهم عصير
بعد شويه كانت شيرين مشيت
وسحر ودينا فضلو مع ريم
سحر .. قوليلي بقا هو جوزك ده مالو
ريم .. مش فاهمه .. تقصدي ايه
سحر .. يعني هو حلو ولا وحش انا مش فاهمه حاجه
ريم .. ليه بتقولي كدة
سحر .. يعني شايفاكي مبسوطه علي عكس المره اللي فاتت . اي اللي حصل
ريم بهدوء .. هو كويس ياماما
مامتها بعدم تصديق .. بجد يعني بيعاملك كويس
ريم .. ايوا
سحر .. اتمني تكوني مابتكدبيش
ريم .. وانا هكدب ليه ياماما يعني
سحر .. لا يكون مهددك متحكيش لينا حاجة
ريم .. اطمني ياماما هو بجد بيعاملني كويس . وبعدين ماانتي بتقولي اهو هو اللي بعتلكو
ريم .. هيا دينا راحت فين
سحر .. برا بتتكلم في التليفون
دخلت دينا وهي بتقول .. بتجيبو في سيرتي ليه
ريم .. انتي بتكلمي مين كل ده
دينا .. كنت بكلم وحده صحبتي كانت بتسألني ليه مش بروح الجامعة
وبصت لمامتها بغيظ
سحر .. انتي بتبصيلي كده ليه يابت انتي
دينا .. مش عارفه ليه
وبصت لريم وقالتلها .. ماتقنعيها ياريم تسيبني افضل هنا
عشان الجامعة .انا السنادي هتروح عليا
سحر .. انسي انتي مش هتفضلي هنا لوحدك
دينا .. انا مش فاهمه ايه المشكلة . يعني هتخطف وبعدين انا هعرف اخد بالي من نفسي كويس
ريم .. ماتسبيها ياماما
سحر .. اسيبها تقعد لوحدها .طيب الاول كانت قاعدة معاكي . دلوقتي خلاص استحالة اسيبها لوحدها
وبعدين .. هآمن عليها الزاي بعد اللي حصلك .انا بندم اني سيبتكو تعيشو لوحدكم . لو كنتي جمبي مكانش حصللك اللي حصلك ده ياريم
ريم .. دا نصيب ياماما وبعدين قالت .. طيب سبيها عشان السنادي متروحش عليها واناهبقي قريبه منها وهبقي جمبها
سحر .. لا ياريم انا مش هغلط غلتطي تاني مش هسيبها تبعد عني ويحصلها حاجة .. وذا كان علي الجامعة خلاص الامتحانات قربت تبقي تنزل علي لامتحانات وبعدين ترجع . ومن السنه الجايه هحولها ورقها من هنا وتقدم في الجامعه هناك
………………..
تاني يوم في الصباح
ريم كانت قاعدة مع حازم في الاوضه وبتقولو .. انا متشكره
حازم .. علي ايه
ريم .. يعني عشان خليت ماما تيجي
حازم .. انا عملت كدة عشانك يا ريم عشان مش عايز ازعلك
ريم .. شكرا
حازم .. متشكرنيش دا حقك انك تشوفي مامتك
وباسها علي راسها
حازم .. انا همشي لو عوزتي حاجة كلميني
حازم خرج من الاوضة وقابل سحر بره
حازم .. صباح الخير
سحر .. صباح النور
حازم كان لسه هيفتح باب الشقه ويخرج بس وقف لما سحر قالت .. ممكن اخد ريم معايا شقتنا اللي هنا
حازم بهدوء .. ليه
سحر .. يعني علشان اخد بالي منها لحد ماتخف وتبقي كويسة
حازم .. ماتفضلي معاها هنا
سحر ..بس
حازم .. اعتبري البيت بيتك
…………………
عدي اسبوع ريم بدأت تخف وتبقي كويسة سحر ودينا كانو معاها في الشقه وحازم كان بيروح يطمن عليها
بس مكانش بيبات
وبعد الاسبوع ما خلص كانت سحر سافرت بلدها هي ودينا
بعد ما اطمنت علي ريم وحست انها بقت كويسه
…………………
كاميليا وقفت بعربيتها في العنوان اللي في شقة حازم
وطلعت الشقة وضغطت علي جرس الباب
ريم كانت قاعدة علي الكنبه وبتتفرج علي التلفزيون
قامت لما سمعت جرس الباب
ريم فتحت الباب وقالت بستغراب .. انتي مين
يتبع….
رواية زواج بالاجبار
الحلقة الثانية والعشرون
ريم باستغراب .. انتي مين
كاميليا بتناكه .. مش دي شقه حازم بردو ولا انا بيتهيألي
ريم بنفس تناكتها .. لأ مش بيتهألك هي
كاميليا راحت تدخل
ريم وقفتها لما قالت .. اقفي مكانك انا مسمحتلكيش تدخلي
كاميليا بصت ليها من فوق لتحت وقالت .. وانتي مين بقا وبتعملي ايه هنا .اه ثواني انتي اكيد وحده من اللي حازم بيعرفهم مش كده
ريم .. قصدك ايه
كاميليا .. قصدي إن حازم اكيد جايبك يومين عشان مزاجو اصل هو كده طول عمره بيحب يغير كل يومين وحده
ريم مكانتش متفاجأه ولا مستغربة من كلام كاميليا لأن هي عارفه أن حازم فعلا كده خصوصا إنو فعلا كان طالب منها كده في الاول من يوم ماشافها وهو كان عايزها عشان يقضي معاها يومين
بس فاجأت كاميليا لما ردت عليها ببرود وقالتلها .. وانتي بقا مين وتعرفيه منين . وتبقيلو ايه اصلا عشان تيجي لحد هنا وتقوليلي الكلام ده
كاميليا .. انا بنت خالو وبعدين قالت . وحبيبته
ريم بسخرية .. حبيبته وبعدين قالت بتهكم .. ولما انتي حبيبته بيعرف عليكي بنات ليه
كاميليا بضيق .. ممكن تقوليلي انتي مين بالظبط
ريم .. انا مراتو
كاميليا بصدمة .. مرات مين
ريم .. حازم
كاميليا بعصبية .. مراتو الزاي يعني انتي اكيد بتكدبي انتي وحده من اللي يعرفهم وكتيرك معاه يومين وهيزهق منك ويرميكي مكان ماجابك
ريم اتضايقت من كلامها بس مبينتش وقالتها بجمود .. انا مراتو بجد
كاميليا .. مراتو الزاي ومفيش حد في العيله يعرف .ايه متجوزين في السر . وليه مش متجوزك قدام الناس . اه يبقي اكيد مش معرف حد لأنك بالنسبالو نزوه وهيرميكي بعد ما يزهق منك
في الوقت ده كان حازم بيركن في عربيته تحت وطالع
ريم مكانتش قادره تستحمل كلامها بس اتمالكت نفسها وقالت .. ولما انتي عارفه عنو كل ده ليه قابله علي نفسك كدة وموافقة تحبي واحد حياتو كلها بالقذ..اره دي
كاميليا .. زيك كده بالظبط لما وفقتي تتجوزيه في السر من ورا اهله مع اني مش داخل عليا حوار انك مراتو ده بس ماعلينا افرضي ياستي ان انتي مراتو بجد موافقة ليه تتجوزيه في السر
ريم غصب عنها عينيها دمعت
حازم طلع واول ماشاف كاميليا قال بستغراب .. كاميليا انتي بتعملي ايه هنا
كاميليا .. مفيش بتعرف علي مراتك
حازم بص لريم لاقها بتبصله بقهر والدموع في عينيها
حازم بغضب سحب كاميليا من ايديها وقالها … تعاالي معايا
ونزل بيها على تحت
تحت
حازم بغضب .. انتي ايه اللي جابك هنا وجايه تعملي ايه
كاميليا .. اللي فوق دي مراتك بجد
حازم .. انتي قولتيها ايه
كاميليا .. حازم رد عليا اللي فوق دي مراتك
حازم ببرود .. ايوا
كاميليا .. وليه مخبي جوازك ومش معرف حد
حازم .. ميخصكيش وكمل بتحزير .. انا مش عايز حد يعرف بالموضوع ده فاهمه اقسم بالله لو عرفت انك قولتي لحد مش هرحمك . ويلا امشي من هنا
كاميليا بعصبية .. انتا ليه بتعمل معاياا كده
حازم .. بعمل معاكي ايه مش فاهم
كاميليا .. يعني انتا بردو سيبتني تاني واتجوزت
حازم .. انا مش فاهم هو انا عمري كنت معاكي عشان
اسيبك انتي متخلفة . ماتفووقي بقا
حازم مسح علي وشه بضيق وقالها .. هوانا عمري وعدتك بحاجة قبل كدة
كاميليا .. انا عايشه علي امل انك تحس بيا انت ايه
شايفني بتعذب كل يوم وبردو معندكش اي احساس
حازم بزعيق .. كاميلياا امشي من قدامي دلوقتي حالا. يلاا
كاميليا بصتله بدموع ومشيت
وهو طلع يشوف ريم
حازم فتح الباب ودخل
كانت ريم قاعده وباين عليها الغضب
حازم قرب منها وقعد جمبها ولسه هيحط ايده عليها
ريم بعدت ببعصبيه وقالتلو بغضب .. متلمسنيش
وكملت بقوة وقالت .. طلقني
حازم نفخ بضيق وقالها بغضب .. هو انا مش قولت الكلمه دي متجيش على لسانك تاني .
ريم قامت بعصبية وقالتلو .. انا اقول اللي انا عايزاه وهطلقني لاني استحالة اعيش معاك تاني
حازم بصلها بهدوء وقالها طيب اهدي واقعدي انا مش عايز امد ايدي عليكي . يلا اقعدي
ريم واقفة
حازم بحدة .. اقعدي
ريم قعدت بغضب
حازم بهدوء .. هيا كاميليا قالتلك ايه
ريم بسخرية .. قالتلي انك بتغير في الستات زي ما بتغير هدومك
ريم .. انتا الزاي كده
حازم ببرود .. انتي ليه محسساني انك متفاجأه
ريم بصتله بقرف وقالتلو .. انتا بني آدم حقي.ر وزبا.لة
حازم مسح علي وشه بغضب وراح ضاربها بالقلم
حازم بغضب .. انا لولا عارف انك تعبانه انا كنت دفنتك مكانك هنا . حظك انك لسه تعبانة هو دا السبب اللي رحمك من ايدي
………………………….
عند كاميليا وقفت قدام بيتهم وهي بتعيط بقهر
كاميليا مسحت دموعها ودخلت وطلعت علي اوضتها من غير حتي ماترد علي مامتها بس قبل ما تفتح باب الاوضة
قابلها اخوها الاصغر منها يوسف كان خارج من اوضته ولما شافها كدة سألها .. مالك في ايه
كاميليا .. مفيش يايوسف
يوسف .. مفيش الزاي انتي بتعيطي
كاميليا بعصبية .. قولتلك مفيش
ودخلت وقفلت الباب عليها
يوسف نزل وهو مستغرب ومش فاهم في ايه
يوسف قابل مامته تحت
يوسف .. هي كاميليا مالها ياماما
مامته وفاء .. انا ناديت عليها مرديتش عليا مش عارفه مالها . بس اكيد الموضوع يخص حازم ما انتا عارف اختك
يوسف بضيق .. انا مش عارف هي هتفضل لحد امتا متعلقه بحازم ماتشوف حياتها بعيد عنو زي ما هو بيشوف حياتو ومش شايفها اساسا
وفاء .. انا غلبت معاها وكملت بحزن . ربنا قادر يشيل حبو من قلبها
يوسف كان بيدور على حاجه
وفاء .. بتدور على ايه
يوسف .. ماشفتيش تليفوني
وفاء .. اه تليفونك علي الترابيزه هناك اهو انت نسيتو قبل ما تطلع تنام .يارا كلمتك كتير علي فكرة
يوسف .. رديتي عليها
وفاء .. اه قولتلها انك نايم وقولتلها اصحيك قالتلي مش لازم
يوسف هز دماغه وخد الفون وقال لمامته .. طيب انا خارج عايزه حاجه
وباس راسها
وفاء .. هتقابل يارا
يوسف .. لأ انا خارج اسهر مع اصحابي
وفاء .. خارج مع صحابك يعني هترجع وش الفجر مش كدة . يوسف انا مش عايزة تأخير
يوسف .. طيب ماتقوليلي اخرك بره الساعه عشره
ولا مفيش خروج
يوسف .. في ايه ياماما انتي شايفاني بنت
وفاء .. وعشان انتا ولد لازم ترجع كل يوم الصبح
دي مش عيشه دي يابني
………………….
سلات هدايا
عند ريم كانت لسه بتعيط لحد ما حازم دخل
حازم .. انتي اللي بتجبيه لنفسك قولتلك مليون مره قبل كدة مطوليش لسانك
ريم بعياط .. انتا عايز مني ايه متسيبني بقا
انا مش عايزاك ومش عايزه العيشة دي مش عايزه ابقي مجرد نزوه بالنسبالك وافضل قاعده مستنيه اليوم اللي هتزهق مني فيه عشان ترميني زي اللي قبلي
حازم قعد جمبها وقالها.. انتي ليه بتقولي الكلام ده
ريم .. لأن دي الحقيقه . انا مش زي اللي انتا تعرفهم
حازم .. انا مش هسيبك ياريم انتي ملكي . فاهمه
انا مش مستعد اخسرك لاي سبب
ريم .. وانا من حقي اختار
حازم .. تختاري ايه
ريم .. اختار ان كنت عايزة اعيش معاك ولا لأ .دي اققل حقوقي اللي انتا حرمتني منها .انت سرقت حريتي
اهم حاجة عندك انك تملكني بأي شكل وبأي طريقة ومفكرتش تسأل نفسك انا عايزه ايه
حازم بهدوء .. انا بحبك ياريم
ريم بصدمة
…………………………………
عند اميرة كانت بتجهز شانتطها ومسافره دبي بعد ما خالها اتوسطلها في شغل في شركة تبع ناس معارفه عشان تشتغل فيها
مامتها دخلت عليها وقالتها .. بردو مصممه انك تسافري
اميرة .. ماقداميش حل تاني غير اني ابعد
……………………………..
عند نرمين
كانت قاعده في اوضتها وماسكه الفون وبتتفرج علي صور
ابنها وهي بتعيط
صافي دخلت وهي بتقول نرمين انتي مش هترو..
صافي قربت عليها وهي بتقولها مالك يا نرمين و بصت علي الفون شافت صور يحيي
صافي بحزن .. انا عارفه أن صعب عليكي وابنك عايش بعيد عنك
صافي اتنهدت .. بس انا قولتلك ارفعي قضيه ضم حضانته ليكي .ليه مش عايزة تعملي كدة وسايبه نفسك تتعذبي في بعد ابنك عن حضنك
نرمين .. وتفتكري لو سمعت كلامك ورفعت القضية هكسبها . لأ ياماما عمري ماهعرف اكسبها قدام حازم
بالعكس انا لو عملت كده مش بعيد يحرمني منو طول عمري وبدل ما بشوفه يوم في الشهر ممكن يخليني ماشوفوش باقيت عمري
صافي .. بس انا مش مستحملة اشوفك وانتي حزينه وزعلانة كده مش كفايه اللي حصل لأختك
نرمين .. انا كويسة ياماما
صافي .. كويسه الزاي بس انتي مش شايفه نفسك عامله الزاي
نرمين عينيها دمعت
صافي قربت منها وحضنتها وقالتلها .. انا حاسه بيكي وحاسه بالحزن اللي جواكي
نرمين بدموع .. انا تعبانه . تعبانه اوي ياماما
صافي فضلت تطبطب عليها بدموع
نرمين مسحت دموعها وقالت انا مش عايزة اشيك همي كفاية عليكي مرام والحاله اللي هي فيها بس غصب عني
يحيى واحشني ولما شوفت الصور مقدرتش . بس انا كويسة متقلقيش
صافي .. ياحبيبتي انا امك لو مكنتش هشيل همك واحس بيكي مين هيعمل كده
نرمين .. ربنا يخليكي ليا بس بجد مش عايزة ازعلك كفاية اللي انتي فيه
نرمين حاولت تغير الموضوع وقالت .. مش انا كلمت الدكتور وقالي في تحسن في حالت مرام
صافي .. بجد
نرمين ..اه انا لسه كنت بكلمه دلوقتي هتبقي كويسة أن شاءالله
صافي .. يارب
نرمين .. هو انتي كنتي لابسه كده ورايحه فين
صافي .. كنت رايحالها مش عايزة تروحي معايا
نرمين .. عندي شغل في الشركه ولازم اروح دلوقتي .لو خلصت بدري هعدي عليها
صافي .. ماشي يا حبيبتي
صافي خرجت ونرمين رجعت راسها علي السرير وبدأت تفتكر
فلاش باك
من سنتين لما حازم كان رايح لصاحبه وائل بالصدفة وشافها مع معاه في شقته
يتبع….
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الحلقه الاولى والثانية والثالثة من هنا
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
تعليقات
إرسال تعليق