رواية زواج بالاجبار الحلقة الثالثة والعشرون حتى الحلقه الثانيه والثلاثون حصريه وجديده على مدونة النجم المتوهج

 رواية زواج بالاجبار الحلقة الثالثة والعشرون حتى الحلقه الثانيه والثلاثون حصريه وجديده على مدونة النجم المتوهج 

رواية زواج بالاجبار الحلقة الثالثة والعشرون حتى الحلقه الثانيه والثلاثون حصريه وجديده على مدونة النجم المتوهج

ريم بصدمة .. انت بتقول ايه

حازم .. بقول اني بحبك ياريم

ريم بعصبية .. انت بتكدب عليا ولا بتكدب علي نفسك .

انت اناني متعرفش تحب غير نفسك وبس

ريم .. اللي زيك ميعرفش يحب يعرف يأذي بس ويهين ويجرح ولا نسيت كلامك ليا وانك متجوزني عشان مزاجك وعشان ابسطك

حازم كان بيسمع كلامها وساكت

ريم بعصبية .. رد عليا مش دا كلامك ليا طول الوقت ولا نسيت

حازم .. انا منكرش اني اتجوزتك علشان كده .

خد نفس وبعدين قال .. بس انا حبيتك ياريم .حبيتك بجد واتعلقت بيكي ومعنديش اي استعداد اني اخسرك ابدا .

حازم مسك ايديها وقالها .. ريم انتي ملكي وعمري ما هسيبك

ريم شدت ايديها منو وقامت بعصبية وقالتلو .. متقوليش كدة تاني انامش ملكك ومش ملك حد انت فاهم .

ريم .. انا لازم امشي من هنا انا استحالة اعيش معاك تاني

ودخلت علي الاوضه

حازم دخل وراها لاقاها بطلع هدوم ليها

حازم .. انتي بتعملي ايه

ريم .. هلبس عشان ماشية

حازم .. ماشية رايحه فين

ريم .. رايحه شقتي

حازم .. وانتي فاكرة اني هسمحلك تمشي

ريم بتحدي .. هامشي وريني هتمنعني الزاي

حازم .. اهدي وبطلي جنان ياريم خلي يومك يعدي علي خير

ريم بعصبية .. انا خارجة ومش هسيبك تتحكم فيا اكتر من كدة . ولو فاكر اني هخاف منك تبقي غلطان …هتعمل ايه يعني هتضربني زي ما بتعمل كل مره ولاهتهددني انك تأذيني انا واهلي .. اعمل اللي تعمله مبقاش يفرق معايا ومبقتش هخاف منك

حازم قرب منها ومسك كتافها وقالها .. انا مش هعمل حاجه من ده كلو ومش همد ايدي عليكي تاني بس انتي اهدي .ممكن

ريم بعدت نفسها عنو وقالتلو.. مش ههدي ومش هفضل معاك ياحازم

ريم …انت عارف السجن اللي انا كنت فيه كان عندي ارحم منك ومن العيشة معاك

حازم .. للدرجادي شيفاني وحش ياريم

ريم .. انت اكتر إنسان انا بكرهه في حياتي

حازم .. تمام انتي الزوق مش بيجي معاكي خليها عافية بقا

ريم .. يعني ايه

حازم .. يعني هتفضلي غصب عنك ومش تخرجي من هنا غير بمزاجي

ريم حطت ايدها بين شعرها بعصبية وعينها جات علي الفاظه اللي علي التراتيزه راحت مسكتها وحدفتها علي الارض كسرتها

حازم قرب منها وقالها .. اهدي ومتتجننيش

ريم .. سيبني امشي

حازم .. انتي مش هتمشي من هنا

اتنهد وقالها .. خلاص انا هسيبك يومين مش هاجي هنا لحد ماتهدي . تمام

وباسها عل راسها ومشي

……………………………………………

عند نرمين

نرمين رجعت راسها علي السرير وبدأت تفتكر

فلاش باك

من سنتين

نرمين كانت راكبه عربيتها ورايحه الشركه

نرمين مسكت تليفونها ورنت علي حد

نرمين .. صباح الخير ياوائل

وائل .. ازيك يانرمين صباح النور

نرمين .. ها عملت ايه في الورق اللي معاك خلصتو

وائل .. ورق ايه

نرمين .. ورق المناقصة ياوائل

نرمين بشك .. وائل هو انتا لسه نايم

وائل ..ايوا

نرمين .. انت اكيد بتهزر

وائل .. مش بهزر انا نايم بجد بس متقلقيش الورق خلص

نرمين .. طيب ياريت تجيبهولي علي الشركة لأني محتاجاه ضروري النهاردة

وائل .. طيب ماتبعتيلي حد من الموظفين ياخدو عشان انا النهاردة مش هبقي فاضي اجي الشركة خالص

نرمين .. ليه

وائل .. انا رايح فرع المهندسين ولا انتي نسيتي

نرمين .. ااه . طيب بقولك ايه انا لسه في الطريق وكده كده قريبه من بيتك .جهزهولي هعدي عليك اخدو منك

وائل .. تمام

نرمين وصلت قدام شقة وائل وضغطت علي جرس الباب

بعد ثواني فتح وائل وقالها .. اتفضلي

نرمين .. يلا هات الورق بسرعة

وائل .. انتي هتفضلي واقفة على الباب ادخلي هجيبهولك

نرمين دخلت وقعدت علي الكنبه

وائل .. تشربي ايه

نرمين .. انا لسه هشرب يلا ياوائل انا مستعجله

وائل .. هعملك قهوة معايا .عارف انك بتحبي تشربي قهوه الصبح

نرمين ..مدام قهوة اوك تمام بس متتأخرش

وائل وقف في المطبخ اللي مفتوح علي الريسيشن وبدأ يعمل القهوة

نرمين قامت وراحت قعدت علي كرسي البار وهي بتتفرج علي وائل وهو بيعمل القهوة بمزاج

نرمين .. وائل

وائل .. امم

نرمين .. انت ليه متجوزتش لحد دلوقتي

وائل خلص القهوة وادي نرمين فنجان وهو وقف يشرب في الفنجان بتاعه

نرمين .. مرديتش علي سؤالي

وائل اتنهد وقالها .. الجواز ده مسؤلية كبيرة دا غير مشاكله ووجع دماغ مالوش اخر .انا مرتاح كده وبمزاجي

ولا وحده تنكد عليا وتشك فيا ونعيش في نكد

نرمين .. بس لو اتنين بيحبو بعض اكيد مش هيبقي فيه مشاكل ولا هيبقي في نكد

وائل .. طيب ماانتي وحازم بتحبو بعض ومع ذالك عايشين في مشاكل طول الوقت

وائل بسرعة .. انا مش قصدي اضايقك

نرمين بتفهم .. لأ عادي ولا يهمك . بس مشاكلي انا وحازم

سببها كره العلتين لبعض . بس احنا اكيد حبنا هيتغلب علي المشاكل دي

وكملت القهوة بحزن

وائل حس بيها وقالها .. انا مكنش قصدي انكد عليكي بس انتي اللي سألتي

وائل حب يخرجها من اللي هي فيه

وبدأ يهزر معاها لحد ماخلاها بدأت تضحك وقعدت هي كمان تهزر معاه ونسيت الوقت خالص

نرمين انتبهت لنفسها وبصت ف الساعه وقالت .. ياخبر انا اتأخرت اوي

نرمين .. هات الورق بسرعة خليني امشي

في الوقت ده حازم كان رايح ل وائل شقته بالصدفة

حازم وقف قدام الباب ولسه هيضغط علي الجرس

بس وقف بذهول لما سمع صوت ضحك وهزار من داخل الشقة

وصوت نرمين وهي بتضحك و بتقول بدلع ابعد يا وائل احسلك انتا كده هتأخرني

وفتحت الباب اتفاجأت بحازم واقف قدامها

نرمين بتوتر .. ح. حازم

حازم .. انتي بتعملي ايه هنا

نرمين بتوتر وخوف .. مفيش انا ك.كنت

حازم بص ل وائل اللي واقف مرتبك و مش عارف يقول ايه وقالو .. مراتي بتعمل ايه عندك في شقتك ياوائل

نرمين بسرعه ..انت فاهم غلط ياحازم .اانا جيت اخد منو ورق يخص الشغل

حازم صوت ضحكهم وهزارهم كان بيرن في دانه وطريقة وكلام نرمين ل وائل

حازم ماكانش قادر يشوف غير انهم بيخنوه

حازم بجمود .. انتي طالق يانرمين

سلات هدايا

نرمين بصدمة .. اييه انت بتقول ايه . حازم والله انت فاهم غلط

حازم سابها ونزل

نرمين بصت ل وائل اللي واقف حاطط ايده بين شعره ومش عارف يتصرف الزاي ونزلت تجري ورا حازم

وحاولت كتير تفهمه بس حازم مدلهاش فرصه يسمعها

وخلاص واطلقو

بااك

نرمين مسحت دموعها وهي بتقول في نفسها ..ليه يا حازم هونت عليك تسيبني بالسهولة دي . للدرجادي مكنش عندك اي ثقة فيا

نرمين افتكرت تاني يوم ماراحتله بعدها

فلاش باك

نرمين بعياط .. حازم انتا ليه مش عايز تسمعني

حازم .. اسمع ايه

نرمين .. انا والله ما خونتك انت ليه مش عايز تصدقني

للدرجادي معندكش اي ثقه فيا

حازم بجمود .. روحتي ليه

نرمين .. انا قولتلك انا كنت عندو ليه انت اللي مش عايز تصدق

حازم ابتسم بسخرية .. وانتي فاكره الكلام الفارغ ده هيدخل عليا

نرمين .. بس دي الحقيقه

نرمين قربت منو وهي بتقول .. حازم انا بحبك ومقدرش اعيش بعيد عنك حرام عليك ليه بتعمل معايا كدة

وحاولت تحضنه

حازم بعدها عنو وقالها.. مفيش واحدة محترمه بتروح لواحد عازب شقته

نرمين .. يعني ايه يعني انت كدا خلاص اتهمتني بالخيانه

نرمين .. حازم انت كده بتظلمني حرام عليك

حازم .. انتي اللي ظلمتي نفسك يوم ما سمحتي لنفسك تروحي لواحد بيته وتاخدو راحتكم وتضحكو وتهزور والله اعلم ايه اللي حصل تاني انا مش عارفه

حازم .. انا مش هقول لحد انا طلقتك ليه ولا انك كنتي في شقة واحد عشان خاطر ابنك .بس انتي هتختفي من حياتنا فاهمه لأني مش عايز اشوفك تاني

نرمين مسحت دموعها .. بس انا عايزه ابني

حازم .. ابنك ده تنسيه لأنك مش هتشوفيه تاني

باااك

نرمين قامت وهي بتمسح دموعها وراحت تجهز عشان تروح الشركه

……………………………………….

بعد اسبوع كان حازم سايب ريم في الشقه ومابيروحلهاش خالص بس كان بيبعتلها كل اللي هيا تحتاجه

………………..

في الجامعة

‏كان في شاب واقف وباين عليه الغضب

‏جي صاحبه من وراه وحط ايده علي كتفه وهو بيقولو مالك ياصاحبي

… ‏لف وقاله بضيق واضح .. مفيش

… وقالب وشك كده ليه لما هو مفيش

جاسر .. بقولك ايه حل عني انا مش طايق نفسي

عمرو بص قدامه شاف يارا رجع بصله .. الموضوع يخص يارا مش كده واكمل باستفزاز .. بقا جاسر الصياد مش عارف يوقع بنت

جاسر بضيق .. بت شايفه نفسها ورافعة مناخيرها في السما . واكمل بغل .. بس وديني لكسرلها مناخيرها

عمرو .. لأ خلي بالك انت مش عارف يارا دي بنت مين

دي بنت مراد المهدي واخت حازم المهدي دا لو ناسي

جاسر .. لو هي بنت مراد المهدي انا كمان جاسر الصياد ابن ابن عيسى الصياد صاحب اكبر شركات في مصر والوطن العربي

عمرو .. ابوك بشركاته كلها ميجيش جمبهم حاجة . ابعد عنها ياجاسر احسن ماتجيب لنفسك وجع الدماغ

جاسر .. انا مبخفش من حد وهاتشوف انا هعمل فيها ايه

عمرو .. انا عليا حزرتك ‏وانت حر وبعدين يارا دي بتحب يوسف ابن خالها ولو عرف انك بتدايقها هيحطك في دماغو وانت عارف يوسف

…………………………………

عند ريم

‏كانت بتكلم داليا صاحبتها في الفون

‏داليا .. ريم طمنيني عليكي عامله ايه دلوقتي بقيتي احسن

‏ريم .. اه الحمدلله بقيت كويسة

ريم .. بقولك ايه ياداليا . فارس عرف منين اني اتجوزت

داليا .. انا قولتله

ريم بضيق .. وانتي ايه خلاكي قولتيلو

داليا .. هو اللي جالي وكان عايز يعرف الحقيقة

ريم .. وبعدين

داليا ..قولتلو كل حاجه وقولتو ان اميره هي اللي عملت فيكي كدة . اصلك متعرفيش انا شفت ايه

داليا سكتت

ريم .. في ايه ياداليا اتكلمي

داليا .. شفتهم مع بعض هو واميرة

ريم .. ماهو الطبيعي امال هي عملت كل دا ليه ماهو دا كان غرضها انها تبقي معاه

داليا… عارفه بس مكنتش اعرف ان هو كمان هيروح يصاحبها

ريم .. عادي يابنتي انا مش متفاجاة الاتنين زبا.لة زي بعض

داليا .. بس انا لما عرفته قد ايه هيا زباله وسمعتو التسجيل اللي معايا سابها

ريم .. ميفرقليش يفضلو مع بعض ولا يسيبو بعض يو.لعو الاتنين

داليا .. علي رايك بس بقولك ايه

ريم .. ايه

داليا .. انتي الزاي سايبها كده ومش ناويه تاخدي حقك منها بعد اللي عملتو فيكي . ليه مبلغتيش عنها .منا معايا التسجيل كان ممكن تقدميه للنيابه وتحبسيها

ريم بغل .. وانتي فاكرة لما احب انتقم منها هحبسها بتسجيل زي ده

داليا .. امال هتعملي معاها ايه

ريم .. انا مش هرتاح غير لما ادخلها السجن بفضيحه زي اللي كانت عايزه تعملهالي . متقلقيش انا مش ناسيه حقي ..افوق بس من اللي انا فيه الاول

داليا .. في حاجة حصلت جوزك عملك حاجة

ريم .. نفسي اخلص منو بأي طريقة

داليا .. بقوللك ايه انا شايفه مفيش حد هيقدر يساعدك في موضوع اميره ده غيره

ريم .. انا مش عايزة حاجة من وشه

داليا .. اركني كرهك ليه دلوقتي وخليه يساعدك . استفادي منو بحاجة

ريم .. تفتكري

داليا .. ايو لازم تطلبي منو يساعدك

ريم .. مش فارس كلمني

داليا .. بجد

ريم .. ايوا

داليا .. انا بردو نسيت اسألك لما سألتي هو عرف منين . داليا .. طيب وجاب رقمك منين

ريم .. مش عارفه

داليا .. وكان عايز ايه ده

ريم بسخرية .. عايزني اطلق وارجعله . المشكلة أن حازم عرف

داليا شهقت .. وعمل ايه

ريم .. معملش حاجة عدت علي خير انا عرفته إن هو اللي كلمني

داليا .. ريم اوعي تكوني لسه بتفكري في فارس .دا ندل وواطي

ريم .. اطمني فارس دا خلاص مبقاش يهمني من يوم ماشك فيا وصدق فيا الخيانه .انا نسيته صدقيني

داليا .. انتي متعرفيش إن هو كان في المستشفى

ريم .. ليه حصلو ايه

داليا .. في ناس طلعوا عليه ضربوه

ريم .. فعلا

داليا .. اه والله دا كان متكسر

……………………………………

امام الجامعه

يوسف كان واقف ساند علي العربية ومستني يارا

يارا خرجت واول ما شافته راحت عليه

بس كان باين عليها الضيق

يوسف خد بالو وسألها . مالك

يارا .. مفيش

يوسف .. انتي شكلك مضايقه . في حد ضايقك

يارا بصت علي اللي خارج من باب الجامعة وبيبصلها بتحدي يارا بصتله بقرف ورجعت بصت ليوسف

وقالتله .. مفيش يلا احنا نمشي

يوسف .. يارااا

يارا .. ايه

يوسف .. في ايه

يارا .. قولتلك مفيش يايوسف يلا نمشي .

يارا حاولت تغير الموضوع قالته .. انا بس زهقانه وعايزه اخرج

يوسف .. عايزه تروحي فين

يارا .. خدني غديني الاول في اي حته وبعدين بقا نشوف هانروح فين

يوسف .. انتي عليا بخسارة يلا ياختي

يارا .. دا بدل ماتقولي فداكي كنوز الدنيا

يوسف بهزار.. هي فين دي انتي هتخليني افلس ومش هلاقي اتجوزك

يارا بضحك .. خلاص انا معايا هبقي اديلك

يوسف .. لا يشيخه

يارا .. اه

يوسف .. طيب اركبي

…………………………………….

عند ريم بعد ما قفلت مع داليا كانت قاعدة تفكر في اللي حصل ل فارس وبدأت تشك إن حازم هو اللي عمل فيه كده

……………………………..

‏عند يارا ويوسف

راحو كلو في مطعم وبعدين خرجوا

يارا .. يوسف مش هتركب

يوسف كان واقف ساند علي العربية وفي ايده سيجارة

يوسف .. اركبي وانا هخلص السيجارة دي وهركب

يارا .. بقولك ايه متجيب سيجاره

يوسف .. هتعملي بيها ايه

يارا .. هشربها

يوسف .. انتي هبله يابت سيجاره ايه اللي تشربيها

يارا .. عشان خاطري عايزه اجربها

يوسف بحده .. اركبي يايارا

يارا .. عشان خاطري هي مره واحده بس ومش هجربها تاني

وبعد دقايق

يارا كانت واقفة جمب يوسف وفي ايدها سيجارة وبتشربها

يوسف .. حلوه

يارا وهي بتاخد نفس من السيجارة .. ايوا اوي

يوسف .. لو حازم شافك كده هايعلقك

يارا بضحك .. وهيعلقك انتا كمان

يوسف .. وانا مالي انا عملت ايه

يارا .. مش انتا اللي اديتني السيجارة

يوسف .. نعم . يعني انا اللي اتحيلت عليكي عشان تشربي مش انتي

يارا بشجاعة مزيفة .. ياعم فكك بعدين انا اصلا مش خايفه من حد

يوسف .. فعلاً

يارا .. ااه

يوسف سكت شويه وبعدين بص قدامه و قال .. هار اسود

يارا بصتله بعدم فهم وقالتلو .. في ايه

يوسف .. مش دا حازم اللي داخل علينا ده

يارا بتوتر شديد وراتباك رمت السيجارة من ايدها بسرعة وقالت بخوف .. ينهار اسود ينهار اسود فين فين

يوسف.. بصي وراكي

يارا بصت وراها ملقتش حد

يارا رجعت بصتله تاني لاقته ميت ضحك

يارا بغيظ فضلت تضربه .. انت بتضحك عليا ياحيوان

يوسف مسك ايديها .. بس بس خلاص .امال عامله فيها جامده ليه ومش بتخافي وانتي اصلا جبانه

يارا .. ياعم انا حماره .

ياراحطت ايديها على قلبها و فضلت تتنفس بصوت عالي وهي بتقولو .. يخربيتك وقعت قلبي من الخضه حاسه اني مش قادره اقف على رجلي . منك لله

ويوسف كان لسه بيضحك عليها

يارا بصتله بغيظ وراحت تضربه تاني يوسف جري منها وركب العربية

يارا ركبت هي كمان وقالتله .. بس ماشي يا يوسف وغلاتك عندي لرودهالك وهقول لخالي انك

يوسف بضحك .. اني ايه بشرب سجاير

يارا .. لأ ياخفيف هقولو إن ابنه المحترم ساقط السنادي وفي سنه تالته مش رابعة

يوسف مسكها من هدومها .. اقسم بالله كنت اقت.لك .يارا متهزريش

يارا .. لا هقولو عشان تبقي تخضني بعد كده

يوسف بخبث .. تمام قوليلو وانا كمان هقول

يارا .. هتقول ايه

يوسف ببرود .. هقول لحازم انك بتشربي سجاير

يارا بسرعة قالت بخوف .. لا خلاص مش هقول حاجة . في ايه ياعم انا بهزر معاك انت مبتقبلش الهزار ولا ايه

يوسف .. جبتي ورا يعني

………………………………………………..

تاني يوم عند ريم

ريم كانت بره وداخله الشقه

ريم فتحت الباب بالمفتاح ودخلت اتفاجأت بحازم قاعد علي الكنبه

ريم بصتله ببرود وراحت قعدت هي كمان

حازم .. والهانم كانت فين بقا

ريم ببرود .. كنت في الشغل

حازم كان مستغرب لطريقتها بس معلقش

حازم بسخرية .. ومين بقا اللي سمحلك تخرجي وتروحي الشغل كمان

ريم بصتله بتحدي وقالت.. انا سمحت لنفسي

يتبع….

رواية زواج بالاجبار 

الحلقة الرابعة والعشرون

ريم فتحت الباب بالمفتاح ودخلت اتفاجأت بحازم قاعد علي الكنبه

ريم بصتله ببرود وراحت قعدت هي كمان

حازم .. والهانم كانت فين بقا

ريم ببرود .. كنت في الشغل

حازم كان مستغرب لطريقتها بس معلقش

حازم بسخرية .. ومين بقا اللي سمحلك تخرجي

لأ وتروحي الشغل كمان

ريم بصتله بتحدي وقالت.. انا سمحت لنفسي

حازم .. انتي قد اللي عملتيه ده

ريم ببرود .. اه . قدو

حازم فهم انها عملت كده علشان تدايقه

حازم بهدوء .. طيب تعالي

ريم .. اجي فين

حازم طبطب على الكنبة .. هنا جمبي

ريم فضلت تبصله بتوتر

هي من جواها خايفة بس بتظهر العكس

حازم .. تعالي ياريم

ريم خدت نفس وقامت راحت قعدت جمبه

حازم سحبها خلاها لازقت فيه وحط ايده علي كتفها وضمها ليه

حازم .. ارتحتي لما عملتي كده

ريم هزت راسها .. ايوا

حازم .. بلاش تتحديني عشان في الاخر انتي اللي بتزعلي

حازم .. انا هعدي اللي حصل ده بمزاجي .. بس صدقيني لو اتكرر تاني هزعلك بجد .. فاهمه

ريم بضيق .. فاهمه

حازم دفن راسه في رقبتها وغمض عينه بتلذذ

وقال بدون وعي .. وحشتيني اوي

وبا.سها

حازم بعد عنها بصعوبة

مسح علي وشه بضيق من نفسه بسبب انو بيضعف قدامها خد نفس وبعدين اتكلم بهدوء وقالها .. روحي اعمليلي قهوة

ريم بصتله بستغراب وقالت .. انت ايه حكايتك مع القهوة

حازم .. حكايه ايه

ريم .. يعني بشوفك بتشرب قهوة كتير وسجاير كمان..

ليه كده

حازم .. وده بقا اعتبره اهتمام بيا ولا خوف عليا

ريم .. ولا اهتمام ولا خوف .انا بسأل سؤال عادي .. لو مش عايز تجاوب عادي بردو

حازم .. هجاوبك

ريم قالت باهتمام .. قول

حازم ابتسم .. ما انتي مهتميه اهو

ريم بصتله بضيق وراحت تقوم

حازم شدها قعدها تاني وقالها .. كل الحكاية اني اتعودت علي السجاير . حاولت كتير ابطلها معرفتش .. والقهوة حبيتها من ايدك عشان كدة بقيت بشربها كتير

حازم .. انتي كل حاجة فيكي حلوة ياريم وكل حاجة بتعمليها بتعجبني …يلا روحي اعملي

ريم قامت تعمل القهوة

وحازم عمل تليفون وبعدين قام راح الاوضه

ريم خرجت بالقهوة ملاقيتوش

ريم .. راح فين ده

ودخلت الاوضة تشوفه لاقيته واقف قدام الدولاب بتاعها وبينقل عينه بين الهدوم

ريم حطت القهوة ورجعت تبصله بفضول

حازم خرج قمي.ص نو.م من الستان الاسود

وقالها .. ادخلي البسي ده

ريم .. نعم

حازم .. نعم ايه . ادخلي البسيه

ريم .. وانت بقا متخيل اني هلبس ده قدامك

حازم .. ماله ده

ريم .. عريان اووي

حازم .. عريان اوي . دا علي اساس انك ملبستيش زيو قدامي قبل كدة .. يلا روحي البسيه

ريم فضلت واقفة مكانها

حازم .. مستنيه ايه . يلاا

ريم خدته منو بتردد

بعد دقايق خرجت كان حازم قاعد على السرير وهو بيدخن

حازم اول ماشافها طفي السيجارة في الطفايه وقام قرب منها

حازم وهو بيبص عليها بأعجاب .. انا عمري ما شفت جمال كده ولا هشوف

ورجع شعرها لورا وميل با.سها بعمق

وهي رغما عنها استجابت معاه وبادلته مشاعره بحب

وكأنها نسيت كل اللي عمله فيها

محسيتش بنفسها غير وهو بينزلها علي السرير

وبعدين …

…….

…………………………………………………..

في الفيلا

شهيره كانت قاعدة مع هنا بنتها اللي باين عليها الضيق

شهيره .. مالك ياهنا

هنا .. مفيش ياماما

شهيره .. هو انا مش عرفاكي .. ايه اللي مزعلك ..

انتي متخانقه انتي وتامر

هنا .. اه .لأ. عادي يعني

شهيره اتنهدت .. هنا ياحبيبتي تامر بيحبك

هنا بسخرية .. بيحبني . وبيعرف عليا ستات .اومال لو بيكرهني كان عمل ايه

شهيرة .. مش ممكن اللي في دماغك دي اوهام وممكن تكوني ظلماه

هنا .. يعني انتي بردو بدافعي عنو . انا مش عارفه هو انا اللي بنتك ولاهو

شهيره .. انا مش بدافع عنو بس بقول علي اللي شيفاه انا شايفه إن تامر بيحبك وبيشعقك كمان.. انتي بس خفي معاه خناق شوية

هنا .. انا بردو في الاخر اللي بطلع غلطانه

شهيره .. انا مش بقولك انتي غلطانه انا بس عيزاكي ماتتخانقيش معاه وخلاص مدام ما ثبتيش عليه حاجه لحد دلوقتي

هنا لسه هتتكلم قاطعها بنتها لما جات تجري عليها وهي بتعيط

هنا .. مالك ياحبيبتي

لين بعياط .. يحيي خد مني اللعبه بتعتي

هنا بضيق .. يحيي ده طالع نسخه من حازم وهو صغير في شقاوة

شهيره خدت لين في حضنها وقالتها.. متزعليش ياروحي انا هجبلك احسن منها

لين برفض .. لأ انا عايزه بتعتي

شهيره . طيب خلاص متزعليش انا هخدها منو

ونادت علي يحيى

يحيى نزل من فوق .. نعم ياتيته

شهيره .. بتزعل لين ليه وبتاخد لعبتها..مش انا قولت تلعبو مع بعض من غير ما تتخانقو

يحيي .. هي اللي كسرتلي العربية بتعتي الاول

هنا .. انتي كسرتي العربية بتعتو يالين

لين .. هي اتكسرت غصب عني

شهيرة .. اديها لعبتها يايحيي وانا هجبلك عربيه غيرها

يحيي رمالها اللعبة بقرف وقالها .. خدي دا انتي بت معفنه

شهيرة .. يحيي احنا قولنا ايه

يحيى .. انا مش عايزها تلعب معايا تاني البت دي

وطلع علي فوق بغضب

…………………………………………………

عند ريم وحازم

ريم كانت قاعدة علي الكنبه اللي في الاوضه وهي بتبص علي حازم اللي نايم بعمق

ريم كانت بتبص عليه وهي بتقول في نفسها بحيرة .. الزاي بكر.هه والزاي كنت حاسه طول الاسبوع اللي فات انو واحشني ..

ريم .. معقول اكون بدأت احبه

ريم هزت راسها وهي بتقول .. لأ احب مين دا اناني واذاني كتير استحالة احب بني آدم زي ده

ورجعت تاني قالت .. بس هو بيحبني انا حاسه بكده

هو بس اللي عصبي واكيد لو اتعاملت معاه كويس هيتغير

ريم غمضت عنيها وخدت نفس وقامت وهي بتفكر تديله فرصة

ريم قعدت جمبه علي السرير وفضلت تتأمل في ملامحه

ريم ابتسمت علي نفسها لما حست وخدت بالها من نفسها انها بتبصلو بأعجاب

ريم مدت أيدها تحركها علي وشه وعلي دقنه الخفيفة

ابتسمت لما شافت الانزعاج واضح علي ملامحه

بس هي فضلت مكملة لحد ما حازم فتح عينه

ريم .. كل ده نوم

حازم قام اتعدل وقالها .. ليه هي الساعة كام

ريم .. تسعة

وبعدين قالت وهي بتقوم .. هروح احضرلك العشا

حازم مسك أيدها وقالها .. لأ خليكي

ريم .. مش هتاكل

حازم قام وقالها .. هنخرج نتعشا بره . ايه رايك

ريم ببتسامة .. بجد

حازم هز راسه وقالها .. هدخل اخد دش تكوني لبستي

وباسها علي راسها ودخل

ريم بدأت تلبس وهي بتقول .. سيبي نفسك ياريم هو اكيد كويس

حازم خرج من الحمام وبدأت يلبس هو كمان

جهزوا الاتنين وقبل مايخرجو من الاوضة

حازم فتح الدرج وخرج منو علبه صغيره

حازم فتحها وطلع منها خاتم من الالماس

ومسك ايد ريم ولبسهولها

ريم بصت لأيدها وقالت بأعجاب .. حلو اوي

حازم .. عجبك

ريم .. جدا

حازم باس أيدها .. عمري ماهزعلك تاني

ريم ابتسمت

حازم باس راسها وبعدين خرجوا

بعد وقت حازم دخل مطعم فخم وهو حاطط ايده علي وسط ريم

صاحب المطعم .. حازم باشا اهلا بيك اتفضل

حازم دخل بهدوء وطلبو الاكل

حازم كان قاعد هو وريم علي الترابيزة

وفي نفس المطعم كان قاعد على ترابيزة تانيه تامر ابن عمو

تامر بص قدامه وفجأة شاف حازم ومعاه واحدة

تامر قام وراح عندهم

رواية زواج بالاجبار  الحلقتين  ٢٥ ، ٢٦

#بدون_لينكات

الحلقة الخامسة والعشرون

مساء الخير

حازم رفع عينه بصدمة وقال .. تامر . انت بتعمل ايه هنا

تامر .. انا كنت باكل هنا وشفتك قولت اجي اسلم عليك

وبص لريم بأعجاب وقال .. مش هتعرفنا

حازم .. دي ريم .. مراتي

وقال لريم .. تامر ابن عمي

تامر كان بيبص لريم بأعجاب وهو بيقول في نفسه ياابن المحظوظه ياحازم وقعت عليها فين دي . دي بطل

بس مرة واحدة تامر انتبه لنفسه وأدرك انها مراته ومينفعش يبصلها كدة

لكن مد ايده وقال ببتسامة .. اهلا مدام ريم

ريم سلمت عليه وقالت .. اهلا بحضرتك

تامر .. اسمي تامر

ريم .. اهلا بيك يااستاذ تامر

تامر ..لأ منغير القاب

ريم ابتسمت .. اوكي

تامر سحب كرسي وقعد

حازم كان بيبصله باستغراب لأنه مقالش ليه يقعد بس قاله .. تشرب ايه وكمل بضيق .. ولا هتستني تتعشي معانا

تامر .. لأ انا سبقتكو وبص لريم وقالها

تامر .. قوليلي ياريم . تسمحيلي اقولك ريم

ريم .. اه طبعا

تامر .. انتي بتشتغلي

ريم بصت لحازم بحزن وقالت .. كنت

تامر .. انتي خريجة ايه

ريم .. هندسة معماري

تامر .. تعرفي ان انا كمان مهندس معماري

ريم .. بجد

تامر .. اه . بعدين قالها.. يعني انتي بتفهمي في شغلنا بقا

ريم .. يعني

وقعدو يتكلموا بحماس عن الشغل لحد ما تامر قالها .. اشتغلتي فين قبل كدة

حازم كان قاعد متابع بضيق

ريم .. لأ انا مشتغلتش مهندسه قبل كدة.. انا اه خريجه هندسه بس اشتغلت في مجال تاني

تامر .. اشتغلتي في ايه

حازم بضيق .. تامر ملهاش لازمه اسألتك دي

تامر ببراءة مصطنعه .. في ايه ياحازم مش بتعرف علي مرات اخويا

حازم .. ماانتا اتعرفت . ايه هتقعد طول اليوم تتعرف

تامر لسه هيتكلم تليفون حازم رن واضتطر حازم يقوم يرد بعيد

حازم قام وتامر بص لريم وقرب منها وقالها .. لو عايزة تعرفي اي حاجه عن حازم انا تحت امرك انا عارف كل مصايبه

ريم باهتمام .. عارف ايه . احكيلي

تامر بدأ يحكيلها علي حازم وعن طفولته والمصايب اللي كان بيعملها وهو صغير وريم قعدت تسمعله بتركيز وهو بيحكي عن المواقف بطريقة كوميدية

ريم اندمجت معاه وفضلت تضحك من قلبها علي كلامه

وهي شايفه قد ايه هو انسان مرح وبيحب الهزار عكس حازم

حازم خلص المكالمة وقرب عليهم شافهم وهما مندمجين كدة

وشاف ريم وهي بتضحك من قلبها مع تامر اللي لسه شيفاه مكملتش عشر دقايق

حازم بصلهم الاتنين بحدة وقال .. في ايه

ريم لاحظت جمودو وبطلت ضحك علطول

تامر بخوف مصطنع .. مفيش دا انا كنت بحكيلها قدايه انت كويس

ريم راحت ضحكت غصب عنها بس كتمت ضحكتها علطول لما حازم بصلها بغضب

حازم بص لتامر وقالو .. انا بقول كفاية كدة ياتامر وروح شوف انت وراك ايه

…………………………….

عند انجي

دخلت لباباها المكتب

انجي .. بابا ممكن اتكلم مع حضرتك

شريف .. تعالي ياحبيبتي

شريف قام من علي المكتب وقرب من انجي وفتح ايده وحاوطها لحضنه وخدها وراح قعد علي الكنبه وقعدها قدامه

شريف .. اتكلمي ياحبيبتي انا سامعك

انجي بتوتر .. في واحد عاوز يتقدملي

شريف .. مين هو وتعرفيه منين

انجي .. هو معايا في الجامعة

شريف .. لسه بيدرس يعني

انجي .. هو في اخر سنه . علي فكرة حضرتك تعرف باباه

شريف .. مين . اسمه ايه

انجي .. اسمه آدم . آدم سعيد الاسيوطي

شريف بتفاجأ .. ابن سعيد الاسيوطي

انجي .. اه ..حضرتك موافق انو يجي يتقدم

شريف .. انا عارف أبوه كويس . دا احنا بينا شغل مشترك كمان

يعني .. يعني حضرتك هتوافق عليه

شريف اتنهد وقال .. بس انتو له صغيرين .انتي بتقولي اهو لسه متخرجش .وانتي كمان لسه فاضلك سنتين

انجي .. دي هتبقى خطوبه بس

شريف بهدوء .. طيب وياسين انتي ناسيه انو عايزك

انجي بسرعة .. لأ يابابا انا مش عايزة ياسين

شريف باستغراب .. ليه انتو من وانتو صغيرين وانتو معروفين انكم لبعض . ايه اللي حصل

انجي .. مش عايزاه يا بابا. ارجوك وافق على آدم

شريف بشك .. في ايه ياأنجي .انتي مخبيه حاجة

انجي هزت راسها .. لأ مفيش حاجه

شريف .. امال فجأة ليه مش عاوزة ياسين وعايزاني أوفق ان حد تاني يخطبك

شريف .. في ايه مش عايزه تقوليه ياحبيبتي

انجي .. مفيش . كل الحكاية اني مش عايزة ابقي قريبه من ياسين ..وكمان حاسه ان آدم مناسب

شريف .. هو ياسين عملك حاجة .لو عملك حاجة أو ضايقك قولي ومتخافيش

انجي .. مفيش حاجه بابا .انا مش عايزة ابقي قريبه منو وخلاص

شريف هز راسه بهدوء .. هفكر في الموضوع وهرد عليكي

وباس راسها

انجي قامت وباست ايده

…………………………………………………..

عند حازم وريم وهما قاعدين ياكلو بعد ماتامر مشي

حازم بسخرية .. ايه عجبتك القعدة معاه

ريم ابتسمت .. اه هو بني آدم لذيذ

بس قالت بسرعة لما شافت ملامحه قلبت بغضب .. اقصد يعني .. ه.هو كويس

حازم كان مضايق منها وكمل اكل بهدوء

وريم فضلت تبصله وهي متوترة

خلصو اكل

وبعدين قامو يمشو

طول الطريق حازم كان باين عليه الجمود وهي متوترة وخايفة من رد فعله هي مصدقت انو بدأ يبقا كويس معاها

معندناش استعداد يرجع تاني يعاملها وحش

………………………………………………….

بعد وقت كانو رجعو علي الشقة وكان لسه حازم زي ماهو

بعد شويه ريم خرجت من الحمام بعد ما خدت شاور

ولبست وطلعت تشوف حازم

حازم كان واقف في البلكونة بيدخن

ريم خدت نفس وراحت وقفت جمبه وقالتلو .. مش هتنام

حازم .. روحي نامي لو عايزة

ريم .. حازم

حازم بصلها

ريم .. انا اسفة . مكنتش اقصد ادايقك .اسفة بجد

وشجعت نفسها وقربت منو ودخلت في حضنه

ريم .. هتنام

حازم رفع وشها من حضنه وبصلها وابتسم

………………………………………………………….

عند ياسين كان خارج من الفيلا

ياسين لسه بيفتح العربية قابل انجي في وشه بس انجي كانت ماشيه علي طول من غير ماتبصله

ياسين .. انجي . انجي

انجي وقفت مكانها بضيق وهي بصه بعيد

ياسين قرب منها .. انا مش بكلمك

انجي .. نعم

ياسين .. رايحه فين

‏انجي .. رايحه الجامعة

‏ياسين .. طيب اركبي هوصلك

‏انجي .. لأ انا هروح مع السواق

‏ياسين بهدوء .. اركبي ياأنجي

‏انجي .. انا مش عايزة اركب معاك

‏ياسين .. ليه

انجي .. ‏كدة . عن اذنك

وراحت تمشي

ياسين مسك ايديها بغضب

……………………………………….

عند حازم وريم

ريم كانت نايمة في حضن حازم

حازم بهدوء .. ريم

ريم .. نعم

حازم .. انا بحبك بجد صدقيني

ريم رفعت وشها من على صدرو وبصتله بحيرة

حازم اتنهد وقالها .. عارف انتي عايزة تقولي ايه .. تعالي ننسي اللي فات وننسي اي حاجه حصلت ونبتدي من جديد . ونيدي حياتنا فرصه

ريم كانت ساكتة

حازم .. قولتي ايه ياريم

ريم هزت راسها بهدوء وقالت .. موافقة

………………………………………………………

عند أميرة بعد ماسافرت دبي

دخلت أميرة الشركة بخطوات واثقة من نفسها

أميرة للسكرتيرة .. ممكن اقابل استاذ وائل

السكرتيرة .. بس مفيش معاد سابق لحضرتك

أميرة .. ادخلي قوليلو أميرة عصام بس

السكرتيرة .. تمام . هبلغو

ودخلت السكرتيرة وبعد دقايق خرجت وقالت .. اتفضلي مستر وائل مستني حضرتك

اميره دخلت .. صباح الخير

وائل كان بيبص عليها وعلي طريقة لبسها بأعجاب

وائل .. صباح النور . اتفضلي

أميرة قعدت .. انا أميرة عصام .. اكيد خالو كلم حضرتك عني

وائل .. الحقيقة اه . هو كلمني

أميرة .. حطت قدامه علي المكتب السي ڤي بتاعها

أميرة .. دا السي ڤي بتاعي

وائل .. فتح السي في وبص فيه شويه

وبعدين سألها شوية أسأله تقليدية

وقدرت أميرة بطريقتها المكارة تنول اعجاب وائل

وبمجرد ماخلص كلامه معاها قالها تقدري .. تبتدي شغل من النهاردة

………………………………………………………..

عند حازم وريم

ريم قاعده علي الكنبة وباين عليها الحزن

حازم خرج من جوة وهو بيقولها .. انا خارج محتاجة حاجة قبل منزل

ريم .. شكرا

حازم لسه هيفتح الباب ويخرج رجع ليها تاني لما لاحظ عليها الحزن

حازم قعد قدامها وقالها .. الجميل زعلان ليه

ريم .. أبدا .مفيش

‏حازم مسك وشها بأديه وقالها بحنية .. مالك

ريم .. لو طلبت منك طلب هتساعدني

حازم .. انتي تؤمري وانا عنيا ليكي

ريم .. انا عايزة اخد حقي من اميرة اللي كانت عايزة تسجني عاوزة انتقم منها . ومحتجاك تساعدني

‏حازم .. ومين قالك أن انا ناسي حاجة زي دي ولا مستني تطلبيها مني

ريم .. يعني ايه

‏حازم .. يعني انا كده كده كان في دماغي أن اخدلك حقك بس مستني الوقت المناسب

ريم .. بس هي دلوقتي سافرت

‏حازم .. لو في اخر العالم هجيبها وهخليها عبرة لأي حد يفكر يأذيكي ..اطمني انا مش هسيب حقك ومش ناسيه

ريم ابتسمت .. شكرا

حازم باسها على راسها وقام

…………………………………………………

عند ياسين وانجي

انجي بدموع .. سيب ايدي

ياسين ساب أيدها وقالها بحدة .. اركبي

انجي ركبت معاه بدموع

ياسين بضيق .. في ايه بقا متغيرة معايا ليه .. ممكن افهم

انجي بدموع .. تفهم ايه . انت مش شايف معاملتك معايا

ياسين .. مالها معاملتي

انجي مسحت دموعها وقالت بهدوء .. يلا لو هتوصلني

عشان متأخرش

ياسين مش قبل مافهم في ايه مالك اي اللي غيرك

انجي .. انا متغيرتش انا لسه زي مانا .انت اللي اتغيرت ..

اتغيرت كتير اوي

ياسين .. وانتي عايزاني لما اعرف انك ماشيه مع الواد الزبا.لة ده عيزاني اعمل ايه

انجي .. انا معرفتوش غير لما انت اتغيرت ومعاملتك معايا اتغيرت .. ايه اللي حصلك انت مكنتش كده . فين ياسين بتاع زمان

انت دلوقتي بقيت واحد تاني انا معرفوش .. ليه بقيت كده

ليييه

ياسين بهدوء .. ليه ايه

انجي .. ليه بقيت بتتعامل بالعنف طول الوقت مش معايا بس مع كل الناس ومش هامك حد بدوس علي كلو ومش فارق معاك .ليه بقى جواك كل الشر ده

انجي بدموع .. انا بقيت بخاف منك ياياسين .بخاف منك انتا تخيل .انتا كنت اقرب حد ليا مكنتش بحس اني مطمنه غير وانا جمبك .حتي واحنا صغيرين كنت بتحامي فيك مع ان بابا وتامر كانو جمبي . بس كنت بحس ان انت الوحيد اللي اماني . بس دلوقتي كل حاجه اتغيرت وبعد ماكنت بحس بالامان وانا معاك بقيت انت اكتر واحد بخاف وانا قريبه منو ..

انجي .. انت مستوعب انت عملت ايه في مرام صحبتي الوحيدة .الزاي جالك قلب تعمل كده .. أي كمية الشر والجبروت ده كملت بدموع … انا عمري ماهسامحك . عمري

ياسين كان بيسمع كلامها وساكت مش عارف يقول ايه حاسس انو بيخسرها بيخسر البني ادمه الوحيدة اللي حبها

ياسين اتنهد وقالها .. أنجي انا بحبك وانتي عارفه كدة ملكيش دعوة بأي حاجة تانية بعملها انتي بالذات عمري ماهأذيكي

ياسين .. انا بحبك بجد

انجي بدموع .. انت مش بتحب غير نفسك ياياسين . انت اناني

يتبع….

رواية زواج بالاجبار 

الحلقة السادسة والعشرون

حازم دخل من باب الشقه وهو بيتكلم في التليفون

حازم في الفون .. تمام هكلمك بعدين

وقفل

ودخل علي جوا يشوف ريم

حازم .. ريم . ياريم

ريم من المطبخ .. تعالي انا هنا في المطبخ

حازم وقف علي باب المطبخ .. انتي بتعملي ايه

ريم وهي مشغولة .. بعمل كيك بالشوكولاته

حازم دخل حضنها من ورا وقالها .. دانتي شاطرة بقا

ريم بغرور.. طبعا انا بعرف اعمل كل انواع الاكل والحلويات

حازم بعد مابعد عنها .. امم واتعلمتي كل ده امتا بقا . مش كنتي بتشتغلي

ريم دخلت الكيكه الفرن وبعدين قالتلو.. عادي منا كنت عايشه لوحدي طبيعي اني اعرف اطبخ . اكيد مكنتش هاكل طول الوقت من بره

حازم خدها وطلع بره وراحو قعدو علي الكنبة

حازم .. قوليلي صحيح انتي ليه عايشه في محافظة واهلك عايشين في محافظة تانية .

ريم .. انا مش عايشه لوحدي بالظبط يعني . اختي دينا كانت قاعدة معايا لأن جامعتها هنا في القاهرة بس هي بتسافر لماما في الإجازات

حازم .. مقولتليش بردو ليه مامتك عايشه بعيد

ريم اتنهدت وقالتلو .. عشان عايشه مع جوزها

حازم .. وليه اتجوزت وسابتكم .كانت ممكن تفضل معاكم

ريم .. هي مكانتش عايزه كده . احنا اللي اصرينا عليها تتجوز

حازم .. وليه عملتو كده

ريم .. علشان منظلمهاش معانا .. ماما لما بابا اتوفي كانت لسه صغيره .

حازم .. احكيلي عنك ياريم

ريم .. عايز تعرف ايه

حازم .. كل حاجه عن حياتك واهلك .

ريم بدأت تحكي عن حياتها

ريم .. احنا كنا أسرة جميله جدا كنا عايشين في سعادة طول الوقت .لحد ما بابا اتوفي

حازم.. ربنا يرحمه

ريم بحزن .. بابا ده كان اغلي حاجة في حياتي

خدت نفس وقالت .. عشنا في القاهرة لحد مكان عندي عشر سنين وبعدها بابا جالو فرصة عمل كويسة في كندا .سافرنا وعشنا هناك فترة بعدها رجعنا واستقرينا في مصر كنت وقتها في ثانوي

بس مكملناش سنتين و بابا اتوفي

في الوقت ده كان صاحب بابا هو اللي وقف جمبنا بعد وفاة بابا فضل مهتم بينا لحد ما جالنا في يوم وبيطلب يتجوز ماما

ماما وقتها رفضت بس احنا قدرنا نقنهعا توافق لأنه كان كويس . واتجوزتو

كانت عايزنا نعيش معاها بس انا كانت جامعتي هنا ودينا مدرستها هنا فا فضلنا احنا وهي سافرت

بعدها اختي الكبيره اتجوزت أبن جوز ماما وسافرت هي كمان وانا ودينا كنا بنروحلهم في الإجازات

حازم .. بس مامتك مكانتش وفية لباباكي

ريم .. ليه علشان اتجوزت يعني

حازم هز راسه .. ايوا

ريم .. مش معني انها اتجوزت غيره يبقي كده مكانتش بتحبو .. انا عمري ما شفت واحدة بتحب جوزها زي ماما ما بتحب بابا . . ماما وبابا دول قصة حب عمري ما شفتها. انتا اصلا لو تعرف هما اتجوزو الزاي مش هتقول كدة

حازم .. الزاي

ريم .. دي ماما اتحدت أهلها عشان تتجوزه و.

بس ريم مرة واحدة افتكرت و قالت .. الكيكة انا نسيتها

وقامت بسرعة تشوفها

بعد ثواني ريم خرجت من المطبخ والدموع في عينيها

حازم اول ماشافها كدة اتخض عليها وقام قرب منها وقالها .. مالك . بتعيطي ليه

ريم بدموع .. الكيكه اتحرقت

حازم ضحك عليها

ريم .. انت بتضحك

حازم .. انتي بجد بتعيطي عشان الكيكه اتحرقت

ريم هزت راسها

حازم حضنها وباس راسها وقالها .. فداكي . انا هجبلك واحدة غيرها بس متزعليش

ومسك تليفونه

ريم .. انت هتعمل ايه

حازم .. هتطلبلك واحدة من بره

ريم .. مش بحب بتاعت بره

حازم .. طيب تعملي واحدة غير اللي باظت

ريم .. لأ

حازم .. امال عايزه ايه

ريم بزعل .. عايزة انام

حازم .. طيب تعالي

…………………………………………………………….

في بيت كاميليا

كانت مامتها قاعدة بقلق وباباها كان باين عليه الغضب لأن الساعة عدت 2بليل وكاميليا كانت لسه بره مرجعتش

دخل ياسر شافهم كدة

ياسر .. في ايه مالكم

وفاء مرات عمو .. كاميليا بره ومرجعتش لحد دلوقتي

ياسر .. الزاي يعني لسه بره . طيب كلمتوها علي التليفون

وفاء .. مش بترد . انا قلقانة عليها

مجدي عمه ..اتصرف و شوفلي بنت ال** دي يا ياسر راحت فين

ياسر .. حاضر ياعمي متقلقش انا هاشوفها

ياسر خرج بره ولسه هيفتح العربية تليفونه رن

ياسر .. الو

… ايوا يا ياسر

ياسر بضيق .. عايزة ايه

سهي .. مفيش انتا واحشني

ياسر .. اقفلي ياسهي انا مش فايقلك

سهي ببرود .. طيب مش عايز تعرف بنت عمك فين

ياسر .. تقصدي ايه

سهي .. اقصد كاميليا حبيبت القلب قدامي اهي في البار اللي انا سهرانه في . عشان بس متبقاش تقول عليا اني زبا.له ومش محترمه . مطلعتش انا لوحدي الست كاميليا خرباها هنا شرب ورقص

ياسر بغضب .. انتي بتقولي ايه يازبا.له انتي

سهي .. بقولك الحقيقة ولو مش مصدقني هبعتلك صورتها دلوقتي حالا

وقفلت معاه وصورت كاميليا من غير ماتاخد بالها وبعتت لياسر الصورة

ياسر اول ماشافها اتجنن وركب عربيته وطلع بيها بسرعة علي المكان اللي هيا فيه

………………………………………

عند حازم وريم

وهما علي السرير

ريم .. بقولك اي

حازم وهو بينام .. امم

ريم .. انت عندك كام سنه

حازم .. نامي دلوقتي وهقوللك بكرة

ريم .. يعني انتا مش هتعرف تقولي دلوقتي

حازم .. تديني كام

ريم .. 30

حازم اتعدل .. عندي 31

ريم .. انت شكلك صغير وسنك كمان . لحقت امتا تتجوز وتخلف . انت ابنك عندو كام سنه

حازم .. عندو اربع سنين

ريم .. انتا اتجوزت بدري اوي

حازم .. اه بعد ما اتخرجت علطول

ريم .. وطلقت مراتك ليه

حازم .. متفقناش

ريم .. بس هو ده السبب

حازم .. وهي دي مش كفاية

ريم .. بس انتو في بينكم طفل مفكرتوش فيه ليه

سكتت ثواني وقالت .. هو انتا كنت بتحبها

حازم هز راسه وقال .. ايوا

ريم ‏بصتله بصدمة

كمل حازم وقال .. كنت بحبها

ريم .. ودلوقتي

حازم .. دلوقتي مش فاكرها اصلا

ريم .. معقول في حد يكون بيحب وينسي بسهوله كده

حازم .. انا. انا نسيتها

حازم حب يغير الموضوع وقالها .. مقولتليش انتي بقا عندك كام سنه

ريم .. 28

حازم شكلك بيقول 18

ريم .. مش للدرجادي

…………………………………………….

عند ياسر

دخل المكان وهو بيتلفت علي كاميليا

سهي اول ماشافته قربت عليه بسرعة وقالتلو .. هناك اهي

وهي بتشاور علي كاميليا اللي قاعدة علي البار تشرب خمر.ة

ياسر قرب منها وراح ساحبها بغضب

كاميليا .. ياسر وبعدين شدت ايدها منو وقالت .. اوعي كده ابعد عني . انت عايز ايه

ياسر .. امشي معايا بهدوء بدل مفرج عليكي المكان كلو

وسحبها من أيدها بغضب وطلع بيها بره

‏ياسر .. اركبي

‏كاميليا .. مش هركب

‏ياسر راح ضربها بالقلم

‏كاميليا حطت أيدها علي وشها .. انت بتضربني ياحيوان

‏ياسر راح ضربها قلم تاني .. انتي لسه شوفتي حاجة انا هكسر دماغك وهربيكي من اول وجديد ياوس**

‏ياسر بغضب .. اركبيي

‏وزقها في العربيه

‏بعد وقت ياسر وصل علي البيت ونزل من العربيه ولف الناحية التانية وجاب كاميليا من شعرها ودخل بيها

‏اول مادخل كان عمو ومرات عمو قاعدين

‏ياسر حدفها علي الارض وطلع علي فوق من غير مايتكلم

‏وفاء مامتها قامت جريت عليها

‏مجدي .. كانت فين يا ياسر

‏ياسر وهو طالع على السلم .. اسألها

‏…………………………………………………………

‏تاني يوم في الصباح

عند حازم وريم

‏كانو قاعدين يفطرو بهدوء لحد ما ريم قالت ..انت هتعرف اهلك امتا بجوازنا ‏

‏حازم .. قريب

‏ريم .. امتا يعني

‏حازم وهو لينهي الموضوع .. قريب ياريم

‏ريم هزت راسها وبعدين قالت .. طيب ممكن اروح لشيرين النهارده

‏حازم .. ليه

‏ريم .. زهقانة

‏حازم .. ابقي روحي

‏حازم قام .. اهم حاجة ترجعي بدري تجهزي نفسك علي بليل .

‏ريم .. اجهز نفسي لأيه بالظبط

‏حازم .. هنروح الساحل نقضي كام يوم هناك

‏ريم .. بجد

‏حازم باس راسها وقالها .. اه

‏وخد مفاتيحه وتليفونه و خرج

‏……………………………………

عند ياسين

‏راح الشركة عند عمه

‏شريف كان قاعد في مكتبه

‏السكرتيرة دخلت وقالتلو .. شريف بيه .ياسين بيه بره

‏شريف بهدوء .. خلي يدخل

‏ياسين دخل .. صباح الخير

‏شريف .. صباح النور . اتفضل

‏ياسين قعد

‏شريف ..خير ياياسين

‏ياسين بهدوء .. انا طالب ايد انجي

شريف كان ساكت مش عارف يقول ايه

ياسين .. قولت ايه ياعمي

‏شريف اتنهد و قال .. انا اسف ياياسين . طلبك مرفوض

‏ياسين بهدوء مصطنع .. ممكن اعرف ليه

‏شريف .. هو كده انا مش موافق عليك

‏ياسين قام بغضب .. وانا كمان اسف . انجي هتكون ليا

‏شريف .. يعني ايه

ياسين .. يعني انجي هتكون ليا بالزوق أو بالعافية

‏شريف خبط علي المكتب وقام بغضب .. انت اتجننت بتتحداني ياياسين

‏ياسين . اه وهتشوف ياعمي

‏وخرج

‏…………………………….

‏عند شيرين كانت ريم قاعده معاها بعد ما راحتلها

شيرين وهي بتديها مج النسكافيه .. حبيتيه

‏ريم .. مش عارفه

‏شيرين .. بس شكلك مبسوطه معاه

‏ريم .. هو اتغير . بس انا مش ناسيه اللي عملو معايا

‏شيرين .. هتنسي مع الوقت صدقيني

‏ريم .. مفتكرش اني هنسي بسهوله كده ولا هنسي الطريقة اللي اتجوزني بيها وتهديدو ليا و لا كلامو اللي كان بيحسسني قد ايه انا رخيصة هو آذاني كتير

‏ريم .. انا كل ماحس اني بدأت اتشد ليه بتدايق من نفسي اوي . انا مش عايزة كدة مش عايزة احبه

‏شيرين .. سيبي نفسك ياريم . ربنا بيسامح

‏وانا شايفه إن حازم بيحبك . حاولي تنسي

‏ريم .. انتي عارفه أن هو امبارح اعترافلي انو كان بيحب طليقته . بس لما سألته ليه طلقها قالي متفقناش مش داخل دماغي حاسه ان في حاجة كبيرة حصلت عشان كدة انفصلوا . اصل الزاي بيحبها والزاي يتنازل عنها بسهولة كدة

‏شيرين .. بصي يا ريم حازم ونرمين كانو طول الوقت عايشين في مشاكل بسبب أن كان في عداوة بين العلتين عيلته وعيلتها كلنا كنا عارفين أن جوازهم مش هيستمر

وإذا كان علي الحب انا بقولك انو هو نسيها بجد

نرمين مش في دماغو ياريم

شيرين .. طيب هو قالك ايه

ريم .. قالي انو نسيها

سلات هدايا

شيرين .. صدقيه

ريم اتنهدت .. سيبك مني انا .. انتو ليه مخلفتوش لحد دلوقتي انتي وأمجد . انتو متجوزين بقالكو قد ايه اصلا

شيرين .. خمس سنين

ريم .. في مشكلة ولا حاجة

شيرين .. لأ . انا اللي مش عايزه اخلف

ريم بستغراب .. ليه

شيرين .. مش عايزة اخلف من امجد

…………………………………………

عند حازم كان راح الفيلا عند أهله

وياسين خرج من الشركة من عند عمه وهو مش طايق نفسه وراح هو كمان علي الفيلا

ياسين طلع علطول علي اوضته وهو معدي شاف اوضة حازم مفتوحة

ياسين اتنهد ودخل كان حازم واقف في البلكونة

ياسين و قف جمبه .. حازم

حازم بص ليه ورجع بص قدامه تاني ومردش عليه

ياسين .. هتفضل لحد امتا مش عايز تكلمني

ياسين خد نفس وقاله ..حازم انا معملتش حاجة في مرام

ولا خليت حد يغتص.بها

حازم بصله باستفهام

ياسين .. صدقني أنا مأذيتهاش

حازم .. امال مين اللي خطفها وعمل فيها كدة

ياسين .. انا . بس والله محدش لمسها

حازم .. الزاي

ياسين …

رواية زواج بالاجبار   الحلقتين  ٢٧ ، ٢٨

#بدون_لينكات

الحلقة السابعة والعشرون

ريم .. سيبك مني انا .. انتو ليه مخلفتوش لحد دلوقتي انتي وأمجد . انتو متجوزين بقالكو قد ايه اصلا

شيرين .. خمس سنين

ريم .. في مشكلة ولا حاجة

شيرين .. لأ . انا اللي مش عايزه اخلف

ريم بستغراب .. ليه

شيرين .. مش عايزة اخلف من امجد

ريم .. ليه طيب .. وهو عارف انك مش عايزة تخلفي منه

شيرين بنفي .. لأ انا باخد حبوب من وراه ولما بيسألني بقولو أن لسه مفيش نصيب

ريم .. ليه بتعملي كده .انا شايفة إن امجد بيحبك وانتي كمان باين عليكي انك بتحبيه . اي المشكلة انك تخلفي منو

شيرين .. انا فعلاً بحب امجد وبحبو اوي كمان وعارفة أن هو كمان بيحبني

ريم .. طيب ايه بقا

شيرين اتنهدت .. امجد بيخوني ياريم وطول ماهو بيخوني مش هقدر اخلف منو

ريم بصدمة .. .امجد بيخونك . انتي بتهزري

شيرين .. ياريت . بس انا متأكدة من اللي بقوله .امجد بيعرف عليا ستات كتير

ريم .. انا مش فاهمه حاجه . انتي لسه بتقولي أنه بيحبك

منين بيحبك ومنين بيخونك

شيرين .. طفاسه بعيد عنك

ريم .. وانتي الزاي عارفة حاجة زي دي وساكتة

شيرين .. هعمل ايه يعني

ريم .. هو عارف ان انتي عارفه اصلا

شيرين هزت راسها .. اه . بس هو طبعاً بينكر وبيقولي اني ظلماه

ريم .. طيب ماانتي ممكن تكوني فعلاً ظلماه ياشيرين

خصوصاً اني شايفة أن هو بجد بيحبك وبصراحة مش مصدقة أن ممكن يكون بيخونك فعلا

شيرين .. بس انا حاسه بيه دا جوزي ومش هقول كدة غير وانا متأكدة

ريم .. بس الزاي يكون في حد بيحب ويخون .. ليه

شيرين .. هو ده السؤال اللي محيرني .ليه . ليه الواحد ميبقاش مكتفي بمراته اللي بيحبها خصوصاً لما تكون مش مخلياه محتاج حاجة . ليه يدور بره علي غيرها

ريم .. انا مستغربة

شيرين .. متستغربيش دول كلهم كدة . عارفة عندك تامر ابن عم حازم بيموت في مراته ومابيقدرش يستغني عنها وبردو بيخو.نها

ريم .. مش تامر ده تقريبا متجوز اخت حازم باين

شيرين .. اه . رجالة عايزة الحرق . عارفة مفيش غيره عمر

هو الوحيد فيهم اللي مكتفي ب ندي وعمره مابص لوحدة غيرها . وحازم كمان شكلو هيتوب علي ايدك

ريم ابتسمت بسخرية

شيرين .. انتي مش مصدقه . طيب اي رأيك من يوم ماعرفك وهو بطل الموضوع ده

…………………………………..

عند حازم وياسين

ياسين خد نفس وقاله ..حازم انا معملتش حاجة في مرام

ولا خليت حد يغتص.بها

حازم بصله باستفهام

ياسين .. صدقني أنا مأذيتهاش

حازم .. امال اللي خطفها وعمل فيها كدة .مين

ياسين .. انا . بس والله محدش لمسها

حازم .. الزاي

ياسين .. انا اللي خطتفها بس مخليتش الرجالة يغتصبو.ها زي ماالكل فاكر

ياسين اتنهد وبدأ يحكيلو

ياسين .. انا اوهمتها بكدة . بس ده مش صح . الرجالة لما قربو منها هي فقدت الوعي لأني خليتهم يرشو عليها مخدر من غير ماتاخد بالها وفعلاً فقدت الوعي قبل ما حد يلمسها

حازم .. والدكتور اللي قالهم انها اتعرضت لأغتصا.ب

ياسين .. انا اللي اتفقت معاه يقول كدة . حتي اللي كان علي هدومها مكانش د.م

ياسين .. انا وهمتهم كلهم بكدة بس في الحقيقة هي ذي ماهيا محدش لمس.ها

حازم .. و لما انت مكنتش ناوي تأذيها عملت كل ده ليه

ياسين .. اللي حصل لأبوك واللي كمال ابو العزم عملو فيه خلاني كنت زي المجنون وانا شايف ابويا بين الحياة والمو.ت . في الوقت ده كنت عايز احرق قلبه بأي شكل وبأي طريقة

واشوفه مكسو.ر ف عملت كدة وخليته يفتكر أن بنته شرفها راح واكمل بغل .. و حالياً كل لما بشوفه مكسو.ر هو وأبنه بحس اني مرضي

ياسين .. بس في نفس الوقت ياحازم مش انا اللي اعمل كده في وحدة .انا ممكن اكون غلطت كتير بس مش انا اللي اعمل حاجه زي كده

………………………………………………….

تحت

دخل يحيي من باب الفيلا وهو بيجري وخد حاجة بسرعة وراح يخرج تاني

شهيره .. تعالي يايحيي علشان تاكل

يحيي .. مش عايز اكل ياتيتا مش جعان

شهيرة .. انت ماكلتش حاجة ياحبيبي

يحيى .. ياتيتا مش جعان والله

شهيره .. طيب خلاص بلاش تاكل تعالي اعمل

Al Homework

يحيى بتزمر .. يوها ياتيتا سيبني بقا

شهيرة .. ياحبيبي مانت لازم تعمل Al Homework اللي عليك

يحيى برفض .. مش عامل حاجة انا

شهيره بحدة .. نعم امال مين هايعمله

يحيي بضيق .. خلاص هعمله بس بعدين سيبني العب دلوقتي بقا

وخرج بسرعة قبل ما شهيرة تتكلم

…………………………………………

عند أميرة

كانت قاعدة تشتغل بتركيز لحد ما وائل طلع من مكتبه

وقالها .. خلصتي

أميرة رفعت عينها من علي الورق الكتير اللي قدامها وقالت .. يعني . فاضلي حاجات بسيطة

وائل .. انا عارف ان الشغل كتير واكيد تعبتي النهارده

أميرة .. لا ابدا .انا اصلا متعودة علي الشغل ف عادي بالنسبالي

وائل .. دا احنا جامدين بقا

أميرة .. اه طبعا انت فاكر ايه

وائل .. انا شايفك شاطرة و بصلها بوحقة

وقالها .. وبصراحه انتي عجباني .

أميرة بصتله بدهشة من جراءتته وقالت بحدة .. تقصد ايه حضرتك

كمل وائل وقالها .. انتي فهمتي ايه انا اقصد في الشغل وبعدين قال بخبث .. بس انا بردو مش شايف أن في مشكلة في انك تعجبيني في حاجات تانيه

أميرة لمت الورق اللي كانت بتشتغل عليه وقالت .. انا كدة خلصت .عن أذنك

وقبل ما تمشي وقفها صوت وائل لما قالها .. تسمحيلي اعزمك علي العشا

أميرة…

…………………………………………………………

في الفيلا

حازم نزل من فوق لاقاهم قاعدين

حازم قعد معاهم

شهيره .. بقالك كتير مش بتيجي ياحازم .

حازم بهدوء .. معلش يا ماما مشغول شوية

شهيره .. مشغول في ايه بقا . دا انت حتي بقيت تبات برة كتير .. ايه مشغول بردو لدرجة انك مش فاضي تيجي تبات في بيتك .. ممكن اعرف بقا بتبات فين

حازم .. في شقتي

وقبل ماشهيرة تتكلم تاني حازم قال .. امال فين يحيي

شهيره اتنهدت وقالت .. بره في الجنينه

في اللحظة دي دخل يحيي

هنا .. اهو دخل اهو

حازم .. تعالي ياحبيبي

يحيى قرب بهدوء وراح لحازم اللي شاله وقعده علي رجله

حازم بحب.. عامل ايه

يحيي بهدوء .. كويس

هنا ليحيي .. اه اعمل بقا مؤدب قدام بابا

وبصت لحازم وقالتلو .. مش عايزة اقولك ياحازم اللي عامل مؤدب قدامك ده شيطا.ن وانت مش موجود

حازم .. انت بتتشاقي يايحيي

يحيى هز راسه وقال بخوف .. لأ مش بعمل حاجة

هنا .. فعلاً

حازم .. انا عايزك تبقا شاطر علطول وتسمع الكلام وتسمع كلام تيتا

يحيى .. حاضر

شهيرة .. اسكتي ياهنا يحيي اصلا مؤدب وبيسمع الكلام .مش صح ياحبيبي

يحيي هز راسه بنعم

كملت شهيره و قالت بخبث .. طيب يلا اطلع بقا اعمل

Al Homework

يحيى .. حاضر

وقام علشان يطلع

بس هنا فتحت أيدها وقالتلو .. تعالي ياحبيبي

وحضنته وباسته

هنا .. حبيب عمتو انتا . انا بهزر معاك اوعي تزعل مني

وكملت بترجي وقالت .. بس بالله عليك ماتضربلي لين

…………………………………………..

في المساء

كانت ريم رجعت من عند شيرين

وكانت بتجهز لأن حازم كلمها وكان بيستعجلها عشان يسافرو زي ما وعدها

ريم كانت بتلبس لحد ماحازم دخل

حازم .. خلاص كدة

ريم .. يعني قدامي حاجات بسيطة . هعمل شعري بس

حازم .. انجزي طيب

ريم .. حاضر

حازم طلع بره وتليفونه رن وكان امجد

حازم .. ايوا ياأمجد

أمجد .. ايه جهزتو ولا لسه

حازم بستغراب .. مش فاهم .تقصد ايه

أمجد .. يابني مش انتو رايحين الساحل

حازم .. ايوا .بس انت بتسأل ليه

امجد .. مااحنا جايين معاكم

حازم .. انتو مين وجايين معانا فين

امجد بسماجة .. انا وشيرين هانرورح معاكم الساحل .

امجد .. والله فكرة حلوة اهو نغير جو احنا مصيفناش السنادي . جات في وقتها والله

حازم بصدمة .. انتا بتتكلم بجد

امجد .. وانا ههزر معاك ليه . قولي بس نازلين فين بالظبط

وقبل ماحازم يتكلم قال امجد .. اه اكيد في القرية بتعتك اللي هناك . تمام احنا هنسبقكم احنا وكمان اه و كلمت عمر وهيجيب ندي ويجي معانا هو كمان

حازم .. اس

وقبل مايتكلم كان امجد قفل

حازم نزل التلفون من علي ودنه وهو مصدوم

حازم بضيق .. ماشي يا امجد الكل.ب

حازم دخل لريم

ريم اول ماشافته قالت .. انا خلصت

بس حازم كان باين عليه الضيق

ريم خدت بالها وقالتلو .. انت كويس .في حاجة

حازم .. انتي قولتي لشيرين أننا رايحين الساحل

ريم هزت راسها وقالت .. ايوا . هو في مشكلة اني قولتلها

حازم بغيظ .. اهي راحت قالت لأمجد وشبطو معانا

ريم .. بجد . طيب وانت متدايق ليه مايجو معانا ايه المشكلة . علي الاقل منبقاش لوحدنا

حازم بصلها بضيق واقلها .. طيب يلاا

ومشيو

………………………………………………

بعد وقت كانو وصلو المكان وفعلاً كان امجد وشيرين وعمر وندي سبقوهم علي هناك

حازم وريم دخلو الشاليه وطلعو علي الاوضة علطول

حازم قرب من ريم وقالها . جعانة

ريم هزت راسها وقالت .. لأ انا بس محتاجة انام . تعبت من المشوار

حازم .. طيب كلي وبعدين نامي

ريم .. هنام الاول لأني فاصلة بجد ومش قادرة اكل

وفعلا نامو شوية لأنهم كانو تعبانين من الطريق

بعد وقت ريم صحيت وكان حازم لسه نايم

ريم دخلت خدت شاور وطلعت لبست بحماس وراحت قعدت علي السرير وبدأت تصحي حازم

ريم وهي بتهزه .. يلا قوم بقا عايز انزل

حازم فتح عينه بنوم وقالها .. في ايه

وغمض عينه ونام تاني

ريم .. يلا قوم عشان ننزل

حازم قام وقالها .. طيب يلا روحي البسي

ريم قامت وقفت وبصت علي نفسها وقالت .. منا لبست

حازم بصلها من فوق لتحت وقال .. هتنزلي كدة

ريم كانت لابسه تب قصير من غير حمالات وبطنها كانت باينه منو وشورت

حازم قام بهدوء وقالها .. البسي حاجة غير ده

ودخل الحمام

ريم غيرت التب ولبست واحد اطول شوية وبحمالات بس كان مبين بطنها بردو التاني اصلا كان قصير جداً

بعد دقايق حازم خرج

حازم بص عليها .. مغيرتيش ليه

ريم .. منا غيرت اهو

حازم .. انتي كدة غيرتي . انا مش شايف فرق هو هو

ريم قعدت بضيق .. خلاص مش نازلة . وبعدين قالت بزعل احنا هنا في الساحل عايزني البس ايه يعني

حازم ماحبش يزعلها وقالها .. طيب يلا ننزل

ونزلو

وقابلو الشلة تحت كانو مستنيهنم ريم سلمت عليهم وكانت مبسوطة جدا

وحازم كان مش طايقهم

علي البحر ريم وحازم كانو واقفين لوحدهم بعد ما مشيو

بعيد عنهم

ريم .. هي القرية دي بتعتك بجد

حازم .. ايوا

ريم .. حلو المكان ده

حازم .. مبسوطه

ريم خدت نفس وقالت .. بحاول

ريم بصت حواليها وقالت .. زمانهم بيدورو علينا

حازم وهو بيزيح شعرها و بيقربها منو اكتر.. سيبك منهم

ريم .. انت بتعمل ايه . احنا في وسط الناس

حازم .. محدش هنا دريان بالتاني

وميل عليها وبدأ يبو.سها

بس مرة واحدة فاقو علي صوت امجد من وراهم بيقول .. مش هنا ياحازم الحاجات دي

ريم اول ماسمعت الصوت بعدت بسرعة وخجل

وحازم مسح علي وشه بضيق من امجد وقالو .. عايز ايه

امجد بندور عليكم من بدري . وكمل بخبث .. بس يظهر كدة كدة انكم مش فاضيين

حازم بص علي ريم اللي هتموت من الكسوف

وقال لأمجد بتحزير .. اقسم بالله لوممشيت من قدامي دلوقتي ه..

امجد قاطعو بضحك وقال .. خلاص يالا علشان هناكل

ومشي علطول

………………

كانو قاعدين علي الترابيزة وقدامهم الاكل ومستنيين حازم وريم

عمر لأمجد .. هما اتأخرو ليه انتا مش بتقول شفتهم

امجد بخبث .. جايين دلوقتي .

ندي قالت .. اهم جم اهم

حازم وريم قربو وقعدو

شيرين .. انتو كنتو فين ده كلو وبتعملو ايه

امجد وهو بياكل .. مكانوش فاضيين

شيرين .. ايوا كانو بيعملو ايه

امجد .. كانو بي..

ومرة واحدة ريم فضلت تكح

حازم ادي لريم كوباية المايه ورجع بص لأمجد بتحزير لأخر مرة

……………………………… …………

وبعد اليوم ماخلص

في الاوضة

ريم خرجت من الحمام بعد ما خدت شاور وطلعت وهي لافة الفوطة علي حس.مها

في الوقت ده حازم دخل من برة واول ماشافها كدة بدأ يقرب منها

ريم بتوتر .. في ايه . اانت عايز ايه

حازم بخبث .. نكمل اللي كنا بنعمله تحت

ريم .. اابعد .انا تعبانه

حازم وهو بيقرب اكتر .. سيبلي نفسك

ودفن راسه في رقبتها

ريم غمضت عينها باستسلام

وبعدين….

………………………

تاني يوم في الصباح

حازم قام وريم كانت لسه نايمه

حازم ميل عليها با.سها وبعدين بدأ يصحيها

حازم .. ريم .

ريم …….

حازم ..ريم اصحي ياحبيبتي

ريم بنوم .. سيبني انام

حازم .. مش عاوزة تنزلي

ريم فتحت عينها بكسل و قالت .. ايوا هنزل

حازم .. طيب قومي يلا بسرعة

ريم قامت

بعد شويه كانت واقفة قدام التسريحة وبتدلك ايديها وجسمها بالكريم

حازم بستغراب .. ايه اللي بتعمليه ده ياريم

ريم .. دا كريم علشان الشمس

حازم بصلها شوية وبعدين قالها .. قوليلي ياريم

ريم .. امم

حازم .. بتاخدي الحبوب بانتظام ولا لأ

ريم ملامح وشها بهتت كليا ووقفت اللي بتعملو

ريم بلعت ريقها بصعوبة وقالت .. اه .باخدها

حازم .. مش عايزك تستهوني بالموضوع ده . انا مش عايز اخلف

ريم .. متقلقش

يتبع….

رواية زواج بالاجبار 

الحلقة الثامنة والعشرون

حازم بصلها شوية وبعدين قالها .. قوليلي ياريم

ريم .. امم

حازم .. بتاخدي الحبوب بانتظام ولا لأ

ريم ملامح وشها بهتت كليا ووقفت اللي بتعملو

ريم بلعت ريقها بصعوبة وقالت .. اه . باخدها

حازم .. مش عايزك تستهوني بالموضوع ده ياريم . خلي بالك

ريم بهدوء .. متقلقش . عامله حسابي كويس

حازم قرب منها وقالها وهو بيحرك أيده على خدها.. طيب يلا عشان ننزل نفطر

ريم هزت راسها بهدوء ونزلت معاه

…………………………………….

فطرو كلهم مع بعض وقعدو يتكلموا بس ريم كانت في دنيا تانية ‏

……….

بعد شويه ريم كانت قاعدة علي البحر لوحدها وهي بتفكر في موضوع الحمل

غمضت عينيها وبدأت تفتكر

اول يوم اتجوزو فيه

فلاش باك

قبل ماحازم يقربلها فتح درج وخرج منو دوا

حازم .. خدي ده

ريم قالتلو بعدم فهم .. ايه ده

حازم .. دي حبوب منع الحمل . عايزك تخديها من النهاردة

ريم خدتها منو وقالت بوجه خالي من التعبير .. تمام .

حازم .. مش عايزك تستهويني بالموضوع ده . فاهمه

وكمل بتحذير .. عشان لو جيت في يوم وعرفت انك حامل ساعتها ما تلوميش غير نفسك

ريم اتعصبت من كلامو بس مابينتش

لكن ردت وقالت بجمود .. ومين قالك اني عايزه اخلف منك .

حازم .. يبقي احنا كده متفقين

بااك

ريم خدت نفس كبير

وبعدين فتحت عينيها وابتسمت بسخرية علي غباءها والزاي صدقتو انو اتغير بجد

ريم قالت لنفسها .. ايه ياريم فاكرة انو حبك بجد . فوقي دا متجوزك متعة مش اكتر ولا نسيتي كلامو ليكي

انتبهت لصوته من وراها بيقولها

– قاعده لوحدك ليه

ريم لفت ليه

ورجعت بصت علي البحر تاني وقالت .. عادي حسيت اني عايزه اقعد مع نفسي شويه

حازم .. مالك

ريم .. ….

حازم قعد جنبها ولف وشها ليه

حازم .. في ايه

ريم بصت في وشه جامد وقالت .. ليه

حازم .. ليه ايه

ريم .. ليه بتكدب عليا

حازم بستغراب .. مش فاهم . كدبت عليكي في ايه

ريم .. ليه قولتلي بحبك وانت مبتحبنيش

حازم .. بس انا مكدبتش عليكي

ريم .. انا مش غبية علشان تضحك عليها بكلمة

ريم .. تقدر تقولي لما انت بتحبني ليه مش عايز تخلف مني

حازم .. مين قالك اني مش عايز اخلف منك

‏ريم .. امال ليه كل شوية بتأكد عليا في موضوع الحبوب واني اخلي بالي احسن احمل

حازم مسك ايديها وقالها .. انا بس كل اللي في دماغي اننا نأخر موضوع الخلفة ده شوية . ريم انا عايز اتبسط معاكي على قد ماقدر مش عايز حاجه تشغلك عني . هو دا السبب اني مش عايزك تخلفي دلوقتي .

حازم .. وبعدين كمان مينفعش يحصل حمل غير لما اعلن جوازي منك .دا احسن ليكي

بقلم فريدة احمد

ريم .. وامتا هيبقا جوازنا في العلن

حازم خدها في حضنه و باس راسها .. صدقيني قريب . بس اهم حاجه توعديني انك تخلي بالك من موضوع الحمل دا الفترة دي اوعي تستهويني ياريم

ريم من جواها مكانتش مصدقاه كانت عايزه تقولو انت كداب ومش مصدقه ولا كلمه من اللي بتقولها

لكن هزت راسها بهدوء وردت عليه وقالت .. حاضر . هخلي بالي

…………………………………………………..

في الشركة عند تامر كان قاعد على مكتبه يشتغل لحد ما لقي هنا داخلة

تامر رفع وشو من علي الورق وقال .. هنا ! . ايه المفاجأة دي

هنا بسخرية .. ويتري بقا مفاجأة حلوة ولا وحشه

تامر قام من علي كرسي المكتب وقرب منها وحاوط كتفها بأديه وقالها .. حلوة طبعا .. بس اي سر الزيارة

هنا وهي بتقعد علي الكنبة .. وحشتني قولت اجي اشوفك

تامر .. وحشتك . ولا جايه تطبي عليا تشوفي انا بعمل ايه

هنا .. الاتنين

تامر بيأس .. مش هتبطلي حاركاتك دي

هنا كانت لسه هتتكلم لاقت السكرتيرة دخلت وفي ايديها ورق

السكرتيرة .. احم تامر بيه الورق ده محتاج امضتك

تامر راح قعد علي المكتب والسكرتيرة قربت منو

و حتطت الورق قدامه

تامر بدا يمضي علي الورق

هنا كانت واقفة تبص علي السكرتيرة بضيق وهي شايفها مقربه من جوزها جامد وبتتمايع في حركتها وكانت كل شوية تبص علي هنا بخبث وتميل علي تامر اكتر

السكرتيرة خدت الورق وقبل ماتخرج بصت علي هنا وابتسمت بسخرية وبعدين خرجت

هنا قربت من تامر وقالتلو بجمود .. السكرتيرة دي تمشي دلوقتي حالا

تامر بستغراب .. تمشي علي فين

هنا .. تطردها

تامر .. نعم!

هنا .. بقوللك تطردها

تامر .. هناا بطلي جنانك ده .

هنا بقوة .. يا تمشي الزبا.لة دي دلوقتي حالا يااما تطقلني

تامر .. انا مش فاهم هيا عملت ايه علشان ده كلو

هنا .. والله وحضرتك مخدتش بالك كانت لازقه فيك الزاي

وعماله تتمايع ولا كإني موجودة . ولما دا بيحصل قدامي

وانا واقفه الله اعلم بقا من ورايا بيحصل ايه

تامر بتعب .. روحي روحي ياهنا ربنا يهديكي

هنا .. مش قبل ماتمشي الزبا.لة دي قدامي دلوقتي

تامر بعصبية .. انا مش عايز اتغابي عليكي اهدي وبطلي جنان خلي يومك يعدي علي خير

في الوقت ده دخل مراد عمه

مراد .. في ايه صوتكم عالي ليه

هنا وتامر كانو ساكتين

مراد .. ماتتكلموا

تامر .. ياريت تعقل بنتك ياعمي

مراد .. اي اللي حصل وبص لهنا .. في ايه

هنا .. بقولو يمشي السكرتيرة رافض . شكلو فرحان بيها وبقعدتها جمبو

تامر .. عجبك كلامها ياعمي

مراد .. عيب ياهنا ميصحش تتكلمي علي جوزك كده

هنا .. بابا انا مش مستريحه للسكرتيرة دي و لو فضلت معاه انا هسيبلو البيت .. يختار بقا

مراد بص لتامر .. خلاص ياتامر ريحها ومشيها

تامر .. يعني ايه هي هتمشي كلامها عليا

مراد قرب منو وبصوت واطي .. صدقني احسن ليك هتنكد عليك انا عارف .الستات كلهم دمغتهم جزمه اشتري نفسك

تامر بصلها بضيق وقالها .. خلاص همشيها

ياريت تتفضلي انتي بقا

هنا .. مشيها قدامي

تامر بص لمراد اللي بصله وهز راسه بمعني اعملها اللي هي عايزاه

تامر اتنهد بضيق وطلب السكرتيرة

السكرتيرة دخلت ومراد خرج

السكرتيرة .. اؤمرني حضرتك

تامر .. لمي حاجتك وامشي .

السكرتيرة .. ليه

تامر .. انتي مرفودة

السكرتيرة بصدمة .. حضرتك انا عملت ايه

تامر بجمود .. مش عايزك في الشركة .يلاا

السكرتيرة بصت بغ.ل وح.قد علي هنا لأنها فهمت ان هي السبب

علي عكس هنا اللي بصتلها بانتصار

…………………………………………….

في الساحل

عمر بزهق .. انا قولت مش هتلبسي مايوه ياندي

ندي بضيق .. يعني انا هنزل البحر الزاي .بهدومي

عمر .. وفيها ايه ماتنزلي كده .

ندي .. نعم . انت مش شايف ما كلو لابس بيكيني

عمر .. احنا ملناش دعوه بحد وبعدين لو هتبصي للناس عندك ريم وشيربن اهم حد فيهم لبس كده

ندي .. شيرين مش بتحب تنزل البحر اصلا وبعدين قالت بصوت واطي وريم حازم مرديش يخليها تلبس

عمر .. اهوو جادلت بقا معاه لأ اول ما قالها لأ سمعت الكلام مش زيك

ندي بضيق .. اووف دا انتا خنيق

عمر .. خنيق عشان بخاف عليكي مش كده

ندي بصتله بضيق

عمر .. بصي عاوزه تنزلي كده انزلي يااما متنزليش خالص وياريت متنزليش يكون احسن

وكمل بسخرية .. وبعدين مااللي انتي لبساه ميفرقش حاجة حاجة عن المايوه

ندي .. قصدك ايه بقا ها

عمر .. قصدي إن لبسك كلو عريان ياندي واتمني انو يتغير

شيرين جات عليهم .. مالكو ماسكين في بعض ليه

ندي .. البيه عايزني انزل البحر بهدومي

شيرين بملل .. نفس الحوار بتاع كل سنه

شيرين .. تعالي ياندي عايزاكي

ومشيو بعيد

ندي .. عايزه ايه

شيرين .. بطلي تعندي معاه بقا . الرجاله مش بتيجي بالعند

ندى بضيق .. ماهو اللي خنيق بزيادة

شيرين باستفزاز .. طيب ماتلبسي بوركيني

ندي .. فعلا هو دا اللي ناقص

ل.فريده احمد

شيرين .. سيبك بقا متنكديش احنا هنا عشان تنبسط . تعالي نروح عند ريم

ندي بضحك .. انا شايفه إن حازم عايز يولع فينا

شيرين .. مااحنا بصراحه رخمنا بزيادة وامجد جوزي هو السبب

ندي .. مش انتي اللي روحتي قولتيلو

شيرين .. انا كنت بحكيلو عادي مكنتش اعرف انو هيشبط

……………………………………………

حازم وريم رجعو من الساحل بعد اسبوع قضوه هناك

ريم كانت بتبين انها طبيعية لكن من جواها كانت موجوعه لأنها مكانتش مصدقه حازم كان في حاجة جواها بتأكدلها انو مش عايز يخلف منها وكل الكلام اللي بيقولهولها ده تمثيل مش اكتر

……………………………………………….

عند ياسين كان واقف قدام الجامعة وهو ساند علي عربيته ومستني انجي

بس مره واحده ملامح وشه قلبت بغضب لما شاف انجي خارجة من باب الجامعة هي وادم وبيضحكو

ياسين مسح على وشه بغضب اول ماشفهم كده

وراح قرب عليهم بغضب

انجي بتوتر اول ماشافته .. ي.ياسين

ومرة واحدة شهقت لما لاقت آدم وقع قدامها علي الارض

بعد ما ياسين لكمه كذا مرة ورا بعض

انجي بغضب .. انت ايه اللي انت عملته ده ياحيوان

ياسين بغضب اعمي .. اخرسي وروحي استنيني في العربية .يلاا

انجي بصت علي آدم وبعدها مشيت بخوف

وياسين ميل علي آدم اللي لسه واقع علي الارض وقالو بتحذير .. اقسم بالله لو شوفتك معاها بعد كدة او حاولت تقرب منها تاني لكون قاتل.ك

ياسين فتح العربية وركب فيها

ومرة واحدة كان في قلم نزل علي وش انجي

ياسين مسكها من شعرها بغضب وقالها .. انا حذرتك قبل كدة بس انتي اللي مابتسمعيش الكلام . استحملي بقا اللي جاي

انجي بعياط .. انا بكر.هك . بكر.هك

ياسين .. ولسه هتكرهيني اكتر

……………………………………………….

عند ريم وشيرين كانو خارجين مع بعض يشترو لبس خلصو وبعدها دخلوا مطعم علشان ياكلو

ريم كانت قاعدة مع شيرين وكانت حالتها متغيرة كان باين عليها التعب والارهاق

شيرين خدت بالها وقالتلها .. انتي كويسة ياريم

ريم بتعب .. مش عارفه مالي . حاسه اني دايخه

شيرين .. طيب تيجي نروح للدكتور

ريم .. لأ مش مستاهله . يمكن بس علشان مش باكل كويس الايام دي

شيرين .. طيب يلا كلي

ريم مسكت الشوكه واول ما قربتها علي بوقها نزلتها بسرعة وقامت تجري علي الحمام وفضلت ترجع

شيرين قامت وراها بخضه وقلق .. مالك بس في ايه

ريم بتوهان .. مش عارفه

شيرين .. ريم انتي لازم تروحي للدكتور

ريم .. ماتكبريش الموضوع . انا شويه وهبقي كويسه

شيرين .. لا ياريم انتي شكلك متغير لازم تكشفي

ريم بصتلها وبعدين سرحت شويه

شيرين .. بتفكري في ايه ياريم

ريم .. في حاجة في دماغي وخايفه تطلع صح

شيرين .. قصدك حامل مش كده

ريم .. خايفه اوي

شيرين .. متخافيش ان شاء الله خير . طيب تعالي نروح للدكتورة ونشوف

وفعلاً ريم وشيرين راحو للدكتورة

وبعد ما دخلو

الدكتوره .. اتفضلي يامدام ريم

ريم قعدت .. شكرا

الدكتوره .. حضرتك بتشتكي من إيه

ريم .. حاسه اني دايخه وكمان بطني بتوجعني كتير

الدكتوره قامت .. طيب اتفضلي علشان اكشف عليكي

الدكتوره بعد ماكشفت عليها قالتلها ببتسامة .. مبروك

انتي حامل

ريم بصدمة كبيرة مع انها كانت شاكه بس كانت بتدعي إن شكلها ده يطلع غلط

بلعت ريقها بصعوبة وقالت .. حضرتك متأكده اني حامل يادكتورة

الدكتوره .. اه طبعاً باين قدامي اهو في الجهاز . الف مبروك

ريم بصت لشيرين وشيرين بصتلها بقلق

ريم فاقت علي صوت الدكتورة وهي بتديها الروشته وبتقولها .. انا كتبتلك علي شويه ادويه وفيتامينات مهم اوي انك تاخديهم الفترة دي في اول الحمل

ريم كانت تايهه وخرجت علطول

شيرين خدت الروشته من الدكتورة وقالتلها .. شكرا

وخرجت ورا ريم

في العربية

ريم كانت بتعيط وشيرين بتهدي فيها

شيرين .. انا مش عارفه بس انتي عامله في نفسك ليه كده . دي حاجه كويسة انتي المفروض تبقي مبسوطه مش بتعيطي

ريم بعياط .. اتبسط وانا حامل وجوازي في السر مفيش غير تلاته اربعه اللي عارفين

شيرين .. اكيد حازم لما يعرف هيعلن جوازه منك

ريم بعياط .. هو اصلا محذرني اني احمل . انا مش عارفه هقوله الزاي . انا قلقانة من رد فعلو مش عارفه ممكن يعمل ايه

شيرين .. متقلقيش خير ان شاءالله . هو لما يعرف انك حامل هينسي وهيتبسط

……………………………………………………….

عند انجي كانت داخله البيت وهي بتعيط بس قبل ماحد يشوفها مسحت دموعها وخدت نفس ودخلت

باباها ومامتها كانو قاعدين

انجي قالت مساء الخير

وبعد ماردو عليها قالت عن اذنكم وراحت تطلع علي فوق علطول قبل مايلاحظو حاجه

بس وقفها صوت باباها لما قالها استني ياأنجي

انجي وقفت مكانها وقالت .. نعم يا بابا

شريف .. تعالي ياحبيبتي

انجي قربت بهدوء وقعدت جمبو

شريف بص ليها بشك .. مالك يا انجي

انجي . مفيش يابابا

ليلي .. ياحبيبتي اتكلمي وقولي مالك متخبيش علينا

انجي .. مفيش حاجه ياماما . انا كويسة

شريف لاحظ خدها الاحمر

شريف .. وشك مالو

انجي بتوتر .. م. مفيش يابابا

شريف بشك .. انتي في حد ضربك

انجي سكتت

شريف مسكها جامد وقالها .. ردي عليا

انجي مقدرتش تمسك نفسها اكتر من كده واتفتحت في العياط

شريف مسكها من كتافها وقالها .. قوليلي ياحبيبتي مين عمل فيكي كده

انجي بعياط .. ياسين

شريف بغضب مكتوم .. ليه . عمل كده ليه اتكلمي

انجي بتوتر . ع. عشان شافني واقفة مع آدم اللي قولت لحضرتك عليه انو عايز يتقدملي

شريف اول ماسمع كده قام بغضب وراح لبيت اخوه

وليلي حضنت انجي وفضلت تطبطب عليها

شريف دخل الفيلا بغضب كان مراد وحازم قاعدين بيتكلمو

فجأة لاقو شريف داخل عليهم وباين عليه الغضب

شريف .. ابنك فين يا مراد

حازم لما شافو كده قام وقال .. في ايه ياعمي

شريف .. اخوك فين ياحازم

في الوقت ده ياسين نزل من فوق ببرود وقرب منو وقف قدامه وقال ببرود.. خير ياعمي في ايه

شريف بغضب راح نازل على وشه بالقلم

شريف بغضب وزعيق .. لو قربت من بنتي تاني هتبقا بموتك ياياسين . فاهم

وبص لمراد اللي كان واقف بهدوء وقاله .. ابعد ابنك عن بنتي .عشان انا لحد دلوقتي مراعي انو ابنك بس لو جي جمبها تاني مش هيهمني اخوة

وطلع بغضب

ياسين كان لسه واقف مكانو زي ماهو ابوه قرب منو .. حصل ايه

ياسين بص لابوه وخرج بره من غير مايتكلم

مراد بحده .. لما اكلمك ماتسبنيش وتمشي

ياسين وقف مكانو ولف ليه

مراد .. عملتها ايه

ياسين .. ضر.بتها

مراد .. ليه

ياسين .. غلطت ف ضربتها . عن اذنك

وخرج

بره حازم كان خرج ورا عمه

حازم .. في ايه ياعمي ايه اللي حصل لكل ده

شريف بغضب .. البيه مد ايده علي بنتي وضر.بها

شريف .. ياريت تعقله عشان صدقني بعد كده مش هسمي عليه

ياسين وهو طالع بص عليه بتحدي وشريف بصله بغضب

ياسين خد عربيته ومشي

حازم بص لعمه.. انت ليه رافض جوازه من انجي ياعمي . فيها ايه ماتوافق

شريف بغضب .. انت مش شايف عمايله عايزني اجوزه بنتي الزاي وهأمن عليها الزاي معاه بأسلوبه ده

حازم بهدوء .. عمي ياسين بيحبها وانا متأكد انو بيعمل كده بسبب رفضك ليه

شريف بتصميم .. لو اخر واحد في العالم مش هجوزه بنتي .ويوريني بقا هيعمل ايه

……………………………………………………………..

في المساء

عند ريم

ريم كانت نايمة

حازم دخل قعد جمبها علي السرير ومد ايده وبدا يحركها علي وشها وبعدين ميل با.سها

ريم حست بيه قامت اتعدلت

حازم وهو بيمشي ايده علي شعرها .. نايمه بدري ليه

ريم .. عادي

حازم .. كلتي

ريم بكدب .. اه

حازم بشك .. انتي كويسة

ريم هزت راسها .. ايوا

حازم با.سها وقام دخل الحمام

وريم بصت قدامها بشرود وبعدين رجعت نامت تاني

حازم خرج وراح جنبها وخدها في حضنو و نام هو كمان

……………………..

تاني يوم

حازم وريم كانو قاعدين مع بعض بره علي الكنبة ومشغلين التليفون وبيتفرجو عليه

بس فجأة ريم قامت بسرعة ودخلت الحمام وفضلت ترجع

حازم قام وراها

ريم بعد ماغسلت وشها

حازم .. اي اللي حصل

ريم بتوتر.. تقريبا خدت برد في معدتي

حازم بشك .. خدتي برد ولا حامل

ريم بصتله بصدمة

حازم مسكها من دراعها جامد وقالها .. انتي حامل

ريم بدموع .. غصب عني

رواية زواج بالاجبار     الحلقتين ٢٩ ، ٣٠

#بدون_لينكات

الحلقة التاسعة والعشرون

ريم بسرعة قامت ودخلت الحمام وفضلت ترجع

حازم قام وراها

ريم بعد ماغسلت وشها

حازم .. اي اللي حصل

ريم .. تقريبا خدت برد في معدتي

حازم بشك .. خدتي برد ولا حامل

ريم بصتله بصدمة

حازم مسكها من دراعها جامد وقالها .. انتي حامل

ريم بلعت ريقها بخوف ومكانتش قادرة تنطق

حازم .. انتطقي . انتيي حامل

ريم بدموع .. غصب عني

حازم بغضب .. انتي هتستهبلي يابت يعني ايه غصب عنك .. انتي مكنتيش بتاخدي الحبوب وبتكدبي صح

ريم هزت راسها بنفي .. لأ بخدها بس مش عارفة دا حصل الزاي

ريم بدموع .. والله غصب عني صدقني

حازم ساب ايدها .. وانتي اتأكدتي الزاي

ريم وهي بتمسح دموعها .. امبارح لما كنت مع شيرين تعبت وروحت للدكتورة ولما كشفت عليا قالتلي اني حامل

حازم سكت ثواني وبعدين قال بهدوء .. اللي في بطنك دا لازم ينزل

ريم بصدمة .. انتا بتقول ايه . عايزني اموت ابني بإيدي.. مستحيل انا مش هقدر اعمل كده

حازم بجمود .. لأ هتعملي كده وهتنفذي اللي بقوله . عشان بعد كده تبقي تعرفي تخالفي كلامي كويس

ريم .. بس انا مخالفتش كلامك . بجد اللي حصل ده غصب عني مش بإيدي

حازم بسخرية .. بطلي تمثيل انا مش عيل صغير عشان يدخل عليه الكلام ده

وكمل بغضب .. انتي قاصدة تعملي كده وتحملي

ريم .. وانا ليه هعمل كل ده اي اللي هيخليني اعمل كده اصلا

حازم .. اكيد عملتي كده عشان تحطيني قدام الامر الواقع واعلن جوازي منك ..بس مش انا اللي يتعمل معايا حركة زي دي . واللي في بطنك هتنزليه

ريم بقهر .. وانا مكنتش مضطره اعمل كده لأنك وعدتني وانا صدقتك

مسحت دموعها وقالت .. وانا موافقة انزله لأني انا كمان مش عايزة اخلف منك

وكملت بجمود وقالت .. بس قبل ما اعمل كده تطلقني

حازم .. مش بمزاجك . مش هتطلاقك غير لو انا عايز كده

ريم بغضب وعصبية .. لأ هطلقني ودلوقتي .لاني استحالة اعيش معاك تاني بعد النهارده

حازم مسك دراعها بغضب .. انا اللي اقرر مش انتي .فاهمه

ريم بغل .. انا بكر.هك وبكر.ه نفسي وبكر.ه اليوم اللي شوفتك فيه .طلقني وارحمني بقا . بتعمل معايا كل ده ليه

لما انت شايفني مش مناسبه ليك مخليني معاك ليه . لما انت شايف إن مش انا اللي اشرفك قدام اهلك بتتجوزني ليه

حازم .. انتي بتقولي ايه

ريم .. بقول الحقيقة . انت مش قادر تنسي اني كنت متهمة في قضية ز.نا رغم انك اكتر واحد عارف ومتأكد اني بريئة . بس الزاي .الزاي حازم باشا يتجوز واحدة زييي ويخلف منها

حتي لو كانت بريئة

ريم .. انت فاكر اني مش عارفه انت ليه مخبي علي اهلك لحد دلوقتي جوازك مني

ريم .. لما انت شايفني منفعكش ومشرفكش طلقني وريحني وريح نفسك

حازم مردش عليها وقبل ما يفتح الباب ويخرج

قال .. جهزي نفسك بكره هتعملي العمليه

وخرج

وريم قعدت مكانها وفضلت تبكي بقهر علي حالها

……………………………………………….

في المساء

كانت نامت مكانها بتعب بعد ما فضلت ساعات تعيط

ريم قامت من علي الكنبه واول ماتذكرت اللي حصل بدأت دموعها تنزل تاني

بس مره واحده قامت ومسحت دموعها بعنف و بدون تفكير دخلت الاوضة ولبست بسرعة وخرجت من الشقة

بعد وقت كانت ريم وصلت شقتها

بليل متأخر حازم رجع الشقة ودخل علطول يشوفها في

الاوضه بس ملاقهاش موجودة

حازم فضل يفتح في الاوض وفي الحمامات بس ملاقاش ليها اي اثر في الشقة

حازم بعد ما اتأكد انها مشيت نزل علطول من الشقة وركب عربيته وطلع علي شقتها

بعد ما وصل طلع بسرعة وفضل يخبط جامد علي باب الشقه

ريم كانت جوه وسامعة الخبط اللي على الباب بس مردتش وقررت انها متفتحلوش

حازم بغضب .. افتحي ياريم اناعارف انك جوه

ريم كانت جوه بتعيط بس

حازم .. لومفحتحتيش انا هكسر الباب

ريم مسحت دموعها وقربت من الباب بعد مااتمااكت نفسها وقالت .. امشي .امشي ياحازم . انا مش عايزة اشوف وشك لو سمحت امشي كفاية كده

ريم من ورا الباب .. واطمن انا بكره هروح المستشفى وهعمل العمليه وبدأت في البكاء وقالت .. بس ارجوك امشي دلوقتي لو سمحت . مش عايزه اتكلم ومش عايزة اشوفك

……………………………………………………

تاني يوم في الصباح

في بيت شريف

شريف كان قاعد في مكتبه

انجي دخلت .. نعم بابا حضرتك عاوزني

شريف بهدوء .. تعالي ياحبيبتي

انجي قربت وقعدت

شريف .. زميلك ده اللي كلمتيني عنو انتي فعلاً عايزة تتخطبي ليه

انجي بخجل .. ايوا

شريف .. طيب هتكلميني بصراحه . انتي عايزاه بجد ولا بتعملي كده علشان تنسي ياسين

انجي .. ايوا يابابا . وصدقني ياسين مش بفكر فيه

شريف .. انا مش عايز أاكد عليكي

انجي بهدوء.. بابا آدم كويس مش زي ياسين وانا موافقة عليه

شريف .. تمام . كلميه يجيب اهله ويجي يتقدم

انجي .. بجد يا بابا حضرتك موافق

شريف هز راسه بشرود

……………………………………………………………

عند حازم كان قاعد مع امجد في الشقة اللي بيقعدو فيها

حازم كان قاعد وحاطط راسه بين ايديه

امجد .. انا مش فاهم لما انت بتحبها بتعمل كل دا ليه

حازم كان ساكت

امجد .. حازم انت مش عايز تعترف بيها ليه ولا تعرف اهلك عليها ليه

امجد بشك .. انا في سبب في دماغي وخايف يطلع صح

امجد سكت ثواني وبعدين قالو .. معقول بسبب القضية

اللي كانت متهمه فيها .. طيب مانتا عارف ومتأكد انها بريئة وكانت مظلومة

حازم رفع وشه وبصله شوية وافتكر كلام ريم لأنو كان نفس كلام امجد

حازم اتنهد وقال بنفي .. لأ مش كدة مش صح

امجد .. لأ هو ده اللي في دماغك وبتفكر فيه . حازم انت خايف تروح لأهلك لا يسألوك اتعرفت عليها الزاي وساعتها مش هتعرف تجاوب

امجد .. روح روح صالحها وسيبك من الافكار دي

ملحوظه

“مفيش غير امجد بس اللي يعرف بحكايه ريم لأنو ظابط زيو وكان متابع مع حازم القضية”

……………………………………………….

عند ريم

كان حازم راح لها

حازم بهدوء .. ارجعي ياريم

ريم بقوه .. انا مش هرجع معاك . لو هموت مش هرجع معاك تاني ومش هسمحلك تبيع وتشتري فيا تاني . مش هسمحلك

.فاهم

حازم قرب منها ولسه هيحط ايده عليها

ريم بعدت عنو وقالت .. ومش هسمحلك كمان تلمسني

ريم .. وياريت تتفضل تتطلقني عشان انا تعبت .تعبت بجد ومش قادرة

حازم بهدوء .. انا مش هطلقك ياريم

وقبل ماريم تتعصب

حازم قال .. انا هعلن جوازنا وهعرف اهلي

وقرب منها وحط ايده علي بطنها .. ومش عايزك تنزليه

ريم بعدت عنو وقالت بجمود .. وانا مش عايزاه

حازم .. يعني ايه

ريم .. يعني انا مش تحت امرك تقولي نزليه اقولك حاضر ترجع تقول لأ المفروض اقولك حاضر برضو . مش كده

كملت بقوة .. بس انا بقا اللي بقوللك دلوقتي مش عايزاه

مش عايزه حاجه تربطني بيك . مش عايزه اخلف منك

مش عايزه اخلف ولد يطلع حيوان زيك

او بنت مصيرها يبقي زيي ويتعمل فيها اللي انت بتعملو فيا . لا مش حيصل ابدا

حازم بحزن .. انا اسف ياريم

ريم بدموع .. اسف علي ايه بالظبط .. علي انك خدتني عافيه وغصب ولا علي تهديدك ليا واستغلالك ليا وقت ضعفي

ولا علي اهانتك ليا وكلامك اللي بيجرحني وبيحسسني قد ايه انا رخيصة . اسف علي ايه

حازم .. عارف اني ظلمتك كتير . بس صدقيني انا حبيتك

ريم .. والمفروض بقا اني اسامحك مش كده .

ريم .. انت اخدت روحي وشرفي . اه شرفي مش معني انك اتجوزتني يبقي ده كده حقك . انتا اتجوزتني غصب

وخدت مستقبلي وحياتي . سرقت حريتي حرمتني اعيش حياتي زي منا عايزه حرمتني من ان اختار …

قولي بقا انتقم منك ازاي لا والمفروض اني اسامح واسكت وتقولي بحبك اقولك اه وانا كمان

اتجمعت الدموع في عينيها وبصوت ضعيف قالتلو .. طب قولي ازاي ازاي احب انسان دمرني وكسرني عارف يعني ايه اشوفك قدامي ومش عارفه اخد حقي منك ومش لاقيه حد ياخدلي حقي منك . منا لو ابويا كان موجود اكيد مكانش واحد زيك قدر يعمل فيا كدة

حازم كان بيسمع كلامها بحزن عليها

ريم .. وكل دا ليه عشان عجبتك

حازم بنفي .. لأ ريم انا حبيتك بجد . ارجعي معايا وانا هعوضك عن كل حاجة عملتها معاكي

ريم بدموع .. بطل تكدب عليا بقا لأني مش هصدقك تاني . متقوليش بحبك انت متعرفش تحب . صدقني والله ماتعرف يعني ايه حب . انت ممكن تكون بتحب جس.مي اه بتحب جسمي لاكن مابتحبنيش

. انت عايزني عشان مزاجك وعشان ابسطك . وكده كده هما شوية وقت وبعدين هتزهق مني وتدور علي غيري مش كده

حازم .. انا عمري ماهشوف غيرك ياريم

ريم .. امشي وسيبني في حالي انا مش عايزاك

حازم .. لأ ياريم انا مش هسيبك

ريم بعصبية .. بقوللك مش هعيش معاك تاني . سامع سيبني بقا

و فضلت تكسر في كل حاجة قدامها

حازم اول ماشافها كده قالها .. طيب اهدي .انا مش قصدي ومش هغصب عليكي بس اهدي

وحاول يقرب منها

ريم بعصبية .. ابعد عنييي

حازم بعد .. انا بعيد اهو بس اهدي

ريم بعد ما هديت شويه قالت .. هنروح للدكتوره امتا

حازم .. ليه

ريم .. عشان انزل البيبي

حازم .. لأ انتي مش هتنزليه .انا عايزو

ريم بغضب .. وانا مش عايزاه وهنزله . سامع

حازم .. مش هسمحلك تعملي كدة إن ندمت اني طلبت منك كده

ريم بعصبية .. بقوللك مش عايزه حاجه تربطني بيك انت مابتفهمش

وفضلت تضرب في بطنها بقوة وتقول مش عايزاه

حازم كان بيحاول يسيطر عليها مش عارف

ريم كانت منهارة وفضلت تضرب في بطنها جامد لحد ماحست بدوار ووقعت فاقده الوعي

حازم ميل عليها وحاول يفوقها

بس مره واحده مكانش عارف يتحرك من الصدمة لما شاف الد.م بيسيل منها بغزارة

حازم فاق لنفسه وشالها ونزل بسرعة وطلع بيها علي المستشفى

يتبع….

رواية زواج بالاجبار 

الحلقة الثلاثون

في المستشفى

حازم كان واقف قدام غرفة العمليات بقلق وخوف

لحد ما الدكتور خرج

حازم بقلق .. طمني يادكتور هي كويسة

الدكتور .. هي دلوقتي محتاجة نقل دم عشان نزفت كتير بس ان شاء الله هتبقي كويسة متقلقش

حازم .. والجنين

الدكتور بأسف .. مقدرناش ننقذه . ربنا يعوض عليكم

عن اذنك هشوف الدم اللي هي محتجاه

الدكتور مشي

وحازم قعد مكانو بحزن وندم علي اللي ريم وصلت ليه بسببو وبسب انانيته وظلمه ليها

بعد وقت كانت ريم اتنقلت في غرفة عادية

ريم فتحت عينيها بتعب لاقت نفسها علي سرير في المستشفى ثواني واتذكرت اللي حصل

علي دخول الممرضة

الممرضة .. الف سلامه عليكي يامدام

ريم هزت راسها بتعب

ريم بتعب .. هو . البيبي

الممرضة نزلت راسها بحزن

ريم .. نزل صح

الممرضه .. ربنا يعوض عليكي

الممرضه .. هبلغ الدكتور انك فوقتي

وخرجت

بره حازم قام وقال للمرضه .. فاقت

الممرضه .. ايوا اتفضل حضرتك

حازم دخل ليها كانت نايمة ودموعها نزله بصمت

حازم قرب منها اول ماشافته لفت وشها بعيد

حازم ميل باسها على راسها

بعد وقالها بحزن .. مش قادر اقوللك سامحيني . لاني مستاهلش انك تسامحيني . بس اسف ياريم .اسف علي كل حاجة عملتها معاكي

ريم كانت باصه الناحية التانيه وبتعيط بوجع

ريم بدموع .. لو سمحت اخرج بره

حازم بص عليها بحزن وخرج بهدوء

حازم كان لسه خارج من الاوضة قابل امجد وشيرين اللي لسه داخلين

شيرين اول ماشافته قالتلتو بغضب وعصبية .. عملتلها ايه يا حازم . سقطها . ليه ليه حرام عليك حرام عليك ياشيخ

حازم كان ساكت ومتكلمش

شيرين بعصبية .. رد عليا عملت كده ليه

امجد بحده .. شيرين . ماينفعش كده .اهدي

شيرين بصت علي حازم بغضب .. واللي هو عملو ده هو اللي ينفع

امجد .. ملوش لازمه الكلام ده دلوقتي و ادخلي شوفيها .يلاا

شيرين بصت عليهم بغضب ودخلت لريم

شيرين ميلت عليها باستها .. الف سلامه عليكي يا حبيبتي

ريم كانت دموعها نازلة شيرين مسحتلها دموعها ومسكت ايدها وقالتها ..متزعليش هو ميستاهلش دموعك دي صدقيني بعد اللي عملو ده

ريم .. انا اللي سقطت نفسي ياشيرين

شيرين بصدمة .. انتي

ريم هزت راسها بصمت

بعد ساعات كان الدكتور دخل كشف عليها وكتبلها علي خروج

……………

بعد وقت كانت ريم رجعت شقتها مع شيرين بعد مارفضت تركب مع حازم عشان يوصلها

……………

عدي اسبوع

ريم اتحسنت شويه وشيرين طول الاسبوع ده كانت قاعدة معاها مكانتش بتسيبها لوحدها ابدا

حازم كان بيطمن عليها من بعيد بس لكن مكانش بيرورح ليها كان سايبها تهدي

انجي اتخطبت ل أدم بعد ماجاب اهلو واتقدمولها رسمي وتمت الخطوبة

الغريب ان ياسين مصدرش منو اي رد فعل وكان هادي جدا للدرجة انهم كانو مستغربين هدوءو ده ومش مطمنين وقلقانين منو

فارس كان عرف باللي حصل لريم وكان بيحاول يستغل ده ويوصلها لأنو كان مغلول من حازم بعد اللي عملو معاه لما بعتلو ناس ضربوه

……………………..

عند ريم كانت قاعدة مع شيرين

شيرين .. ناويه علي ايه ياريم

ريم بهدوء وهي بصه قدامها .. هتطلق

شيرين .. وتفتكري حازم هيوافق يطلقك بسهولة

ريم بصتلها .. ومين قالك اني هطلب منو يطلقني

شيرين .. مش فاهمه

ريم بجمود .. هخلعو

شيرين .. انتي بتهزري صح

ريم .. بتكلم بجد

شيرين .. لأ ياريم مهما كان حازم مايستهاهلش تعملي معاه كده

ريم .. ميستاهلش بعد كل اللي عملو ده وبتقولي كده

طب لو انتي مكاني كنتي هتعملي ايه . دا انتي عشان شاكه إن جوزك بيخونك شاكه بس مش متأكده شوفي انتي بتعاقبيه الزاي .. وبتقولي ده ميستاهلش

شيرين كانت ساكته مش عارفه تقولها ايه هي عندها حق

ريم كملت بدموع .. طب انا ايه مش كل اللي حصلي ده بسببو

مش هو اللي عمل معايا كدة . كنتي عايزاني يحصل معايا ايه اكتر من كده علي ايده

شيرين .. انا معاكي وحاسه بيكي والله . بس هو مش هيقبل انك تعملي معاه كده انا خايفه عليكي منو

ريم بقوة .. وانا مش خايفه منو ولازم انتقم منو علي كل اللي عملو فيا .مش هسيب حقي وهارد عليه ولازم اكسره واهينه زي ماعمل معايا . لازم اخد حقي منو

…………………..

عند ياسين كان قاعد في شقة لوحدو وهو ماسك كاس بيشرب منه

ياسين كان فاتح الفون علي صورة انجي

كان بيبصلها ويقول بإصرار غريب .. مش هيلحق يتهني بيكي صدقيني .انتي ليا وعمرك في حياتك ما هتكوني لحد غيري

………………….

عند ريم كانت قاعدة لوحدها

جرس الباب رن قامت تفتح وكان حازم

ريم بجمود .. نعم

حازم .. عامله ايه

ريم .. كويسة

حازم .. ريم انا هجيب اهلي وهتقدملك وهتجوزك قدام الناس كلها

ريم ابتسمت بسخرية وقالت .. بجد

حازم هز راسه وقال .. هعملك اللي انتي عايزاه

ريم .. ومين قالك اني عايزه كده

حازم بهدوء .. امال عايزه ايه

ريم ببرود .. عايزه اطلق

حازم .. مفيش طلاق ياريم

ريم ببرود .. تمام .انا هتصرف

حازم بعدم فهم .. تتصرفي في ايه

ريم .. في موضوع الطلاق

حازم .. انا سايبك تهدي بس انسي انا مش هطلقك

…………….

تاني يوم ريم لبست ونزلت

راحت لعمر صاحب حازم في مكتبه لأنو محامي

ريم دخلت .. مساء الخير

عمر قام من علي كرسي المكتب بستغراب وقال .. مساء الخير . اتفضلي ياريم

ريم قعدت وهو قعد قصادها

ريم .. طبعا انت مستغرب انا جايه ليه

وقبل ماعمر يتكلم ريم قالت .. انا جايالك في شغل

بصت حواليها وهي بتقول .. مش انت محامي بردو

رجعت بصتلو وكملت .. ان عايزاك ترفعلي قضية

عمر كان لسه مستغرب لكن قال .. قضية اي وعلي مين

ريم .. قضية خلع . علي جوزي اللي هو صحبك

عمر بصدمة كبيرة .. انتي بتقولي ايه ياريم

ريم .. بقول اللي انتا سمعتو . ها قولت ايه .هترفعلي القضية ولا اشوف محامي تاني

عمر .. انا مش فاهم حاجه .. هو حصل ايه حازم عمل ايه

ريم .. انا عايزه اطلق وهو رافض ماقداميش حل تاني

ريم .. هترفعلي الدعوه

عمر .. انتي عايزاني اوفقك وارفع قضيه زي دي علي صحبي

ريم . يعني مش موافق

عمر .. ايوا طبعا استحالة اعمل كده

ريم قامت .. تمام . عن اذنك

وراحت تخرج وقفها عمر

عمر .. استني بس . هتعملي ايه

ريم بكل بساطه .. هروح لمحامي تاني

عمر .. وانتي فاكرة إن في اي محامي هيوافق يرفعلك قضية زي دي علي حازم . دا غير انها كده كده هتترفض من المحكمة

ريم .. قصدك ايه

عمر .. انتي مش عارفه حازم يبقي مين . مفيش محامي هيستجرأ يوافق يرفعك الدعوه عليه . دا غير ان لازم يبقي في اسباب قويه علشان الدعوه تتقبل

ريم ابتسمت بوجع من جواها وهي بتقول في نفسها هو في بعد اللي عملو معايا .. بس للأسف مفيش في ايدها دليل يدينه

ريم اتنهدت قالت .. مش مهم . المهم اني ارفع الدعوة عليه وحسسه يالاهانه

عمر .. هو حصل ايه ياريم

ريم . يبقي اسال صحبك عن اذنك

وخرجت

ريم رجعت علي الشقه وهي طالعه اتفاجأت بفارس مستنيها قدام الشقه

فارس بلهفة .. ازيك ياريم

ريم بجمود .. انت اي اللي جابك هنا .وعايز ايه

فارس .. جي اساعدك ياريم

ريم .. تساعدني في ايه

فارس .. تطلقي

ريم .. ومين قالك اني هتطلق

فارس .. دا علي اساس انك مش جايه دلوقتي من عند المحامي عشان ترفعي قضيه علي جوزك

ريم .. انت بتراقبني

فارس .. انا عايز اساعدك ياريم وصدقيني انا هعرف اخلصك منو بس انتي ثقي فيا

فارس .. ريم صدقيني انا مش وحش . انا اضحك عليا كان غصب عني هما اللي شككوني فيكي واكمل بغل .. وجوزك ده بالذات اكتر حد شككني فيكي

ريم بستغراب .. ازاي .انت تعرفو ولا هو يعرفك منين اصلا

فارس اتنهد وقال .. فاكرة يوم ماقولتلك اني شوفتك وانتي رايحة ليه الشقة .. يومها بعد مامشيت رجعت تاني كنت عايز اوجهك و طلعت ليكم ولما رنيت الجرس هو فتحلي ولما سألتو عليكي قالي انك نزلتي بس فهمني انك سلمتيلو نفسك وغلتطي معاه وانا غصب عني صدقت منا شايفك وانتي طالعه مكانش في تفسير تاني اي حد مكاني كان هيصدق

فارس .. احنا اتلعب علينا ياريم سواء من اميرة الو**

او من الحيوان اللي انتي اتجوزتيه

فارس اديني فرصة ياريم . انا مش قادر اعيش من غيرك

ريم بهدوء .. امشي يافارس

فارس .. اديني فرصة ياريم ارجوكي .عارف اني كنت ندل بس غصب عني .اي حد مكاني كان هياخد نفس الموقف

ريم .. اتفضل امشي وابعد عن طريقي احسلك انتو كلكو زي بعض .حيوانات

وفتحت الباب ودخلت وقفلته في وشه

فارس نزل وهو بيقول بردو مش هسيبك ياريم

………………………….

عند حازم كان عمر بيحاول يكلمه او يوصله عشان يعرفه باللي ريم ناويه تعمله بس حازم مكانش بيرد علي التليفون

………………………

تاني يوم ريم كانت قاعدة في الشقة وبتعيط بصت علي تليفونها اللي مش مبطل رن بضيق وكان فارس

بس في النهاية ردت

ريم قفلت المكالمة وشردت شويه وبعدين قامت لبست وطلعت علي

بعد وقت وصلت ريم عند فارس في مكتبه

فارس وهو قاعد على كرسي المكتب وباصص علي الشاشه اللي قدامه وهو شايفها داخله

فارس ابتسم بخبث وقفل الاب توب كانت ريم دخلت

فارس قام علي طول من علي كرسي المكتب واستقبلها بحب وقالها .. كنت متأكد انك هتيجي

وقرب منها وبتلقائيه راح حضنها وقالها .. وحشتيني

ريم بعدتو عنها بغضب وقالتلو .. انت الزاي تقرب مني كده ياحيوان

وراحت ضربته بالقلم

رواية زواج بالاجبار 

#بدون_لينكات

الحلقة الحادية والثلاثون

وصلت ريم عند فارس في مكتبه

فارس كان قاعد على كرسي المكتب وباصص علي الشاشه اللي قدامه وهو شايفها داخله

فارس ابتسم بخبث وقفل الاب توب

كانت ريم دخلت

فارس قام علي طول من علي كرسي المكتب واستقبلها بحب وقالها .. كنت متأكد انك هتيجي

وقرب منها وبتلقائيه راح حضنها وقالها .. وحشتيني ياريم

ريم بعدتو عنها بغضب وراحت ضربته بالقلم

ريم بغضب .. انت الزاي تقرب مني كده ياحيوان انت

ريم .. وبعدين فين المحامي اللي قولتلي هايقابلك هنا انت كنت بتضحك عليا .. بس العيب مش عليك العيب عليا انا إن صدقت حيوان زيك وجيت لحد هنا

وسابته وخرجت من عنده بغضب

فارس كان واقف مصدوم وحاطط ايده علي وشه مكان القلم وقال بحقد .. ماشي ياريم ورحمة امي لدفعك تمنه غالي اوي ومش هسيبك غير لما تكوني ليا

…………………

تاني يوم

ريم كانت قاعدة بتفكر هتعمل ايه مع حازم

هي عايزه توجعه بأي شكل وبأي طريقة زي ماوجعها وأذاها واقسمت انها مش هتسيب حقها وهتقفله ومش هيهمها ومش هتخاف

قاطعها جرس الباب لما ضرب

ريم خدت نفس وقامت تفتح وكان فارس

وقبل ماريم تتكلم فارس قال بهدوء .. انا آسف اني اتعديت حدودي بس انا عملت كده من اشتياقي ليكي

وطلع ورقه من جيبه وقالها .. الورقه دي فيها اسم وعنوان المحامي اللي هيرفعلك القضية . المحامي ده شاطر جدا وليه اسمه . وهو الوحيد اللي هيعرف يخلصك من جوزك

وسابها ومشي بهدوء

…………………….

بعد وقت كانت ريم وصلت العنوان اللي فارس قالها عليه عند المحامي

ريم خدت نفس ودخلت المكان

ريم .. مساء الخير

السكرتيرة .. مساء الخير

ريم .. ممكن اقابل استاذ عاصم

السكرتيرة .. بس مفيش معاد سابق لحضرتك

ريم .. من فضلك ممكن بس تبلغيه اني عاوزه تقابله ضروري

السكرتيرة .. تمام هدخل ابلغو

السكرتيرة دخلت بعد مااستأذنت

كان عاصم قاعد على مكتبه ونرمين اخته كانت قاعدة معاه

السكرتيرة .. عاصم بيه في واحدة بره عاوزه تقابل حضرتك

عاصم .. مقالتش اسمها

السكرتيرة .. لأ بس شكلها جايه في قضية وبتقول انها عايزه تقابلك ضروري

عاصم .. خليها تدخل

السكرتيرة هزت راسها وخرجت تبلغها

ونرمين قامت وقالت .. هامشي انا ياعاصم

وخرجت هيا كمان وهي خارجة ريم في نفس الوقت كانت داخله ف خبطت فيها

ريم بأسف .. سوري مخدتش بالي

نرمين هزت راسها بهدوء ومشيت

وريم دخلت لعاصم

عاصم شاورلها علي الكرسي .. اتفضلي يا آنسه

ريم قعدت .. انا مدام وجايه في قضيه

عاصم .. اتفضلي .اي مشكلتك

ريم .. عاوزه ارفع قضيه خلع علي جوزي

عاصم .. اسمه ايه

ريم .. هو مين

عاصم .. جوزك

ريم بتوتر.. حازم .ح حازم مراد المهدي

عاصم بصدمة .. بتقولي مين . حازم مين

ريم .. هو في حاجة

عاصم .. لا ابدا .بس انتي تقصدي حازم المهدي ظابط الشرطة صح ولا انا غلطان

ريم .. لأ هو . انت تعرفه

عاصم بخبث .. طبعا عز المعرفه . داحبيبي

ريم لما قالها كده كانت خايفه لايرفض

ف سألته بترقب .. حضرتك موافق ترفعلي القضيه

عاصم ببتسامة داخلية وكأنو ماصدق ان حازم يقع تحت ايده

عاصم .. طبعا هعملك اللي انتي عايزاه . بس سؤال بس

ريم .. اتفضل

عاصم .. ليه جيتيلي انا . يعني في محامين كتير

ريم .. سألت وعرفت ان حضرتك محامي كبير ف جيتلك

عاصم فهم انها متعرفوش ولا حتي تعرف اللي بينه وبين خازم

عاصم .. انتو متجوزين بقالكو قد ايه

ريم .. شهرين

عاصم .. اي اسبابك

ريم ..*** * ****

عاصم .. تمام بس في مشكلة

ريم .. اي هي

‏عاصم .. هي الدعوة اكيد هتترفض

‏وقبل ماريم تتكلم عاصم كمل و قال .. بس ماتقلقيش انا هتصرف وهرفعلك القضية وهخلصك منو

‏ريم .. تمام

‏وقامت وقالت عن اذنك

‏وخرجت

‏اما عاصم رجع ضهره للورا وهو مبسوط علي الاخر

……………………………….

بعد يومين

حازم كان قاعد في مكتبه بيتابع شغله

كانت متهمه قدامه واقفة بتعيط وبتقول .. والله ياباشا معملتش حاجة انا مظلومة هو اللي ضحك عليا

حازم نادي بصوت عالي .. سعييد

سعيد دخل اؤمرني ياحازم باشا

حازم .. خد المتهمه الحجز

العسكري خد المتهمه وحازم غمض عينه بتعب

فجأة وصل ليه رسالة علي تليفونه

حازم خد نفس و مسك التليفون وفتح الرساله

وكانت من عاصم بيقول فيها .. مبروك علي الجواز معلش جات متأخره بس انت اللي غلطان علي فكره يعني اتجوزت في السر و محدش يعرف انك متجوز اصلا .. بس ملحوقه هباركلك قريب علي الطلاق اللي هيتم علي ايدي إن شاء الله. اصل انت اكيد متعرفش ان مراتك جاتلي واستنجدت بيا ارفعلها قضية خلع إن شاء الله تكسبها انت عارف انا مبخسرش قضية . زمان الدعوة وصلت علي البيت دلوقتي .. سلاام

حازم شاف الرسالة والدم كان بيغلي في دماغه ومره واحدة خبط التليفون في الحيطه من شدة غضبه

حازم وهو بيتنفس بعنف .. ليه ياريم . ليه لييه

…………………

عند ريم كان حازم راحلها

حازم .. ليه ياريم

حازم بعتاب.. ليه عملتي كده .ليه عاوزة تهدي وتبوظي كل حاجه ..انتي عارفه اللي عملتيه ده ايه . مدركه اللي انتي عملتيه ولا لأ

ريم ببرود .. عارفه ومدركه كويس اوي . ودي اقل حاجه ارد بيها علي كل اللي انتا عملتو معايا . وعندي استعداد اعمل اكتر من كده كمان

ريم .. ولو كنت فاكر اني ناويه اسكت تبقي غلطان . انت عملت فيا كتير وانا كنت مستحمله بس انت مقدرتش ده دوست عليا وعلي اللي خلفوني . هينتني وكسرتني عاملتني زي الجواري . بس لحد كده وكفايه . لازم اكسرك ياحازم واحسسك بالإهانة اللي انت حسستني بيها

حازم بستغراب لتغيرها وقوتها اللي بتتكلم بيها .. انتي مش خايفة

ريم بملامح جامده.. كان زمان دلوقتي لأ . انا اخر واحده ممكن تخاف منك . اطمن بعد كل اللي انته عملته فيا قضيت علي كل ذره خوف جوايا ومبقاش يهمني وفلوسك ونفوذك والسلطة اللي في ايدك كل دول مش فارقين معايا

حازم .. انتي مش قد اللي بتعمليه ده صدقيني . وهتخسري . هتخسري كتير اوي

ريم .. مش فارقه معنديش حاجة اخسرها اصلا . وبعدين انا برد حقي وكرامتي يعني مجيتش عليك من نفسي

ريم خدت نفس وقالت .. قولي ياحازم باشا . انا علي حد علمي انك عندك اخوات .. تخيل كده لو وحده فيهم اتعمل معاها اللي انتا عملتو معايا . هيبقي رد فعلك ايه .. انا اقولك

ابتسمت وقالتلو .. مش بعيد تق.تلو . اخواتك بقا مش احسن مني في حاجة . وزي ماهما ولاد ناس انا كمان بنت ناس وحقي انا هعرف اجيبه كويس

حازم .. ليه كل ده مانا جيتلك وقولتلك اني مستعد اعملك اللي انتي عايزاه .. ليه عاوزه تهدي الدنيا . اعتزرتلك . عارف اني غلطت في حقك كتير وكنت مستعد اصلح كل حاجه

حازم قرب منها وقالها .. انتي عارفه انتي عملتي ايه

انتي روحتي لأكتر واحد عدوي . بس تمام اللي انتي عايزاه واللي يريحك اعمليه

وسابها ومشي

……………………..

تاني يوم شيرين كانت عندها

شيرين بلوم .. ليه ياريم ليه عملتي كده

ريم .. انا عملت اللي كان المفروض يتعمل من زمان

شيرين .. انتي عارفه انتي عملتي ايه الاول . عارفة انتي روحتي لمين يرفعلك القضيه

ريم .. تقصدي ايه

شيرين .. اللي انتي روحتيلو ده يبقي عاصم اخو نرمين طليقه حازم .. دا غير ان العلتين بينهم مصانع الحداد

عارفه يعني ايه يعني انتي كده بتهدي الدنيا

يعنيحتي لو حازم سكت علي اللي انتي عملتيه ده بس هتكوني بكده بتخسريه للابد ياريم صدقيني

ريم ابتسمت بسخرية .. دا علي اساس ان انا عايزه افضل معاه يعني

شيرين .. انتي بتحبيه ياريم انتي عملتي كده عشان ترضي غرورك وكبريائك لكن انت حبيته

ريم .. بطلي تخاريف . انا عمري ماكرهت قدو

شيرين .. لأ ياريم انا مش بخرف انتي حبتيه

شيرين مسكت وشها جامد وقالتها .. بصيلي في عيني وقوليلي انك محبتهوش وانا هصدقك

شيرين هزتها .. بصيلي ياريم وقولي لأ

ريم غمضت عينها ودموعها نزلت بألم

ريم مسحت دموعها وقالت .. هو دا اللي قاهرني

ابتسمت بمرارة وقالت .. حبيتو . ايوا ياشيرين انتي عندك حق .. بس هو هان كرامتي اوي . ومش هسيبك حقي صدقيني حتي لو حبيتو مش هسيبك حقي

ريم .. كدب عليا واوهمني انو بيحبني ورغم كل اللي عملو معايا صدقتو وكنت مستعدة اعيش معاه . بس هو اناني مبيحبش غير نفسه

شيرين .. حازم بيحبك صدقيني والله بيحبك

مسكت ايدها بترجي وقالت .. عشان خاطري روحي اسحبي الدعوه . عشان خاطري

………………………..

في الفيلا

حازم دخل من الباب بهدوء

قابل مامته وباباه اللي قاعدين وباين علي شكلهم انهم منتظيرينو

شهيرة بسخرية .. اهلا بحازم باشا اللي طلع متجوز من ورانا لأ ومراتو كمان رافعة عليه قضيه خلع . ماشاء الله

مراد .. ممكن تفهمنا اللي حصل ده

حازم .. اللي حصل انتو عرفتوه . ايوا انا متجوز ومراتي رافعة عليا قضيه خلع . كل ده صح .. عن اذنكم

ولسه هيطلع علي السلم وقفه مراد لما قال بحده .. استني عندك

حازم وقف مكانو بضيق وبعدين لف ليه .. نعم

مراد بلوم .. انت ياحازم انت . ابني الكبير العاقل تعمل كده وتتجوز من ورانا .. ابتسم بسخرية وكمل

وقال.. وبنلوم علي اخوك وعمايله ليه بقا ماهو قدامه اهو قدوته . اخوه الكبير

حازم كان ساكت مش عارف يقول ايه

لكن قال .. اللي حصل حصل

مراد .. تمام ممكن تعرفنا بقا مين البنت دي وعرفتها الزاي واي اللي يخليها تعمل كده

شهيرة .. هتكون ايه يعني غير انها واحدة زبا.له اكيد طمعانه فيه

حازم بحدة .. ماما . دي مراتي من فضلك متتكلميش عليها كده

شهيرة بسخرية .. بعد اللي عملتو وبتدافع عنها كمان

حازم .. من فضلكم دا موضوعي وانا هحلو اطمنو .عن اذنكم

وطلع

…………………

تاني يوم عند ريم

جرس الباب ضرب وريم قامت تفتح

فتحت الباب لاقت قدامها ست شيك جدا وباين عليها التكبر

ريم بصتلها بستغراب بس قبل ماتتكلم

شهيره .. انتي بقا اللي ابني اتجوزها من ورانا

في الوقت ده ريم اتأكدت ان دي مامت حازم

بعد مادخلت وقعدت وريم قعدت قصادها

ريم .. افندم

شهيره .. انتي تروحي زي الشاطره وتتنازلي عني القضية اللي انتي رفعتيها دي

ريم .. وانا ايه اللي يخليني اسمع كلامك واعمل اللي بتطلبيه مني

شهيره بتصحيح .. لأ انا مش بطلب منك . انا بأمرك

ريم ابتسمت ببرود .. ومين بقا قالك اني هنفذ امرك

شهيرة .. هتنفذيه لأنك متعرفيش انا ممكن اعمل فيكي ايه

ريم ببرود .. قصدك بتهدديني يعني

شهيره هزت راسها بتأكيد .. برافو عليكي

ريم في نفسها .. طبيعي والله ان البني آدم ده يبقي ابنك انتي

لكن ريم ردت عليها بتحدي وقالت .. وانا مش بتهدد واللي تقدري تعمليه اعمليه

شهيرة .. انتي مين وعايزه ايه من ابني

ريم .. انا مش عايزة حاجة غير ان ابنك يطلقني ياريت تقنعيه يطلقني ساعتها هتنازل عن القضية

……………………..

عند حازم كان قاعد مع امجد

امجد .. هاتعمل ايه ياحازم

حازم بهدوء .. مش هعمل حاجه . هسيبها تعمل اللي يريحها وتفش غلها . انا جيت عليها كتير وهي موجوعه مني . من حقها تعمل اللي هي عايزاه

………………

عند مراد كان قاعد في مكتبه

تامر دخل .. خير ياعمي حضرتك عايزني

مراد بهدوء .. اقعد

تامر قعد .. في ايه ياعمي

مراد .. انتا من امتي تعرف ان حازم متجوز

تامر .. من فترة صغيره

مراد .. والزاي متقوليش حاجة زي دي

تامر .. لأنه قالي ماقولش . وبعدين انا عرفت بالصدفة

مش هو اللي قالي

مراد .. مين البنت دي وحكايتها ايه . عرفها منين واتجوزها الزاي

تامر .. صدقني ياعمي . انا معرفش اي حاجه غير انو اتجوز مش عارف اي تفاصيل

مراد بعصبية .. الزاي . اتنهد وقالو .. تامر انت لازم تقولي كل حاجه دلوقتى .انا عارف انك عارف عنو كل حاجه

تامر .. صدقني بجد مش عارف حاجه عن الموضوع ده . بس

مراد .. بس ايه

تامر .. امجد .. اكيد هو اللي يعرف وهيجاوبك علي اسألتك

…………………..

عند ريم

كان امجد كلمها وطلب يقابلها

ريم دخلت الكافيه

امجد كان قاعد على ترابيزة مستنيها

ريم قربت و قعدت علي قدامه

ريم بهدوء .. اتفضل انا سمعاك

امجد طلبلها حاجة تشربها

وبعدين خد نفس وقال .. ريم انا عارف ان اللي حازم عملو معاكي صعب وليكي الحق انك تعملي اللي انتي عايزاه

بس بلاش موضوع القضية ده اتنازلي عنها ياريم لان مش هتكسبيها صدقيني . هتترفض

ريم .. عارفه

امجد .. طيب ليه عملتي كده من الاول

ريم .. كنت عايزة اوجعه زي ما وجعني

امجد ..صدقيني حازم بيحبك بجد ياريت تديلو فرصه يصلح اللي عملو

ريم .. مفيش فرص في صحبك آذاني كتير معنديش حاجة اديهالو .. انا مش عايزة غير انو يطلقني ويسيني في حالي

امجد بتفهم لحالتها محبش يضغط عليها

قالها .. اوعدك اني هتكلم معاه في الموضوع ده . بس اسحبي الدعوه ياريم .. عاصم مش سهل وما صدق انك تروحيلو عشان يمسك حاجة علي حازم . انتي ايه اصلا اللي خلاكي تروحيي لعاصم بالذات تعرفيه منين

ريم .. انا معرفهوش . دي صدفه . صدقني معرفش إن هما يعرفو بعض اصلا

امجد .. طيب ممكن تروحي تسحبي الدعوه لأن القيامه ممكن تقوم مابينهم بسبب اللي انتي عملتيه ده

ريم اتنهدت .. حاضر . حاجة تاني . بس انا مش هتنازل عن الطلاق ياريت توصلوا ده

امجد .. اوعدك اني هتكلم معاه

……………………..

تاني يوم ريم كلمت عاصم علي التليفون

عاصم ببتسامة .. اهلا مدام ريم

ريم .. ايوا يا استاذ عاصم

عاصم .. اتفضلي اكيد بتتكلمي بخصوص القضية . انا ماشي فيها كويس متقلقيش

ريم .. انا كنت بكلمك علشان ابلغك اني بتنازل عن القضية . مش هكمل فيها

عاصم .. نعم .. يعني ايه

ريم .. يعني خلاص مش عايزه اكمل

عاصم بعصبية .. يعني ايه مش هتكملي . هو لعب عيال

ريم بغضب .. احترم نفسك . واه مش هكمل انا حره

ايه اللي مدايق حضرتك بقا

عاصم حاول يتكلم بنبرة هادية .. طيب ماشي تمام ممكن تفهميني ايه اللي خلاكي تغيري رأيك . بصي لو خايفه منو او هددك متقلقيش مش هيعرف يعمل معاكي حاجة . ثقي فيا

ريم .. استاذ عاصم . مفيش حاجه من اللي انت بتقولها دي حصلت . اللي كان حاصل بينا في الاول كان سوء تفاهم . ودلوقتي كل حاجه اتحلت . حازم انسان محترم جدا .

ريم .. وانا دلوقتي بنحسب اظن دي حاجه متضايقش حضرتك ولا ايه

عاصم اتنهد بضيق .. اللي يريحك

عاصم قفل معاها وبعصبية راح ضارب الكرسي برجله وقعه علي الارض

……………………….

في المقابر

ريم كانت قاعدة بتعيط قدام قبر باباها وبتشكيلو علي كل اللي شافته

ريم بدموع .. ليه ليه يا بابا سبتني في الدنيا دي لوحدي . الدنيا وحشه اوي والناس اللي فيها اوحش

انا اتعذبت اوي من بعدك واتأذيت كتير اوي من اقرب الناس ليا اتخانت واتخدعت واتهانت واتكسرت واتذليت .. اتعذبت كتير اوي يابابا اووي . ياريتك كنت موجود معايا اكيد مكانش حد هيتجرأ يأذيني

ريم بعياط .. انا محتاجة لحضنك اووي يابابا . حاسه اني لوحدي ومفيش حد معايا تعبانة اوي من غيرك تعبانة اووي

ريم فضلت تعيط بوجع وهي قاعدة قدام القبر لحد ما مسحت دموعها وقامت ووقفت تقرأ ليه الفاتحة ودموعها نزلت تاني

ريم خلصت وبتلف علشان تمشي لاقت حازم قدامها

ريم اتفاجأت بيه بس قالت بجمود .. انت جيت هنا الزاي

حازم .. شيرين قالتلي

حازم قرب ومسحلها دموعها

ريم بعدت عنو وقالت .. اتطمن انا خلاص سحبت الدعوه

حازم .. عملتي ليه كده . مكملتيش ليه . انا مطلبتش منك تعملي كده . كنت كملي وخدي حقك مكنتش هقف قصادك

ريم كنت بتبصله باستغراب

حازم .. انا عارف اني اذيتك كتير

ريم بدموع .. ليه عملت فيا كده . ليه

حازم باس راسها وقالها .. انا اسف

ريم .. انا اللي اسفه لاني عمري ماهقدر اسامحك

……………………

عند امجد كان قاعد مع مراد والد حازم بعد ما طلب يقابلو عشان يعرف منه ايه الحكايه

وبعد ما ضغط علي امجد علشان يحكي

امجد حكالو علي كل حاجه من اول ما حازم شاف ريم في القسم لما كانت متهمه

والزاي خرجها واتجوزها لحد ما رفعت عليه القضية وانها حملت وسقطت

قالو كل حاجه

مراد كان بيسمع بذهول ومش مصدق إن ابنو يعمل كل ده

‏………………………..

عند ريم كانت خلاص قررت انها تسافر لأهلها وتبعد يمكن تهدي شوية وترتاح

ريم كانت بتحضر شنطها

قاطعها جرس الباب

ريم سابت اللي في اديها راحت تفتح

فتحت الباب بس اتفاجأت لما لاقت قدامها راجل باين عليه الهيبه والثراء

ريم .. مين حضرتك

مراد .. انا والد حازم

ريم اول ما قال كده اتاخدت لورا وبلعت ريقها بخوف

مراد .. مش هتقوليلي اتفضل

ريم .. …….

يتبع….

رواية زواج بالاجبار 

الحلقة الثانية والثلاثون

حازم .. هديتي شويه

ريم بلامباه .. من ايه . انا مفيش حاجه معصباني

حازم .. طيب بما انو كدا يلا نرجع

ريم .. نرجع فين

حازم .. شقتنا

ريم ابتسمت بسخرية .. شقتنا . اه

ريم خدت نفس وقالت .. هو انت هطلقني امتا علشان اخلص

حازم .. انتي عايزة تطلقي ياريم يعني مكافكيش كل اللي عملتيه ده ولسه مصممة

ريم .. وانا عملت ايه

حازم .. انتي مش عارفه انتي عملتي ايه . انتي غلطتي وغلتطي جامد كمان

ريم .. والله دا مايجيش حاجة قصاد اللي انت عملتو معايا

حازم .. وانا سيبتك عملتي اللي في دماغك وعديته بمزاجي . اهدي بقا

ريم .. مش ههدي غير لما تطلقني

حازم .. خلاص انا هسيبك فتره تهدي وتراجعي نفسك وبعد كده وعد هعملك اللي انتي عايزاه بس فكري كويس علشان مش عايزين نندم علي اي قرار

ريم باستهزاء .. لأ متقلقش انا مش هندم لأني عارفه كويس انا عايزه ايه

حازم قام وقالها .. تمام انا هسيبك وزي ماقولتلك

وسابها ومشي

……………………..

تاني يوم

ريم كانت بتكلم شيرين في التليفون

وفجأة جرس الباب ضرب

ريم .. هكلمك تاني ياشيرين هشوف مين جايلي

فتحت ريم الباب لا قت قدامها راجل باين عليه الهيبه والثراء

ريم .. مين حضرتك

مراد .. انا والد حازم

ريم اول ما قال كده اتاخدت لورا وبلعت ريقها بخوف

مراد .. مش هتقوليلي اتفضل

ريم بتوتر .. اه طبعاً . اتفضل حضرتك

مراد دخل وقعد

مراد .. بتعرفي تعملي قهوة

ريم .. اه

مراد .. اعمليلي قهوة مظبوط

ريم كانت مستغربة لكن هزت راسها بهدوء ودخلت تعملو

بعد دقايق خرجت بالقهوة

ريم .. اتفضل

مراد اخد منها الفنجان وبدأ يشرب بهدوء

مراد .. تسلم ايدك اول مره في حياتي اشرب قهوة حلوه كدا . اصل القهوة دي مش اي حد يعرف يظبطها

ريم ابتسمت بهدوء .. شكرا ده من زوق حضرتك

مراد .. لأ انا مش بجاملك . قهوتك حلوه فعلاً

ريم ابتسمت بحزن وهي بتفتكر حازم لما كان بيقولها انو حب القهوة من ايديها

مراد .. اقعدي ياريم . مش ريم بردو

ريم .. اه

ريم قعدت

مراد .. انا عرفت كل اللي حازم ابني عملو معاكي

ريم عينيها دمعت

مراد .. وبصراحه انا مصدوم فيه وجيلك دلوقتي علشان اعتزرلك بسبب اللي عملو

مراد .. ايه اللي يرضيكي وانا اعملهولك

ريم بدموع .. خليه يطلقني ارجوك . انا مش عايزة حاجة غير انو يطلقني ويسيني في حالي

مراد .. اوعدك اني هاخدلك حقك منو بس ممكن طلب

سلات هدايا

ريم .. اتفضل

مراد .. عايزك تفكري كويس قبل ماتاخدي قرارك ده . وايا كان انا معاكي لو عايزه تكملي تمام هنيجي وهنتطلبك من اهلك زي اي عروسة وهنعملك فرح كبير

ولو عايزة تطلقي اوعدك اني هخليه يطلقك وانا اللي هقفله بنفسي

ريم كانت لسه هتتكلم لكن مراد قال علطول قبل ماتتكلم هي

مراد .. مترديش دلوقتي . فكري وخدي وقتك وانا معاكي في قرارك .. اعتبريني زي والدك واتأكدي اني معاكي وهتعامل معاكي كابنتي بالظبط

مراد خد نفس وقال .. بصي ياريم انا اللي تأكدت منو ان ابني بيحبك فعلاً بس مش معني كدة انو ليه الحق انو يغصبك تعيشي معاه و تكملي معاه حياتك لو انتي مش عايزاه متجيش علي نفسك وقولي لأ ومتخافيش . ماشي

وتأكدي اني في ضهرك

ريم هزت راسها

ومراد قام ووطي باس علي راسها وبعدين مشي

……………………

تاني يوم كانت ريم قررت انها تبعد علشان تعرف تفكر بهدوء وسافرت عند مامتها واخواتها في شرم الشيخ

بعد ماوالد حازم بنفسه وصلها للطياره

……………

في بيت مامتها كانو قاعدين كلهم

شاهندة .. مكلمتيش ريم ياماما قريب

سحر .. كلمتها من يومين بس صوتها كان حزين وانا بكلمها

ولما سألتها انتي كويسة قالت ايوا

شاهندة .. ريم طول عمرها كده كتومة بتكون زعلانة ومش بتقول

سحر .. انا قلقانه عليها اوي

دينا وهي قاعدة بتقلب في تليفونها .. طيب ما تكليموها بدل ماانتو قاعدين قلقانين كده وتايهين ومش فاهمين حاجه كده وبتضربو اخماس في اسداس

شاهندة .. اول مرة تتكلمي صح . انا هكلمها فعلا

ومسكت تليفونها وهي بتقول .. بس المشكله انها يا مش بترد دايما ياتليفونها بيكون مقفول . دا غير ان مش اي رقم بتكلمنا منو بيفضل معاها

سحر .. اه انا فعلاً مش عارفه ليها رقم معين كل مره بتتكلم من رقم مختلف

لسه بيتكلمو

وفجأة لقو الباب بيتفتح وريم داخلة بشنطة هدومها

جريو كلهم عليها بلهفة وحضنوها باشتياق

كلهم .. انتي كويسة ياريم

ريم هزت راسها بهدوء وقالت .. اه

سحر .. فين جوزك

ريم .. في القاهرة

سحر كانت لسه هتتكلم بس ريم قالت .. ماما انا تعبانه جدا من المشوار ومحتاجة انام ممكن . واوعدك اني هحكيلك علي كل حاجه . بس انا دلوقتي فعلا مش قادره

سحر هزت راسها بهدوء وقالت .. اللي يريحك ياحبيبتي

…………………..

عند حازم كان اتفاجأ ان ريم سافرت

في الفيلا كان مراد قاعد هو وشهيره في اوضتهم

شهيرة .. عملت ايه في المصيبة اللي ابنك عملها

مراد .. مصيبة ايه . ابنك اتجوز علي سنة الله ورسوله . يعني معملش حاجة غلط

شهيره .. اتجوز من ورانا في السر

وبعدين اتجوز واحدة منعرفش اصلها ولا فصلها وبتقول معملش حاجة غلط

شهيرة .. انا عايزه اعرف بس مين البنت دي وجابها من انهي مصيبه

مراد .. البنت بنت ناس ياشهيرة

شهيره بسخرية .. بنت ناس ولما هي بنت ناس اهلها الزاي يوافقو انها تتجوز بالطريقة دي يجوزها لواحد في السر من ورا اهله . دا دول بقا اكيد طمعانين فينا ملهاش تفسير تاني

مراد .. لأ مش طمعانين ولا حاجة

شهيرة باستغراب .. انت بدافع عنهم اوي ليه كده انت تعرفهم

مراد اتنهد وقال .. انا بعت حد جابلي كل المعلومات عنهم

مراد .. انتي عارفه مين دي ياشهيرة وبنت مين

شهيره .. مين يعني

مراد .. مش هتصدقي انا عن نفسي متفاجأ لحد دلوقتي

شهيرة .. مش فاهمه . تطلع مين يعني وبنت مين .اتكلم يامراد

مراد .. البنت دي بنت ***** ******

شهيره بصدمة .. مش معقول الزاي . انا مش مصدقه . بجد يامراد انت بتتكلم بجد

مراد هز راسه .. انا اتأكدت

شهيره بدموع .. وحازم حازم يعرف

مراد بنفي .. لا مايعرفش .ولا هي تعرف احنا مين ولا امها تعرف

…………………….

عند ريم

كانت قاعدة مع مامتها واخواتها بعد ما حكت ليهم كل حاجه حصلت الفترة اللي فاتت

وقالت ليهم علي مقابلة باباه وانو وعدها انو هيقف معاها

سحر .. مفيش تفكير انتي لازم تطلقي منو كفاية اووي لحد كده وياريت باباه يعمل بكلامه ويخلصك منو فعلاً

ريم كانت ساكته

شاهندة .. انتي عايزة ايه ياريم . عايزة تطلقي ولا تكمل..

سحر قاطعتها .. هتطلق طبعا . دا حيوان ومش هيتغير

سحر .. اوعي تصدقي انو بيحبك ياريم

ريم قامت .. عن اذنكم

ودخلت اوضتها

سحر .. مالها دي

شاهندة .. ماما انا حاسه انها بتحبو

سحر .. بتحب مين بعد كل اللي عملو معاها ده . دي تبقي اتجننت وبعدين هي مقالتش انتي مسمعتيهاش ماهي بتقول انها عايزه تطلق

شاهندة .. ايوا هي بتقول كده بس هي حبتو

سحر .. دي تبقي مريضة وعايزه تتعالج اللي تحب واحد يأذيها بالشكل ده

شاهندة .. الحب بيجي من غير استأذان ياماما . وبعدين اللي قالته عنو بيأكد انو بيحبها وشاريها

سلات هدايا

……………….

عدي كام يوم

كانت ريم بتحاول تعيش حياتها عادي وسط اهلها

بس غصب عنها كانت طول الوقت بتفكر فيه وكانت متدايقه جدا بسبب الموضوع ده هي مش عايزه تحبو ومتدايقه من نفسها بعد كل ال عملو وانها بتفكر فيه

حازم كمان كان طول الوقت قاعد في شقته اللي كان متجوزها فيها وكان حزين جدا في بعدها كان حاسس بالندم بجد على كل حاجة عملها معاها

……………

في اوضة ريم

كانت ريم قاعده علي السرير وسرحانه

شاهندة دخلت وهي بتقول .. ما انتي صاحيه اهو . مش عايزة تطلعي تقعدي معانا بره ليه

ريم .. انا كنت هنام اصلا

شاهندة .. انتي مش هتنامي تعالي اقعدي معانا في فيلم حلو اوي تعالي نتفرج عليه .يلا

ريم .. معلش ياشاهندة سيبني براحتي .ماليش نفس لحاجة

شاهندة قعدت قدامها .. طيب هتفضلي كده لحد امتا

شاهندة اتنهدت وقالت .. ريم انتي بتحبي جوزك صح

ريم سكتت

شاهندة .. يبقي بتحبيه

شاهندة كملت وقالت .. طيب وايه المشكله لما انتي بتحبيه بتعملي في نفسك ليه كده وحزينه .. ارجعيلو ياريم

ريم بدموع .. مش قادره اسامحه

ريم بدموع.. انا تعبانه اوي حاسه انو وحشيني وفي نفس الوقت مش عايزه اشوفه

شاهندة حضنتها .. انا حاسه بيكي ياحبيبتي

شاهندة ..بس انا عايزاكي تحاولي تدي لنفسك فرصة وتديلو مفيهاش حاجه علي فكرة

ريم بدموع .. مش قادره مش قادره انسي اللي عملو مش قادره

………………………..

بعد اسبوعين

ريم جهزت شنتطها وخرجت وهي بتقول .. انا راجعه ياماما

سحر .. ليه ياحبيبتي خليكي معانا

ريم .. انا لازم ارجع علشان شغلي ياماما مش علشان حاجة تانيه

سحر .. طيب اصبري انا كده كده كلها كام يوم وهنزل انا ودينا علشان امتحاناتها استني لما ننزل كلنا

ريم .. هنزل انا وانتو ابقو تعالو براحتكم

سحر .. اللي تشوفيه ياحبيبتي

ريم رجعت شقتها تاني ورجعت تروح شغلها كمان كانت بتحاول تشغل نفسها علي قد ماتقدر علشان تنسي

………………………

ريم كانت خارجة من مركز التجميل بتاعها ولسه بتفتح باب عربيتها اتفاجأت بحد كتم نفسها وبعدها محسيتش بحاجة

بعد وقت قامت بتعب وهي ماسكه دماغها

بصت حاوليها لاقت نفسها نايمه على سرير في اوضة غريبة

ريم قامت من علي السرير بتعب وحاولت تفتح باب الاوضة لكنه كان مقفول من بره

فضلت تخبط علي الباب بجنون لحد ما الباب اتفتح ودخل منه شخص

ريم بصدمة .. انت

يتبع

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

الحلقه الاولى والثانية والثالثة من هنا

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه