رواية حتي مطلع الفجر الحلقه الرابعه كتابه و اقتباس محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
ووقعت رشا من طولها علي الارض وفضلت تصرخ وتصرخ وتصرخ وهنا سمعوا كلهم صوت خبط علي باب البيت بصو الثلاثة ل بعض
و البيت نور تاني مع ان لمبات البيت محروقة و طفو كشافات موبايلاتهم و قربو ناحية باب البيت اللي كان لسة بيخبط. والثلاثة كانو متوترين جدا وسمعو صوت اية بتقول
زهرة انا عارفة انك جوة وعارفة انك جاية علشاني. الحقيني منهم او خليهم يقتلوني مرة واحدة وارتاح
زهرة بحنين شديد
أية
وراحت جري ناحية الباب علشان تفتحه لكن اشرف مسك ايدها علشان يمنعها من الوصول للباب وقال
دي مش أية
زهرة بصت له وقالت
سيب ايدي وخليني افتح الباب
 |
اشرف
لازم تحكمي عقلك. وتعرفي ان اللي برة دي مش اية
سحبت ايدها من ايده وقالت
لو الشيطان هفتح له. ومش مهم اللي هيحصل بس اوصل. ل اية
وفتحت الباب اللي كان لسة بيخبط لكنها لقيت ما فيش حد واقف قصاد الباب استغربت وكان واقف في ظهرها اشرف ويزن وحالهم ما اختلفش عن حالها وقال يزن
الباب كان بيخبط ازاي ومافيش حد واقف قصادة
اشرف قلق جدا لما شاف حد بيتحرك في الكوخ اللي قصاد البيت وقال
يلا ندخل يا زهرة
ولسة هيمسك ايدها شئ خفي سحب زهرة من رجليها علي الارض وبدا يسحبها حاول اشرف الوصول ليها لكن قوة غامضة طيرته هو ويزن جوة البيت واتقفل الباب تاني وزهرة كانت علي بطنها بتحاول توصل ل اي حاجة تمسكها تنقذ بيها نفسها من اللي بيسحبها لكنها ما قدرتش والقوة الغامضة دي سحبتها لغاية الكوخ ودخلت زهرة الكوخ واتقفل باب الكوخ عليها وهي جوة. في نفس الوقت اشرف كان بيحاول يكسر الباب علشان يخرج ل زهرة لكن الباب
ما كنش بيتكسر و ندهه اشرف باعلي صوته علي زهرة يمكن ترد عليه ويطمئن انها بخير وحاول يكسر الباب تاني وبص ل يزن اللي كان واقف بيتفرج عليه وقال
ساعدني اكسر الباب دة
لكن يزن ماكنش قادر يتكلم لانه لسانه كان بيسيح وبينزل في زورة قطع لحم كبيرة سدت مجري الهواء للرئة ودة سبب الاختناق
ل يزن بطريقة ترعب و رغم محاولات اشرف انه ينقذه لكنه ماقدرش ومات يزن. ،،،
ويتغير المشهد ونروح
ل زهرة اللي كانت جوة الكوخ واقفة علي رجليها مش مستوعبة اللي حصل وبتبص لكمية الجثث الموجودة في المكان وشافت سد عجوزة. معلقة جهاز تنفس صناعي علي ظهرها وقاعدة علي ماكينة خياطة من التراز القديم وكان بتخيط اعضاء بشرية في بعضها زهرة كانت هتجيب اللي في بطنها من بشاعة المنظر وحاولت تروح ناحية الباب لكن الست العجوزة قالت لها ومع ان زهرة في ظهرها
رايحة فين يا زهرة. انتي في الارض الملعونه بتدخليها بمزاجك لكن بتخرجي منها بمزاجنا
زهرة
بمزاجكم. انتو مين سكان البلد الاصلين
الست العجوزة
احنا الاموات
زهرة وهي مرعوبه
ابوس ايدك ورجلك انا عايزا امشي من هنا
قامت الست العجوزة دي وقالت
مافيش قدامك الا طريق واحد للخروج من هنا
زهرة
اية هو
الست العجوزة
يعدي الليل عليكي و تعيشي حتي مطلع الفجر. تعرفي تهربي من الموت
زهرة شبهت علي الست دي وقالت
انا حاسة اني شوفتك قبل كدة
قربت منها الست دي وقالت
ازاي تنسي اللي جبتك للدنيا.
زهرة اتصدمت وقالت
انتي امي
الست العجوزة
طالما نسيا انا مين جه وقت طلوع الروح
وشالت الست دي الماسك بتاع الاكسجين اللي كان علي وشها وحطيته فوق وش زهرة بالعافية وحاولت زهرة انها تبعد الست عنها لكنها ما قدرتش لدرجة انها وقعت علي الارض والست دي بقيت فوق منها وبتضغط بكل قوتها علي وش زهرة والاكسجين اتحول ل دم وبدا الدم يدخل مناخير وبوق زهرة في مشهد مرعب ومخيف. وماتت زهرة،،،،،،،
ويتغير المشهد ونشوف يزن اللي رجع من الموت وهو ماسك ايد رشا وبيجري بيها ناحية العربية اللي كانت دايرة وقبل ما رشا تركب العربية قالت
مش هقدر اهرب و اسيب زهرة
يزن
زهرة واشرف ماتو المرة دي بجد لانهم مارجعوش من الموت زي ما احنا رجعنا
زهرة
مش شرط علشان احنا رجعنا وهما لا. يبقي هما ماتو خلاص
يزن
ممكن نركب العربية و نستغل انها دايرة كدة ونخرج برة غابة الضباب ونطلب المساعدة
سكتت رشا لكام ثانية وهنا قال يزن
يلا ما فيش وقت
وركب العربية وبص ل رشا وقال
انا همشي وان شاء عنك ما ركبتي
وركبت رشا العربية وقفلت الباب و اتحرك يزن ودخل وسط الضباب اللي ما بقاش معدن ودة خلي رشا تقول
ازاي الضباب رجع مجرد دخان دة كان معدن اول ما احنا دخلنا هنا
يزن
يمكن خلاص اللعنه اتحلت ونقدر نهرب ودي فرصة مش هتكرر تاني لينا
رشا
احنا مش هنهرب احنا هنخرج من البلد دي وهنطلب مساعدة ونرجع تاني ل زهرة
يزن
انا مش مجنون علشان ارجع للارض دي تاني وبرجلي
زهرة
يعني اية هنغدر بيهم
يزن
انا عايز اعيش. واحمدي ربنا اني خدك معايا
لكن فجاة العربية وقفت والضباب بدا يتحول من تاني ل معدن وبدا يقرب من العربية بمنتهي البطئ وقال يزن
انزلي من العربية بسرعة
لكن ابواب العربية اتقفلت باللوك وبدا الموت يقرب ويقرب والعربية اتهرست تمام ولحم الاثنين اختلط بعضمهم، ،،،،،،،
وتلف الساعة الرملية تاني والاربعة اللي ماتو صحيوا ودخلو الحمام وقفلو علي نفسهم علشان من هنا تبدا احداث تانية خالص لحكايتنا. اقولكم اعتبروها استراحة روحو هاتو الفشار وبكرة باذن الله هنكمل،،،،،،،،
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق