رواية حتى مطلع الفجر الحلقه الأولي بقلم الكاتب محمد منصور منص حصريه وجديده
قبل الفجر بساعتين. كان في بنت بتجري باقصي سرعة وسط غابة من غابات امريكا وكانت بتقوم وتقع بسبب اغصان الشجر الموجودة بعرض الطريق لكن دة
ما منعش البنت دي من الجري وكانت وهي بتجري بتبص وراء منها ووقفت لما لقيت ان ما فيش حد وراء منها وقالت لنفسها
راح فين
لكن هنا اوراق الشجر الميته علي ارض الغابة بدات تترفع لفوق الالاف من اوراق الشجر اترفعوا لفوق واتحولو لسجن كبير من اوراق الشجر ورغم ان البنت دي حاولت تخرج من السجن دة الا ان بمجرد ما كانت بتلمس الاوراق دي ايدها بتتعور صرخت وقالت
 |
ارحمني بقي انا خلاص ما بقتش قادرة. كل ساعة بموت تعبت من كتر الموت
لكن اتفتحت طاقة في السجن دة وكانه باب ودخل شئ اسود مخلوق لا هو من البشر ولا هو من الجن عنده ديل طويل مع انه مش حيوان والديل دة عبارة عن افعي الكوبرا صرخت البنت دي وحاولت تهرب من الباب اللي اتفتح لكن المخلوق دة مد ايدة وراء ظهرة وسحب بلطة كبيرة مخصصة
ل تقطيع الشجر وقرب من البنت دي وسنانه السوداء بانت بعد ما ابتسم اخبث ابتسامة ممكن كائن حي يشوفها ونزل بالبلطة علي دماغ البنت دي. وصرخت البنت دي الصرخة الاخيرة،،،،
اهلا بيكم واقتباس جديد من احلي افلام الغموض اللي ممكن تتفرجو عليها يارب يعجبكم زي ما عجبني. يلا نبدا حكاية الارض المهجورة اللي بيدخل فيها بيموت كل ساعة من العشاء لغاية الفجر علشان كدة اسم الحكاية
حتي مطلع الفجر
القصة مش رعب علشان انا عارفكم. هي غموض وعايزا تشغيل دماغ.
اللي اتفرج علي الفيلم ما يحرقش القصة في الكومنتات علشان اللي لسة ما اتفرجش.
كتابه واقتباس
محمد منصور
منص
وقبل ما نبدا الحلقة نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
من مصر ومن جوة اوضة جوة فيلا كبيرة بتعيش زهرة اللي امها وابوها ماتو في حادثة وما بقاش حيلتها في الدنيا اللي اختها اللي كانت جوة صورة في براوز و زهرة بتتفرج علي الصورة دي. عارفين مين بقي اخت زهرة دي البنت اللي انها جيبت سيرتها في مقدمة الحكاية والبنت دي اسمها. أية
وأية دي عندها قناة علي اليوتيوب وبتعشق المغامرة والسفر ل اي حتة في العالم علشان تصور الاماكن الغريبة والمريبة واللي فيها احداث غير طبيعية وسافرت امريكا من اسبوع علشان تكتشف سر الارض المهجورة. او ارض الماس زي ما سكانها كانو مسمينها. وارض الماس دي وراء غابة الضباب.
وأية سافرت وما رجعتش واتقطع الاتصال بينها وبين زهرة ودة سبب حاله من القلق ل زهرة اللي اتصلت
ب لواء معرفه وحكيت له حكاية اية وانها بقالها يومين مش عارفة اي اخبار عنها حتي انها كانت تقريبا كل ساعة بتعرض بث مباشر علي القناة لكل خطوة كانت بتخطيها في امريكا لكن الفيديوهات دي وقفت تماما بعد ما دخلت زهرة بالعربية. غابة الضباب وهنا اللواء سالها وقال
اخر بث مباشر كان ل اختك امتي يا زهرة
زهرة ركزت وعصرت دماغها وقالت
اول امبارح حوالي الساعة،،،
لكن هنا اللواء قطعها وقال
عايز الفيديو بتوقيت امريكا مش مصر
زهرة
كانت حوالي الساعة 8 م
اللواء
طيب يا زهرة انا اعرف مستشار سابق عايش في امريكا دلوقتي هكلمه وهو هناك هيقدر يساعدك اكتر مني
زهرة
انا اسفة والله بتعب حضرتك معايا
اللواء
ماتقوليش كدة يا زهرة ازعل منك دة انتي زيي نور بنتي
زهرة
اكيد طبعا. شكرا يا عمو
وخلصت المكالمة عند الحد دة وقت ولسة زهرة بتحط الموبيل جنب منها رن الموبيل واللي كان بيتصل خطيب أية ودة يبقي يزن اللي زهرة ما كنتش بتحبه لكنها رديت وقالت
خير يا يزن
يزن
اية الدنيا. لسة اختك قافله موبيلها يعني
زهرة
انا زيي زيك ما عرفش عنها حاجة
يزن
زهرة تعالي معايا سكة هي اختك وصلت للالماس اللي في الارض دي. ما انا عارف هي رايحة لية هناك
زهرة
انت بتتصل تطمئن علي الالماس مش علي اختي مش كدة
يزن
بطمئن عليها وعلي الالماس ما هي اللي قايلة ليا ان الارض دي عايمة علي الماس فعرفيها اني هزعل اوي لو هي وصلت للالماس وخبته عني
زهرة
يزن انا ما عرفش اي حاجة عن اختي وبدل ما تفكر معايا ازاي نوصل لها علشان نطمئن عليها بتفكر في الالماس وبس وفي داهية هي مش كدة
يزن
انتي هتعمليهم عليه شكلك متفقة معها علي الحوار دة واهي تعيش في امريكا علي طول وانتي تروح لها لما تعرف تبيع الالماس مش كدة
زهرة
هو انت مش المفروض انك خطيب اختي ازاي خطبتها وانت بتشك فيها كدة
و عندك قناعة انها هتخطط للهروب برة ومن غيرك
يزن
ما تحرقيش كتير في كلام فاضي وهاتي من الاخر وعرفي اختك انها ملكي هي والالماس اللي معاها و لو فاكرة انها لما تقفل الموبيل مش هاعرف اوصل لها تبقي غبية
وقفل السكة في وشي بمنتهي قلة الذوق. عمري
ما حبيته مش عارفة بصراحة أية كانت بتحب في اية،،،،،،،،
ويتغير المشهد ونشوف زهرة في الكافية اللي هي متوعدة تقعد في من سنين مع صاحبتها رشا واللي بتعتبرها زيها زي اختها . وكانت زهرة بتقول
تلت ايام دلوقتي وانا ما اعرفش عنها حاجة هاتتجنن يا رشا واطمئن عليها
رشا
ان شاء الله خير ما تقلقيش مش اللواء قال لك انه هيخلي حد معرفه في امريكا يتصرف
زهرة
اتصل بي فعلا والمستشار دة قاله ان في ملف كامل في مكتب التحقيقات الامريكي يخص كل اللي اختفو وراء غابة الضباب. وما وصلوش
ل اي حد اختفي
رشا
بصراحة اختك دي مجنونه واللي بتعمله دة يخاف يعمله رجاله بشنبات
زهرة
هي عكسي نهائي انا بخاف من ظلي لكن هي قلبها ميت
رشا
اهو ربنا يستر وما تكنش دفعت ثمن جنانها دة حياتها
زهرة بزعل
اخص عليكي يا رشا وربنا ازعل منك. انتي عارفة اني انا ماليش غيرها
وهنا يرن موبيل زهرة واللي كان بيتصل بيها يزن بصت للموبيل بقرف وماردتش وقالت رشا لما شافت اسم يزن
هو لسة بيتصل بيكي
زهرة
كل يوم بدل المرة تلاته لما خلاص قرفت منه وياريته بيتصل يطمئن علي اختي
لا دة فاكر انها لقيت الالماس اللي في الارض دي وقررت تهرب منه
رشا
ولية اختك قالت له انها رايحة هناك علشان الالماس مع انها رايحة تصور البلد اللي كانت مليانه ناس وفيها فوق ال 100 الف بني ادم وكلهم اختفو في ظروف غامضة
زهرة
قالت كدة علشان ما كنتش عايزا تسافر لوحدها فهي عارفة انه طماع فلما يعرف ان فيها الماس يسافر معاها
رشا
اقسم بالله اختك دي مجنونه
زهرة
بس اختي وماليش غيرها وهموت واطمئن عليها
رشا
ازاي بس وانتي في ايدك تعملي اية
زهرة
هروح لها
رشا
تروحي فين انتي اتجننتي
زهرة
م انا مش هفضل قاعدة كدة حاطة ايدي علي خدي مش عارفة هي حصل لها اية
هنا سمعت صوت جاي من وراها بيقول
بس انتي لو عملتي كدة تبقي غلطانه يا زهرة
بصو الاثنين لصاحب الصوت اللي كان شاب اسمر ووسيم ودة يبقي اشرف ابو شامة حبيب زهرة الاولاني لكنها سابته بعد خيانته ليها فقالت زهرة بعصبية
هو انت مش هتبطل تطلع لي في اي مكان اروحه
اشرف
مش قادر انسي اللي بينا
زهرة بعصبية زيادة
انا ما فيش بيني وبينك اي حاجة.
بصو ناحيتها كل اللي كانو في الكافية وهي قامت وقفت وبعدها رشا لكن اشرف مسك ايد زهرة وقال
انا بحبك وخيانتي ليكي كانت لحظة ضعف
سحبت ايدها من ايده بمنتهي الحدة وقالت
عذر اقبح من ذنب
ومشيت ناحية باب الكافية وهي متعصبة وجنب منها رشا بتحاول تهديها وتلاحق خطواتها اللي كانت سريعة مع صوت اشرف اللي جاي من وراهم
لو هتروحي امريكا ودوري علي اختك انا هكون معاكي علشان احميكي لانك لوحدك مش هتقدري توصلي للمكان دة ودة غصب عنك مش بمزاجك يا زهرة سمعاني غصب عنك هحميكي لاني بحبك، ،،،،،،
وبعدها باسبوع كانت زهرة بتحضر شنطها. وجاهزة للسفر ل امريكا وقت ما اتصلت عليها رشا صاحبتها وقالت لها
انا مستنياكي تحت
زهرة وهي بترفع ستارة شباك اوضتها بتبص علي رشا اللي معاها شنطة سفر وواقفة مستنياها. وقالت
برضو جاية معايا
رشا بصت لها وقالت
هسيبك يعني تروحي
ل وحدك مكان زي دة
زهرة
بس انا رايحة للمجهول وممكن اروح ما ارجعش
رشا
ما انا مش هعرف اعيش وانا قلقانه عليكي. دة انتي اختي يا زهرة مش صاحبتي
زهرة نزلت دموعها من الفرحة انها عرفت تختار صح اللي تكون صاحبتها وقالت
ربنا ما يحرمني منك يا رشا
رشا
ولا يحرمني منك يا زهرة.،،،،
ومن امريكا وقبل الوصول
ل غابة الضباب بكام كيلو كانت زهرة جوة عربية ملاكي اجرتها علشان تروح بيها المشوار دة وقت ما رشا اللي كانت قاعدة جنب منها قالت
وبعدين هنفضل ماشين كدة مش عارفين مكان غابة الضباب دي
زهرة
م انا مشغلة الفيديو اللي صورته أية وهي ماشية علي الطريق دة رايحة الغابة
رشا
اية كانت عارفة هي رايحة فين لانها كانت ماشية علي خريطة ورق لكن احنا ماشيين علي جي بي اس ومش كل المناطق هتظهر علي الجي بي اس
هنا تشوف زهرة بنزينه مهجورة لكن جوة البنزية سوبر ماركت واقف في راجل عجوز في الخمسينات من عمره وهنا قالت زهرة
انا هنزل اسال الراجل العجوز دة
رشا
هنزل معاكي
و داست فرامل ونزلو الاثنين من العربية ودخلو السوبر ماركت وبصة زهرة للراجل العجوز وقالت بالانجليزي
كنت محتاجة اعرف طريق غابة الضباب
بص لها الراجل العجوز باستغراب شديد وقال
عايزا الارض المهجورة.
او ارض الماس زي ما كان اهلها بيسموها كدة
زهرة
ايوة انا محتاجة اوصل للارض المهجورة
الراجل العجوز
في حد عزيز عليكي مفقود
زهرة
اختي جت هنا من كام يوم وما رجعتش
الراجل العجوز
اصبحت اسيرة الارض المهجورة.
رشا استغربت اوي وقال
يعني اية اسيرة هي الارض دي عايش فيها حد
الراجل العجوز
عايش فيها الاموات.
رشا اترعبت وزهرة حالها ما اختلفش عن رشا وقال الراجل العجوز
انتو علي بعد 2 ك. منها لكن احذروا لان ما حدش راح هناك ورجع.
زهرة
شكرا
الراجل العجوز
لسة عندكم فرصة تنقذو نفسكم من الهلاك. وقبل هجوم الليل اهربو والا هتموتو بدل المرة 100 مرة حتي مطلع الفجر
لكن خرجت زهرة وبعدها رشا والراجل العجوز كان باصص ناحيتهم والاثنين رايحين ناحية العربية وقالت رشا
هتكملي بعد اللي سمعتي دة
زهرة ركبت العربية وقالت
دة باين عليه راجل كبير وبيخرف هما الاموات محتاجين ارض يعيشو فيها دة تخريف
رشا
بس انا خوفت يا زهرة
زهرة
رشا احنا لسة علي البر عايزا ترجعي ارجعي
رشا
واسيبك لوحدك
زهرة
اية اختي انا ومش هرتاح الا لما اعرف اية اللي حصل لها
رشا
وانتي اختي ومش هسيبك وينعيش سوي يا نموت سوي
واتحركت زهرة بالعربية وراحو ناحية غابة الضباب وكانت الرحلة عادية جدا وزهرة شافت في مرايا العربية. عربية ماشية وراهم استغربت لكنها ما ركزتش مع العربية وفضلت ماشية لغاية ما قربو من الارض المهجورة وهنا بدا الضباب يزيد وسرعة العربية تزيد وزهرة ما بقتش قادرة تتحكم في العربية ورشا اترعبت وقالت
اقفي يا زهرة بالله عليكي
زهرة
مش انا اللي سايقة. في حد بيتحكم في العربية
وزادت السرعة اكتر واكتر وبداو يسمعوا اصوات جاية من الجحيم والضباب بيزيد لدرجة انهم ما كانوش شايفين هما فين واية اللي قصاد منهم. وخبطو حد بالعربية وحسوا انهم بيعدوا فوق جثث كتير اصل تكسير العظام وعصر اللحم صوت نقدر نميزه. وانتهي التوتر. دة بانهم خرجوا من الغابة ولقو نفسيهم في ارض ارضيتها مفروشة بتراب الماس ووقفت العربية ونزلت زهرة و بعدها رشا وبصو للارض اللي كانت تحفة واللي ماكنش فيها غير بيت كبير مبني من الالماس وقصاد منه كوخ صغير وباقي البلد دي عبارة عن بيوت اتهدت وفي عز ما هما بيبصو للارض باستغراب يلاقو عربية تانية وصلت للارض دي وينزل منها اخر اثنين كانت ممكن زهرة تتوقع انها تشوفهم وهما اشرف و يزن،،،،،،،،،
اللي بيحب ربنا يعلق
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق