رواية حتي مطلع الفجر الحلقه الثانيه كتابه واقتباس محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
اخر اتنين واكتر اتنين بتكرهم زهرة شافتهم في ارض الماس وهما اشرف حبيبها اللي خانها ويزن خطيب اختها الطماع وقليل الاصل وقبل ما اقول لكم علي رد فعل زهرة تعالو اعرفكم اية اللي جمع اشرف بيزن. ،،،،
وهنرجع بالاحداث ل كام يوم واشرف قاعد مع سامح صاحبة وكان بيقوله سامح
طيب هي معاها فلوس تسافر بيها امريكا وراء اختها انت بقي هتسافر ازاي وانت كل اللي حيلتك حطيته في اخر شغلانه تبع مكتبك
اشرف
منك
سامح
منين يا نجم وانا الفيلا اللي اشترتها وبجهزها علشان جوازي خربا بيت اهلي
اشرف
ما تهرجش يا سامح دة انا كنت معتمد عليك في المشوار دة
 |
سامح
انا لو معايا مش هتاخر عليك وانت عارف. و بصراحة
يا اشرف اللي انت عايز تعمله دة ملهوش لزمة خلاص زهرة قفلت الصفحة بتاعتك
اشرف
انها بحبها يا سامح و خيانتي ليها كانت لحظة ضعف لية
مش عايز يصدقني
سامح
مش مهم انا اصدقك المهم هي تصدقك.
اشرف
انا عملت المستحيل علشان تصدقني لكن ما فيش فايدة علشان كدة يمكن لما اسافر معاها و اساعدها تلاقي اختها تنسي اللي حصل وتبدا معايا صفحة جديدة
سامح
ودة بقي يحصل ازاي وانت علي الابيض و مفلس
اشرف سكت وفكر لكام ثانية قبل ما يقول
لقيتها
سامح
اية هي اللي لقيتها
اشرف
الفكرة اللي هتخليني اسافر امريكا وبلاش
سامح
اية هتتشعبط في ديل الطيارة
اشرف
لا. هتشعبط في ديل يزن، ،،،،،
ويتغير المشهد ونشوف اشرف قاعد مع يزن وكان بيقول يزن
يعني زي ما انا قولت وصلت للالماس و قررت تلعب بيا
اشرف
واختها بتخلص اجراءت السفر ليها هي طالعة زيارة تلت شهور لكنها مش هترجع تاني من امريكا هي وأية
يزن
بقي كدة دة انا بتيلفون صغير اوقف لها السفرية دي
اشرف
غلط احنا نسافر وراها ومن غير ما تعرف و نراقبها لغاية ما توصل ل أية و للالماس وبعدها تعمل فيهم اللي انت عايزه
يزن
فكرة صايعة انما لية قولت نسافر. انا كفاءة اسافر لوحدي و ازعلهم هما الاثنين
اشرف
ما انا برضو عايز شوية من الالماس
يزن
اتغيرت يا اشرف عما كنت اعرفك في الكلية دة انت كنت في الكلية معروف بنحنوح زهرة من كتر ما بتحبها
اشرف
خلاص بقي دة كان زمان دلوقتي احنا في زمن الفلوس. والفلوس هي اللي بتحكم
يزن
خلاص حضر نفسك ونسافر سوي
اشرف
انا مفلس و عايزك تدفع لي
يزن ضحك وقال
منين بس يا قمر دة انا خربان والدنيا جاية عليا
اشرف
مش معايا انا الحوار دة. دة احنا كنا شلة واحدة في الكلية وانا عارف انت ابن مين وراقد علي كام مليون
يزن
ما انا ما اتوعدش ادفع ل حد وشعاري ديما كل واحد علي حجر ابو
اشرف قام وقف وقال
انت صح انا هقوم دلوقتي واروح استلف من حد تاني
و اسافر ل وحدي و اوصل للالماس وحلال عليه كله
يزن
وانا هسييك
اشرف
اعلي ما في خليك اركبه لانك ما تعرفش تعمل حاجة من غيري ولا تعرف توصل
ل مكان أية في امريكا لكن لاني انا بس اللي اعرف وما تعرفش انها اشترت شريحة من امريكا وبتتصل كل يوم ب زهرة لكن انا اعرف
ولسة هيمشي اشرف يزن مسك ايدة وقال
طيب استني بس نتكلم
اشرف
الكلام خلص لما انت قولت علي حجر ابو
يزن
مش معاك انت الكلام دة. انا هعمل لك اللي انت عايزه بس توصلني ليها، ،،،،،،،
ونرجع ل زهرة اللي كانت بتبص ل يزن اللي عرف من اشرف انه كان بيشتغله وقال بعصبية
انت يلا تعمل فيا كدة وجايبني لغاية هنا علشان خاطر تكون جنب زهرة
اشرف
الارض مليانه الماس حلال عليك وانا هفضل جنب زهرة اساعدها لغاية ما توصل
ل أية
زهرة بعصبية
انا مش عايزا مساعدة منك خد يزن وامشو من هنا
كان في الوقت دة يزن بيبعبي العربية بتاعته بالالماس وهو بيقول
هو انتي فاكرا اني هقعد معاهم دة انتي تبقي غبية
وبعد ما خد اكبر كمية من الالماس في العربية ركب العربية وحاول يدورها لكن العربية ما كانتش بدور اتعصب وضرب الدركسيون بايدة ونزل من العربية وقال
مش عايزا تدور
وبص ل اشرف وقال
ساعدني امشي من هنا
هنا رشا قالت
احنا شكلنا مسجونين هنا
يزن
ولية بتقولي كدة
شاورت. بصباعها علي شئ وراء ظهر يزن بصو كلهم ناحية ما رشا شاورت وهنا شافو الضباب اللي بين الغابة وارض الماس اتحول ل باب كبير مقفول بقفل من معدن غريب راحو الاربعة ناحية الباب ومديت زهرة ايدها ناحية الضباب اللي اصبح معدن فقالت
ازاي الضباب اللي عبارة عن دخان يتحول ل مادة صلبه
يزن صرخ ومسك في رقبة اشرف وقال
انت جبتني فين
اشرف اللي كان مصدوم من اللي شايفة وقدر يبعد ايد يزن عنه وقال
اهدئة وخلينا نفكر بالراحة احنا ممكن نخرج من هنا ازاي
رشا
تعالو نخش البيت دة يمكن جوة نلاقي اللي يخرجنا من هنا
وفعلا الاربعة دخلو البيت اللي الباب بتاعه كان مفتوح
وبداو يتمشو في البيت اللي كان مليان بتحف شكلها غريب واسنان بشر وجلد بشر متعلقين علي حوائط البيت وساعة رملية كبيرة وقديمة اول ما هما دخلو البيت لفيت لفة كاملة علشان تبدا حبات الرمل تنزل من النص المليان وتملي النص الفاضي طبعا كلهم ما كانوش فاهمين اية اللي بيحصل لكن فجاة يسمعوا صوت دفتر زي بتاع حضور وانصراف الموظفين موجود علي مكتب. اوراقه بتتفر وكان حد بيقلب في بصو الاربعة للدفتر وهما مصدومين اصل ما فيش شباك مفتوح يسمح بان الدفتر يتفتح والاوراق تتفر في بالشكل المرعب دة ووقفو الاربعة قصاد الدفتر ورشا كانت مرعوبه وماسكة في ذراع زهرة وقت ما الدفتر وقف عند ورقة فاضية وبشكل غريب وبخط اغرب انكتب بلغة عربية قديمة
زهرة.
وتحت منها
رشا
وبعدها
يزن
وتحت يزن
اشرف
و انكتب قصاد الاربعة
★خروج الروح مع هجوم الليل و حتي مطلع الفجر★
بصو الاربعة ل بعض وقالت رشا
زهرة انا عايزا امشي من هنا
زهرة ما ردتش علي رشا وبدات تفر في اوراق الدفتر دة لغاية ما وصلت عند اسم اختها أية و قصاد منها كان مكتوب.
★خروج الروح 7 ★
زهرة بصيت ل رشا وقالت
انا اختي هنا يا رشا
يزن
اختك جابتنا برجلينا للموت
زهرة
انت ما توجهش كلام ليا مهما حصل و خلي كلامك مع اللي سحبك زي الخروف وجابك لغاية هنا
يزن بص ناحية اشرف وقال
كله من،،،،،،،
لكنه سكت لان اشرف وقتها كان واقف قصاد لوحة كبيرة عليها صور كتير لناس جوة اكفانهم بعد موتهم ومن ضمن الناس صور ليهم هما الاربعة. زهرة ورشا ويزن واشرف بص اشرف ليهم وقال
احنا ما جيناش هنا بالصدفة في حد خطط ل مجيتنا هنا ودة اللي حصل لكن عايز مننا اية وهيعمل فينا اية وهو مين
هنا يسمعوا صوت أية بتقول
انا اللي خطط لكل دة ما هو علشان اقدر اتحرر كان لازم اقدم ل ارض الماس ثمن حريتي وانتم الثمن دة
اتصدمت زهرة وكلهم مرة واحدة بصو ناحيو باب البيت اللي اتقفل وناحية الشبابيك اللي اتقفلت وظهر في سقف الاوضة اللي واقفين فيها ازاز مكسور واسياخ من حديد مسنونه والسقف كان بيتحرك ونازل ناحيتهم وحاولو الاربعة يتحركو لكنهم ما قدروش لان الارض بلعت رجولهم والسقف بعد ما كان بيتحرك ببطئ بدا يتحرك بسرعة ونزل فوق منهم مرة واحدة ودم الاربعة بدا يجري علي الارض زي الفيضان، ،،،،
خلصت الحلقة يارب تكون عجبتكم. سلام
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق