رواية حتي مطلع الفجر الحلقه الثالثه كتابه واقتباس محمد منصور منص حصريه وجديده
وقبل ما نبدا الحلقة نوحد الله ونصلي علي خير خلق الله سيدنا محمد
كان اخر مشهد في الحلقة اللي فاتت لما وقع السقف اللي كان مترشق في ازاز واسياخ مسنونه فوق زهرة ورشا واشرف ويزن وكانت النتيجة الحتمية الموت. لكن بعدها بلحظات تفتح زهرة عيونها وهي نايمة علي ظهرها وتقوم تقعد نص قعدة وتبص حوالين منها وتلاقي الثلاثة قامو زيها وبقايا الازاز اللي دخل في جسمهم جنب منهم علي الارض و الاسياخ برضو موجودة برقت من الصدمة و سمعت رشا اللي كانت مفزوعه بتقول
انا موت وصحيت تاني
اشرف وهو بيقوم مع علي الارض بصعوبه
واضح انك مش انتي لوحدك اللي حصل فيكي كدة كلنا موتنا وصحينا تاني
ومد ايدة ل زهرة بيحاول يقومها لكن زهرة رفضت تمسك ايدة وقامت لوحدها ومن بعدها قام يزن وقال
اللي حصل فينا دة انا شوفته قبل كدة
بصو له الثلاثة وقال اشرف
شوفته فين
 |
يزن
مش قادر افتكر
في الوقت دة كانت زهرة بتبص في الدفتر ولقيت قصاد اسم كل واحد منهم انكتب
★طلوع الروح. تم 1★
ندهيت عليها وراحو جري للدفتر وبصو في وقالت زهرة
حد فيكم عنده تفسير للي مكتوب دة
رشا
دة شغل عفاريت. وانا مرعوبه وعايزا امشي من هنا
يزن
مش اكتر مني انا كمان عايز اغور من هنا
في الوقت دة يسمعوا صوت الساعة الرملية وهي بتلف من اول وجديد وبدا الرمل ينزل من النص المليان للنص الفاضي وقال اشرف
الساعة دي لفيت لية تاني
زهرة
الوقت بيتعاد بينا. وهنشوف الموت في الليلة 100 مرة. حتي مطلع الفجر
يزن
اية التخريف دة
زهرة
دة اللي قاله الراجل العجوز اللي قابلته في البنزينه لكن انا افتكرته بيخرف
رشا اللي لسة مرعوبه
قولت لك يلا نرجع.
زهرة
قولت لك ارجعي وانتي اللي رفضي
رشا
ما هنش عليه اسيبك لوحدك لكن أية ازاي تعمل فينا كدة
زهرة
انت تصدقي ان أية ممكن تكون وراء اللي حصل لنا
فكرت رشا ل كام ثانية وبعدها قالت
بصراحة لا. بس احنا شوفناها و كلمتنا
زهرة
انا عندي استعداد اكدب عيوني لكن قلبي و عقلي مستحيل اكذبهم
في الوقت دة لقو العربيات دارت وابوابها اتفتحت والنور بتاع كشافتها بدا ينور ويطفئ بصو ل بعض وقال اشرف
في حد معانا
راحو جري ناحية الشباك وبصو للعربيتين واللي بيحصل فيهم وقال يزن
تعالو نخرج نخلص علي اللي في العربية وناخد العربيات ونهرب
اشرف
ولية ما يكنش اللي برة دة هو وراء كل اللي بيحصل لنا وعايزنا نخرج علشان يخلص علينا
يزن
هي يحصل لنا اية اكتر من اللي ح،،،،،،
وقبل ما يكمل الجملة حد من وراء مسك راسة وذبحه
بلا اي رحمة. صرخت زهرة ورشا لما الدم غرق هدومهم واشرف هجم علي الشئ الغامض دة لكن سلاح الشئ دة كان اسرع من هجوم اشرف ووقع اشرف هو كمان بعد ما راسة انفصلت عن جسمة مسكت زهرة ايد رشا وجريو باسرع ما فيهم ناحية باب البيت اللي كان مفتوح لكن اول ما قربو من الباب. اتقفل وهنا رقبة رشا تطير صرخت زهرة وجريت بعيد عن الشئ دة. لكن الشئ دة رمي السلاح اللي في ايدة ناحية زهرة اخترق السلاح ظهرها وخرج من صدرها في مشهد مرعب. وقعت زهرة علي الارض ميته، ،،،،،
بعدها بلحظات يزن اللي كان نايم علي ظهره ميت يقعد نص قاعدة ويمسك رقبته مكان ما اذبح وبص حوالين منه وبدا الثلاثة التانين يرجعو من الموت بصو لبعض كالعادة وصرخت رشا منهارة
انا حسيت بطلوع الروح والمرة دي كانت اصعب من المرة اللي فاتت
هنا اشرف قال
اللي حصل فينا دة انا شوفته قبل كدة لكن حصل ليا لوحدي
يزن
زي ما انا شوفت اول موته لينا مش كدة. لكن انت شوفتها فين
اشرف
ما عرفش
هنا لفت انتباهم ان زهرة واقفة قصاد الدفتر وبتبص للي انكتب جديد وهو
★طلوع الروح. تم 2 ★
اشرف
دة عداد ل كام موته احنا هنموتها
زهرة ما ردتش وقلبت في الدفتر وشافت قصاد اسم اختها. أية
★طلوع الروح. تم 7 ★
زهرة
اختي ماتت 7 مرات
رشا اللي لسة منهارة قالت
انا مش فاهمة حاجة. أية اللي بيحصل هنا
وهنا بدات عضمة الرقبه تتكسر عند رشا وجسمها اترفع عن الارض وعيونها ابيضت والنني اختفي وصرخت صرخة حرقت كل اللمبات الموجودة في البيت والدنيا بقيت ظلمة كحل وهنا زهرة طلعت موبيلها علشان تنور الكشاف واشرف ويزن عملو كدة ولقو الحتة اللي كانت واقفة فيها رشا فاضية فقال يزن
هي راحت فين
وبداو الثلاثة يدور عليها في البيت كله لغاية ما وصلو عند اللوحة اللي عليها صور المفقودين في اكفانهم وكانت رشا طايرة في الهواء وباصة للوحة قربت منها زهرة وقالت
رشا انتي كويسة
لكن رشا صباعها اتمد ناحية صورة ل ست في الثلاثينات من سكان البلد دي وقالت بصوت الست دي ولكن باللغة الانجليزية
ساعدوني لو حد سامعني ساعدوني اخرج من هنا
وشاورت ناحية صورة راجل في الخمسينات وقالت بصوت الراجل دة
بعد اللي عملته البلد دي كان لازم تحل عليها اللعنه
وشاورت ناحية صورة طفل وقالت بصوته اللي باين انه خايف
ماما انتي فين انا خايف اموت تاني
وغيرت صوتها لما شاورت ناحية صورة ست تانية وقالت
اوقفو اللي بيحصل دة واقتلوني. انا مش عايزا اموت تاني
وبصت لهم رشا بصة ترعب وقالت
اوعو تخلو يدخل عقولكم ويسرق احلامكم
ووقعت رشا من طولها علي الارض وفضلت تصرخ وتصرخ وتصرخ وهنا، ،،،،،،،،،
خلصت حلقة النهاردة يارب تكون عجبتكم.
تابعووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق