رواية حب بلا حدود الفصل السابع والثامن بقلم الكاتبه مريم وليد حصريه وجديده

رواية حب بلا حدود الفصل السابع والثامن بقلم الكاتبه مريم وليد حصريه وجديده

مرت الايام سريعاً علي ابطالنا بسلام.

سيف وشجن اتفقو ان يعملو فرحهم بعد شهر وفي خلال الفتره دي اتقربو من بعض

والدكتور كاظم لسه مش بيسمح لرزان انها تطلع من البيت

وقاسم لسه بيدور علي رزان

في منزل شجن

كانت بتتامل نفسها في المراية وبتبص لانعكاسها بسعاده

تشعر وكأنها محلقه في السماء لاول مره يدق قلبها لحد هو وحده اللي خلاها تعرف طعم العشق

علي الرغم انهم اتخطبو في فتره صغيرة جدا بس علاقتهم قوية ببعض

بعد ان انتهت من تجهيز نفسها نزلت من البنايه الي اسفل

لتجده واقف بشموخ وهيبه وهو ساند علي عربيته منتظرها

اما هو عندما وجدها تسمر مكانه مبهور بيها ومن جمالها وهي لابسه فستان اختاره ليها كان محتشم جدا وبأكمام طويله فهو اصبح يغار عليها بشده

اتقدم منها وهو بيرفع ايدها لشفتيه يقبلها برقه

بينما هي بصت في الارض بخجل

بصلها بعشق

شجن انتي لازم تكوني حلوة كده يعني

احمرت وجنتيها بخجل

سيف بطل تكسفني كده

ضحك هو بصوته الرجولي الي خلي قلبها بيدق بجنون

سيف

مش قادر قلبي يتحمل اكتر من كده هتجنني سيف قريب

قالها وهو بيسحبهامن ايدها للعربيه

بعد فتره صغيره كانوا وصلو لمكان يشبه الجزيرة

نزلو من العربيه ومشيو في ممر طويل حواليه مايه البحر

وعندما دلفوا للداخل المطعم كان خالي تماما

كانت شجن بتبص حوليها بإنبهار شديد

كان جميع جوانب المطعم زجاج بيكشف عن مناظر البحر الخلابه واسماك الوان كان المكان في نص البحر

جلسو خلف طاولة مزينه بكاسات والشموع الزرقا

سيف وهو يري سعادتها

المكان عجبك

شجن بأنبهار

المكان فوق الروووووعه بجد حلو اووووي

تعرف انا بحب البحر اوي وبعشق الاماكن دي

سيف بعشق

خلاص ياحبيبتي هخلي شهر العسل بتاعنا مفاجأة ليكي

نزلت عينها في الارض

سيف بعشق

مش عايزك تبعدي عينك عني تاني عايز نفضل كده اشوف صورتي في عيونك

قالها وهو بيبص في عيونها بعمق

اما هي فكان قلبها بيدق بجنون

كمل هو بعشق

بحبك يا شجن انا خلاص مبقتش عايز حاجه من الدنيا غيرك انتي وبس مش عارف عملتي فيا ايه وازاي خلتيني احبك اوي كده

عيونك دول جننوني من اول مره شوفتك فيها وانا مكنتش بعرف انام

كنت كل ما اغمض عيني بلاقيكي قدامي

شعرت شجن وكأنها تحلق في السماء وقالت بخجل

وانا كمان ياسيف بحبك اوي مش عارفه امتي وازاي بس كنت طول الوقت بفكر فيك ومكنتش متخيله بصراحه انك تحبني في يوم من الايام

سمع كلامها عن حبها ليه وحس بسعاده بطريقه مبالغ فيها لاعتراف اول واحده بحبها ليه

علي الرغم من انه كان متجوز قبل كده بس كل حاجه تخصها ومعاها بتبقي مختلفه ومميزه عن اي حد

اخرج علبه قطيفه باللون الازرق يحتوي علي خاتم من الالماس ماسه كبيرة لونها ازرق حوليها فصوص صغيرة كان في منتهي الروعه

شجن بأنبهار

الله يا سيف ده يجنن

بس كلفت نفسك كده ليه

ده شكله غالي اوي

سحب سيف ايدها ولبسهولها

الدنيا كلها متغلاش عليكي ياقلب حيات وقلب وعمر سيف

شجن بإمتنان

ربنا يخليك ليا يا حبيبي ويقدرني واسعدك زي ما انت بتسعدني دايما

سيف بمرح

انا مش عارف ايه اللي خلاني اتفق مع ماماك اننا نتجوز بعد شهر

بصتله شجن بإستغراب

سيف بضحك

متستغربيش كان كفايه اوي يومين ولا يومين كتير كمان هو كان كفايه يوم واحد بس

قالها بتذمر طفولي

بينما هي ضحكت علي حديثه

شجن

حرام عليك يا سيف دي ماما هتتجنن كل شويه الاقيها بتكلم نفسها وتقول انا ايه اللي خلاني اوافق علي كلامه شهر ايه ده لا انا مقدرش اسيبك تبعدي عني انا مكانش المفروض اوافق عليه اصلا

ضحكوا مع بعض

وانتهي يومهم بسلام

في منزل الدكتور كاظم

كان يجلس مع صديقه مصطفي

كاظم

خايف متسامحنيش يا مصطفى دي اول مره افرض عليها حاجه مش عارف هتتقبل الفكره ولا لاء حتي لو كان الهدف منه حمايتها وفي نفس الوقت مش هقدر اكون معاها لان بعد كتب الكتاب هسيبهالك وهسافر تاني يوم عشان متفكرش تخرج من القصر بأي شكل

مصطفى بطمئنان

متقلقش يا كاظم وصدقني بنتك هتكون في امان واحنا مفيش في ادينا حاجه او حل غير كده ومكنش ينفع تسيبها لوحدها هنا وفي نفس الوقت سفرك ده خطر يعني ده الحل المناسب ليكم وكمان عشان تقدر تجهز النسخه التانيه من البحث كل ده لازم يكون في حدود ايام بعد ما نأمن رزان

والمقدم مازن طمني متقلقش

كاظم

انت قولت لقاسم علي الموضوع ولا لسه

مصطفى بتوتر

لا لسه بس هكلمه انهارده ومتقلقش قاسم راجل عاقل ويعتمد عليه وانت عارف هو بيحبك وبيعزك قد ايه ومش هيتاخر عنك

بعد ساعتين

في قصر المنياوي

كان يخرج قاسم من غرفته يكاد يأكل الارض بقدميه ركب عربيته وذهب الي مكانه المفضل وهو البحر

يشعر بثوران داخلي يكاد يجن من حديث والده هو لن يتزوج بهذه الطريقه

فلااااااش باااااااااك

مصطفى وهو بيحاول يقنعه بالموضوع بعد ما حكاله كل حاجه

انا مش عارف انت مكبر الموضوع كده ليه هو انا بقولك تمم جوازك منها ده مجرد كتب كتاب بس وبعد ما يرجع كاظم من السفر هتطلقها فين المشكله بقي

وكمل بصراخ

مالك قالب الدنيا كده ليه انت تطول اصلا ان هي اللي توافق عليك انت كنت تعرفها ولا شوفتها حتي عشان قالب الدنيا كده

قاسم بغضب

حلو اوي كلامك يا بابا انت بنفسك بتقول اني ولا عمري شوفتها ولا اعرفها من اساسه يعني حتي لو افترضنا اني هقبل بالوضع ده عشان خاطر دكتور كاظم علي الاقل هنكون انا وهي في اوضه واحده نكون متفقين او علي الاقل في معرفه سابقه بينا مش تقولي روح اتجوزها ولا هي شافتني ولا انا شوفتها مستحييييل يا بابا مستحييل

كان مصطفى هيتكلم بس قاطعته فاطمه

اهدي يا مصطفى لو سمحت سبني وانا هتكلم معاه

خرج مصطفى من الغرفه بعصبيه وهو بيقفل الباب بقوة

فاطمه

افهمني يا حبيبي الحكايه كلها في منتهي البساطه الدكتور كاظم هيسافر ومش هينفع يسبب بنته لوحدها لان عنده مشاكل كبيرة فهي هتعيش معانا هنا عبال ما يرجع ابوها ومش هينفع تيجي تقعد لوحدها هنا عشان كده لازم تكتب عليها وعارف دي احسن عروسه ليك بنت طيبه ومؤدبه وغير كل ده جميله اوي متتخيرش عن عروسه سيف

قاسم بحزن

حقك عليا يا ماما غصب عني انا حاسس اني بتفرج علي مسلسل هندي

فاطمه

طب فكر بهدوء يرضيك تصغر ابوك قدامه كده

قاسم بيأس

ماشي يا ماما هفكر عن اذنك

باااااااااك

جلس علي الصخور بين نارين لو لم يقابل رزان كان هيوافق كان يرفض من كل قلبه عندما تذكرها

فهو ظل طوال الاسابيع الماضيه في البحث عنها ولم يجدها

الفصل الثامن

في قصر المنياوي

بعد الكثير من المحاولات والضغوطات من سيف علي قاسم وكذلك فاطمه ومصطفى وافق قاسم علي مضض لاتمام هذه الزيجه بالنسبه له

ولكن فرض عليهم بعض الشروط

بينما وصلت رزان مع والدها لتستعد فاليوم سوف يتم كتب كتابها علي عشقها المستحيل

فاهي تجلس في الاعلي في غرفتها الجديده التي اختارتها فاطمه لها بعناية تلك السيده الحنونه

وفاطمه تعاملها كابنه لها فهي تعشق رزان

فاطمه

انا مش عايزاكي تقلقي من حاجه انتي هتعيشي هنا زي ما كنتي عايشه مع باباكي وانا من ناحيتي مش هخليكي تحتاجي اي حاجه

انا اخترت ليكي الاوضه دي بالذات عشان دي الملحق بتاع جناح قاسم ودي اجمل اوضه في القصر عشان قاسم بيحب الجناح ده اوي

رزان

انا مش عارفه اشكر حضرتك ازاي يا طنط علي كل اللي بتعمليه معايا من ساعه ماوصلت هنا

قالتها بمتنان وحب ليها

فاطمه

لا يا حبيبتي انا مش عايزاكي تشكريني هو في بنت بتشكر امها بعدين من هنا ورايح مش عايزة اسمعك بتقوليلي طنط مره تانيه انتي كمان كام ساعه وهتبقي مرات قاسم و ده بالنسبالي زي سيف بالظبط هما الاتنين غلاوتهم في قلبي واحده

عشان كده قوليلي يا ماما لو انتي بتعتبريني زي مامتك فعلا

رزان بود

طبعا بعتبرك ماما ومش هقولك غير يا ماما

فاطمه بعيون دامعه

ربنا يعلم يابنتي انتي غاليه عندي قد ايه كل ما بشوفك بفتكر والدتك الله يرحمها كانت شبهك بالظبط كانت اختي مش صحبتي

رزان بحزن

الله يرحمها انا كمان بحبك اوي يا ماما

بابا دايما كان بيحكيلي عن علاقتكم زمان

وقد ايه ماما كانت بتحب حضرتك اوي وانتي كمان

كان نفسي اشوفها بس كل ما بشوفك بحس انك من

ريحتها

احتضنتها فاطمه بحنان وحب

وانا كمان ياحبيبتي فرحانه اوي انك هتعيشي معانا هنا حسه قلبي هيرتاح انا كنت دايما بتصل بداده حنان اطمن عليكي

ربنا يسعدك ياحبيبتي

رزان

شكرا يا ماما اتفضلي

خرجت فاطمه تنهدت رزان بتعب نعم مازالت تشعر بأن قدميها لا تستطيع ان تقف عليهم

منذ ان خبرها والدها بأنها ستتزوج قاسم فقدت الوعي

شعر والدها بالخوف واحتضنها وظل يبكي بقوة لاول مره تري والدها بهذه الحاله

هو خايف من ان تكون رافضه الزواج ميعرفش انها فقدت الوعي بسبب انها مش مصدقه انها هتتجوز من عشقها المستحيل

هل تخبر والدها بحبها له بالطبع لا

ارتسم علي ثغرها ابتسامه سعيده عندما لمحت ذالك الباب الفاصل بين جناح قاسم واوضتها

رزان

ااااااه قلبي هيقف اهدي كده بقي وخليك جامد بطل افكار بقي

قالتها وهي بتحط ايدها علي قلبها

في القصر

كانوا يجتمعون ومعهم الدكتور كاظم

بينما قاسم يجلس بوجهه متشدد عروقه بارزه امام المأذون

ضحك بسخريه عندما استمع الي اسم العروس من المأذون (رزان) اسمها وحده داعب اوتار قلبه كلما يتذكرها

فاق علي صوت المأذون

امضي هنا يا قاسم بيه

امسك قاسم القلم قابض عليه بقوة وعلى الاوراق ليمي عليها وينتهي هذا الموقف السخيف

و صدح صوت المأذون بجملته الشهيرة

( بارك الله لكما وبارك عليكما وجمع بينكما في خير)

غادر المأذون واستأذن كاظم ليصعد لرزان لكي يطمأن عليها

بينما هي استمعت الي كل ما حدث

اخيرا اصبحت زوجته وعلي اسمه للرجل الوحيد الي نبض قلبها لاجله فقط

لاكن فجأة شعرت بإنقباض في قلبها ولم تعلم سببها

دلف والدها واحتضنها بحنان وهو بيبصلها بنظرات كلها حزن واسف

كاظم بحزن وهو ضامم وجهها بين يديه

رزان انا مش عايزك تزعلي مني في يوم من الايام علي اللي عملته معاكي من يوم ما مامتك ماتت وانا معتبر ليكي الاب والام وبعتبرك كل حياتي معنديش اغلي منك في حياتي اخاف عليها يمكن متفهميش كلامي دلوقتي بس مش هقدر اوضحلك اكتر من كده

كل اللي اقدر اوعدك بيه ان قريب اوي هرجعلك ونعيش حياتنا بكل هدوء زي زمان انا همشي دلوقتي

كاد ان يذهب بعيون دامعه لاكن وقفته هي بجملتها

رزان

انا مش زعلانه منك يا بابا انا واثقه فيك انك اي قرار بتاخده في حياتي بيكون عشان مصلحتي وان عمرك ما هتضرني

هنتظرك ترجعلي بالسلامه لان دي اول مره بنفارق بعض اول مره مش هنام في بيتنا

عازاااك ترجعلي بالسلامه ومتقلقش عليا انا مبسوطه اوي وهتوحشني اوي

قالت جملتها واحتضنها والدها بقوه ثم رحل

كم تألمت علي حال والدها

بعد وقت استاذن كاظم ومشي

تقدم سيف من قاسم حيث كان يجلس صامتا منذ ان رحل كاظم وهو ينظر لهم بصمت واخذ قرار لن يتراجع عنه أبداً

سيف

ايه يا قاسم هتفضل قاعد هنا مش هتطلع برضو تسلم علي رزان وتشوفها وتتعرف عليها

قالها سيف بعفويه

قام قاسم زي التور الهايج

سيييييف لو سمحت دي حاجه متخصكش عشان تدخل فيها

قالها بغضب و لاول مره بيتكلم كده مع سيف

قاطعه مصطفى محاوله تهدئة الوضع

بس سيف مغلطش يا قاسم اطلع شوف مراتك

وكان تلبسته الشياطين

قال بصوت عالي هز ارجاء القصر

محدش يقولي مراتك مش عايز اسمع الكلمه دي من حد

الجوازه دي بالنسبالي عمل انساني مش اكتر

وياريت كلامي يكون وصل للهانم اللي فوق دي عشان تبقي عارفه وضعها هيبقي معايا ايه كويس من اولها

فمحدش يقولي اطلع سلم عليها ولا اتعرف عليها تاني

اعتقد اني اشترط عليكم كده من الاول

مليش اي علاقه بيها غير حمايتها وبس

وجوزي مؤقت لحد ما ابوها يرجع وياخدها

قال كلامه بكل بساطه ومشي

كلماته كانت بمثابه سهام مارقه اخترقت قلب تلك الرقيقه الجالسه بالاعلي التي مأن استمعت لصوت عالي فتحت الباب وتتجه للدرج دون ان يلمحها احد لتسمع كل حرف وكل كلمه منه لتنزل علي قلبها المسكين العاشق له حد العذاب بلا رحمه

هل عليها تتحمل نزيف قلبها الذي انشطر الي نصفين الذي تمذق الي اشلاء

ادركت في هذه اللحظة انها فقدت شغفها في الحياة التي رسمتها بقلمها الوردي

ارتمت بجسدها علي الارض تضم ساقيها وتحتضنها بحسره حزينه وماكان ينقصها ايضا دموعها كانت تنزل دمعه واحده تهدئ قلبها وتطيب خاطرها

رزان

لييييه يا قاسم تعمل فيا كده ليييه

اااااه قالتها وهي تضغط علي قلبها بكل قوتها

ليييه بعد ما قولت الدنيا هتبتسملي بعد سنين كتيرة اوي كده بكل قسوة تخطف مني الامل الوحيد اللي عايشه عشانه طب كنت سبتني حتي لو كنت هعيش علي كدبه

يارب ريح قلبي يارب انا تعبت مبقتش قادره اتحمل

ظلت علي حالها حتي غفت بمكانها

يتبع.

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم

الفصل الأول والثاني من هنا