رواية حب بلا حدود الفصل الحادي عشر والثاني عشر والثالث عشر بقلم الكاتبه مريم وليد حصريه وجديده
 |
رواية حب بلا حدود الفصل الحادي عشر والثاني عشر والثالث عشر بقلم الكاتبه مريم وليد حصريه وجديده
تجلس شجن برفقة سيف في المكان الذي اختاره لها خصيصا
فشجن عاشقه للمناظر الطبيعيه وكذالك الشواطئ الرملية في جزر المالديف
استيقظت من النوم اخذت تتأمل تلك الطبيعه حيث تقف داخل المنزل الخشبي بتلك الاشجار والغابات الخضراء
لتنظر اليها بأفتنان وصفاء السماء
بعد ان قضو اجمل ايامهم في تلك الجزيرة
كانت تقف بجانب الشرفه تشاهد المنظر الخلاب اتجه اليها واحتضنها وسند رأسه علي كتفها
سيف بحب
هتفضلي تتفرجي علي المكان كتير وسيباني لوحدي كده
صمت وهو ينظر لها
هو المكان عاجبك للدرجادي
لتستدير وهي وتقف امامه مباشرة وترفع يدها تحاوط عنه وتتحدث بدلال
جميل اوي المكان عجبني جدا وكل حاجه بتعملها عشاني بتعجبني ربنا يخليك ليا ويقدرني واسعدك
زي ما انت علي طول بتسعدني
اخذ ينظر لو جهها واقترب منها اكثر
سيف
وانا مش عايز اي حاجه في الدنيا كلها غير انك تحبيني
يا شجن ونبدأ حياتنا بصدق وثقه ومنخبيش عن بعض اي حاجه حتي لو كانت تافهه عشان نبعد عننا اي مجال
للمشاكل
انا معاكي دوقت طعم الجنه فـ مش عايز أبداً اي حاجه تعكر
فرحتنا مع بعض وانا اوعدك هحاول علي قد مقدر ماخلكيش تزعلي مني واحاول اتحكم في غضبي
عشان انتي متستاهليش غير انك تكوني ملكه في قلبي
شجن بدمع من كلماته التي لامست قلبها
وانا عمري ما هخبي عنك اي حاجه ولا هزعلك
انت عوض ربنا ليا عمري ماكنت سعيده غير لما
عرفتك وانت يا سيف بجد متستاهلش مني غير الحب
مني وانا مش بس بحبك لا انا بعشقك
قالتها وهي بتحتضن وجهه بين يديها
ثم اكملت بدلع طفولي
بس انا زعلانه منك
عقد سيف حاجبيه بدهشه
زعلانه مني انا طب ليه
شجن بتذمر
عشان كل ما اسألك عن حاجه من الماضي مش بترضي
تجاوبني علي اي حاجه شوفت يبقي ليا حق ازعل ولا لا
تنهد سيف بتعب
يا عيوني انا مش عايزك تزعلي بس صدقيني لو في حاجه تتحكي كنت حكتلك
شجن
مش انت قولت منخبيش عن بعض حاجه يبقي
خلاص لازم تحكيلي كل حاجه
انا لاحظت كل ما اجيب سيرة طليقتك او اي حاجه عنها بتزعل وتتعصب عشان كده انا حابه اعرف السبب
انا معرفش عن علاقتكم اي حاجه غير انها بنت خالتك
اخد سيف نفس عميق وحاول انه ميتعصبش
هبقي اقولك بعدين الاول بس عايز اعرف حاجه مهمه
شجن بحب
قول يا حبيبي
سيف بتوجس
انتي مبسوطه معايا
شجن ببتسامه عاشقه
اوي اوي انا بعشقك يا سيف ونفسي اعيش عمري
كله معاك
قالتها وهي بتضع راسها علي صدره
لينظر لها سيف بحب وهو يقترب من شفتيها
وانا بعشقك ياقلب وعمر سيف
واخد شفايفها بين شفايفه بحب وعشق وشالها وطلع بيها اوضتهم
في قصر المنياوي
نجد رزان في اوضه الرياضه ترتدي برموده اسود وتيشرت بدون اكمام ورفعت خصلات شعرها بطريقه
عشوائيه
معطيها مظهر فاتن
بعد ان وصل قاسم للقصر كانت الساعه 2 بليل دخل الي اوضه الرياضه ليدور علي رزان فهي منذ تلات اسابع
وهي بتدخل الاوضه في نفس الوقت لتمارس الرياضه
وقف علي باب الغرفه اخذ يتأملها كانت فاتنه بوجهها التي به حمره نتيجه مجهودها الزاند
اخذ ينظر لها بأفتنان وهي تقوم ببعض التمارينات الرياضيه بلياقه
كان ينظر لكل انش بها وهو كالمغيب
قاسم بغيظ
حبيبت قلبي اللي وحشاني وبقيت تقفل علي نفسها الباب بالمفتاح عشان مدخلهاش ااه منك يا مجنناني
طلعتي شقيه وانا اللي بقول دي طفله اتريكي مطلعتيش
سهله أبداً
بتبعد عنه خطوتين لما شافته بيقرب منها ولفت وشها
للناحيه التانيه بتكمل تمارينها وكأنه خيال
قرب منها اكتر
ايه ياحبيبتي مقولتليش عملالي اكل ايه انهارده
تعرفي اني مأكلتش حاجه من الصبح انا خلاص
ادمنت اكلك
قالها ببرود وهو بيستند علي جهاز المشي
بينما هي كانت تكتم ضحكتها بصعوبه علي طريقته فـ
دي اصبحت عادته وهو بيحاول يتكلم معاها وهي رافضه تتكلم معاه
قاسم بإستفزاز
روزا ياحياتي كفايه تمارين بقي هتخسي وانا بحبك كده
مقلوظه وشبه البطه كده
رزان رفعت حاجبها بدهشه واتكلمت بغضب
هي مين دي اللي بطه انت قصدك اني طخينه
قالتها بعد ما وقفت جهاز المشي بعصبيه
ضحك قاسم فهو كان عايز يعصبها وهو بيتكلم بأستفزاز
مين العبيط اللي قال كده هو فيه احسن من انك
تكوني بطايه كده ولا بلاش احسن تزعلي وانا
مش ناقص
بصتله رزان بغضب وهي بتنزل من علي الجهاز
بقولك ايه انا عارفه حركاتك دي كويس انت بتحاول
تستفزني عشان ارد عليك
انت فاكرني عيله صغيرة ولا ايه هتضحك عليا
يا بابا
فوق لنفسك ده انا عندي 19سنه يعني كبيرة
فياريت تبطل حركاتك دي
وتشيلني من دماغك
وتريحني من وجع القلب ده
قاسم بهيام
سلامة قلبك يروح قلبي
قالها وكأنه مسمعش لتوبيخها ليه
قاسم
طب بصي بقي ياكبير يا اللي عندك 19سنه
انا مقدرش اشيلك من دماغي يابت ده انتي
بقيتي جوه قلبي خلاص
خلاص بقي ميبقاش قلبك اسود وسامحيني ده
انتي ضيعتي هيبتي في البيت وبقي شكلي وحش
وبابا وماما شمتانين فيا
ولا مقولكيش علي الشغالين كمان
وانا ماشي وراكي زي العيل الصغير اللي بيراضي امه
الهيبه راحت علي ايدك يا تاعبه قلبي
بقولك ايه تعالي هنا يابتتتت
قالها وهو بيحاوط خصرها بقوة وهي بتحاول تبعده بكل قوتها
رزان وهي بتحاول تبعده عنها
لا برضو ريح نفسك وانسي كلامك ليا
ممكن تبعد شويه بقي عشان الاكسجين
انت مكلبش فيا كده ليه كأني ههرب مثلا
قاسم برفض وهو بيحاوط خصرها بتملك
تؤ تؤ مش قادر ابعد عنك انا مرتاح كده ولازم تاخدي
علي كده بقي عشان ده مكانك جمب قلبي يا تاعبه قلبي
كمل ببرائه
بصي يا حبيبي انا مقدرش اغصبك علي حاجه
انا هديكي اختيارين وانتي اعملي اللي يريحك فيهم
بصتله بتوجس
ايه بقي
قاسم بتملك وحب
يا تعشقيني يا تعشقيني اختاري بقي
بس وانتي معايا ازعلي مني براحتك
بس كمان وانتي في حضني
ارتسمت ابتسامه سعيده علي وجهها لم تستطيع اخفائها
انت بتعمل معايا كده ليه
عايزة اعرف سبب التغير ده ايه
انت كنت رافض تشوفني حتي
قرب شفايفه من اذنها وهمس لها
حاسس ان فيكي حاجه بتشدني مش عايزك تبعدي عني
عايزك معايا
مش قادر ابعد عنك بعد ما اتعلقت بيكي
هااااااااا موافقه تديني فرصه جديده ونفتح صفحه جديده مع بعض
بصت رزان في الارض بخجل
امم هفكر وهرد عليك بعدين
وطلعت تجري بسرعه من قدامه
اما هو فضل مبحلق في مكانه
اصبح كل ما يتمناه هو القرب من ملاذه الوحيد
نزل بعدها الي غرفه الطعام
يجد والده و فاطمه في انتظارة
اما هي كانت تجلس في مكان بعيد
نظر علي مكانه المخصص واكمل طريقه ليجذب مقعده
ويجلس بجانبها
فاطمه لاحظت انه مش بياكل
ايه يا حبيبي مش بتاكل ليه
وهي تتفحصه لتفيقه من نظراته الهائمه بتلك الصغيرة
الجالسه بجانبه
قاسم ببراءة
هعمل ايه بس يا ماما ما انا مش هقدر اكل
مع ان الاكل شكله روعه بس للأسف مش
هعرف
بينما غمز لوالدة
هو حضرتك مقولتش لماما علي اللي حصلي
انهارده يا بابا ولا ايه
ليجذب انتباه تلك البريئه بعد ان وضعت الشوكه امامها
واخذت تتابع حديثهم بـ اهتمام وقلق عليه
فاطمه بلهفه وقلق
مالك يبني
ثم وجهت كلامها لمصطفي
ايه الي حصل انهارده لقاسم يا مصطفى
رفع مصطفى حاجبيه بدهشه بعدما مط شفتيه يدل علي
عدم معرفته
لحقه قاسم علي الفور
ابدا يا ماما ده الاستاند وقع علي الايدي والدكتور
قالي ممنوع من الحركه
يلا بعد اذنكم
فاطمه بلهفه
لا ياحبيبي تقوم ليه ده انا هأكلك بأيدي
ليزفر بأحباط قبل ان يسرع يجيبها بإندفاع
لا يا ماما متتعبيش نفسك انتي لازم تاكلي عشان الدوا بتاعك
ثم نظر لتلك البريئه
لو ممكن رزان تأكلني عشان ايدي بتوجعني
لاكن لو هي مش عايزة بلاش مش عايز
اتعبك
بينما هي فتحت بوقها لهم بتوتر فكانت في موقف محرج
لتقول فاطمه بعد ما فهمت قصده
لا يا حبيبي متقولش كده هي رزان هتتأخر عنك يعني
معلش يا رزان اكليه
قالتها فاطمه وهي بتغمز لقاسم
بينما والدة يكتم ضحكته بصعوبه علي افعال ابنه الماكره
هزت رزان راسها بقله حيله فهو تعمد احراجها قدامهم
اصبحت امامه بعد ان قطعت قطعه بانيه رفعت الشوكه
بيدها المرتجفه امام فمه ووجنتيها محمره من الخجل
ونظراته تخترقها
لاكنها شهقت عندما قالها
تؤ انا مش باكل بالشوكه
قالها ببراءة
لينظر له والده من بين ضحكاته
رزان بأستنكار
لا طبعا مقدرش اأكلك بإيدي ابدا
فاطمه بتدخل
خلاص بقي يا قاسم كل بالشوكه وخف شويه ياحبيبي
هااا خف احسن اجي أكلك انا
لزفر قاسم بغضب
وعلي ايه انا هاكل بالشوكه احسن لي
اما رزان رفعت الشوكه مجدداً ليفتح شفتيه بهدوء واخذ يهمهم بتلذذ
سيصيبها حقا بتوتر وهي قريبه منه وهو بيخترقها بنظراته العاشقه تلك جعلها تكاد تنصر في مكانها
قاسم بصدق وحب
تسلم ايدك الاكل يجنن
لتكتفي رزان ببتسامه فقط وهي تكمل طعامه
بينما هي فتحت عينها علي وسعها عندما قبض علي يدها من اسفل الطاولة ويرفعها امامهم وهو يقبلها
بعشق
قاسم ببراءة
سيبي ايدك بتشديها ليه مش هاكلها يعني انا ببوسها
بس
رزان بهمس
علي فكره انت كده بتوترني وبتخليهم يضحكوا عليا
شدد هو علي يدها بيده
لتشهق هي عندما اكتشفت كذبه وانه يمثل عليها في موضوع يده
همست جمب اذنه
علي فكره انت غشاش وايدك مش بتوجعك انت عملت كده عشان أكلك
ثم ركضت الي اعلي بسرعه
ليضحك الجميع علي برائتها
مصطفى بضحك
ما كان من الاول يا حلو ما قولنالك انا وسيف اطلع شوفها وانت
اللي نشفت دماغك اشرب بقي
قاسم بغضب
هو كمان سيف عارفها ده ايه الحظ الهباب ده
هي كانت بتيجي متنكره ولا ايه
فاطمه بضحك
ايوة طبعا سيف عارفها وشافها كتييييير
وبعدين رزان طيبه ومش هتلاقي زيها
رفع قاسم حاجبه بدهشه
رزان طيبه امال مالها عامله
زي امنا الغولة معايا ليه
ضحكو عليه بشده
عند شجن كانت بتتكلم مع شروق
بعد ما اغلقت هاتفها تفاجئت بسيف خلفها عاقد حاجبيه
بدهشه
ايه يا حبيبي بتقولي شكراً لشروق علي ايه
شجن وهي بتحاوط عنقه بسعاده
اصل شروق هتروح لماما بكره عشان تقدملي ورقي في الجامعه لحد ما نرجع اسكندريه عشان مضيعش وقت انا
مبسوطه اوي أخيراً خلصت الجامعه وهبدا اول خطوه
في تحقيق احلامي
بصلها بغضب
تقدم ورقك
وزاح ايدها من علي رقبته
شجن باستغراب
ايه يا سيف مالك انت زعلت ولا ايه
ضغط علي اسنانه بقوة
انتي لسه بتسألي
انتي ازاي تاخدي قرار زي ده من غير
ماترجعيلي وتاخدي اذني يا هانم
قالها بصوت عالي
شجن بصتله بحزن
انا مش قصدي كده والله
قاطعها سيف بغضب
امال قصدك ايه لما تتصلي بصحبتك
من غير ما تعرفي جوزك يا مدام ده
يبقي اسمه ايه
وبعدين انتي هيكون عندك وقت للدبلومه منين وانا
وولادنا
رفعت حاجبيها بدهشه
ولادنا
هما فين دول
سيف احنا مبقلناش شهر متجوزين
سيف بتاكيد
ولادنا في المستقبل ازاي هتعرفي توفقي بينا
دراستك وبينا لا مستحيل انا عايزك ليا لوحدي
مش عايز حاجه تشغلك وتبعدك عني
فتحت عينها علي وسعها
سيف انا مبفكرش في الخلفه دلوقتي
انا تعبت جدا في دراستي عشان انجح واحقق اللي انا
عيزاه.
بقي اضيع كل احلامي وافكر في الخلفه من دلوقتي
انا يادوب مخلصه دراسه
ررفع راسه بعنف من حديثها الذي يذكره بطليقته
جيتي علي الجرح يا شجن وليلتك هتبقي طين 😂
تفتكرو اي ردة فعل سيف؟!
وشجن تفكيرها صح ولا غلط؟!!
و رزان فعلا هتدي فرصه تانيه لقاسم ولا لسه هتطلع عينه؟!
الفصل الثاني عشر
ررفع راسه بعنف من حديثها الذي يذكره بطليقته
صرخ بغضب
ده اخر كلام عندي اتصلي عليها دلوقتي وقوليلها
انك مش هتكملي ومتقدملكيش الورق
شجن اتفاجئت من اسلوبه
سيف انت بتتكلم بجد معقول ده تفكيرك
في اول مشكله بينا انت مش بس بتقتل طموحي
انت كمان بتلغي شخصيتي
سيف بغضب
اي حاجه ممكن اقبلها الا الموضوع ده انا عندي 35 سنه
ونفسي في طفل وحضرتك بتقوليلي ناجل شويه اقولك
ايه يعني انا مستحيل اوافق علي كده
شجن
سيف افهمني بالعقل مش كده انا مش معني اني بقولك
اني مش عايزة اخلف دلوقتي يبقي مش عايزة بيبي خالص بالعكس انا عمري ما فكرت في كده ولا....
قاطعها بحده وهو بيضرب علي النافذه بقوة وهو بيقول بصوت عالي
وميييين قاااااللك اني هسمحلك بكككككده انا ممكن اتنازل عن اي حاجه الاااااااا موضوع الخلفه ده
وبعدين انا بحبببك وعايزك ليا واهتمامك يكون ليا انا
وياريت نقفل علي الموضوع ده
تصبحي علي خير
انفجرت في البكاء لم تتوقعه هجومه عليها بالطريقه دي
هل انتهت سعادتهم
ذهبت الي المرحاض وغسلت وجهها الاحمر من شده بكائها
واستلقت علي الفراش وجدته يقترب منها وجذبها لاحضانه مثل كل يوم
حاولت تبعده عنها
سيف
شششش نامي وعدي يومك
هزت راسها بقله حيله ونامت
في صباح يوم جديد صحيت شجن بتعب وعلي وشها
ملامح الحزن يمكن مكانتش متوقعه ان سيف يفكر
بالشكل ده بتدور عليه مش بتلاقيه
انتظرته اكتر من اربع ساعات وهو لسه مجاش
قررت تتصل عليه وقبل ان تضغط علي زر الاتصال
وجدته امامها
قرب منها بهدوء وعلي وشه ملامح الحزن
شجن بقلق
سيف كنت فين
بصلها سيف بصمت بعد ما قعد علي الكنبه
كنت مدايق وخرجت اتمشي شويه
بصتله شجن بعتاب
وليه مصحتنيش تقولي انك خارج كنت قلقانه عليك
ابتسم سيف بسخريه
متقلقيش عليا انا مش عيل صغير عشان اقولك
قبل ما اخرج
ولا انتي عايزاني استأذنك وانت بنفسك بتخطتي
وتقرري من غير ما تعرفيني
قالها بتأنيب
شجن بعتاب
ايه ياسيف هو شهر العسل خلص خلاص كده
اخفض سيف عينه عنها المه عينها اللي مليانه دموع
انتي اللي خلصتيه لما اتصرفتي من دماغك وكأني ولا حاجه في حياتك وكأني مليش كلمه عليكي
اللي عملتيه غلط وكبير كمان بالنسبالي وانا مستحيل
اقبل ان مراتي تلغي وجودي في حياتها
علي العموم بلاش نتكلم دلوقتي قومي جهزي الشنط عشان لازم نسافر ضروري يادوب نلحق نجهز
قام من مكانه لاكن وقفته ايد شجن اللي مسكت في ايده بقوة بصلها بعمق وهي جنت من كلامه
لتقوله بصراخ
سيف لو سمحت بلاااااش اسلوبك المستفز ده
المفروض لما تتكلم معاايا تديني فرصه ارد عليك
وادافع عن نفسي زي ما انا من امبارح سمعتك
للآخر
سيف ببرود
اتفضلي انا سامعك
بصتله شجن بحزن
اولا انا مكنش قصدي خالص اللي انت فهمته
انا مكنتش متوقعه ان لما اطلب اكمل دراستي
هتزعل بالطريقه دي عشان انت من الاول عارف
انا قد ايه بحب دراستي وشغلي
وانا اتصرفت بعفويه كعادتي عشان كنت واثقه انك
عارف من غير ما اتكلم اني حابه اكمل
بس انت مدتنيش فرصه لاي حاجه
مسك سيف وشها بين ايده وقالها بحب وتملك
بس انا عايزك
عايز تفكيرك يبقي ليا انا وبس وانا كمان هوهبلك كل حياتي و وقتي انا مش بطلب المستحيل يا شجن
ليه بتفهمي كلامي علي اني عايز الغي شخصيتك
بالعكس انا حابب نعيش حياة هادية
عايز مراتي تبقي في حضني طول الوقت
لما ارجع الاقيها مستقبلاني بابتسامه حلوة
تعوضني بيها عمري اللي ضاع
وان شاء الله ربنا يرزقنا بطفل يملي علينا حياتنا
صدقيني انا بحبك ومش عايز حاجه تبعدك عني مهما
كانت اي
ومكنتش حابب ازعلك بس غصب عني.
قربت شجن منه وبقيت قدامه
امال ليه قررت تلغي شهر العسل وانت كنت مفهمني اننا لسه قاعدين تسمي ده ايه غير انك بتفرض عليا رأيك
يا اما تخاصمني وتاخد جمب مني يا جي تقولي اننا
راجعين انت مفكر نفسك انك كده بتعاقبني
انا مش هتنازل يا سيف عن قراري
عشان انا مش بطلب غير ان ده حقي
انا متعبتش في دراستي عشان اقبل برفضك ده
بصلها سيف بحزن وثقه
وانا قولت اللي عندي ومعنديش رد تاني ياريت تأقلمي
نفسك بقي علي كده عشان انا مش هتراجع عن قراري
واه علي فكره بمناسبه انك شيفاني اناني انا مقطعتش
الاجازة عشان اعاقبك زي ما بتقولي انا في حاجه
حصلت ومضطر انزل اسكندريه فقولت ننزل كفايه
ولما نخلص منها نبقي نسافر تاني
وسابها وطلع لفوق
اما شجن اتفتحت في العياط فهي بتعشقه بس عقلها رافض فكرة التخلي عن موقفها
عند رزان صحيت علي صوت خبط علي بابها
دخل قاسم وقرب منها وعلي وشه ابتسامه مشرقه
صباح القمر علي حبيب قلبي
رفعت رزان عينها الزرقاء الناعسه ببراءة
صباح النور يا حبيبي
قالتها بمكر.
لحظه ما الذي سمعه للتو
اندفع ليها ومسك دراعها
نعااااام رزان انتي قولتي ايه
هزت كتفها ببراءة وهي بترمش بعينها
هكون قولت ايه يعني صباح النور
قاطعها قاسم باستغراب
بس صباح النور
بصتله رزان بقوة وثقه
ايوة قولت كده في ايه مالك
كملت بدلال افقده صوابه
هو انت مش مبسوط اني برد عليك
هز قاسم رأسه برفض
لا طبعا ياعمري انا مبسوط اوي بس انا اتهيئلي
اني سمعت حاجه كده
لا ده انتي بقيتي خطر عليا انا بسببك وبقيت اتهايئ
قالها بخوف علي نفسه بعد ما عضت رزان علي شفايفها
رزان
بعد الشر عليك ياقلبي من التهيئات انشا الله انا وانت لا ياعيوني
هنا فتح قاسم عينه علي وسعها
لا انا كده هتجنن منك بصي بقي انا ساعتين رايح الشغل ولما اجي تكوني جهزتي عشان هنروح الساحل نقضي يومين هناك
رزان
بس انا مش عايزة اروح معاك
قاسم
مش انتي قولتي لماما انك زهقانه من البيت هاخدك هناك نغير جو
هااا موافقه
هزت راسها بخجل
موافقه
قاسم
انا عايز نقرب من بعض تاني يا رزان وندي بعض فرصه
تانيه ممكن
رزان بخجل
موافقه
قاسم بفرحه
موافقه بجد
رزان هزت راسها بنعم
قاسم بسعاده
طيب جهزي نفسك لحد ما ارجع
وخرج وهو يكاد يطير من شده سعادته
بعد مرور شهر تغير الكثير فـ سيف قد وافق علي دراسه شجن ورزان وقاسم قربوا اكتر من بعض
في القصر في جناح سيف كانت تجلس شجن علي فراشها بتعب فهي اليوم اصابها الكسل وشعرت بالم يضرب في جسدها ودوخه مفاجأة وقررت الجلوس في القصر في اوضتها
سمعت صوت اشعارات رسايل فتحتها بسعاده تعتقد انها من سيف لاكن تلاشت سعادتها فكان محتوي الرساله من جومانه فهي طوال الشهر الماضي كانت بتقرب من شجن في كل مكان حتي الجامعه بتحاول توقع بينها وبين سيف
كانت محتوي الرساله احد اوراق من البنك فيها مبلغ كبير مبعوتلها من سيف
والرساله كانت
( مش قولتلك متعشيش في الوهم ده كتير اسالي نفسك كده لو مكنش بيحبني فعلا كان بعتلي كل الفلوس دي
قريب اوي هثبتلك ده فعلا هيهي يا حياتي)
اندفعت شجن كالقطار وقامت باتصال علي سيف
ليجيب سيف بعشق
حبيبي انا
قاطعته شجن بصراخ وصوت عالي
سيييييف تعالي دلوقتي حالا عشان لو مجتش دلوقتي انا مش مسؤله عن اللي هعمله فيك سامعني
اجفل سيف بخضه واخذ يتأكد من ان التي تكلمه هي شجن حبيبته تلك الفتاه الرقيقه البريئة الطفوليه
اهدي طيب ياقلبي وانا جاي حالا
في اقل من ربع ساعه وكان سيف داخل اوضته
ايه ياحبيبي مالك خضتيني عليكي
شجن بصراخ
متقوليش يا حبيبي حبك برص
بصلها سيف بذهول وعدم تصديق
نهارك اسود هي وصلت لكده
ممكن تهدي بس عشان افهم في ايه
شجن بصراخ
انا هقولك في ايه
في انك طلعت كدااااااب
قالتها وهي بتضربه علي صدره بقوة
سيف بذهول وهو بيتأوه من ضربتها
اااااه يا شجن كدااااب ليه عملت ايه عشان كدبت عليكي
شجن
انت مش قولتلي انك بتكرهه طليقتك وانك مش بتطيق تبص في وشها او تسمع حاجه عنها
يبقي ليه بتبعتلها مبلغ كبير زي ده
ردي عليااااااا
عقد سيف حاجبيه بدهشه وهو يحك ذقنه بتفكير
وانتي مين قالك اني ببعتلها فلوس دي حاجه مش معروفه غير لماما وانا بس
شجن وهي بتضغط علي وسطها بقوه
ملكش دعوه مين اللي قالي
انا اللي بسال دلوقتي
ممكن ترد بقيييييي
سيف بتحذير
صوتك يا شجن
انا مش هنكر فعلا اني ببعتلها فلوس بس ده عشان هي بنت خالتى ومعندهاش اي مصدر دخل تصرف منه
واظن اني مش بعمل حاجه غلط عشان تتعصبي عليا كده
شجن بعياط وصراخ
انت فاكرني عبيطه عشان اصدقك دي اكيد بتضحك عليك عشان تاخد فلوسك
ويمكن كمان بتقابلها من ورايا ام شعر اصفر دي
ضحك سيف عاليا علي غيرتها
انتي بتغيري عليا ياروح قلب سيف
وبعدين مين قالك ان شعرها اصفر اصلا
سألها بشك
شجن بطل استفزاز ورد عليا الا والله هسبلك البيت وامشي
سيف بغضب
شجن اعقلي انا كل ده واخد الموضوع بهزار
شجن بعياط زي الاطفال
حقيقي انا انصدمت فيك
انت واحد متناقض
واكيد لسه بتحبها
سيف
ياحبيبتي انا مش بعمل حاجه غلط انا فعلا ببعتلها فلوس من ساعت مطلقنا والشهر ده فعلا اللي بعتلها مبلغ كبير شويه بس ده عشان ارتاح من زنها
شجن بعدم اقتناع الغيرة بتنهش في قلبها
خلي بالك انا من انهارده وانا حطيتك في دماغي
وهتلاقيني بطب عليك في اي مكان
جيه سيف يقرب منها
شجن بصراخ
ابعععععععد عني ومتقربليش انا مش طيقااااااك
بصلها سيف بذهول وعدم تصديق
شجن
اعمل حسابك انك هتنام علي الكنبه انهارده
سيف بتوسل زي الاطفل
اعقلي يا شجن انتي عارفه اني مش بعرف انام غير وانتي في حضني
شجن بغضب وغيرة
مستحيييييل وحياة الغيرة اللي انا فيها دي لهتنام انهارده من الغيظ وهتنام لوحدك يا بتاع جومااااااانه
جيه سيف يقرب منها تاني
شجن بغضب
والله ياسيف لو قربت مني تاني الساعه دي لهروح انام جمب ماما
سيف بغيظ
ماشي يا شجن والله لوريكي تنامي عند امك ازاي
اتنفضت شجن من مكانها بعد ما خرج ورزع الباب بقوة
في صباح يوم جديد
صحيت شجن وهي بتتقلب وهي بتحس بالم في معدتها
وكذالك الدوخه
وجدت نفسها تنام علي الكنبه اتنهدت من افعال سيف فهو قد نقلها معه علي الكنبه وهو محاوطها بيده
مدت ايدها بتحاول تبعده عنها بغيظ من افعاله المجنونه
ليزمجر معترض اثناء نومه وبيجذبها ليه اكتر
فتأوهت شجن وهي بتحس بالم راد عن حده واوشكت علي الاختناق بسبب احتضانه
بصتله شجن بغيظ وضربته علي دراعه
سيييييف
يا سيييييف اصحي مش قادره هتموتني
اتنفض سيف من نومه بصوت ناعس
اييه يا حبيبتي مالك
شجن بغضب
سيف انت بتستعبط ولا ايه ممكن اعرف ايه الي نيمك جمبي انت كنت بتاخدني علي قد عقلي
وبعدين عملت اللي في دماغك برضو
بصلها سيف ببتسامه عاشق وهو ي
بيهزلها راسه زي الاطفال
فهو حقا لا يعرف ينام سوي وهي بين احضانه
سيف ببراءته
ما انا روحت علي الكنبه انام معرفتش انام من غيرك يا شجن روحت شيلتك وجبتك جمبي مش انتي قولتيلي نام علي الكنبه اديني نمت اهو
شجن
انت عايز تموتني ولا ايه مالك مكلبش فيا كده ليه هو انا ههرب منك
سيف رفع حاجبيه بدهشه
معلش يا حبيبتي ضغط عليكي شويه ومحستش بنفسي
وبعدين تستاهلي عشان بعد كده تحرمي تسبيني لوحدي تاني
غمضت شجن عينها ومنتبهتش لكلامه وحطت ايدها علي بطنها برفق لعلي الالم يهدأ قليلاً
سيف بتوجس
مالك ياحبيبتي انتي تعبانه
رفعت شجن عينها ليه بضعف
انا حاسه اني تعبانه اوي يا سيف مش قادره و.....
قبل ما تكمل كلامها كانت بتجري علي الحمام
هب سيف من مكانه بخوف وقلق وهو بيفتح باب الحمام ليجدها تستفرغ وهي ماسكه بطنها وبتتأوه
من الالم
شجن بضعف واحراج
اخرج يا سيف بره وسبني دلوقتي
قربها سيف ليه بقوة
لا طبعاً مش هسيبك شجن انا جوزك يا حبيبتي متتكسفيش مني
فتح صنبور المايه واخذ يغسل وجهها بحنان
وبعد كده اخدها للسرير
انتي اكيد اخدتي برد انا هروح اعملك حاجه تشربيها دافيه وجيب مامتك كويس انها جت تقعد هنا عشان تكون جمبك
بعد قليل كانت تدخل والدتها بقلق
سلامتك ياقلب امك حاسه بأيه
شجن بتعب
مش قادره يا ماما بطني بتوجعني وعوزه ارجع وكمان حاسه بدوخه بقالي كذا يوم مش يتروح مني
ايمان بفرحه
تبقي حامل يا شجن
لتتسع ابتسامه شجن بلهفه وسعاده
بجد يا ماما انتي متاكده
ايمان بتأكيد
دلوقتي الدكتوره تيجي وتطمنا
بس بقولك متقوليش حاجه لجوزك دلوقتى لما نتأكد الاول
بعد وقت كانت وصلت الدكتورة
بعد دقايق كانت انهت الدكتوره كشفها
الدكتوره بسعاده
مبروك يا مدام شجن انتي حامل
اتسعت ابتسامه شجن بسعاده وهي بتلمس بطنها بفرحه
اندفع سيف يفتح الباب بقوة فهو كان يجلس في الخارج علي احر من جمر
قابلته فاطمه واحتضنته بفرحه وهي بتتكلم من وسط بكائها
مبروك ياحبيبي مراتك حامل ربنا عوضك خير يا قلب امك
تجمد سيف وتصلب جسده داخل احضان والدته ما افضل هذا الشعور لقد عوضه الله بعد وقت طوووويل
رفع عينه وهي متعلقه علي شجن وقرب منها بهدوء
وقعد علي رجله قدامها وهي نايمه علي السرير
في هذه اللحظه كانت دونت الدكتورة ما يجب ان يفعلاه والعلاج بتاعها ومشيت وخرجوا فاطمه وايمان ليعيطيهم مساحه كافيه لهم
اخفض سيف نظراته علي بطنها واتكلم بعدم تصديق
انتي حامل يا شجن يعني انا هكون بابا وانتي هتكوني ام ولادي
ااااه الحمدلله يارب الحمدلله
واخذت دموعه تعرف طريقها
جذبته شجن الي احضنها واخذت يده المرتجفه ووضعتها علي بطنها
وهو يتخيل ان يكن له طفل من صلبه بعد طول انتظار
اتكلمت شجن من بين دموعها هي الاخري
هنا في حته منك هنا في بيبي هيربطني بيك العمر كله ونش هيبعدنا عن بعض ابداا
انا مكنتش اعرف اني هفرح اوي كده لما اعرف اني حامل ده طلع احساس حلو اوي
احتضن سيف بطنها بسعاده
مش عارف اقولك ايه جوايا كلام كتير اوي بس مش عايز يخرج انا فرحان اوي
انتي سبب فرحتي
انتي سبب اني هكون بابا
شجن بسعاده
وانا مبسوطه اوي يا سيف اني هحققلك حلمك واجبلك الولد اللي نفسك فيه
سيف بسعاده
بصي بقي من هنا ورايح مش عايز اشوف دموعك دي أبداً
مش عايز اشوف غير ضحكتك الجميله دي وبس
انا عايز العيال تطلع فرفوشه زيك كده
اخذو يضحكوا سويا ويفكرو في اسامي اطفالهم اذا كانت بنت او ولد
وشجن تقسم في داخلها بأن لا تسمح لاحد ان يفرق بينهم ويعكر صفو عشقهم
هل فعلا هتدوم سعادتهم ام سيأتي من يعكر صفوها
الفصل الثالث عشر
في قصر المنياوي
كانت شجن قاعده مع رزان بسعاده شديده
فرحانه اووووي يا رزان مش قادره اوصفلك سعادتي
بالحمل ده قد ايه
رزان بفرحه وهي بتحضن شجن بسعاده
مبروك ياحبيبتي ربنا يكملك علي خير
ويفرحك دايما يارب
شجن
يارب امين
تعرفي رزان انا طبعا واثقه من حبي لسيف
لاني مش بعتبره حبيبي بس لاااا ده انا بعتبره
ابويا واخويا وحياتي كلها
لاكن بصراحه مكنتش متوقعه اني لما اعرف بحملي
هفرح بالشكل ده
انا بجد هتجنن من فرحتي
حطت ايدها علي بطنها
مش مصدقه اني هكون ام لابن للراجل الوحيد
اللي حبيته في حياتي
الراجل الوحيد اللي دوقت منه حنان الاب
اللي ملحقتش احسه من بابا الله يرحمه
قالتها شجن بدموع نزلت غصب عنها
بتذم رزان شفايفها بتأثر
يادي النيله
يابنتي انتي هتخليني معاكي
هييييييح ربنا يخليكم لبعض ياقلب اختك ويسعدكم دايما يارب
رزان
اعملي حسابك بقي لو طلعت بنت هتسميها رزان
ولو ولد طبعا انتي عارفه هيييح قاسم
شجن بمرح
لو بنت هسميها رزان فعلا عشان انتي حقيقي
غاليه عندي اوي
لاكن بقي لو ولد هسميه سيف وبس
رزان بتذمر طفولي
بقي كده يا شجن ماشي
بكره انا كمان هجيب بيبي ومش هسميه غير قاسم وبس
حتي لو جيبت عشره هسميهم قاسم
بس بابا يرجع بالسلامه وتتفك عقدتي هههههه
شجن
يارب ياحبيبتي
شردت رزان بشماته
انا متخيله كده شكل جومانه لوعرفت بحملك اكيد هترمي نفسها من الشباك ههههه
شجن
وهي هتعرف منين
يخربيت سيرتها السوده دي قلبي بينقبض اول ما بسمع اسمها والله يارزان
اخر رساله وصلتلي منها وانا بأنب نفسي عشان زعلت
سيف
رزان بتهدئه
انا فهماكي يا حبيبتي وعارفه انتي بتحبي قد ايه سيف
وبتثقي فيه وبعدين انتي عندك حق فعلا مش عايزين
نجيب سيرتها
المهم تفتكري يا شجن هيجي اليوم عليا وافرح كده
لما اجيب بيبي انا وقاسم
شجن بسعاده
طبعا ياحبيبتي ان شاءالله ربنا يرجع باباكي بالسلامه
ونعملكم فرح كبير قد الدنيا انتي وقاسم
ويرزقك ببيبي انتي كمان زيي والعيال يلعبوا مع بعض
ههههه
كملت شجن بحالميه
رزان هو انا كده اوڤر لما قولت لسيف اني عايزة احس
اني مامي وانزل اشتري حاجات البيبي
اصلي بجد فرحانه اوي ومش قادره استني
رزان بحماس
لا طبعا بس مش تعرفي الاول نوع البيبي الاول
شجن
بصي بقي انتي خلاص بقيتي اختي
انا تقريباً كده مش بصرف اي فلوس بيدهالي سيف
حاسه بقي ان جيه وقت التيذير وهنزل اشتري من
كل حاجه واحده اذا كانت بناتي ولا ولادي
ضحكت رزان عليها
بعد وقت مشيت شجن مع سيف للدكتورة الخاصه
بيها
في المستشفى
كانت قاعده الدكتوره وقدامها شجن علي سرير الكشف
تتلفت حولها ببعض التوتر
فهي اول مره تجرب مشاعرها دي
وسيف كان بيبتسم بسعاده وهو يلتفت حول صور الاطفال وهو بيغمض عينه براحه
واخيرا بعد طول انتظار هيتحقق حلمه
بصتلها الدكتورة ببتسامه
ماشاءالله يا مدام شجن انا شايفه كيسين
مبروك انتي حامل في تؤام
بصتلها شجن وحطت ايدها علي بوقها بصدمه وفرحه
استقبل سيف الخبر وخبط علي المكتب من شدة سعادته
التي لا توصف
وخد شجن في حضنه يعتصرها بين ايده بقوة ناسي حملها بالمره
سيف بعدم تصديق ودموع
سامعه ياشجن بتقول ايه
انتي حامل في تؤام يعني هيكون عندي طفلين مش واحد
يااارب حقيقي مش قادر اصدق قلبي هيوقف
من فرحته
الحمدلله يارب
اخذت شجن تمسح دموعها متاثره بسيف
بصتلهم الدكتورة باستغراب ظننا منها ان هما بقالهم بفتره طويله متجوزين
الدكتورة
هو انتو متجوزين بقالكم قد ايه
بصلها سيف بعفويه
يااااه ده احنا متجوزين بقالنا شهرين
ضحكت الدكتورة عليه
شهرين بس
سيف بعفوية
اصل انتي متعرفيش انا تعبت ازاي عشان يحصل الحمل ده
فتحت الدكتورة بوقها بذهول من صراحته
بصتله شجن بتوبيخ وخجل
ايه الي انت بتقوله ده
يخربيتك الدكتورة متعرفش ماضيك هتفكرك بتقول حاجات قليله الادب زيك
انفجر سيف من الضحك عليها
طب ما تفهم غلط
وكزته شجن في بطنه وهي بتبص للدكتوره بحرج
اما هي فكانت تقسم بأنها اول مره تري زوجين بهذه
اللطافه
الدكتوره
طبعا عايزين راحه المدام وممنوع اي مجهود
عشان الحمل اول تلات شهور بيبقي ضعيف
تنامي علي ضهرهك طول التلات شهور دول ما يعدو بالسلامه ان شاءالله
وحضرتك كمان ضعيفه شويه
بصلها سيف بهتمام
يعني في خطوره عليها كده
نفت الدكتورة
لا مفيش اي قلق دي حاجه عاديه خالص متقلقش
احنا بس بناخد حذرنا
سيف
مفهوم
مدت ايدها بورقه العلاج
و دي شويه فيتامينات تاخده قبل الاكل
بعد فتره من المناقاشات غادر سيف وشجن..
شجن وهي بتحط ايدها علي بطنها من كتر الضحك
وهي بتكلمه بصوت واطي
اقسم بالله هتموتني دلوقتي ايه اللي عملته جوا ده
ده انت خليت منظرنا زبالة اوي جوا
سيف بتذمر طفولي وهو بيعض علي شفايفه بغيظ
بقولك ايه باين علي الدكتورة دي انها حماره ومش بتفهم حاجه انا هوديكي عن واحده تانيه احسن
ضحكت شجن عليه وعلي طفولته
سيف ياحبيبي دي هرمونات الحمل بس دي المفروض تجيلي انا مش انت حصلك ايه بس..
بصت حوليها بتلاقي كل الستات اللي قاعدين بيبصوله باعجاب واضح شعللت نار الغيرة جواها
سيييفو
قالتها بدلع
سيف بعشق وتاثر
قلبه
شيلني
قالتها ببراءة
بصلها سيف بشك وحماس و وقاحه
صدقتيني لما قولتلك ان الدكتوره دي حماره ومش
بتفهم خليكي معايا انا بس وانتي هتكسبي
غمزلها بعينه وحملها وسط نظرات النساء الذين كانوا ينظرون لها بحالميه
شجن بصراخ مضحك
يخربيتك مش قصدي كده انا قصدي تشلني لحد العربيه
دماغك دي متركبه غلط
ضحك سيف عليها وخدها للعربيه
في منزل جومانه
ايييييييه حااااااامل
قالتها جومانه بصراخ عندما علمت بخبر حمل شجن من
امنه بنت الفت الشغاله
امنه بحقد
ايوة يا مدام جومانه حامل مقولكيش بقي علي سيف
بيه والي عامله وفرحته ده هيتجنن وصرف لكل اللي
شغالين مكافأة ده غير الدبايح لد دلوقتي دا بح 8 عجول وبيفرقهم علي الغلابه ولا الهيصه اللي هنا
جومانه بصراخ
دلوقتي بس عرفت ليه مكانتش بتحكيلو علي اللي كنت بعمله معاها طلعت مش سهله
ماهي طبعا حملت منه وحطت رجليها خلاص
وانا عارفه سيف كويس هيتجنن علي طفل من زمان
زمانه هيغرقها هدايا واملاكه انا عارفه ايده سايبه
ساره سكرتيره سيف
واحنا كمان عملنا كده في الشركه ومشي علي طول مدخلش مكتبه حتي
وكان بيضحك ويهزر مع الموظفين انهارده والفرحه مش سيعاه
جومانه
لما تروحي بكره الشركه يا سارة تعرفيلي اي حاجه بتحصل هنا
وانتي يا امنه فتحي عينك وركزي معاهم
سارة وامنه
حاضر يا مدام جومانه
اتفضلوا دلوقتي وخدوا دول
جاؤ ان يذهبوا
جومانه
استني انتي يا امنه عايزاكي انتي
سارة بحرج
تمام هستأذن انا عن اذنكم
بعد ما مشيت سارة طلعت جومانه مبلغ كبير وادته لـ امنه
خدتهم امنه بطمع وهي بتقلب فيهم
جومانه بتحذير
ركزي معايا كويس انا عايزاكي تعملي...........
وقالتلها تحت ذهول امنه
امنه برفض
لا انا مقدرش اعمل حاجه زي كده ده انا كنت انا وامي
روحنا في داهيه
اطلبي مني اي حاجه الا كده ابوس ايدك
جومانه بقناع
متخفيش يا امنه محدش هيعرف باللي طلبته منك ده
ومهما يحصل محدش هيشك لا فيكي ولا في امك
وهيكون سر بيني وبينك ولو نفذتي الي هطلبه منك بالحرف الواحد هديكي قد دول خمس مرات
هاااا قولتي ايه
امنه بطمع
يعني اكيد محدش هيعرف
جومانه بتأكيد
طبعا هو انا هضرك يعني انا وانتي في نفس المركب ولو حد فينا وقع الكل هيغرق
امنه بطمع
انا موافقه خلاص
جومانه
دلوقتي روحي ومتقزليش لسارة علي الي حصل دلوقتي
وانا هكلمك وهقولك تنفذي امتي
بعد وقت طويل كانت امنه في المطبخ تغسل الاطباق
دخلت عليها شجن وهي حامله بعض الحقائب وعلي وشها ابتسامه مشرقه
ازيك يا امنه عامله ايه
امنه ببتسامه مصطنعه
الحمدلله
مبروك يامدام شجن
شجن بحب وسعادة
الله يبارك فيكي ياحبيبتي وبعدين ايه مدام شجن دي احنا من سن بعض قوليلي شجن بس وانا مش بحب
الالقاب
قالتها شجن بطيبه ولم تعلم خبايا هذه الحقوده
امنه
عنيا حاضر
مدت شجن ايدها بشنطه
اتفضلي بقي ياستي دي هديه بسيطه بمناسبه البيبي انا جبتلك زي ما جبت لرزان بالظبط
امنه بطمع
ليا انا شكرا يا شجن
شجن بطيبه
علي ايه ياحبيبتي احنا اخوات
بعد ما خرجت شجن من المطبخ فتحت امنه الشنطه كان طقم خروج رائع ذات ماركه عالميه
امنه بجشع
وهتلعب معاكي يابت يا امنه وتقبي علي وش الدنيا بقي بدل الفقر اللي احنا فيه ده
بعد مرور يومين
في القصر
كانت تجلس شجن وقدامها عدد كبير من الاكل وكانت بتاكلها بشراهه
كان يجلس سيف بيبصلها بذهول بعد ان انهت 3 سندوتشات شاورما بعدتهم قليلاً وهي بتتنهد بتعب
من كثرة الاكل ثم اخدت قطعه كيك واخدت تتناولها
بشراهه واستمتاع
بعد ان انهتها مدت ايدها علي علبه البيتزا الموضوعه
امامها لاكن قبل ما تمسكها كان سيف مسك ايدها
وهو بيبصلها بذهول
ايييه يا حبيبي في ايه انتي اكلتي 3 سندوتشات شاورما غير الكيك وقبلها كانت حله محشي
انا عايز اعرف بس بتوديهم فين
رفع حاجبه بتسليه لما شافها بتلعق صوابعها زي الاطفال
عضت علي شفايفها بخجل
وقالت بكدب وتوتر
انا مأكلتش حاجه يا سيف دوووول هماا اللي بياكلو
الاكل مني مش انا
ميل راسه سيف ليها بشك
هزت رأسها بتاكد علي كلامه
اه صدقني
انا صحيت من النوم لقيت نفسي بتوحم علي شاورما
فطبعا لازم اكلهم عشان ولادنا ميطلعش ليهم وحمه
وبعد شوية يعني لقيت البيبي التاني كان نفسه في حتة
كيك فلازم اكلة عشان ميزعلش ويبقي هو واخوه زي بعض
كملت بحزن وبراءة
لاكن انا مأكلتش حاجه من الصبح
فقولت لازم اجيب علبه البيتزا دي ليا عشان انا جعانه اوي يا سييييف ماتسبها بقي
ولا انت من أولها بقي هتستخصر فيا الاكل اللي بأكله لولادك
سيف بحب وذهول من طريقتها
ولادي لا طبعا دول حبايب قلب ابوهم هو انا كنت شوفتهم لسه
وبعدين انتي اهم عندي طبعاً بالهنا علي قلبك ياحبيبي
شجن بتلعثم
سيف ممكن قبل ما ناكل علبة البيتزا الجميلة دي تجبلي عصير مانجا اصل نفسي فيها اوي
سيف بحب
انت تؤمر ياجميل
احلي كوبايه عصير مانجا لاحلي شجن في الدنيا
سابها سيف 5 دقايق بالظبط طلب من امنه تحضرهالها
جابت امنه كاس العصير وادته لسيف وهو اخده ودخل الاوضه
فتح عينه بصدمه ومش مصدق
فكانت شجن اكلت علبة البيتزا كلها
انفجر سيف في الضحك
كانت لسه شجن هتتكلم بس سابقها سيف وهو بيقولها
بضحك
عارف يختي اكيد ولاد الكلب دول اللي كلوها منك
هو انتي بتاكلي اصلا
بصتله شجن بغيظ وهو فضل يضحك عليها
في الشركه عند قاسم
كانت تجلس رزان جمب قاسم وعلي شفتيها ابتسامه سعيدة
شكرا اوي يا قاسم انك جبتني معاك الشغل
قالتها وهي بتطبع قبله رقيقه علي وجنتيه
تحسس قاسم مكان قبلتها بسعاده وبصلها بعمق
قاسم
اعمل فيكي ايه بس مبقتش قادر اتحمل بعدك عني ولا لحظه
انا بقيت زي التايهه من غيرك يا رزان
بقيت عايزك معايا في كل مكان اروحه
شوفي بقي يا ستي انا عايز اتكلم معاكي في موضوع مهم جدا
رفعت رزان عينها ليه بتبصله بإهتمام
جذبها قاسم ليه وجلس علي المنضده اللي جمب مكتبه
وجذبها ليه بخفه تجلس علي قدمه وايده محاوطه
وسطها
انا ياحبيبتي شايف انك مش منتبهه لدراستك خالص
ده انا حتي مشوفتكيش ولا مره ماسكه كتاب ولا حتي
بتطلبي مني انك تروحي جامعتك انا اه فعلا مكنتش
هوافق حاليا انك تروحي الجامعه عشان الظروف اللي
احنا فيها دي بس كنتي علي الاقل تطلبي مني
والكلام ده مش ماشي معايا انا عايز بنوتي تبقي شاطره
وتهتم بمذاكرتها فـ علي الاقل ذاكري في البيت
عضت رزان علي شفايفها بخجل فهي حقا تعلم انها اهملت دراستها بسبب اهتمامها بقاسم
بصتله رزان ببراءة الاطفال
بصراحه كده يا قاسم انا كنت بذاكر قبل ما نتجوز وكنت بهتم بيها اوي عشان بحبها بس من ساعت ما اتجوزنا
وانا مبقتش مركزة خالص ده انا حتي معرفش هما وصلوا لحد فين
شدد قاسم من احتضانها ليه وهو بيقولها بحنان وبيقبل شفيفها قبله خفيفه
انا ياعمري جبتلك كل محاضراتك خليت كل دكتور يعملك ملخص حلو والامتحانات مش هتخرج منه ان شاءالله وانا ياستي بنفسي الي هذاكرلك
ارتسمت ابتسامه عاشقه فور سمعها لكلامه كم هي تعشقه وفرحت بإهتمامه بيها
شددت رزان علي احتضانه بتملك وجنون
تسلملي عيونك ياحبيبي
وموافقه طالما هتكون جمبي
قبلها قاسم اعلي شعرها
وفي حاجه كمان دكتور كاظم هيجي قريب
رزان بسعاده
بجد يا قاسم
بابا هيجي ده احلي خبر سمعته انا هتجنن عليه يا قاسم مش هتتخيل قد ايه هو وحشني
لم يشعر قاسم لما تخلله شعور بالغضب والغيرة الشديده
من سعادتها لرؤية والدها قبلها علي شفتيها قبله عنيه
بعد ونفخ بغضب وهو بيقولها بغيرة
ايوة طبعا يا حبيبتي ما انا عارف انك فرحانه
عشان لما يجي نتجوز قدام العالم كله ونعيش
زي اي اتنين متجوزين وتبقي ملكي العمر كله
بصلها بصه الصقر وبغيرة قالها
مش ده برضو سبب فرحتك يا حبيبي
رفعت وجهها ليه وبصتله بعمق وقد شعرت بتشنج فكيه
وبمكر قالتله
لاااا مش ده السبب
انا اصلا بابا وحشني اوي ونفسي اشوفه عشان دي اول مره يغيب عني كده وانا بجد افتقدته اوي
فتح قاسم عينه علي وسعها بغيرة شديده قبل ان يستعد للهجوم عليها
ليجدها تحرك عينها ببراءة وتتنهد بصوت مسموع وهي بتحط راسها علي قلبه
انا فعلا بابا وحشني لان هو ليا الاب والام لاكن حبك انت في قلبي حاجه تانيه
حب بيخليني عاجزه حتي اني اعمله حدود
انت بالنسبالي الهوا اللي بتنفسه
انا قلبي بينبض عشانك انت وبس
جذبها قاسم لاحضانه يعتصرها بين ذراعيه وهو يقبل كل انش في وجهها بلهفه وشوق وهو بيقولها بمرح
تعرفي لحقتي نفسك بالكلمتين دول
فعلا كنت هزعلك وانا زعلي وحش اوووووي
انا بجد مش عارف انا زعلت ليه لما قولتي انه وحشك
مع ان دي حاجه طبيعيه
بس انا بغير عليكي من كل حاجه حتي عيوني اللي بتشوفك بيها دي بغير من ايدي اللي بتلمسك
انا فعلا بقيييييت مهوووووس بيكيييي
خرجها من حضنه وهو يقبل كل انش بها
قوليلي انك ملكي انا بس وانك بتحبيني لوحدي
قولي انا محتاج اسمعها منك دلوقتي في اللحظه دي
اما رزان تحدثت بكل عشق ولهفه
انا ملكك يا قاسم ملكك انت وبس انا بحبك اوي اوي
بحبك انت لوحدك
لتتسع ابتسامة قاسم وهو يشعر بالاكتمال فهو حقاً يشعر بالنقص من عدم اكتمال زواجهم
استمعوا الي طرقات الباب ليتأفف قاسم بغضب
جاءت رزان تقف من علي قدميه شدد قاسم يده عليها بتملك وهو ضاغط عليها بقوه
دخلت السكرتيره لتتفاجئ برئيس عملها يحمل زوجته علي قدميه حمحمت بحرج ورزان بتبصلها بخجل
احم مستر قاسم دي الاسعار النهائيه اللي طبعها رئيس قسم الحسابات و ده السعر السوقي
حطتهم علي مكتبه وخرجت بسرعه
لفت رزان لقاسم وبصتله بذهول
انت ازاي تعمل كده انت خليت شكلي وحش اوي قدامها
وفي الشركه كمان
انا زعلانه منك اوي علي فكره
بصلها قاسم بغضب وهو بيجز علي سنانه بقوة
انتي هتتجنني ولا ايه انتي مراتي فاهمه يعني ايه مراتي
و دي شركتي واعمل اللي انا عايزة ومحدش يقدر يتكلم
الكل عارف اني كاتب عليكي
انا مش بنعمل حاجه غلط او حرام انتي مراتي علي سنه الله ورسوله
رزان بتشتت
انا اسفه يا قاسم حقك عليا بس انا اتكسفت لما السكريرة دخلت وشافتني كده
جذبها قاسم لاحضانه بعشق
انا مش زعلان ياروحي
بعد وقت
قاسم
عندنا اجتماع دلوقتي تحبي تقعدي تذاكري ولا تيجي تحضريه معايا
قالها قاسم بحماس
لتصيبه رزان باحباط
لا انا قعد اذاكر انا مش بحب جو الاجتماعات ده بتخنق منها روح انت
ضحك قاسم بصوت عالي
ايه الاحراج ده وانا اللي كنت مفكرك ما هتصدقي وتقوليلي انا هحضر معاك يا حبيبي
ضحكت رزان عليه
قاسم
هتوحشيني لحد ما اخلص الاجتماع خلي بالك من نفسك وعلي الله تتحركي من هنا مفهووووم ياقلبي
بصلها مره اخيرة
ما تفكري وتعالي معايا
رزان برفض
متقلقش عليا ركز انت بس في شغلك
قبل راسها بحب وذهب لاوضه الاجتماع
في مكتب سيف
دخلت عليه سارة
مستر سيف مدام جومانه بره بقالها ساعه
تأفف سيف بغضب ونفور من ذكر اسمها امامه
طب خليها تتهبب تدخل
دخلت جومانه بوجهها الحاقد حاولت انها تداريه
كده برضو يا سيف تسبني بره ساعه ومش عايز تقابلني
سيف بغضب ونفور
انتي معندكيش دم ليه عايز اعرف هو انتي بقيتي تحبي
تسمعي اهانتي ليكي خلي عندك كرامه بقي ومتورنيش
خلقتك دي تاني انا بكرههههك
غمضت جومانه عينها بقهر وهي تسمع كلامه ليها الجارح
وانا حاولت صدقني ياسيف حاولت ومش قادره انا بحبك مبقتش قادره علي بعدك اكـ......
قاطعها سيف ومسك ايدها بكل عنف وقسوة
كفايه كدب بقي انتي ايه الكدب الخداع الي بيجرو في دمك ده انتي فكراني عيل صغير عشان اصدقك مش كده
جومانه ببكاء
طب انا جايه اقولك كلمتين ومش هتشوف وشي تاني
تأفف سيف وصدره يعلو ويهبط بانفعال
اتهببي يلاا عشان انا مش فاضيلك ولو لمحت خلقتك دي تاني لهكون دافنك بإيدي المره الجايه
جومانه بتوتر
كنت عايزة اقولك اني عايزاك ترجعلي ومش مشكله مطلقش مراتك موافقه تبقي موجوده
وموافقه اني اخلف واجبلك الولد اللي نفسك فيه
قاطعها سيف
بجد موافقه تخلفي ومراتي علي ذمتي
يتبع.
هو سيف اتجنن ولا اية يا جماعه؟!
رأيكم سيف ممكن يكون رد كده ليه؟!
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
الفصل الحادي عشر والثاني عشر والثالث عشر من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق