رواية حب بلا حدود الفصل الخامس والسادس بقلم الكاتبه مريم وليد حصريه وجديده
في صباح يوم جديد
صحيت شجن وقامت بعمل روتينها اليومي بعد دقايق خرجت وهي بتدور علي مامتها بتلاقيها في المطبخ
ايمان
بسم الله ماشاءالله يعني صحيتي لوحدك ولبستي كمان ده ايه الهنا ده هي القيامه هتقوم وانا معرفش الله يرحم ابو ورده اللي مكنتيش بتعرفي تبدأي يومك غير بيه
ولا الحقونااي بغراااق
قضمت شجن قطعه خيار بغيظ
يوووه بقي يا ماما هو مفيش حاجه أبداً اعملها بتعجبك ده انا حتي بطلت الروايات وبصحي لوحدي اهو عايزة ايه تاني
ده انا قولت اريحك يا ايمي شوفتي انا بحبك ازاي
مسكت امها اذنها بخفه
وانا اللي قولت البت اتغيرت وهتقولي ايوة يا مامتي يا حبيبتي انا بصحي لوحدي عشان اشوف شغلي
اقول عليكي ايه وانتي فيكي كل العبر
و هوبااااا كان ابو ورده في وشها
في المكتب عند سيف كان خارج من مكتبه ليجد الجميع مستعد للمغادرة وتوجه اليها
 |
كانت تجلس وتشرب كوب من النسكافيه بتلذذ واضعه في اذنها احدي السماعات
وهي تدندن احدي الاغاني بصوتها العذب وهي مركزه في اللابتوب بتاعها
قرب منها بخطوات خافته عكس مشاعره
سيف
علي فكره معاد الشغل انتهي
قالها وهو بيبصلها بهيام.
انتفضت شجن بخفه ونزعت السماعه
اسفه مأخدتش بالي ان حضرتك دخلت
قالتها بحرج
سيف
اخبار الشغل معاكي ايه
شجن
كويس جدا
سيف بمدح
مدام مروة بتشكر في شغلك جدا وبتقول انك اشطر من زمايلك ومميزه لا براڤوااا
شجن بتأكيد
انا كنت بتمني الفرصه دي من بدري وكان نفسي اشتغل عشان بحب مجالي جداً
سيف بمرح
طب بالنسبه لصاحب الشركه الشرير القاسي اللي كنتي خايفه ينتقم منك بذمتك مش طلع راجل طيب
غمز لها بمشاكسه
لتضحك شجن بصوت ناعم
عندك حق طلع راجل طيب جدا بس انا اللي كنت خايفه بس كله زي الفل
سيف بمشاكسه ومرح
طيب لو زعلك تعالي قوليلي وانا هجبلك حقك اتفقنا
شجن بخجل
اتفقنا
ضحكت ونزلت رأسها الي اسفل بخجل من نظراته بينما هبطت خصله ناعمه من شعرها علي عينها
قرب منا ببطء وكأنه مغيب
كل خطوة يخطيها بترجع هي للخلف
شجن بتوتر
علي فكره انـ
رفع سيف حاجبه بتسليه علي توترها
انا ايه
ثم لف خصلتها بين اصابعه ويستنشق رائحتها بأستمتاع
تعرفي ان عنيكي فيها حاجه بتجذبني كأنها بتسحرني كل ما ببص فيها بحس اني عايز ابصلها علي طول
اشاحت شجن وجهها عنه الذي احمر من الخجل
علي فكره انت بتوترني لما بتقرب كده
قالتها بتلعثم وهي بتفرك في ايدها
سيف
صدقيني انا نفسي مش عارف لما بشوفك بتصرف كده ليه فيكي حاجه غريبه بتجذبني وبتخليني احس اني عايز اقرب اكتر
رفعت شجن وجها له وهي بتبصله ومش مصدقه كلامه وهو بيبصلها في عيونها بعمق
سيف
هو ده فعلا اللي بيحصلي كل ما بشوفك بحس اني متلغبط وعايز اشوفك قدامي علي طول ومتبعديش عني
سكت للحظه وهو يشعر بتخبط في افكاره
اما شجن كان قلبها بيدق بعنف وارتبكت ومكانتش عارفه ترد ولا تعمل ايه
لتتراجع وتهرب كعادتها
الوقت اتأخر انا لازم اروح عن اذنك
قالتها واخدت شنطتها وطلعت تجري
مما جعل سيف يضحك عليها
مش هتقدري تهربي من تاني يا شجنيييي
في قصر المنياوي
كانت الحديقه متزينه بشكل يخطف الانفاس من الاشجار والزهور الملتفه حول الأنوار التي تمتلئ المكان والطاولات اللي عليها مفرش حرير ابيض منثور عليه ورود
كان قاسم يرتدي بدله باللون الاسود ومصفف خصلاته السوداء بطريقه جذابه
يقف مع بعض رجال الأعمال وبجانبه سيف يستقبلون المدعوين بحفاوة
قاسم
ايه ماسورة المزز اللي انفجرت في ام الحفله دي يا جدع
سيف بتوبيخ
اخرس يا زفت وركز في اللي احنا فيه الوفد الايطالي علي وصول عايزك تركز كويس
عقد قاسم حاجبيه بإندهاش من تلك الواقفه بعيداً تلتفت يمين ويسار وباين عليها التوتر
وما ان وقع بنظره عليها احبست انفاسه في صدره بذهول من الملاك الي قدامه بوجهها الابيض وجنتيها الممتلئه وعينها الزرقاء
كانت ترتدي فستان اسود قصير عليه طبقه من الشيفون طويله مما ظهرت جمال ساقيها وحذائها العالي
قرب منها ببطء وكأنه مغيب وعينه متشالتش من عليها
بينما هي اتنهدت براحه واتسعت ابتسامتها عندما رأته وأخيراً تحقق حلمها
فهي عاشقه له واكبر احلامها فقط ان تراه معذب قلبها
وقف قاسم قدامها ومد ايده لكي يصافحها
قاسم المنياوي
مدت يدها الصغير الناعمه
رزان
قالتها بخجل
كان قريب منها جدا وهي رجعت لورا اتكعبلت في طرف فستانها وكانت هتوقع لولا يده اللي مسكتها من خصرها
رزان بدلال غير مقصود
قاااسم
لينظر قاسم بعمق في عينها
قلب قاسم ودنيته
قالها ولم يعرف كيف خرجت تلك الحروف من بين شفتيه
سألها باستغراب
انتي مين انا حاسس ان في حاجه غريبه بتحصلي قلبي اتحرك من مكانه من ساعت ما شوفتك انا مذهول بجد
رفعت رزان وجهها تنظر له بعيونها الزرقاء وعينها قد اغرقت من الدموع
تعلق نظراتهم ببعض للحظات فقط
انتفضو كلاهما وابتعدو عن بعض
قاسم الوفد الايطالي وصل
استدار كلاهما لمصدر الصوت كان سيف
وما ان انهي حديثه واستدار لكي يراها مجدداً
لكن لم يجدها ليجن جنونه وظل يبحث عنها في جميع اركان المكان كالضائع
شد شعره بغيظ للخلف
الله يخربيتك يا سيف كان لازم تنادي عليا يعني دلوقتي بس انا حتي معرفش غير اسمها ر ز ا ن
قالها ببطئ وهو بيتذوق حلاوة اسمها
بعد انتهاء الحفله
خرج قاسم من اوضته بعد انتهائه من الاستحمام ارتدي ملابس بيتيه مريحه وارتمي علي سريره
انا مش عارف ازاي بس افكر في واحده بالشكل ده لمجرد اني شوفتها انا لازم اقلب عليها البلد كلها
اااااه بس لو اعرف انتي مين وطلعتيلي منين
الفصل السادس
في صباح يوم جديد صحيت رزان من نومها هي اصلا منامتش طول الليل عقلها معلق لما حدث كم كانت تتمني ان تلتقي به منذ اربع سنوات وهي تعشقه لم تسمح لها الفرصه ان رغم محاولاتها الفاشله ان تلتقي به لو لمره واحده واصبح كما تسميه عشقها المستحيل
عضت علي شفتيها بخجل عندما تذكرت نفسها وهي تهمس بأسمه وكانت قريبه منه
كم تمنت ان يشعر بقلبها الذي ينبض من اجله فقط
شعرت بقلبها ينجذب منها
اااااه لو تحس بيا وتعرف انا بحبك قد ايه لا انا بعشقك انا عديت المرحله دي من زمان
في قصر المنياوي
كان يجلس الجميع علي طاولة الطعام يستقبلون المنياوي الذي وصل من الخارج
مصطفى
حمدلله على سلامتك يا بابا
المنياوي
الله يسلمك يابني
فاطمه بسعاده
القصر والله كان وحش من غيرك ياعمي البيت نور برجوعك لينا بالسلامه
المنياوي بسعاده وحنان
ده نورك يابنتي البيت منور بيكم ربنا يباركلي فيكم
وجهه كلامه لسيف وقاسم
مبروك يا ولاد علي الصفقه تعتبر اكبر صفقه علي مدار السنيين بس البركه فيكم ربنا يوفقكم
سيف بمرح
الله يبارك فيك يا جدي احنا جامدين ومسيطرين علي الاخر
ضحكوا كلهم علي الاخر
اما قاسم فكان عقله في مكان تاني
فاطمه بإستغراب
مالك ياقاسم فيك ايه يابني مش بتفطر ليه وطبقك زي ما هو انت تعبان
قاسم
هااا لا أبداً يا ماما انا كويس بس يمكن عشان منمتش كويس امبارح
قام وقف ولبس جاكيت بدلته
استأذن انا يا جماعه سلام
سابهم ومشي
مصطفى
سيف كنت عايزك تشوفلي محاسب شاطر وكويس يمسك حسابات فندك الغردقه لان المحاسب اللي ساب الشغل بس يكون محل ثقه وامين
سيف
حاضر يا عمي أول ما اوصل الشركه هختارلك محاسب وابعته ليك
اما عند قاسم خرج للحارس بتاع الجنينه
قاسم
عايز تسجيلات بتاعت حفله امبارح
اشرف (الحارس)
اسف يا قاسم بيه بس الكاميرات كان فيها مشكله ومشتغلتش غير انهارده الصبح
اما قاسم اول ما سمع كده جن جنونه حرفيا وقال بصوت عالي
انتو اااااييه شويه اغبيه مش عارفين تشوفو شغلكم يعني ايه يوم مهم زي ده والكاميرات متبقاش شغاله
سمعت العيله كلها صوته وخرجت تشوف في ايه
سيف
في ايه يا قاسم بتزعق كده ليه
مصطفي والمنياوي
في ايه يابني مالك بس
قاسم بغضب
شويه بهايم شغالين هنا بقولهم فين تسجيلات الكاميرات بتاعت امبارح يقولولي كانت متعطله امبارح
مصطفى بحزم
خلاص يا قاسم اهدي انا هتصرف
قاسم
بقولك الكاميرات كانت متعطله
سيف بإستغراب
طب وانت عايزها ليه في حاجه حصلت امبارح ولا ايه اللي حصل مش فاهم
قاسم بعصبيه
يوووووه خلاص يا سيف متشغلش بالك سلام د
وسابه وركب عربيته بغضب ونار مولعه في قلبه
اوصلك فين بس يا رزان ده انا كنت بحلم يطلع امتي النهار عشان اعرفلك طريق من الكاميرات ده ايه الحظ المهبب ده
بس مش هيأس برضو وهقلب عليكي الدنيا لحد ما اشوفك تاني مش قادر انسي عنيكي ونظراتها فيها حاجه انا مش فاهمها دي مش معقول تكون نظرات اول مره تشوف واحد فيها
شكلك اتجنن يا قاسم ولا ايه علي اخر الزمن بقيت بتكلم نفسك
في شركه المنياوي
كانت شجن قاعده وجمبها مروة المسؤله عن تدريبها
بتشرحلها طرق جديده للشغل وشجن بتابعها بتركيز
مروة
تعرفي يا شجن انتي فعلا شاطره و ذكيه جدا ماشاءالله عندك استجابه للشغل بطريقه مش عاديه انا كنت مسؤله كتير عن طلاب زيك بس بجد برافوا عليكي
شجن بخجل
شكرا بس انتي كمان بتشرحيلي كويس اوي عشان كده بفهم بسرعه
مروة
تعرفي ان من اول يوم شوفتك فيه وانا حساكي مميزة برغم من ان تقديراتكم كلكم عاليه بس انتي تفوقتي عليهم وكمان طريقتك مع اللغات عاليه جدا
شجن
انا كنت كل اجازة باخد كورس في لغه غير التانيه
مروة
انتي عارفه طبعا ان مش كلكم هتتعينو هنا بعد فتره التدريب طالب واحد بس اللي هنختاره يكون هنا وانا اللي بختار اكفأ واحد وانا بكتب تقرير عنه وبقدمه لمستر سيف وانا بطمنك انك احسن واحده تستاهل انها تبقي هنا
شجن بسعاده
بجد ربنا يخليكي مش قادرة اوصفلك فرحتي دلوقتي ازاي
مروة
العفو ياحبيبتي انا هروح ابعت الورق لمستر سيف
بعد وقت دخل فارس المكتب
فارس
شجن انا جبتلك نسكافيه معايا
شجن بقتضاب
شكرا لسه شاربه من شويه
تأفّف فارس
ممكن اعرف لحد امتي هتفضلي تتجاهليني بالطريقه دي انا بحبك يا شجن وعايز ارتبط بيكي صدقيني بجد بحبك اعمل ايه تاني عشان اثبتلك ده
شجن بغضب
اظن ردي وصلك قبل كده وقولتلك ميت مره انا مش بفكر في الارتباط ياريت بقي دلوقتي تكون فهمت وابعد عني بقي
بصلها فارس بغضب وجن جنونه ومسكها من ايدها بقوه وقربها منه
وانا مش هبعد عنك فـ الاحسن ليكي انك تقبلي لاني مش هسيبك انتي ملكي ومن اول يوم شوفتك فيه
هزها من دراعها بعنف وهي بتحاول تبعد عنه وهي في حاله غضب
ابعد ايدك عني يا حيوان مش عايزاك هي عافيه
وهو قربها منه اكتر ومراعاش حالة الانهيار اللي هي فيها
اخرسي مش عايز اسمعك بتقولي ابعد عنك مره تانيه
هزها بعنف اكتر
ساااااااامعه انتي ليا انا وبس
انا صبرت عليكي كتير بس خلاص معدتش قادر اتحمل اكتر من كـ.....
مكملش كلمته ووقع علي الارض بسبب لكمه سيف ليه
سيف بغضب
يابن الـ.....
ثم سحبه من قميصه وفارس مش قادر يوقف علي رجليه
سيف وهو بيضربه
عارف يا ابن الـ....... لو لمحتك بتتعرضلها تاني هعمل فيك ايه ورحمه ابويا ادفنك مكانك
ثم سدد له عدة لكمات متتاليه جعلت انفه وبوقه ينزف
اتجمع كل الموظفين وهما في حاله صدمه من عنف سيف مع فارس اللي اصلا قدام جسم وقوة سيف ميجيش فيه حاجه
قاسم وهو بيحاول يبعده عنه خلاص هيموت في ايده
اهدي يا سيف الواد هيموت في ايدك
سيف بغضب
ابعد ايه ده حيوان عايز يتربي
ثم نادم علي احدي رجال الامن
خدو الزباله ده وارموه في الشارع
اما شجن فكانت في حالة انهيار تام مكانتش عارفه تتنفس من كتر عياطها وشهقاتها اللي زي الاطفال
واحتضنتها مروة وهي بتحاول تهديها
اهدي ياحبيبتي متخفيش انا معاكي
قاطعها سيف بصراخ
انا عايز اعرف ايه اللي حصل
مروة بتسرع
والله يا مستر سيف انا كنت بشوفه بيحاول يكلمها علي طول وهي وهي بتديله اي اهتمام ده غير.....
قاطعها بغضب
انا عارف ده كويس
وراح لشجن وسحبها من ايدها وجرها وراه لمكتبه
غير مهتم بهمهمات الموظفين
وهي بتمشي وراه بخوف وقلبها خلاص هيقف من الرعب
شهقت لما ركل باب المكتب حتي كاد ان ينكسر
دخل بيها وهو صدره طالع نازل من شده غضبه وانفعاله
ساب ايدها بهدوء عكس الغيرة والنار المولعه في قلبه
قلع جاكيت بدلته وفك كام زرار من قميصه وهو يشعر بالاختناق ورفع اكمام قميصه
اما شجن فكانت حرفيا هتموت من الرعب ومن شكله المخيف اللي اول مره تشوفه فيها كده
اما هو في حاله صمت بيبصلها بهدوء
فتحي عينك
قالها بحزم
وهي فتحتها بسرعه من غير ما تفكر حتي
سيف
ممكن اعرف ايه اللي حصل مع الزفت ده
بصتله شجن بتوتر
كـان عـايز
وحكتله كل حاجه من الاول
بينما هو ما ان لبث وسمع كلامها وارتفعت الدماء في عـروقه من نيران الغيره المولعه في جسمه
وقالها بصوت عالي
وليييييييييه مقولتلييييييييييش
شجن بحزن
مكنتش اعرف انه هيتمادي معايا لدرجه دي وخصوصاً من ساعت ما رفضته اكتر من مره
امممم مكنتيش تعرفي
قالها بهدوء مخيييف
وقالها بصوت اعلي
وحضرتك كنتي مستنيه اييييه من واحد زبالة دي ده غير اللي عمله سكوتك عليه اللي خلاه اتمادي معاكي بالشكل ده كان لازم تقوليلي عشان اعرف اربيه وميرفعش عينه في عينك تاني
كمل بتوعد
بس معلش ملحوقه احنا فيها
حاولت شجن التماسك وانها تدافع عن نفسها
انا سكت عشان مبحبش اعمل مشكله خصوصاً لو في مكان شغلي قدام الناس والموظفين تاخد عني فكره مش تمام
اخدت نفس وهي تحاول تهدي ارتجاف شفايفها
مكنتش اعرف ان الامور توصل لكده
ثم انفجرت في العياط قطع قلبه
بصلها بحزن
طيب اهدي خلاص متعيطيش
قالها بحنان علي عكس ما كان من شويه
سيف
شجن بصيلي
بصلها بنظره مفهمتهاش
انا اسف اني خوفتك مني بس صدقيني غصب عني لما شوفته قريب منك كده اتجننت ومحستش بنفسي كنت عايز اكسر دماغك وفي نفس الوقت اقتله بإيدي عشان ارتاح واطفي النار اللي قايده جواياا دي
شجن انا مش هنكر اعجابي بيكي من اول مره شوفتك فيها وانا جوايا مشاعر ليكي انا حتي مش قادر اصدق نفسي مكنتش مستوعب حصل امتي وازاي
النهارده بس اتأكدت انك جزء مني وان كل اللي كنت بحس بيه اني عايز اقول للناس كلها انك ليا انا ملك سيف المنياوي.
سكت لثواني
شجن انا بحبك
رفعت هي وشها ليه وبتبصله بذهول وصدمه ومش مصدقه
هز راسه ليها ييأكد صدمتها
اخد نفس عميق
تتجوزيني يا شجن
هي ضربات قلبها عليت ومش مصدقه اللي سمعته قلبها الضعيف مش متحمل
هزت راسها بموافقه وكأنها مغيبه هي لاول مره بتختبر مشاعر جديده عليها
نظراتهم كانت متعلقه ببعض لفتره
بعد فتره فاقت من سرحانها وبعدته بخفه ولفت بسرعه عشان تمشي
بس هو مسمحلهاش ومسك ايدها
وهمس في ودنها
مش هسيبك تهربي مني تاني يا شجن قبل ما اسمعها منك دلوقتي
اخدت شجن نفس عميق وقلبها بيدق بعنف
موافقه
كلماتها فرحته واظهر ابتسامه علي شفتيه برضا والسعاده لاول مره بتظهر علي وشه وشعر بها بتتغلغل جواه علي اديها
واتنهد براحه لما سمع موافقتها
في مبني المخابرات
كان يجلس اللواء ايمن وبجانبه المقدم مازن
اللواء ايمن
الموضوع مش سهل يا مازن مش عايز اي غلطه ولازم تعرف ان المنظمات اللي بالقوة دي هيكون في تابع ليهم اكتر من منظمه واكيد قريبين من الدكتور كاظم
مازن
متقلقش يا فندم دكتور كاظم متأمن كويس هو بنته حتي اللي شغالين في الفيلا رجالتنا قايمين بالواجب
اللواء ايمن
طيب انا برضو عايزك تزود عليهم حراسه اكتر الفتره اللي جايه
مازن
حاضر يافندم هنزود عليهم حراسه كمان
ايمن
عايز الموضوع يكون سري اكتر من اللازم حتي اقرب الناس ليك متعرفش
مازن
متقلقش يافندم احنا مأمنين نفسنا والكل كويس ومستعدين لاي حاجه ومنتظرين الدكتور كاظم لما ينتهي من عمليه البحث هنفذ علي طول
في منزل شجن
دخلت ايمان غرفه شجن بتلاقيها قاعده سرحانه بس باين عليها فرحانه
قعدت جمبها
ايمان
مقولتليش يا شجن موضوع ايه المهم اللي عايزة تكلميني فيه
فركت في ايدها بتوتر وخجل
مستر سيف عايز يتجوزني
ايمان بذهول
انتي بتتكلمي بجد يا شجن ولا بتهزري كالعادة
شجن
أبداً والله ياماما بتكلم بجد
وحكلتها كل اللي حصل انهارده
ايمان بإستغراب
يستاهل قليل الربايه ده تعرفي يا شجن مستر سيف ده باين عليه حبك والا مكنش غار عليكي وضرب الواد بالشكل ده
وانتي بقي يا شجن حاسه بإيه من ناحيته
شجن
بصراحه يا ماما انا فرحانه اوي ومش مصدقه اصلا انه عايز يتجوزني بس في نفس الوقت متوتره وخايفه ومش عارفه هو اختارني انا بالذات ليه انا مش من مستواه والف واحده تتمناه
فهماني يا ماما
ايمان
فهماكي يا حبيبتي وعادي تبقي متوتره وخايفه اي واحده بتفكر كده لاكن عايزاكي تفهمي متستقليش بنفسك انتي متعلمه وجميله ومحدش بيشوفك الا وبيعجب بيكي خلي راسك دايما مرفوعه لازم تقدري قيمه نفسك عشان محدش يستقل بيكي واللي فيه الخير يقدمه ربنا..
في قصر المنياوي
دخل سيف شاف عاصي يجلس وفاطمه بجانبه
سيف بسعاده
بما ان كلكم متعجمعين انا عايز اقولكم علي حاجه
انا قررت اتجوز
تفاجئ الجميع وبصوا لبعض بفرحه
فاطمه ببكاء وفرحه
الف مبروك يا حبيبي ربنا يكملك علي خير ويعوضك عن اللي شوفته في حياتك يارب
سيف بمشاكسه
طب بتعيطي ليه دلوقتي ارجع في كلامي دلوقتي حالا
فاطمه بإندفاع
لااااااا ترجع في كلامك ده ايه ده انا مصدقت
اندفع قاسم لاحتضانه
خيااااانه هتتجوز قبلي لاااااا
قالها يضحك
فاطمه
مقولتليش مين هي العروسه
قاسم بمكر
انا عارفها وتستاهل اللي انت عملته انهارده عشانها
سيف بغضب
اخرس يا زفت ايه تستاهل دي اتكلم عدل
قاسم بضحك بضحكه خليعه
اييه بتغيري يا بيضه
تفاجئ بلكمه من سيف في وجهه ليتأوة
وينتهي اليوم بسلام
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق