رواية حب بلا حدود الفصل الثالث والرابع بقلم الكاتبه مريم وليد حصريه وجديده

رواية حب بلا حدود الفصل الثالث والرابع بقلم الكاتبه مريم وليد حصريه وجديده

في صباح يوم جديد

دخلت شجن اوضه والدتها بصنيه الاكل

لتجد والدتها تنام بتعب شديد

حطت الصنيه علي السرير قدام والدتها

صباح الخير يا ماما سلامتك ياحبيبتي

ايمان وهي بتبص لشجن وعلي وجهها يظهر الحزن

تعالي ياقلب امك صباح الخير

ثم اكملت بمشاكسه فهي عارفه ان شجن حنونه ورقيقه ومش بتستحمل عليها حاجه.

لو كنت اعرف ان شويه البرد دول هيخلوكي تصحي لوحدك كنت تعبت من زمان

شجن بعتاب

بعد الشر عليكي يا ماما ربنا يخليكي ليا متقوليش كده تاني انتي عارفه انا مليش غيرك في الدنيا دي انا بحبك اوى يا ماما ومش بقدر اتحمل اشوفك تعبانه

قامت ايمان بأحتضانها

ويخليكي ليا ياحبيبتي انا كمان بحبك اوى احنا الاتنين ملناش غير بعض

شجن بمرح

ماما انا رايحه الجامعه وموبايلي مفتوح هههه لو جرالك حاجه بعد ما تاكلي الفطار اللي انا اخترعته ده ابقي كلميني انتي عارفه اني مش بعرف اسلق بيضه حتي ربنا يسترها عليكي بقي

لتضحك إيمان وهي تقلب في الصنيه وهي بتلاقي حاجات غريبه وبصت للبيض بإشمئزاز

هههههه يخربيت عقلك انتي عايزة تموتيني يابت ايه اللس انتي مهبباه ده ده بيض ولا كيكه دي مش مستويه حتي

ااااااه ياخبتك التقيله يا إيمان في بتك

لتضحك شجن

يعني انا غلطانه اني قولت افاجئك وبعدين انتي عارفه اني مليش في المطبخ

إيمان بحب

علي قلبي زي العسل ياحبيبتي كفايه انك حاولتي تعمليه عشاني

بعد فتره قليله كانت خرجت شجن وراحت لجامعتها

في الجماعه

بعد ما خلصت شجن محاضراتها ذهبت مع صديقتها شروق وذهبت الي المكان الذي قيد به اسمائهم في جدول التوزيع علي الشركات من اجل تدريبهم

فـ شجن الاولي علي دفعتها دايما وتم اختيارها من ضمن اربع اشخاص تانيه

شجن وهي بتحضن شروق

انا مبسوطه اوي انك هتكوني معايا في نفس الشركه

شروق بسعادة

وانا كمان يا شوشو مبسوطه اوي انا كنت قاعده بدعي ربنا تكوني معايا والحمدلله اننا هنكون مع بعض

شجن بمرح

عااااااا مش مصدقه نفسي ان اول خطوة من طموحي بتتحقك وهبقي سيدة اعمال

قاطعهم ( فارس الجندي) ابن دكتور الدفعه وبيعشق شجن من اول مره شافها فيها

وهي كانت بتصده دايما وغيرة هي مش بتحب الاختلاط بيهم

فارس بنظرات عاشقه

ازيك يا شجن عامله ايه

شجن بأقتضاب

اهلاً

فارس بسعاده وحماس

انا مبسوط اوي يا شجن اني لقيت اسمي معاكي في نفس الشركه دي فرصه عشان نقرب من بعض اكتر

قاطعته شجن بغضب

لو سمحت ياريت كلامك معايا يكون في حدود جوه المحاضرة واعتقد ان حضرتك شايفني مش بتاعمل مع اي شاب في الجامعه نهائي

فارس

ودي حاجه تفرحني انا عارف انك محترمه ومش بتسمحي لأي بني ادم يتعدي حدوده معاكي وانا بحبك يا شجن وعايز ارتبط بيكي

شجن بغضب

وانا قولتلك ميت مره اني مبفكرش في الموضوع ده دلوقتي وكمان مش حابه احرجك كل شويه فلو سمحت كفاية كلام في الموضوع ده

فارس بأصرار

وانا مش هبطل اتكلم فيه يا شجن لاني بحبك فعلا لا ده انا بعشقك انا مش عارف بس ايه اللي مش عاجبك فيا

شجن وهي تنفخ خدها بضيق

كفايه بقي انت ايه مش بتزهق من الكلام في الموضوع ده لو سمحت ابعد عني وسبني في حالي بقي

قالتها ومشيت وسابته

فارس

نفسي تحسي بيا ياشجن بس هانت كلها سنه وتبقي ليا حتي لو كان غصب عنك

في منزل كاظم

اقترب من غرفة صغيرته وطرق الباب

لتتسع ابتسامة رزان

اتفضل يا بابا

احتضنها كاظم وهو يطبطب علي شعرها بحنان

ايه يا حبيبت بابا يعني صحيتي ومدخلتيش تصبحي عليا زي كل يوم

قالها بعتاب خفيف

لتعض علي شفتيها بخجل

انا اسفه يا بابا انا بس انشغلت في المذاكره

ثم قبلت خده بحنان

ليبتسم كاظم ويسحبها من كتفها وقعدها جانبه علي الكنبه

بابا انا كنت عايزة اخرج النهارده عشان عندي جامعه

ليتنهد كاظم بتعب وهو يهز راسه بيأس

رزان انا كنت عايز اكلمك في موضوع مهم

رزان بتوتر

اتفضل يا بابا

كاظم

رزان انا بمر بظروف صعبه في شغلي ومش حابب انك تخرجي من البيت اليومين دول لحد ما المشاكل دي تخلص انا خايف عليكي ياحبيبتي

رزان بتوتر

مشاكل ايه يا بابا وبعدين خروجي لجامعتي ماله بمشاكل شغلك

كاظم برفض

للاسف انا مش هقدر احكيلك و ده عشان كلام خطير انك تعرفيه يعني هيضرك اكتر ما هينفعك بمعرفتك بيه كل اللي طالبه منك انك تسمعي كلامي من غير ما تسألي

نزلت رأسها في الارض بحزن فهي حزينه بس مش عشان مش هتروح الجامعه عشان مش هتشوف قاسم ولا هتروح النادي تشوفه

كاظم

ممكن اعرف سبب الزعل ده ليه

رفعت رزان عيونها الدامعه وهي تقول بكذب

عشان عايزة اروح الجامعه واخرج انا مش بحب احس اني محبوسه في البيت يا بابا

كاظم بقله حيلة

معلش ياحبيبتي انا خايف عليكي تقدري تتابعي محاضراتك في البيت لفتره بس

وقفت بحماس

متخفش عليا يا بابا وبعدين كل الحراسه اللي في الفيلا دول لزمتهم ايه

تنهد كاظم بتعب هو عارف ان معاها حق ومحاوطين بحراسه كتيرة بس خايف عليها برضو من الناس دي دول مش ساهلين

كاظم بقله حيلة

خلاص انا موافق بس بشرط متتحركيش خطوه واحده من غيرهم اظن كلامي مفهوم

سقفت رزان بفرحه زي الاطفال وهي تحتضن ابيها

ربنا يخليك ليا يا احلي بابا في الدنيا

كاظم وهو يشدد علي احتضانها

ويخليكي ليا ياحبيبتي

في شركه المنياوي

دخل مصطفى المنياوي وسيف وقاسم

الي غرفه الاجتماعات ومعاهم رؤساء اقسام الموارد البشريه

دخل عدد كبير من الرجال وامراتين يظهر عليهم المهنيه

استقبلهم سيف وقاسم ومصطفى بحفاوة شديدة

بعد وقت كبير من المناقاشات

اتفقوا علي الاسعار

بعد انتهاء الاجتماع

مصطفى بسعاده

مبروك يا ولاد انتو اجتهدتو والحمدلله ربنا وفقنا دي اكبر صفقه للشركه

سيف بثقه ومرح

ده اقل حاجه عندنا يا عمي

مصطفى بفرحه

ربنا يوفقكم علي طول احنا لازم نجهز لحفله كبيره بالمناسبه دي

قاسم بمشاكسه

امووووووت انا في الحفلاااااات

بصله بتحذير مصطفى وسيف سكت علي طول

قاسم مدعي البرائه

في ايه ياجماعه مالكم قلبتو كده ليه اوعوا تفهموني صح

في صباح يوم جديد علي ابطالنا

كان سيف يعمل علي الكومبيوتر بتركيز

دخلت سارة

مستر سيف الملفات دي اللي حضرتك طلبتها من استاذ عمر بتاع الحسابات

وادتهملوا وخرجت بره

بعد ربع ساعه كانت وصلت شجن وفضلت تبص حوليها وملقيتش اي حد من اصحابها عشان هي جت بدري

قربت من سارة (السكرتيره) وهي بتفرك في ايدها بتوتر

لو سمحتي انا جايه بخصوص التدريب انا شجن زين

سارة بعمليه

اتفضلي استريحي وانا هبلغ مستر سيف

جلست شجن علي الكرسي وهي بتبص حوليها بأنبهار فهذه الشركه من اكبر الشركات في اسكندريه وليها فروع كتيرة بره مصر

دقايق وسمحت لها سارة بالدخول

خبطت شجن علي الباب حتي سمح لها بالدخول

دخلت بخطوات متوتره وفي لحظه كان سيف تسمر مكانه من الصدمه.....

الفصل الرابع

في صباح يوم جديد علي ابطالنا

كان سيف يعمل علي الكومبيوتر بتركيز

دخلت سارة

مستر سيف الملفات دي اللي حضرتك طلبتها من استاذ عمر بتاع الحسابات

وادتهملوا وخرجت بره

بعد ربع ساعه كانت وصلت شجن وفضلت تبص حوليها وملقيتش اي حد من اصحابها عشان هي جت بدري

قربت من سارة (السكرتيره) وهي بتفرك في ايدها بتوتر

لو سمحتي انا جايه بخصوص التدريب انا شجن زين

سارة بعمليه

اتفضلي استريحي وانا هبلغ مستر سيف

دقايق وسمحت لها سارة بالدخول

خبطت شجن علي الباب حتي سمح لها بالدخول

دخلت بخطوات متوتره وفي لحظه كان سيف تسمر مكانه من الصدمه وهو بيبصلها بعدم تصديق وبتظهر علي شفتيه ابتسامه سعيدة وابتلع ريقه بصعوبه من جمالها وهي وبتبص حوليها زي الاطفال

هز راسه بيأس منها ومرت اكتر من دقيقه وهي لسه بتبص حوليها ومبصتش ليه ولا مره حتي التوت قدميها وكانت هتقع لاكن اتماسكت بصعوبه واتعدلت في وقفتها

شجن بحرج

اححم اكيد حضرتك مش هترفدني من اول يوم عشان كنت هقع

قالتلها ببراءة وحرج ورفعت عينها فيه واتسعت عينها بصدمه وشهقت بصوت عالي

اما عند سيف كان بيكتم ضحكته بصعوبه عليها

شجن بصعوبه

يانهار اسود ابو لهب

سيف

نعاااام يختي بتقولي ايه سمعيني تاني كده

واخد السي ڤي منها واخد يتفحصه بهدوء

شجن زين رددها عقله وهو بيتذوق حلاوة اسمها

اما عندها هي كانت بتنظر لهيئته الرجوليه

وقف سيف من مكانه وهو يرمقها بنظراته من رأسها الي أخمض قدميها وهي هربت من نظراته للجهه الاخر وهي بتعض علي شفتيها بخجل

سيف

اظن دلوقتي عرفتي انا مين

شجن وهي بتحرك رأسها بنعم وبراءة

ايوة عرفت تبقي مين وعارفه كمان اني ضربتك بالقلم بس خلاص مفيش مشكله انا مسمحاك مش زعلانه منك

رفعت حاجبها بغرور انثي

انا ممكن اعتذرلك علي القلم بس انت كمان لازم تعتذر الاول عشان مسكت ايدي شوفت انا بقي طيبه زي وقلبي ابيض

قالتها وهي تحرك ايدها ببراءة

جن جنون سيف وهو مولع من الغضب وهو بيفتكر لما ضربته

نعااام يختي انتي عيزاني اعتذرلك علي انك ضربتيني بالقلم وكمان بتقوليلي انك مسمحاني ده انتي ليلتك سوده

قالها بذهول من كلامها.

بتخاف شجن من صوته العالي

لا وعلي ايه حضرتك انا هقدم استقالتي حالااااا

قالتها ببراءة وهي بتبصله بخوف

سيف موبخا لها

استقاله ايه اللي هتقدميها وهو انتي كنتي اتنيلتي واتعيني لسه

شجن بحرج

اصل بصراحه انا غيرت رأيي ومش عايزة اتدرب عندك انا هطلب من الجامعه تحولني علي شركه تانيه

سيف وهو معقد حاجبه

وده ليه بقي ان شاءالله هو انتي تطولي اصلا انك تدربي في شركه المنياوي

شجن بتوتر

لا مش قصدي علي المكان بس بصراحه كده انا خايفه منك احسن بعدين تنتقم مني علي القلم اللي ادتهولك زي الروايات

وانا بصراحه مش حمل انتقام فـ لو سمحت انا بعتذر ومش عايزة اتدرب هنا

قالتها ببساطه وهي بتفرك في ايدها بتوتر

بصلها سيف بيأس وضرب بأيده علي المكتب وهو بيقولها بصوت عالي وقرب منها

روايات ايه وزفت ايه اللي هعمل زيهم

قالها بعدم تصديق وجن جنونه لما سمعها بترفض انها تدرب في شركته

هو سعيد انه شافها تاني وانها هتدرب هنا وهي بكل بساطه بترفض

شجن بغضب واندفاع

انت بتزعقلي ليه انا مبحبش حد يزعقلي وبعدين خلاص اعتبرني مرفوده عن اذنك

قالت جملتها وذهبت ناحيه الباب وقبل ما ايدها تلمس الاوكره كان سيف ذهب ناحيتها زي القطر

كان يحاصرها بين زراعيه

سيف

امم مرفوده

وظل يستنشق رائحتها بستمتاع وانفاسه في وجهها

بترفع عينها ليه وبتبصله بعمق شديد وقلبها بيدق جامد

شجن بحرج

من فضلك ابعد شويه ميصحش كده

قالتها وهي بتبعده عنها

بعد عنها وقلها

سيف

انا مضيت علي ورق تعيينك يا شجن ومتقلقيش مش هنتقم من زي الروايات ولا حاجه

قالها بمرح وهو بيبصلها بعمق

بترتسم ابتسامه جميله علي شفتي شجن وهي بتقوله

شكرا

وبصت في الارض

اتجرأ سيف وقرب منها ورفع وشها ليه

مينفعش تكلميني وانتي باصه في الارض كده

بتحس شحن بنفسها بيتقل وبتقول بخجل

حاضر ممكن اخرج عشان اكمل اوراقي بتاعت الجامعه

ابتسم ليها سيف وهو بيرفع حاجبه بمشاكسه

ممكن جدا انا هخلي السكرتيره توصلك لمكتبك ومتتحركيش من مكانك وكمان هخلي الاتش ار يخلصو كل اوراقك وانتي في مكتبك مفهوم

شجن

مفهوم بعد اذن حضرتك

قالتها وطلعت تجري لبره

وهو بيضحك عليها واتصل علي سارة

سيف

سارة انسه شجن هتخرجلك دلوقتي عايزك توصليها لمكتبها وتخلصيلها اوراقها بنفسك مفهوم

قالها بحسم شديد

سارة

مفهوم طبعا يا مستر سيف انا هخلص كل حاجه بنفسي

قفل معاها واسترخي علي مقعده وهو يفكر فيها بسعاده

في فيلا الدكتور كاظم

كان يجلس مع صديقه مصطفى المنياوي

سرد له كاظم كل ما حدث معه

مصطفي بحده

انت اتجننت يا كاظم ازاي كل ده يحصل ومتقوليش

كاظم

اهدي يا مصطفى عشان رزان متسمعش وتقلق

مصطفى بحزن

انا مش عارف كنت مستني ايه عشان تتكلم مستني لما تتاذي انت وبنتك دول ناس مش بيهزرو

وقف كاظم

صدقني يا مصطفى انا مش عارف اعمل ايه ولا اتصرف ازاي مكنتش عايز اي ازعاج ليكم دلوقتي دول عايزني ابيع ليهم البحث ده حتي وصلو لرئيس الحرس بتاعي وقتلوه انت مستوعب مات بسببي وعياله اتيتمت بسببي انا

انا خلاص معدتش قادر استحمل كل اللي بيحصل ده مش هكدب واقول مش خايف عشان مش عايش لوحدي دول هيأذو رزان وكل دقيقه بتمر عليا بموت من الرعب عليها

مصطفى وهي بيرتب علي كتفه

متقلقش يا كاظم محدش هيقدر يوصلك انت وبنتك بس اهم حاجه لازم نتصرف في الموضوع ده

بصله كاظم بأمتنان

مش عارف اقولك قد ايه ارتحت

مصطفى

متقلقش ان شاءالله خير وانا هتصرف في الموضوع ده بس لازم تاخد كل احتياطاتك من اي حد حتي الخدامين

كاظم

انا فعلا بدأت اعمل كده ومشيت الكل وسبت داده حنان منضمنش الظروف ممكن يوصلو ليها

مصطفى بطمئنان

طيب كويس ومتقلقش انا هكلم اللوا ايمن وهرد عليك وخير ان شاءلله

يتبع.