روايه اعمى ولكن الفصل الرابع والخامس بقلم إسراء محمود حصريه وجديده على مدونة النجم المتوهج للروايات والمعلومات
 |
روايه اعمى ولكن الفصل الرابع والخامس بقلم إسراء محمود حصريه وجديده على مدونة النجم المتوهج للروايات والمعلومات
"الحب شئ جميل لكن لأجل ان نعيش مع الشخص اللي بنحبه لازم ندفع حق وجودنا جنبه علي فواتير بتفضل تتقسط علي كل دقيقه بتمر في عمرنا "
يامن..في ايه يا ليان مين اللي في المستشفي .
ليان بدموع وصدمه ..بابا .....بابا في المستشفي بابا... هو كمان هيسبنى ويمشي زي ما ماما عملت .
يامن ..ليان اهدي بس كدا و وحدي الله وان شاء الله خير واكيد هيكون كويس .
ليان بنهيار ..هو ليه كل ما اتعلق بحد ربنا ياخده مني هو مش بيحبنى علشان كدا بيعاقبني ...هاا ليه...قولي سبب ليه بياخدوا مني ليه؟؟
يامن بحده وعصبيه بسيطه..ليان حرام كدا الكلام دا حرام وكفر برحمه ربنا يا ليان اهدي كدا وكل حاجه هتبقا كويسه ويلا نقوم ونروح المستشفي وهناك هنطمن اكتر .
ليان باستسلام ..استغفر الله العظيم يلا يا يامن .
اقتربت ليان من يامن وامسكت بايديه لكي توصله إلي السياره ركب يامن وليان .
يامن..لو مش هتعرفي تسوقي بحالتك ديه ناخد تاكسي احسن .
ليان ..لا انا كويسه وهعرف اسوق.
يامن بصوت واطي ..ربنا يستر ونوصل بخير .
وصلت ليان ويامن بعد فترة الي المشفاء.
ليان اول ما دخلت لقت السكرتيرة اللي بتبقا اقعده برا ..في مريض جه هنا من شويه اسمه عاصم توفيق .
السكرتيرة .. اة الدور التالت في غرفه العمليات .
ليان بنهيار ..ليه هو حالته متاخره اووي كدا .
السكرتيرة ..معرفش يا فندم معنديش خبر اطلعي فوق والدكتور هيفهمك كل حاجه .
ليان ضغط علي ايد يامن بقوه كان يامن يبدلها بضغط علي يديها احتضن يامن يديها وتحركوا سويا إلى المصعد.
يامن ..ممكن تهدي كدا خطر عليكي .
ليان بدموع..خايفه يضيع مني يا يامن دا اغلي حاجه عندي هو لو حصله حاجه مش هيبقا ليا حد بعده .
يامن مد ايده ومسح دموعها ابديه ..ان شاء الله يقوم بسلامه بس توقفي انتي عياط بقا انتي طول الطريق بتعيطي .
ليان ..حاضر .
خرجت ليان ويامن من الاسانسير ولقت الدادة بتاعتها واقفه قدام غرفه العمليات
ليان اقتربت منها وهي ممسكه بيد يامن..بابا لسه مخرجش يا دادة .
اخذتها الدادة في احضنها ..اهدي يا بنتي الدكتور طمني وقالي انها حاجه بسيطه متخافيش .
ليان ..يارب يا دادة .
ابعدتها عن احضنها لكي تري يامن وابتسمت بخبث لما شافت يامن لسه حاضن يد ليان ونظرة عينه تدل علي القلق عليها ..ازي حضرتك.
يامن..الحمد لله اتشرفت بمعرفه حضرتك.
الدادة ..انا اكتر اتفضل يا بني استريح وبصت ل ليان نظره من اجل ان تاخذ ايد يامن حتي يجلس
ليان وهي بتوجه يامن للكرسي ...تعالا اقعد يا يامن .
يامن بإصرار..اقعدي انتي علشان ترتاحي شويه كدا هتتعبي .
اجلسته ليان وجلست بجانبه .
سمع يامن صوت عياط ليان المستمر .
يامن ..ليان قولت ايه انا مش قولت بطلي عياط اسمعي كلامي بقا انا بتعب لما بشوفك كدا دموعك ديه بتموتني وانا حاسس اني عاجز مش عارف اعملك حاجه .
ليان بنهيار ..غصب عني والله انت ملكش ذنب انت واقف جمبي من الصبح .
كان يهم يامن بالرد لكن قطعه صوت الهاتف وهو ينطق باسم والدته
يامن..الو
كوثر بقلق.. انت فين يا يامن مرجعتش من امبارح ومش بترد علي مكلماتي خضتني عليك .
يامن ببرود..بتهيالى حاجه متخصيكيش انتي من امتي وانتي بتسالي عليا ومهتميه بيا .
كوثر ..من دلوقتي اديني فرصه نقرب من بعض انا مهما كان امك .
يامن بسخريه ..هههههه لسه فاكرة انك امي لا كويس انك منستيش ديه كمان .
كوثر بدموع ..حرام عليك يا بني اللي بتعمله فيا دا ايوة انا غلط ومعترفه بغلطي وقولتلك سامحني ليه مش عايز تديني فرصه .
يامن ..بتسالي ليه لسه بتسالي ليه مش عايز اديكي فرصه بتقولي ليا حرام عليك طيب انتي ليه كونتي بتعملي فيا دا مكانش حرام وانتي وهو كل يوم تكسروني اكتر وتحسسوني اني غلطه جبتوها كونت لما اجي علشان اشتكيلك من حاجه او اقولك تعالي اعملي معايا الواجب زي زي اي طفل كونتي تقوليلي روح لدادة او اعمل اللي انت عايزة لنفسك انت كبرت لما كونت اقولك عندي حفله في المدرسه وكل الأمهات جاين تعالي معايا تقوليلى مش فضيالك مكانش حرام لما كونتي تقوليلي انت غلطت حياتي والحاجه اللي بندم عليها طول عمرى بلاش نكلم يا كوثر هانم لأنك بتفتحي في القديم اللي عمره ما هيخلص.
واغلق يامن الهاتف في وجهها.
كانت ليان تنصت لكل جمله ولملامح الغضب والألم الظاهره علي وجه يامن من والدته لكن قررت انها سوف تأجل الكلام معاه في هذا الموضوع دا بعد انا تطمأن علي والدها .
ليان حطت ايديها علي وجه يامن ..انت كويس يا يامن
يامن شدها لحضنه..هبقا كويس بس خليكي انتي كدا في حضني ومش عايز اكلم في اي حاجه .
ليان حست بالسكون والدفء في حضن يامن حست بضربات قلبها تتزايد وكانت خائفه من سماع يامن صوت دقات قلبها المرتفعه
كان يشعر يامن بالحضن دا ليس من أجل أن يطمن ليان به كان يشعر أنه لأجله هو لكي يطمنه ويستمد القوه منها .
عدت فترة عليهم ليست بقليله ولا بكثيره وهما لا يشعرون بالعالم من حولهم لكن فتح باب غرفه العمليات وخرج الدكتور
قامت ليان بسرعه من حضن يامن ورقضت نحو الدكتور
هنا يامن حس ببرودة تجتاح جسده وكان روحه خرجت معاها .
ليان ...هااا طمني يا دكتور بابا عامل ايه .
الدكتور .....
عند ندي وجاسم
ندي كانت بتتصل علي ليان بس جرس ومحدش بيرد
جاسم ..ايه مش بترد .
ندي بقلق .. انا حاسه انهم حصلهم حاجه .
جاسم ..طيب استني انا هتصل تاني بيامن .
ندي ..ماشي بسرعه .
جاسم اتصل بيامن
عند ليان ويامن
الدكتور .. الحمد لله أنكم لحقتوه بسرعه والا مكوناش عرفنا نلحقه والدك حصلتله ازمه قلبيه شديدة ودا بسبب انه زعل جامد او اتعرض لصدمه شديدة عليه فاحصله كدا عموما هو دلوقتي كويس وهيتنقل اوضه عاديه بس ياريت متكلميش معاه كتير وتسبيه يرتاح شويه .
ليان بدموع ..حاضر الحمد لله يارب الحمد لله .
ورقضت ليان الي يامن واحتضنته .
ليان ..بابا بقا كويس يا يامن .
يامن اتصدم انها حضنته بس لف يديه حوالين وسطها وضمها ليه اكتر ..شوفتي مش قولتلك ربنا مش بيعمل لينا حاجه وحشه ابدا .
ليان ..الحمد لله يا يامن الحمد لله .
يامن ..الحمد لله ممكن بقا مشوفش دموعك ديه تاني خالص .
ليان ابتسمت وبعدت عنه بإحراج..حاضر يلا انا هروح لبابا .
يامن ..يلا .
قطعه صوت تليفونه باسم جاسم
يامن ..الو يا جاسم .
جاسم ..انت فين يا يامن انت وليان بنتصل بيكم من الصبح محدش فيكم بيرد .
يامن..معلش يا جاسم مكونتش سامع التيليفون.
جاسم..طيب انتوا فين .
يامن ..في المستشفي بابا ليان تعب وجينا المستشفي.
جاسم..طيب قولي اسم المستشفي واحنا هنجلكم .
يامن ..اسمها...
جاسم..طيب خلاص احنا جاين .
اغلق جاسم الهاتف مع يامن والتفت الى ندي الواقفه بجانبه يظهر علي وجهها معالم القلق
ندي ..هما فين وليان ليه مشيت من غير ما تقولي
جاسم..بابا ليان تعب فجأه وراح المستشفي ودلوقتي يامن وليان هناك
ندي بصدمه ..ايه
جاسم ..يلا يا ندي مش وقت انك تتصدمي يلا نروح ليهم
تحركت ندي مع جاسم ومعالم الصدمه مسيطره عليها تفكر في حاله صديقتها الوحيدة
في المشفاء
دخلت ليان غرفه والدها وهي ممسكه بيد يامن بقوه نظرت ليان الي وجه والدها الشاحب وياديه التي معلق بها المحاليل وجهاز التنفس المتصل به هربت من عينها دمعه وجع جلست بجانبه وامسكت بيده
ليان بدموع..بابا قوم عايزة اطمن عليك انت ليه بتحب تخضني عليك كدا فوق بقا وكلمني .
ضغط عاصم علي يد ابنته بقوه وانزل جهاز التنفس وتكلم بصوت خافض ..ليان .
ليان ببتسامه ..بابا انت كويس صح .
هز عاصم رأسه علامه علي انه سامعها
قبلت ليان يد والدها بحب ..الحمد لله .....الحمد لله يارب.
كان يامن يستمع إلي كل كلمه وهو مندهش من هذة المشاعر التي لم يجربها يوم وعنده الف سؤال وسؤال لماذا ليان تحب والدها لهذة الدرجه كان يعملها كيف.... ،هل تحبه لانه والدها ام انه حنون عليها .....؟؟كان يامن مستغرب من هذة المشاعر !!
بدأ عاصم بالكلام وهو يربط علي شعر ابنته ..انا كويس يا ليان..... متقلقيش وبطلي دموعك ديه بقا .
نظر عاصم الي يامن الواقف باستغراب
رأت ليان نظرات والدها المتسأله بمن هذا
ليان..بابا دا يامن صديق ليا من الجمعيه وقف جمبي كتير انهاردة وامسكت يد يامن وقربته من والدها
عاصم بتعب..شكرا يا بني انك وقفت جمب بنتي ومسبتهاش لوحدها .
يامن ..مفيش شكر بنا انا هفضل دايما جمبها وقت ما تحتاجني هتلاقيني وان شاء الله حضرتك هتقوم بسلامه .
عاصم ابتسم وصمت وأخذ يتابع نظرات ابنته الوحيده المليئة بالحب اتجهه يامن
سمعت ليان صوت طرقات علي باب الغرفه ودخلت ندي وجاسم رقضت ندي نحو ليان واحتضنتها ..انتي كويسه صح .
ليان ..اهدي بس انا كويسه اهو مفيش حاجه .
اتجهت أنظار ندي نحو والد ليان وابتسمت عندما وجدته بخير ..عمو انت كويس دلوقتي .
عاصم بصوت متعب ..اة يا بنتي الحمد لله .
جاسم ..الف سلامه علي حضرتك .
عاصم ..الله يسلمك يا بني .
يامن ..نستاذن احنا بقا علشان حضرتك ترتاح .
نظرت ليان نحو يامن برجاء لكى ينتظر معاها وكانت تود ان تقول له خليك انا مبحسش بالأمان إلا معاك لكن فضلت الصمت
عاصم ..اتفضل يا بني وشكرا مره تانيه علي وقفتك جمب بنتي.
خرج يامن وجاسم وخرجت ندى وليان خلفهم
ليان ..يامن استني ....بابا انت ريح شويه وانا هجيب حاجه واجيلك .
عاصم بتعب ..ماشي يا بنتى.
خرجت ليان ويامن وندي وجاسم
توقف يامن والتفت اليها ببطء ..نعم يا ليان .
ليان ..شكرا يا يامن علي وقفتك معايا انت تعبت معايا كتير انهاردة .
يامن ..قولت ايه انا مفيش شكر بين الصحاب.
ليان ..طيب انا كونت عايزة اكلمك في موضوع يخصك .
يامن ..عارفوا يا ليان بس مينفعش نفتح في القديم دا دلوقتي .
ليان ..بس القديم انت لسه عايش فيه منستهوش .
يامن ..ومش هنساه .
ليان ..طيب ممكن نتكلم .
يامن بحده.. لا يا ليان مش هقدر اكلم في حاجه تاني انهاردة اجلي القعده ديه شويه .
ليان بحزن ..تمام .
حط يامن يده علي وجه ليان ..بلاش تزعلي مني وعد هبقا احكيلك كل حاجه بس شويه كدا .
ليان ..تمام .
عند جاسم وندي
جاسم ببرود ..ايه مفيش شكرا.
ندي باستفزاز ..وانا اشكرك ليه .
جاسم بعصبيه.. نعم يا اختي واقف معاكي من الصبح وسايب شغلي ولعبة معاكي في الجمعيه مع الأطفال وجبتك عند صاحبتك وفي الاخر تقوليلي اشكرك علي ايه .
ندي برخامه ..دا اصلا واجبك .
جاسم بغيظ ..ماشي يا ندي هكسرلك كبريائك دا قريب.
ندي بتحدي..انا اللي هكسرلك غرورك يا سعادة الظابط.
جاسم ببرود ..هنشوف.
ولبس جاسم نضارته الشمسيه
جاسم..مش يلا يا يامن .
يامن ..اوك يلا .
مسك جاسم ايد يامن واتجهوا نحو السياره
جاسم ..ساكت ليه وبتفكر في ايه .
يامن ..هتعرف كل حاجه في واقتها .
جاسم ..اوعي تكون وقعت في حبها .
يامن بالم ..اللي زي مينفعش يحب مكتوب عليه يكمل بقيت حياته في الضلمه والسجن اللي عايش في وبس مش من حقهم يعيشوا زي باقي البني آدمين .
جاسم بحزن ..انا مش قصدي كدا انا بس خايف عليك .
يامن ..حتي لو كان قصدك يا جاسم فأنت معاك حق .
جاسم حاول يغير الموضوع ..ايه رايك تيجي معايا انهاردة حفله في بيت مازن لا وايه جايب شويه بنات عنب هتنسي نفسك معاهم .
يامن ..انت عارف اني مليش في الكلام دا .
جاسم ..خلاص يا عم القفوش انا هروح .
يامن ..ربنا يهديك يا جاسم وترجع عن الطريق دا بقا .
جاسم ..لا انا كدا تمام اووي.
يامن .. انت حر يا صاحبي بس هتندم في الاخر .
جاسم..لا مش هندم دا انا هندم لو مروحتش .
تنهد يامن بقله حيله علي صاحبه
عند ندي وليان
ندي بغمزه..مالك حساكي سرحانه.
ليان بتهرب..مفيش يا ندي .
ندي ..قوليلي يا ليان انتي بداتي تحبيه ولا ايه .
ليان بخضه ..لا طبعا ....لا..... أحبه ايه .
ندي بخبث ..طيب ومالك اتخضيتي كدا ليه .
ليان بتوتر ..لا مفيش بس اتصدمت من اللي بتقوليه.
ندي ..بصي يا ليان انا مش بقولك متحبيش انا بقولك لو بتحبيه هتقدرى تستحملي مرضه هتقدري تقولي لباباكي انك بتحبيه هتقدرى تقفي قدام الناس علشانه
لو هتقدري تعملي كل دا يبقا حبيه هو راجل كويس لو مش هتقدري بلاش تظلمي نفسك وتظلميه هو كمان معاكي .
ليان..امشي يا ندي مفيش حب ولا حاجه انا هروح اشوف بابا .
ومشيت ليان وهي تفكر هل وقعت فى حبه كيف ...و هي لم تعرفه منذ فتره كبيره ولم تعلم عنه الكثير من الاشياء ....نفضت افكرها واتجهت نحو غرفه والدها
عند يامن رجع البيت اول ما دخل لقا الدادة بتاعته بتجري عليه .
الدادة..كونت فين كل دا يا بني .
باس يامن ايديها ..متقلقيش يا امي كونت عند جاسم .
الدادة بشك ..مش عليا يا يامن انت بتعمل حاجه انا مش فاهمها .
يامن ..هبقا اقولك يا امي بعدين .
الدادة..عايزة اقولك حاجه يا حبيبي .
يامن ..خير .
الدادة بحنيه ..روح سامح امك يا بني مهما كان ديه امك ومهما غلطت انت المفروض تسامحها مش تقاسي عليها كدا روح ليها يا يامن ديه بتعيط من الصبح .
يامن بعصبيه..قولت لا مش هروح ليها انا ياما كونت بروحلها وانا بعيط وهي كانت تقولي امشي دلوقتي مش ناقصه زن هي عايزاني ازاي اسامحها انتي كونتي شايفه كل حاجه كونتي شايفه بتعاملني ازاي كونتي شايفه ازاي بتكسر ابنها الوحيد شوفتيها وهي بتحبسني في الاوضه وتقولي علشان تتعلم تبطل عياط طيب انا كونت طفل ليه تعمل فيا كدا ليه .
كوثر طلعت علي صوت ابنها وعنيها مليانه دموع .. علشان كونت غبيه كونت بحاول انتقم من ابوك اللي خاني وخاني مع مين مع اختي وقالي انه كان بيحبها من الاول ولما غلط معايا أطر يجوزني علشان عرف اني حامل فيك عرفت ليه كونت بقولك انك غلطه عرفت ليه كونت بتعامل معاك كدا علشان كونت مجروحه اختي وجوزي اللي حبيته يخونونى ساعتها بدأت اجرح كل اللي حواليا كونت انت اولهم يا يامن كونت عارفة اني منفعش اكون ام مينفعش اقرب منك واشوف فيك صورة جوزي اللي خاني ولا انه اجوزني علشان غلطه ولا انه كان بيحب اختي وكان بيتخايلني هي تعرف لما ولدتك مجاش حضر الولادة اتصل بيا وقالي مبروك ويارب تكوني وصلتي للي عايزاه وربطينى بيكي علشانه ولما روحت وقولتله مش هتشوف ابنك قالي دا غلطتك انتي لوحدك اشبعي بيه وسبني ومشي ساعتها من غير ما يلتفت لكلمه مني حسيت ان كل شئ بين وبينه انتهي جهزت حاجتي وقولت ارجع عند اختي واقعد معاها وبعد كدا اطلب منه الطلاق وخلاص طالما هو مش بيحبنى
وكملت بدموع ..روحت ويارتني ما روحت وسكتت
يامن بدموع ..كملي
كوثر بدموع ووجع ..لما روحت فتحت الباب لاني كان معايا المفتاح ودخلت سمعت صوت ضحك عالي وكلام قذر منهم هما الاتنين قربت من باب الاوضه وانا مش مصدقه ان دا صوته وصوت اختي دخلت الاوضه وشوفتهم شوفت الاتنين مع بعض تفتكر عمل ايه لما شافني قالي كويس انك جيتي وعرفتي علشان يبقا كل حاجه علي نور ودلوقتي بتهيالي متقدريش تكملي مع واحد هو عمره ما شافك اصلا ولا حبك وطلقني ومشي وهي كمان معتذرتش حتي مني قالتلي انها كمان بتحبه ولازم اعذرها ومن ساعتها وانا بكره نفسي وكرهتك انت كمان علشان كونت السبب في اني ارتبط بيه بس عرفت اني غلط عرفت اني جرحتك من غير ذنب سامحني يا يامن سامحني يا بني
يامن بدموع ..جايه تقوليلي اسامحك انتي زي ما اتوجعتي انا اتوجعت اضعاف مضعفه انتي مش حاسه انتي عملتي فيا ايه خلتيني عامل ازاي من غير امي ديه وشوار علي الدادة كونت بقيت انسان وحش اووي كونت بقيت زي شباب اليومين دول هي اللي كبرتني وعلمتني ديني وقفت جمبي وسمعت مني كتير انما انتي كونتي بتديني ضهرك وشويه فلوس علشان اعيش وعايزاني دلوقتي اعتبرك امي صعب اووى يا كوثر صعب .
مشي يامن ناحيه السلم بتاع الفيلا بس قطعه صوت كوثر
كوثر بدموع ..صعب يامن بس مش مستحيل وانا هستني اليوم اللي هتسامحني في .
اتجهه يامن نحو غرفته ودموعه تهبط علي خديه هي صعبانه عليه بس هو كمان اجرح منها كتير
عند ليان روحت البيت بعد ما اطمنت علي والدها ودخلت اوضتها وبدأت تفتكر يامن وكل لحظه بنهم حضنه ليها ....لمسه ايده علي خدها.... ضحكته اللي جننتها ....طيبه قلبه اللي ملقتش زيها ....نظره عنيه اللي سحبت روحها ....هنا أدركت ليان انها ... وقعت في حبه... نعم وقعت في حبه رغم أنهم يعرفون بعضهم من مده قصيره..... لكن يا سادة الحب ليس له معاد هنا قررت ليان قرار ولازم تنفذة ياما هتخسر نفسها...... وهتخسر ناس كتير .
انتهي البارت
روايه اعمى ولكن
تواقعتكم ليان هتعمل ايه
للكاتبه \ esraa mahmoud
🤩🤩🤩🤩🤩🤩🤩🤩🤩
الفصل الخامس
"أشعر بالخوف...والتردد ..أشعر وكأني في دوامه ليس لها نهايه ...خائفه من ان اقع في حبك ..واصاب بالألم والوجع منك ..أصبحت تائهه في مشاعري ...مبعثرة من الداخل ..قلبي يقول لي لا تبتعدي ..وعقلي يقول لي لقد اتخذتي القرار الصائب."
في الصباح الباكر استيقظت ليان علي صوت الهاتف .
ليان ..الو يا ندي .
ندي ..انتي لسه نايمه من امتي الكسل دا .
ليان بتعب ..معلش يا ندي راحت عليا نومه .
ندي..احم مع اني مش مقتنعه بكلامك بس ماشي المهم هنروح انهاردة الجمعيه صح .
ليان ببرود..لا .
ندي بدهشه..لا ...لا ..ليه .
ليان بوجع ..مش لازم اروح يعني كل يوم مش مدرسه هي .
ندي بصدمه ..لا ..انتي كدا فيكي حاجه فعلا ..ديه مش طبيعتك..انتي دايما بتحبي تروحي هناك وتابعي كل حاجه بنفسك .
ليان ببرود..لا خلاص من هنا ورايح مش هروح كتير .
ندي ..بس انهاردة المفروض عندنا معاد مع مدام سما " والدة أدهم "
ليان بتذكر ..اه صح افتكرت ..قابليها انتي .
ندي ..طيب يا ليان هروح انا بس بعد كدا هجيلك واشوف فيكي ايه .
ليان ..اوك .
ندي ..سلام .
ليان ..سلام .
أغلقت ليان الهاتف واتجهت نحو خزانتها وأبدلت ملابسها ونزلت درجات السلم برشاقه .
ليان ..داده .... يا ...داده.
الدادة ..نعم يا ليان .
ليان ..جهزي اكل لبابا وهدوم علشان هروحله كمان شويه .
الدادة..حاضر يا ليان نص ساعه ويكون كل حاجه جهزه.
ليان ..تمام يا داده .
اتجهت ليان الي حديقه المنزل واخذت تحدث نفسها .
ليان ..لحد امتي هيفضل الخوف محوطك لحد امتي هتفضلي خايفه وبتهربي الحب اصعب حاجه ممكن تعدي علي الإنسان لأن مش سهل ان انا اثق في حد واتخذل وفي اول موقف يبعد ويسبني وانا بس اللي اتوجع...
ثم أكملت...مش ممكن يكون بيحبك ..يحبني ازاي واحد ميعرفنيش غير من كام يوم هيحبني ازاي ...بس هو حضني ...هو علشان حضنك يبقا بيحبك ...هو كان علشان يديكي قوة و بس...بلاش تخدعي نفسك ..وكويس اني خدت قرار البعد دا وارجع تاني لحياتي القديمه انا مش قد الحب ولا قد وجعه .
"طبعا يا بنات انا مش مع حل اننا نهرب من اي حاجه لا احنا المفروض نواجهه حتي لو هنتعب بس هنتعلم من غلطنا طول ما احنا بنهرب حتي لو هو كان الشخص الصح هيضيع من ايدينا "
في المشفي عند عاصم والد ليان .
استيقظ علي صوت فتح الباب ودلوف شخص الغرفه اعتقد انها ابنته وجه وجهه نحو الباب ولكن كانت الصدمه الكبيره عندما رأي رجل ملثم يتضح عليه الشر والحقد .
عاصم بخوف ..انت مين وايه اللي جابك هنا .
الشخص..الرئيس بعتني ليك وبيقولك بلاش تفكر كتير ونفذ اللي أطلب منك وإلا المره اللي جايه هيبعتلك صور بنتك وهي مقتوله وسايحه في دمها .
عاصم بخوف ورجاء ..لا كله الا بنتي هي ملهاش ذنب وانا خلاص اتعلمت وهنفذ آخر الشهر زي ما اتفقت معاه .
الشخص ..ايوة كدا برافو عليك طول ما انت بتنفذ كلامنا مش هنيجي جمب القطه .
ابتلع عاصم ريقه بخوف وتركه الرجل الملثم واتجه إلي الخارج .
عاصم بخوف..انا اسف يا بنتي لازم اخون ثقتك فيا علشان اعرف احافظ عليكي مهما كلفني الأمر.
في الجمعيه :
كان يامن يجلس في الحديقه ينتظر ليان بشوق فهو قد اشتاق إليها كثيرا يريد انا يأخذها في احضانه وينسي معادها كل همومه يأخذها في جوله يعلمها أصول العشق وما معناه .
قطع وصلة تفكيره عندما سمع صوت ندي وهي تدلف الي الداخل ويركض نحوها الأطفال.
ادهم ..فين لي لي هي مجاتش معاكي.
ندي ..ايوة مجاتش معلش هي تعبانه شويه هتيجي ان شاء الله المره اللي جايه .
ساره بحزن ..يعني كدا محدش هيحكلنا قصه انهاردة.
ندي ..خلاص انا ممكن احكلكم بس الاول نقعد نذاكر في الكتب اللي لي لي جبتهم ليكم علشان الامتحانات قربت وكمان علشان لي لي متزعلش منكم ولا انتوا عايزنها تزعل .
الأطفال..لا طبعا احنا بنحبها ومش ممكن نزعلها ابدا هنروح نذاكر بسرعه .
وركضوا الي الداخل .
اقترب يامن من ندي وهو حزين فاقد اشتاق الي محبوبته .
يامن ..هي ليان مالها مجاتش ليه ؟؟
ندي ..هتروح تزور باباها انهاردة علشان كدا مجاتش .
يامن بتوتر ..طيب ممكن رقمها ..علشان اتصل اطمن عليها ...قصدي علي باباها .
ندي وهي تحاول ان تكتم ضحكتها ..اه طبعا هات تليفونك علشان اسجله .
اخرج لها الهاتف وكتبت له الرقم واعطته التيليفون مره اخري .
ندي ..بص انا سجلتها ليان علشان لما تيجي تتصل بيها.
يامن ..شكرا جدا .
ندي..العفو يا سيدي احنا دايما في الخدمه .
وتركته ندي واتجهت نحو المكتب والقت التحيه علي سما .
ندي ..اهلا مدام سما .
سما ..ممكن تقوليلي سما بس ايه مدام ديه فرق السن بنا قليل اووي .
ندي وهي تضحك ..طبعا خلاص سما بس .
سما ..بصي انا كونت عايزة اعرف حالة ابني ممكن يسافر امتي يتعالج لان كذا دكتور قالي التأخير مش في مصلحتنا .
ندي ..بصي يا سمسوم اولا ملف أدهم مش مكتمل يعني معرفتش ايه سبب الحادث .
سما بوجع وتأثر..حاضر هحكيلك
تذكرت سما معانتها مع زوجها السابق
سما ..من 8 سنين كونت لسه صغيره كان عندي 19 سنه واقتها كونت لسه ببدأ حياتي وزي زي اي بنت كونت بحلم باليوم اللي ادخل الجامعه واقابل فارس احلامي هناك ونخبط في بعض والكتب تقع وننزل نلمها ونعيش بقا حياه سعيده ومليانه حب وفعلا دخلت الجامعه وحبيت المعيد بتاعي بسبب اهتمامه بيا الزيادة وقربه ليا وجه اتقدم وطبعا انا كونت شيفاه ايه حاجه كدا مفيش منها اتنين معاه عربيه وعنده شقه في مكان كويس ومرتبه كبير وطبعا كان اهم حاجه عندي اني اهرب من تحكمات اهلي واعيش حياتي مكونتش اعرف اني بدخل علي عذاب ملهوش اول من آخر بس اهلي كانوا رافضين لما جه اتقدم وانا وقفت قصادهم وعاندت معاهم وفي الاخر وافقوا اجوزنا بسرعه جدا من غير ما نتعرف علي بعض كويس بعد الجواز عشت اسود ايامي من اول ما اتقفل علينا باب واحد يومها مفكرش اني معرفهوش كويس واني لسه صغيره وان دماغي مش متفتحه اووي ولما لقا مني رفض واني مش قبله انه يلمسني اتهجم عليا وخد كل اللي هو عايزة غصب حصلي نزيف ساعتها وجري بيا علي المستشفي لما روحت معاه فضل يشتم فيا ويقولي انتي كدا هتفضحيني وبعدين اكتشفت انه سادي كان دايما بيمد ايدوا عليا وكل حاجه بالعنف كأني جاريه عندوا ....مفيش شهرين وعرفت اني حامل ساعتها الدكتوره قالت ان الحمل ضعيف وان انا صغيره وصحتي مش كويسه والمفروض ارتاح فامنعت ان يحصل علاقه زوجيه بنا ...في الاول حاول معايا انه يطنش كلام الدكتوره بس لما مسكت السكينه وهددته اني هموت نفسي لو قرب مني سابني بس قالي متجيش تندمي بعد كدا ... بقا يجيب كل يوم واحده ست البيت وبقيت بشوف مناظر قذرة واصوات وكلام مش كويس ....أكملت بنهيار ..بعدها خلفت ادهم افتكرت هيفرح بيه ويبطل اللي كان بيعملوا فيا بس لا دا حتي مرضاش ياخده في حضنه مقاليش غير كلمه واحده..مبروك عليكي انتي وهو العذاب اللي جي
مع مرور الوقت وادهم بيكبر وانا كل يوم بعاني من ضرب وشتيمه وعنف ولما ادهم بدا يفهم بقا بيضربه علي اقل حاجه يحرمه من اي وسيله من وسائل الترفيه واخد كل الألعاب بتاعت ادهم ورمها....واول ما ادهم تم الاربع سنين قالنا تعالوا اخرجكم كونت مستغربه من امتي وهو حنين كدا خرجنا معاه وركبنا العربيه بعدها بشويه قالي ..جاهزه انتي وابنك للموت اصل انا زهقت منكم وقررت اني اخلص منكم علشان اجيب غيركم بقا
اتصدمت من الكلام وكل اللي جه في دماغي اني امسك ايديه هو كمان قبل ما ينط من العربيه ويسبنا فيها وبقيت بقوله زي المجنونه ..لو هنموت تموت معانا مش هسمح ليك انك تعمل كدا في حد تاني مش هسمحلك ...العربيه اتقلبت وكلنا اتنقلنا للمستشفي ادهم كان ازاز العربيه دخل في عنيه سببله العماء دا وجوزى مات انما انا فضلت فتره كبيره عندي كسور في جسمي اقعدت سنه بتعالج منها ومع العلاج الطبيعي بقيت احسن ومن ساعتها وانا عايشه اربي ابني وبس .
ندي بحزن ودموع ..ممكن تهدي يا سمسمه دا واحد معندهوش قلب ولا رحمه كل الرجاله كدا .
سما ..بلاش تظلمي الرجاله كلهم دا اسمه عدم اختيار صح انا مفكرتش ولا اتعرفت عليه لو كونت خدت فتره تعارف او كونت فكرت بعقلي كويس مكانش حصلي كدا بس في الاخر الحمد لله اهو ربنا اداني اكتر واحسن نعمه وهو ادهم .
ندي..ربنا يخليه ليكي عموما انا هكلم ليان علي الموضوع وهي أن شاء الله هتسافروا قريب .
سما بفرحه ..مش عارفة اشكركم ازاي .
ندي ..عايزة تشكريني بجد تكوني الصديقه التالته لينا .
سما ..دا انا ليا الشرف .
ندي..خلاص هاتي رقمك بقا وهكلمك بليل نرغي بقا يا اوختشي .
سما وهي بتضحك..شكلك مسخره .
ندي .. جدا جدا انتي لسه شوفتي حاجه .
سما ..انا بحب كدا جدا .
اعطتها سما رقم الهاتف والقت عليها التحيه وذهبت .
بعد فتره قصيره اتجهت ندي الي غرفه الأطفال.
ندي بحماس..يلا جاهزين للحدوته.
الأطفال بحماس ..ايوة جاهزين .
في نفس الوقت وصل جاسم هو وصديقه مازن الي الجمعيه .
جاسم ..بقولك ايه يامن اقاعد هناك اهو روح اقعد معاه عقبال ما اروح اشوف أمنا الغوله فين .
مازن وهو بيضحك ..أمنا الغوله مين .
جاسم ..ملكش فيه انت بس .
مازن..طيب ارحم شويه علشان صحتك .
جاسم..ملكش دعوه انا لسه شباب روح انت للكئيب اللي هناك دا انتوا الاتنين شبه بعض اصلا .
مازن ..طيب يا اخويا تشكر .
واتجهه مازن وجلس بجوار يامن وأخذوا يتحدثون بينما اتجه جاسم الي غرفه الأطفال واستمع إلي حديث ندي وهي تروي لهم الحدوته.
ندي ..كان ياما كان يا ساده يا كرام ما يحلاء الكلام الا بذكر النبي عليه افضل الصلاه والسلام .
الأطفال..عليه افضل الصلاه والسلام .
ندي..كان في زمان راجل طيب اسمه عبد الله الراجل دا كان فقير جدا معندهوش حتي اكل يأكله كان كل يوم يقعد يدعي ربنا انه يرزقه بحتة رقاق.
ادهم ..رقاق بس يا ميس .
ندي ..ايوة رقاق بس لانه كان راجل فقير ومش طماع.
سارة ..وبعدين يا ميس .
ندي..وبعدين ربنا كان بيبعتله كل يوم حد يديلوا الرقاق دا كان بياكله وبيشكر ربنا علي نعمته عدت الايام وكل يوم ربنا بيبعتله اللي يديلوا الرقاق دا ولما ربنا لقاه رجل صابر وبيشكره علي اقل حاجه رزقه بشغل كويس وفلوس كتير ساعتها الراجل اول حاجه فكر فيها انه يسافر يعمل عمره بالفلوس ديه .
ساره ..الله يا ميس وبعدين .
ندي ..عبد الله خد الفلوس وراح علشان يديها لصحابوا علشان يسافر معاهم وهو في الطريق لقا ست كبيره وشكلها مبهدل شويه وبدور في الزباله وبتاخد منها الحيوانات والطيور الميته عبد الله اتصدم ووقف يسألها بتاخدي الحاجات ديه ليه قالتلوا ملكش دعوه وسبني في حالي قالها يعني ايه مليش دعوه هتاخدي الحيوانات ديه ليه قالتلوا علشان اكل عيالي عبد الله اتصدم قالها هتاكلي عيالك طيور ميته دا ربنا قال حرام قالتلوا يعني اسرق علشان اكلهم انا بجري علي اربع أيتام هعمل ايه ساعتها وقف يفكر شويه يديها الفلوس بتاعت العمره تجيب بيهم اكل لعيالها ولا يسافر يزور بيت ربنا .
ادهم ..وهو اختار ايه يا ميس .
ندي ..تفتكر اختار ايه .
صمت ادهم ليفكر ولكن قطعه صوت جاسم وهو يقول ..هيختار يدي الفلوس لست الغلبانه لانه اتحط في الموقف دا قبل كدا واكيد حاسس بشعورهم.
ندي توترت بعض الشئ ..صح اكمل ولا مش حلوة .
الأطفال بحماس ..لا حلوة اووي كملي .
ندي ..فعلا عبد الله ادي لست الفلوس وراح لصحابوا وقالهم انه مش هيسافر معاهم ولو ربنا كاتبله يسافر السنه اللي جايه يبقا يسافر وروح البيت وهو زعلان انه مراحش زار بيت ربنا ونام عبد الله يعدي الايام ويرجع صحاب عبد الله من السفر راح علشان يهنيهم ويقعد معاهم لقا صحابوا كلهم مش بيكلموه ومش عايزين يقعدوا معاه هو استغرب اووي ليه بيتعاملوا معاه كدا فسألهم ايه اللي حصل قالولوا احنا مش هنكلمك تاني علشان انت شكلك مستعر مننا قالهم انا ليه قالولوا قول لينا تفسير انك تقولنا مش هسافر معاكم ونروح هناك ونلاقيك بتخطب خطبه الجمعه هناك وبتصلي بناس هناك
قالهم انا قالولوا اه كونت واقف هناك بتصلي بينا كونت انت الإمام عبد الله بقا مندهش ويحلف ليهم انه مسافرش وان اكيد دا شخص شبه بس صحابوا كانوا متاكدين انه هو روح عبد الله وهو مستغرب ونام شاف ملاك جي بيكلمه وبيقولوا انت اكتبلك 100 عمره وان روحوا هي اللي كانت هناك مش جسمه صحي عبد الله وهو فرحان وبكاء من كتر رحمه ربنا بعباده وتوته توته خلصت الحدوته حلوة ولا وحشه بقا .
الأطفال كلهم بتأثر ..حلوة اووي يا ميس .
ادهم..انا بعد كدا هساعد اي فقير وهقول لماما تعمل كدا علشان ربنا يحبني ويكرمني زي عبد الله .
ساره ..وانا كمان هعمل كدا .
ندي وهي بتبوسهم... وانا هديكم بوسه كبيره علشان انتوا حلوين اووي .
اقترب جاسم من ندي ..حلوة اووي مكونتش اعرف انك بتعرفي تقولي حواديت حلوة كدا .
ندي باستفزاز..مخدتش رايك علي فكره .
جاسم ..مستفزة .
ندي..بارد ومغرور.
جاسم ..بت اتلمي بدل ما اضربك رصاصه تخلص عليكي ونخلص منك .
ندي ..وانت اسكت بدل ما اديك بوكس تروح فيها وخاف مني علشان بضرب كويس .
جاسم بتحدي..طيب تيجي نلعب بوكسينج ضدد بعض ونشوف مين اللي هيكسب واللي هيكسب هيعزم التاني علي خروجه.
ندي ..اشطا موافقه .
جاسم ..يلا علي النادي .
ندي ..يلا .
ارسلت ندي لليان بانها سوف تتأخر عليها اليوم.
عند ليان كانت تركب السياره متجهها الي المشفي سمعت صوت الرساله وبدأت في قرأتها بملل بعد قليل توقفت ليان ونزلت من السياره واتجهت الي الطبيب المعالج لحالة والدها .
ليان ..حالة بابا عامله ايه انهاردة .
الدكتور ..كل حاجه كانت كويسه لكن من ساعه جالوا ضيق تنفس مفاجأه وعلقنا ليه جلسه اوكسجين بس الحمد لله لحقنا الموضوع وهو دلوقتي كويس.
ليان ..ليه هو في حد زعله أو جالوا تليفون من الشغل .
الدكتور ..الصراحه معرفش بس الممرضه قالت محدش زاره انهاردة .
ليان ..تمام شكرا لحضرتك.
واتجهت ليان الي غرفه والدها .
ليان بقلق ..بابا مالك عرفت انك تعبت انهاردة .
عاصم..لا متخافيش ابوكي بسبع أرواح بس انا زهقت من هنا وعايز اخرج بقا .
ليان..بس انت لسه تعبان.
عاصم ..هبقا كويس لما اخرج .
ليان..هاخد إذن من الدكتور بكرا ونخرج.
عاصم ..تمام ...مالك يا ليان حاسك مش كويسه وعنيكي وارمه كأنك كونتي بتعيطي طول الليل .
ليان ..متشغلش بالك انت يا حبيبي انا كويسه بس علشان انت بعيد عني مش بنام كويس .
عاصم بشك ..متأكده ان دا بس اللي مزعلك .
ليان ..ايوة بس .
عاصم ..لو عايزة فلوس يا ليان للجمعيه يا بنتي قوليلي .
ليان في سرها..ياريت كانت المسأله مسألة فلوس كانت اتحلت.
ليان ..لا يا حبيبي انت عارف اني لو احتاجت اكيد هقولك ربنا يخليك ليا .
عاصم وهو ياخذها في احضانه..ويخليكي ليا يا حبيبتي.
بعد قليل ذهبت ليان الي المنزل وجلست تفكر في يامن حتي غفت.
عند يامن ومازن كانا يجلسان يتحدثان في أمور مختلفه حتي توقف مازن فجأه عن الحديث وهو يري حوريه جميله ترتدي بنطال اسود وبلوزة من اللون الابيض وتترك لشعرها العنان ثم اقتربت من طفل صغير كفيف واخذته في احضانها .
يامن ..انت ياض روحت فين ايه سبتني ومشيت .
مازن ..لا متخافش موجود بس انت مش شايف اللي انا شايفه احمد ربنا انك اعمي .
يامن ..شايف ايه .
مازن بهيام ..شايف واحده من الحور العين هييييييييييييح .
يامن ..هي وصلت لهيييييح كمان .
مازن ..بس ديه جايه علينا ادعيلي اعرف اظبطها.
يامن ..حسبي الله ونعمه الوكيل فيك يا جاسم عديت الواد تعالا هنا ياض هتبوظ الدنيا وهنطرد كلنا من هنا .
ولكن لا حياه لمن تنادي فلقد اتجهه مازن نحو سما .
مازن ببلاهه..ممكن نتعرف يا قمر.
سما بصدمه ..نعم .
مازن ..مش مرتبط علي فكره .
سما بدهشه..وانا مالي .
مازن ..لا مالك ونص انتي اللي زيك المفروض يتنقب.
سما ..نعم وانت مالك انت يا أخ هي ناقصه قرف علي الصبح .
مازن ..بس بذمتك وحياة عيالك مش احلي قرف .
سما ..لا شكلك مجنون يا استاذ وجاي تطلعهم عليا .
قطع كلامهم اقتراب ادهم من والدته .
ادهم ..مامي ممكن اقعد شويه .
مازن بصدمه ..مامي مامي ايه العنوان غلط يا حبيبي .
سما ..بس اسكت انت لا يا دومي مش هينفع لازم نروح انا تعبانه انهاردة .
مازن ..استني بس مامي ايه انتي متجوزه.
سما بعصبيه ..وانت مالك يا زفت .
مازن..تصدقي عيونك بتتحول لما بتتعصبي بس بتبقا احلي .
سما ..اللهم طولك يا روح .
مازن ..بس خلاص بصي حتي لو مجوزه مفيش اي مشكله اني اطلقك منه واجوزك انا .
سما بعصبيه ..لا انت كدا عايز مستشفي المجانين علي طول يلا يا ادهم.....واخذت ابنها ومشيت وهي تلعنه.
مازن بصوت عالي ..بردو هطلقك منه واجوزك انا .
يامن .. انت يا حيوان تعالا هنا .
مازن ..حرام عليك خرجتني من المود.
يامن ..الحمد لله بقيت مجنون رسمي خلاص .
عند ندي وجاسم كانوا يترجلون من السياره ودخلوا الي النادي واتجهوا الي صاله البوكسينج .
جاسم..يخربيت لبسك بردو زي الولاد .
خلعت ندي نظراتها النظر والتفت له وكانت الصدمه الكبره له عندما لاحظ عينيها الخضراء التي سحبت أنفاسه.
ندي وهي تضربه اول بوكس ..لبس الولاد دا علشان أحمي نفسي من عيون الذئاب البشريه اللي زيك .
جاسم وهو يقترب منها ويحاول انا يضربها ولكن كانت هي أسرع منه وامسكت يده ولفته وراء ظهره وضغطت عليها اكثر .
جاسم وهو يتألم..اللي زي ميبصوش ليكي اصلا .
ضغط جاسم علي قدمها مما جعلها تتألم وتتركه
ندي وهي تمد رجلها في حركه سريعه لتعرقله مما جعله يقع علي ظهره .
جاسم بالم..اه يا بنت المجنونه.
ندي وهي تضحك ..احسن علشان متلعبش تاني معايا يا شاطر
واستدارت ندي لكي تخرج ولكن جذبها جاسم من رجلها مما جعلها تقع فوقه .
شهقت ندي بصوت مرتفع واخذت تبادله النظرات ولكن فاقت علي اثر لمسته الي ظهرها بجرأه
جاسم بهيام .. ناعمه اووي وحلوة جدا.
ركلته ندي بطريقه مفاجأه بين رجليه واخذت توجه له الضربات في مختلف أنحاء جسمه حتي فقد الوعي .
ندي بصدمه ..مات دا ولا ايه يا زفت انت قوم بلاش توديني في داهيه .
نتعرف علي الابطال اللي جداد
سما ..فتاه في أواخر العشرينات تمتلك عيون فيروزيه لا مثيل لها وشعر بني يميل الي الأشقر وجسد رشيق ولا يتضح عليها انها متزوجه من قبل
مازن ..شاب يمتلك الكثير من الوسامه يمتلك عيون عسليه وشعر اسود ناعم وبشره بيضاء وجسد رشيق ويعمل ظابط شرطه في جاهز امني حساس ويكون الصديق المقرب لجاسم ويامن .
توقعاتكم واسفه علي التاخير مره تانيه ♥
تابعووووووني
رواية زواج لدقائق معدودة كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق