رواية أسيرة الوحش الفصل لثانى والعشرين حتى الفصل السابع والعشرون بقلم سجده محمد حصريه وجديده
في الصباح..... بتستيقظ علي ضوء الشمس مسلط علي وجهها... بتبص جنبها مش بتلاقي فهد.. بتتفزع... فبتنادي باسمه... فهد يفهد..... بتلاقي الي داخل عليها وفي ايده الفطار... وداخل بيبتسملها وبيبصلها بعشق وحب
فهد: صباح الخير علي اجمل عيون في الدنيا
سجده بابتسامه: صباح النور يحبيبي... وبتسال؟... انت الي حضرت الفطار ده
فهد: ايوا طبعا... دوقت اكلك كتير... ادوقك انا اكلي بقي
سجده: يحبيبي مكنتش تعبت نفسك... كان حد تحت عمله.. او انا عملته
فهد: خلاص بقي انا عملته ونا ولا انتي واحد... قومي خدي شاور كده.. وصلي.. وانا مستنيكي....
اومأت سجده براسها وقالت: حاضر يفهود
---------
بعد القليل من الوقت... بتطلع سجده وهيا لابسه بيجامه من الحرير باللون الابيض.... واطلقت العنان لشعرها..... فهد بيبصلها وبيقول بغزل: طب هو حد بيحلي قبل مياكل يعني
سجده بابتسامه: بتكسف علي فكره
فهد: مقولنا بقي حوار الكسوف دا ننساه خالص... انتي مراتي وحبيبتي... وبنتي.. ودنيتي وكل ماليا... وبيشدها عليه وبيهمس: مش يلا ناكل بقي... قبل متهور
سجده بضحك: ناكل طبعا..... وبالفعل بيبداو ياكلوا.. مع بعض... وبعد قليل بيخلصوا اكل... سجده بتشيله... وبيكون فهد جايب من تحت.... بيبسي وحلويات... وحاجات كتير وبيقعدوا مع بعض.. بيشغلوا فيلم.... وبيتفرجوا الاتنين في جو ملئ بالحب... وفهد بيكون محتضنها اوي مانها هتهرب منه... سجده بتبصله وبتقوله: انا.. مش مصدقه الي انا في يفهد.. مش مصدقه ان الشخص الي كنت فاكره نفسي بكره.. ومش طايقه اشوفه.. بقي النفس الي بتنفسه.... وبعد مكنت فاكره حياتي ادمرت اصبحت... حياتي اجمل بكتير معا....انا بحبك اوي يفهد
فهد بحب: وانا بعشقك يعيون فهد..... بحبك.. اكتر من اي حد..... وزي مكنت مفكر انتي متجوزك علشان اردي غروري واسرك... اسرتيني انتي بنظرة عينك... وبخفه دمك.. وطيبة قلبك.... وحنيتك... انتي اجمل بنوته شافتها عيني... يست البنات.... بيفضلوا يتكلموا مع بعض كتير....... نسيبهم لوحدهم بقي
&&&&&&&&&&&&&&&&&&&&&
بيعدي يومين... وفهد وسجده مش بينزلوا تحت خالص.... غير لو فهد نزل جاب اكل او حاجه من تحت... وبيقضوا يومين من اجمل ايام حياتهم مع بعض.. يومين بيحملوا الكثير من الضحك... واللعب... والكلام.. والحب.. والمشاكسات... وهما قاعدين في اوضتهم بيلاقوا الي بيخبط علي الباب.... فهد: مين!!!
حور: احنا
فهد: المفعوصتين دول.. انا مش فاتحلهم.. بيفصلوا اي لحظه حلوه
سجده بضحك: معلش افتح لهم يفهد وحشوني والله
فهد: حاضر علشان عيونك بس... وبيروح يفتح الباب
حبيبه كل ده عقبال متفتح..... مش عايز تشوفنا ولا ايه
فهد: بصراحه اه لان انتو عيال فصلان... فتحت علشان خاطر سجده بس
حور بتمثيل الغيره: ايوا بقي... يعني احنا ملناش خاطر
فهد بضحك: بصراحه لا
سجده بضحك مماثل: ايه بتر الخواطر ده يفهد
فهد: دول عيال رخمه.. انا هنزل.. ربع ساعه وتنزلوا.. انتوا فاهمين.. انا عايز اقعد انا ومراتي
حبيبه ماشي يعاشق يولهان.... فهد بينزل وحور وحبيبة بيجروا علي سجده بيحضنوها..... حبيبه: والله وحشتينا يسجده
سجده: انتو اكتر والله
حور: يبختك يسجده
سجده بضحك: عقبالك يحوري وانتي وحبوبه.. واشوفكوا كده عروسات قمرات
الاتنين في نفس واحد: يارب
سجده بخبث: اومال الجرح عامل ايه يحبيبة... هو الدكتور احمد بيجي يغيرلك عليه
حبيبه بتوتر: ااا... اه.. اه... انا بقيت كويسه كمان
حور بتفهد سجده وبتقول لحبيبة: انتي طبعا.. مش عايزه الجرح يروح خالص
حبيبة: ايه الي انتي بتقوليه ده.. هو في حد يحب نفسه مجروح
سجده: لو الجرح ده هيجيب الدكتور احمد... يبقي تحبي صح
حبيبة بتتوتر وخدودها بتحمر....
حور: متتكسفيش يحبيبة... الموضوع باين خالص
حبيبة: انا... هو مش في دماغي اصلا
سجده: لا والله هو كمان واقع صدقوني... مش بعيد نلقوه جاي يتقدم
حبيبة بلهفه: بجد يسجده
حور بضحك: واضح انو مش في دماغك
سجده: ان شاء الله يبقي نصيبك يحبيبتي
حبيبه بصراحه: يارب يسجده... انا شكلي وقعت ومحدش سمي عليا... وبيضحكوا مع بعض... بيعدي نص ساعه... وفهد بيجي
فهد: يلا يبت منك ليها بره.. انا سبتكم نص ساعه زياده
حور: احنا هنطلع... بس بكره ان شاء الله هتنزل انت وهيا
سجده: ان شاء الله يحوري.... وبيطلعوا... وفهد بيروح علي سجده.... وبيحضنها... وبيقول عيال بارده... بعدوني عنك نص ساعه
سجده بضحك: يحبيبي دي نص ساعه بس
فهد بهيام: ولا عايزه ابعد عنك ثانيه واحده بس يسجده
&&&&&&&&&&&&&&&&&&&&&
تاني يوم بينزل فهد.... هو وسجده علي الفطار.....وسجده بتروح علي جدها وبتبوسه وحشتني اوي اوي اوي يجدو
الجد بحنيه: انتي اكتر... يقلب جدك
حبيبة: استاذ روميو حن عليكي وخلاكي تنزلي
حور بتهمس في ودنها: اسكتي...بدل ميسمعك... ويكسفك.. زي مكسفنا امبارح كده
حبيبة بضحك: لما اسكت..... بيفطروا.. وبعد كده سجده بتكون قايمه مع البنات يدخلوا المطبخ يعملوا الشاي... ويقفوا مع بعض....
فهد: اقعدي هما هيعملوا
سجده: يفهد عادي هروح معاهم
حور: خليكي يسجده.. احنا هنعمل... وبيدخلوا يعملوا.. الشاي وبيطلعوا.. والقاعده مبتخلاش من كلام حور وحبيبه.. وفهد يكسف فيهم... وباقي العيله بيضحكوا
حبيبه: لا يفهد... احنا زعلانين وبشده كمان... انت مش طيقنا للدرجاد
فهد بحنيه: امشي يهبله..... انت اخواتي وحبايبي... ازاي مش هطيقكم دا انتو الغالين... وبيبص لسجده وبيقول: بس مش اغلي من سجده طبعا
حبيبه: ربنا يخليكم لبعض يفهد ويحميكم ويحرسكم من العين... واهم حاجه من عيني انا وحور... وفجاه بيلاقوا احمد داخل عليهم.. حبيبة قلبها بيدق بسرعه وسجده وحور لاحظوها
احمد: السلام عليكم
الجميع: وعليكم السلام
احمد: انا كنت عايزك في موضوع يفهد... سجده بيجي في. دماغها انو هيتقدم لحبيبة وبتدعي ان كلامها يطلع صح..... وحبيبة بتتوتر وبتفكر هو عايز اي
فهد: اتفضل ي احمد... وبياخدوا. وبيدخلوا مكتبه
فهد: خير ي احمد
احمد: احم.... بصراحه كده... انا عايز اطلب ايد الانسه حبيبه
فهد بابتسامه وانا عمري مهلاقي لحبيبة عريس احسن منك ي احمد.. بس الراي الاول والاخير لحبيبة
احمد: انا ان شاء الله منتظر ردها
فهد باحراج: معلش ي احمد نسيت والله... تشرب ايه
احمد: لا ملوش لازمه والله
فهد: والله متمشي غير لما تاخد واجبك.... وبالفعل بيجيبله عصير وبيشربه.... وبيمشي
____________
بيبقي الجد وفهد وسليم قاعدين.
فهد: عايز اقلكم حاجه
سليم: قول يفهد
فهد: الدكتور احمد متقدم لسجده
الجد: احمد طيب ومحترم... ومشفنلش منو غير كل خير
سليم: بس لازم نشوف راي حبيبة الاول
الجد: ايوا طبعا
-----------
بيكون سجده وحور وحبيبه قاعدين بيتكلموا... فهد بيروح عليهم وبيقول لحبيبة جدي عايزك.. يحبيبه التلاته بيبصوا لبعض... وبيعرفوا ان كده احمد اتقدملها... حبيبة بتروح وبتقول: نعم يجدي
الجد: بصي يحبيبة الدكتور احمد متقدملك... وانا شايف انو شخص كويس ومحترم وهيحافظ عليكي... بس الراي ليكي انتي طبعا
حبيبة:.......
الجد بابتسامه: السموت علامه الرضا
حبببة بكسوف: بصراحه يجدي انا موافقه
الجد: يبقي علي بركه الله قولوا يفهد يولدي.. يجيب اهله ويجي يتقدم
فهد: حاضر يجدي.... وبيرن علي احمد بيعرفه انهم وافقوا وبيبقي مبسوط جدا... وكمان حور واسر قروا فاتحتهم مع حبيبة واحمد والاتنين دول بيبقوا سعداء اكتر من اي حد.... لانهم بيحبوا بعض من الطفوله
---------
عند البنات.. بيبقوا قاعدين بيلاقوا حبيبة داخله تجري عليهم... اتقدملي... مش مصدقه نفسي.. اتقدملي يحور... اتقدملي يسجده....حور وسجده بيفرحوا اوي وبيحضنوها
_____________
بعد مرور يومين.... احمد بيجيب اهله..... وبيروح يتقدم لحبيبة.. ومامته بتحب حبيبة جدا وكذلك اخواته... وبباه... وبيتفقوا علي كل حاجه ..... والاتنين بيفضلوا يبص لبعض كل شويه... وقلبهم يدق... بسرعه ...... وكذلك اسر بيتقدم لحور.. وبيقروا فاتحه الاربعه.... لكن اسر وحور بيكونوا امثر اتنين سعداء.. لانهم بيحبوا بعض من الطفولة وبينتهي اليوم علي خير....
__________
في المساء........ سجده بتطلع الاوضه.. وبتاخد شاور وبتروح علي التسريحه علشان تصفف شعرها.... وهيا قاعده علي الكرسي بتسرح... بتلمح ورقتين وملفوفين بشريطه حمرا...... فبتمسكهم بسرعه وبتفتحهم.. بتلاقيها تذكرتين سفر لفرنسا... بتبقي واقفه مش مصدقه.. ومبسوطه.... فهد.. بيدخل... بتجري عليه وبتقوله بفرحه: دول لينا يفهد
فهد: لا
سجده باحباط: افتكرتهم لينا
فهد: يعني هيكونوا للجيران يعني يسجده
سجده: يعني دول ليا وليك بجد
فهدبابتسامه: اه بجد ينور عيني
سجده بتحضنه وبتقول: شكرا يفهد... انا بجد مش مصدقه اني هروح البلد الي بحبها مع الشخص الي بحبه وبعشقه كمان
فهد: انتي بتشكريني يسجده.... انا كلي ليكي... وبعدين لو السفر لفرنسا هيخليكي تديني حضن حلو اوي كده اسفرك كل يوم.....
&&&&&&&&&&&&&&&&&
بعد مرور اسبوع
بتبقي العيله قاعده... واحمد بيدخل عليهم... وبيسلم علي الجميع... وبيقول للجد.... كنت عايز اقولك حاجه يجدي...
الجد: قول يولدي احمد: بصراحه ياجدي انا عندي شغل في امريكا فهتجوز انا وحبيبة.... واخدها معايا امريكا ولما نرجع اجازه اوعدك انها تقعد معاك ومع العيلة براحتها وانا.... والله بحب حبيبه وهشيلها في عيني وعمري مهزعلها
الجد باقتناع بعد مشاف نظرة الحب... في عينه: انا عن نفسي موافق.... نشوف راي حبيبه بقي موافقه تتجوزك وتسافر معاك ولا لاء
احمد بيبص لحبيبه وبيتمني انها توافق
حبيبه بكسوف وحب: موافقه ياجدي
الجد بفرحه: يبقي علي بركة الله
فهد: الله يسهلكوا
اسر: انت هتقر عليهم
فهد: مليش نفس يعني ما انت من قبل الفرح وانت بتقر وبتحسد كمان
اسر: ما انت بردو.... هتسافر فرنسا وتسبلي الشغل كله يابختك
فهد بضحك: اوعدك لما تتجوز هشيل انا الشغل مكانك وسافر البلد الي تحبها
اسر: افتكر وعدك
فهد: عمري وعدتك وخلفت
اسر: بصراحه لاء
حور بتميل علي سجده وبتقولها: هو احنا لبسنا في طفلين ولا ايه
سجده: شكلنا بس انا بقي الطفل بتاعي احلي طفل في الدنيا
حور بضحك: انتي وقع من الدور المليون بقي
سجده: بالظبط كده
حبيبه بتقول لحور: عقبال متقعي زيها
حور: انا وقعت اه بس لسه في الدور العاشر
حبيبه: ههههههههههههه
سجده: علشان خاطر المناسبة الحلوه دي هقوم اعمل احلي صنية كيكه انا وحور وحبيبه
اسر بضحك: طب بلاش حور بالله عليكي
حور بغضب طفولي: قصدك ايه يا استاذ اسر
اسر: انا خايف عليكي بس ومش عايز اتعبك
حور: لا متخافش عليا
سجده وحبيبه: لا مسيطرة ياحور
حور: اومال
احمد: طب استاذن انا بقي
اسر بضحك: والله متحصل لازم تدوق الكيك المحروق من ايد حور
فهد بضحك: لو سمعتك هتنفخك
اسر: الحمد لله مسمعتش
________
بعد فترة البنات بيخلصوا عمايل الكيك وبيخرجوا بيلاقو الشباب في الجنينه وبيطلعوا
حور: اتفضلوا كلو يلا
اسر بهمس: ربنا يستر ومنروحش المستشفي
حور: اسر
اسر: اصل انا الحجات الحلوه الي بتتعمل با الايدين الحلوين دي بتجبلي هبوط
حور: لا كل متخافش مش محلينها جامد
فهد: بتعرف تنقذ نفسك انت
اسر: منكم نستفيد يافهد
فهد: انا
اسر: يعني انا
حبيبه: بقولكو ايه
الجميع: قولي
حبيبه: تعالوا نلعب لعبه
الجميع: ايه هيا
حبيبه: الصراحه
الجميع: موافقين
بيبداو اللعب والدور بيجي علي اسر يسال حور
اسر: بتحبيني
حور بتتكسف وبتبصله وبتبص علي فهد فهد بيضحك وبيعمل نفسه مش واخد باله وحور بتهز راسها بمعني. اه
فهد بيبصلهم وبيمثل انو غضبان
اسر: فيه ايه يا فهد خطبتي ها
فهد: لسه متخطبتوش
اسر: انت العقد الي جدو عملهالك هطلعها عليا
فهد: كتم يلا بدل اقوم امرجحك
اسر: وعلي ايه لما احب اتمرجح المرجيحه اهي هركبها عادي جدا
بتلف الازازة والدور بيجي علي سجده تسأل فهد: ايه هيا اقصي طموحاتك: انك تفضلي جنبي طول العمر .... واهرب بيكي واعيش انا وانتي بعيد عن العالم كله ومحدش يفرقنا ابدا
اسر: ايوه يا عم روميو
فهد: يبني انت لو عدوي مش هتعمل معايا كده
الجميع بيضحك.... علي مشاجرة فهد واسر
دور حور تسال حبيبه: ايه اكتر شئ بيعجبك في احمد
حبيبه بتبص لاحمد وبتقول: اخلاقه وانو عارف دينه كويس. وحنين....والاكتر بقي انو دكتور شاطر جدا واحمد بيبتسملها بحب
فهد يسال احمد: حبيت كام مره
احمد بهيام: مره واحده ومين هيا حبيبه وحبيت كل حاجه فيها
اسر: عم روميو التاني
فهد: حتي احمد مسلمش منك
حور تسال سجده: بتحبي فهد قد ايه
سجده بحب: قد الدنيا دي كلها واكتر من نفسي
اسر: چوليت الاوله اهي
حور: طب فهد واحمد مسلموش منك سجده كمان ذنبها ايه
اسر: خلاص والله مهقول حاجه تاني
وبيكملوا لعب واليوم بيعدي جميل جدا
________
يوم الخطوبه بتكون خطوبه حور واسر... وحبيبة واحمد مع بعض.... بيحضر اهل احمد واهل اسر وبعض معارف فهد والعيله وبيكون يوم مبهج وبيكون حبيبه وحور طلعين قمرات حيث حور ترتدي فستان باللون البينك وحجاب من نفس اللون وحذاء ابيض وحبيبه ترتدي فستان باللون الزهري وحجاب باللون الابيض وحذاء من نفس اللون فبيكونوا قمرات... وتتوسطهم نجمته ومحبوبته بجمالها وبرائتها حيث كانت ترتدي فستان باللون الزيتي وحجاب باللون الكافيه ولم تضع اي مساحيق تجميل
كل واحد بياخد عروسته وبيلبسها الشبكه
وسجده بتكون واقفه فرحانه جدا فهد بيروح عليها وبيقولها: طالعه قمر لدرجه اني عايز اخبيكي من عيون الناس كلها
سجده: انت الي قمر
فهد: طب بقولك ايه
سجده: قول
فهد: تعالي نطلع اوضتنا علشان عايزك في موضوع
سجده بضحك: مينفعش يافهد دي خطوبة اخواتك
فهد: ماشي يا سجده هانت بكره هنسافر ونروح فرنسا وميبقاش في حد معانا واستفرد بيكي لوحدي بقي من غير محد يضايقنا
سجده بتضحك علي كلامه وبتقوله: ماشي يافهدي انا موافقه
فهد: طب بلاش فهدي دي دلوقت علشان هتجننيني واخدك واطلع جري علي فوق
سجده: حاضر وبيفضلوا يتكلموا ويضحكوا مع بعض وبيكون شكلهم قمر لدرجة ان المعازيم بيسيبوا العرسان وبيبصوا عليهم
بينتهي اليوم بسعاده
_______
في الصباح بيجي موعد الطيارة وسجده وفهد بيودعو العيله والعربية...... بتيجي تاخدهم وبتوصلهم المطار وبيركبوا الطيارة..... ولما الطيارة بتطلع سجده بتمسك ف فهد بخوف وبتغمض عيونها وبتغرز ضوافرها في ايده جامد لدرجة انها بتجيب دم
فهد بيحاول يهديها : اهدي ياحبيبتي متخافيش انا معاكي
سجده بتهدي من كلامه وبعد مبتهدي بتلاحظ اثار ضوافرها علي ايده وايده بتجيب دم
سجده بتطلع منديل وبتمسح الدم وبتقوله بدموع: انا اسفه والله مكنت اقصد... غصب عني والله
فهد بحنيه وبيحضنها وبيقولها: ولا يهمك يعمري
......انتي تعملي الي انتي عيزاه وانا استحمل...الطيارة. بتوصل وسجده بتكون مبسوطه جدا وماسكه في ايد فهد بحب وفهد بيكون مبسوط انها مبسوطه والعربيه بتوصل وبتوصلهم الفيلا
سجده: واو هيا قدام البحر
فهد: انا عارف انو انتي بتحبي البحر.... فاختارتها قدام البحر وبيديها المفتاح وبيقولها: اتفضلي يا اميرتي افتحي قصرك
سجده بتبصله بعشق... وبتاخد المفتاح وبتفتح الباب وبتتصدم من الي بتشوفه
ياتري سجده شافت ايه؟!!!!!
الثالث والعشرون
#اسيرة_ الوحش
سجده بتتصدم لما بتفتح باب الفيلا وبتلاقي فيه تربيزه مجهزه باجمل الاطعمه..... وعليها شموع وبتلاقي بنت في وشها بتقولها: اهلا يافندم
سجده: اهلا.... وبتوجه كلامها لفهد: مين دي يافهد
فهد: دي خادمه في الفيلا.... هنا لما اشتريت الفيلا طلبت مساعده تيجي تظبتها وهيا الي عملت كل ده
سجده بابتسامه بشوشه: تشرفت بمعرفتك انا اسمي سجده ومنغير فندم وهانم والكلام الي ملوش لزوم ده
ايسل: وانا ايسل اي حاجه حضرتك تحتاجيها تقدري.... تطلبيها مني
سجده: شكرا
ايسل بتدخل المطبخ وفهد بيمسك سجده من ايدها وبيتجه بيها علي التربيزه وبياكلوا
سجده: اكلها حلو اوي
فهد بحب: مش احلي من اكلك ياعيوني
سجده: مين يشهد للعروسه
فهد: العريس
سجده: تعرف اني بموت فيك وبحبك اوي
فهد: وانا بموت فيكي ياقلبي...... بيخلصوا اكل وفهد بينادي علي ايسل... تعملهم شاي وبياخد سجده يفرجها علي الفيلا
سجده: حلوه اوي
فهد: ايه رايك نستقر هنا
سجده: ازاي يافهد بس الشغل هناك والجامعه وجدو والعيله مش هينفع
فهد: خلاص في الاجازه بتاعتك نيجي هنا والشغل كده كده في فروع كتير هنا
سجده: اوكيه
فهد بيقرب من سجده وبيبوسها بحب وبيلاقي ايسل داخله بتديهم الشاي
ايسل بكسوف: اتفضلوا الشاي
فهد: شكرا
سجده بتدفن وشها في كتفه لانها اتكسفت
فهد: انتي اتكسفتي
سجده: ايوه
فهد: مش فاهم هتبطلي تتكسفي امتي والله انا جوزك
سجده: مش عارفه بقي
فهد: طب يلا نطلع ننام بقي بكره قدامنا يوم طويل
سجده: يلا وبتقوم تقف وفجأة فهد بشيلها وبيجري بيها علي فوق
سجده بضحك: مجنون
فهد: مجنون بيكي ياعمري
في الوقت ده ايسل بتكون طالعه من المطبخ وبتشوفهم وبتكون مبسوطه بحبه ليها ونفسها تلاقي امير احلامها زي فهد
&&&&&&&&&&&&&&&&&&&&
في الصباح سجده بتستيقظ بتلاقي فهد نايم وشعره نازل علي عيونه وشكله قمر بتزيح شعره وبتبوسه من خده برقه وبتقوله: ربنا يخليك ليا ياحياتي
فهد بيصحي وبيحاوطها ب ايده وبيقولها: ويخليكي ليا يا عمري
سجده: انت سمعني يعني
فهد: طبعا وعلشان البوسه الحلوه دي خدي واحده كمان وبيبوسها بعمق
سجده: قوم يلا بقي
فهد: هقوم اهو جهزي نفسك
سجده: هنروح فين
فهد: نروح برج ايڤل ايه رايك
سجده: ياريت
فهد: طب يلا
فهد بيقوم وبيجهز وبيلبس طقم كلاسيك بيكون شكله تحفه وسجده بتلبس دريس باللون الكافيه وعليه طرحه مشجره وبتكون قمر وبتجيب تلفونها وبتنزل لفهد بيفطروا وبيخرجوا وفهد بيقول للسواق انو هوا الي هيسوق
سجده: المكان بعيد عن هنا
فهد: لاء
سجده: اوك
فهد بينزل وسجده في ايده وبتكون منبهره بجمال البرج
سجده: روعه اول مره اشوفه في حياتي
فهد: وان شاء الله مش هتكون اخر مره
وبياخدوها وبيلتقطوا مع بعض اجمل الصور واللحظات السعيده وبيفضلوا يتمشوا في شوارع باريس كلها بيكونوا ماشين في شوارع باريس بعد اصرار سجده...... انهم يمشوا بدل ميركبوا العربيه وبياكلوا ايس كريم... سجده بتخبط فهد ب ايدها بقصد والايس كريم لحوس وشه وبتطلع تجري وبتضحك
فهد بيجري وراها وبيقولها: والله مهسيبك وبيمسكها وبيشيلها والبنات كلها بتبص عليهم باعجاب
سجده: نزلني يافهد
فهد: لاء لاء
سجده: عيب يافهد
فهد: واحد وشايل مراته فيها حاجه
سجده: فيها اني بتكسف
فهد بيدخلها العربيه وبيقولها: نروح الفيلا بس ونمحي الكسوف ده نهائي
بيوصلوا الفيلا وبيطلعوا الغرفه وفهد بيقلع الچاكيت وبيرميه علي الكنبه باهمال وبيقولها: نشوف موضوع الكسوف ده بقي
سجده: فهد
فهد: عيونه وبيمسكها..... من خصرها وبيبوسها برقه وحب وهيا بتلف ايدها علي رقبته وبتدفن وشها في حضنه.......وبتقوله: مش بتكسف ع فكره
فهدبغمزه: لا والله
سجده: خلاص بقي يفهد.... نسيبهم لوحدهم
&&&&&&&&&&&&&&&&&&&&
في اليوم التالي سجده وفهد بيتمشوا علي البحر وفهد بيكون ماسك ايدها جامد وبيقعدوا قدام البحر بالظبط
سجده: تعرف اني بحب البحر جدا
فهد: وانا كمان بحبه
سجده: هيا البنات الي لابسه ومش لابسه دول مش مكسوفين
فهد: هما متعودين علي كده
سجده: دول هيتشوا في نار جهنم وشعرهم الي فرحانين بيه ده هيتشعلقوا منه
فهد: انا هنزل اعوم شويه ف البحر
سجده بتلاقي البنات واقفين بيبصوا علي فهد فبتقله: لا يافهد بلاش دلوقت
فهد بضحك: بتغيري
سجده: ايوه بغير عليك مش منهم يافهدي
فهد: والله علشان فهدي دي مهنزل ولا هزعلك ابدا ياعيوني
سجده... حور بترن عليها فيديو كول وبتقعد تكلمها وفهد بيكون واقف علي البحر وكل البنات بتتلم عليه وبيتصوروا معاه بنت واسمها چوليا بتتكلم بالفرنسي:
(انه وسيم وجذاب اتمني ان اتزوجه)
بنت اخري:
(حقا انه وسيم للغايه)
وبنات اخري تتحدث وكل ده فهد واقف مستني ردت.. فعل سجده
سجده بتلاحظ البنات وهما واقفين حول فهد بتلاقي جردل بتعبيه مايه وبتجري عليهم وهيا بتسمع البنت بتتطلب من فهد حضن وبتصب المايه فوقيهم وفهد بيفطس ضحك.... وسجده بتمسكه من ايده
جوليا بحنق:
(من انتي هذا الوسيم لي)
سجده بسخريه وبتكلمها فرنسي:
(لا عزيزتي لا تنطقي هذه الكلمه هذا الوسيم زوجي وملكي انا فقط
جوليا باحراج:
(انا اسفه لا كنت اعلم ان هذا زوجك) وبتاخد البنات وبتمشي
وسجده بتمشي وبتدخل الفيلا لانها بتكون قريبه من البحر وفهد بيدخل وراها
فهد بيقرب منها
سجده: ابعد عني يافهد
فهد: هما الي اتصوروا معايا وانا كنت واقف مستني ردة فعلك هتكون ايه وانتي بصراحه قومتي بالواجب
سجده بتزقه وبتقوله: شفت ردة..
فعلي عجبتك اوعي بقي وبتطلع بره في الجنينه
فهد بينادي ايسل.... وبيقولها طالعيلها الاكل ده بره
ايسل: حاضر يا فندم
بتطلعلها الاكل بره
سجده بتذمر: لا مش عايزه
فهد بيكون سامعهم وبياخد الاكل من ايسل وطلعلها
ايسل: ربنا يباركلك فيه يارب يا سجده ويوعدني بحد يحبني زي ما استاذ فهد بيحبك وبيخاف عليكي اوي كده
فهد: اتفضلي كلي
سجده: لا مش عايزه
فهد: لازم تاكلي لان صغيرتي المدللة لما بتتعب بتمرض جامد ومبتهونش عليا
سجده: موافقه بس تاكل معايا
فهد: حاضر
سجده: علفكره لسه مخصماك
فهد: صدقيني ياحبيبتي عمر واحده من البنات دي متملي عيني انتي ماليا عنيا وقلبي وحياتي وكل حاجه
سجده: والله
فهد: اه والله
فهد: طب يلا نطلع فوق
سجده: يلا
فهد بياخدها وبيطلعوا الاوضه وبيبدل هدومه لبنطلون قطني وعليه تشيرت من نفس الخامه
سجده: فهد
فهد: عيون فهد
سجده بتساؤل وبتشوفه هيقول ايه: انت ليه مدتش للبنت دي حضن
فهد: لاني ببساطه حرام شرعا ثم
غمز لها بمكر مكملا بشقاوة : وكمان بحب مراتي الي هيا انتي يابيبي.... ومستحيل واحده غيرك تدوق حضني يا سجده
اعتلت ملامحه ابتسامه خبيثة.. وهب واقفا امامها..
كلماته الصادقه جعلت قلب سجده يتراقص من الفرحه
فهد: حضني وقلبي وكلي ملكك انتي وبس ياسجده ودلوقتي بقي سبيني اصالحك اقترب منها حد الالتصاق.... واضعا جبهته علي جبهتها وهمس امام شفتيها ويردف بحب: اشتاقك يا نبع الدماء باوردتي واطمئني..... ساحرتي لن اتخلي عن قلبك الذي ينبض بحبي..... ابدا فقط احبيني اكثر واكثر ودعيني اغمرك بعشقي
سجده بحب: بتجيب الكلام الي يجنن ده يا فهد منين
همست بها وهي تقبل لحيته الرقيقه علي استيحاء تشنج جسده بقوه اثارها.. واطارت بها اللب من عقله.... وزادت جنونه بها اضعاف مضاعفه
&&&&&&&&&&&&&&&&&&&&
بعد مرور عدة ساعات خيم الليل بستائره السوداء التي تلتمع بها رونق النجوم داخل الجناح الخاص بفهد.. واميرته
علي فراش وثير مملوء باروع الورود من اللون الاحمر والابيض...... تغص سجده... في نومها وبجوارها فهد الذي يحضتضنها بعشق
&&&&&&&&&&&&&&&&&&&&
تاني يوم
سجده بتكون واقفه علي البحر وشخص واقف بيصورها بكاميرا وهيا مش واخده بالها
الشخص بالفرنسي:
(كم انها جميله وجذابه عيونها ساحره.)
فهد بيشوفه والدم بيغلي في عروقه وبيتجه نحوه... فهد بيمسك الكاميرا وبيهبدها في الارض بتتكسر ومش بيتبقي فيها حاجه سليمه.... وبيمسك الراجل بينزل فيه ضرب سجده بتجري عليه بتمسكه وبتترجاه يسيبه.... وفهد مش بيكون سامعها من كتر غضبه
سجده بدموع: فهد خلاص بقي ارجوك فهد بيشوف حالتها... وبيسيب الراجل وبياخدها في حضنه بتملك.... والراجل مبيصدق ان فهد سابه وبعد ما كان هيطلب الشرطه وبيطلع يجري وينقذ حياته
وفهد بياخد سجده... وبيروحو الفيلا وهو متعصب
سجده بدموع: فهد ارجوك متعصبش نفسك انا والله مشوفتوش
فهد بيشدها عليه وبيحتضن وشها بايده وبيتكلم بحنان: عارف يحبيبتي انك مكونتيش شيفاه بس نظرته ليكي وانو كان واقف بيصورك جنننتني وخلت الدم... يغلي في عروقي
سجده: افرض كان مات في ايدك
فهد: في ستين داهيه
سجده: خوفت عليك يافهد
فهد بمرح: بزمتك انا يتخاف عليا
سجده: ايوه يافهد انا بخاف عليك
فهد: وانا كويس اهو
_________
في المساء سجده بتكون بتتمشي في الفيلا فبتلاقي حمام سباحه كبير...
في وسط الفيلا وبتلاقي الي بيعوم فيه بتقرب بتلاقي فهد
سجد ه: هو في حمام سباحه هنا كمان
فهد: اه لما اشتريت الفيلا اصريت ان يكون حمام سباحه داخل الفيلا من جوه علشان تعومي فيه براحتك... وتلبسي الي انتي عيزاه وعلفكره الي في الجنينه ممكن تعومي فيه براحتك بس هنا اضمن
سجده: قولتلي
فهد: فيه مايوه متعلق اهو هتيه...
وتعالي انزلي
سجده بتروح تشوف المايوه وبتتصدم وبتجري عند فهد وبتقوله: بقي انت عيزني البس البتاع ده
فهد: وفيها ايه
سجده: انت عيزني ابقي شبه البنات المايعه الي بنشوفها علي البحر دي
فهد بيتعصب وبيطلع علي حافة المسبح وقطرات الماء بتتساقط علي وشه وبيقول بعصبيه وصوت عالي : سجده
سجده بتخاف من صوته وهو بيلوم نفسه انو خلاها تخاف منه
فهد بهدوء: يا حبيبتي انتي مش زيهم الفرف بينك وبينهم كتير هما بيلبسوا ده قدام الكل انما انتي هتلبسيه في بيتك وقدام جوزك وبعدين انتي عمرك شوفتي الماس بيتقارن بتراب
سجده:لا مش هلبسه
فهد بحنان: براحتك يا سجده ولو عايزه تنزلي انزلي ب الي انتي عيزاه
سجده: مش عايزه
فهد: شكلك كده ش بتعرفي تعومي
سجده: انا
فهد: ايوه
سجده: استناني هجيب المايوه بتاعي ودا مايوه اسلامي.. ونشوف
فهد: تمام وبيبتسم لانو كان عارف.... لما يستفزها هتتحداه وبالفعل عدا..... خمس دقايق وسجده كانت لابسه..... ونطت في البسين وبدأت تسبح بمهارة وفهد كان معجب بمهارتها في السباحه
فهد: لا طلعتي بتعرفي تعومي كويس
سجده: كويس بس
فهد: لا كويس اوي اوي اوي اوي كمان
سجده بتمثيل الغرور : ده اقل حاجه عندي
فهد بيقرب منها وبيحاوط خصرها وبيقولها: اقل حاجه اقل حاجه
سجده: اه اقل حاجه اقل حاجه وبعدين ابعد عني انا مخصماك
فهد: ليه بس
سجده: مش عارف ليه انت خوفتني منك وانا مش متعوده منك علي كده
فهد بيقبل ايدها بحنان وبيقولها: انا اسف مكنتش اقصد... خوفك مني والله بس فكرة انك تقارني نفسك بالبنات دي عصبتني ياروحي دول حاجه وانتي حاجه تانيه خالص
سجده: يس انا مقارنتش نفس يبيهم انا بقولك انت عايزني ابقي شبهم
فهد بيحضنها: علي العموم متزعليش مني حقك عليا يغاليه
سجده: خلاص يحبيبي انا مش زعلانه والله
______
بعد مرور ثلاث اسابيع بيفوق فهد علي صوت سجده وهيا بتصحيه وبتقوله: فهد فهد.... قوم هنتاخر علي الطياره
فهد: سجده
سجده: نعم
فهد: فكري يا سجده خلينا هنا احنا في استمتاع هنا بعيد عن اي مشاكل
سجده: فهد انت ناسي اقل من شهر وفي مواد لسه مخلصتهاش والله لتذكرهملي ماده ماده (طبعا سجده كانت بتروح الكليه ع الامتحانات... وفهد كان بيجبلها المحاضرات وكل حاجه)
فهد: من عيوني
سجده: تسلم عيونك
بعد فتره سجده وفهد بيجهزوا وبينزلوا يفطروا وبعدين العربيه بتيجي علشان..... توصلهم المطار بيوصلوا المطار وبعض ساعات قليله بتوصل الطائرة مصر وبعدين بيوصلوا القصر..... والعيله كلها بتسلم بيهم وبيطلعوا علي فوق يرتاحو من السفر
_________
في المساء بينزل فهد وسجده علي العشاء
فهد: جدي انا هنزل القاهرة بكره انا وسجده
الجد: ليه يافهد
فهد: سجده الامتحانات بتاعتها كمان تلت اسابيع وكمان في بعض الامور في الشركات هناك عايز اراجع عليها
الجد: تمام يا فهد
سجده: ممكن حور وحبيبه يجوا معانا
حور: الود ودي اجي معاكي.... بس عندي امتحانات
حبيبه: من عيوني انا معنديش امتحانات
الجد: انتي ناسيه ان فرحك كمان شهرين
سجده: احنا ان شاء الله هنيجي قبل الفرح بكتير ياجدو
الجد: ماشي ياعيون جدو
_____________
تاني يوم بيروحوا القاهره وفهد بيكون قاعد في مكتبه جاله اتصال من اسر
اسر: الو
فهد: الو يا اسر مجتش ليه
اسر: الحقنا يا فهد مصيبه مصيبه يافهد
فهد: في ايه
اسر:..........
فهد: بتقول ايه
ياتري اسر قال ايه لفهد؟!!!!
الرابع والعشرين
#اسيرة _الوحش
اسر: المخازن.... بتولع يافهد
فهد بهدوء: وعرفت مين الي عمل كده
اسر: هو مفيش غيره
فهد بغموض: هو مين
اسر: رعد السيوفي
فهد: كنت عارف يا اسر اقسم.... بالله مهرحمو يا اسر المهم حد اتاذي
اسر: لا الحمد لله.... الكل كويسين
فهد بغموض اكثر: تمام يا اسر خلص وتعالي علي الشركة... بسرعة علشان عايزك ضروري
اسر بحزن: حاضر يافهد
________
عند سجده
هيا وحبيبه بيكونوا وقفين بيعملوا الاكل وسجده بتعلم حبيبه تطبخ....وحبيبه بتقلها
سجده
سجده: نعم
حبيبه: انتي ازاي كده
سجده باستغراب: كده ايه يعني
حبيبه: يعني ازاي قلبك ابيض كده حاولت اوقع بينك وبين فهد كتير... وكمان حاولت اقتلك وسامحتيني وبتعامليني باحسن معامله
سجده بطيبه: ربنا سبحانه وتعالي.. بيغفر وبيسامح يبقي انا مش هسامح ياحبيبه وبعدين دا كان وقت غضب.... والمهم انك تعترفي بغلطك وبالفعل اعترفتي يبقي.... انا ليه مسامحكيش وبتضربها بخفه علي دماغها وبتقولها: انسي بقي ياست حبيبه.. مفيش بين الاخوات الكلام ده
حبيبه بتروح عليها وبتحضنها وبتقولها: انتي احسن اخت في الدنيا
سجده: طب يلا بقي علشان نخلص الاكل قبل ما فهد.... يرجع علشان نبدا الدرس (قصدها علي ان حبيبه مسافره امريكه ومش بتتكلم انجليزي ف سجده.. بتعلمها)
حبيبه: ماشي يااحلي سجوده
________
عند فهد في الشركه
فهد.. بيكون قاعد ببرود علي الكرسي... واسر بيدخل عليه
اسر: فهد ايه البرود.... ده علفكره انا قولتلك ان المخازن.... اتحرقت انت عارف الشركه هتخسر قد ايه
فهد بضحك: بس الحاجات الي جوه المخازن متحرقتش.. ولسه سليمه
اسر بفرحه: ازاي الكلام ده.. انت بتهزر
فهد: اقعد وانا افهمك ازاي
اسر: اديني قعدت
فهد: من تلت ايام
flash back:-
فهد كان قاعد فى غرفته وشغال علي اللاب فجاة جاله اتصال
فهد: الو
شخص: ايوه ياباشا
فهد: ايه يا حسن
حسن: سمعت ان رعد السيوفي... رجع من السفر ياباشا وشكله مش ناوي علي خير وهيلعب علي كبير
فهد بضحك: ينور وانا بموت..... في اللعب وهنلعب مع بعض كتير
end flash back:
فهد: بس كده يااستاذ اسر طبعا...... لما عرفت ان رعد راجع وانو ناوي علي شر قررت انقل كل حاجه لمخازن تانيه..... وزي... متوقعت ولع في المخازن شكله زعلان.... من اخر مره خسرته فيها صفقه بملاين من يومها سافر وشكله راجع وعايز يلعب فقررت... العب معاه شويه تسليه
اسر بصدمه: طول عمرك ذكي يافهد بس هتلعب ازاي معاه بقي
فهد: اقولك انا وبيحكيله... هو هيعمل ايه
اسر: اقسم بالله صدق الي سماك وحش التجارة يافهد وحش وحش يعني
فهد: عندك شك
اسر: ولا واحد في الميه.... انت مش متصور فرحتي ان كل حاجه سليمه يافهد
فهد: هبقي اوريك اماكن المخازن الجديده علشان تصدق..... ولا اقولك تعالي نروح دلوقت
اسر: يلا
__________
بيكون قاعد علي الكرسي وبيضحك بفرحه وخبث
رعد: تلقيه دلوقت قاعد بيولول زي الحريم
شخص: بس الي اعرفه يا باشا ان فهد الراوي مش بيزعل. ولا بيضعف علي حاجه بتروح منه ده بيقوي وبيرجع اقوي
رعد بعصبيه: انت معايا ولا معاه
الشخص بخوف: مش قصدي يا باشا..... بس كله عارف فهد الراوي واللعب معاه تقيل اوي اوي ومش سهل ومحدش بيلعب معاه
رعد: انا بقي هلعب معاه... وهديله الصدمه انهارده بليل
الشخص: تمام يا باشا
رعد السيوفي.. رجل اعمال بيشتغل في شركات ابوه... وبجوار كده بيشتغل في المخدرات والسلاح وبيكره فهد اوي علشان شايفه احسن منه وبينافسه كتير وفهد
اكتشف قريب انو بيشتغل في المخدرات والسلاح وطبعا فهد... قرر يسلمه للشرطه
_________
بعد فترة رعد بيكون قاعد في مكتبه بيلاقي الشخص الي كان قاعد معاه وداخل بيجري
الشخص: رعد بيه رعد بيه
رعد بقلق: فيه ايه يا صادق
صادق: اكتشفنا ان مخازن فهد الراوي اتحرقت بس هو كان محول كل حاجه علي مخازن تانيه وبكده شركته مش هتخسر. ولا مليم
رعد بعصبيه: انت بتقول ايه
صادق: فيه بلوه اكتر
رعد: ايه هيا
صادق بتوتر: الم.. خ.. ز.. ن
رعد بعصبيه: انجز اتكلم فيه ايه ياصادق
صادق: المخازن الي كان فيها المخدرات كلها ولعت يا باشا
رعد بجنون: ايه... الكلام ده
صادق: لسه الرجاله مكلمني وقالولي المخازن بتولع وطفو النار. والبضاعه كلها اتحرقت
رعد بيكسر كل حاجه قدامه علي المكتب
رعد بجنون: مش هسيبك. والله مهسيبك يافهد وهدمرك... وادمر حياتك
&&&&&&&&&&&&&&&&&&&&
فهد بيروح هو واسر المخازن الجديده وبيضحكو وبيكون نفسهم..... يشوفو منظر رعد دلوقت وفجاة بيجي لفهد اتصال
فهد: الو
رعد بمكر: وحشتك
فهد بمكر اكثر: اوي اوي.... بس ايه رأيك في الي بيحصل للي يفكر يلعب مع فهد الراوي
رعد بحزن وضعف بيحاول يدريه: بصراحه عجبتني اوي. وعلشان كده عايز اقولك خبر خطير وبيبدا يسرد عليه الكلام
فهد من الصدمه التليفون بيقع من ايده وبيحس ان الدنيا بتلف بيه
اسر بقلق: فهد انت كويس
فهد بتوهان: كويس كويس..... وبياخد مفاتيح العربيه وبيطلع علي بره
اسر: فهد الك""""""" ده قالك ايه
فهد: مفيش يااسر.... وبيتجه نحو سيارته
اسر: طب انت مش هتقدر تسوق تعال اوصلك بعربيتي
فهد: لا لا ان كويس وهقدر اسوق.... واروح وبيركب العربيه وبيسوق باعلي سرعه عنده.. وهو حاسس ان انفاسه بتروح منه
__________
عند سجده
بتخلص الدرس الي كانت بتديه لحبيبه وبتطلع تنتظر فهد فوق في الغرفه
فهد بيوصل الفيلا وبيطلع علي ملجاه طوق نجاته في الحياه.... وبعدين بيشوفها وبيقرب منها وملامحه كلها حزينه
سجده بخوف وقلق: مالك يافهد... انت كويس
فهد بيترمي في حضنها كانه طفل وبيحاوطها كانه طفل يحتضن امه... وبيقولها: لا مش كويس مش كويس خالص يا سجده
سجده بحنيه: احكيلي يافهد
فهد دموعه بتنزل بانهيار
فهد بانهيار: امي. امي ياسجده. اتحرمت منها وانا عيل صغير ماتت. كنت فاكرها ماتت موته طبيعيه في حادثه لكن، وبيكمل بوجع وقلبه بيتقطع. طلعت حادثه بفعل فاعل.... والمقصود فيها كان. انا
سجده بصدمه وحزن: ازاي يافهد الكلام ده
فهد بحزن: ابو رعد الكل •••••• كان بيكره ابويا ودايما بينافسه.... ولما شاف ان بابا احسن منه حب انو يكسره..... فدبر الحادثه دي علشان يقتلني وانا طلعت عايشه وامي.... امي ما.. ومش بيقدر يكمل الكلام
سجده بحزن:مين رعد ده يا فهد وليه هو وابوه بيكرهوكم، وانت عرفت منين انها مش حادثه
فهد: رعد ده منافس ليا وطول عمره.... بيكرهني زي ابوه بالظبط مكان بيكره بابا.... وعرفت من الحقير رعد هو الي اتصل.... وقالي علشان يوجع قلبي ويكسرني ومفكر اني هضعف هو الوحيد الي ميعرفش ان فهد لما بياخد ضربه بيردها بعشره
سجده: ان شاء الله ربنا هياخدلها حقها منهم ادعيلها... بالرحمه يافهد
فهد: الله يرحمها بس اقسم بالله يا سجده مهرحمو لا هو ولا ابوه.... وهخلي المشاكل تجيله من كل حته وهو مش عارف. هيا جايه منين ويعترف ويقول مين فهد بحق
سجده بتمسد علي راسه بحنيه: ان شاء الله ربنا ينصرك عليه. وانا عارفه ان حبيبي اقوي حد في الدنيا كلها
فهد: تعرفي اني لما عرفت مقدرتش املك اعصابي ملقتش حد غيرك احكيله وجعي انتي ملجائي الوحيد ياسجده
سجده: ربنا يباركلي فيك ياحبيبي ويجعلني دايما ملجائك واخفف عنك وجعك
فهد بيبوسها من جبينها وبيضمها اكثر وبعدين بيناموا
_____________
في اليوم التالي
في فيلا رعد
بيكون ابو رعد قاعد ويدعي خالد
رعد: يبابا مكنتش اقصد
خالد: مكنتش تقصد.. ايه ياغبي انت ضيعتنا رايح تقوله ان انا الي قتلت امه... وان هو الي كان مقصود
رعد: يبابا لما عرفت ان المخازن اتحرقت الدنيا لفت بيا وحبيت احسره..... وملقتش غير الطريقه دي الي احرق قلبه بيها
خالد: غبي طول عمرك غبي عرفت ليه فهد دايما احسن منك علشان بيستخدم عقله كويس مش زيك ولعلمك... فهد كده مش هيتكسر لاء
ومره واحده.... بيلاقو الي داخل عليهم وبيقولهم: انت عندك حق في كل كلمه قلتها يا خالد
رعد: انت ازاي تدخل الفيلا بالطريقه دي
فهد: ايه مفيش ترحيب بالضيوف عندكم ولا ايه وبيقعد علي كرسي وبيحط رجل علي رجل وبيكمل ولا انت.... ايه رايك يا خالد
خالد بتوتر وخوف: اه. اه. طبعا يا ابني احسن ضيافه للغالي
فهد بتلاعب: الغالي الي كنت عايزه تموته. وتحرق. قلب ابوه وهو صغير
خالد بتوتر: ايه الكلام الفارغ ده
فهد بيطلع الموبايل وبيسمعه التسجيل
خالد بغضب وغيظ : غبي غبي. يارعد الي كنت خايف منه حصل وسجل المكالمه... وهوصل للمشنقه بسببك
خالد بشر: ايوه انا الي دبرت الحادثه والمقصود انت علشان احرق قلب ابوك... عليك ولو طولت هعملها تاني
وفجاة بيلاقي الظابط داخل عليه وبيقوله: مطلوب القبض عليك
خالد بجنون: انا معملتش حاجه صدقني معملتش حاجه.... وبيقبضوا عليه وكده فهد بيكون خد حق امه زي مقال لسجده
فهد: سلام يا رعد ولا اقولك يا كتكوت بابا
رعد بغل: مش هسيبك وهحرق قلبك يافهد
&&&&&&&&&&&&&&&&&&&&
فهد بيرجع البيت... وبيحكي لسجده كل حاجه وسجده بتكون فرحانه جدا.... وبعدين بيتصل علي اسر وبيقوله وبيفرح.... هو كمان وبعدين بيعزموا علي الغدا... وبيقضوا اوقات مرحه مع بعض
وبعدين فهد بيطلع يذاكر لسجده علشان امتحاناتها وحبيبه..... بتطلع تنام واسر بيمشي
بعد مرور شهر
سجده بتكون في اخر يوم الامتحانات وطالعه وبتكلم حبيبه في التليفون..... ومبسوطه وفجاة حبيبه بتتصدم لما بتلاقي سجده. بتصرخ في التليفون لما بتلاقي... رجاله لابسين اسود في اسود وبيدخلوها العربيه وحبيبه بتصرخ في التليفون: سجده سجده.... مالك يا سجده في ايه ردي عليا ياسجده وهيا مش بتلاقي رد لان التليفون وقع في الارض..... والعربيه مشيت
عند سجده ف العربيه
سجده بصراخ: انتو مين وعايزين من ايه ابعدوا عني سبوني
شخص بصوت غليظ: اخرسي بقي
بعد فترة العربية بتوصل.... لمكان شبه مقطوع وبيكون عبارة عن مخازن قديمه وبيدخلو سجده وبيربوطوها في كرسي. وبيغموا عينها برباط
بعد فترة بيدخل شخص وبيقول: يا اهلا يا اهلا بمرات الغالي
سجده بغضب: انت مين. وعايز ايه
رعد: ثواني وهتعرفي انا عايز ايه
________
عند فهد بيرجع الفيلا بيلاقي حبيبه بتجري عليه
حبيبه بخوف: الحقني يافهد
فهد بقلق: فيه ايه يا حبيبه
حبيبه بدموع: سج... سجده كانت بتكلمني في التليفون... ومره واحده صرخت وصوتها انقطع من التليفون...... سجده اتخطفت يافهد
فهد بيعرف انو رعد الي خطفها وبيخبط الكرسي يوقعه في الارض بغضب وبيقول: اقسم بالله مهسيبك يارعد المره.. دي القاضيه وبيلاقي التليفون بيرن
فهد: الو
رعد: اهلا اهلا
فهد: سجده يا رعد اقسم بالله لو اتخربشت خربوش مش هيكفيني.... فيك عيلتك كلها
فهد بضحك: انا قولت برضو.... انك ذكي وهتعرف ان انا الي خطفتها ولو عايزها تعالي علي المكان الي هبعتهولك
سجده بصوت عالي سمع فهد في الموبايل: لاء يافهد متجيش بالله عليك... انا كويسه ده كمين يافعد عايزين يوقعوك متجيش يافهد
فهد بلهفه: سجده انتي كويسه
سجده: ايوه والله كويسه... بالله عليك متجيش يافهد رن علي الشرطه يافهد
رعد: متنساش يافهد الشرطه. لو جات اقرأ الفاتحه علي مراتك
فهد بثقه لان عارف ان رعد جبان: طب فكر يارعد كده تنزل منها.... دمعه بس وانا ادفنك مكانك
رعد: طول عمرك عصبي يافهد بس تمام يلا انا بعتلك اللوكيشن نص.. ساعه وتكون هنا
اسر بيدخل الفيلا بقلق وبيقول: فيه ايه يافهد
فهد: سجده اتخطفت يافهد ورعد الي خطفها وعايزني اروحله علي **********
اسر: طب يلا.... وانا هاجي معاك
فهد: مش هينفع هو طلب ان اروح لوحدي
اسر: بلاش يافهد..... رعد غدار وممكن ياذيك
فهد: ايه يا اسر انت هتخاف من عيل ولا ايه
اسر: لا طبعا بس برضو قلقان عليك دا غدار
فهد: رعد المره دي مش هسيبه غير وهو في السجن.... والسلاح كله يتسلم للحكومه وده وعد مني بس سجده تكون في امان
اسر: في رعاية الله يا صاحبي
&&&&&&&&&&&&&&&&&&&&
فهد بيوصل للمكان الي رعد قال عليه وبيدخل جري وسجده... بتشوفه دموعها بتنزل
فهد بيجري عليها وبيضمها وبيقولها: انتي كويسه ياحبيبتي
سجده: ايوه انا كويسه بس خايفه عليك مجبتش الشرطه ليه
فهد: متخافيش انا جنبك يا عمري... وعمري مهسيبك ابدا ولسه هيفكها سجده بتصرخ باسمه لما بتلاقي الي.. بيضربه علي دماغه بالمسدس وبيقع علي الارض
سجده بصراخ: فهد
________
بعد فترة فهد بيفوق وهو مربوط علي كرسي جنب سجده وبيلاقي رعد واقف في وشه
فهد: طول عمرك غدار يارعد
رعد ببرود: طب كويس ان انت عارف
فهد: وواطي كمان وبيتف في وشه
رعد بيمسح وشه بهدوء وبيقوله هعديهالك المره دي
فهد:تيجي نتفق اتفاق
رعد: ايه هوا
فهد: سجده تمشي..... ونتفاهم انا وانت مع بعض
رعد بيعمل نفسه بيفكر وبيقول: تؤ تؤ تؤ طب ازاي ولسه هيحط ايده علي وش سجده فهد بيضغط علي الحبل بعصبيه شديده وبيتنطر من علي الكرسي... وبيمسك ايده وبينزل. فيه ضرب وبيقوله قبل ما ايدك تفكر تتمد عليها. هقطعها وبينزل فيه ضرب تاني لغاية ما رعد بيقع علي الارض. وبيروح علي سجده يفكها وبيقولها: يلا يا سجده. اهربي
سجده: لا يا فهد مش هسيبك
فهد: بقولك امشي. وانا هاجي وراكي
سجده بعند: مش هسيبك ابدا يافهد يلا امشي معايا
فهد: امشي ياسجده اسبقيني علي الفيلا
سجده بدموع: انت ليه مستهون بالموضوع كده
فهد: امشي يا سجده وهفهمك كل حاجه بعدين سجده بتمشي... ورجالة رعد بيدخلوا وفهد بيضربهم وبيجب واحد من وراه وبيحاوط رقبته فهد بيمسكه وبيقلبه علي الارض فهد بيضربهم كلهم بشده
سجده ب.. تسمع صوت ضرب النار بتجري علي جوه بخوف. لانها مكانتش مشيت ومردتش تسمع كلام فهد... وخافت عليه بتدخل بخوف
بتلاقي راجل واقع علي الارض... واخد رصاصه في رجليه ورجاله رعد كلهم واقعين علي الارض من كتر الضرب وفهد واقف قصادهم
سجده بخوف: انت كويس
فهد: ايوه كويس انتي ممشيتيش ليه
سجده: مقدرتش يافهد امشي.. واسيبك
فهد بيحضنها وبيقولها: متخافيش يا حبيبتي ويلا بقي علشان اروحك. واجي اشوف كنت بعمل ايه
سجده بغضب: تيجي فين يا فهد انت عايز ايه بالظبط... وهو مش انت جيت تنقذني وانا اهو كويسه ومحدش ضربني قلم حتي
فهد بغضب: طب كان حد يفكر يمد ايده عليكي وانا كنت... قطعتهاله وبيلاقو رجالة رعد بدأت تفوق بياخدها وبيطلعها بره وبيقولها: طب انا افضي اضربهم ولا اخبيكي ولا اعمل ايه
سجده: هو انت ضربهم عندك زي اكل الزبيب
فهد: دول عيال هش. زي الي مشغلهم ويلا بقي بدل ميطلعوا اشوف حته اخبيكي.... فيها وبيجري هو وهيا وفجاة بيلاقو قدامهم
يا تري شافوا ايه!!!!!!
الخامس والعشرين
#اسيرة_ الوحش
بيلاقو بيت قديم فهد بيمسك ايدها وبيجري عليه لما بيسمع صوت.. رجلين رجالة رعد في الارضض
سجده: هما..........
فهد بيحط ايده علي بوقها وبيقولها بهمس: اسكتي هيسمعوا
سجده: انا معايا بطل خارق
فهد: مهو البطل الخارق.... ده قدامك هيضيع
سجده بهمس: حاضر هسكت والله خلاص
فهد: اهدي لحظه هكلم اسر يجيب الشرطه وانتي اقفي هنا ومهما حصل متخرجيش حتي... لو سمعتي ضرب نار
سجده بتتنفض وبتقوله: يعني ايه
فهد بحنان: متقلقيش يا سجده عليا اهدي بس وبعدين بيكلم اسر.... وبيطلع بره علشان ميعرفهمش ان سجده في المكان... وبيستخبي وبعدين بيلاقي رعد واقف وعطيه ضهره بيجري عليه وبيوجه المسدس بتاعه علي دماغه
فهد بهدوء: زي الشاطرين لو عايزين يفضل عايش تفضوا الرصاص الي في المسدسات... وشايفين البير الحلو ده ترموهم فيه
رجالة رعد بيبصوله فبيكملهم بغضب: انتم مستنين ايه اعملوا الي قلكم عليه الرجاله... بينفذوا كلام فهد وفهد بيقول لرعد: بقي يارعد جالك... الجرأة تخطف حرم فهد الراوي طب دا انت لو خطفتني انا مكنتش هزعل وبيضيله بوكس بينزله في الارض... رجالة رعد كانوا هيجروا عليه بيتكلم فهد بعصبيه: عندك منك ليه
رعد بغل: انت ليه دايما كده دايما ناجح دايما قوي وذكي... حتي في المدرسه لما كنا صغيرين المدرسين يحبوك اكتر مني... والناس كلها حتي اصحابنا كانوا بياخدوا رايك انت في كل حاجه ولما كبرنا انا ورثت شركات بابا انما انت ورثت واسست شركات خاصه... لحسابك ليه
فهد: ليه دي اسالها لنفسك انت الي زرعت الكره في قلبك من ناحيتي... زي ما ابوك زرع الكره في قلبه من ناحية ابويا لدرجه ان قتل امي
واحد من رجالة رعد بيستغل... ان فهد ساهي وبيتكلم مع رعد وبيحاوط فهد من رقبته فهد بيشقلبه باحترافيه وبيضرب فيه.... وهو بيتكلم بوجع مع رعد لموت امه وواحد تاني بيجري عليه بيوجهله ضربه بس بيصدها
فهد بوجع: ليه ليه بقي يارعد ابوك... يعمل كده وكنا المقصود كان انا مش امي وكل ده بيتكلم وهو بيضربهم وبعدين بيتبقي رعد
فهد بعلو صوته: قوم
رعد:..........
فهدبعصبيه: انا مش قولتلك قوم
رعد بيقوم بخوف
فهد: المخدرات والمخازن اتحرقت زي الشاطر تقولي: فين مخازن السلاح
رعد: مش هقول مش هقول مش هسيبك تدمرني
فهد: خلاص ايه رايك افضي في دماغك الخزنه دي
رعد: مش هقول بردو
فهد: تمام وبيوجه المسدس عليه وهو عارف انو جبان وهيقوله
رعد بخوف وسرعه: في المخزن.... الي كنت خاطف مراتك فيه
بيدخل. اسر... ومعاه الشرطه وبياخدو رجالة رعد ورعد بكذا تهمه مخدرات وخطف وسلاح... وفهد بيدلهم علي مخازن السلاح
وبعدين سجده بتطلع وبتحضن فهد.... وفهد بيبوس دماغها والاتنين كل واحد بيحمد ربنا ان التاني كويس
___________
بعد عدة ايام بيرجعوا الصعيد.... سجده وفهد واسر وحبيبة... علشان فرح حبيبه وبيكون فاضل عليه يومين وطبعا بيكونوا بيجهزوا للفرح في اجواء مرحه وجميله
يوم الفرح
______
بتكون حبيبه عروسه جميله جدا.... وسليم ابو فهد بيسلمها لاحمد..... وبيكونوا عاملين فرح كبير وجميل وبعد انتهاء..... الفرح بيسافر احمد وحبيبه امريكا وحمدية طبعا بتكون فرحانه ان بنتها سافرت
في نهاية اليوم
اسر: عقبالنا
حور: ان شاء الله
اسر: بحبك يا احلي حوري في الدنيا
حور: وانا بحبك يا اسر وبموت فيك
عند سجده وفهد في الغرفه
سجده: مبروك لحبيبه وعقبال حور
فهد: الله يبارك فيكي يا اطيب قلب في الدنيا
سجده: حد قلك ان انت قمر
فهد بتمثيل الغرور: كتير
سجده بضحك: مغرور
فهد: بس احلي حد قلهالي انتي
سجده: بحبك يا فهد اوي اوي
فهد: وانابموت فيكي ياقلب فهد ربنا يخليكي ليا يا عمر يوما يحرمني منك ابدا
&&&&&&&&&&&&&&&&&&&&&
بتكون قاعد في اوضتها بتلاقي حد داخل عليها وفي ايده سكينه وعلي وشه معالم الشر وووووووو
يا تري مين ده!!!!!!!!!
استعدوا. للي جاي...الجاي دمار ... ودا نبذه عن البارت الي هنزله.....
السادس والعشرين
#اسيرة_الوحش
الشخص بيدخل.... وبيقفل الباب وحور بتكون قاعده علي السرير وعاطيه ضهرها للباب ومره واحده بتلف... وشها
حور باستغراب: طنط حمديه
حمديه بغل: ايوه طنطك... حمديه
حور بود: محتاجه حاجه اعملهالك
حمديه: لا
حور بطيبه: امال عايزه ايه
حمديه: حاجه بسيطه
حور: ايه هيا
حمديه بحقد... وبتطلع السكينه... من ورا ضهرها وبتقول بشر: عايزه اقتلك
حور بصدمه: انتي بتقولي.... ايه ياطنط
حمديه: لازم اعمل كده علشان... الي اسمها سجده تغور من هنا
حور بدموع ومصدومه: طنط انتي... واعيه للي بتقوليه هتقتلي روح علشان تتخلصي من حد طب ليه سجده عملتلك ايه دا بنتك ظلمتها... وسامحتها وعاملتها زي بالظبط يعني زي اختها
حمديه: طب وابني
حور: ابنك الي حاول يقتل اخويا... وبتطلع تجري علي الباب بتلاقيه مقفول بالمفتاح فبتجري علي البلكونه علشان تلاقي حد ينقذها..... وبتنادي باسم فهد... وسجده.... بس للاسف مش بتلاقي حد... حمديه بتدخل وراها وحور بتفضل.... تصرخ بس لا حياة لمن تنادي.... وحمدية بتقرب منها وفي ايدها السكينه وحور بتفضل... تزق فيها لغاية ما حمدية بتطعنها جامد بالسكينه بدون احساس ولا شفقه ولا رحمة...... وبعدين بتزقها من البلكونه... وبتخرج من الاوضه بسرعه.. وبترمي السكينه علي السرير
&&&&&&&&&&&&&&&&&&&&&
عند سجده في الاوضه
بتلاقي رسالة علي السراحه مكتوب فيها: تعاليلي ياسجده... اوضتي عيزاكي ضروري
سجده بتطلع وبتروح اوضه حور وهيا مستغربة حور مجتلهاش ليه.... وحمدية بتراقبها لغاية متاكدت ان سجده.... دخلت الاوضه وبتروح تنادي... فهد من مكتبه
سجده بتدخل الاوضه... ومش بتلاقي حور وبتلف وشها.. وبتتصدم لما بتلاقي سكينه علي السرير وفيها دم
سجده بصدمه لدرجة انها مش قادرة تنطق: اي.ايه ده ح. حور فين.... وايه ده
وفهد بيدخل الاوضه.. مره واحده
فهد باستغراب: ايه ده... يا سجده
سجده بدموع: ح. حور
وفجاة بيسمعوا صراخ حمديه وهيا بتقول: الحقوني الحقوني يافهد....حور مضروبه بالسكينه
فهد بينزل جري ووراه سجده... والعيله بتتلم فهد بيطلع الجنينه وبيلاقي حور مضروبه بالسكينه ووقعه علي الارض وسايحه في دمها
فهد بخوف: حور... حور.. قومي ياحبيبتي ودموعه بتنزل... قومي يحبيبتي... يعيون اخوكي... ردي... يحور
العيله بيكونوا مصدومين وخايفين عليها ومراد وميرنا الاطفال بيكونوا بيبكوا عليها
سجده بتقرب.... منها بدموع
فهد بغضب جحيمي : ابعدي عنها اياكي تقربي منها انتي.. فاهمه..وبيشيلها وبيجري بيها علي العربيه... بيدخل حور وبيركب سجده.... بتكون هتركب فهد بيزقها وبتقع علي الارض وبيقفل باب العربيه
سليم ابوه بيقومها... وبياخد ابوه... وبيروحوا وراهم
_________
فهد بيوصل المستشفي وبيقول بصوت عالي: دكتور دكتور اختي بتموت
الدكاترة بيتجمعوا.. وبياخدوا حور علي العمليات
فهد قاعد قلقان ودموعه بتنزل خوف علي اخته وبيقول بوجع قلب: ليه عملتلك ايه... يا سجده طب ايه الي يخليكي... تعملي كده اقسم بالله لعيشك اسوء ايام حياتك... واوريكي جحيمي
والعيله بتوصل.. وبيروحوا علي فهد
فهد بعصبيه: ايه الي جابها هنا دي
سجده بدموع وبتتجاهل كلامه القاسي وتصرفاته وهيا مش فاهمه هو بيعمل كده ليه: حور... حور عملت.. ايه يفهد
فهد بعصبيه شديده: وده يخصك في حاجه
سجده: فهد. انت بتقول ايه
فهد: بقول... وبيقطع كلامه خروج الدكتور
العيله بقلق: طمنا يا دكتور
الدكتور باسف: للاسف الحاله كانت صعبه جدا..جدا والحمد لله انقذناها بصعوبه . بس للاسف مره اخري دخلت في غيبوبه
فهد بصدمه: هتفوق امتي يادكتور
الدكتور: الله اعلم ممكن يوم اتنين شهر سنه او اكتر الله اعلم
فهد بصدمه: انت بتقول ايه
الدكتور: زي مبقول لحضرتك يا استاذ فهد
اسر لما بيسمع الخبر جيه في اقرب وقت وام مراد مرات عمها... بيفضلوا مع حور وسجده كانت هتقعد بس فهد رفض رفض تام انها تفضل بتكون راكبه العربيه... ودموعها بتنزل علي حور والي حصلها ومصدومه مين الي يكون عمل كده وليه.. فهد بيعاملها كده وسليم والجد بيقوللها: متزعليش يا حبيبتي فهد من خوفه علي حور بس زعلان شويه
سجده: لا ياجدو فهد انا فهمت كل حاجه فهد مفكره ان انا الي عملت كده في حور
الجد وسليم بصدمه: ايه
سجده بدموع: ايوه يا جدو... هو مفكر كده وبتبدا تحكي.. انا لقيت رساله علي السراحه مكتوب فيها تعالي.. ياسجده اوضتي روحت لحور اوضتها ملقتهاش ببص لقيت سكينه... ومسكتها لقيتها مليانه دم دموعي نزلت.. وخفت علي حور وفجاة لقيت فهد داخل وطنط حمديه صرخت... وهو فكر ان انا الي قتلتها ودموعها بتنزل بقهر بس... والله ياجدو معملت حاجه ولا اقدر اشك حور بدبوس حتي انا طول عمري معنديش اخوات وحور.. عوضتني عن الاخت وكل حاجه طب ليه هاذيها والله العظيم معملت حاجه ياجدو
سليم بياخدها في حضنه: متبكيش يا حبيبتي انا وابوي مصدقينك. وعارفين انك عمرك متعملي حاجه زي كده احنا معاكي وفي ضهرك
الجد بحكمه: الي عمل كده حد عايز يفرق بين سجده وفهد وهو حد قريب ومن العيله وقريب هكشفه الدليل ان الي عمل كده بعت سجده الاوضه وبعدين نادي فهد علي الاوضه
سليم: هيتكشف يا ابوي متقلقش ووقتها هوريه ايام عمره معاشها
__________
بيعدي اسبوع وفهد مكانش بيسيب حور لحظه واحده...والدكتور كان عايز يعمل بلاغ لان دي محاولة قتل..بس فهد هدده.....ومخلاهوش يعمل اي بلاغات.... وبعدين بيروح وبيسيب اسر معاها
بيوصل القصر
سجده: فهد انت رجعت حور اخبارها ايه
فهد بيتجاهلها وبيطلع علي اوضته بياخد شاور وبيبدل ملابسه بيقعد علي الكنبه وبيسند دماغه عليها بتعب
وهو بيفكر ليه سجده عملت كده
سجده: فهد
فهد بقسوة: بره
سجده: فهد انت ليه بتعاملني كده
فهد: قولت اطلعي بره
سجده: يفهد اسمعني
فهد بيقوم وبيحاوطها... في الحيطة وبيهمس بفحيح مثل فحيح الافعي: عارفه ليه علشان... حور خط احمر وانتي اتعديتي الخط ده يا... ولا بلاش اسمك يجي علي لساني... وصدقيني حور تفوق بس وهوريكي اسوء ايام ممكن تعيشيها في حياتك وهنسي انك مراتي ولاحتي بنت عمتي...وانسي اني حبيت واحد شبهك اصلا...لانك متستاهليش الحب ده اصلا.. وهتشوفي
سجده بدموع وقلبها بيوجعها من كلامه: صدقني يا فهد معملتش حاجه طب ليه هعمل كده
فهد بعصبيه وبيمسكها من دراعها وبيضغك عليه جامد: ما ده الي هيجنني.... ليه عملتي كده قوليلي
وبيكمل دي كانت بتعاملك كانك اختها الصغيرة ومعملتش معاكي... حاجه وحشه ليه
سجده بتمسك ايده : صدقني معملتش حاجه
فهد بيبعدها وبيقولها: اوعي تفكري.... تلمسيني تاني... وبعدين اصدقك ازاي وانا شايف السكينه في ايدك
سجده: والله معملت حاجه
فهد: طب يلا
سجده: يلا ايه
فهد: اطلعي بره... عايز انام
سجده: طب نام. وانا هنام معاك
فهد: دا كان زمان لما كنتي سجده الي اعرفها ام قلب طيب ومبتاذيش نمله... دلوقت انا مش عارف انتي مين.. انتي واحده بوشين
سجده بتحاوط وشه بايدها وبتقوله: انا سجده حبيبتك
بيبعد ايدها.. وبيزقها وبيقولها قولتلك متلمسنيش سجده بتتخبط في الحيطه جامد ودماغها بتوجعها جامد لدرجة انها بتدوخ وبتاخد بعضها.... وبتطلع بره بيحس بضيق علي منظرها.. بس بيتجاهل وبيروح علشان ينام بس مش بيعرف ينام لانو مش متعود ينام في الاوضه من غيرها....
&&&&&&&&&&&&&&&&&&&&&
حمدية بتلاقي سجده طالعه من الاوضه وبتعيط بتفرح وبتعرف ان خطتها نجحت
سجده بتروح غرفة الضيوف... وبتتوضي وبتصلي وبعدين بتدعي ربنا: يارب اشفي حور يارب.. وقومها بالسلامه انا عارفه ان فهد زعلان علشان اخته ومصيره... يعرف الحقيقه يارب انا راضيه بامرك يارب بس ليه كل الناس الي بحبها... بتروح مني يا بتتخلي عني يارب قويني وصبرني يارب وبتنام مكانها من التعب
_________
بيعدي ثلاث اسابيع وفهد بيعامل سجده بقسوة وجفاء وهيا بتستحمل وبتتجاهل وهو برضو... بيستمر في معاملتها بغلظه ومانعها من زيارة حور وفي يوم بيكونوا العيله قاعدين سجده بتنزل تقعد معاهم فهد بيقولها: قومي من هنا
الجد: فهد
فهد: نعم ياجدي
الجد: مينفعش الي بتعمله ده
فهد: لا يا جدي ينفع... ودا الي هيا تستاهلو
سجده بتقوم بتقف ودموعها بتنزل وبتقول: بس كفايه حرام عليك بقي عدي ثلاث اسابيع وانا.. مستحمله معاملتك ليا وقسوتك في الكلام معايا وكل يوم ادعي ربنا.. انو يكشفلك الحقيقه او انك تصدقني لاكن مفيش فايده فيك.. مقتنع ان انا الي....ومقتنع ان انا الي ضربتها بالزفته...ومتجاهل الي عمل كده..وهتسيبه لغاية ميهرب... تعرف لو جدو... او خالوا او اي حد من الي قاعدين موثقش فيا او خذلني ومصدقنيش مكنتش هزعل ولا هتكسر زي دلوقت
فهد ببرود: لا صدقتك بجد..
سجده بتمسح دموعها : تصدق ولا متصدقش معدش فارقه
الجد بصوت جهوري: كفايه بقي
فهد وسجده: كفاية ايه
الجد: ايه الحل الي..... انتو عايزينه دلوقت
الاتنين في نفس واحد: الطلاق ••••••••
يتبع....
انا عافه انكم خدتو الصدمه... ما انا مش هتصدم لوحدي.. استحملوا الجاي بقي
السابع والعشرين
#اسيرة_الوحش
الجد بغضب: ايه الكلام الفارغ الي بتقوله
انت وهيا ده
سجده بالم: ده الصح يا جدو هو ده الي لازم يتعمل طالما فهد مقتنع اني عملت... كده في اختي الي هيا حور واني.. حاولت اقتلها وهو الوحيد الي موثقش فيا الي المفروض... عرفني اكتر واحد.. ازاي بس انا مش مصدقه هو ازاي مصدق اني عملت كده
الجد: وانت يا فهد
سجده بتبصله بصه كلها امل وبتتمني ان هوا يقول مش هطلقها... يقول مصدقها.... يقول اي حاجه تدل انو مش مصدق انها عملت كده... بس بيصدمها..وبتشعر بوغزه في قلبها لما بيقول: كل الي قالته صح ياجدي... وانا موافق علي الطلاق
الجد باسي: طب اقعد افهمها... يافهد عيب عليك بقي سجده.. ام قلب رقيق تعمل كده عيب يا فهد اتفاهمو
فهد بقسوة: خلاص يا جدي الموضوع انتهي.. وهيا معدتش تهمني في حاجه
الجد: تمام انا هجهز ورق الطلاق.. ومعاكو فرصه تفكروا في الفترة دي
فهد: واتا فكرت.. وقولت الموضوع انتهي... وسجده بتكون واقفه بصاله مش مقتنعه ان ده قدامها ده فهد _____________
بيعدي اسبوع وسجده بتحاول تبعد عن فهد علي قد متقدر علشان هيا مش قد جرح تاني منه.... ومش بتنزل من الاوضه الي هيا بتقعد فيها... وبتكون سرحانه ودموعها بتنزل: ازاي ازاي يافهد.. انت يافهد تعمل فيا كده طب ازاي هونت عليك وقلبك قاسي عليا.. مش عارفه انام يا فهد ازاي قادر تنام من غير متاخدني في حضنك مش عارفه انام يارب صبرني يارب كان نفسي.. تتمسك بيا لكن لاء قلبي واجعني يافهد انت كسرتني واوي كمان الله يسامحك يافهد
بيكون قاعد علي الكنبه بيلاقي ابوه بيقوله: عاجبك كده يافهد.. الي بتعمله
فهد ببرود: بعمل ايه
سليم: يا ابني انت قلبك حجر كده ليه البنت حابسه نفسها في الاوضه ومش بتطلع.. ولا بتاكل ولا بتشرب
فهد: هو انا قولتلها متطلعش
سليم: يعني معاملتك ليها وقومتك لما بتنزل وكل ده وعايزها تنزل
فهد: هيا حره تنزل متنزلش
سليم: فكر في الي بتعمله يافهد
فهد بعصبيه: افكر في ايه لما اطلع اوضة اختي الاقيها ماسكه السكينه في الاوضه وفجاة اسمع ان اختي مضروبة بالسكينه وكمان موقعاها اكدب عيني..ازاي انت مش حاسس ببنتك الي مش عارفين هتقوم امتي..
سليم بيبصله وبيستغرب حاله.. انو ازاي مش مصدق سجده وبيقول: ربنا يهديك يبني
__________
سجده بتفتح باب الاوضه بعد اسبوع من الحبسه ونازله تجيب مايه تشرب.... وبتقابل فهد... بيكون وشها خاسس وجسمها ضعيف وباين عليها التعب لما بتشوفه بتنزل علي طول... ومش بتقدر تمسك دموعها هو بيبص لطيفها.... وبيحس بنغزه في قلبه وبيقول: انت ايه الي مزعلك كده تاكل ولا متاكلش تتعب ولا متتعبش وبعدين بيلاقي رجله مودياه علي... تحت
ام مراد: سجده انتي نزلتي عامله ايه
سجده بابتسامه رغم وجعها: الحمد لله كويسه
ام مراد: طب يلا علشان.. تتغدي معانا
سجده: لا انا اكلت الحمد لله مش جعانه انا هطلع انا بقي
ام مراد: انتي مش عايزه تقعدي علشان فهد
سجده: لا ابدا صدقيني.. لاء
ام مراد: ايه الي يثبتلي
سجده: اني هطلع اقعد في الجنينه
ام مراد وهيا حاسه بيها: تمام يسجده براحتك
&&&&&&&&&&&&&&&&&&&&&
سجده بتطلع الاوضه بتلاقي اكل محطوط علي التربيزة بتروح تاكله لانها بتكون جعانه والاكل ده فهد الي بيكون باعت مراد بيه
بتطلع المذكره بتاعتها وبتفتكر لما كانت قاعده هيا وهوا.... وهيا رسمت قلب وهو رسم قلب وكتبوا فيه اسمهم
سجده: يا علي الخذلان لما بيجي من اقرب الناس بيكون صعب اكتر حد حبيتو في حياتي... هو هو اكتر حد خذلني ولا كاني مراته ولا حبيبته... انا قولت ليه حق من الخوف علي اخته.. وانو شافني ماسكه السكينه بس مش للدرجه دي بس للاسف هتفضل اكتر شخص حبيته في حياتي وحسيت معاه بالامان
___________
سجده بتقوم من النوم بتتوضي... وتصلي وبعدين بتلبس وبتكرر انها تزور حور من غير ما فهد يعرف
الجد بحنية: رايحه فين يا سجده
سجده: هتمشي شويه يا جدو
الجد: طب ابعت السواق معاكي
سجده: لا انا هركبها لوحدي يا جدو
بتوصل سجده المستشفي... وبتدخل لحور وبتقعد تقولها: اصحي بقي ياحور وقوليلي مين الي عمل فيكي كده ياحبيبتي تعرفي انك وحشتيني اوي ووحشني المرازيه بتاعتنا... في حاجات كتير عايزه احكيهالك انتي اكيد حاسه بيا اخوكي... ياحور مفكر ان انا الي ضربتك بالسكينه والله مقدر ازعلك بكلمه حتي يا حور انا مش بنام ياحور اتعودت اني انا وهو جنبي ومعايا ومحسسني بالامان بابا عمره محسسني بالامان يا حور محستهوش... غير مع فهد وفي الاخر هو اول الي خذلوني حبه في قلبي كبير اوي بس كفاية مش هستحمل يجي علي كرامتي اكتر من كده بتمسك ايده وبتقولها يلا بقي قومي ياحور... انتي وحشاني اوي يحبيبتي.. منه لله الي عنل فيكي كده.. نفسي اخوكي يفكر بس.. او يحاول يقتنع ان مش انا ويكتشف مين الي عمل فيكي كده... دا مش مديني فرصه افكر حتي.. بس ان شاء الله حقك مش هيضيع
ومره واحده جسمها بيتنفض اثر صوته: انتي ايه الي جابك هنا
سجده:........
فهد بعصبيه: مش بتردي ليه جايه.. تقتليها تاني مش هسمحلك تاذيه تاني
سجده: فهد
فهد: قولتلك قبل كده اسمي ميجيش علي لسانك ويلا امشي من هنا واياكي ثم اياكي تقربي من هنا تاني انتي فاهمه
سجده: لا مش فاهمه حور اختي زي ما هيا اختك ومش هطلع
فهد: طب ابقي قولي الشويتين دول لحد تاني..انتي فاهمه ويلا امشي من هنا بدل معاملك باسلوب مش هيعجبك
سجده بتطلع من المستشفي.. وهيا بتعيط وبتركب العربيه بتوصل علي البيت.. وهو بيوصل وراها بتلاقي الجد قاعد علي الكرسي بتجري عليه
الجد: مالك يا سجده في ايه
سجده بدموع: جدو لو ليا غلاوة عندك وافق علي الي هقولك عليه
الجد: قولي ياحبيبتي
سجده:******
صدمه نزلت علي فهد ومفكرش انها ممكن تعمل كده
الجد: انتي بتقولي ايه يا سجده ازاي بس يابنتي
يتبع
يا تري سجده قالت ايه خلت فهد ينصدم كده؟؟؟؟
وهل انتو شايفين ان الي بيعملوا فهد ده.. صح!!!
تابعووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تعليقات
إرسال تعليق