رواية خادمة قلبي الفصل الخامس والعشرين والسادس والعشرين بقلم زهره عصام حصريه وجديده
 |
رواية خادمة قلبي الفصل الخامس والعشرين والسادس والعشرين بقلم زهره عصام حصريه وجديده
ريا: أيوة الملف اللي انت عاوزه لونة اية
ريا: خلاص تمام هحاول اجيبة و الباب اتفتح عليها مره واحده و دخل حازم و هو مبتسم
حازم : عطلتك صح اوعي تقولي إني عطلتك أزعل منك
ريا بتوتر: لا خالص اتفضل
حازم قعد على الكنبة قدامها و نام عليها باريحية و قال: أصل الصراحة الواحد جعان و جميله اللي كانت مظبطانا ممكن بعد إذن السفيرة عزيزة تقوم تعملنا أكل
ريا بصدمة: نعم أنت يتقول اية
حازم برق ليها و شخط و قال: انتي لسة هتتصدمي قومي اعملي أكل
ريا خافت منه و قامت تجري و سابت التليفون على السرير
حازم في نفسه: والله إني جامد و مسيطر و هطلع عليكي الجن الأزرق عشان تبقي تتبلي على جميلة أوي ها بص لـ تليفونها مسكه بدون اهتمام بس اتصدم لما شاف الرقم اللي هي بتكلمة و الرسايل اللي بينهم بسرعة نقله على فون و خرج جري
ريا : هو انا مش بعرف أعمل أكل اصل الصراحة عمري ما دخلت مطبخ قبل كدا
حازم بحاجب مرفوع: لا الكلام دا ميكلش معايا دلوقتي حالا تعملي أكل مش انتي كنتي السبب إن جميلة تمشي انتي هتمسكي مكانها دلوقتي
ريا : يغني انت عاوزني خدامة لا سوري دي مش شغلتي
حازم برق ليها و ريا خافت و قالت: بعرف أعمل بيض مسلوق اعملك
حازم بلا مبالاة: اي حاجه تتاكل
ريا جريت على المطبخ و هي بتشتم فيه و قالت: خلصت من زفته جميلة يطلعي اللي كان زي ضلها طيب يا حازم هفرجك بس لما مالك يكون ليا هخليك تمشي تشحت
حازم من بره : الأكل فين
ريا قامت تجري تجهز ليه أكل و هي مش عارفه تروح فين و تيجي منين
حازم بره دخل اوضة وليد مره واحده و صحاه
حازم: وليد اصحي بسرعة وليد
وليد نايم و مش حاسس بحاجة خالص
حازم : حلال فيك اللي جميلة كانت بتعملة فيك هزه جامد و مفيش فايدة
حازم : طيييبب
نام جمبه على السرير و برجله زقه على الأرض
وليد اتخض و قال: البيت بيقع وإلا اية فين الموبايل و الشاحن بسرعة
حازم : البيت بيتهد عاوز التليفون و الشاحن تعمل بيهم اية صحصح كدا عشان في موضوع مهم
وليد استوعب و بص لية بغيظ و قام وقف نام جمبة و ضر’به بالرجل وقعة بين الكوميدينوا و السرير
حازم : نشنت يا معلم ماشي تعال خرجني بقي عشان موضوع حياه أو موت.
وليد خرجة و حازم طلع موبايلة و بدأ يحكي اللي حصل لـ وليد
وليد بخبث : يعني هي بتسمع الكلام دلوقتي
حازم: برق ليها انت بس و هتعمل اللي انت عاوزه
وليد : هات الرقم دا كدا و تعال معايا
وليد بعت الرقم لـ مالك و كتبله انهم جابوه من على موبايل ريا و خد حازم و خرج
حازم بزعيق: فين الأكل
ريا جت جري و هي شايلة الصانية و وليد قال بخبث : صلاة النبي أحسن دا احنا هننبسط أوي يا سيد
——– اذكروا الله
منال صحيت و قالت في سرها: هو انا لية كنت حاسة إن البت ملك جت كملت و هي بتقنع نفسها هي التهيقات بتعمل اكتر من كدا أقوم أعمل حاجة نأكلها
منه خارجة مش شايفه قدامها و بتخبط في كل حاجه
منال : الله أكبر انتي صحيتي فوقي بقي عشان
منه شاورت ليها باديها و دخلت الحمام و رجعت كملت نوم
منال : طلاق تلاتة غيبوبة دا حتي الغيبوبة اشتكت منك و كملت بصراخ: اصحي يا زفته بدل ما اجي أسقف على وشك بالشبشب
منه و ملك هبوا مع بعض في نفس الوقت
منه خرجت وقفت قدام منال و قالت: خلاص صحيت
ملك الميكب الخفيف اللي كانت حطاه ساح على وشها و خلي منظرها فظيع
ملك خرجت و هي يتقول: في اية يا منولة على الصبح الواحد ميعرفش ياخد راحتة في البيت دا
منال و منه بصوا لبعض و صرخوا في نفس واحد خلي ملك تتخض و ترجع لورا : عفرييييت
منال و منه بيجروا و ملك بتجري وراهم بتستخبي من العفريت
منال : الحقي يا منه العفريب متجسد في هيئة أختك
منه : حصل يا منال حصل اجري بقي
ملك : يا ماما استني بس فين العفريب دا في أنهي اوضة عشان اروح الاوضة التانية عاوزه أنام
منال وقفت و منه وقفت وراها
منال بهمس لـ منه : تفتكري تكون المخفية أختك
منه بهمس: هو الصوت بيقول إن هي الشكل لو طسينا في خلقتها جردل ماية هي
منال: إذا تبقي هي و جابت الشبشب و حدفت ملك بيه و هي يتقول: و لما انتي جيتي يا بنت الصر’مة معرفتيناش لية و اية اللى فى خلقتك دا حاطة ترتر اشتغلتي رقاصة وإلا لسة يا سعدية
ملك بألم: جرا اية يا منال عاوزه أنام ساعتين عندي اجتماع مهم في الحارة هو حد مضيع هيبتي غيرك و قالت: أسمع نفس في الساعتين دول هحبسكم و ما حد فيكم هيشوف الشارع ها
منه : الحقي دي بتهددنا
منال: انتي بتهدديني يا بنت الكـ لـب طب خدي و حدفتها بالفردة التانية و هي بتقول: علمناهم الشحاتة سبقونا على الأبواب غوري من خلقني اتخمدي نامت عليكي حيطة
ملك شوحت باديها و دخلت تنام و هي يتقول: ماشي يا منال بكره اسبلكم البيت و اروح بيت زوجي قرة عيني و تبقي تقوليلي تعالي اقعدي معايا شويه
منال : همضية على إقرار البضاعة لا تسترد يا معفنة بس الصبر
منه واقفة بتاكل في الليب اللي لقيته على الترابيزة و بقول: برافوا عليكي يا منال حلو الإقرار دا احسن يجبها و ييجي يرجعها من الصبحية بخيي
منال بصت ليها و قالت: أما انتي بقي همضيلة على تنازل و شرط فية اني مش عوزاكي حتي الزيارة يا بخت من زار و خفف
منه بصدمة: بتكرشيني من بيت ابويا يا منال عشت و شوفت الام بتكرش ولادها
منال بصت لقت الشبشب قريب منها حابته في ثانية و حدفتها بيه
منه : تسلم ايدك يا سيد المعلمين
—— اذكروا الله
وليد و حازم فطروا و حازم برق لـ ريا و قال: شيلي الأكل و اعملي شاي يلا
ريا بغيظ ليه كنت الخدامة بتاعتك على فكرة أنا مش خايفه منك
حازم طلع التليفون و قال: جميلة عاملة اية
ريا في ثانية كانت شالت الصنية و جريت على المطبخ
وليد ضربه على كتفة و هو بيقول: جدع ياض يا حازم هي عاوزة تتربي وانا هقوم بالمهمة دي بدل جميلة
جاب سجاد البيت كلة و جمعة في مكان و ريا خارجة من المطبخ شافتهم قالت : اي دا انتوا هتنضفوا النهارده
حازم بصلها بخبث و وليد قال: هتنضفي
ريا بتوجس : اوعي تقول
حازم هز رأسه بايجاب و ريا صرخت و قالت: لاااااا
مالك جاب المعلومات عن الرقم اللي وليد بعته و قال : اه يا ولاد الكـ’ـلب ورحمت أمي لوريكم
#الحلقة_26
ريا قاعدة تغسل في السجاجيد و وليد بيبصبها بخبث و دخل المطبخ جاب كل الأطباق في الحوض و قال: الله يرحم أيامك يا جميلة كانت جميلة والله خرج لقي ريا بنستريح شخط و قال: حازم
حازم كان جايب جرد ماية دلقة على ريا و هو بيقول: في اية يا وليد أنت بتنادي على حد في بلد تانية طب مش عامل حاجة و أدي قاعدة و سابهم و قعد على الكنبة
ريا خافت منهم و بقت تغسل بسرعة و تقوم تجيب ماية و تغسل وليد قعد جمب حازم و مد ايدة لية بطبق اللييب و هو بيقول: أحلي مسا عليك يا صاحبي
حازم أخد منه الطبق و قال: تسلم يا أبو الصحاب يا كنافة بالمنجة على رأي جميلة
بقوا يزقزقوا اللييب و يرموا القشر على الأرض
ريا خلصت السجاجيد و دخلت المطبخ لقت أطباق كتير في الحوض بصت عليهم بغيظ و هي بتقول بعياط: منكم لله على المرمطة دي خلصت الأطباق و خرجت داخلة اوضيتها
وليد: على فين مش في تنضيف هنا وإلا اية
ريا بصت على المكان اللي بيشاور علية و كانت هتعيط و هي بتقول: بس انتوا اللي موسخين المكان يعني انتوا اللي تنضفوا أنا تعبت من كتر الشغل
وليد : صح معاكي حق ريا انبسطت أوي و ابتسمت لكن انصدمت لما سمعت وليد بيقول: ها يا حازم جهاز الكهربا اللي كنت قايلك علية فين
حازم تف قشرة اللييب و قال: أيوة جبته هتلاقية في الرف التاني في دولابك أنا أخاف احط الحاجات دي عندي
وليد مثل اللي هو بيقوم و ريا جريت جابت المكنسة و بقت تنضف و هي بتقول: والله العظيم لوريكم هشردكم هخليكم تناموا في الشوارع الصبر حلو
------- اذكروا الله
ملك مقعدة أمها و أختها على الكنبة و قاعدة قصادهم على الكرسي و هي يتقول بتوتر: أصل انا كنت بشتغل
منال بتبريقة: نعم بتـ اية بتشتغلي و بتشغلي اية و فين بقي يختي
ملك بلعت ريقها و قالت: كنت بشتغل خدامة
منه : ومالة يا بنتي الشغل لا عيب ولا حرام ها بتشتغلي فين بقي
منال مركزة معاها أوي و ملك قالت بتهته: كنت بشتغل عند شباب
منال: اه و الحاج و الحاجة كانوا معاهم صح
ملك هزت رأسها بالنفي و قالت: شباب عذابي بس والله يا ماما أنا كنت محافظة على نفسي أوي حتي شوفي كنت بظهر قدامهم إزاي
منال خطفت منها التليفون و قبل حتى ما تبص فيه كانت رايحة ناحيتهم و منه وقفت في النص تفصل بينهم و حايشة أمها عن ملك
منال : في بيت في شاب يا ملك دي اخرت تربيتي فيكي
ملك : و الله يا ماما دول طيبين جدا ولا حد فيهم فكر يقرب مني دا حتي كانوا بيعاملوني زي اختهم
منال : أنا مليش دعوة بدا كله منه واقفة في النص بتقول: ما تهدي بقي يا منال ما البت قدامك صاغ سليم اهي
منال: اشتغلتي رقاصة يا سعدية وإلا لسة
ملك بتسرع: أبدا والله دا انا كنت بشرف عليهم بس خليتهم هما اللي يرقصوا لكن أنا أبدا
منال برقت ليها و بصت لـ منه اللي بلعت ريقها و زقتها على جنب و منه حاضنة منال و مش راضيه تسيبها و هي يتقول: طلاق تلاتة ما انتي متحركة من مكانك يا منال و بصت لـ ملك و هي بتقول اهربي يا زفتة هتمسكك
ملك بصت ليهم و جريت على الباب قبل ما أمها تمسكها
منال : اشتغلت خدامة في بيت عُذاب كانت بتمسكلهم الصاجات شربتي بانحوا وإلا لسة يا بنت منال
ملك من على باب الشقة: لسة والله يا منال بس ممكن نجرب شيشة فواكه نفسي فيها أوي
منال بصت لـ منه اللي سابتها و هي يتقول: شوفي شغلك معاها عشان انا فرهدت و بنتك معندهاش دم يا منال
منال زقت منه على الكنبة و قامت جابت ملك من شعرها و منه جت تحوش منال مسكت شعرها هي كمان
ملك : اهدي يا منال دي كانت بوسة بريئه مش بوسة اللي هتعمل فينا كدا
منه : يا بنت الصر'مة انتي مصره أنها تمو'تك يعني و بصت لـ منال و قالت: طب هي اتباست انا زنب اهلي اتسحل معاها السحلة الوده دي لية
منال بصت لـ منه و قالت: اخرصي انتي و اضر'بي و انتي ساكتة و بصت لـ ملك و قالت: اتباستي يا بنت الصر'مة اتباستي
ملك هزت رأسها بايجاب و قالت: كانت بيحطلي قطرة فباسني بوسة مشبك يا منال
منال شدتها جامد من شعرها و هي بتقول: انتي عاوزه تحبيلي القلب صح يا بنت الكـ'ـلب يا اللي مشوفتيش بريع جنية تربية
منه :- ااااه شعري يا منال في اية أنا عندي الحل هقولك نعمل اية
منال زقتها على الأرض و مسكت ملك باديها الاتنين
ملك : اية يا منال هو اللي بنعمله في الناس هيطلع عليا وإلا اية و بصت لـ منه و قالت: الحقيها بالحل يا بنت الصر'مة هتاكلني
منه : بصي يا منال إحنا نجيب الواد و نخلية يكتب على البت و يا دار ما دخلك شر و هنجيب اسماعيل يقولة التار ولا العار ها اية رايك
منال رمت ملك على الأرض و وقفت حطت ايد في وسطها و الايد التانية على دماغها و واقفة تفكر بصت ليهم و قالت: طلاق تلاتة ما يحصل اللي انتوا قلتوه دا و بصت لـ ملك و قالت: هايجي امتي يخطبك كلب البحر دا ؟
ملك لسة هتتكلم الباب خبطت
منال: ولا حركة إن لقيت واحدة قامت من مكانها هفرج عليها الشارع و راحت فتحت الباب و قالت بخبث : يا مرحب يا مرحب ادخل تعال و شدته جوه و قفلت الباب و هي بتقول: استعنا على الشقا بالله
-------- اذكروا الله
مالك بعد ما عرف مين اللي مسلط ريا قام جاب ورد و راح لـبيت ملك و هو في نيتة أنه يخطبها كان مبتسم أوي لحد ما منال فتحتله الباب و ابتسامته اختفت لما لقاها بتشده لجوه
منال بصت على مالك و عرفت إن هو من طريقة لبسة و شياكته و الورد اللي هو ماسكة و حلفت لـ تربية
أخدت منه الورد و رمته على الأرض و شمرت اديها و هي بتقول: تعالالي يا عم تامر حسني بتبوس البت بوسة مشبك اية شايفها رقاصة قدامك
ملك بصت لـ مالك و هي قاعدة على الأرض مربعة و يتقول: هاي ملوكي وحشتني أوي يا روحي يا رب يكون حسن الاستقبال عندنا عجبك
مالك : عجبني أوي يا روحي بتقولي لأمك إني بوستك با بنت الصر'مة
ملك : سوى يا بيبي انا مش بخبي عن مامي اي حاجه
منال: هي مين دي اللي صر'مة يا ابن الكـ'ـلب و نزلت فوقة ضرب
مالك : أنا فعلاً ابن كـ'ـلب يا حاجة و بعدين انتي مكبرة الموضوع دا هما تلت أربع بوسات بس
منه بهمس لملك: بقولك يا صاحبي هو مفيش من الحليوة نسخة تانية ليا دا أنا أختك برضوا
ملك : فية كريم شانتيه و كنافة بالمنجة و أنا أنصحك بالكنافة بالمانجة عشان الكريم شانتيه لسة صغير
منه سلمت على ملك و قالت: نقرأ الفاتحة يلا
انتبهوا الاتنين على صوت مالك اللي عليّ بصوا عليهم و اتصدموا.....
تابعووووووني
الفصل السابع والثامن والتاسع والعاشر من هنا
الفصل الحادي عشر والثاني عشر من هنا
الفصل الثالث عشر والرابع عشر والخامس عشر من هنا
الفصل السادس عشر حتى الفصل العشرون من هنا
الفصل الحادي والعشرين حتى الفصل الرابع والعشرين من هنا
أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇
تعليقات
إرسال تعليق