رواية خادمة قلبي الحلقه السابعه والثامنه والتاسعه والعاشره بقلم الكاتبه زهرة عصام حصريه وجديده على مدونة النجم المتوهج للروايات والمعلومات

رواية خادمة قلبي الحلقه السابعه والثامنه والتاسعه والعاشره بقلم الكاتبه زهرة عصام حصريه وجديده على مدونة النجم المتوهج للروايات والمعلومات 

رواية خادمة قلبي الحلقه السابعه والثامنه والتاسعه والعاشره بقلم الكاتبه زهرة عصام حصريه وجديده على مدونة النجم المتوهج للروايات والمعلومات

مالك : يا سنه سوخة ايه دا دا انا هوديكي في ستين داهية صبرك عليا يا ملك بس الصراحة هي جميلة أوي يعني بس إيه اللي يخلي واحدة زيها تعمل كدا 

كمل قراءه عنها و اتصدم لما لقي

مالك : طالبه في كلية الآداب قسم اللغة التركية افتكر أما كانت بتتخانق مع وليد و هي بتقوله تركي دا وإلا مش تركي

ابتسم على الذكري دي بس كمل بتصميم: ايه يخلي واحدة زيها كدا جميلة و متعلمة تكذب و تزور كدا و كمل بخبث : ماشي يا ملك يا انا يا انتي 

------ 

ملك صحيت من النوم بصت في الساعة هبت من على السرير و قالت: ينهار ملحوث انا نمت دا كله زمانهم مشيوا عشان الشغل قبل ما يفطروا بس انا تعبت من شغل امبارح و ما صدقت نمت أحسن حاجة أقوم أرجع ملك شوية قبل ما يبجوا 

جت تنزل من على السرير لقت نفسها مش عارفه تتحرك بصت وراها لقت الملاية لازقة فيها

بقت تحاول تقوم من على السرير و لكن مش قادره لمت الملاية في اديها و هي بتقول: انا مش عارفه ايه الملاية الرخيصة دي مش عارفين يجيبوا حاجة بتستحمل افرض كان عندهم بيبي صغير و حط الشوكولاته على الملاية أو حتي عمل بيبييه الملاية تلزق فيه يلا عوضنا على الله

لمت الملاية في اديها و بمجرت ما حطت رجليها على الأرض صرخت و وقفت على السرير من صوت الفرقعه و هي بتقول: حريقة الحقوناي بصت على الأرض ملقتش حاجة

نزلت من على السرير بغضب و هي بتقول: لا بقي يا سعادة البيه كنافة بالمنجة انت زودتها أوي والله لانتقم منك بس صبراً عليا انا تعمل فيا كدا هتشوف ملك هتعمل فيك إيه 

جت تخرج من باب الاوضة جردل مليان دقيق وقع عليها ملك صر'خت و هي بتقول: عاااا دا انت بتنتقم بجد و حقيقي بقي مشيت و هي متعصبة على حمام الاوضة و من غير ما تاخد بالها جردل ماية وقع عليها

ملك بغضب: تعال اعجني و اخبز أمي  في الفرن و ريحني دخلت الحمام بغضب و قفلت الباب وراها جت تفتح حنفية البانيو اتخلعت في اديها

ملك : لا دا مستقصدني بقي والله لاردهالك يا سعادة البيه كنافة بالمنجة الكـ'ـلب

------ 

وليد بيضحك و بيقول: زمانها دلوقتي محتاسة و بتدعيلي اه والله أصل انا كنت طيب أوي معاها و لسه لما تشوف كمية الأطباق اللي هتخسلها في المطبخ عشان تبقي تتحديني تاني يا سيد قشطه انتي

------ 

ملك استحمت و بقت ماشية في الاوضة بحزر جدا و بتتلفت زي الحرامية لحسن يكون حاطط ليها حاجة تاني دخلت المطبخ و اتصدمت من كمية المواعين قالت بغضب: ولييييييد ماشي أنا و انت و الزمن طويل و ثقلا ما تبدأ تغسلهم لمحت حاجة على الرخامة فضحكت بخبث و قالت: دا انتقام ربنا جاي بدري بدري اهو

#الحلقة_الثامنة

ملك بقت واقفة تغسل المواعين و هي بتغني بصوتها: يا دنيا طفيتي شمعتي 

يا ناس كترتوا دمعتي 

اه والله كتروا دموعي الغالية و خصوصاً سعادة البيه كنافة بالمنجة دا دا انت هتشوف ليله النهارده ولا ألف ليلة و ليلة عشان تبقي تتحداني تاني

و كملت و هي بتفتكر كل المواقف اللي حصلت و شغلها خدامة: دمعة نزلت منها و هي بتقول 

انا مش عارفنى(كمل ياريس كمل😂الله عليكى احم نرجع للأغنية 🦦

انا كنت منى

انا مش انا

لا دى ملامحى

ولا شكلى شكلى

ولا ده انا

ملك : والله مش انا أهي اهي شيلت الهم بدري والله انتي قلبتيها غم كدا ليه يا ملك اغني حاجة بقي رومانتيكي

ملك ماسكة السفنجة و الطبق و غنت بصوت جميل و هي سرحانة بس اديها شغالة: 

في جوه قلبي حاجة مستخبيه كل اما أجي أقولها مش بقدر قدام عنيك بقف و انسي ايه يتقال

---- اذكروا الله ----

مالك وصل البيت و دخل يتسحب سمع صوت جميل بيغني و بيقول: حبييييتك يوم ما اتلقينا لما حكينا أول كلام حبييييتك  واحلف على ده تسمع زيادة

ده انا مش بنام

مالك أول ما سمعها بتقول كدا قلبه دق و كل ما بتغني قلبه بيدق زيادة رجله خديته و على المطبخ بقي يمشي بشويش و سرحان في صوتها

ملك واقفة ملخومة في الغني و مش حاسة بحاجة و لكنها بتغني بإحساس عالي جداً لدرجة إنها سابت الطبق اللي في اديها و بقت تغني و هي بتلف و مغمضة عنيها

مالك شافها و عنيه لمعت أول ما شافها اتصدم من جمالها الطبيعي مش اللي مخبياه ورا الميكب شعرها الناعم اللي بيدور معاها

حاول يجر رجليه لبرا بس مش قادر عاوز يخليه باصص ليها كدا و كأن الوقت وقف على اللحظة دي

حس إنها خلاص هتفتح فبسرعة خرج بره الشقة و حط ايده على قلبه و هو بيقول: بتدق ليه دلوقتي استحالة دا يحصل دي خدعتني و زورت هويتها غير كدا مينفعش أنا أخدت قرار إني مدخلش حد حياتي ابدا كفاية عليا أخواتي

مالك حاول يقنع نفسه بالكلام دا و نزل جري رجع الشركة

------ اذكروا الله ---- 

ملك ضحكت بابتسامة هادية حالمة و هي بتقول: انتي بقي يجي فارسي على حصانه الابيض و يخطفني وراه

بصت على المواعين بحسره و قالت: ماشي يا سعادة البيه كنافة بالمنجة صبراك عليا أوي يعني الحساب بيتقل

بصت في الساعة و جريت على اوضيتها و هي بتقول: يلهوي زمانهم راجعين 

خلصت الميكب و لبست لبسها و هي بتحط اللينسيز جتلها فكره و ابتسمت بخبث و قالت: طب والله فكره و اهو اربيهم كلهم من أول وجديد بقي عاملين فيها رجال أعمال صبراً

و قامت خرجت نص ساعة و رجعت بكيسة سمرا في اديها

ملك : استعنا على الشقا بالله و يا رب قدرني على فعل الخير و ميقتو"لونيش بعد ما يعرفوا

ملك خلصت الأطباق و الغدا و بدأت تحط الأطباء على السفرة

جه حازم و هو بيقول: اذيك يا جميلة عامله ايه النهارده

ملك : بخير يا سعادة البيه كريم شانتيه و بصت لـ وليد بخبث و قالت: يسلم لسانك اللي بينقط شهد 

مالك جه بص عليهم بغيرة خفيفه قال: نسكت بقي و نتفضل ناكل و انتي يا جميلة يلا كلي تعبتي النهارده انتي و بص لـ وليد نظره فهمها

حازم: إلا قوليلي يا جميلة ايه الأكل دا رحته حلوه أوي

ملك بخبث : دي أكلة تركية جبتها من على الانترنت يا سعادة البيه كريم شانتيه دوق هتعجبك أوي

حازم بدأ يأكل هو و مالك و وليد

حازم: طعمها غريب بس جميلة تدخل على القلب كدا 

وليد: شوف يا شيخه ربنا يديم عدم القبول بينا بس الأكل طعموا حلو مش خسارة فيكي المجاملة

ملك بسخرية: مجاملة طيب يا سعادة البيه كنافة بالمنجة كمل أكل كدا و سم الله

مالك بهيام خفيف: الأكل جميل زيك يا جميلة

ملك بكسوف: إن شالله تسلم يا سعادة البيه الحليوة دا من خيرك برضوا

بعد ما خلصوا اكل و حرفياً مسحوا الأطباق

حازم : هي الأكلة دي إسمها أية يا جميلة دي حلوه أوي ابقي اعمليها كل يوم 

ملك : عنيا ليك يا سعادة البيه كريم شانتيه هعملكم كوارع كل يوم 

وليد كان بيشرب تف الماية على مالك اللي مسح وشه و بصله بغضب

وليد بصدمة: اييه انتي بتقولي ايه لا مستحيل

ملك و هي بتاكل حتت خيار: و ايه بقي اللي هيخليه مستحيل يا سعادة البيه كنافة بالمنجة دا انت بذات نفسك قولت عليها جميلة تبقي جميلة مالها الكوارع افهم بس 

حازم حط ايده على بوقه و جري على الحمام و هو بيقول: منك لله يا شيخة انتي ناوية تموتيني يوماً ما 

ملك قامت وراه و هي بتقول: بعيد الشر عليك يا سعادة البيه كريم شانتيه متقولش على نفسك كدا يا أخويا دا أنت الخير و البركة طب مين يجبلي اندومي من بعدك 

وليد: بقي انا وليد المليجي رجل الأعمال المعروف اللي محدش قدر يجبرني على حاجه تيجي واحدة زيك تعمل فيا كدا طب طلاق تلاتة ما انا سايبك

ملك جريت استخب ورا مالك و مسكت في هدومة و هي بتقول: الحقني يا سعادة البيه الحليوة اخوك اتهبل على الأخر و بعدين بصت على وليد من وراه مالك و حطت اديها في وسطها و قالت: مالها الكوارع يعني مش نعمة ربنا دي و بعدين انتوا المفروض تقولولي تشلبوا ليكي

مالك في دنيا تانية و سرحان في حركاتها و قلبه بيدق عاوز يخودها في حضنه مستغرب الإحساس دا أوي أول مرة تحصله الحالة دي 

حازم خارج من الحمام  : يعني ايه تشلبوا دي يا جميلة حرام عليك يا شيخة قلبتي معدتي طب كنتي سبيني على عمايا

ملك وقفت جمب مالك و هي بتقول: تشلبوا يا سعادة البيه كريم شانتيه يا جاهل باللغة الأجنبية يعني شكراً بالفنرنصاوي

وليد : تشلبوا و فرنصاوي طب تعالي بقي بالاريل اللي انتي فرحانة بيه دا انا تاكليني كوارع ليه بشحت منك خدي تعاليلي بقي دا انا هخلي الألوان اللي انتي حطاها في وشك دي طبيعي و لسه جاي نحيتها ملك استخبت ورا مالك و حازم مسك وليد 

ملك : مالك بس يا سعادة البيه كنافة بالمنجة هو كان حد داسلك على طرف دا انت حتي نازل تجريح فيا و في الفرنصاوي بتاعي و محدش قالك تلت التلاته كام حتي

وليد: و انتي مسميه دا فرنساوي يختي اتوكسي اتكلمي عربي صح الأول كتك نيلة بقي تاكلينا كلنا كوارع مهو العيب مش عليكي العيب على البهايم اللي بتاكل

ملك بفرحة و ضحك : والله بقي كل واحد عارف نفسة و كويس انك عرفتي عشان ابقي اتوصي بيكم شوية المره الجايه

مالك : خلاص بقي انتوا الاتنين ايه متعرفوش تقعدوا هادين شوية

وليد: يعني أنت عاجبك اللي هي عملته دا 

مالك بصلها لقاها بتبصله ببراءة كانها طفلة مستنية العقاب

مالك بهيام: الصراحة عاجبني أوي

ملك صر*خت بفرحة و قالت و هي مطلعة لسانها لـ وليد : كيدا الغزال انا من يومي

حازم بصدمة: مالك انت جرالك ايه انت الوحيد اللي كنت متوقع منه يعلقها مش يكرشها بس 

وليد بصدمة أكبر: لا مهو انت شكلك اتهبلت أوي انا داخل اتخمد

ملك : استني يا سعادة البيه كنافة بالمنجة مين اللي هيشيل طبقك بس 

مسمعتش رد غير قفلت الباب في وشهم

ملك : هشيله انا و أمري لله و كملت في سرها البس بقي يا معلم عشان تبقي تتحداني أوي همو'ت واعرف دخلت الاوضة إزاي 

---- اذكروا الله ----

وليد رايح جاي في الاوضة و متعصب جدا مسك كوباية الماية و شربها كلها و قال: انا أحسن حاجة أنام بدل ما أطبق في زمارة رقبتها

في نص الليل

وليد صحي و هو بيقول: ااااااه

#الحلقة_التاسعة

في نص الليل

وليد صحي و هو بيقول: ااااااه 

و قام جري على الحمام اللي في اوضته

أول ما خرج شتم ملك في سره و قال: أكيد من الكوارع بتاع الهانم

نام تاني مكملش ربع ساعة و صحي جري على الحمام

وليد: مش شغلانة هي بقي 

----- اذكروا الله ------

ملك قاعدة في اوضيتها بتضحك جامد على وليد اللي كل شويه يفتح النور و يطفيه و قالت: و لسه انت شوفت حاجة دا انا متوصية بيك في بودره الصراصير يا سعادة البيه كنافة بالمنجة والله يا وليد بحق بهدله اليوم لتوصي بيك صبرك عليا بس 

و نامت على السرير و هي فرحانة بانجازها الصغير اللي عملته و انتقا'مها من وليد 

----- اذكروا الله ----

وليد طول الليل في الحمام فين و فين على ما معدته هديت

وليد : بقي انا تعملي فيا كدا يا سيد قشطة صبرك عليا يا معفنة انتي قال جميلة قال صبرك عليا هخلصه على جتتك و نام من كتر التعب 

----------------اذكر الله------------

تاني يوم الصبح حازم صحي على صوت خبط في المطبخ لقي ملك بتحضر الفطار و هي بتبرطم

حازم : مالك يا جميلة زعلانة من ايه 

ملك بزعل مصطنع: اسكت يا سعادة البيه كريم شانتيه انا زعلانة أوي اه والله

حازم بطيبه: ليه بس كدا يا جميلة هو حد مننا زعلك في حاجة

ملك : يا ريت يا سعادة البيه كريم شانتيه كنت استحملت لكن و وطت صوتها انا حلمت حلم وحش أوي و الصراحة انا خايفه عليك أوي انت اكتر واحد

حازم بخوف: ليه يا جميلة ايه اللي هيحصل همو.ت وإلا ايه 

ملك : بعيد الشر عليك يا سعادة البيه كريم شانتيه إن شالله اللي يكرهك يا أخويا اقعد كدا و استهدي بالله و انا هفهمك كل حاجه و انا بطبخ 

حازم قعد على كرسي في المطبخ و ملك بدأت تتكلم

ملك : خير اللهم اجعله خير يا سعادة البيه كريم شانتيه حلمت إن في في بيتكم عفاريت كتير أوي

و في عفريته منهم لازقة فيك و بتطفش من حواليك البنات

حازم بصدمة و زهول: ايوه فعلاً البنات بتطفش من حوليا و يعدين يا جميلة كملي 

ملك بخبث: دي عفريته عاشقة ليك يا سعادة البيه كريم شانتيه

لا و يا خراشي بقي على سعادة البيه كنافة بالمنجة حواليه بدل الواحد عشرة

حازم : لا يا جميلة في وليد بالذات مينفعش وسعت منك دي 

ملك : اسكت ما انت مش فاهم دا حواليه عفاريت فاسقة بتخليه يقول خمر و نساء

حازم بزهول: صح صح يا جميلة وليد بيعمل كدا علطول

ملك : و كل شويه يقولك اليوم خمر و غدا شغل و بليل في نفس اليوم رقص و قله حيا انا ليا ربنا على اللي شوفته في الحلم دا 

حازم : فعلاً فعلا و الحل يا جميلة البنات هتطفش مني اكتر من كدا ايه 

ملك : و إلا سعادة البيه الحليوة يختاااي عليه ملازمة عفريب معقد نفسياً مبيضحكش خالص بزمتك انت شوفتة بيضحك 

حازم بتفكير و خوف: لا مشفتوش بيضحك من زمن 

ملك : أهو عفريت سعادة البيه الحليوة قالي في الحلم أنه هيخليه معقد اكتر من كدا و هيخرج عقده عليك يا سعادة البيه كريم شانتيه و هيفرمك في الشغل

حازم بخوف: طب و الحل يا جميلة هنعمل ايه خلصينا من العفاريت دي عنك حل

ملك بخبث : عيب عليك يا سعادة البيه كريم شانتيه ميكونش اسمي جميلة غير و انا مخرجلكم العفاريت دي من البيت بس أنت طبعاً هتساعدني

حازم : طبعاً يا جميلة شوفي انتي عاوزه ايه و انا هعمله

-------- اذكروا الله -----

مالك صحي من النوم و سند ظهره على السرير و باصص في الموبايل على صورة جميلة قال في نفسه: جميلة و برئيه كدا تحس نفسك عاوز تاكلها حتت بسبوسه بالقشطه

وقف فجأة و خرج ليهم بلبس النوم راح على المطبخ علطول لقي ملك بتتكلم مع حازم عادي فغار من جواه وقال: حازم يلا اجهز علشان الشغل

حازم بخضة و لسه كلام ملك مأثر فيه : حاضر يا مالك بس بص انا هروح النهارده بدري عندي شوية حاجات هخلصها

مالك: تمام و بص لملك و عيونه لمعت 

مالك: عاملة ايه دلوقتي يا جميلة

ملك : بخير يا سعادة البيه الحليوة ان شالله تسلم يخويا انا بقول مفيش غيره سعادة البيه الحليوة هو اللي جابر بخاطري

مالك بابتسامة: يا رب دايما بخير يا جميلة و سابها و مشي بعد ما أتأكد إن حازم مشي 

ملك حطت اديها على قلبها و هي بتقول: بتدق ليه دلوقتي يا غبي مينفعش اللي أنت عاوزه بس ابتسامته دوختني ابن اللظينة ما بالك بقي بضحكته هتعمل في اللي جابوني ايه 

نفضت ذهنها من كل حاجه و قالت بخبث: انا هسبني من الكلام دا دلوقتي و اخليني في اللي هعمله فيهم التلاتة النهارده و يا رب قدرني على فعل الخير و استرها من عندك عشان شكلي هنكرش النهارده

------ اذكروا الله ----- 

وليد صحي من النوم مقريف مش قادر يقوم أصلا و في نفس الوقت مش عاوز يقعد مع ملك في البيت لوحدهم عشان مش ضامن رد فعله معاها مش بعيد يقتلهـ.ـا و يخلص البشرية منها لبس و جهز حاجته لقاهم كلهم قاعدين على السفرة بص على الأكل و اتصدم

وليد: ايه دا معلش ؟! 

ملك: صباح الخير يا سعادة البيه كنافة بالمنجة أقعد أقعد حماتك بتحبك

وليد قعد على الكرسي بإهمال و قال: فول و طعية يا قادره بصي انا أصلا مش قادر اتخانق معاكي هاتيلي حاجة أكلها غير دي بصي هاتيلي جبنه 

ملك : ماله الفول و الطعمية بقي يا سعادة البيه كنافة بالمنجة بقالك قد ايه مكالتوش افهم بقي كل كل دا أكل الشعب كله كدا و كله بيدوب في الفول دا دوب 

وليد: مش عاوزه منك حاجه انا هسبقم على الشركة

وليد خرج و مالك ميل عليها و قال بهمس: خفي عليهم شوية كدا هيفلسعوا بدري

ملك بنفس الهمس: متخافش عليهم يا سعادة البيه الحليوة دا انا نويت و النية لله إن يكون مو'تي على ايدهم

مالك : يبقي الله يرحمك بقي 

خرجوا على الشركة و ملك غمزت لـ حازم اللي هزلها راسة و مالك اللي هيفرقع من كتر الغيرة

------ 

ملك بتجهز اللي هتعملوا ليهم و خلصت الغدا و هي بتقول يلا حلال عليكم الكرشة أحسن حاجة اقولهم عليها اكله يابنية هما اليابان بيحبوا الأكل اللي مش مفهوم دا 

و بقت تجهز الحاجات على ما حازم يجي 

بعد نص ساعة حازم جه و معاه كيسه كبيرة و دخل الاوضة غير و لبس جلبية بيضة و حط على راسة طقية و ملك اللي لبست جلبية بيضة برضوا و ربطت رأسها بطرحة و شعرها رفعاه لفوق زي الاريل بقي منظرها مضحك للغاية

حازم مسك مبخره من بتاع زمان و ملك كمان و استنوا لحد ما مالك و وليد رجعوا و شغلوا الطبلة و ملك بقت تقول كلام مش مفهوم و ترش بخور و حازم ماشي يفقر وراها و ماسك المبخره كل شويه يحط بخور فيها 

وليد بصدمة: قلبت البيت مازار يا مالك 

مالك بصدمة: اخوك يا وليد الواد جراله ايه 

ملك بصتلهم و برقت وليد رجع خطوه لورا من منظرها و قال....

#الحلقة_10

وليد بصدمة: قلبت البيت مازار يا مالك 

مالك بصدمة: اخوك يا وليد الواد جراله ايه 

ملك بصتلهم و برقت وليد رجع خطوه لورا من منظرها و قال : أعوذ بالله من الخبث و الخبائث انصرف انصرف

ملك برقت ليهم و مالك مستغرب اللي بيحصل بص على حازم لقاه بيلف حولين الترابيزة و بيفقر و بيقول: حي حي 

ملك حطت المبخره في ايد مالك و مسكت و ليد و مالك كل واحد من ايد و راحت تلف ورا حازم

مالك بقي ماشي وراها و بيبص عليها و هي بتفقر زي حازم و سرح فيها و بقي يبتسم و سرحان في شكلها

وليد بقي بيشد ايده منها بس هي متبته فيه و بتقول : سبوهم سبوهم مش هيزعلوكم تاني العفريب اللي على سعادة البيه الحليوة انصرف انصرف

العافرييييت اللي محاولة سعادة البيه كنافة بالمنجة انصرفوا بقي و خلوه في حالة دا سعادة البيه كنافة بالمنجة صالح من المسجد للبيت و من البيت للمسجد 

اللي صعبان عليا في الموضوع كله سعادة البيه كريم شانتيه انصرف من عليه بقي و سيبوا الواد يحب و بتحب 

كل دا و هي شادة وليد و مالك و بتفقر و بتقول: حي وحدووووه

وليد خلاص جاب أخره بيحاول يشد ايده منها بس هي مش راضية اخر ما زهق طلع مسدسه و صوبه عليها

ملك : يلهوي اعقل يا سعادة البيه كنافة بالمنجة انا آسفة والله ما هعمل كدا تاني 

مالك شاف وليد كدا جري عليه و بيحاول يهدية و حاضنة مش راضي يخليه يروح ناحيتها

حازم شافه كدا و الشر بيطير من عينه جري على اوضتة و قفل عليه بالمفتاح

ملك اللي استغلت إن مالك مشتته نزلت تحت الترابيزة

ملك من تحت الترابيزة: هدي أعضائك يا سعادة البيه كنافة بالمنجة دا انا كنت بعملكم تحصينات إن حق عليا خايفة عليكم من العين

وليد : ورحمت أبوك سيبني عليها أنا جبت أخري منها خلاص يا مالك 

ملك : عاوز تقـ'ـتلني مين هيسمحلك تعمل كدا أكيد سعادة البيه كريم شانتيه هيدافع عني مش كدا يا سعادة البيه كريم شانتيه

محدش رد عليها خرجت رأسها من تحت الترابيزة و بتدور عليه ملقتوش دخلت تاني و قالت: كلاكيت تاني مره

أنت عاوز تقتـ.ـلني اكيد مين هيسمحلك تعمل كدا أكيد سعادة البيه الحليوة هيدافع عني مش كدا يا سعادة البيه الحليوة

مالك: اسكتي يا جميلة أنا حايشة عندك بالعافية انتي اخرك معاه رصاصة أصلا

ملك : تشكر يا زوق انا هحك لساني في بوقي و هتخرس اهو 

وليد: متحاولش يا مالك مش هيحصل والله لاعجنها و اخبزها في ايدي عشان تحرم

ملك خرجت رأسها و قالت: ليه يا سعادة البيه كنافة بالمنجة كنت شايفني ماكنة هتنزل فيها العجين و بعدين انتوا أصلا مش مقدرين قيمتي انا و التركي بتاعي

وليد : تاني هتقولي تركي

ملك : اسكت يا سعادة البيه كنافة بالمنجة انت متعرفش أنه طلع هندي كمان دا انا زعلانة أوي البطل هيـ'ـموت خلاص 

وليد لسه هيتكلم مالك زعق للكل و كان صوته عالي جدا لدرجة إن ملك اتخضت و اتخبطت في الترابيزة

مالك: كله يجمع هنا في ثانية تقفوا جمب بعض طابور حالا

حازم خرج جري من الاوضة و وقف جمب وليد و ملك اللي كل ما تيجي تطلع تتخبط لحد ما طلعت أخيراً و وقفت جمب حازم 

ملك بصوت واطي: إحنا هنتشلوع يا مجدي

حازم : اسكتي كله منك كان عقلي فيه بس و انا بسمع كلامك 

ملك بهمس : بس بزمتك مش أفكاري تودي العباسية

حازم :من الناحية دي فهي

قطع كلامهم مالك و هو بيقول بصرامة: ولا كلمة مش عاوزه اسمع نفس 

ملك : هي هتقلب وإلا ايه 

مالك : أول حاجة تطفوا الزفت دا 

ملك لسه هترد الاغنية بتاع الطبل اللي كانت مشغلاه خلصت و جت مكانها أغنية حكيم.

رقصوني يا أبا فرحوني يا أبا ملك بصتلهم و بقت تهز كتافها و ترقص بهبل مع الأغنية

ملك: لا مش قادره دا حكيم معلش بقى يا سعادة البيه الحليوة بقت تعمل باديها حركات هبلة لا تنتمي للرقص شئ حازم شاف مالك مصدوم و على وشك أنه يضحك بقي يهبل زيها

ملك : أعمل أي بتنحان يا سعادة البيه كريم شانتيه المهم نفلسع منهم و هات معاك سعادة البيه كنافة بالمنجة

حازم راح مسك ايد وليد اللي هيفرقع بس لما شاف فرحة حازم و ابتسامه مالك اللي بيحاول يخبيها ضحك و بقي يرقص مع حازم و يضحك من قلبه 

حازم راح على مالك و اخده يرقص معاهم و بقوا التلاتة بيرقصوا مع بعض و بيضحكوا جامد 

ملك بعدت عنهم خطوتين و بصتلهم بسعادة و قالت في نفسها: أخيراً فكرتوا في فرحة بعض شكلكم حلو أوي و انتوا مع بعض عنيها دمعت و كانت هتمشي بس وليد لمحها بطرف عينه قلبه وجعه عليها هو أي نعم مش بيطيقها بس مش هينكر أنه بيفرح لما هي تناكف فيه و أنها دخلت السعادة على حياتهم وليد خد مالك برقص بسرعة و وقفوا قدامها و ليد بخبث زق ملك بكتفه وقعت على مالك اللي حضنها و بقي يبص في عنيها

ملك بصت في عنيه و تنحت 

مالك بهمس : شكراً على اللي بتعمليه عشانا

ملك بتوهان: سعادة البيه الحليوة

مالك : نعم 

ملك : يخربيت حلاوة امك يا شيخ

مالك بصلها و قال: رومانسيه أوي إنتي يا جميلة

ملك اتنبهت لنفسها فوقفت و قالت: هحضر الغدا

ملك حطت الأكل

وليد بحذر : ايه اللي انتي عملاه دا 

ملك بفخر: متقلقش يا سعادة البيه كنافة بالمنجة كل و هتحلي بالمانجة

كلهم بيكلوا بحذر و بصوا لبعض و ضحكوا و كملوا أكل

حازم : الحمد لله إسمها إيه الأكلة دي يا جميلة أنا بشوف معاكي العجب 

ملك : كرشة بس عليها توابل كتير و نزلت تحت السفرة

حازم جري يرجع و هو بيقول: انتي متدخليش المطبخ تاني

وليد بص لمالك اللي هز كتافة بمعني لا فائدة

وليد مسك المسدس و قال: و رحمت امي لا.موتك النهارده اطلعيلي بقولك

تابعوووووني 

الحلقه الحاديه عشر والثانية عشرة من هنا

بداية الروايه من هنا

أدخلوا واعملوا متابعة لصفحتي عليها كل الروايات بمنتهي السهوله من هنا 👇 ❤️ 👇 

صفحة روايات ومعلومات ووصفات