رواية صعيدى يمااه الفصل الثالث 3 حصريه وجديده على مدونة النجم المتوهج للروايات والمعلومات
 |
رواية صعيدى يمااه الفصل الثالث 3 حصريه وجديده على مدونة النجم المتوهج للروايات والمعلومات
على فكرة يا جماعه انا كمان بعرف اضغط عالتصويت فياريت تعلقوا وتقولوا رأيكوا
"
#الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة#
ظلت تجرى ولا تعرف أين تذهب هى تريد فقط أن تبتعد قدر الإمكان
تعبت قدميها وجلست تستريح قليلا وهى تستند برأسها على حائط دقائق وقد غفت ولم تشعر بالوقت
اما أمير فقد ركب سيارته وهو يسوق بسرعه
أمير وهو يضغط بعض الأرقام ويضع الهاتف على أذنه
رنه واثنتين حتى رد الطرف الآخر
أمير : انتو فينكوا بأى مكان
امين : احنا عند ......
أمير : دقايق وهكون عنديكوا
واغلق معه
لم تمضي سوى ربع ساعه وها هو وصل لوجهته
نزل من سيارته وهو يدخل بكل جبروت لتلك البلد
- انتى يا انسه اصحى
استيقظت جميله وهى تنظر للرجل الذى أمامها
انكمشت على نفسها
لاحظ الرجل توترها فابتعد قليلا
وقفت جميله وقالت بخفوت: عن اذنك
ظلت تسير بغير هدى وهى حتى لا تملك المال أو هاتفها فكل شئ يخصها بحقيبة مدرستها بالسيارة
شعرت بأحد يسير خلفها ولكن لم تجرؤ على أن تلتفت خلفها
حاولت الإسراع بخطواتها
دقائق وامسكت بها يد قوية وهو يديرها خلفه
شهقت بقوه وجحظت عينيها وهى تراه أمامها
ابتسم أمير بخبث: هتهربى منى فين يا بت عمى
رفعت رأسها بشهقه عاليه وهى تتلفت حولها
وجدت نفسها بغرفتها كما هى ولم يكن هذا سوى حلم
جميله : الحمد لله انى مهربتش ده كان جابنى من تحت سابع أرض
دقائق وضحكت بقوه وهى تتذكر كيف والده صفعه فى الحلم ولو يعلم لقتلها
دخلت إسلام غرفة جميله : بت يا جميلة انتى لسه نايمه وعندما وجدتها تضحك لوحدها : مالك يا بت انهبلتى ولا أى
جميله : تعالى هحكيلك
وسردت لإسلام كل ما حدث
إسلام : يا خبر اسود يعنى انا كنت بتفضح
جميلة : ده حلم يا إسلام وبعدين متخافيش ناصر بيحبك ومحدش يعرف غيرى وانا اكيد مش هقول لحد
إسلام : بس هو اتنازل عنى بسهوله إكده
جميلة : ههههه يا بت بقولك حلم
إسلام : غورى يا وش الفقر انتى ويلا تعالى الوكل جاهز
جميلة : هو أمير تحت
إسلام وهى تغمز لها : لا حبيب الجلب فى شغله مش فاضي عاد
جميلة وهى ترمى عليها المخده : رخمه
إسلام : ههههه معلش يا بت المدينه مش جدك احنا
وقفت جميلة بحماس وهى تحضر ثياب لها لتدخل تستحم
كان يتضرب فى الساحه وهو يصوب مسدسه على تلك الزجاجات فتتناثر إلى قطع صغيرة
أتى شخص من خلفه وهو يضع يده على كتفه: عرفنا انك بتصوب حلو يا عم وعلى وجهه ابتسامه
نظر أمير ليده التى على كتفه بحده
فابتلع ذلك الشخص ريقه وهو يسحب يده
أمير وهو يكمل تصويب: جاى ليه دلوجيت يا عبد الله
عبد الله وهو يتحدث بجديه: فى دفعه طلبه جايين وعايزينك تدربهم
أمير : انا مليش فى لعب العيال جول لواحد غيرى يدربهم
عبد الله : الكل رشحك انت يا أمير وبعدين دول هيبقوا صاعقه
أمير : جولتلك شوفوا غيرى انت بتجول اهه طلبه وانت عارف طبعى بيكرهوا عيشة اللى خلفوهم معاى
عبد الله : يا عم بقا اتنازل ووافق المره دى
تنهد أمير بحده : ودول بيجوا ميته
عبد الله : يومين وهيكونوا عندنا
أمير : طيب
واتجه لمنشفه صغيرة يمسح بها وجهه
عبد الله : عرفت مين مجموعه X يا أمير
أمير وهو ينظر للفراغ أمامه: لسه
وتركه وابتعد
سعاد : هى الهانم مجيتش ليه
إسلام : كانت نايمه يماه
لوت سعاد شفتيها بإمتعاض
دقائق وكانت جميلة تنزل وهى ترتدى بنطال جينز اسود وتيشرت بنصف كم
غادة : شايفه خلجاتها يماه
سعاد : جرا أى يا بت أحلام أمشي غيرى خلجاتك
جميلة وهى ترمقهم بهدوء وبابتسامه: عمى معندهوش اعتراض على لبسي روحى قوليله هو
غادة : انتى بتردى على امى يا بت انتى ولا اى
جميلة وهى تجلس بجوار إسلام
تمتمت بخفوت: عقارب بصحيح
سعاد : بتجولى أى
جميلة : ابدا بقول سلامتك يا مرات عمى واهدى كده لضغطك يعلى ولا يجيلك السكر تروحى فيها
سعاد : بتفولى عليا يا بت المركوب انتى
جميلة بحده: المركوب ده يبقا سيدك
- جميله
صدح صوته مجلجل لقلبها
وأسرع بخطواته تجاههم
ولكن جميله كانت الاسرع وهى تجرى على الدرج قبل أن يمسك بها
دخلت غرفتها وأغلقت الباب عليها
عقد أمير حاجبيه من طفولتها التى لن تنتهي
سعاد وهى تتقن البراءة: شوفت يا أمير بتقلل منى وتغلط فيا
أمير : متزعليش يماه جليلة ربايه بس انا هشوف حل مع عمى اللى مدلعها بزيادة
وتركهم ودخل غرفته
غادة : خليهم يضربوها ولا انشالله يجتلوها ونخلص منيها
إسلام : حرام إكده يماه
سعاد : ابلعى لسانك انتى
تركت إسلام الأكل واتجهت لغرفتها
ولكن ذهبت لغرفة أختها فهى لم تأتى لتأكل
فتحت الغرفة : علا مجتيش تأكلى ليه
علا : معدتى مقلوبة معرفش ليه
إسلام : يمكن تكون هتجى
علا : معرفش يا إسلام
إسلام : استنى هعملك حاجه سخنه اشربيها
وخرجت من غرفتها
بت يا محاسن انتى يا بت
- ايوه يا ست هانم
إسلام : اعملى حلبه ولا حاجه سخنه ودخليها لعلا
- حاضر يا ستى
سمعت إسلام رنة هاتفها بوصول رسالة
فتحتها وكانت من ناصر : مستنيكى يا إسلام
اتجهت إسلام لغرفتها بسرعه وهى تغلق الباب عليها
اتصلت به
إسلام : أمير جيه يا ناصر
ناصر : يعنى اى يا إسلام
إسلام : لو جيتلك وسأل عنى خلاص وقت تانى يا ناصر
ناصر : مستنيكى يا بت الناس ساعه وتكونى جدامى
وأغلق
إسلام : يا رب أسترها المره دى
ارتدت عباءة أخرى وغطت شعرها
وخرجت من البيت
وصلت لمكان تجتمع فيه معه
إسلام : إكده يا ناصر خايفه حد يعرف
ناصر بصوت رخيم : اتوحشتك
ابتسمت إسلام وهى تنظر للأرض
رفع ناصر ذقنها وهو ينظر لعيونها
ناصر : متخبيش عيونك عن ناصر يا إسلام
أحمر وجه إسلام من الخجل وهى تحاول أن تنظر لكل شي سواه
إسلام : همشي انا قبل ما حد ياخد باله انى برا
ناصر وهو يتنهد : خليكى شوية يا إسلام
إسلام وهى تجلس بجواره
- اه صح بنت عمى جميلة شافت بنومها انى طلبت منك تبعد عنى وانت وافقت
ناصر وهو يضحك : انا اموت ومسيبكيش لغيرى ياخدك
إسلام وهى تستند بذقنها على ركبتيها: هو احنا ممكن نتجوز ونكون لبعض يا ناصر
ناصر : وبنجيب عيال كمان بس انتى ادعى ربك
إسلام : مهيوفقوش
ناصر : مالنا صالح فيهم
إسلام : بيجتلونى يا ناصر
ناصر : متجوليش إكده
أمير : عبد الله انت فين دلوقيت
عبد الله : عشر دقايق بس واكون عندك
أمير : مستنيك
أمير : يماه هو فين ابوى وعمى
سعاد : فى الشغل يا ولدي
أمير : طيب فى واحد جاى عرفيهم كلهم محدش يجى هناك
سعاد : ماشي يا ولد اعملكوا وكل
أمير : يا ريت يماه
وذهب أمير ليستقبل صديقه
أمير : نورت الصعيد
عبد الله : وحشتنى
أمير : ههههه ما انا كنت معاك من كام ساعه بس
يلا تعال جوا
عبد الله : لا انا يا دوب امشي
أمير : تمشي ده أى يلا جدامى على جوه
عبد الله : ههههه محدش يقدر عليك
وتوجه معه عبد الله لداخل المنزل
أدخله أمير لحجرة بها جلسه ارضيه
أمير : هجيب الملف من فوق واجيلك البيت بيتك
عبد الله : تسلم يا أمير
.
علا : استغفر الله البت دى مجتش ليه
توجهت لخارج غرفتها وذهبت لغرفة إسلام ولكن لم تجدها
توجهت لمجلس الضيوف وهى تظن انها به
كان عبد الله واقف ينظر لصورة على الحائط
فتحت علا الباب واغلقته خلفها وهى تنادى على إسلام استدار عبد الله وهو ينظر لتلك الواقفه أمامه بشعرها المبعثر وعباءتها التى تفصل جسدها
رجعت علا بسرعه للخلف وهى ترى أمامها شاب غريب ارتطم ظهرها بالحائط تألمت بقوه ومع الم معدتها تجمعت الدموع بعينيها
دقيقه وكان أمير يفتح الباب : عبد الله شوف ....
بتر عبارته وهو يجد أخته واقفه أمام صديقه
...............
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق