رواية استروبيا الحلقه الرابعه والخامسه بقلم الكاتب محمد منصور حصريه وجديده على مدونة النجم المتوهج للروايات والمعلومات
 |
رواية استروبيا الحلقه الرابعه والخامسه بقلم الكاتب محمد منصور حصريه وجديده على مدونة النجم المتوهج للروايات والمعلومات
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بعد ما فاضل سمع كل اللي كان بيتقال بين شاكر وفايزة وشرين وهما بيتهموا بعض في مين لي مصلحة في موت عايدة قال فاضل
دة واضح ان كلكم متاكدين ان هاني كان برئ ورغم كدة ما حدش فيكم قرر يلحقة من حبل المشنقة اللي كان بيتلف حوالين منه
شاكر
انت باين عليك فهمت غلط دة احنا،،،،،،
قاطعة فاضل وقال
استاذ شاكر. محتاج اقول كلمتين قصاد كل افراد عيلتك
شاكر
بس ولادي الاثنين ثروت وممدوح في شغلهم
فاضل
اطلبهم يجيو. واطلب لي فنجان قهوة مظبوط
وقعد فاضل عند اول كرسي قابلة وبص ل شاكر اللي طلع موبيله واتصل بولاده الاثنين وفي خلال نص ساعة اتجمع كل افراد عيلة شاكر اللي بصو ل فاضل اللي قام وقف وبص لهم كلهم وقال
احب اعرفكم ان التحقيق في مقتل مدام عايدة اتفتح تاني لان هاني ظهرت برئته ودايرة الاتهام بتاعتي بقي جوة منها 8 اشخاص وهما انتم و من دلوقتي لنهاية التحقيق المطلوب منكم الاستعداد ديما لاسئلتي ولازم تعرفو ان كلكم اصبحتم مشتبه فيكم.
وما حدش فيكم بقي فوق مستوي الشبهات. فلازم كلنا نساعد بعض علشان نوصل للقاتل اللي عايش وسطيكم وعلشان كمان نجيب حق اللي اتعدم ظلم. فمن فضلكم ماحدش يروح اي حتة الا لما يعرفني
هنا ممدوح قال
دة احنا كدة هنبقي مساجين
فاضل
بلاش تحسبها كدة علشان متصعبهاش علي نفسك. وتحبو التحقيق يكون هنا بشكل ودي ولا في مكتبي بشكل رسمي
بصو ال 8 لبعض لكن فاضل ما اداش ليهم اي فرصة للاختيار وقال
خلينا هنا وهيتم التحقيق في مرسم مدام عايدة مكان ما اتقتلت. وده في علم النفس بيشكل ضغط عصبي ونفسي علي القاتل
ورجع بص لهم هما ال 8 بشك. وكمل وقال
ولو حد قالي ان دة مش قانوني هقول له انت قلقان والقلق بيتولد منه الشك والشك بداية الوصول لليقين
في انا ديموقراطي وهحب اعرف رايكم في اللي انا قولته مين هيقلق من التحقيق معه في المرسم ومين مش هيفرق معه
اول واحد رفع ايدة صابر وقال
انا بعشق التحدي وانا مستعد للتحقيق في اي مكان
بص له فاضل وابتسم وقال
اول واحد وافق مين اللي بعده
بداو كلهم يرفعو ايديهم وفاضل باصص في وشوشوهم يمكن يوصل لتفصيلة يبدا من عندها لكن ما فيش اي جديد. فبص
ل شاكر وقال
انت رب البيت وانا ناويت ابدا بيك لو تسمح لي
شاكر
اوي اوي
واتحرك فاضل ناحية المرسم وقعد علي كرسي قصاد الكرسي اللي كانت بتقعد عليه عايدة وبص ل شاكر. وقال
اقعد
راح شاكر يقعد علي كرسي تاني غير كرسي عايدة لكن فاضل قال
علي كرسي عايدة
بص شاكر للكرسي واتردد لكام ثانية وبعدها قام وقعد علي كرسي عايدة وهنا فاضل قال
حاسس باية
شاكر
بالحرمان انت ما تعرفش عايدة دي بالنسبة لي اية
فاضل
ضحت علشانك كتير مش كدة
شاكر
اكتر من اللي المفروض تعمله اي ست مع جوزها. كفاية انها كانت ام ل خمس اطفال مش من دمها ولحمها
فاضل
وانت كنت بتحبها ولا كنت محتاج ام لعيالك علشان كدة اتجوزتها
شاكر اتصدم من السؤال لكنه قال
كنت بحبها طبعا
فاضل
واللي يحب حد يعمل ديما كل حاجة بضايقة
شاكر
تقصد اية
فاضل
فايزة لية بتيجي لك البيت مع ان دة كان بيضايق مراتك
شاكر
فايزة دي السكرتيرة بتاعتي و كان طبيعي لما تيجي لك البيت علشان اراجع معها اوراق و امضيها
فاضل
ويوم ما اتقتلت مدام عايدة فايزة كانت عندكم مش كدة
شاكر
كانت عندنا وقت ما حصلت المشكلة بين هاني و عايدة لكنها مشيت قبل ما تحصل جريمة القتل،،،،،،،
ويتغير المشهد وفايزة تكون مكان شاكر علي كرسي عايدة وفاضل بيقول
ولما انتي عارفة انك سبب مشاكل كتير بين شاكر ومراته كنتي لية بتيجي للفيلا
فايزة
لان دة شغلي
فاضل
شغلك في المكتب وفي الييت. هو انتي مش متجوزة
فايزة
انا مطلقة
فاضل
وعايشة لوحدك
فايزة
ماما عايشة معايا لكن ليا اخت في اسكندرية هي قاعدة عندها دلوقتي.
فاضل
وازاي تسيبك وانتي في ظرف زي دة
فايزة
انا اللي طلبت منها تروح علشان ما ينفعش اسيب شاكر لوحدة في ظرف زي دة
فاضل بمكر
شاكر
فايزة
استاذ شاكر. بس انا بحكم العشرة بقوله شاكر
فاضل
ودة دورك ك سكرتيرة ولا
وسكت فاضل وهنا فايزة قالت بحدة
ولا اية. انا بنت ناس حضرتك وماقبلش تلميحك الخطير دة
فاضل
مدام فايزة تفتكري انا قبل ما ارجع واكمل تحقيق معاكم ما دورتش وراء كل واحد فيكم
فايزة
ما عرفش حضرتك تقصد اية
فاضل طلع موبيله وفتح صورة وحطها قصاد فايزة وقال
اية رايك في الصورة دي
فايزة بصت للصورة وبرقت من شدة المفاجاة وقالت
انت صورت الصورة دي ازاي
فاضل
من الشقة اللي قصاد منك ممكن اعرف استاذ شاكر بيعمل اية عندك في شقتك في وقت متاخر
فايزه بصت تاني للصورة اللي كان فيها شاكر جوة صاله شقة فايزه وشباك الصاله كان مفتوح واتصورت الصورة وخرجت فايزة من صدمتها لما سمعت صوت فاضل بيقول
محتاج اجابة لو سمحتي
فايزة دموعها نزلت علي خدها وقالت
انا ابقي مرات شاكر،،،،،،،،
ويتغير المشهد وشاكر بقي هو اللي قاعد علي كرسي عايدة وفاضل كان بيقول
مدام عايدة كانت تستاهل منك بعد اللي عملته علشانك انك تتجوز عليها
شاكر
عايدة اخر سنة كانت بدات تنشغل بلوحاتها وما كنتش تقريبا حاسة بوجودي وفي الفترة دي فايزة قربت مني اوي وحسيت اني ما قدرش اعيش من غيرها.
فاضل
واتجوزتها ودة كان سبب مشكلة كبيرة بينك وبين مدام عايدة لما عرفت انك اتجوزت عليها
شاكر
انت عرفت ازاي
فاضل ابتسم بمكر الثعالب
وقعت في الفخ يا استاذ شاكر وبوصلة الاتهام اصبحت ناحيتك
شاكر
مش معقوله حضرتك تكون مصدق ان راجل محترم زيي يقتل مراته اللي ربت اولاده الخمسة
فاضل
انا، ،،،،
لكنهم هنا يسمعو صوت صرخة جاية من الدور الثاني للفيلا فطلعو جري ناحيتها ووقفو قصاد الاوضة اللي جاية منها الصرخة ودي تبقي اوضة رشا بنت شاكر وكان باين انها في خطر. وبتقول باعلي صوتها
بلاش تقتلني يا هاني انا قتلتها علشان انت تعيش بلاش تقتلني، ،،،،،،،،
ح(5)
استروبيا
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
لكنهم هنا يسمعو صوت صرخة جاية من الدور الثاني للفيلا فطلعو جري ناحيتها ووقفو قصاد الاوضة اللي جاية منها الصرخة ودي تبقي اوضة رشا بنت شاكر وكان باين انها في خطر. وبتقول باعلي صوتها
بلاش تقتلني يا هاني انا قتلتها علشان انت تعيش بلاش تقتلني
وبص فاضل ل شاكر وقال
انت واقف تتفرج افتح الباب دة خلينا نخش نشوف اية اللي بيحصل
هنا يجي صوت صابر من وراء فاضل وكان بيقول بتريقة
مش عايزك تقلق كدة يا حضرة الوكيل. رشا معودنا علي كدة اصلها مريضة نفسيه وكل يوم بعد ما بتنام بتحلم ب هاني جاي يقتلها
شاكر بص ل صابر وقال بحدة
ممكن تسكت وما تتكلمش خالص
صابر
هو انت يا حمايا مش عايز تعرف حضرة الوكيل بحاله بنتك لية. ولا خايف يفتكر انها هي اللي قتلت ماما عايدة
فاضل كان باصص للاثنين وقال
افتح يا استاذ شاكر خليني اشوف انسة رشا ،،،،،،،
في وقت ماكانو بيفقو رشا من الحالة اللي هي فيها كانت سلوي واقفة جنب صابر وبتقول بصوت واطي
هو انت اية مسحوب من لسانك
صابر
في اية بس يا مراتي يا حبيبتي
سلوي
بطل بقي نعومية الثعابين دي وقولي مالك انت ومال رشا ولية تقول لوكيل النيابة انها مريضة نفسية
صابر
مش دي الحقيقية. وهي فعلا مجنونه
سلوي
صابر انا الوحيدة اللي فهماك هنا وعارفة انت لية بتعمل دة كله علشان وكيل النيابة لو عرف بسرقتك لشيك بيع الارض بتاع ماما عايدة انت هتبقي المتهم الاول في القضية دي ف انت عايز تلبسها ل اي حد
صابر بحدة لكن بنفس النبرة الواطية
وهو انا كنت بسرق علشان خاطر مين مش علشان خاطرنا احنا الاثنين عجبك حالي وحالك كدة واحنا عايشين عواله علي ابوكي اللي صحيح طلع متجوز فايزة
اتصدمت سلوي وقالت
اية التخريف اللي انت بتخرفة دة
صابر
ما انا وقت التحقيق بقف عند باب المرسم اللي من ناحية الجنينة وبسمع كل اللي بيتقال دة حتي وكيل النيابة بدا يشك في وانا بصراحة مستحيل اصدق ان حمايا يقتل لكن فايزة تعملها عادي
سلوي بصت ل فايزة اللي كانت قاعدة بعيد وراحت ووقفت قصاد منها وقالت
انتي بجد مرات بابا ولا مجرد سكرتيرة رخيصة بينها وبينه ليالي حمراء
فايزة بصت بطرف عينيها ناحية فاضل اللي كان بيتابع كل اللي بيحصل بعيونه وقررت تلم الموضوع لكنها قامت وقفت وقربت من ودان سلوي وقالت
ابوكي لو ما اعرفش يربيكي انا بس نخلص من الوحلة دي وهعرف اربيكي
وبعدت بعيد عنها وسلوي بتبص لها بصة كلها شر
ولسة بتلف علشان ترجع
ل صابر لقت فاضل قصاد منها وبيقول
بتتخانقي لية مع فايزة
سلوي بلعت ريقها بصعوبة وقالت
مش بنتخانق
فاضل
مش لازم علشان يكون في خناق نسمع صوت عالي. وبعد ما اخلص تحقيق مع اختك رشا هيبقي لينا قاعدة سوي
وسابها ومشي وصابر باصص لهم من بعيد وفايزة باصة ل سلوي وسلوي بتقعد علي اقرب كرسي وجسمها كله بيقيد نار، ،،،،،،،،
ويتغير المشهد وفاضل كان قاعد في المرسم بتاع عايدة بيشرب قهوة وقت ما دخلت عليه رشا اللي كانت خايفة ومعاها شاكر بص فاضل
ل شاكر وقال
ممكن تسيبنا لوحدنا
رشا كلبشت في ذرعات شاكر اوي وهنا فاضل قام وقرب منها وقال
مش عايزك تخافي مني خالص انا زي والدك وبعدين انا حققت معاكي قبل كدة ما كنتش حالتك كدة. للدرجة دي موت هاني قصر فيكي
رشا
مش عايزا اتكلم معاك انا بكرهك
فاضل
لية
رشا
علشان انت اللي قتلت هاني
فاضل بصوت حزين
بعترف اني غلط و اتسرعت في الحكم علي هاني ووصلته بايدية ل حبل المشنقة لكني اقسم لك بالله المرة دي مش هيتقفل التحقيق الا وانا قابض علي القاتل الحقيقي. بس عايزك تساعديني نجيب حق هاني وحق ماما عايدة
رشا بحدة
حق هاني بس مش مهم عندي ماما عايدة
فاضل بص ل شاكر تاني وقال
خلاص يا استاذ شاكر تقدر تخرج انا و انسة رشا هنتكلم مع بعض شوية
ورجع بص ل رشا وقال
مش كدة يا انسة رشا
رشا
طالما هتجيب حق هاني نتكلم
شاكر
من فضلك يا حضرة الوكيل تراعي حاله بنتي لانها من بعد موت هاني وبتعاني من صدمة نفسية اصلها كانت بتحب هاني جدا
فاضل
مفهوم طبعا
وخرج شاكر وطلب فاضل من رشا انه تقعد علي كرسي عايدة لكنها قالت
لا. انا ما اقعدتش مكان الشيطانه دي ابدا
فاضل اتصدم وقال
طيب تعالي اقعدي علي الكرسي اللي قصاد مني دة
وقعدت رشا وفاضل قال
انتي لية بتكرهي مدام عايدة اوي كدة
رشا
علشان هي السبب في موت هاني
فاضل
ازاي
رشا
لو كانت اديت له الفلوس اللي هو عايزا ما كنش اتخانق معاها وما كنش قتلها وسرقها
فاضل
بس هاني ما قتلهاش ولا سرقة هاني طلع برئ
رشا
عارفة وانا السبب في موته وهو من وقت ما مات بيجي كل يوم في الحلم وبيبقي عايز يقتلني
فاضل
ولية يعمل كدة
رشا
علشان انا اللي اديته الفلوس اللي لقيتوها معه
فاضل اتصدم اكتر وقال
خد ازاي الفلوس دي من مدام عايدة
رشا
سرقتها. واديتهاله
فاضل كان مصدوم اكتر من الاول لكنه قال
وحاولت تمنعك قومتي قتلتيها
رشا بخوف وفزع
لا. انا ما قتلتهاش
فاضل
طيب ما قولتيش اول مرة انك انتي اللي اديتي الفلوس ل هاني
رشا
خوفت اتسجن
فاضل بحدة
خوفتي من السجن وما خوفتيش من تنايب ضميرك لان سكاتك دة كان السبب في اعدام اخوكي
رشا بانهيار
ما كنتش اعرف انكم هتعدمو كنت ديما حاسة ان بابا هيقدر يطلعه منها
فاضل
واهو ما اقدرش واخوكي مات ظلم وانتي السبب
رشا
هي السبب.
وبصت وشاورت ناحية كرسي عايدة وكملت وقالت
هي اللي بخيلة وخبت الفلوس عنه
فاضل
دة مش بخل دي كانت بتحمي من نفسه كتر الفلوس في ايد اخوكي بوظته
رشا
مش بعد ما دلعو يرجعو يحرمو
فاضل
وهو ماراحش لية وخد من استاذ شاكر
رشا
بابا شركتة مفلسة و عايدة في اخر سنة كانت هي اللي بتصرف علي البيت
فاضل
واية اللي وصل حال الشركة لكدة
رشا
اخواتي الاثنين ثروت
و ممدوح ولما عايدة عرفت بالخراب اللي هما سبب في قررت تقف في وشهم. لكنهم عملو اللي انا ما اقدرش اقوله
فاضل
عملو اية
رشا بصت حوالين منها وقالت
لو اتعرف اني انا قولت هيقتلوني
فاضل
قولي و متخافيش مش هعرفهم اني عرفت منك
رشا قربت من فاضل اوي وقالت في ودنه اللي خلي فاضل يرجع لوراء مش مصدق اللي سمعه،،،،،،،
تابعوووووووني
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
