رواية ندبة الغرام الحلقه الثانيه بقلم مارلي ايهاب حصريه وجديده على مدونة النجم المتوهج للروايات والمعلومات

رواية ندبة الغرام الحلقه الثانيه بقلم مارلي ايهاب حصريه وجديده على مدونة النجم المتوهج للروايات والمعلومات

في سرايا جواد رُسلان كان ينزل فارس علي الدرج ويقول بابتسامة

بقولك ايه يا خوي انا رايد منك طلب

جواد بابتسامة

رايد ايه عاد طلباتك مش بتخلص يا فارس

فارس بابتسامة

معلش اتحملني كنت رايد عربية جديدة انت قولتلي لو اتخرجت بتقدير زين هتجبلي العربية اللي كنت رايدها

جواد ابتسم

وانا عند كلمتي يا فارس روح المعرض واختار العربية اللي انت رايدها و انا هدفع تمنها

فارس بفرح

اي كان سعرها ايه

جواد ابتسم

ايوة يلا روح

فارس بابتسامة

حبيبي يا خوي ربنا يخليك ليا

وتركه وذهب اقتربت مهرة بضيق وقالت

مش هتبطل دلعك فيه عاد يا جواد مش حرام الفلوس اللي بتحدفها يمين وشمال

جواد بحده

ملكيش صالح يا مهرة

مهرة بضيق

كيف يعني مليش صالح يا جواد انا مرتك و ام عيالك والفلوس اللي انت بتديها لاخوك دي حق ولادي

فجاءة سمعت حماتها بتقول بحده

جنيتي ولا ايه يا مهرة انتي نسيتي عاد ان جواد ماسك ورث فارس يعني الفلوس اللي بيدهاله دي من فلوسه و حقه يا مهره مش من فلوس جوزك

مهرة بتوتر

انا مقصدش. يا مرت عمي

تهاني بهدوء

حتي لو متقصديش اديني وضحتلك اللي فيها علشان متغلطيش تاني

قام جواد بتعب وقال

انا رايح الشركة و احتمال ابات هناك

تهاني بحنان

ماشي يا ولدي متنساش تاخد علاجك معاك

جواد بتعب

متقلقيش يا يمايا معايا بعد اذنك

وسابها وخرج ومهرة اقتربت من تهاني وقالت بحزن

انتي عجبك اللي ولدك بيعمله ده يا مرت عمي

انا مليش ذنب في اللي حصله ايوة كنت بسبب مش كله بسببي انا مكنتش اعرف ان ده كله هيحصل

تهاني بهدوء

كنتي تعرفي او لا في النهاية اللي حصله مش هيتغير و اللي خسره مش هيرجع تاني لازم ياخد وقته لان لو مكنتيش انتي نشفتي راسك يوميها مكنش ولدي خرج وراكي وحصله اللي حصل اديله وقته علشان يرجع ليكي

في الشركة جواد رُسلان كان يجلس علي مكتبه دخل صديقه المقرب دياب

دياب بهدوء

اخيرا شرفت بقالك تلات ايام مش بتيجي الشركة ليه عاد

جواد بحزن

كنت تعبان يا دياب ما انت لو بتسال كنت عرفت

دياب بقلق

حقك عليا يا جواد بس صدقني كان فيه مشاكل مع مرتي علشان اكده مقدرتش اكلمك فيك ايه

جواد بتعب

متقلقش تعب في رجلي مكنتش قادر امشي

دياب بقلق

ليه بس يا جواد مش انت خلاص اخدت علي الرجل الصناعية وبقيت بتمشي عليها زين

جواد بالم

بس بتوجع يا دياب مش بقدر امشي كتير

دياب بحزن

معلش علشان مش بتخرج بيها كتير و لسه متعودتش عليها بكره تتعود عليها وتمشي بيها زين

جواد بحسرة

عمرها ما هتكون كيف رجلي يا دياب

وعيونه لمعت بدموع القهر قام دياب واقترب منه وطبطب علي كتفه وقال

يا اخوي انا خابر زين ان الموضوع ده تاعب نفسيتك و قاتلك من جواك بس يا جواد انت قوي و هتتخطي المحنة دي انا متاكد

جواد بحزن

الحمدلله علي كل حال يا دياب سبني لوحدي لو سمحت

دياب بحزن

حاضر يا جواد

وبالفعل خرج دياب وتركه بمفرده

بالليل قرب الساعة اثنين بعد منتصف الليل رجع جواد و كان الكل يغصون في نوم عميق طلع الدرج بتعب بسيط في رجله اليمين المبتورة واقترب من غرفته وفتحها واتصدم حينما راي مهرة تجلس علي السرير وهي ترتدي قميص نوم احمر اللون يظهر اكثر مما يخفي اتنهد بحده اما هي اقتربت منه بابتسامة وقالت

حمدلله علي سلامتك يا حبيبي

جواد بهدوء

ارجعي اوضتك يا مهرة

مهرة امسكته من يديه وادخلته الغرفة و اغلقت الباب واقتربت منه بدلع ووضعت يديها علي عنقه وقالت بابتسامة

اتوحشتك قوي يا جواد انا مرتك حبيبتك مش دايما كنت تقولي اكده دلوقتي مبقتش تحبني عاد انا خابره زين انك مجروح من اللي حصل بس انا مكنتش ادري ان ده كله هيحصل يا جواد انا اسفة سامحني

وبادرت هي ووضعت شفتيها علي شفتيه تقبله بهدوء وهو لم يريد ان يجرحها برفضه بادلها قبلتها ساعدته بخلع جلبابه قفطانه وهو تحرك بها بتجاه الفراش ووضعها عليه بهدوء وهو يعتليها ويقبلها بشغف وذهبوا الي عالمهم الخاص

وبعد مرور بعض الوقت ابتعد عنها بغضب وهو يقول بحده

ارجعي اوضتك فورا

قالت مهرة وهي تاخذ البطانية وتداري بيها جسدها العاري وتقول بتوتر

انت بعدت ليه يا جواد ايه اللي حصل بس

جواد بغضب

قولتلك ارجعي اوضتك احسن و اياكي. تفكري تيجي هنا تاني

مهرة بضيق

ليه بس ايه اللي حصل ما انت كنت كويس

كان يجلس علي الفراش وينظر الي رجله المبتوره بحسره وقهر ويقول بدموع يحاول ان يداريها و يعطيها ظهره

علي فكرة اللي حصل لرجلي ده انتي السبب فيه مش انا و رجلي اتبترت بسببك و بسبب عنادك يا ست هانم وانا معاكي كل ما بتشوفك بتبصي لرجلي نظرات كلها قرف و اشمئزاز

بلعت مهرة ريقها و تحاول ان تصلح ما فعلته رغم عنها وقالت

انت فاهم غلط يا جواد لا طبعا انا مقصدش بس انت من ساعة اللي حصل مقربتش مني و انا دي اول مرة يعني اشوف رجلك

جواد بغضب

واخر مرة اطلعي بره انتي مستنية ايه قومي البسي هدومك وغوري من وشي

قامت مهرة بخوف من غضبه وارتدت الجلباب الخاص بها وخرجت من الغرفة وحينما خرجت رأت امامها امها اسعاد اللي قالت بهدوء

ايه اللي حصل يا بت

مهرة بخوف

خلينا نبعد عن اهنا يا يمايا تعالي نقعد في اوضتي

وبالفعل دخلوا غرفتها

اسعاد بضيق

انطقي حصل ايه

مهرة بخوف

انا روحتله زي ما قولتي و قرب مني فعلا بس بصراحة يا يمايا بان في عيني نظرات القرف والخوف من منظر رجله صعب قوي مقدرتش اداري نظراتي وهو خد باله بعد عني و زعق وطردني

اسعاد بغضب

انتي اتجنتتي باللي انتي عملتيه ده هتخسري جوزك خالص و انتي خابرة زين ان احنا لو خسرنا جواد انا و انتي و اخوكي هنترمي في الشارع دا احنا عايشين في بيتهم عاد بلاش دلعك الماسخ ده

مهرة بخوف

يا يمايا ده مش دلع انا فعلا مش قادرة ابص لرجله خالص بحس اني قرفانة و عايزه ارجع

اسعاد بغضب

يلاش حديتك الماسخ ده يا بت ده جوزك اللي عايشة معاه بقالك 14 سنة حصلت له حادثة ايه هتسبيه علشان خاطرها و لا ايه

مهرة بضيق

وانا ذنبي ايه اعيش معاه وهو اكدة يا يمايا

اسعاد بغضب

انتي جنتي عاد مخك ضاع يا بت احنا من غيره مش هنلاقي ناكل و عيالك مش هيسبهملك كمان وبعدين لو عملتي حركاتك دي ممكن يزهق منك و يطلقك وساعتها انا و انتي و اخوكي هنترمي في الشارع واخوكي اللي بيشتغل في شركته بفلوس قد اكده هيطرده وهتخسري جوزك اللي معاه فلوس ياما بكره الصبح تروحي تحاولي تصلحي اللي حصل ده فاهمة ولا لاء

مهرة بخنقة

فاهمة

غادرت اسعاد الغرفة

في غرفة جواد كان يجلس وعيونه تدمع بقهر وكسره علي ما حدث له افتكر هو ينظر لرجله المبتورة ما حدث منذ اربع اشهر

فلاش باك

في السرايا كان يقف بعصبية ويتحدث مع مهرة

مهرة بغضب

انت رايدني اشوفك مع ست الحسن و الجمال اللي بترسم عليك واسكت عاد

جواد بضيق

بلاش جنان احنا مش صغيرين علي اللي بيحصل ده تعالي نتحدت في اوضتنا

مهرة بغضب

نتحدت في اوضتنا ما تعرفهم يا حبيبي اللي انت عملته

تهاني

عيب اكده يا بتي ميصحش تكلمي جوزك بالطريقة دي ما تتحدتي يا اسعاد.

اسعاد بتوتر

عيب اكده يا بت

مهرة بغضب

انا مش هقعدلك فيها يا جواد علشان تحب براحتك في ست اميرة

جواد بغضب

ما تحترمي حالك عاد هو انا علشان ساكتلك ما انتي خابره زين ان بيني و بينها شغل وعادي لما تلاقيني واقف معاها و وبتحدت معاها بلاش جنان العيال واقفة بتتفرج علينا

مهرة بغضب

خايف علي منظرك قدام عيالك خليهم يعرفوا ابوهم و انه بيخون امهم

لم يحتمل جواد هذا الحديث السخيف وصفعها علي وجهها

مهرة و هي تضع يديها علي وجنتيها قالت بصدمة

انت بتضربني يا جواد

جواد بغضب

واكسر نفوخك لو محترمتيش نفسك واتحدتي زين رايدة تصدقي ان كان بينا شغل صدقي مش رايدة براحتك

مهرة بغضب

اقسم بالله ما اقعدلك فيها يا جواد

وبسرعة خرجت من السرايا تجري وجواد خرج وراها بسرعة حتي يلحقها

جواد بغضب

اقفي يا مهرة استني طيب نتكلم

ولكن لم تستمع له كانت تجري بسرعة وفي هذا الوقت كان الشوارع خاليه من الناس جري فجاءة وقفت حينما وقف امامها اربع رجال من المطاريد رجعت للخلف بخوف

مجهول

ايه يا مكنة انتي خايفة اكده ليه تعالي انتي هتتبسطي حتي

وصل جواد وقال بغضب

ابعد منك ليه احسن احسرك علي عمرك كلاته

رد الراجل بغلظه وقال

ملكش صالح و غور من اهنا احسنلك

جواد بغضب

دي مرتي يا حيلتها

وفجاة ضربه بالروسية في راسه واقترب منه الرجال بقوة وبداوا في مهجمته بشدة والكثره تغلب الشجاعة بعدما تعارك معاهم بشدة وحاول ان يتغلب عليهم لم يقدر لكثرتهم كان معاهم ماسورة اقترب منه واحد وامسكه الثلاثة ونيموه علي الارض والرابع بدا في ضربها علي رجليه وكانت مهرة تبكي وتصرخ ان تتسول لهم ولكن لم يعيرها احد اهتمام وبعدما رجله نزفت تركوهم وذهبوا اما هي جلست علي الارضي تبكي بقهر ولم يكن معاها هاتف تتواصل مع اهلهم

جواد انت كويس جواد رد عليا

ولحسن حظها بعد ربع ساعة كان يمشي اثنان من الرجال وساعدوها ان ينقلوه الي المستشفى

وادخلوه الي غرفة العمليات ومن هناك قدرت تتواصل مع اهلها وفي خلال نصف ساعة وصلوا المستشفى وبعد وقت طويلا خرج الطبيب وعلي وجهه علامات الاسف وقال

مع الاسف مفيش قدمنا حل غير بتر الرجل اليمين لانها متذيه جامد لازم حد يمضي علي الاقرار بالموافقة علشان نبدا العملية

تهاني بعياط

مفيش حل تاني

الدكتور

صدقيني احنا حاولنا نعمل كل اللي نقدر عليه بس مفيش فايدة

فارس بدموع

انا موافق امضي

اعطاه الدكتور الاقرار ومضي فارس وبعد وقت طويل خرج جواد من العمليات بعدما تم بتر رجليه

باك

كان الدموع تنزل من عيونه بصمت لا يريد ان يشفق عليه احد كان ينظر لرجليه وهو يبكي

في صباح اليوم التاني استيقظ ونظر الي رجليه الصناعية واخذها وبدا في ارتداها ثم وقف بتعب بسيط واخذ. ملابسه ودخل الحمام وبعد قليل خرج ونزل وقابل والدته

تهاني بابتسامة

صباح الخير يا ولدي

جواد بهدوء

صباح النور يا يمايا

تهاني بابتسامة

الفطور جاهز يلا تعالي كل

جواد بهدوء

لا يمايا انا متاخر علي شغلي هفطر في الشركة

تهاني اقتربت منه وهي تشعر ان بيه شئ يزعجه ويالمه قالت بحنان

مالك يا ولدي

جواد بحزن

ولا حاجه يا يمايا انا بخير بالاذن منك

وتركها وذهب الي عمله

في بيت حامد كان تجلس فَجر علي الفراش وهو امامها يقول بحده

انا قولتلك مفيش مروح عند اهلك كلميهم خليهم يجوا يشوفوكي لكن ترحلهم لا و يكون في معلومك يا فَجر انتي مش هتخرجي من الدوار انها غير علي تربتك فاهمة ولا لاء

فَجر بعياط

حرام عليك يا حامد انت اشترتني ولا ايه انا من حقي اخرج انا من ساعة ما اتجوزتك و انا مخرجتش بره البيت

حامد بغضب

انتي جنتي عاد ولا ايه انتي هتردي عليا ولا ايه يا بت المركوب انتي اللي قولتله هو اللي هيحصل ولا انتي رايدة امد يدي عليكي علشان تسمعي الكلام

فَجر برعب

خلاص انا اسفة

قال حامد و هو يغادر الغرفة بغضب

جاتك القرف جوازة هباب

تابعووووووني

بداية الروايه من هنا

رواية منعطف خطر كامله من هنا

رواية زواج لدقائق معدودة كامله من هنا