رواية استروبيا الحلقه الثانيه والثالثه بقلم الكاتب محمد منصور حصريه وجديده على مدونة النجم المتوهج للروايات والمعلومات
 |
رواية استروبيا الحلقه الثانيه والثالثه بقلم الكاتب محمد منصور حصريه وجديده على مدونة النجم المتوهج للروايات والمعلومات
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة مكتب وكيل النيابة يقعد شاكر المحمدي قصاد ابنه هاني وكان بيقول هاني وهو بيعيط
والله ما قتلتها. واقتلها ازاي بس دي هي اللي مربياني
شاكر
اصدقك واكذب اللي قاله فاضل وكيل النيابة
هاني
ايوة تصدقني انا علشان انا ابنك والمفروض ان انت عارفني كويس وكمان عارف انا اقدر اعمل اية وما اعملش اية ومهما كنت فاشل زي ما انتم بتقولو مش هيوصل بيا الحال لاني اقتل
شاكر
والفلوس اللي لقوها معاك
هاني
دي فلوس واخدة من حد اعرفه
شاكر
مين هو
هاني بعصبية
هو انت يا بابا هتعمل زي وكيل النيابة واحد وخلاص
شاكر
اوعي صوتك يعلي عليه وتنسي اني ابوك ولا عايز تقتلني انا كمان
هنا باب المكتب اتفتح ودخل فاضل وبص ل شاكر وقال
اسف استاذ شاكر بس الكام دقيقة اللي انت طلبتهم مني علشان تتكلم مع ابنك خلصو وافتكر انك ما وصلتش ل اي جديد
شاكر
ضيعت وقتي معه علي الفاضي
فاضل ل هاني
قدام باباك انا بقول لك الاعتراف هي الخطوة الوحيدة اللي بعدها اقدر اخفف عنك الحكم اللي هيصدر ضدك.
هاني
يا سيادة الوكيل بدل ما كلامك كله تاكيد علي اني انا اللي عملت كدة دور علي القاتل الحقيقي وبلاش تضيع وقتك معايا لاني برئ
فاضل
دليل برائتك الوحيد اننا نوصل للي كنت مع وقت ارتكاب الجريمة
هاني
قولت ل حضرتك اني ما عرفهوش
فاضل
طيب اوصفه وانا هعمل اللي عليه للاخر وهدور عليه بمعرفتي
هاني
هوصفه وهثبت لك اني برئ،،
من جوة اوضة نوم سلوي بنت شاكر يقعد قصاد منها جوزها صابر اللي صاحب اعاقة في رجلة بتخلي يعرج وكان صابر بيقول لها
انا مش عارف ازاي عمي شاكر يروح المديرية علشان يزور هاني
سلوي
اومال انت عايزة يعمل اية هو انت ناسي ان هاني دة يبقي ابنه
صابر
سلوي يا. مراتي يا حبيبتي هاني دلوقتي محسوب علي المجرمين ما ينفعش يتحسب عليكم انتو عيلة ليها اسمها في البلد
سلوي
انت خلاص حكمت وقررت انه هاني هو اللي عمل كدة
صابر
اومال هيكون مين بس
سلوي
والله المفروض كلنا نشك في اللي كانو موجودين وقتها وما نشكش في هاني اللي ماكنش موجود اصلا
صابر
احنا كلنا كنا مع بعض وقت ما شرين صرخت لما شافت جثة عايدة هانم
سلوي
بس انت ما كنتش معانا وقتها
صابر ارتبك وقال
لا كنت معاكم بس انتي ناسية وياريت ترجعي تاخدي علاج الزهايمر بتاعك علشان حالتك رجعت تسوء تاني
سلوي
انا بقيت كويسة ولا انت فاكرني يا صابر ناسية انك روحت لماما عايدة اول ما باعت لوحة استروبيا وطلبت منها فلوس علشان تشتري عربية خاصة بالمعاقين تنزل تشتغل بيها اوبر
صابر
لا مش ناسي وفاكر اوي وقتها هي قالت لي اية،،،،،،
ونرجع بالاحداث ليوم كانت عايدة قاعدة في جنينة الفيلا بتسمع ل فيروز وقت ما قعد جنب منها صابر وقال
جميلة فيروز وخصوصا في اغنية معانا ريال معانا ريال دة مبلغ عال ومش بطال
عايدة طفت الاغنية وقالت
صابر عايز اية
صابر
جاي ابارك لك علي اللوحة الاخيرة بتاعتك. هي صحيح اتباعت بمليون ج.
عايدة بزهق
يعني انت ما تعرفش
صابر
هي الاستربويا دي بتكسب للدرجة دي
عايدة
صابر انا تعبانه من الشغل في المرسم وجايا الجنينة هنا افصل فقولي عايز اية
صابر
انتي عارفة يا ماما عايدة اني من ساعة الحادثة وانا قاعد من غير شغل لما خلاص زهقت فكنت محتاج اجيب عربية تنفع للي زيي اشتغل عليها كابتن اوبر
عايدة
انت محتاج تشتغل لية ما انت واكل شارب نايم في البيت ببلاش
صابر
ما هي دي برضو مش عيشة انا محتاج اكسب الجنية اللي اصرف بي علي مراتي
عايدة
مراتك ولا الحشيش اللي انت بتشربه
صابر
ما انا بطلت من زمان يا ماما عايدة
عايدة
ما بلاش انا. تقولها الكلام دة اصلي مش سلوي مراتك هصدقك علشان بحبك ورغم اني كنت رافضة جوازك منها لكنها صممت عليك واهي بتدفع الثمن
صابر
انت لية ديما غاوية تسمعيني الكلام دة
عايدة
علشان انا اتديتك فرصة تبقي بني ادم بجد وشغلتك في شركة ابن عمي وكانت النتيجة اية سرقته ولولا انا كان زمانك مرمي في السجن
صابر وقف وهو مخنوق وقال
دة السجن ارحم من كلامك دة وانا اسف اني فكرت اطلب منك جنية، ،،،،،،
ونرجع تاني ل سلوي اللي صابر كان بيقول لها
تستاهل اللي حصل فيها معاها الفلوس علي قلبها زي الرز وبتبخل علي جوز بنتها
سلوي بتريقة
جوز بنتها.
وقامت سلوي وخرجت من الاوضة وصابر قال ببرود
رايحة فين يا سلوي يا مراتي يا حبيبتي، ،،،،،،،،
وبعدها بكام يوم فاضل كان قاعد في شقته بيتفرج علي التيلفزيون وقت ما مراته صفاء قعدت جنب منه وقالت
خلصت كل شغل البيت وجاي لك جري علشان اعرف وصلت ل اية في قضية عايدة
بص لها فاضل وقال
يا دي قضية عايدة اللي بقيت واكلة دماغك
صفاء
هو انا لوحدي اللي عايزا اعرف مين قتل عايدة وخصوصا ان لغاية دلوقتي هاني مش عايز يعترف
فاضل
اديني عملت كل اللي اقدر عليه ونشرت شكل الشاهد اللي هو بيقول عليه ولو موجود فعلا هيظهر ووقتها هنشوف هاني دة صادق ولا كذاب ،،،،،،،
وتعدي الايام سريعة والشاهد الغامض دة ما يظهرش ويقف هاني في قفص الاتهام ويتحكم عليه بالاعدام شنقا وفعلا يتنفذ في الحكم وبعد ما مات هاني ب اسبوع يسمع فاضل صوت خبط علي باب مكتبه فقال
ادخل
دخل العسكري وقال
في حد برة اسمة ياسين عبد الحي طالب يقابل حضرتك
فاضل
خلي يدخل
ودخل ياسين دة ووقف قصاد فاضل وقال.
انا الشاهد اللي حضرتك بدور عليه ومعايا دليل براءة هاني شاكر المحمدي
اتصدم فاضل ومبقاش عارف يقول اية، ،،،،،،
ح(3)
استروبيا
كتابة واقتباس
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
دخل العسكري مكتب فاضل وقال لفاضل
في حد برة اسمة ياسين عبد الحي طالب يقابل حضرتك
فاضل
خلي يدخل
ودخل ياسين دة ووقف قصاد فاضل وقال.
انا الشاهد اللي حضرتك بدور عليه ومعايا دليل براءة هاني شاكر المحمدي
اتصدم فاضل ومبقاش عارف يقول اية لكنه شاور ل ياسين وطلب منه يقعد وبص له اوي وقال
ممكن اشوف بطاقتك
طلع ياسين بطاقته وهو بيقول
طبعا
وادي ياسين البطاقة ل فاضل اللي مسكها وبص فيها وعرف ان ياسين دة مهندس معماري فمد فاضل ايدة بالبطاقة ل ياسين وخدها ياسين وحطها في المحفظة مع صوت فاضل اللي كان بيقول
اية اللي انت عايز تقوله
ياسين
هاني كان معايا ليلة الخميس الليلة اللي عرفت انها حلصت فيها جريمة القتل وفضلنا ساعة او اكتر بنصلح العربية
فاضل بحدة
ولما انت الشاهد الغامض اللي كنا بندور عليه ما اتقدمتش للشهادة لية دة احنا نشرنا علي كل مواقع التواصل الاجتماعي موصفاتك
ياسين
انا ما كنتش في القاهرة بقالي كام شهر لاني مهندس معماري وشغلي اوقات بيكون هنا في القاهرة او في مواقع تحت الانشاء برة القاهرة اوقات بيكون علي الحدود مع دول تانية
فاضل
دة تهريج وكلام صعب عقلي يصدقة لان انت مسافر. ماشي. لكن اهلك مراتك اصحابك هنا ما حدش فيهم قال لك انك مطلوب للشهادة
ياسين
يا فندم انا لسة قايل ل حضرتك شغلي في مواقع تحت الانشاء والشبكة هناك بتبقي معدومة وما حدش من اهلي بيعرف يوصل لي طول فترة شغلي برة القاهرة وكمان لو افترضنا ان حد شاف المنشور اللي الدخلية نزلته بمواصفاتي تفتكر دي دليل كفاية اني انا المطلوب ما في ناس كتير شبهي في المواصفات انا بس اللي عرفت اني المقصود لانكم ناشرين صورة هاني مع المنشور وانا بس اللي شوفت هاني. وعلي كل حال اديني قدام حضرتك وقولت اللي عندي تقدر تاخد اجراءاتك وتخرجو هاني
فاضل بصوت حزين
كان ممكن اعمل كدة من كام يوم فات لكن دلوقتي المكان اللي دخل في هاني ما اقدرش اخرجة منه
ياسين
مش فاهم حضرتك هو مش في السجن عندكم
فاضل
هاني اتنفذ في حكم الاعدام
اتصدم ياسين،،،،،،
ونروح لشقة فاضل اللي كان واقف قصاد مراته صفاء وبيقول لها وهو متعصب
اهدئة ازاي وانا السبب في اعدام برئ. انا لغاية دلوقتي بسمع صوته في وداني وهو في المحكمة وبيقول وهو بيعيط برئ اقسم لك برئ دور علي اللي عمل كدة لانه مش انا.
صفاء
فاضل انت عملت اللي عليك
فاضل بعصبية اكتر
لا ما عملتش اللي عليه انا قصرت ولو كنت ركزت شوية كنت عرفت ان هاني برئ لان ادلة الاتهام هي ادلة البراءة
صفاء
مش فاهمة
فاضل
اللي عايز يقتل ما بيقولش للي هيقتله انه هيقتله. ولو فعلا هاني قتل وخد الفلوس من عايدة بالعافية ماكنش هيخليها معه لانه عارف ان الفلوس دي لو فضلت معه واتمسك بيها هيلبس قضية القتل. وكمان انا لو مكان هاني وقتلت عايدة مش ههرب في شقة مفروشة كل اصحابي يعرفوها لان اكيد البوليس هيجي ويقبض عليه بسهولة.
واتعصب فاضل اكتر وقال
كان لازم افهم ان في حد قاصد يلبسة قضية القتل حد شاف وسمع بالخناقة اللي كانت بينه وبين عايدة وقرر في يومها يقتلها و يسرق من فلوس لوحة عايدة ويديها
ل هاني علشان نقبض عليه ونلاقي الفلوس ويروح هو لحبل المشنقة والجاني يفلت بعملته. عرفتي بقي اني قصرت و ذنب هاني هيفضل في رقبتي ليوم القيامة
صفاء
دة خطأ مش مقصود وهاني بين ايدين ربنا وهو قادر يجيب له حقه
فاضل
حساب الاخرة لله. انما حساب اللي عمل كدة في الدنيا واجب عليه انا وحق هاني اللي مات ظلم هيرجع
صفاء
هتعملها ازاي دي
فاضل
هعيد فتح التحقيق في القضية
صفاء
تاني يا فاضل
فاضل
تاني لكن المرة دي النهاية هتكون بلف حبل المشنقة وراء اللي عمل كدة، ،،،،،،
ومن جوة مكتب المستشار فرغلي يقعد فاضل وفرغلي كان بيقول
لاول مرة في حياتي اشوف ملف قضية يتقفل ويتحول للارشيف ويجي اللي اقفل الملف بايدة يقول انه عايز يعيد التحقيق
فاضل
يا سيادة المستشار في برئ اتعدم ظلم وانا السبب
فرغلي
الادلة كلها كانت ضده نعمل فيها اية دي
فاضل
نعيد التحقيق ونعرف الحقيقية علشان علي الاقل القتيلة تنام في قبرها وهي راضية وتعرف ان حقها جه
فرغلي
القضية دي كلها وش دة حتي لوحة استروبيا عليها كلام كتير والدخلية عايزا تعرف اللوحة دي لية اتباعت
ب مليون ج
فاضل
عادي يا فندم ما في لوح بتتباع باكتر من كدة
فرغلي
فاضل. عايدة الشاعر مش الموهبة الجبارة اللي يدفع في لوحة ليها مليون ج.
فاضل
طيب خلاص اديني الامر بفتح التحقيق تاني وهعرف سر اللوحة ومين قتل عايدة
فرغلي
عيد التحقيق تاني ونخليها نشوف اخرتها اية مع الجريمة الغريبة دي، ،،،،،،،،
ونروح دلوقتي ل شاكر اللي كان قاعد جوة مكتبه في الفيلا مع سكرتيرته فايزة وكان بيضحك شاكر مع فايزة وقت ما اتفتح باب المكتب ودخلت شرين ودي لو فاكرين بنت خاله عايدة ومديرة اعمالها وبصت لهم شرين بقرف والاثنين بطلو ضحك وقالت فايزة
هو انتي ما تعرفيش حاجة اسمها نخبط علي الباب
شرين بنفس اسلوبها
وانتي ما تعرفيش ان البيت دة في اتنين ماتو منه
وبعدها بصت شرين ل شاكر وقالت
بس العيب مش عليكي عيب علي شاكر باشا
شاكر
شرين ما فيش حاجة حصلت ل دة كله دة احنا كنا شغالين وافتكرنا موقف حصل معانا في الشغل فضحكنا عادي يعني
شرين
العادي بالنسبة لك دة كان اكتر حاجة بضايق عايدة منك ولا نسيت، ،،،،،،
ونرجع بالاحداث لكام يوم وراء وقت ما عايدة فتحت باب مكتب شاكر ولقيت شاكر بيضحك مع فايزة فبصت له من فوق لتحت وبصت ل فايزة وبعدها قالت
واضح ان فايزة مش بتمضيك علي نكت مش ورق يخص الشغل زي ما انت قولت لي
ورزعت الباب وراء منها وطلعت لاوضتها وطلع وراها شاكر وقال
عايدة في اية هو الضحك حرام
مسحت عايدة دموعها وقالت
قلة التقدير والاحترام هما اللي حرام.
حاول شاكر يمسك ذراعها لكنها زقيته بعيد عنها وقالت
اوعي تلمسني وانزل كمل ضحك. اسفة كمل شغل
شاكر
طيب بطلي عياط
عايدة
15 سنة متجوزاك ربيت عيالك الخمسة واعتبرتهم زي عيالي وفي الاخر بتخان عادي وفين في بيتي وقدام عيني
شاكر بعصبية
لا. بقي دة انتي باين عليكي اتجننتي رسمي. خيانة اية هو انتي دخلتي علينا لقيتها في حضني
عايدة
ممكن الاحضان ليها مكان تاني
شاكر
ما تبطلي شك بقي
عايدة صرخت في وقالت
بطل انت اللي خليني اشك فيك. طلبت منك كام مرة ان الزفته دي ما تجيش هنا وكفاية عليكم شغل المكتب بتاع الشركة
شاكر
انتي عارفة اني مابصحاش بدري وبروح الشركة بعد 11 ودي اوراق لازم تتمضي علشان شحنة لازم، ،،،،،
قطعته عايدة وقالت
كفاية سمعت الكلام دة كتير لغاية ما خلاص جبت اخري وما بقتش عايزا اسمع تاني. انزل روح لها خلص شغلك
شاكر
انتي بقيتي مريضة
عايدة
وانت ما بقتش شاكر اللي ضحيت علشانه عرفت تغيرك وانا فشلت في الحفاظ عليك علشان كدة الطلاق جه وقته
شاكر بعصبية
اوعي تقولي الكلمة دي تاني فاهمة انت مراتي و هتفضلي مراتي لغاية ما تموتي
عايدة
قولت لك طلقني
لكن شاكر ما ردتش عليه وسابها وخرج ولقي شرين واقفة عند باب الاوضة بتسمع كل اللي بيتقال، ،،،،،
ونرجع تاني ل شرين اللي كانت باصة ل شاكر وبتقول
واهي ماتت وهي مراتك كنت رافض تطلقها علشان تفضل تصرف علي عيالك وانت تعيش حياتك زي ما انت عايز
فايزة
شاكر انت سايبها تتكلم معاك ازاي كدة. اصلا انت سايب دي في الفيلا لية لغاية دلوقتي مش خلاص قريبتها ماتت
شاكر
عايدة موصي عليها وخصوصا انها ما عندهاش مكان تروحه
شرين
ما تقلقيش يا شاطرة انا اصلا كنت مستنيا الدنيا تهدي
و رشا بنته
وبصت ل شاكر وكملت وقالت
تخف من اللي هي في
فايزة
لا شكرا ليكي وكفاية عايدة ضحت مش هضحي انتي كمان ولا فاكرة ان شاكر ممكن يبص لك
شرين ارتبكت وقالت
انتي بتقولي اية يا حيوانه
فايزة بعصبية
انا حيوانه يا كلبة يا رخيصة
وراحت فايزة تهجم علي شرين قبل ما يمنعها شاكر ويقول بعصبية
بس وارجعي مكانك
فايزة بعصبية
انت عايزها تغلط فيا واسكت
دي عيلة كهينه وعيونها فضحاها ومش بعيد تكون هي اللي قتلت عايدة علشان تكون ليها
شرين
انا اقتل عايدة اللي خيرها عليه. لية ما تكنيش انتي اللي عملتي كدة ولا ناسية يوم ما طردتك
شاكر صرخ فيهم هما الاثنين وقال
قولت بس انتو الاثنين
لكنه في الوقت دة يشوف فاضل اللي كان واقف عند اول باب المكتب وباصص للي بيحصل وجنب منه صابر مبتسم ابتسامة مش مفهومة وقال
حمايا وكيل النيابة هنا وسمع كل اللي اتقال
فاضل بص لهم كلهم وبدات للحكاية حكاية جديدة خالص، ،،،،،،،،
عملت اللي عليه ونزلت الحلقة اعملو اللي عليكم وعرفوني رايكم فيها سلام
تابعوووووووني
الحلقه الثانيه والثالثه من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
