رواية أذوب عشقا الفصل الاول والثاني والثالث بقلم الكاتبه حنان حسن حصريه وجديده على مدونة النجم المتوهج للروايات والمعلومات
 |
رواية أذوب عشقا الفصل الاول والثاني والثالث بقلم الكاتبه حنان حسن حصريه وجديده على مدونة النجم المتوهج للروايات والمعلومات
في ليلة الدخلة بتاعة اختي.. عريسها عجبة جسمها ..
لدرجة انه التهمة..و اك&له...
ايوه الكلام الي قراتوه صح
زوج اختي
بدل ما يتمم دخلتة عليها ..
اكلها...حرفيا
واستمتع بلح&مها ...
..ومتركش منها غير لسانها فقط
الحقيقة الصا&دمة دي عرفتها من امي
قبل ما تختفي هي كمان
اصل امي شافت جوز اختي وهو.....
لحظة معلش
عشان تفهموا الاحداث بتفاصيلها
بس الاول هعرفكم بنفسي
انا اسمي ريم
من القاهرة
السن..٢٣ سنة
بنتمي لاسرة فقيرة وتقدروا تقولوا معدمة ..
ودا لان ابويا اتوفي
وتركني انا واخواتي البنات مع ماما بدون مورد للرزق
ولا حتي تركلنا معاش ناكل منه
يعني لولا ان ماما بتصلح الهدوم للجيران علي المكنة القديمة بتاعتها
مكناش لقينا ناكل
المهم..
بعد وفاة ابونا ..
ملقناش قرايب له يسندونا ولا حاجة نورثها منه
الحاجة الوحيدة الي ورثناها من ابويا
هي جمال الملامح
عشان كده انا واخواتي البنات مشهود لينا بالجمال
نسيت اقولكم
ان اسرتنا بتتكون من ام..
و ثلاث بنات فقط
يعني معندناش راجل
و انا اصغر واحده في اخواتي
وبالرغم من اني اصغرهم ...لكن
انا الوحيدة الي كنت ديما بوزن الامور بعقلي ..وبعيش عيشة اهلي.. وبحلم علي ادي
بعكس اخواتي خالص
يعني مثلا اختي الكبيرة(منال)
فا دي اتحكمت فيها عواطفها وهربت مع شاب صاي&ع وم&دمن واتجوزتة
بعدما ماما رفضتة
ومن يومها منعرفش عنها حاجة ولا نعرف لها طريق
اما اختي الوسطانية (ميار)
فا دي انجرفت ورا احلامها وتطلعاتها الكبيرة...وكان حلمها المعروف للجميع هو ..الثراء السريع
وعشان كانت بتحلم تبقي غنية باي وسيلة
اتجوزت راجل ثري .. وكانت طايرة بالجوازة دي
بالرغم ان العريس كان عجوز وفي عمر جدها لكن كانت حاسة انها جابت الديب من ديله
بس للاسف.. ميار من يوم ما اتجوزت وعاشت عيشة مرتاحة
قطعت اي صلة ليها بينا وكأنها اتبرت مننا
اما انا ...
فا حكمت العقل واتخطبت لشاب جارنا من سني كان فقير زينا
ووافقت اني اتجوز في غرفة بشقة عايش فيها هو و اهلة
وقلت ..اتجوزة واخد امي تعيش معايا
واهو ابقي اتسترت انا وامي في بيت وراجل يصرف علينا
لكن ..للاسف حتي الستر الدنيا استكترتة عليا
وعريسي سابني اول ما اتحكم عليا بالحبس
اصلي اتحبست بالشيكات الي وقعتها علي نفسي وانا بشتري الجهاز بتاعي بالقسط
للكاتبة..حنان حسن
المهم...
بعدما اتحبست خطيبي سابني
لكن امي متركتنيش
وفضلت تزورني في السجن با انتظام
وكل زيارة كانت امي تقولي خبر جديد عن ميار اختي
واول خبر عرفتة عن ميار
كان بوفاة جوزها الثري
وعرفت انها ورثت ثروة طائلة
ويظهر ان ميار عجبتها اللعبة
وبدات تتصيد العرسان الاثرياء وتتجوزهم
وكل زيارة كانت بمعلومة عن عريس جديد لميار
واخر العرسان الي سمعت عنهم
كان عريس شاب وغني و..ووسيم واي بنت تتمناه
عشان كده ميار كانت طايره من السعادة بالجوازة الجديدة
لكن الغريبة ..ان العريس دا بالذات طلب من ميار انها تعرفه باهلها
لكن ميار اكتفت انها تعرفة بماما فقط
ومذكرتش له انها لها اخوات بنات
وطبعا ميار اخدت خبر بموضوع الحبس بتاعي
وبدل ما تساعدني ...او بدل ما تيجي تزورني
لقيتها شطبت اسمي من تاريخ حياتها
وطلبت من ماما انها متجيبش سيرتي ولا سيرة الحبس ادام عريسها الجديد نهائي
للكاتبة..حنان حسن
المهم...
طالت ليالي الحبس عليا
لكن امي طبعا مسبتنيش
وفضلت تخبط علي كل باب
وتطلب من ولاد الحلال يساعدوني
وبالفعل ولاد الحلال دفعولي قيمة الشيكات
ودا معناه اني ممكن اخرج
ويتكتبلي علي افراج
ودا قالهولي المحامي الي قومتة ليا ماما
فا فرحت جدا وكنت عايزة الايام تعدي
وماما تيجي تاخدني من علي باب الس&جن
وبالفعل مرت الايام
وخرجت بالفعل
لكن...ملقتش ماما في انتظاري
ولما سالت المحامي عن ماما
قالي..انه ميعرفش حاجة عن ماما بقالة فترة
فا لقيتني بقول لنفسي
يظهر ان ماما اقتنعت بكلام ميار واتبرت مني هي كمان
للكاتبة..حنان حسن
المهم..
ركبت المواصلات وروحت علي البيت لوحدي
وبمجرد ما وصلت فضلت اخبط ع الباب
لكن...محدش رد
فا فتشت عن المفتاح تحت المشاية ولحسن الحظ لقيتة مكانة
فا فتحت الباب ودخلت
وفضلت انادي
ماما..؟
ماما..؟
لكن...محدش رد
ولما لمحت الثلاجة روحت فتحتها..لقيتها مفصولة
ولاحظت من ريحة الكمكمة
الي في الثلاجة
انها مقفولة بقالها فترة
ودا معناه
ان ماما سايبة الشقة بقالها فترة
فا قولت لنفسي
يبقي اكيد ميار اخدت ماما عشان تعيش معاها
وفضلت افكر في حالي واقول لنفسي
طب هعيش ازاي ومنين دلوقتي
اروح لماما عند ميار واستلف منها قرشين امشي حالي بيهم؟
للكاتبة..حنان حسن
وفي اللحظة دي
كرامتي نئحت عليا
وقلت...لا هما اتخلوا عني وسابوني لوحدي
وانا لازم ادور علي شغل
عشان محتجش لحد
وبسرعة روحت علي غرفتي عشان ادور علي الموبيل بتاعي
وقلت اتصل علي سحر صديقتي
يمكن تقدر تدبرلي اي شغلانة
وبالفعل لقيت الموبيل بتاعي مكانة ...
فا نزلت الشارع وحطيت رصيد في الموبيل وشحنتة
وكنت هتصل بسحر
blog-post
لكن...
بمجرد ما شغلت بيانات الهاتف
جتني اشعارات برسايل كتير
ومن ضمنها...
رسالة صوتية من موبيل ماما
فا فتحت الرسالة بسرعة
وفي اللحظة دي
سمعت صوت ماما وهي بتستغيث بيا
وبتقولي...
الحقيني يا ريم
انا مع اختك ميار في بيت عريسها...انا حضرت معاها فرحها...
وفي الصباحية دخلت لقيت عريسها قت..&لها
ايوه يا ريم انا شوفت جوز اختك بعيني وهو بي&اكل لح&م اختك
والمص&يبة انه عرف باني شوفتة
فا قام يهجم عليا..
فا اضطريت ا جري منة و احبس نفسي في الحمام
وللاسف بحاول اتصل بالمحامي او اي حد ينجدني لكن الارقام كلها غير متاحة
فا قولت اسجلك الاعتراف دا
لو ملحقتش اخرج ابلغ البوليس
بلغي انتي يا ريم
وخليهم يجوا علي العنوان دا
ونهت امي رسالتها بالعنوان الي فيه بيت العريس
بعدما استمعت للرسالة الصوتية
لقيتني بتنفض من الرعب..وكنت هم&وت من القلق علي امي واختي
وفجاءة افتكرت المحامي
المحامي...؟
ايوه هو المحامي الي هيقولي اعمل ايه واتصرف ازاي دلوقتي
وبالفعل اتصلت بالمحامي في لحظتها
لكن ...للاسف الرقم كان بيعطيني غير متاح
فا لقيتني بقول لنفسي
هو انا لسة هنتظر المحامي لما يفتح الموبيل
انا لازم اروح ابلغ البوليس فورا
وبسرعة خرجت قاصدة اقرب قسم شرطة
لكن...اثناء ما كنت طريقي لقسم الشرطة
فضلت افكر ...
واقول لنفسي ..
هبلغ هقولهم ايه ؟
ولنفرض امي كانت موهومة او بتقول مجرد كلام
ساعتها هيلاقوا امي واختي بخير ؟
وانا كده ممكن يتعملي محضر ازعاج سلطات
وممكن كمان ارجع السجن تاني
وانا مصدقت اني خرجت
طب ايه ؟ هتصرف ازاي دلوقتي؟
منا لازم اتأكد الاول واشوف ان كانوا في خطر فعلا ولا بخير ؟
لا كده بقي يبقي انا
لازم اروح لبيت العريس
واتطمن عليهم بنفسي
ولو طلعوا بخير
يبقي يادار ما دخلك شر
انما لو اتأكدت انهم مفقودين فعلا
فا هطلع فورا علي قسم الشرطة وهبلغ البوليس
ايوه انا لازم اروح بيت العريس وحالا
وبالفعل...اخدت العنوان الي امي ذكرتة في الفويس
وركبت تاكسي
وفضلت قاعدة سرحانة وبفكر في مصير امي واختي لغاية ما وصلت للعنوان الي امي ذكرتة في الرسالة
وقبل ما انزل سالت السواق
عايز كام
قالي ١٥٠ جنية
فا ركنت الموبيل جنبي علي الكرسي الي في الخلف
وفضلت الملم الفلوس الي معايا في البوك كلها عشان ادفعها اجرة التاكسي
وللاسف مكنش معايا غير ١٤٠ جنية فقط
ولما السواق عدهم..فضل يتخانق معايا
ويقولي..
ناقص عشرة جنية
و يظهر ان السواق صوتة كان عالي لدرجة
ان رجال الامن وصلوا علي صوتة
فا لم نفسة
وقالي..
يلا اتفضلي انزلي بسرعة بدل ما تجيبلي مصيبة
فا نزلت بسرعة فعلا
وانا مخضوضة من تصرف السواق معايا
وللاسف...
نزلت من التاكسي ونسيت الموبيل بتاعي
لاني مخدتش بالي خالص..اني كنت راكنة الموبيل جنبي علي الكرسي
وحتي لغاية ما نزلت من التاكسي مفتكرتش الموبيل
لاني فضلت واقفة ابص حواليا
و كنت موهومة من فخامة المكان
اصل بيت العريس طلع في مكان هاي
مكان راقي اوي زي الي بيعملوا له دعاية في التلفزيون
وسمعت ...سواق التاكسي بيقول عليه( كامبوند)
المهم...
في اللحظة دي
بصيت علي هيئتي
ولقيتني بقول لنفسي
ياتري الامن هيقبلوا يدخلوني من بوابات الكامبوند بتاعهم دا؟
دا انا لبسي مبهدل والكوتشي الي في رجلي مقطع
وشكلي بالبلا
واثناء ما كنت واقفة بفكر هعدي من الامن ازاي
لقيت راجل الامن بيقرب مني وبيبصلي بقرف
وبيسألني
وبيقولي..
انتي مين ؟ وواقفة عندك لية
فا رديت وانا بتلجلج
وقلتلة..انا كنت عايزة اسال عن ناس هنا
قالي...ناس مين؟
فا رديت بسرعة
وقلتلة..عايزة اسال عن واحدة ساكنة هنا اسمها ميار السيد احمد
وكنت عايزة اعرف ان كانت امها معاها ولا ايه؟
فا رد رجل الامن
وقالي..انتي معاكي معاد معاها
قلتله..لا
قال..خلاص اتصلي بيها ..انتي مش معاكي ارقامها
قلتلة...لا انا مش معايا رقم ميار
ولا عايزة اتصل بيها
انا بس عايزة استفسر عنها هي وامها
للكاتبة..حنان حسن
في اللحظة دي
كشر الحارس عن انيابة
وقالي..انتي جاية بقي تستفسري عن اصحاب الشقق
واكيد عايزة تستفسري عن اصحاب الشقق المقفولة تحديدا
فا رديت وقلتلة
لا والله انا مش جاية لحاجة من دي
فا رد وقالي...
هاتي بطاقتك لو سمحتي
قلتلة..مش معايا بطاقة
في اللحظة دي
مسكني الحارس من ذراعي بقوة
وقالي..انتي باين عليكي حرامية ..
وانا لازم اسلمك للشرطة
فا فضلت اعيط واتوسلة
واقولة ارجوك سيبني انا مش حرامية
طب لحظة واحدة سيبني وانا هثبتلك اني مش حرامية
في اللخظة دي خطر ببالي اني اتصل بالمحامي عشان يخرجني من الورطة دي بدل ما اتحبس تاني بتهمة س&رقة انا بريئة منها
للكاتبة..حنان حسن
المهم..
تركني الحارس
وقالي
اتفضلي اثبتيلي يلا
فا فضلت افتش عن الموبيل
وانا عاملة زي المجنونة
واقول يلهوي دا الموبيل ضاع
وطبعا الحارس افتكرني بمثل وفضل يضربني هو وزمايلة ويجرجروني عشان يحتجزوني لغاية ما يسلموني للشرطة
وبدات ادرك اني داخلة علي ايام سوده
لكن..في وسط العتمة الي كنت داخلة عليها...
ظهرتلي طاقة نور
ودي جت من خلال صوت حريمي رقيق وناعم
وبرغم رقة الصوت
توقف رجال الامن عن اذيتي
وساد الصمت للحظات
ولما بصيت علي مصدر الصوت
لقيت ادامي فتاة جميلة لم تتعدي ال١٨ عام..
نازلة من السيارة بتاعتها
والغريبة انها اتعاطفت معايا بدون ما تعرفني
ولقيتها جذبتني من ايدي وانقذتني من بطشهم
وهي بتوبخ رئيسهم وبتقولة...ايه يا متخلف الي بتعملوه مع البنت دا
دي طريقة تتعاملوا بيها مع بنت ضعيفة
فا رد الحارس
وقالها..دي جاية تستفسر عن ناس هنا ومش معاها بطاقة
ولا ارقام الناس الي جايلهم
ولما سالناها ادعت ان الموبيل ضاع منها
عشان كده لازم نسلمها للشرطة
فا ردت الفتاة بغضب
وقالتلة..يعني هتسلمها للشرطة لمجرد انها بتسال عن عن اشخاص هنا يا بني ادم
طب ايه رايك ان البنت دي تبعي
وكانت جاية تزورني انا
يعني انت دلوقتي بهدلت ضيفة عندي
وانا هقول لصدام بيه علي الي حصل كله
فا رد الحارس وهو بيرتجف
وقالها...انا فعلا بعتذر يا انسة نسمة..
اقسملك اني مكنتش اعرف انها تبع حضرتك
وانا وطاقم الامن كله بنعتذر للانسة
وعلي استعداد نقدملها اي ترضية
بس بلاش صدام بيه ياخد خبر ارجوكي
وبالفعل فضل حارس الامن يعتذرلي هو وجميع الحراس
فا بصتلي الانسة الجميلة
وسالتني..
وقالتلي..ها ؟
قبلتي اعتذارهم ولا اقول لصدام بيه واخلية يتعامل مع طقم الحراسة بطريقتة
فا بصيتلها با امتنان
وقلتلها..خلاص حصل خير
وانا مسامحة
فا ابتسمت الانسة الرقيقة
وهي بتشاورلي علي العربية
وقالتلي..
طب يلا تعالي اركبي
وفعلا ركبت ودخلت بيا علي داخل الكمبوند
وفي العربية بصتلها با امتنان
وشكرتها
وبعدما وقفت بسيارتها
سألتني
وقالتلي..قوليلي بقي بجد
انتي كنتي جاية لمين هنا
في اللحظة دي مكنش ينفع اذكر الحقيقة
وخصوصا بعد ما الدليل الوحيد الي معايا ضاع
فا رديت بتردد
وقلتلها...
كنت جاية عشان..اسال عن واحدة في الكمبوند هنا
اصلها كانت موعداني بشغل
وكان مفروض اني اتصل بيها اول ما اوصل
لكن...الموبيل ضاع مني
فا سالتني تاني
وقالتلي...و صاحبة الشغل دي اسمها ايه
فا رديت
وقلتلها...اسمها ميار سيد احمد
فا بصتلي نسمة بتأثر
وقالتلي...ياه ...
هي المرحومة ميار كانت عايزاكي تشتغلي عندها؟
بعدما سمعت كلمة (مرحومة)
صرخت وسالتها وقلتلها... مرحومة؟ انتي بتقولي علي ميار مرحومة؟
لا لا...انتي اكيد تقصدي ميار تانية غير الي انا بقصدها
فا بصتلي نسمة بتاثر
وفتحت الموبيل
وجابتلي صورة لعروسة وعريس
وقالتلي.. انا بقصد ميار زوجة اخويا صدام الي في الصورة دي
فا بصيت علي الصورة
واتأكدت انها ميار اختي فعلا
لكن كان لازم انكر واقول ان مش دي ميار الي ببحث عنها
وخصوصا بعدما عرفت ان نسمة تبقي اخت العريس اياه
وكمان كان لازم ادخل مع نسمة البيت عشان
اعرف مصير امي لربما تكون مازالت عايشة
فا حاولت ابان عادي ادام نسمة
وقررت اخفي دموعي ووجعي علي اختي
واتعمدت اني اطلب منها اني ادخل الحمام في بيتها
عشان اشوف ان كانت امي جوه ولا لا
فا ردت نسمة
وقالتلي...اه طبعا
ا تفضلي
وبالفعل دخلت
وفي بيت اختي اتفاجئت با اشياء لا يصدقها عقل.......؟
الجزء الثاني
بعدما عرفت من امي ان زوج اختي طلع من اك..&لة لح..&وم البشر
كان من الخطورة ني ادخل بيتة...
لكن انا جازفت وطلبت من نسمة اختة
اني ادخل الحمام عندهم ودا عشان اعرف مصير امي
واشوف ان كانت مازالت علي قيد الحياة و محتجزينها في بيتهم ولا حصلت ميار واتكلت هي كمان
المهم...
بعدما دخلت مع نسمة في بيتهم الفخم
لقيتها بترحب بيا ..
وبعدها نادت علي الشغالة الاجنبية الي عندهم
وطبت منها توريني مكان الحمام
فا حاولت استغل الفرصة لما انفردت بالشغالة
وسالتها...
وقلتلها.. انتي كنتي تعرفي المرحومة ميار؟
فا بصتلي الشغالة وهي راسمة علي وشها علامة تعجب
ومردتش عليا
فسالتها تاني
وقلتلها..طب انتي اخر مره شوفتي فيها ام ميار كانت امتي؟
ارجوكي ساعديني
وقوليلي.. هي ام العروسة موجودة في البيت هنا ولا لا؟
وكنت فاكرة اني هلاقي اجابة واحدة تطمني
لكن..بعد ما خلصت اسألتي
لقيت الشغالة ..بترطن..بلغة غريبة مفهمتش منها ولا كلمة
وكان واضح ان هي كمان مفهمتش انا كنت بقولها ايه
فا وقفت ابص علي البيت الكبير الي انا واقفة فيه
واقول لنفسي
طب وبعدين
منا مش هتنقل من هنا غير ما اعرف امي فين
ومصيرها ايه؟
المهم..
بعدما انتهيت من الحمام
رجعت قعدت في الرسيبشن
مع نسمة
ورجعت نسمة تسألني...
وتقولي..
انتي قولتيلي اسمك ايه؟
قلتلها..اسمي ريم
فا سالتني بمنتهي اللطف
وقالتلي ..تشربي ايه ياريم؟
فا رديت بخجل
وقلتلها...شاي
فا نادت نسمة علي الشغالة الاجنبية تاني..وطلبت منها تعملي شاي
بصراحة نسمة كانت انسانة لطيفة جدا ولاحظت انها مازالت متعاطفة معايا
لدرجة انها سالتني ان كنت محتاجة حاجة
وكنت عايزة ارد عليها واقولها اني دلوقتي محتاجة اتطمن علي امي..واعرف انتوا عملتوا فيها ايه هي كمان
لكن طبعا مجيبتش سيرة امي
ولا سيرة اختي
وكل الي قلتهولها..اني محتاجة شغل ضروري
فا بصتلي نسمة
وبعدما فكرت شوية
لقيتها بتقولي...
بصراحة ياريم انتي صعبانة عليا وعايزة اساعدك
و كان ممكن اشغلك عندنا هنا لكن للاسف ياريم
انتي بتقولي انك مش معاكي بطاقة (رقم قومي)
وصدام اخويا استحالة يقبل انه يشغل حد هنا بدون ما يكون معاه اوراق تثبت هويتة
ورجعت تسالني بفضول
وتقولي..
هو انتي صحيح فين اهلك يا ريم ؟
وازاي ماشية بدون بطاقة شخصية ؟
في اللحظة دي
كان لازم انسجلها قصة مؤثرة من خيالي
فا تتعاطف معايا وتشغلني عندها
وكل دا عشان اقدر اعيش في بيتهم...
واعرف امي فين
ويمكن كمان اقدر اجيب دليل جديد ياكد مق&تل ميار
اقدر ادين بيه جوز اختي
المهم..
رديت بمنتهي التأثر
وبدات في سرد رواية وهمية
وقلتلها..
انا كنت عايشة مع امي وابويا واخواتي حياة هادية وسعيدة
وفي يوم حصل ماس كهربائي والنار مسكت في بيتنا فجاءة
ولجل حظى اني كنت واقفة في البلكونة ساعتها
عشان كده... انا الوحيدة الي الجيران قدروا ينقذوني
وياخدوني علي المستشفي
وللاسف فوقت من صدمتي لقيت النار قضت علي امي وابويا واخواتي و كل شيئ في البيت..
وطبعا الاوراق بتاعتنا لاقت نفس المصير
المهم
لما لقيت نفسي في الشارع
قلت ادور علي شغل
فا لقيتهم بيقولولي ان في واحده ست طيبة اسمها ميار عرضت انها تشغلني عندها وادوني عنونها ورقم تليفونها
فا جيت علي هنا..وللاسف الموبيل بتاعي ضاع
وحصل الي انتي شوفتية مع الامن
بعدما انتهيت من نسج روايتي الخيالية
لمحت الدموع بتلمع في عيون نسمة
ولقيتها بتطبطب عليا
وبتقولي...انا اسفة اني فكرتك بالي حصلك
و عموما خلاص
انا قررت انك هتشتغلي عندنا هنا
ولو علي صدام اخويا
فا مش هخلية يشوفك او يعرف بوجودك هنا
غير بعدما اطلعلك مستخرج رسمي من بطاقتك الشخصية
وساعتها انا هقنع صدام يوافق انك تشتغلي هنا
في اللحظة دي
سالت نسمة
وقلتلها..بس ازاي هفضل في البيت هنا بدون ما صدام بيه يشوفني
فا ردت نسمة
وقالتلي..صدام بيه مشغول ديما...و له مواعيد محدده لرجوعة البيت
انتي هتفضلي هنا طول النهار
وفي ميعاد رجوعة هتروحي
مبني الطهاه
ودا المكان الي استحالة صدام يدخلة لانه مبني مخصص لاقامة العاملات والشغالات الي هنا
بعدما اخدت فرصتي الي كنت بتمناها
ابتسمت وشكرت نسمة
وبعدها سالتها
وقلتلها..
طب ممكن اعرف انا هشتغل ايه هنا
فا ردت نسمة
وقالتلي..
تعالي معايا ياريم
وبعدما اخدتني علي غرفة شبيهة بغرفة الاطفال
فتحت الباب علي طفلة كان واضح من ملامح الطفلة انها عندها توحد او اعاقة ذهنية
ولقيت نسمة بتقولي..
انتي هتشتغلي بيبي سيتر
ل اختي فيروز
واضافت نسمة
وقالتلي..فيروز محتاجة اهتمام ورعاية زي منتي شايفة
فا هزيت راسي
وقلتلها...تمام وانا جاهزة للشغل من دلوقتي
فا ردت نسمة
وقالتلي
لا اصبري علي الشغل دلوقتي
لان في حاجة في شرط مهم
للوظيفة هنا لازم نستوفيه
وهو ..حسن المظهر
وبالفعل اخدتني نسمة من ايدي
وروحنا علي غرفتها
ولقيتها بتخرج كام طقم من دولابها
و كوتشي وشبشب
وبعدها اخدتني علي مبني الطهاه وورتني الغرفة الي هعيش فيها
ولقيتها بتقولي..
اتفضلي يلا خدي شاور وغيري هدومك دي
واول ما تخلصي تعالي علي غرفة فيروز
وبالفعل اخدت شاور
ولبست هدوم جميلة وشيك
وبشوية اهتمام صغيرين
لقيت نفسي بقيت زي القمر
المهم
بعدما خلصت ..لقيت الشغالة جاية تاخدني علي غرفة فيروز
وهناك لقيت نسمة
الي فضلت تفهمني طبيعة شغلي
ومن ضمن التعليمات
شاورتلي علي جرس ونبهت عليا
وقالتلي..اول ما تسمعي الجرس دا
تفهمي ان صدام بيه وصل البيت
يعني لازم ترجعي علي غرفتك في سكن الطهاه فورا
فا قلتلها ..حاضر
فا ردت نسمة
وقالتلي..
يلا بقي روحي اكلي فيروز ونيميها عشان دا معاد العشاء بتاعها
فا عملت نفسي متحمسة اني ابدء الشغل
وبالفعل قعدت العب مع فيروز واكلها
لكن الغريبة اني حبيت فيروز اول ما شوفتها
يمكن عشان عرفت انها يتيمة الاب والام
مش عارفة
بس انا فضلت العب معاها واكلها وانا مبسوطة
لكن في نفس الوقت مكنتش ناسية المهمة الاساسية الي جيت عشانها
وهي...امي واختي
وقلت اني بمجرد ما هنيم فيروز هخرج افتش عن امي في البيت كله
blog-post_27
المهم..
بعدما فيروز خلصت اكل
ولعب
كنت لسة هطلب منها تنام علي سريرها عشان اخرج
لكن فجاءة
سمعت صوت الجرس اياه
ودا معناه
ان صدام رجع البيت
فا قمت من مكاني بسرعة
واتوجهت للباب عشان اخرج
لكن تراجعت لما سمعت صوتة بيقرب من باب الاوضة بتاعة فيروز
يعني لو خرجت هيشوفني
فا فضلت افكر استخبي فين
وبسرعة روحت علي الدولاب
الكبير الي في اوضة فيروز
ودخلت فيه
وبمجرد ما قفلت عليا الدولاب
سمعت باب الغرفة بيتفتح
وبعدها سمعتة بينادي علي فيروز و بيدلعها
وبيقولها..
ياتري فيري القمر نايمة ولا صاحية
عشان تشوف الهدية الجميلة الي جايلها؟
بعدما سمعت صوت صدام
فضولي اخدني
اني اشوف المجرم الي ق&تل اختي واكل لح&مها
فا واربت باب الدولاب بدون ما اعمل اي صوت
عشان اتمكن من رؤيتة بوضوح
وفي اللحظة دي
شوفت شاب طول بعرض شيك ووسيم
واخد اختة المعاقة في حضنة
وبيحكيلها حدوتة
لحظتها قولت لنفسي
الي يشوف الطيبة والحنية الي فيك دي
استحالة يصدق انك من اكلة لح&وم البشر
المهم
بعدما صدام اتطمن علي فيروز ونيمها
خرج من الغرفة وقفل الباب وراه
في اللحظة دي
خرجت انا بسرعة من الدولاب وفضلت اتسلل لغاية ما وصلت لباب الغرفة
ولما اتأكدت ان مفيش حد بره
فتحت الباب بهدوء
وبدات اتجول في البيت عشان افتش عن امي
واثناء ما كنت بتجول
لمحت صدام خارج من غرفة قريبة من غرفة فيروز
ومعاه طبق كبير في ايده
وبيحملة بصعوبة
ودا معناه ان الطبق فيه حاجة ثقيلة
وبعدها نزل صدام من علي السلالم الي بتودي علي الدور الارضي بالطبق
فا اقتربت من باب الغرفة الي خرج منها صدام بهدوء
يمكن تكون ماما جوه
لكن..لما وصلت للغرفة اكتشفت انها مش غرفة.. دي طلعت مطبخ لاني لمحت جوه اكتر من ثلاجة
ورخامة كبيرة
فا نزلت بسرعة علي الدور الارضي مكان ما نزل صدام
وبمجرد ما نزلت فضلت اتلفت حواليا
وادور بعنيا علي صدام
وفجاءة
لمحت الطبق الكبير الي كان في ايد صدام...والطبق كان علي باب غرفة جنب الجنينة
فا اقتربت من شباك الغرفة الي فيها الطبق وبصيت جوه الغرفة
ولما ملقتش حد في الغرفة
رجعت تاني عند الطبق عشان اشوف ايه الي في الطبق الكبير دا
ولما بصيت في الطبق
اتفاجئت انها كمية كبيرة من اللحم
في اللحظة دي
جه في بالي الفويس بتاع ماما
وكلامها عن جوز اختي الي بي&أكل لحم البني ادميين
فا اقتربت اكتر من الطبق عشان اتأكد من نوعية اللحمة
واشوفها لحم بشري فعلا ولا لا
لكن اثناء ما كنت بقرب بعنيا من الطبق
اتفاجئت بصوت جاي من ورايا
وحد بيسألني
وبيقولي...انتي مين؟
فا التفت للخلف بسرعة عشان
الاقي نفسي واقفة ادام...........
الجزء الثالث
لما شوفت طبق اللح&مة الكبير ...افتكرت الفويس بتاع امي .. واعترافها علي عريس
اختي بانة
اك..&ل لح..&م اختي ادام عينيها
فا اقتربت من الطبق
عشان ادقق النظر اكتر واتأكد ان كان لح..&م بشري فعلا
لكن اثناء ما كنت مشغولة بفحص اللح...&مة
اتفاجئت بصوت شخص بيسالني
وبيقولي...انتي امين
فا التفت للخلف وانا في منتهي الف&..زع
ولحظتها شوفت صدام ادامي
فا قولت لنفسي
كده خلصت... وحياتي ممكن تنتهي دلوقتي
وبدون ارادة مني..غريزة حب البقاء عندي قامت بدورها
فا لقيتني بجري من ادامة وبحاول الفرار
لكن...صدام كان اسرع مني واقوي كمان
لانة قفز قفزة شبيهة بقفزةالنمر وهو بين..&قض علي فريس&تة
وللاسف وقعت في قب&ضتة وملحقتش الووذ بالفرار
وفي لحظة لقيتة
مقي..&دني بعضلاتة القوية
وبيسالني
وبيقولي...
لو مقولتيش انتي دخلتي هنا ازاي ؟ وبمساعدة مين؟
انا هخ&لص عليكي حالا
وكان مفروض لحظتها ارد عليه او.. اتوسلة واقولة يتركني لوجه الله
لكن انا الخرس مسك لساني
من هول الموقف الي كنت فيه
وفضلت ساكتة
فا زاد غضبة
وقالي..
مش عايزة تعترفي علي شركائك ماشي
انا هعرف مين شركائك حالا
ولقيتة رماني علي الارض
واتصل بالامن الي واقفين علي باب الكومبوند
وطلب منهم يحضروا ادامة فورا
وبالفعل وصلوا طاقم الامن باقسي سرعة
وو قفوا ادامة
فا سالهم صدام بغضب
وقالهم...البنت الي ادامكم دي
ح..&رامية...وانا مسكتها وهي بتحاول تهرب
ممكن اعرف انتوا كنتوا فين ساعة ما دخلت بيتي ؟
في اللحظة دي
رد واحد من رجال الامن
وقاله...البنت دي تبقي ضيفة الانسة نسمة
والانسة نسمة هي الي دخلتها البيت بنفسها
وقالت انها تبعها
في اللحظة دي
اتصل صدام بنسمة الي كانت نايمة في الطابق العلوي
وطلب منها تنزل حالا
وبالفعل نزلت نسمة
مفزوعة لما لقت رجال الامن وصدام ملتفين حواليا
وبيتهموني باني ل..&صة وبقت..&حم بيوت الناس
وبيتوعدوا انهم يسلموني للبوليس
المهم
بمجرد ما صدام شاف نسمة
blog-post_28
سالها...
وقالها..انتي الي دخلتي البنت دي البيت هنا؟
فا ردت نسمة وهي مخضوضة
وقالتلة...ايوه انا الي دخلتها
فا سالها تاني
وقالها..انتي تعرفيها قبل كده
اقصد يعني ..تطلع مين دي؟
فا فكرت نسمة شوية
وبعدها ردت
وقالتلة..دي تبقي ... تبقي ...
تبقي ريم
(زميلتي في الجامعة)
اهلها كانوا ناس طيبين اوي وانا كنت عارفاهم كلهم
لكن للاسف بيتهم اتحرق واهلها كلهم ماتوا في الحريق ولما لقيت ان معندهاش حد تروحلة
فا قلت اجيبها تقعد معايا يومين لغاية ما تدبر حالها
في اللحظة دي
بصلي صدام بتعجب
وقالي..
لية مقولتليش انك زميلة نسمة في الجامعة لما سالتك؟
وليه خوفتي مني وحاولتي تجري؟
في اللحظة دي
سبقتني نسمة بالاجابة
وقالتلة...للاسف يا صدام الي حصل لريم كان قاس..&ي جدا
ومكنش سهل انها تتجاوزة بسهولة
ودا اثر علي نفسيتها وتصرفاتها..
واكيد ياعيني هى دلوقتي مازالت تحت تاثير الصدمة
عشان كده بتخاف وبتجري بمجرد ما بتشعر باي توتر
في اللحظة دي
بص صدام لرجال الامن
وقالهم..
يظهر ان حصل سؤ فهم
خلاص .. تقدروا ترجعوا علي شغلكم
وبعدما انصرفوا رجال الامن
اقتربت نسمة من صدام
وقالتلة..انا اسفة
انا عارفة اني خالفت اوامرك وخالفت التعليمات
وطلبت من زميلتي انها تنزل ضيفة عليا في البيت بدون اذنك
لكن انا هصلح الغلطة دي فورا وهطلب من ريم تمشي حالا
بعد تبرير نسمة للغلطة الي عملتها
كان مفروض صدام يرد علي نسمة ويقولها ايوه اتفضلي مشيها فورا
لكن ...
في اللحظة دي
لقيت صدام بيبصلي بنظرة كلها شفقة
وبعدها بص لنسمة
وقالها..انا موافق ان زميلتك تعيش معانا
جهزيلها غرفة في البيت وخليها هنا لغاية ما تظبط امورها
وبعدها.. تركنا صدام ومشي
في اللحظة دي..
لاحظت ان نسمة اندهشت من رد فعل اخوها
لكن في نفس الوقت..
كانت بتحمد ربنا ان الموقف عدي...
وصدام معملش معاها مشكلة لما اكتشف وجودي في البيت
المهم..
بعدما عدي الموقف ..
نسمة اتفقت معايا اني هستمر في شغلانة البيبي سيتر زي منا
وقالتلي انها هي الي هتدفعلي الراتب بتاعي
وبالفعل قررت استلم عملي في بيتهم...
لاني لقيتها فرصة عشان اعرف حقيقة اللح..&مة الي كانت في الطبق ...
وكمان عشان اعرف طريق امي واختي
المهم..
دخلت نمت في الغرفة الي جهزوهالي
وبالرغم من ان الغرفة كانت جميلة
لكن انا مجانيش نوم طول الليل
وكان متهيألي اني هلاقي صدام داخل عليا في اي لحظة عشان يأك..&لني
للكاتبة..حنان حسن
المهم
فضلت علي القلق دا طول الليل.. ومنمتش غير تخاطيف
والصبح قمت لبست طقم جميل من بتوع نسمة.. وجهزت نفسي
وروحت علي غرفة فيروز
وفي الوقت دا كنت مجهزة فكرة معقولة تمكني من اني اتجول في البيت براحتي
وهي اني اخرج فيروز من غرفتها
واخليها تجري في البيت بحجة اللعب
وانا طبعا هكون معاها عشان اخد بالي منها
وبطريقتي هبقي اخليها تدخل الغرف الي انا عايزة ادخلها
عشان افتش فيها عن امي
وبالفعل..
بمجرد ما دخلت لغرفة فيروز
لقيتها فرحانة بيا.. ومبسوطة اني هلعب معاها تاني
فا قولتلها..ايه رايك يا فيري تيجي نجري ورا بعض؟
فا فرحت اوي
وقالتلي..يلا نجري
وبما ان غرفة فيروز في الدور العلوي
فا قررت ابدء تفتيش في الدور الي فوق
وفضلت اجري ورا فيروز وهي تجري
وكنت بتعمد افتحلها الابواب عشان تدخل وادخل معاها
لكن...بالرغم اني فتحت كل الغرف با استثناء غرفتين طبعا
وهما غرفة صدام وغرفة نسمة
للاسف ملقتش امي في اي غرفة من الي فوق
فا قولت يبقي احتمال هلاقيها في الدور الي تحت
مكان ما شوفت الطبق الي فيه اللح..&مة
وبسرعة اقنعت فيروز ان اللعب في الجنينة تحت هيبقي اجمل
وبالفعل نزلت للدور الي تحت
واتسللت للغرفة اياها عشان اشوف ان كان الطبق مازال مكانة ولا لا
لكن الغريبة اني لما فتحت باب الغرفة ملقتش الطبق الي فيه اللحمة
فا رجعت امشط المكان بعنيا
لغاية ما لمحت غرفة تانية مغلقة...
فا اخدت فيروز واتجهت ناحية الغرفة المقفولة
وامام الغرفة
طلبت من فيروز تفتح الباب
وبمجرد ما فيروز فتحت الباب
اتصدمت بمفاجاة من العيار الثقيل
عارفين شوفت مين في الغرفة......؟
تابعووووووني وانتظرووو المزيد
رواية زواج لدقائق معدودة كامله من هنا
رواية خيانة الوعد كامله من هنا
رواية الطفله والوحش كامله من هنا
رواية جحيم الغيره كامله من هنا
رواية مابين الضلوع كامله من هنا
رواية سيطرة ناعمه كامله من هنا
رواية يتيمه في قبضة صعيدي كامله من هنا
الروايات الكامله والحصريه بدون لينكات من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق