القائمة الرئيسية

الصفحات

رواية اربعتاشر 14 بت وشايب الفصل الخامس بقلم محمد منصور حصريه وجديده على مدونة النجم المتوهج للروايات والمعلومات


رواية اربعتاشر 14 بت وشايب الفصل الخامس بقلم محمد منصور حصريه وجديده على مدونة النجم المتوهج للروايات والمعلومات 

                   

رواية اربعتاشر 14 بت وشايب الفصل الخامس بقلم محمد منصور حصريه وجديده على مدونة النجم المتوهج للروايات والمعلومات 


وقبل ما نبدأ نوحد الله ونصلي علي خير خلق الله سيدنا محمد.


وبسم الله توكلت علي الله وهو رب العرش العظيم


من جوة المستشفي كان حمودي نايم علي جنبة اليمين في سرير وقصاد منه ينام عيد وكان متجبس في كذة حتة من جسمة وعيد بيقول


الله يخرب بيت ابوك. كانت الحرب في مصلحتنا جه هو ومشي الرجاله. وقال اية. لو عايز اجيب رجاله تحميني لازم رحاله تربيهم من سن. سنة وانت طالع ابوك مخه باظ لازم لما اخرج اعمله اشعة علي فخادة 


حمودي كان قرفان منه وبيقول


فعلا. هو مسلخ ومحتاح ندهن له زيت زيتون


وتف حمودي علي عيد و عيد حاول يمسح التفة لكن الجبس منع وصول ايدة ل وشة وقال عيد


لية بقي عملت كدة مش كفاية اللي انا في بسببك انت وابوك


حمودي


ما هو دة بسبب علاجك لي من الاول. بس اقول اية. حسبي الله ونعمه الوكيل فيك. كان جاي لك مخه سايح الا حتة. عالجتة انت خلبت مخة سايح وحتة


عيد


هيخف باذن الله. بس اخرج من هنا ونكمل علاجة 


حمودي


انت تبعد عن ابويا خالص انا هعالجة عند دكتور هندي ولا انك تعالحة.


عيد


لية كدة بس يا صاحبي


حمودي


هو كدة.


وحاول حمودي يودي وشة الناحية التانية لكنة ما قدرش وعيد قاله


بتعمل اية انت ناسي ان جنبك الشمال باظ. وهتفضل طول فترة علاجك باصص لي


حمودي


دي مصيبة سوداء. افضل نايم علي جنب واحد وباصص لك. انا حاسس اني هموت من الفرحة. 


عيد


حبيبي انت. غير انت حبيبي علشان التانية اغنية ل فريد الاطرش 


حمودي بص له بقرف شديد وقال باعلي صوته


يارب، ،،،،،،،،،


وتعدي فترة العلاج ويلاقي حمودي ال 14 بت جائيين له المستشفي علشان ياخدوا ويروحو. ومعاهم ميسرة وزمردة وكل اللي في المستشفي كانو بيتفرجو علي ماسورة الحريم اللي ضربت وكلها حوالين حمودي وزمردة كانت بتغني وبتقول


اهو خرج اهو خرج. انكادي يا كياده 


وبناتها يقولو وراء منها. وهي تسقف وتقول


اهو فك الجبس ورجع تاني. بعد ما كان متفسخ اة ياني واهو خرج اهو خرج. انكادي يا بنت الكياده 


حمودي شاف الناس اللي بتتفرج عليهم وقال


خلاص يا كابتن مدحت شلبي كفاية كدة هي خلاص انكادت 


لكن زمردة فضلت تسقف وتقول


اهو فك السلك وطلع عايش. من بعد ما كان شبه الهايش. وانكادي يا بنت بنت الكيادة 


حمودي


يا زمردة كفاية فضحتي اهلي


زمردة تسكت لا. ما تسكتش وكانت بتقول


رجع تاني رجع تاني وماعدش يقول اة ياني. 


وبناتها يعدية وراء منها وترحع تقول 


 يا طاهر يا طاهر حمودي قرب يتطاهر،،،،،،،،،،


حمودي قاطعه قائلا


اطاهر اية. والله شكلك هتطلعي في اخر الاغنية انتي الكيادة. وجاية تفضحيني 


وهنا تقف ست كبيرة قدام منه وفي ايدها كيس جلوكوز بتشربه بشفاطة وبصت وهي بتحط ايدها علي بوقها مكسوفة. وبتقول 


هو انت لسة. يا مفضوح 


حمودي


لسة اية بس. ما تخليكي في جلوكوزك ،،،،،،،،،


 ويروح حمودي البيت واول ما يدخل مع ميسرة. تقول له ميسرة


عارف لو قولت لي انك رايح بيت ابوك دة تاني. المرة دي وجت سليمة لكن انا مش مستغنية عنك 


حمودي 


يعني اية يا ميسرة اسيب ال 14 بت ل مين دة انا اخوهم الكبير 


ميسرة


انت مش اخوهم. 


حمودي استغرب


بتقولي اية يا ميسرة


ميسرة


اللي انت سمعته


حمودي


ازاي مش اخوهم وابوهم احمد شاكر هو ابويا


ميسرة


انا اتجوزت احمد سنة بالظبط واول ما خلفت منه بت وهو عرف ومن غير ما يطمئن عليه او حتي يشوف بنته قالي انه هيتجوز عليه ولو قولت لا. هيرميني في الشارع. انا واللي جبتها. ركبت دماغي وقولت لا. لكني بعدها قولت بلاش اخرب بيتي بايدية وعيشت وسكت لكني ما قدرتش اشوفه مع واحدة غيري قولت لا وباعلي صوتي طلقني وفعلا رماني في الشارع وبنتي علي ذراعي وانا اصلا من سوريا زي ما انت عارف وماليش حد هنا


وبدات تعيط ميسرة وكملت وقالت


صعبت علي راجل كبير. خدني وبعد عدتي اتجوزني وعيشت معه في اوضة فوق سطوح اوضة البرد فيها كان يكسر العضم البت ما استحملتش وماتت. وحملت من جوزي الجديد ودي كانت مفاجاة لعياله اللي شككو في الحمل واتهموني في شرفي. وخلو يطلقني ويطردني من البيت وانت في بطني عيشت في اوضة تانية تحت بير سلم واشتغلت في مصنع وخلفتك وربيتك لغاية ما تعبت وما بقتش قادرة رجعت ل احمد ابوك وقولت له. انتي رمتني من هنا وانا عرفت اني حامل. وخلفت واد. فرح بيك جدا ورجعني ل ذمته وسماك حمودي وعيشت مخبياك وخايفة عليك لتموت زي اللي ماتت. وقدرت احرمة منك واخلي يشوف كل فين وفين علشان يفضل ديما مشتاق لك وافضل ديما انا اللي علي الحجر وانت معايا


حمودي كان مصدوم ومش قادر يصدق اللي بيسمعه وقال


وجاية دلوقتي تعرفيني الكلام دة. بعد ما قربت وبقيت واحد منهم. وحبتهم


ميسرة


يارتني ما كنت وافقت علي انك تقرب منهم. دة كان اكبر غلط انك تروح لهم برجلك


حمودي


انا اتعلقت بيهم يا ميسرة. اول مرة احس يعني اية مسئولية ويعني اية حد لي لزمة. بعد ما كنت ولا حاجة


ميسرة


كل دة حصل لك دة انت ما تعرفهمش بقالك تلت شهور


حمودي


واقل من تلت شهور لكن اللي شوفته معاهم بعمري كله


ميسرة


انساهم يا حمودي دول مشاكلهم كتير وانا اخاف عليك منهم


حمودي


مش بالساهل يا ميسرة. دول بقو جزء مني وانا جزء منهم


ميسرة


يعني اية هتركب دماغك وهتروح لهم


حمودي


مش عارف. اصلا دلوقتي بقي غلط يتقفل عليه باب شقة واحد معاهم. الله يسامحك يا ميسرة بوظتي دماغي 


وهنا يسمعوا صوت خبط علي باب الشقة. فيبص حمودي للباب ويقول


خشي انتي انا هقوم افتح


ميسرة


لا. انا اللي هفتح علشان لو واحدة منهم هطردها


حمودي


تطردي مين. دول برضو بنات ومحتاجين ل حد يكون جنبهم. علي الاقل ل غاية ما بابا فشة يخف.  


ويسمع حمودي الخبط تاني فقام فتح الباب وشاف استروكس اللي قال


هم همودي. عزيك.


حمودي بخوف شديد


عزيك دة ملك الجن الاصفر. ابوس ايدك لا تاذيني ولا اذيك صاحب البيت اسمه احمد


ولسة حمودي هيقفل الباب قال استروكس وهو بيمنع الباب يتقفل


انا عزيك في وجاز


حمودي


وجاز ونزين. انا مرعوب منك ومن بوقك الفاضي دة انت ال 26 حرف بيلفو حوالين بعض وهما خارجين من بوقك


وحاول حمودي يقفل الباب تاني لكن استروكس منعه وقال


وجاز وجاز. بتاع هروسة وهريس


حمودي


انت عايز تتجوز مين


استروكس


شمية اختك 


حمودي


امك، ،،،،،،،،،،،،،،،،،،،


ومن جوة شقة فشة. يقعد حمودي قدام سمية وزمردة وقال ل سمية


دة كل اللي اتقال وحصل. ممكن اعرف رايك


سمية


هو استروكس جحلوف لكنه طيب. ومجرم لكنه انسان


وعضلاته سكسي. لكنها بودرة وانا اللي بياعهاله. 


حمودي بعصبية 


هو انتي بتشكري في ولا بتعري قدمنا انا عايز اجابة واضحة وصريحة اة. ولا. لا


سمية بعصبية اكتر


ما تزعقش 


حمودي وهو مرعوب


مالك بس يا قلب اخوك. دة انتي الغالية عارفة كدة ولا. لا.


سمية


عارفة


حمودي


طيب الاسد راية اية


سمية


سابني افكر


حمودي ل نفسه


جحلوف هيتجوز جحلوفه. علاقة بنت فاجرة


وهنا تخرج بت من البنات حلوة جدا وتقريبا اصغر من حمودي ب سنتين واسمها. صابرين وشعرها ناعم حريم جننت حمودي بسحرها ما هي مش اخته ودة اللي دار في دماغه ومن غير ما يحس و قال


اموت انا. واشوفك تحت كوبري ابو الهنا. 


بصت له صابرين باستغراب وقالت


ابية مالك


زمردة


حمودي انت سامع انت بتقول اية


حمودي احرج وبدأ يبان عليه الارتباك وقال بعصبية 


انا بقول اللي هيقوله اي كلب يشوفها ماشية كدة في الشارع بلا قله ادب وصفاقس


صابرين


هو انا بخرج بشعري في الشارع يا ابية. دة انا محجبة


حمودي سارح في عيونها وقال


انتي عسل تحت اي بند وفوق اي احتمال. يا غزال


سمية


ابية انت شارب مكيفات


حمودي لم نفسه تاني وقال


انا ماشي بلا قله ادب. 


وراح حمودي ناحية صابرين وكان هياخدها ويدخل بيها الاوضة زمردة صرخت وقالت


حمودي رايح فين


حمودي ساب صابرين وقال


الله يقطعك قمر. خليتي هرموناتي. يحصل لها خلل 


وسابها حمودي وخرج من الشقة وزمردة وصابرين وسمية مستغربين اللي بيعمله، ،،،،،،


ومن علي الكافية كان حمودي بيقول ل عيد


حلوة اوي اوي اوي.


عيد


امسك نفسك دي اختك


حمودي


مش اختي ولا واحدة فيهم اختي وينفع اتجوز منهم


وانا حبيت البت صابرين دي


عيد


انت اتجننت يا حمودي. هتتجوزها ازاي وهي في البطاقة نفس اسمك


حمودي


ازاي نفس اسمي. انا حمودي وهي صابرين


عيد


حمودي احمد شاكر. وصابرين احمد شاكر


حمودي


صح. دي مصيبة سوداء


عيد


اعقل واهدئة واتعامل زي ما كنت بتتعامل في الاول ال 14 بت اخواتك


حمودي


لا. 13 بس. انما صابرين مراتي


عيد


مش هينفع


حمودي


هقول لهم الحقيقة


عيد


تبقي حكمت علي نفسك بانهم ياخدو منك جنب ويتعاملو معاك علي انك غريب


حمودي


طيب ما انا فعلا غريب


عيد


بس ما حدش يعرف. والاحسن لو عايز تفضل قريب منهم ما حدش يعرف اللي انت عرفته. 


حمودي


وصابرين


عيد


مش وقته


حمودي


انت لية جحلوف


عيد استغرب وقال


اية الجحلوف دة


حمودي


ما عرفش. بس سمية قالتها وعجبتني وحسيت انها لايقة عليك. وانا يا عيد هتجوز صابرين يعني هتجوز صابرين 


وفي الوقت دة يسمع حمودي صوت ابوه فشة بيقول 


وانت خايف اكمني اعمي اركب الفيسبا بتاعتك دة انا بسوق احسن منك


وبص حمودي وراء منه لقي ابوة لابس. هدوم الشيخ حسني في الكيت كات وبينزل راجل بالعافية من فوق الفيسبا وشافه عيد وقال


الحق ابوك بيلعب جاتا


حمودي قام جري وراح ناحيته فقال عيد


رايح فين


حمودي


ابويا ما بيعرفش يسوق. هحاول انزله من فوق الفسبا


واول ما وصل حمودي عند ابوة قاله


انزل يا بابا من علي الفسبا.


فشة


كويس انك جيت دة انا مستنيك


ومسك فشة. حمودي وحطة قدام منه علي الفسبا وهوب اتحركت الفسبا وحمودي بيقول وهو مرعوب


وقف الفسبا وحياة امك.


فشة وهو سايق بسرعه


اشك انك تكون خايف 


حمودي وهو مغمض عينية وبيصرخ قال


كل اللي انا بعمله دة وتشك. انت مستني لما اموت علشان تتاكد اني خايف


فشة


طيب تحب اعمل بالفسبا حصان ولا حمار


حمودي


احبك تقف


فشة


غالي والطلب رخيص


ودخل فشة في حيطة بيت وقال وهو علي الارض وفي حضنة حمودي والفسبا فوق منهم


اديني وقفت


حمودي بص له وقال


انتي هتموتني امتي بقي خليني ارتاح


قالها حمودي وفقد الوعي، ،،،،،،،،


الفصل السادس من هنا


بداية الروايه من هنا


🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 


روايات جديده هتعجبكم من هنا


أجدد وأحدث الروايات من هنا


روايات كامله وحصريه من هنا




وكمان اروع الروايات هنا 👇


روايات جديده وكامله من هنا


انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


تعليقات

التنقل السريع
    CLOSE ADS
    CLOSE ADS