رواية اربعتاشر 14بت وشايب الفصل السادس بقلم محمد منصور حصريه وجديده على مدونة النجم المتوهج للروايات والمعلومات
 |
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
من جوة شقة حمودي تقعد ميسرة قدام منه وكانت بتلف شاش حوالين الجروح اللي في. وكانت بتقول
حلو اللي انت في دة. ودة كله علشان ما بتسمعش كلامي. وروحت لهم
حمودي
واخواتي مالهم باللي حصل. لي المرة دي. دة بابا هو السبب
ميسرة
هو انا مستغنيا عنك. دة انت اللي حيلتي واللي طلعت بي من الدنيا
حمودي
ولا انا مستغني عن نفسي بس دة بابا يا ميسرة وراكب فسبا وعامل فيها الشيخ حسني. اسيبة يعني يضيع
ميسرة
ما يضيع مش احسن ما تضيع انت. وبعدين فشة مش باباك مش باباك. سيبك بقي من اللي هيحصل له
حمودي
مش سهل عليه اشيل اسمه طول السنين اللي فاتت وتيجي انتي بسهوله تقولي دة مش باباك. ما هو انا قلبي ومشاعري مش بتحكم فيهم بزرار. ادوس علي الحب ف احب وارجع ادوس علي الكرهه. ف اكرهه
ميسرة
اتعلمت دة. كله فين
حمودي
لما خرجت للدنيا وبقي في رقبتي حد مسئول مني
ميسرة
كان يوم مهبب يوم ما روحت بيتهم وشوفتهم واتعاملت معاهم
حمودي
دة كان احلي يوم والله. رغم اني اتبهدلت من يوم
ما عرفتهم. لكني مبسوط اني عرفتهم
ميسرة
حمودي بطل عند وسييك من الطريق دة. وارجع زي ما كنت. ل هما اهلك ولا يلزموك. دول هيخلصوا عليك
حمودي
متخافيش عليه انا معاهم هكون بخير. ونسيت اقول لك. مش سمية الاسد جالها عريس. بس اية جحلوف
وضحك حمودي وقال ل ميسرة
هو الجحلوف دة حيوان ولا نبات
ميسرة بصت له وفضلت ساكتة وخايفة اوي علية، ،،،،،
ومن قدام مدرسة صابرين يقعد حمودي و معه عيد. جوة عرببة حمودي وكان مستنيها تخرح وعيد بيقول له
وربنا انت اتجننت رسمي
حمودي
علشان مستني اختي تخرج من المدرسة واعاكسها.
وضحك حمودي فقال عيد
اللي انت بتعمله دة ما ينفعش وانت واخد الموضوع سهل وهو مش سهل
حمودي
عيد بطل صداع. وخليني استني القمر
وخرجت صابرين ومعها اختها ثريا راح لها حمودي ووقف قدام منها وشاف شعرية برة الطرحة فقال بعصبية
والله عال. ما تشتغلي رقاصة احسن
صابرين استغربت واتخضت وقالت
ابية حمودي انت بتعمل اية هنا
حمودي ما عرفش يقول اية وفضل ساكت شوية وبعدها قال
ايوة يا بت خديني في الملف. واضحكي عليه.
صابرين
واضحك عليك لية انا عملت اية اصلا
حمودي
شعراية برة الطرحة
صابرين دخلت. الشعراية وبصت ل اختها ثريا وقالت
طيب ما ثريا برضو عندها شعراية برة الطرحة
حمودي
وانا مالي ومال ثريا ليها اخ يعلمها الادب. انما انتي لا يا هانم. انتي الحتة بتاعتي وانا حمش اوي
صابرين
الحتة بتاعتك
حمودي ارتبك وقال
اقصد اختي وكدة
صابرين
ابية حمودي انت كويس
حمودي
صابرين. لمي نفسك مش هقول لك تاني
ولقي ان شكله بقي وحش اوي مشي من قدامهم وصابرين بصت ل ثريا وقالت
انتي فاهمة حاجة
ثريا
ولا فاهمة اي حاجة، ،،،،،،،،،
ويجي الفلانتين وحمودي بلا اي مبرر يدخل محل الدباديب ويشتري دبدوب احمر كبير ويرشة باغلي انواع البرفان ويلفة في هدية ويروح بي لشقة ابوة ويخبط علي الباب فتفتح زمردة وتلاقي حمودي وجنب منه الدبدوب في نفس حجمة تقريبا. بصت زمردة للدبدوب وقالت
مين دة عريس ل نعمه.
حمودي بص للدبدوب وبعدها بص ل زمردة وقال
اشمعني نعمه
زمردة
اصله طخين زيها. وتحس انه دبدوب
حمودي
تحس. هو مش باين انه دبدوب
زمردة
باين يا حمودي بس انا قولت انكشك. ادخل تعالي
ودخل حمودي واول ما دخل سال علي صابرين فندهت زمردة باعلي صوتها وقالت
بت يا صابرين. تعالي اخوكي عايزك
وتخرج صابرين من الاوضة وقلب حمودي يعمل توم توم توم. دك. وصابرين وقفت قدام منه. وقالت
نعم يا ابية
زمردة
اقوم انا اشوف البسلة. علشان سايبها في الحلة وبدات تطقطق
حمودي
هو فشار
وزمردة رايحة المطبخ قالت
اجيب لك موز اسود
حمودي بقرف
زمردة انتي لية اكلك كله منتهي الصلاحية
زمردة
دة بيقولو حلو للسرطان
حمودي
دة يجيب السرطان
زمردة
دة اجيب للدلدول اللي معاك
حمودي بص للدبدوب وقال
دلدول. وربنا لو ما سكتي اسيبة عليكي
ودخلت المطبخ وحمودي بص ل صابرين وقال
مستحملانها ازاي بس
صابرين ضحكت وقالت
ماما بقي ولازم نستحملها. يا ابية
حمودي
ما بلاش ابية دي. وقولي يا حمودي مودي
صابرين
لا. عيب
حمودي
مالكيش دعوي انا اللي بقول لك.
صابرين
مش هينفع
حمودي
طيب انا مش هضغط عليكي وهخليها تيجي لوحديها.
واداها الدبدوب وقال
هابي فلانتين داي
صابرين استغربت وقالت
ابية. دة تروح تدي لخطبتك مش ليا انا
حمودي
طيب ما انا عايزك خطيبتي
صابرين وقفت مفزوعه وقالت
نعم
حمودي مسك ايدها وقال
اقعدي واهدئي واسمعيني كويس علشان اللي هقوله دلوقتي دة سر عايزة بيني وبينك
وقعدت صابرين وبدأ يحكي لها حمودي كل اللي حاكتة لي ميسرة وبعد ما خلص لقي شفة صابرين اللي تحت. تقريبا نزلت لغاية اللوز فقال
دة اية بقي اللي حصل لك دة. بديات هطل
صابرين
انتي عايزني بعد اللي انت قولته دة ابقي عاملة ازاي دة انا عاملة زي اللي خدت بالشومة علي دماغها اخويا مش اخويا. لا وكمان عايز يتجوزني.
وقامت وقفت. وبدات تغني اغنية خالتي نوسة
يالهوي يا يا. يا. اخويا عايز يتجوزني شبكني بكني وهيجهزني. اة يا لهوي يا خرابي يا لهوتي
ولسة هتلطم مسك ايدها وقال
اعقلي يا بنت المجنونه. واقعدي
صابرين قعدت وقالت
اهو قعد.
حمودي
صابرين انا عايزك توعديني ان ما حدش من اخواتك يعرف باللي دار بينا دة
صابرين
بس انا فتانة ومش هقدر اخبي. و اللي في بوقي علي لساني
حمودي
انتي كدة بترجعي. اسمها اللي في قلبي علي لساني
و معلش عدي معايا الدنيا والفترة دي تخلص وانا بنفسي هعترف لهم كلهم وهتبقي خطوبتنا رسمي
صابرين
ونتجوز
حمودي
طبعا هنتجوز
صابرين بعبط عمال يزيد
والواد اللي يجي مني ومنك يبقي انت خاله وانا عمته
حمودي
لا. يا صابرين هتبقي انتي ابوة وانا امه. يخرب بيتك لخبطيني انتي امه وانا ابوة. احنا مش اخوات عادي لما نتجوز. خدي بقي الدبدوب دة. ربط كلام وبداية علاقة
صابرين خدت الدبدوب ورغم ان لونه احمر لكنها قالت
مش كنت جبته احمر
حمودي استغرب وقال
ما هو احمر اهو. ومن كتر ما هو احمر اللي يشوفو يفتكرة ملتهب
وهنا تيجي زمردة بحلة الاكل وتحطها علي السفرة وتقول ل صابرين
البسلة اتحمرت. نادي اخواتك ويلا علشان نتغدي
لكن صابرين تبص لها وتفضل ساكتة فتستغرب زمردة وتقول
بت مالك مبلمة لية كدة
صابرين بنفس اداة نبيلة عبيد في توت توت قالت
دبدوب احمر حلو. عروسة عريس. بسبوسة محروس
حمودي استغرب من اللي شايفة وسامعه وقال
يارب اكون بحلم
وصابرين مسكت الدبدوب وبقت ماشية زي نبيلة عبيد بالظبط ماشية المتسلخة وعماله تقول
بطن كريمة اوجع.
وراحت ل اوضتها وقالت زمردة
حمودي صابرين مالها
حمودي لطم وقال
صابرين اتلبست يا زمردة وبقت زي فشة. هو انا قادر علي واحد لما يبقو اتنين
واتجنن هو كمان وقالت زمردة
حمودي
حمودي لعب ودانه وقال
انا مش حمودي انا
وغني ورقص وقال
فرافيرو العترة. عبيط الحتة. والعتبة جزاز والسلم نيلون نيلون. ويل يا ويل
وراح ناحية الشباك وفتحة ووقف علي حرف الشباك وقال
انا جاي
ورمي نفسه من الشباك، ،،،،،،،،،،
خلصت حلقة النهاردة اللي يارب تكون عجبتكم. سلام
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
