رواية اربعتاشر 14بت وشايب الفصل الرابع بقلم محمد منصور حصريه وجديده على مدونة النجم المتوهج للروايات والمعلومات
 |
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
مواعيد نشر القصة كل يوم الساعة 12 م.
من جوة الحجز يقعد حمودي وكل السوابق عمالين يبصو له وهو مش عايز يبص لهم وواحد منهم راح قعد قصاد منه وقال
جيت في اية
حمودي بص له واتفزع من شكله وخاف يرد فالسوابق دة قرب اكتر وحط وشة في وش حمودي بالظبط وقال
انا بكلمك رد ولا انت اخرس
حمردي وشه بان عليه القرف الشديد وقال
حط ريكسونا بوقك ريحته عرق
السرابق مسكه من قفا وقال
دمك خفيف اوي. ما تقول ياة جيت في اية
حمودي وهو مودي وشة الناحية التانية قال
ما عرفش جيت في اية. انا صحيت لقيت نفسي هنا
وفي الوقت دة يدخل عسكري ويقول
حمودي احمد شاكر
حمودي بص للعسكري وقال
انا هنا اهو. تحت باط الحرامي دة
العسكري للسوابق
سيبو يا بوقله
سابو بوقله وجري حمودي ناحية العسكري وخدوا العسكري وقفل باب الحجز ،،،،،،،،،
ومن جوة مكتب الظابط كانت موجودة سمية ومعها وردة وقت ما اتفتح الباب ودخل حمودي بص ل وردة وسمية اخواته وقالت وردة
ما هنش عليه اعرف انك مسجون بسببي واسييك
بص لها حمودي وقال
طلعتي اجدع مني. بس انتي كنتي فين
سمية
كانت هربانه عند واحدة صاحبتها مش عايز تتجوز طاروش لكني روحت وجبتها ذنبك اية انت تترمي في الحجز بسببها
حمودي للظابط
اظن كدة يا حضرة الظابط اقدر اروح
الظابط
تقدر طالما وردة رجعت اصبح البلاغ كله وكانه ما حصلش
حمودي
الحمد لله. دة انا شوفت ليلة في الحجز، ،،،،،،،،،،
ويرجع حمودي. ب وردة و سمية للبيت ويقف قدام زمردة اللي كانت عايزا تضرب وردة لكن حمودي وقف قدام منها وقال
زمردة سميرة في حمايتي. واياكي تقربي منها
وبعدها قال حمودي ل سمية
خدي وردة وادخلي اوضتكم
ودخلت سمية ووردة اوضتهم وزمردة بصت ل حمودي وقالت
نعم يا سي حمودي. بدل ما تكسر رقبتها علي صدرها انها قدرت تسيب البيت وتهرب جاي في صفها
حمودي
حقها تهرب ما هو برضو ما فيش حد بجوز بنته بالعافية. سيبيها تكمل تعليمها
زمردة
ونضيع طاروش مننا هو دة عريس يتساب
حمودي
طاروش دة مش عريس اصلا. دة الجدي لي لزمة عنه. ارحمينا بقي. انا مش عارف انتي منبهرة بي اوي لي كدة
زمردة
لا. يا حمودي انت مالكش حق. دة ابوه صاحب 20 محل و20 عمارة و20 ونش. دة عريس تتمني اي عيلة ل بنتها
حمودي
ولو كانت اللي هتعيش معه مش عايزا نجوزها برضو بالغصب
زمردة
حمودي انا دخلتك البيت دة علشان تكون في ظهري مش ضدي. ومش عايزاك تقلب بناتي عليه. انت
جيت هنا علشان الكام بلبل اللي هحطهم في الفيزا عندك يعني انتي تعتبر شغال عندي اجري
حمودي
دة كان قبل ما وردة تيجي القسم وطلعني وقالت اخويا ما يهنش عليه ازاي هي تهون عليه
زمردة
لا. والنبي جو الاخوين رحباني دة مش هياكل ويشرب معايا انا واحدة في رقبتها 14 بت. وكلهم علي وش جواز لانهم كلهم سنهم قريب من بعض.
حمودي
ازاي كلهم سنهم قريب من بعض هما مش بناتك
زمردة
مش كلهم بناتي انا خلفت من ابوك 6 بنات والباقي من اربعه غيري كان ابوك بيتجوز ويطلق ويتجوز ويطلق علشان يجيب واد غيرك. بعد ما امك قدرت تاخدك بحكم محكمة وتحرمه منك طول ما انت صغير لغاية بقي ما كبرت وعرفته وبقيت تروح له المجزر
حمودي
وازاي هما من كذا ام وكلهم قاعدين معاكي انتي بس
زمردة
اتنين ماتو من مراتت ابوك وسابو بناتهم ليا. وفي اللي اطلقت واتجوزت وجوزها شرط عليها ما تدخلش بننتها وسابتهم ليا. واللي طفشت وبقيت انا ام
ل 14 بت. وكل دة من ابوك اللي ربنا انتقم منه في دماغه. حملي تقيل ومش هقدر اشيلة ل وحدي سيبني استرهم.
حمودي
هما مستورين في بيت ابوهم. وانتي مش لوحدك انا معاكي في اللي جاي
زمردة
حملهم تقيل علي واحد زيك مدلع. امه فضلت مخبئ عن الناس خايفة عليه من الحسد تقولش خلفت لنا عمر خيرت
حمودي
ما تروقي يا زمردة. مالك هتقلبي
زمردة
ياعم. روق انت وقولي نقول ل طاروش لا.
حمودي
فايزة رضيت بي لو عايز يجي يخطبها انما وردة لا. ودة اخر كلام عندي
زمردة
الله عليك وانت حمش كدة مع ان اللي يشوفك من بعيد يقول عليك خيال ماته
حمودي
ضربه في لسان اهلك، ،،،،،،،،،
وتعدي الايام وحمودي كل يوم والتاني يروح ل اخواته ويشوف هما عايزين اية ويحاول يعمل لهم اللي هما عايزينه لغاية ما جه ميعاد الدكتور عادل مرتضي اللي حجز عنده علشان يكشف علي ابوه فراح البيت وخبط فتحت زمردة وقال
لبستي بابا فشة
زمردة
لبستة وغلبني لغاية ما رضي يلبس
حمودي
طيب اندهي له خلينا نمشي
هنا باب الاوضة اتفتح وخرج فشة لابس بدلة سموكن وماسك عصايا المايسترو في ايدة ونوته موسيقية وقال
انت اللي هتغني يا منعم
حمودي ل زمردة
انا مش قولت لك ما يتفرجش علي افلام او مسلسلات لغاية ما نكشف عليه
زمردة
والله واخدة منه الموبيل وطول الوقت طافية الشاشة انا ما عرفش بيتلبس امتي
حمودي راح مسك ايد فشة وفشة قال
انا موافق تقبض عليه بس ممكن بعد ما اعزف الاغنية دة عبد الحليم مستني جوة ورافع رجله
حمودي
هيرفع رجله لية انت بتمده. يلا يا حج خلينا نروح نشوف اخرة اللي انت في دة اية،،،،،،،،،،
ومن جوة عيادة الدكتور عادل مرتضي يقعد حمودي مستني دورة في الكشف وكان فشة حاطط النوتة الموسيقية علي بطنة زي العود وبيعزف بالعصايا اللي في ايدة وحمودي عمال يبص له وبيقول
بتعمل اية بس
فشة
ما تعرفش الناي دة مش شغال لية
حمودي وهو بيبص للنوته
دة مش ناي دة بيانو
وهنا يخرج مريض من اوضة الكشف وتقول الممرضة ل حمودي
تقدر تدخل الدكتور في انتظارك
ودخل حمودي وفشة لاوضة الدكتور علشان يلاقي واحد قاعد علي كرسي وظهرة ليهم وبيقول
تقدر تقعد يا حمودي انت وابوك فشة
استغرب حمودي وقال
هو حضرتك تعرفنا
الدكتور
انا اعرف كل كبيرة وصغيرة عن المرضي اللي بيجو يتعالجو عندي. تحب اقول لك ان حاله ابوك سببها الراجع بتاع الكهرباء اللي دخلت جسمة
استغرب حمودي اكتر واكتر وقال
هو حضرتك دكتور ولا دجال
لف الدكتور بالكرسي وشاف عيد وقال
انا عيد
حمودي كان هيتجنن وقال
انت بتعمل اية هنا يا زفت انت
عيد
جيت اكشف خيانتك ليا
حمودي
تكنش مراتي وانا ناسي
عيد
وهي الخيانه بتكون بين المتجوزين بس. انا اعرف صاحب خان صاحبة وخده وراح العيان بتاعه وراح يكشف عليه برة
حمودي
علشان لما كشفت جوة العيان اتجنن اكتر ما كان مجنون ودخلني السجن
وفي الوقت دة يحط فشة العصايا في ودان حمودي اتوجع حمودي وبص ل فشة وقال
لية بس كدة
فشة
التبانة هربت من وشي دخلت ودنك اسيبها تهرب
حمودي
لا. اخرم ودني
فشة
دة اللي انا عملته.
ورجع فشة يمشي العصايا فوق النوته وعمال يقول
لو اعرف بس الناي مش شغال لية
حمودي بص ل عيد وقال
شايف وصلت ابويا ل اية
عيد
احنا كدة محتاجين نعمل اشعة علي المعدة
حمودي بعصبية
هو مش مسموم مش مسموم. نفسي تعالجة صح. بس هتعالجة ازاي وانت اصلا عيان. دة حتي علي راي المثل. كان القرد نفع نفسه
وسكت حمودي ل كام ثانية وقال
هو صحيح انت ازاي هنا وفين دكتور عادل مرتضي الدكتور المشهور
عيد
انا عادل مرتضي.
حمودي
ازاي
عيد
ماهو اللي بيجي يكشف عندي في العيادة بتاعتي اللي تحت البيت ما بيجيش تاني. ففكرت افتح عيادة تانية واسم نفسي عادل مرتضي كدة اللي يهرب من الكشف عندي ويجي يكشف عند دكتور عادل مرتضي يلاقي نفسه عندي برضو
حمودي
دة انت مش عبيط وبس. دة انت كمان نصاب
عيد
دة مش نصب دة احتيال. غير اغتيال. علشان التاني بتاع نادية الجندي
حمودي بص ل ابوة وقال
عارف مين كان بيخونك من مراتك
فشة
مش عايز اعرف دة كلام عدي عليه سنين ومراتي اصلا وحشة يعني هيدخل النار في كلبه جربانه
حمودي. وهو بببص للنوته الموسيقية
طيب عارف مين بوظ لك الناي
فشة اتعصب وبص للنوته وقال
مين
حمودي بص ل عيد وقال
الجدي الصومالي دة
بص فشة ل عيد وكانت ملامح وشة بدل علي الشر وعيد بيقول بخوف
حمودي هو بيعمل لية كدة
حمودي
لو ربنا بيحبك تطلع من تحت ايدة عايش.
وهجم فشة علي عيد وبدأ يضرب في وعيد بيصرخ وفشة بيضرب وحمودي بيقول
بالشفاء. ،،،،،،،،،،
وبعدها بكام يوم ومن جوة الجيم بتاع سمية تقف سمية قصاد شاب ضخم اسمه استروكس. وكانت بتقول بعصبية
ما فيش لعب دلوقتي. الساعه دي بتاعت الستات. لم نفسك يا استروكس وخد عضلاتك وامشي بالذوق
استروكس
ولو ما مشتش يااذوق
سمية
هجيب لها مستعجلة
استروكس
هي دي
سمية
الكفيا.
وهجمت عليه، ،،،،،،،،،
وبالليل وقت ما كان نايم حمودي وبيفتح عينه علشان يشرب يلاقي استروكس ماسكة من هدومة في وسط الشارع وبيقول
ولحمة ابويا وامي ل حشنك علي اخوكي طالما انتي سايفة نفسك
وسمع صوت سمية بتقول
العركة بيني وبينك طلع حمودي منها
استروكس
هو مس اخوكي لازم. اسففة السراب .
هنا حمودي قال
يا ميسرة وطي صوت الشاشة عايزا انام. وابقي فكريني اجيب بتاع الدش يظبط الصوت بدل ما الكلام طالع مشوهه كدة
نزل كف علي ودان حمودي وصوت استروكس ييقول
فوق يات.
فتح حمودي عيونه ولقي نفسه وسط الشارع وقدام منه استروكس صرخ وقال
ياجوج وماجوج. خرجوا
استروكس
عايش هقي
شاف حمودي بوق استروكس فاضي ما فيهوش الا 3 سنون ودرسين ولسان. وبوقه بيجيب دم فقال
انت لسة بوقك علي الطوب الاحمر. لية
استروكس
اختك شمية هي اللي عملت كدة في يوكي.
وهنا يشوف سمية ورجاله استروكس ماسكنها وكانت بتقول
ولو وقعت تحت ايدي هكمل علي اللي فاضل في بوقك
حمودي
لية طيب الاذي دة.
سمية
اتهجم عليه في مكان اكل عيشي
في الوقت دة تيجي زمردة ومعه كام بنت وفي ايد نصهم حلل فيها محشي ورز وملوخية والنص التاني شايل مقشات ومساحات. وبصت ل استروكس وقالت بعصبية
واد يا استروكس هي حصلت تتخانق مع بنتي. اية هبت منك
حمودي
وبيتخانق معايا انا كمان وانا كنت نايم اصلا
استروكس
ابلة شمرطة اطلعي انتي منفيها
زمردة بعصبية
هي مين دي اللي شمرطة دة انت ليلة ابوك سودأ
وبصت ل بناتها وقالت
بنات هجوم
هنا يجي عيد ومعه 20 راجل ووقف في وسط الشارع وقال
مكانك انتي. يبقي عيد اخو حمودي موجود واسيبه يضرب. انا شوفته بيضرب روحت جبت الرجاله دي من الشارع اللي جنب مننا.
حمودي
اصيل يا عيد والله
عيد
بس تخلص الخناقة وابقي حاسبهم انت
حمودي
واطي.
لكن حمودي بص ل استروكس وضربه حته قلم وقال
انت يا كلب ازاي تتجراء. وتتعدي علي اختي. دة انا هنفخك
استروكس خاف من الرجاله اللي مع عيد وقال
هقك عليه يا همودي
حمودي
عم همودي.
وضربه تاني وقال
الله يخرب بيتك انت معدي. خلتني اقول همودي
وضربه تاني وقال ل سمية
اية كفاية كدة
سمية
اسد يا حمودي
لكن حمودي مسك استروكس من هدومة وقال
قول انا مراة
استروكس
انا ميا
وكل في الشارع اختفلو بي وزمردة زغرطدت وبص لها حمودي وبص للحلل وقال
نازله بالحلل مليانه. جاية تتخانقي ولا بتودي عشاء عروسة
زمردة
دة اكل حمضان كنت هستخدمة زي السلاح البيالوجي
حمودي
اية دة زمردة بن لادن،
وفي الوقت دة يحضر فشة لابس عباية جعفر العمدة بص للي بيحصل وقال. لحمودي
حمادة يا فتح الله عامل نوش لية.
حمودي
مش وقتك خالص
وراح فشة لكبير الرجاله اللي جابهم عيد وقال ل عيد
نعيم حاسبت الرجاله
عيد
لا. لسة
وطلع فشة رزمة فلوس واداها لكبير الرجاله وقال
خد رجالتك وامشي
الراجل بص للفلوس وقال لرجالته
يلا بينا
حمودي ل فشة. بصوت واطي
بتمشيهم لية. لسة الخناقة ما خلصتش
فشة
اطلع كدة من وراء الراجل اللي انت مستخبئ في وسمعني بتقول اية.
حمودي ضرب نفسه بالقلم وقال
الله يخرب بيتي الله ياخدني وارتاح منك. انت هتكون سبب جلطتي
فشة
لما تحب تجيب رجاله تحميك. لازم رجاله تكون مربيهم وهما ضغننين. من سن. سنة وانت طالع.
ولف فشة العباية حوالين جسمة جت علي وشة وخد بعضة ومشي. وحمودي عمال يبص له وسمع صوت استروكس بيزوم لف وبص له وبلع ريقة بالعافية واستروكس هجم عليه. ورجالته هجموا علي عيد وصرخوا الاثنين. ،،،،،،،،،،
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
