رواية اربعتاشر 14بت وشايب الفصل السابع بقلم محمد منصور حصريه وجديده على مدونة النجم المتوهج للروايات والمعلومات
 |
رواية اربعتاشر 14بت وشايب الفصل السابع بقلم محمد منصور حصريه وجديده على مدونة النجم المتوهج للروايات والمعلومات
من تاليفي، ،
محمد منصور. * منص *
وقبل ما نبدأ نوحد الله ونصلي علي خير خلق الله سيدنا محمد.
وبسم الله توكلت علي الله وهو رب العرش العظيم
★حمودي لطم وقال
صابرين اتلبست يا زمردة وبقت زي فشة. هو انا قادر علي واحد لما يبقو اتنين
واتجنن هو كمان وقالت زمردة
حمودي
حمودي لعب ودانه وقال
انا مش حمودي انا
وغني ورقص وقال
فرافيرو العترة. عبيط الحتة. والعتبة جزاز والسلم نيلون نيلون. ويل يا ويل
وراح ناحية الشباك وفتحة ووقف علي حرف الشباك وقال
انا جاي
ورمي نفسه من الشباك لكنه وقع جوة الشقة وقال باعلي صوته
اة.
زمردة
هتخرج ازاي من الشباك وهو متركب له حديد
بص لها حمودي. وقال
ما انا عرفت.،،،،،،،،،،،
وبعدها بشوية تيجي ميسرة شقة فشة وكانت واخدة حمودي في حضنها اللي عمال يقول
اليوم خلص سيبنا لبكرة الله يخليك يا عم حزنفل
ميسرة حضنته اوي وقالت
هي وصلت ل حزنفلة
وبصت ل زمردة وقالت
كله منك انتي كان يوم اجرب يوم ما جيتي وطلبتي في ان ابني يكون راجل البيت
زمردة
مش اخوهم ولازم يشيل شيلتهم معايا
ميسرة
مش اخوة حد انا طول عمري واخدة في حضني وبعيد عنكم وعن مشاكلكم. يا شيخة روحي منك لله
زمردة
لا. اخوهم والدم اللي بيجري في عروقهم نفس الدم بيجري في عروقة. ولا انتي عايزا تكدبي الكدبة وتصدقيها. زي ما خليتي ابنك يصدق انه مش اخوهم
بلعت ميسرة ريقها بصعوبه وقالت
هو قال لك
زمردة
قبل ما يحصل اللي حصله كان عايز يتجوز صابرين. وقالها كدة. ودة خلي البت تجنن زي ما هو اتجنن. وخطرف وقال كل اللي انتي قولتي لي. يا ولية عايزا تحرمي اخ من اخواته دول بقو يحبو وهو حبهم وكل دة في كام شهر عرفو فيهم بعض
ميسرة
كان لازم اكذب عليه علشان من ساعة ما بقي وسطيكم ما بقاش معايا وديما معاكم وفوق دة كله شوفي اتكسر ازاي وكان هيموت بسبب مشاكلكم
زمردة
وهي كانت الدنيا هتفضل دايرة مشاكل بس. مسيرها تروق وتبقي احلي واحلي. ولا انتي زعلانه انه مابقاش ليكي ل وحدك
ميسرة
انا ماليش غيرة في الدنيا. هستني اية لغاية ما يجي يوم ويخشوا عليه شايلنة ميت.
في الوقت دة يحط حمودي صباعه في مناخير ميسرة ويقول
واداي اول خرم عرفت اسده. لما اشوف بقي سرسوب الهواء دة جاي منين
بصت له ميسرة وقالت
حمودي بت،،،،،،
قبل ما تكمل كان سد لها الخرم التاني بصباعه وقال
انا لازم اسد الخرمين دول ب امير
قدرت ميسرة تبعد ايد حمودي عنها وقالت
حمودي ما تعملش كدة عيب
حمودي
طيب عايز ارضع
ميسرة
ترضع
حمودي
شاي بلبن
ميسرة بصت ل زمردة
شايفة معرفتكم وصلت ابني ل فين. بقي عايز يرضع شاي بلبن
زمردة
كدبك عليه هو اللي وصله ل كدة لما قولتي له انا مش اخوهم. واهو اتعلق بصابرين وكان جاي يتجوزها اشربي بقي
ولسة هتمشي زمردة. قالت ميسرة
رايحة فين
زمردة
هدخل المطبخ. عندي 1/8 كفته. الدود بدأ يظهر في هخش اعمله علي الفحم
ميسرة
طيب وحمودي
زمردة
عقبال ما اشوي الكفته تكوني فكرتي نعالجة هو وصابرين وفشة عند مين
ميسرة
وهو في غيرة، ،،،،،،،،،
ومن جوة عيادة عيد كان عيد قاعد علي مكتبه وبيعمل قهوة علي سبرتاية نحاس وقت ما خبط باب مكتبه. وقال
ادخل
اتفتح الباب ودخلت زمردة ومعها فشة وحمودي وصابرين ومن وراء منهم تدخل ميسرة. بص لهم عيد باستغراب شديد وقال
انا اول مرة يدخل لي كمية العدد دي
ميسرة
عيد. انت صاحب حمودي من زمان ويعتبر اخوك. وحمودي النهاردة محتاجك اكتر من اي وقت فات
عيد بص ل حمودي اللي ماسك بالونة حمراء. وعمال يلعب بيها وقال
هو حمودي ماله
ميسرة
جت له نفس الحاله اللي جت ل ابوه
قام عيد من وراء مكتبه وراح ناحية حمودي وفضل يبص له وقال
حمودي انت عارف انا مين
حمودي بص ل عيد وقال
عم حزنفل
عيد
حزنفل. دة هو كمان اتلبس.
زمردة
مش هو لوحدة دة حتي صابرين بنتي.
عيد. بص ل صابرين وقال
هي كمان اتلبست
صابرين عوجت بوقها وقال
حبيشة صاحبي.
وضربت عيد وقالت
يا فاجرة
عيد بعد عنها وهو بيهرش مكان القلم اللي خدة وبيقول
دي الافلام عندها داخلة علي المسلسلات انا اول مرة اشوف حاله بالشكل دة
ميسرة
بعني اية يا عيد ملهاش حل
عيد
لازم مية ملحة. ينزلو فيها تعمل عملية رفرش لمخهم يمكن بعدها المخ يرجع لطبيعتة
في ااوقت دة كان فشة بيروح ناحية صابرين وبيقول
هي الحلوة منين
صابرين بنفس العبط
انت مين صلاح اخويا. ولا بسبوسة محروس
فشة
انا المليجي اللي بيروح ويجي
هنا يقف وسطهم حمودي ويبص ل صابرين ويقول
والله عال يا مدام الهانم واقفة بقميص النوم في الشارع ومع مين. دة
وبص ل فشة فقال فشة
انت اية اللي جابك بيتك. ومالك ومال مراتك
حمودي
سؤال متخلف. وقبل ما رد قولي انت اية اللي جابك بيتك ومالك ومال مراتك
فشة
انا جوزها
حمودي
انا كمان جوزها
فشة
قول والله
حمودي
والله
فشة
لا قولها علي بعضها.
حمودي
جو اعدادي الرخيص. والله جوزها
فشة
جوز مين بقي
حمودي. مسك صابرين من شعرها وقال
جوز دي
هنا فشة بص ل صابرين وقال
والله عال يا مدام الهانم. واقفة بقميص النوم في الشارع ومع مين دة
حمودي
انت اية اللي جابك بيتك ومالك ومال مراتك
فشة
سؤال متخلف. وقبل ما رد قولي انت اية اللي جابك بيتك ومالك ومال مراتك
والكلام بدأ يتعاد تاني وعيد واقف بيتفرج ومش فاهم هو في اية وبص ل زمردة وميسرة وقال
هو دة فيلم اية
زمردة
دي مسرحية عش المعاتي
عيد
انا ما بهزرش الوضع كدة خطر جدا لازم نعرف دة فيلم اية ونحاول نخليهم يكملو. لان مخهم كدة وقف عند المشهد دة. زي اللي الباقة بتاعته خلصت في نص الفيديو
زمردة
طيب ما تديهم باسورد الواي فاي بتاعك
عيد
والنبي تسكتي انا الراوتر عندي عامله فلتر.
ميسرة
انا بتفرج علي افلام من وانا في ابتدائي عمري ما شوفت فيلم بيتقال في والله عال ما مدام الهانم. اية مدام الهانم دة
عيد
خلينا نكتب اللي انقال دة علي اليوتيوب واكيد هيجيب لنا الفيلم اللي في المشهد دة
وفعلا جاب عيد اللاب بتاعه وكتب جملة والله عال يا مدام الهانم. وداس بحث. رد عليه اليوتيوب وقال
انت عبيط صح
قفل عيد اللاب بسرعه قبل ما حد يشوف المكتوب فقالت زمردة
رد عليك قال اية
عيد
النت قطع
ميسرة بصت للثلاثة اللي عمالين يعيدو الكلام وقالت
واخرة الوش دة اية
عيد
ما فيش غير مية البحر ورزقنا ورزقكم علي الله. ،،،،،،
ومن جوة موقف السخنة يقف عيد قدام سواق تيوتا وكان بيقول
ايوة هتطلع بينا مخصوص وهتاخد اللي انت عايزة
السواق
1000 ج
عيد
ما انه كتير بس خلصنا
السواق
الكريم اللي زيك ما يحكيش في فلوس
عيد
لا كريم ولا اوبر انت واخد فية شلوط. دة انا حزب المفلسين احباب الله
السواق
كلنا احباب الله. طيب فين يا بية الناس اللي معاك
عيد
دور عربيتك وانا هجيبهم واجي
وفعلا دور السواق عربيته ورجع عيد بيهم وركبوا العربية والسواق لسة هيقول علي بركة الله سمع حمودي بيقول
والله عال يا مدام الهانم. واقفة بقميص النوم في الشارع ومع مين دة
بص السواق وراء منه وقال
مين دي اللي بقميص النوم
عيد
دة احنا فرقة الجامعه للتمثيل وبنعمل بروفة علشان العرض قرب
السواق
تمثيل يعني.
عيد
ايوة تمثيل واي حاجة تحصل وراء ماتركز معانا. واتحرك بقي
ومشي السواق بالعربية والكلام عمال يتعاد زهق السواق وداس فرامل مرة واحدة وبص لحمودي وفشة وصابرين وقال بشخط
ما تبس بقي صدعتوني.
لكنهم ما بصوش لي وفضلو علي نفس الحال وعيد قال
انا مش قولت لك اننا بنعمل بروفة. دة تمثيل
السواق
تمثيل اية دة. دة وش الله يصدع ادمغتهم زي ما دماغي اتصدعت. وكل شوية مدام الهانم مدام الهانم. هو اية اتنين ستات متجوزين بعض. واية اللي جابك عند مراتك. والتاني يقول له. دي مراتي. هي جمعية وكل واحد بيقبضها شهر. حاجة تقرف.
عيد
طيب خليك في حالك بقي واطلع
السواق
اطلع ازاي بس ودماغي اتقلبت الله يقلب دماغهم
وطلع مطواة وقطع الكرسي اللي جنب منه وطلع السفنج اللي في وبدأ يحشر السفنج في ودانه فقال عيد
لية عملت في الكرسي كدة
السواق
علشان ماسمعش صوتهم.
واتحرك السواق وقالت زمردة
انا كمان صدعت
ميسرة وهي رابطة الايشارب حوالين دماغها عاملة زي مفتاح الحياة. قالت
مش اكتر مني
وبعدها بكام كيلو يدخل السواق علي الكمين ورغم انه الكمين لعربيات النقل ومش واقف لعربيات نقل الركاب الا انه دخل الكمين فاستغرب عيد وقال
رايح فين بس
السواق
هسلم نفسي.
ووقف السواق قصاد الظابط والظابط قاله
وقفت ليه ادخل
السواق
يا باشا انا راجل ضد القانون. قتلت مراتي وحماتي وعملت من فخادهم لنشون وكلته اقبض عليه الهي يسترك. انا دماغي باظت يا بية الصداع بياكل في دماغي.
الظابط
وانت علشان مصدع تسلم نفسك ل عشماوي
السواق
عشماوي ارحم يا باشا من الصداع اللي في اخر العربية وراء.
االظابط
صداع اية
السراق
اتنين يا باشا متجوزين واحدة ومستغربين ان جوزها بيروح لها. وكله كوم. ومدام الهانم يا باشا. والله يا باشا العيال دي بتشم كواتش العربيات الشايط. دي دماغ كوتشات
بص الظابط لحمودي وفشة واللي عمالين يقولو واستغرب وزمردة شافت وش الظابط اتقلب فحبت تخدم وقالت
يا باشا ما تصدقش السواق. دي بنتي صابرين
وبصت لفشة وقالت
ودة ابوها
وبصت لحمودي وقالت
ودة اخوها
عيد. ل زمردة
انتي بتقولي اية. دة انا اهبل وما قولتش كدة
السواق وهو بيخبط دماغه في دريسكون العربية قال
هي كمان طلعت متجوزة ابوها واخوها. وهما بيتخانقو عليها
وقال السواق للظابط
دول عالم هندوس يا باشا مجوزين المدام للهانم والبت لابوها واخوها هو احنا فين في كوكب القرود. ورحمة امك لتشنقني دلوقتي مش لازم نستني عشماوي
ومد السواق ايدة وسحب الايشارب من حوالين راس ميسرة ولفة حوالين رقبته وقال
واهو الحبل ياباشا
كل دة بيدور والثلاثة عمالين يعيدو في الكلام والظابط صدع وعمال يقول لهم
بس.
عيد
مش هيسكتو يا باشا.
الظابط
لية ان شاء الله
عيد
الباقة خلصت ولازم مية ملحة
الظابط
انت مين بقي
عيد
عيد دكتور نفساوي
الظابط
نفساوي. طيب انزل انت وكل الشلة اللي معاك دي
عيد
هنروح فين بس
الظابط
القسم نحلل لكم ونشوف انتم بتضربوا اية ليكون في مخدر جديد نزل
عيد
انا بحذرك احنا ولاد ناس عائلات
الظابط بشخطة رجت العربية
انزل
نزل عيد ووراء منه الباقي والظابط عمال يبص ل حمودي وفشة وقال باعلي صوت
يا امين هات سلوتب واقفل لي بوق العيال دي واسحبهم علي القسم،،،،،،،،،،
استنوني باذن الله والحلقة الاخيرة خلصت حلقة النهاردة اللي يارب تكون عجبتكم. سلام
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
