جميع الروايات كامله

اعلان اعلى المواضيع

 رواية ضحية اللحن القاتل الحلقة الرابعه حصريه وجديده علي مدونة النجم المتوهج للروايات والمعلومات

(((((((( 4 )))))))))

رحت لمعتز المستشفي منا لازم اعرف سر كل اللي بيحصل وعرفت ان معتز في غرفة 103 . دخلت غرفة 103 اللي نايم فيها معتز وحالته مش كويسه 

 معاه والده وواضح ان معتز قال لوالده اني جايه

 والد معتز حكالي ان ابنه طلع دور عالي ورمي نفسه ولولا تدخل رحمة ربنا وانه اتخبط وهو نازل في حاجه قللت سرعته قبل اصطدامه بالارض كان مات

معتز طلب من والده يخرج ثواني واول ماخرج والده قالي

-بتسمعي صوت الاغنيه؟؟ شفتي ونيس ولا لسه؟؟

 ارتبكت. هو عرف الدكتور ونيس ازاي 

 داريت ارتباكي ورديت

-ايوه اغنية هيعيش يفتكرني بسمعها وبحس بحاجات غريبه بس انت عرفت دكتور ونيس ازاي وانت هنا يامعتز

-معتز باستغراب. دكتور ؟؟ هو مين اللي دكتور

-الدكتور ونيس المريب ده دكتور نفسي بابا وماما ودوني عنده

 جسم معتز اتشنج والخوف ملا عينيه. 

-ده مش دكتوووور. ونيس ده سبب كل اللي بيحصلنا

-وكأني كنت متوقعه كلامه قولتله عاوزه افهم ارجوك مين ونيس وليه بيظهرلي

-هفهمك من كام شهر قرأت انا وآسر في كتاب سحر ملعون عن طريقة نقدر نبقي اغنيا بيها 

 باختصار الطريقه باننا بندخل قبر حد يكون من اهل النار وعملو وحش ويكون ميت جديد ناخد جثته من القبر ونقول عليها تعويذه وبعدها نخيط شفايفه ونشوه وشه بمية نار نمحي ملامحه بعدها نكتب التعويذه علي وشه

كنت حاسه بجسمي بيقشعر والدنيا بتلف بيا وهو بيحكي لكني اتماسكت. لاني عاوزه افهم 

 كمل معتز كلامه

 رحنا لواحده اسمها شلبيه شغاله في السحر وطلبنا مساعدتها ودلتنا علي جثة ساحر مات بطريقة غامضه لقوه مقتول بطريقة بشعه وغامضه كان كافر وشغال بالسحر الاسود

 قالتلنا الجن قتلوه كده وطول عمره كان شغال في الاذي ده اكيد الجثه اللي هتحتاجوها

 بلع معتز ريقه وكمل كلامه

 نفذنا كل اللي اتقال واخدنا الجثه واحنا بنقول التعويذه شغلنا الاغنيه بصوت عالي عشان تغطي علي صوتنا وبعد اما نفذنا كل حاجه خفنا نرجع المدافن ندفن الجثه دفناها جنب مقلب زباله قلنا الريحه مش هتبان من ريحة الزباله

بعد اما دفنا الجثه ورحنا لشلبيه نقولها عملنا ايه صرخت فينا وقالت لازم نرجع الجثه لقبرها وكان وشها اصفر وبتقول "سيدي اني ابرأ من فعلتهم " 

 رجعنا بسرعه عشان ناخد الجثه ملقيناهاش 

 لقينا الجثه اختفت ومن يومها والكوابيس المفزعه بتطاردنا وبيتطلب مننا ف الآخر ننتحر 

 آسر مات والدور عليا

رديت باندفاع وانا ذنبي ايه ليه بيطلعلي انا

-لما كنا بنعمل التعاويذ كنتي بتكلمي آسر واتس ومعرفش يرد عليكي فشغل تسجيل للاغنيه وبعتهولك 

 الاغنيه ملعونه وحل مشكلتنا عند شلبيه

 بعدها اتحرك معتز بصعوبه ومسك ايدي بقوه

-ابووووس ايدك انجديني ونيس بيطاردني

 حاولت اشيل ايدي من أيده لكنه ماسك بقوه وبتصرفات مخيفه اووووي بدأ يعيط ويقووول هيقتلني

روحي لشلييه وانجديني بيتها ف اخر شارع بيت آسر بيت قديم جداا هتعرفيه لوحدك هي اللي عارفه الحل ارجوووكي وفجأه صرررخ مره واحده ساب ايدي وبص لركن الغرفة

-اهووووه ونييس قاعد هناك. طلعيييني من هنا ارجوووكي

 كنت مرعووووبه واول ماقالي ان ونيس في الاوضه جسمي كله حسيته اتنفض من الخوف 

 وباقصي سرعه هربت من الاوضه

 وصوت صرااخ معتز عاالي جدااا وابوه بيدخل الغرفه بتعته

سبتهم وجريت باقصي سرعه لبيتي

 معقوله اسر وصحبه وصل بيهم الكفر لدرجة انهم يسرقو جثه ويشوهها عشان الفلوس؟؟ ملعووون ابو الفلوووس

 دخلت اوضتي وجسمي كله بيترعش 

 مش عارفه اتصرف أزاي 

 التفكير حرفيا بيقتلني 

 والرعشه مع العياط مش مفارقيني

 فجأه سمعت صوت الاغنيه 

"انا بعد كلامه وافعاله..... ده لأيمكن ابدا هشفعله"

 ظهر من العدم ونيس بس المره دي لوحده

 ومكانش معاه آسر

 لاول مره احس بالخوف ده. ومعاه شفقه علي ونيس اللي مات كافر واتمثل بجثته

قرب ونيس مني

-كده عرفتي كل حاجه. فضولك هيكون سبب في موتك

 قرب مني وحط ايده علي شعري وحركها

 عرفتي عملو فيا بعد موتي اييه؟؟

 الاغنيه صوتها بيعلي

 وونيس ماسك رقبتي بكف ايده

 لو فكرتي تحلي اللعنه هنتقم منك انتي. لازم يموتو كفار ويبقو معايا انتقم منهم علي تشويهي هناك

قرب ونيس اكتر بريحة انفاسه للكزيههه

-لوووعي تفكري تشوفي حل 

 من العدم ظهر آسر مربوط ومتكتف

-سامحيني ارجووكي سامحيني والله ماكنت اقصد ساعديني اطلع من هنا ياحبيبتي انا غلطت بس بتعذب 

 كان آسر بيبكي زي الاطفال ومتكتف بسلاسل كبيره اووووي

 قرب ونيس منه وحضنه جامد بعدها الاتنين اتحولو لناار واختفو

مكانش قدامي اي حلول تانيه غير اني لازم اكون قويه

 لازم اروح لشلبيه واعرف منها نتخلص ازاي من ونيس

 مقدرتش حتي استني لما ابقي كويس

 اخدت نفسي وجريت لبيت شلبيه

 مش حاسه ب اي خوف منها مع انها ست مرييه

علي باب بيتها القديم جدااا خبطت وسمعت صوت من ورا الباب 

-امشي من هنا حالا ياللي برا. لانه مش هيسيبكم وهيقتلكم

-ارجوووكي انا واقعه ف عرضك افتحي

-قولتلك امشي حالا 

-انا جيالك بخصوص ونيس ارجوووكي تفتحي الباب

الباب اتفتح وخرجت منه ست عجوووزه جددااا ونظراتها مخيفه وكأنها عيون شيطان و..........

الحلقه الخامسه من هنا

بداية الروايه من هنا

ادسنس وسط المقال