رواية ضحية اللحن القاتل الحلقة الثالثه حصريه وجديده علي مدونة النجم المتوهج للروايات والمعلومات
 |
ضحك الدكتور بعدها وعينيه اتحولت للون ابيض وبص عليا وقال
-هاتكملي اللي بدأتوه
-احنا مبندأناش حاجه
بص لآسر اللي طيف شبحه مربوط والخيال واحده واحده بيتهز زي مايكون عاوز يختفي ومش عارف
رفع راسه ناحيتي ببطئ شديد
-سامحيني انا اللي جبت ده كله فيه حاجه وحشه اوي عملتها مكنتش اقصد اضرك
آسر بيتكلم وانا حاسه اني في حلم. والراجل الغريب بيحرك ايده علي شعر آسر وبيبتسم
-كنت وقتها بصرررخ باعلي صوتي واقوول
-انت عملت ايييه يا آسر
لكن صوتي مش طالع الحاجه الوحيده اللي يتخرج مني دموعي
آسر كمل كلامه بمنتهي الذل والندم
-فكرت هبقي غني وهنتجوز مفكرتش في ان اللي هعملو غلط
بدأ الشبح اللي معاه يزووم ويبص لآسر وكأن كلام آسر فكرو بحاجه
اسر كمل كلامه بس المره دي بصراااخ شديد
-ده مش بني ادم. ده شيطان اووووعي تصدقي كلامه وتقتلي نفسك عشان تخلصي من كوابيسه
الشبح بدأ يزووم وينزل علي ايديه ورجليه قصاد آسر وبغضب شديد حضن آسر حضن كان بيتكسر معاه صوت ضلوع
اخر كلمه قالها آسر. روووحي لمعتز هو عارف كل حاجه روحو لشلبيه
صوت صررااااخ بعدها وبدأ جسمهم يتحول لنار هما الاتنين وصوت صراخ آسر من شدة الالم لحد اما دخلو جوا حيطه واختفو تماما
صوت الاغنيه اختفي خالص جسمي بدأ يتفك ويرجع لطبيعته واول حاجه عملتها صرخت باعلي صوتي
-امي وبايا دخلو مخصوضين
--مالك يابنتي ايه حصل
-آسر كان هنا ياماما انا شفته ااااه والله شفته بعد اما قولتلها كده استجمعت قوتي بسرعه
بدأت اوصل لخيوط انا كده اتاكدت ان موت آسر وراه سر ولازم اكشفه
لحقت نفسي وقلت لماما شفته في كابوس ياماما كان كابوس
امي هدتني وخرجت ومعاها بابا.
بدأت اقلب في تليفوني بدور علي رقم معتز
لحد اما لقيته واتصلت
-الو معتز معايا؟؟
-لا يابنتي انا والد معتز انتي مين
-زميلته في الجامعه وكنت محتاجه اكلمه لو سمحت
رد والد معتز كان الصدمه الثانيه وهو بيقولي
-ادعيله يابنتي رمي نفسه من الدور الخامس بس ربنا سترها ولحقناه في المستشفي
شريط وفاة آسر دار كله قدامي وانا بكلمه آسر مات منتحر وكده معتز زيه
سرحت في تفكيري وفوقت علي صوت والد معتز وهو ييقول
-الو. الو. الشبكه فصلت ولا رحتي فين
الليله دي عدت عليا صعبه عليا جدا حرفيا مجاليش نوم نهائي خايفه لو نمت يحصل حاجه وكل حركه حواليا بحس ان الدكتور جه
الساعه خمسه تليفوني رن بصيت لقيت رقم معتز هو والده ليه بيرن الساعه خمسه الفجر رديت ومكانش والد معتز ده كان معتز نفسه
بيتكلم بصوت واطي جدا بيتكلم
-الوو ايوه يا دنيا سامحينا يادنيا
-اهدي بس يا استاذ معتز انا بيحصلي حاجات غريبه ارجوك فهمني
-بصي. انا وخطيبك آسر عملنا حاجه وحشه اوي ربنا يسامحنا عليها وانتي دخلتي بدون قصد معانا
-قصدك الاغنيه يعني ولا ايه انا مش فاهمه حاجه
-لا الأغنية اللي بتسمعيها دي مش أغنيه عاديه دي مرتبطه بحاجات من عالم تاني بصي انا مش قادر اتكلم اول مايطلع النهار تعاليلي وهفهمك كل حاجه
فضلت مستنيه الساعات القليله تعدي عشان افهم من معتز ليه بيحصل كل ده الوقت عدي عليا ببطئ شديد
والساعه 8 صباحا نزلت من غير ما حد يحس وجريت بسرعه علي المستشفي اللي فيها معتز
سألت هو محجوز في انهي دور وانا حاسه من اول ماخرجت ان فيه حاجه ماشيه ورايا. حاسه كأن حد بيراقبني
عرفت من طاقم التمريض غرفة معتز غرفة رقم 103 ورحتلها و....
