ضحية_اللحن_القاتل الفصل الاول حصريه وجديده علي مدونة النجم المتوهج للروايات والمعلومات
 |
(((((((((((((( 1 )))))))))))))
حاجه صعبه اوووي ان بعد سنين حب وتعلق واحلام اترسمت كل حاجه تنتهي ببساطه بكلمة موت. يمكن الفراق بخيانه او بنداله اهون بكتيير من فراق الموت والاصعب انه حتي بعد موته تحسه حواليك
معلهش سرحت ونسيت أعرفكم بنفسي انا دنيا عمري 29 سنه علي قدر عالي جدا من الجمال ومش ببالغ خريجة كلية تجاره اللي عرفت فيها آسر الانسان الوحيد اللي شدني وملك كل احاسيسي من اول لحظة وفضلت معاه وعشت قصة حب اشبه بالافلام لحد اما قرر يكمل قصة حبنا واتخطبنا وبعد كتب الكتاب بيوم واحد صحيت علي تليفون بيقولولي شدي حيلك. حلم حياتي خلاص راح وبيقولولي شدي حيلك طب ازاي
قالولي ان جوزي آسر انتحر. رمي نفسه من الدور العاشر وكانت اخر حاجه عملها ف حياته رساله صوتيه للواتس بتاعي بيقول فيها سامحيني يادنيا انا عملت كده عشان احميكي
طب يحميني ازاي ده دمرني حرام عليك يا أسر انت وقفت حياتي مش حميتني. عموما انا مش جايه اشكيلكم النهارده عدي علي موت آسر تلات شهور بقيت بشوف حاجات غريبه في اوضتي بحس بحاجات حواليا. ناس بتنده عليا من الشباك كوابيس غريبه مبقيتش تقريبا بنام ولا بقدر اخرج من اوضتي لو خرجت دقايق بس بحس بنفسي اتخنقت وحاجه بتشدني لجوا والحلم المرعب لآسر وهو بيتعذب وناس شكلهم مخيفهم بتشوي لحمه وهو حي كان اكتر كابوس مرعب
بابا وماما النهارده قروو يودوني لدكتور نفسي بعد اما شكيتلهم كذا مره من الكوابيس المرعبه والرعب اللي بيحصلي ده
الدكتور ونيس اشطر دكتور نفسي رجع من امريكا من شهر بس وبيقولو اغلب الحالات اللي راحتله في الوقت القصير ده خفو من جلسه او اتنين بالكتير
-وحياتي عندك ياماما انا مش محتاجه دكتور نفسي سيبوني وهبقي كويسه
-المريض مبيحسش بنفسه يابنتي وانتي موت آسر كسرك مش شايفه بقيتي عامله ازاي ودموعك اللي علطول بتنزل يابنتي متوجعيش قلبي عليكي اكتر من كده ياحبيبتي وريحينا
-حاضر ياماما
ركبنا ورحنا لعياده فخمه جدااا مش مناسبه خالص لسعر الكشف الزهيد بتاعو ومن اول ما دخلنا مدخل العياده وانا قلبي مقبوض ورغم فخامة العياده الا ان اللون الغالب عليها اللون الاسود واغلبه رخام
قلبي مقبوض اووووووي نفسي اجررري واهرب مش عارفه ليه
فجأه وانا باصه للرخام الأسود ظهرلي خياااال آسر بيصررررخ
امشي يادنيا ايييييه جابك هنا. اهررربي من هنا
من المفاجئه صرخت
امي : ماالك يابنتي
-مشيني من هنا ياماما آسر قالي امشي
-آسر مات يابنتي قالتها امي بصوت مخنوق
بدأت اصرخ واحاول بكل الطرق اقنعهم اني امشي لكن كله رفض وبقيت مغلوبه علي امري
اقتنعت من رد فعلهم ان اكيد العيب فيا
مكانش فيه في العياده غيرنا والممرض راجل كبير في السن استقبلنا بترحااااب شديد لدرجة اننا استغربنا
وقبل مانقعد كان بيقولنا اتفضلووو دوركم جه
حاسه قبل دخول غرفة الكشف بخوووف شديد سامعه صوت آسر في ودني بيحاول يمنعني
الدكتور رغم انه شاب ووسيم اول ماشفته اتاكدت ان خوفي في محله. نظرته مخيفه جدااا عينيه مليانه خبث ابتسامته صفرا مليانه خبث وبعد اما بابا شرحله اللي فيا قال لبابا
-طيب بعد اذنك خد مراتك واخرجو وسيبوني معاها خمس دقايق
-طب خلينا معاها يادكتور
اتدخل الممرض العجوز ومسك بابا وماما من ايديهم وجرهم باسلوب مريب للخارج
الدكتور : نامي هنا يا انسه عالشازلونج
نمت وبعدها قالي غمضي عينيكي غمضتها
شغل اغنيه هاديه كنت بحب اسمعها اوي انا وآسر رغم انها حزينه
بدأت كلمات الاغنيه
" هيعيش يفتكرني وكل ما يقابل في بعدي هايفتكرني يتمني بس انه يقابلني"
رغم انها اغنيه بتثير شجني وتدغدغ عواطفي الا ان المره دي من اول ماسمعت لحنها حسيت بقشعريره ف جسمي وجفن عيني بيرتخي كأني بتبنج والدكتور واقف وبيبصلي نظرات غريبه وهو مبتسم
-تقريبا انا اخدت منوم ولا ايه وقف الاغنيه دي لو سمحت
-اخيرا جيتي بقالي شهر مستنيكي اتاخرتي عليا اوووي مكانش ينفع اجيلك بيتكم متحصن قلت اجيبك هنا
كلامه خلي شعري وقف مع نظرته االمخيفه وابتسامته الغريبه حاولت اصرخ مقدرتش جسمي بيتخدر اكتر وكل اما صوت الاغنيه يرن ف وداني اتخدر اكتر
حاولت ابص بعيد عن عينه بصيت ناحية الحائط الرخامي لقيت خيال أسر حاطط ايده علي بوئه وواقف بيبص عليا ودموووعه نازله ورا بعض
حسيت وقتها بس اني ف خطر حقيقي فيه شئ غامض في المكان ده و.....
