رواية ضحية اللحن القاتل الحلقة الخامسة حصريه وجديده علي مدونة النجم المتوهج للروايات والمعلومات
 |
فتحت شلبية الباب ببطئ شديد
ست عجوزه كركوبه ملامحها مجعده ووشها مكرمش طاعنه في السن عيونها مش قادره تخبي الخبث اللي جواها ورغم سنها الكبير بتتحرك بحيويه وكأنها بنت عشرين عام
بصتلي وقالتلي
-متجيبيش سيرته خالص هنا وامشي من هنا
مسكت الباب بايدي قبل ماتقفله
-انا مش همشي من هنا غير لما اعرف منك اتخلص من ونيس ازاي
وشها اتقلب وبصوت غليظ قالتلي
-قولتلك متقوليش اسمه وسيبي الباب
مسكت الباب بايدي بقوه وبجراءه مكانتش عندي قبل كده قولتلها
-ياشلبيه انا كده كده هموت ومش باقيه علي حاجه وغصب عنك هاتفهميني اتخلص منه ازاي
بقوه مكنتش اتوقعها تطلع من جسدها الهزيل مسكت شلبيه ايدي وزقتها جاامد وقفلت الباب في وشي وهي بتقوول
-غووووري من هنا بدل ماهئذيكي
حسيت بخنقه شديده. منا مش هستسلم ولازم اعرف كل حاجه فجأه جت ف دماغي فكره هنفذها وزي ماتيجي
بدأت اصرخ بصوت عالي وانا بقول
-عرفت نقطة ضعفك ياشلبيه. مش عاوزه حد يقول اسمه
ياااونيييييس. ياونيييييس. انت ملعووون ياونيس وشلبيه اللي لعنتك هناااااا
فيه ناس بدأت تبص باستغراب من الشبابيك بس برضه كملت
تعااالي ياونيس. اطلع من الزبالة وتعالي هنااا
ف لحظة الباب اتفتح ولقيت ايد شلبيه بتسحبني لجوا والايد التانيه كتمت بيها صووتي
وبصوت مرعوش كانت شلبيه بتقولي
-انتي بتعملي اييييه هاتقتلينا كلنا
كنت بحاول برضه اصرخ باسم ونيس
-خلاااص اهدي هقولك اللي عوزاااه
وقتها بس لما شلبيه قالتلي كده سكت خالص
شالت ايدها وسابتني وهي بتتنفس بصعوبه شلييه من الخوف مش قادره تاخد نفسها بصيتلها وقولتلها
-اتخلص منه ازاي ياشلبيه ومسمعش الاغنيه تاني أزاي
شلبيه : الموضوع صعب عليكي روح ملعونه واستدعوها شايين
-انا هعمل اي حاجه قولي ياشلبيه اعمل إيه
-ونيس جثته لسه مدفونه تحت الزباله لازم تتدفن
-وانا مستعده ادفنها ياشلبيه اوصفيلي مكان قبره
ضحكت شلبيه بصوت واطي وهي بتبص حواليها
-مش بقولك الموضوع مش سهل؟؟ لازم تجيبي جثته اللي بدأت تتحلل خلاص يعني هايغمي عليكي من ريحتها وتحطيها ف نفس المكان اللي اتقرت فيه التعويذه وتقرأي التعويذه المضاده وتمسحي اللعنه المكتوبه علي وشه بلسانك بعدها تدفنيه ف قبره وتولعي في جثته
راسي لفت. مستحيل هعمل كل ده
ده انا لو شفت فرخه مدبوحه بخاف وقلبي بيوجعني
بدأ يصيبني الخوف كده المهمه بقت مستحيله
كده هالحق آسر هموت والحقه وابقي تحت امرة ونيس وعذابه
حسيت قلبي بيدق جامد
معقوله بعد كل ده هستسلم؟؟
سبت منزل شلبيه وانا حتي مش قادره انطق حرف
خلاص كده نهايتي قربت روحت بيتي ودخلت اوضتي وانا حاسه بتعب نفسي فظييع
هموت ابشع موته. طول عمري بدعي ربنا بحسن الخاتمة ليه يا اسر تعمل فيا كده. ده انا حبيتك بجد
فردت جسمي علي السرير وبدأ جسمي ينمل
واللحن بدأت اسمعه
"هيعيش يفتكرني وكل مايقابل في بعدي هيفتكرني.. يتمني بس انه يقابلني"
عاوزه اقوووم
ونيس هيظهر دلوقتي
ساحر ملعون هيبقي معايا ف اوضتي
لكني فقدت التحكم في جسمي
ظهر من العدم ونيس وهو جارر آسر من رقبته
كل مابشوف آسر بالمنظر ده بحس اني هموووت من الخنقه آسر الانسان الوحيد اللي حبيته عمري ما جه ف بالي اني ممكن اشوفه بالمنظر ده
قرب مني ونيس وهو مبتسم
-عرفتي كل حاجه خلاص؟؟؟
دورك بعد معتز وهتبقو كلكم معايا
ضحكة مرعبه ضحكها ونيس وكأنه حاسس اني بتعذب لما بشوف آسر كده وعاوز يعذبني اكتر
مسك كرباج نار وبدأ يضرب في آسر وسط انين ضعيف من آسر اللي بيبصلي ويبكي ف حسره
وبصوت واطي جدا سمعت آسر بيقول
-شلبيه ساحره خدي كلامها عكس
قربك لربنا هو اللي هينجيكي
وصوت اضعف بيقول
-شلبيه دمرت حياتي لما سمعت كلامها
ونيس وشه بان عليه الغضب جدااا
وبسرعه قبل مايكمل آسر كلامه جري ونيس وحضنه واتحولو لنار واختفو وبعدها وقفت الاغنيه
قمت من مكاني بسرعه وقدرت ارجع للتحكم بجسمي
وقفت بسرعه وانا بفكر بصوت عالي
-شلبيه السبب في كل ده
اعمل كلامها عكس
طب اززززااااااي
وبدأت اصرخ
قووووول يا آسر اتخلص من اللعنه ازااااااي
ااااااااه مش عازه اموت بالطربقه دي انا معملتش حاجه وحشه ياارب عشان تغضب عليا كده ساااعدني يا الله
فجأه سمعت صوت قرآن وكأنه رساله ليا مشغلو جارنا اللي فوق
صوت آية اخترقت ودني ووصلت لقلبي
- قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
ياااااه حسيت قلبي اتشرح
حسيت ان حتي لو دي نهايتي مش هيأس من رحمة ربنا
انا تقريبا فهمت هعمل اييه
نزلت بسرعه علي مكان مقلب الزباله اللي اتدفن فيه ونيس و.........
