رواية ضحية_اللحن_القاتل الحلقة السادسه والاخيره حصريه وجديده علي مدونة النجم المتوهج للروايات والمعلومات
 |
فتحت باب الشقه من غير ماحد يحس قبل اما امشي اتسحبت علي اوضة بابا وماما
دموعي مكانتش موقفه وكل اللي بيدور ف دماغي ياتري هشوفهم تاني ولا لا
ياتري ايه مستنيني
ياتري لما هروح لجثة ونيس بنفسي هاموت ازاي وبابا وماما اللي ملهمش غيري هيحصلهم ايه بعدي
دموعي نازله بتحرق في خدودي من حرارتها والم فظيع ساكن بين ضلوعي
وقبل ما ارجع في قراري اتحركت بسرعه لباب الشقه وخرجت متجهة لمكان مقلب الزباله اللي اتدفن فيه ونيس
مقلب الزباله من علي بعد ريحته فظيعه
رغم كده بدأت افتكر ان الليلادي ليله مصيريه
هتحمل اي حاجه مش هستني اموت زي حيوان اليف مستسلمه
بدأ اللحن يرن في وداني لكنه متلخبط
قلبي اتقبض كده ونيس هيظهرلي في المكان اللي اتدفن فيه
قلبي بدأ يدق بسرعه وبذأت حرفيا استسلم داخليا لنهايتي
اشهد ان لا اله الا الله واشهد ان سيدنا محمد عبده ورسوله
اللحن بدأ يختفي ويرجع وانا بنطق الشهادتين بصوره متتاليه ورا بعض واللحن بيروح وييجي لحد اما اختفي
بصيت حواليا ولساني مش متوقف عن ذكر الله
اصوات صراخ حوااليا
امشيييييي. هانقتلك. صراخ فظيع من كل مكان وحركات مخيفه حواليا خلتني كنت قربت اجري واهرب من مكاني
لكن لقيت نفسي بصرخ باعلي صووت
لاا اله الا الله. اللهم احفظني بحفظك
الاصوات بتزيد وتتوتر
اضاءة مقلب الزباله بتطفي لوحدها وترجع
وصوتي بيعلي وانا متجهه لمكان جنب المقلب مرمي جنبه اداة حفر اكدتلي ان ونيس اندفن في المكان ده
والحركات بتزيد
جريت باقصي سرعه ناحية اداة الحفر مسكتها وف مكان واضح انه اتحفر من مسافه مش بعيده والتراب مش مستوي بدأت اصرررخ
ياااارب احميييني ارحمني برحمتك واحميني من اي شر
صوت غليظ جدا بيصرررخ
اااااااااه عوودي لمنزلك
حسيت بحاجه مسكت هدومي وانا بحفر
قلبي اترعش ولكن بقوه عجيبه مبصيتش حتي ورايا وكملت حفر ولساني مش متوقف عن ذكر الله
ثواني والحاجه اللي مسكتني سابتني وظهر قدامي ابشع شئ ممكن اشوفه ف حياتي
جثة ونيس
جثه مشوهه تماما منفوخه وطالع منها ريحه تقتل
سبحان من قواني وخلاني رميت عليها ملايه كبيره كنت جيباها معايا ومغرقاها معطرات معملتش اي تأثير علي الريحه
حسيت راسي بتلف والريحه النافذه ماليه مناخيري وحاسه هيغمي عليا
حتي لو هموت مش مهم المهم اعمل اللي حساه صح يمكن اقدر انهي اللعنه
الجثه رغم انها منفوخه لكني حسيتها خفيفه حركتها وحطيتها علي خشبه قريبه مني وبدأت اجرها لحد اما وصلت لعربيتي
ومعرفش ازاي قدرت اجيب القوه وارفعها لشنظة العربيه واقفل الشنطه
صوت صراخ زاد بيقووول ملعووووونه نهايتك قربت
فوق عربيتي لقيت كائن مخيف واقف فوق العرييه منظره مرعب وكأنه مستني اتوقف للحظة عن ذكر الله عشان يهجم عليا
بصلي نظره مرعبه وبهدوووء شديد وصوت واضح قالي
-رجعي الجثه مكانها
قلبي بيدق بسرعه رهيبه وتدفق الدم ف جسمي زاد وبدأت اترعش معرفش الوقت ده عدي عليا ازاي. كنت بحاول اهرب بس حاسه لو هربت هيقتلني من ضهري اول ماهفكر اجري
مكانش قدامي غير ربنا الجأله بصيت للكائن ولقيت نفسي بقوول
اعوووذ بك من كل شيطان مارد
بدأ يرجع لورا ويزأر وانا اكررر
اعووذ بك من كل شيطان مارد
اختفي فجأه وركبت عربيتي وباقصي سرعه اتحركت من عند مقلب الزباله
-ياااارب انا عارفه ان نهايتي خلاص وبحاول اعمل حاجه ترضيك قويني يارب لحد اما اكمل
مشيت بعربيتي لحد قبر ونيس
القبر اللي اتسرقت منه جثته
نزلت من عرييتي
الخوف مخليني برتعش
شميت نفس هواء نضيف وبعدها مديت ايدي للكرسي اللي جنبي طلعت كفن جديد
رجعت لصندوق عربيتي وفتحت
بحركة بطيئه جدا من كتر الرعشه نزلت جثة ونيس
حطيت الجثه قدامي واللحن ظهر وبدأ صوته يعلي
شبح ونيس بقا قدامي وانا بنزل جثته من الصندوق
وبكرباج من نار بدأ يجلد آسر بقوه وإسر يصرخ
وشبح ونيس يقول رجعي الجثه مكانها
تجاهلت الوجع اللي جوايا وقربت من الجثه وسط ريحه جسد ييحللل وشبح قدامي ممكن يفتك بيا ف اي لحظة لفيت الجثه بالكفن الجديد وصوت صراخ آسر بيعلي وصوت شبح ونيس وصراخه وهو بيقول رجعي الجثه مكانها بيعلي وانا بصرخ وانا واقفه قدام الجثه
-ياااارب. ونيس عبد من عباادك. ياااارب ارحمه وتجاوز عنه
الصراخ بيزيد وخيالات حواليا ظهرت كلها بتحاول تمسكني بس مش عارفين
اتاكدت ان فيه لحظة هيفتكو بيا ويقتلوني بس قبل ماتيجي اللحظه هعمل اللي شيفاه صح كملت بصوت عالي
انت ارحم الراحمين ارحم عبد من عبادك وتجاوز عنه
رغم ان الصراخ بيزيد وحواليا ف كل مكان اكتر حاجات مخيفه مكنتش اتخيل في يوم من الايام اني ممكن اشوفها جريت ونيس لباب قبره اللي كان لسه مفتوح
ودخلت قبره بجثته عدلتها ناحية القبله
ايوه دفنت ونيس دفنه تليق بانسان ويحصل اللي يحصل
جوا القبر ونيس وآسر وخيالات تانيه كتيره كلهم متاكذه انهم هيقتلوني بمجرد ما لساني ينسي ذكر الله لحظه او يلاقو فرصه
وسط الصراخ اللي زاد خرجت من القبر وانا حاسه اني بفقد وعيي من شدة الريحه
قدام القبر راسي لفت وانا شايفه شبح ونيس وآسر اتفك وبيهجم علي ونيس هو وخيالات كتيره شفت قبل ما افقد وعيي آسر وهو بيمسك ونيس وبيربطه بالسلسله وونيس بيتحول لنار وبيصرخ
شويه بشويه بدأت افقد الرؤيه والوعي تماما
شفت بعدها آسر بس بهيئته الطبيعيه ماعدا وشه لونه اسود
-اسر انا خلاص مت يا آسر صح؟؟
-مش عارف بس كل اللي عاوزك تعرفيه انك نهيتي اللعنه
انا ومعتز اتضحك علينا ونيس اللي كنتي بتشوفيه معايا ده شيطان بيظهر علي شكل ونيس بس لكنه مش روح ونيس
الساحره ضحكت علينا وقالت ان ونيس ساحر شرير كافر مكناش نعرف انها بتخطط للعنه تخدمها وخلتنا مثلنا بجثة انسان طيب انسان تقي مكانش يعرف في حياته الا الخير
انا طمعي عماني ونهي حياتي ومغضوب عليا عند ربنا ادعيلي بالرحمه وان ربنا يتجاوز عني
بجانب آسر ظهر واحد قرب مني وحط ايده علي راسي
-انا ونيس شكرا انتي نجدتي جثة ملهوف وشكرا انك ابطلتي السحر اللي كان معمول علي جثتتي
قرب ونيس مني وباس علي راسي ومسك ايد آسر في ايده ومشيو وهما باصين ناحيتي وانا بتكلم بصوت مخنووق
-حد يعرفني طيب انا كده مت ولا لسه ارجووكم حد يعرفني ولو مت ماما وبابا حصلهم ايه من بعدي ساعدوووهم ينسوني وميتعبوش عشان خاطري زي ماساعدتكم
اخر كلمه قالهالي آسر وهو باصص ناحيتي
لسه ميعادك. مع السلامه يا اطيب انسانه سامحيني
فتحت عيني لقيت نفسي في مستشفي وجنبي امي بتبكي بحرقه
فرحه غريبه جوايا خلتني حضنتها وانا بابكي وبقولها وحشتيييني يا امي
دموع الفرحه كانت بنفس القوه بيني وبين امي وبابا اللي دخل من برا وحضني بقوه
-حمد الله عالسلامه يابنتي
اما في اخر شارع آسر كانت الشرطه منتشره في كل مكان ومعاهم قوه من المطافي بيحاولو يلحقو الحريقه الكبيره اللي حرقت منزل الساحره بالكامل وفي عربية اسعاف كان احد المسعفين باصص لجثة جابوها من داخل المنزل بيبص لزميله وبيقول
-اعووووذ بالله صاحبة البيت ده بص محروقه وبوئها مفتوح وعينيها ملمستهاش النار مع انها اتفحمت
زميله رد وقاله : كانت ماشيه بالسحر تلاقي الجن حرقووها
في الطريق من المستشفي لبيتي كنت راكبه مع بابا وماما ميكروباص وعمال بفكر في اللي حصل وآسر وحشني جداااا وعلي قد وجعي من فراقه حاسه بفرحه انه اتخلص من اللعنه فجأه سمعت اللحن بدأ يشتغل
"هيعيش يفتكرني وكل مايقابل في بعدي هيفتكرني,,, يتمني بس انه يقابلني"
اتنفضت من مكاني وجسمي ارتعد
وبصيت ناحية الصوت لقيت شاب مخلي الاغنيه رنه لتليفونه بصيت لماما وضحكت بهستيريه. خلاص كده يبقي اللحن الملعون انتهي
انتهت يهمني رأيكم بالتعليقات وانتظرو القصه الجديده
"إن كُنت تعتقد بأن الخيال مُخيف فتيقن بأن متابعتك“ “كافية لإقناعك بأن الواقع مُفزع وأكثر إخافةًّ من الخيال"
تعليقات
إرسال تعليق