 |
البارت الثالث والرابع
خادمتى البريئة
كريم استقيظ واستغرب لما نفسه فى غرفة رغد وحاضن المخدة بس بعدين افتكر اللى حصل امبارح وقعد يكلم نفسه ويقول
كريم : نفسى اعرف ايه اللى بيحصل معايا ،بقيت علطول بفكر فى رغد حتى امبارح تخيلت رغد بدال سمر ، أنا عقلى وجعنى ومش عارف مالى ،انتى شقلبتى حياتى كلها يا رغد فى اليومين دول
عقله : مينفعش تفكر كده يا كريم انت غلطان علشان انت واحد متجوز ومينفعش تفكر التفكير ده ابدا
قلبه: عارف بس هو غصب عنى والله ،حاسس أن ده غير ارادى وانى عايز اشوفها علطول
عقله : بس ده مش من حقك علشان ده حرام وافتكر دائما انك متجوز
قلبه: بس هى حلوة الصراحة وليك حق تفكر فيها كده 🥰 وكمان طيبة
عقله: كده غلط غلط غلط ، طب وايه ذنب سمر دى كمان استحملتك كتير فمينفعش تعمل فيها كده
كريم: بس بس انت وهو ، أنا هشيل الأفكار دى من دماغى وكمان سمر متستحقش كده وقام لبس وراح شغله
استيقظت رغد وقضت صلاتها وفطرت وبعدين راحت للشغل كالعادة
فى المكتب
سمر بتشتغل عادى وفجأة جالها مكالمة
سمر- الو قولى عملت ايه فى اللى قولتلك عليه
المجهول-كل تمام يا هانم ، هبعتلك المعلومات دلوقتي ومتنسيش الحلاوة بتاعتى
سمر -طبعا طبعا ودى حاجة تتنسى المهم تبعت المعلومات فى اقرب وقت
المجهول- تمام يا هانم سلام
سمر- قفلت المكالمة وبعدين قالت والله لوريكى يا رغد ،بقى انتى يا خدامة جاية وحاطة عينيك على زوجى بس مستحيل تضيعى اللى عملته من زمان وبعدين قعدت تضحك 😂😂
(يا ترى هتعملى ايه فى رغد،بجد مسكينة رغد 🥺)
رغد راحت الڤلة وبتشتغل عادى لحد لما لاقت واحدة كبيرة فى السن داخلة عليها
الست الكبيرة(سامية) - انتى يا بنتى بتعملى ايه هنا ؟
رغد" انا الخدامه الجديده اللي جابها كريم بيه
الست الكبيرة - ماشي روحي اعملي لي اى حاجه شربها علشان الجو بره حر قوي
رغد" امرك امرك يا هاني
راحت رغد وجبت لها لمون
الست الكبيره- بقالك قد ايه بتشتغلي هنا يا بنتى ؟
رغد" بيشتغل بقالي اسبوع، بس مين حضرتك
الست الكبيرة -انا بقى اكون ام كريم بيه
رغد "تشرفت يا هانم بمعرفتك، معلش معرفتكيش
سامية - ولا يهمك يا حبيبتي قوليلي بقى انتى مين واسمك ايه
رغد" انا اسمي رغد حسن الطيب
الست الكبيرة- ماشى يا حبيبتي انا راحة انام ولما كريم بيه ييجى اندهى عليا
رغد" حاضر ، تحت امرك يا هانم
رغد وهى بتشتغل حست انها دايخة علشان مكلتش كويس وكمان منامتش كويس فاغمى عليها
كريم وسمر دخلوا البيت وكريم لما شاف رغد واقعة على الأرض كده جرى عليها وشالها ودخلها اوضته وحاول يفوقها وطلب من سمر تجيب مياه
كريم: روحى يا سمر هاتى ماية من تحت
سمر مبلمة ومستغربة انه بيطلب يجيب لها ماية علشان مين علشان الخدامة😡
كريم: يلا يا سمر روحى
سمر راحت تجيب الماية
كريم حاضن رغد وعمال يفوق فيها ويقول
كريم :رغد فوقى يا حبيبتي مالك فيكى ايه وخاسس ان قلبه هيوجعه
سمر رجعت وشافت اللى حصل بس متكلمتش وادتله الميه
كريم رش شوية على وش رغد وبعدين فاقت
رغد بدوخة أنا فين وايه اللى حصل
كريم حمد لله على سلامتك ،انتى فى اوضتى فى الڤلة ،انتى شاكلك تعبانه ،طب ليه جيتى
رغد "الفقر يا بيه مينفعش اسيب الشغل وانا لسه شغالة بقالى اسبوع بس وخفت تطرودونى
كريم زعل على حالها و وعد نفسه أنه هيحافظ عليها
وعدى اسبوع كمان على شغل رغد عند كريم من غير اى أحداث تذكر بس كريم اتعلق بيها اوى وكمان ام كريم حبتها أوى وبيساعدوها وكمان رغد حبيتهم بس سمر كل يوم بتكره رغد عن الاول
فى يوم مليق بالاحداث 🔥
رغد فى الشغل وفجأة دخل كريم وسمر ومعاهم كام واحد وبيتكلموا فى الشغل
سمر - بت يا رغد روحى حضرى الاكل للضيوف علشان فى صفقة عمل مهمة هنا ويا ريت فى السريع
رغد" امرك يا هانم
الشاب ١ _Wow , that is a beautiful girl,she is so sexsy (واو انها بنت جميلة ومثيرة جدا)
الشاب الثانى ٢ you are right , (معك حق )
كريم سامع ده كله وعمال يضغط على أيده وعايز يقوم يضربهم ويكسر سنانهم وكان قايم يعمل كده لولا أن سمر مسكته من أيده
رغد حضرت الاكل وجابته ليهم على السفرة وكريم لاحظ نظرات العملاء لرغد فاتعصب وخد رغد على المطبخ
رغد" ايدى يا بيه انا عملت ايه لكل ده
كريم كان ماسك ايديها جامد لدرجة أن صوابعه علمت فى ايديها وبعدين ساب ايديها ومسك وشها
كريم: يعنى مش عارفه عملتى ايه وايه اللى انت لابساه ده ، مش لازم انك تتشيكى اوى كده انتى قمر من غير حاجة وايه اللى حطاه على شفايفك ده وبعدين بص فى عينيها و تاه فيه وفضلوا فترة باصين لبعض وكريم كان مغيب عن الواقع تماما وفجأة 🤭😊 قام بايسها بعمق اوى وكان شغوف كده ورغد كانت مستغربة من تصرفه وحاولت تبعده عنها بس كان بيتعمق فى القبلة اوى وبعدين بعد عنها لما حس ان نفسها راح وبعدين قال
كريم: كده احلى والروج اتمسح ويا ريت متطلعيش بره تانى غير لما يمشوا ولا هعاقبك 🤭😉 وخرج وهو مبتسم اوووى
رغد واقفة مستغربة وقلبها عمال يدق جامد من اللى حصل وليه هو عمل كده وازاى محاولتش تضربه
قلبها "علشان بتحبيه ونفسك يكون ليكى
عقلها -لا طبعا مستحيل أحبه وكمان ده متزوج
قلبها "وايه يعنى بس برده بتحبيه وهو حلو ومز 😉
عقلها- كده غلط يا رغد وحرام ،انتى مش خايفة من ربنا ولا ايه ، عشان كده ابعدى عنه
قلبها "بس انتى غصب عنك علشان بتحبيه
عقلها -بس حرام أنها تقرب منه
وفى الاخر قررت تتجاهل كريم نهائى
باليل
كريم كان مبسوط اوى من نفسه وأنه باس رغد ونام وهو فرحان بس سمر كانت مستغربه ده لأنها فكرته لما راح المطبخ انه هيزعق لرغد بس بالعكس رجع مبسوط اوى ومن كتر التفكير نامت
فى الصباح (يوم الجمعة)
الأم -رغد اصحى يلا علشان الشغل
رغد "بنوم حاضر يا ماما وقامت صلت
على السفرة
الأم- عايزة اكلمك فى موضوع
رغد" موضوع ايه قلقتينى ،عايزة فلوس ولا حاجة؟
الأم- لأ يا روحى لكن الموضوع ان فى واحد متقدملك وانا بصراحة شايفاه كويس اهم حاجة موافقتك انتى ولو رافضة خلاص نقوله لأ
رغد قلبها وقف وعماله تكلم نفسها
رغد" ازاى هتجوز واحد وانا بحب واحد تانى ،بس أنا لازم ابعد عن كريم وانساه وكمان هو ليه حياته الخاصة ومراته
رغد" ماشى يا ماما موافقة
الأم- مش لما تعرفى مين الاول ،مش ممكن ترفضى
رغد -مش فارقه يا ماما ومدام عجبك يبقى كويس و هيعجبنى واديله معاد بكرة وهستخير ربنا
الأم حاسه ان بنتها فيها حاجة غلط بس اتنهدت وقالت" تمام اللى يريحك يا روحي ❤️ ويلا على شغلك علشان متتأخريش
رغد راحت الشغل وطبعا كريم وسمر والام كلهم إجازة علشان النهاردة الجمعة
رغد حاولت بقدر الإمكان أنها تتجاهل كريم تماما،يعنى مش بتبص فى عينه ولما يطلب منها حاجة بتوافق علطول وتقول حاضر يا بيه وده طبعا كان معصب كريم وكمان حاسس ان رغد فيها حاجة وأنها مش بتضحك زى كل يوم وحاسس أنها زعلانه
الأم -مالك يا رغد فيكى ايه ،مش زى كل يوم
رغد "تنفست بيأس وقالت مفيش يا هانم بس موضوع فى البيت وباذن الله هيتحل وبعدين شالت الاكل
فى المطبخ وهى بتعمل ليهم عصير دخل عليها كريم
كريم :مالك يا رغد حاسس انك متغيرة اوى النهاردة وشكل الموضوع كبير اوى مش زى ما قولتى لماما ، قوليلى فيكى ايه وممكن اساعدك أنا عنيا ليكى
رغد فى نفسها مش هتقدر تعمل حاجة علشان أنا السبب ،انا اللى وهمت نفسى انك بتحبنى وكمان نسيت فرق المستويات بيننا وانك ممكن تحبنى، وبعدين ضحكت بيأس🥲 وقالت قال يحبنى قال دنا حتى حتة خدامة ، لازم تبعدى عنه يا رغد علشان ده طريق الضياع وهتحطى نفسك فى مشاكل انتى مش قدها وكمان مراته سمر هانم مش هتسيبه بسهولة وكمان هى معاها حق ، وازاى أنا اسمح لنفسى انى احب واحد متجوز ومش بس كده لأ كمان بيحب مراته وانا هنا الجزء الخسران ، فأفضل حل انى احافظ على كرامتى وانساه
كريم لاحظت انها ساكته وزعلانه واتأكد ان الموضوع شكله خطير اوى وبعدين قال
كريم: رغد ردى عليا وقولى مالك وليه زعلانه كده
رغد خدت بالها من كلامه وطلعت من شرودها وقالت
رغد "كريم بيه مفيش حاجه تخض، أنا قولت انه موضوع فى بيتى وهحله وانا مش عايزة اشغل دماغك وبعدين صبت العصير وطلعت وسابته
كريم: حتى لو الموضوع صغير مع انى اشك فى كده بس اى حاجة مهمى كانت صغيرة بالنسبالك فهى مهمة عندى وانا هعرف مالك يا رغد وبعدين طلع
وعدى اليوم عادى بس الكل لاحظ حزن رغد وخصوصا كريم والكل كان زعلان عليها ماعدا سمر اللى كانت فرحانه فيها وشمتانه
تانى يوم الصبح
الأم- جهزى نفسك يا رغد علشان العريس جاى النهاردة فعلشان كده متتأخريش فى الشغل
رغد" حاضر يا ماما
الأم- مالك يا رغد أنا حاسه من ساعت ما قولتلك على العريس وانتى زعلانه ومتغيرة ومش بتتكلمى
رغد" خبت على امها علشان عارفه أن أمها تعبانه والزعل غلط على صحتها وكمان هى عايزة تفرح بيها زى اى أم فقررت تخبى عليها وتعمل اللى يريحها وفى الاخر هى جوازة وخلاص
رغد "وحاولت تبتسم وقالت مفيش يا ماما بس الموضوع ان بطنى وجعانى من يومين بس الحمد لله احسن وبعدين فكك منى وقولى انتى خدتى علاجك واخبار مزاكرة عمر ايه ،معلش اعذرونى بقالى فترة مش بسأل بس والله غصب عنى، انتى عارفه الشغل
الأم -حضنت رغد وقالت متقوليش كده يا روحى ، انتى عمرك ما قصرتى خالص وربنا يصلح لك الحال واشوفك فى بيت عدلك (عريسك) قريبا
رغد "فى نفسها وتقول خلاص يا ماما مليش فى الحب نصيب ، اول واحد أحبه مش ليا من الاول علشااان متجوز 😥😥😥 وبعدين ردت وقالت
رغد "بابتسامه يأس يا رب يا ماما وراحت الشغل
الأم- ربنا يرزقك يا رغد يا بنت بطنى بواحد يحبك ويعوضك عن كل حاجة وحشة شوفتيها فى حياتك
فى المكتب
كريم مش عارف يركز فى شغله من ساعت لما شاف رغد زعلانه وقرر انه يروح ويكلمها ويفهم فيها ايه وبعدين اتصل على السكرتيرة وطلب منها تلغى كل مواعيد النهاردة بحجت انه تعبان وبعدين راح البيت
فى الڤلة
رغد بتشتغل بس من غير نفس وحاسه انها ميته وفجأة دخل عليها كريم
كريم :السلام عليكم، عامله ايه يا رغد
رغد- وعليكم السلام ، الحمد لله ، احضرلك الغداء
كريم :أنا طالع اغير وعقبال لما أنزل تكونى عملتى ليا قهوة من ايدك الحلوين علشان عايزك فى موضوع
رغد حست انه هيزعقلها علشان مش بتشتغل كويس وكمان خايفة انه يطردها وبعدين راحت تعمله القهوة
كريم نزل ولقى رغد عملت القهوة وقاعدة جنبها
رغد "بعياط أنا اسفة يا بيه ، انا عارفه انى مقصرة فى الشغل بس غصب عنى والله ، من فضلك متطردنيش
كريم اتصدم منها وازاى هى مفكرة انه يطردنا من الشغل وبعدين قالها
كريم:أنا مستحيل اطردك يا رغد و مش ده الموضوع اللى عايزك فيه ، أنا عايز اعرف مالك بقالك يومين متغيرة كده ،مش دى رغد اللى كانت بتضحك علطول وتعمل جو فى البيت ،قوليلى مالك وانا اساعدك
رغد" فى نفسها ياريت اقدر اقولك بس مينفعش وازاى اقولك ان مشكلتى انى بحبك وانى هتجوز واحد غيرك ، وانت بجد شخص كويس ويا بخت مدام سمر بيك وربنا يسعدكم مع بعض
رغد وهى باصة فى الأرض "مفيش يا بيه ومتشغلش بالك بيا واتفضل القهوة قبل ما تبرد
كريم لاحظ أن الموضوع كبير وأنها عايزة تتهرب منه وأنها باصة فى الارض ومش راضية تبص فى عينيه بس هو مش هيسكت غير لما يعرف وبعدين قام حط أيده الاثنين حاولين وشها وبص فى عينيها
رغد حست بامان من كلامه وسارت قشعريرة اول لما حط أيده على وشها وبص فى عينيها
رغد فى نفسها" ياااه قد ايه محتاجة لحضنك دلوقتي بس مينفعش علشان مش من حقى وقامت باعده عنه علشان ده حرام
كريم استغرب لما هى بعدت عنه وحس أنها حساه شخص غريب عنها وكمان خايفة منه ليستغلها وقال
كريم: مالك يا رغد ،انا مش قصدى حاجة وحشة ، أنا بس كنت عايز أهون عليكى مش اكتر ،ولو اعرف انك مش واثقة فيا كده كنت بعدت عنك
رغد فى نفسها وهى بتعيط" كفاية اهتمام بقى ، انت كل مرة بتعلقتى بيك اكتر وانا مش عايزة كده ، أنا عايزة انساك ، والحكاية مش حكاية خوف ، أنا بثق فيك اكتر من نفسى بس للاسف ده مش من حقى ،ده من حق سمر هانم وقامت جريت وهى بتعيط
كريم حاسس انه تعبان اوى من تصرفها
كريم فى نفسه: معقول يا رغد للدرجة دى مش طايقة حتى انى المسك أو اكلمك ، أنا بحبك اكتر من نفسى وبتمنى تكونى ليا بس عمر ده ما هيحصل وأكيد عرفتنى انى عقييييم علشان كده عايزة تبعدى عنى ، ليه كل حاجة نفسى فيها بتبعد عنى وبعدين قعد يكسر فى اى حاجة قدامه وعمال يقول بصوت عاااالى ليييييه كده ، وبعدين طلع خد عربيته ومشى
رغد سمعت صوته وهو بيكسر الحاجات تحت فنزلت تشوفه بس سمعت صوت العربية وحاولت تنده عليه بس مسمعهاش وبعدين قعدت فى الأرض تعيط
رغد" حظى علطول وحش وبعدين قامت تلم الحاجات اللى وقعت والزجاج المكسور وتكمل الاكل وتخلص الشغل
جت سمر من الشغل وقعدت تاكل لوحدها علشان حماتها راحت عند اختها تشوفها بس استغربت لما ملاقتش كريم فى البيت لانها عرفت انه استأذن من الشغل بس توقعت انه روح البيت فقالت تسأل رغد
سمر - بنت يا رغد هو كريم مجاش هنا
رغد اتوترت ومش عارفه تقولها ايه بس قالتها انه جه وكان متعصب اوى وبعدين طلع بره ولسه مجاش
سمر استغربت انه ايه اللى يعصب كريم وحاولت تتصل بيه اكتر من مرة بس موبايله غير متاح وقالت تستنى لما يجى وتسأله
رغد روحت وهى قلقانه على كريم اوى وقابلت العريس وقعدت معاه جسديا بس عقلها وقلبها مع كريم وبعدين العريس مشى وقالت لأمها بأنها هتفكر وبعدين دخلت تنام لكن هى مش عارفه تنام فقامت تصلى وتدعى ربنا انه يكون كويس وبعدين نامت بصعوبة بعد تفكير كتييير
اما عند كريم
بعد لما طلع بالعربية من البيت قعد يسوق بعصبية اوى وكان هيعمل كام حادثة بس الحمد لله ربنا ستر
وبعدين راح عند النيل وقف شوية وقعد يعيط وبعدين راح البار (ودى اول مرة تحصل فى حياته) وقعد يشرب لحد ما سكر وبعدين روح البيت بعد نص الليل وهو سكران ودخل على أوضته هو وسمر
كريم فتح الباب جامد وده خلى سمر تتفزع من النوم
سمر -مالك يا كريم ايه اللى بهدلك كده
كريم قرب منها ومتخيلها أنها رغد
كريم وهو سكران قال : ليه كده انا حبيتك من قلبى ، ليه تبعدينى عنك ، غصب عنى انى عقيم وده مش بايدى ، ليه الدنيا صعبة اوى كده
سمر اتفجأت بكلامه وايه اللى فكره بموضوع الخلفة دلوقتي بس حاولت تهديه وتقول
سمر- اهدى يا حبيبى مفيش حاجة ، أنا معاك اهو ومش هسيبك ابدا
كريم : انتى كدابة ، انتى مش بتحبينى ، انتى هتسيبينى وتمشى ، أنا لما صدقت انك بقيتى تعاملينى كويس ، لييييييه بتعاملينى كده لييييييه
سمر مش عارفه تقوله ليه لأنها أول مرة تشوف كريم كده وكمان سكران وعلشان كده سكتت ومش مردتش تكلمه علشان يهدى وقالتله أنا بحبك يا كريم
كريم' انتى بتتكلمى جد
سمر- اه يا روحى
كريم بص فى عينيها وقالها انتى جميلة اووووى ومتبعديش عنى ابدا وبعدين التقط شفتيها بشفتيه بحب وعشق وسمر قابلته القبلة وبعدين فصل القبلة وقعد يضحك ويقول أنا بحبك اوووووى وبعدين وقع على السرير ونام
سمر عدلته على السرير علشان ينام مرتاح
سمر- يا ترى ايه اللى حصل يا كريم ويخليك تشرب وتسكر كده ، انت عمرك ما عملتها فليه دلوقتي تعملها ، اكيد فى سبب قوى لكده وانا لازم اعرفه
(يا ترى القدر هيصلح سوء التفاهم بينهم ولا للقدر رأى آخر ، انتظرونى البارت الجاى 🔥)
زهرة الحياة
البارت الرابع
#خادمتى البريئة#
استيقظ كريم وحس ان دماغة تقلانه وملقاش سمر جنبه وبعدين حاول يفتكر اللى حصل امبارح وافتكر انه سكر
كريم : ليه كده يا رغد ، انا حبيتك بجد ومع اني عارف ان غلط بس غصب عني حبيتك بس لازم انساك مش عايزه ذوق الجرح مرتين وبعدين بس في الساعه لان الوقت تاخر فكرني ما يروحش الشغل النهارده ويشوف حكايات رغد
أنا عند رغد
رغد قامت من النوم وصلت وحضرتك نفسها وراحت الشغل وهى بتدعى ان كريم يكون بخير
دخلت رغد الڤلة وقامت تشتغل عادى وفجأة دخل عليها كريم وقريب منها جامد وهى عمالة تبعد وكل لما يقرب هى تبعد
كريم فى نفسه للدرجة دى قارفانه منى انى اجى جمبك ( كريم بعيد عن ربنا وميعرف ان قربه من رغد حرام فعلشان كده مفكر أنها كارهاه)
رغد اتفاجأت بكريم فى البيت وبعدين قعد يقرب منها وهى تبعد لحد لما لزقها فى الخيطة و ووشه فى وشها
رغد كريم بيه ما ينفعش اللي حضرتك بتعمله ده ممكن حضرتك تبعد عني
كريم ليه بتعملي فيا كده وكمان عايزه تبعدي عنى بعد ما صدقت ان انك بقيت تقربي مني
رغد وهي بصه باصة فى الارض فى خجل " كريم بيه مين...فعش اللى حضرتك بتعمله ، لو سمحت أبعد عنى
كريم ليه عايزانى ابعد عنك، ليه بتكرهينى يا رغد
رغد وهيا بتزقه أنا مش بكرهك ولكن غلط اللى بنعمله
كريم ايه اللى غلط ، انتى للدرجة دى قارفانه منى
رغد مش قارفانه بس حضرتك متجوز ومينفعش تقرب من واااحدة تانية غير ميراتك
كريم بهدوء يعنى مفيش سبب تانى غير كده انك تبعدى عنى
رغد بكسوف وتوتر ملحوظ لأ وكمان ابعد عنك ليه هو كان بينا حاجة من الأساس
كريم لاحظ توترها وبعدين قال بخبث اه مفيش بس يمكن يكون فيه وبعدين مشى ايده على دراعها
رغد اتوترت من كلامه وبعدين استغربت لما لمس دراعها بأيديه وسارت قشعريرة فيها
كريم قرب قوى ومبقاش فى فرق بينهم وقام حضن وشها بايده وفى الوقت ده فقد كل ذرة عقل وتركيز فيها وبعدين التقط شفتيها بقبلة رومانسيه ومش متخيل انه بيعمل كده مع حد تانى غير مراته
رغد اتصدمت من كلامه ولكن فجأة شعرت بشفتيه على شفتيها ومش عارفه تعمل ايه كأنها مغيبة عن الواقع تمام وبعدين فاقت وركزت وقالت اللى بيحصل ده غلط وحرام وحاولت تبعد كريم عنها لكن كل ما بتحاول تبعده كل ما بيتعمق فى القبلة لدرجة أن شفتها نزفت دم
ولكن فجأة ومن دون أى مقدمات قالت بعداه عنها وضربته بالقلم 😱😱
كريم استغرب منها جدا لدرجة أنه سكت
رغد بعياااط أبعد عنى ارجوك مينفعش كده ، انت شخص متجوز وبتحب مراتك فليه تعمل كده وتخونها وكمان أنا دلوقتي فى حكم المخطوبة وحرام اللى بيحصل ده
كريم استغرب من كلامها وخصوصا لما قالت إنها مخطوبة ومعرفش يقول ايه وبعدين قال
كريم بغضب مستحيل تكونى مخطوبة ، انتى ملكى أنا وبس وكمان مفيش اى خاتم فى ايديكى ، قولى انك بتضحكى عليا يا رغد يلا قولى
رغد استغربت لما قال انها ملكه بس قالت لازم تقتل اى ذرة حب بينهم علشان تقدر تعيش
رغد لأ انا بتكلم جد ، امبارح اتقدملى واحد وانا شايفاااه مناسب وهوافق ومن فضلك متقربش منى وقرب من مراتك وكمان ليه بتعمل كده وهى بتعيط
كريم بعد عنها وطلع أوضته لانه مش عارف يقول ايه
رغد قعدت على الارض تعيط وتندب حظها بس مش فى ايديها حاجة
رغد ده الصح علشان اغضبش ربنا ومتعلقش بيه اكتر من كده
كريم لأ مستحيل تكون لحد غيرى، والجوازة دى مش هتتم وبعدين نزل لصالة الالعاب الرياضيه وبذل مجهود عنيف فيها
رغد كملت شغلها وبعدين روحت البيت
الأم حمد لله على السلامه يا حبيبتي ❤️، ادخلى ارتاحى وبعدين عايزاكى شوية
رغد عارفه أن أمها هتكلمها فى موضوع الجواز فراحت تصلى وبعدين جت تكلمها
الأم قولتى ايه فى العريس اللى متقد...
رغد قاطعتها وقالت موافقة
الأم لو مش موافقة خلاص قولى يا حبيبتي ❤️
رغد لأ يا ماما عادل (العريس) كويس وابن ناس وممكن تحددى معاه معاد الخطوبة
الأم هو كلمنى قال يوم الخميس الجاى يعنى بعد يومين ، كلمى أصحاب الشغل علشان تاخدى إجازة
رغد حاضر يا ماما وقامت نامت
وعدت الايام وكريم بيحاول يبعد عن رغد بس مش عارف وجه يوم الاربعاء
رغد وهما بيكلوا على السفرة
رغد يا هانم أنا خطوبتى بكرة فأنا عايزة إجازة
سمر بسرعة طبعا يا حبيبتى
الكل استغرب من سمر لأنها علطول بتهين رغد بس محدش علق على كلامها
كريم قام من على الاكل لانه مش قادر يتحمل اكتر من كده
تمت خطوبة رغد وعادل على خير بس هى مكنتش سعيدة خاص ومن ساعتها وهى بتتجاهل كريم تماما وهو تعبان جدا منها
بعد يومين
عادل (العريس) الو يا روحي ❤️
رغد ازيك يا عادل عامل ايه فى حاجة ولا ايه
عادل هو لازم يكون فى سبب علشان اتصل عليكى
رغد مش قصدى بس فكرت فى حاجة
عادل لأ مفيش بس عايز اجى اشوف الناس اللى بتشتغلى عندهم علشان اطمن عليكى واظن ده من حقى لانك هتكونى مراتى وياريت مترفديش
رغد اللى تشوفه يا عادل
عادل انا هخلص شغلى واعدى عليكى
الكل جه من الشغل
على السفرة
الأم (سامية ) مالك يا كريم حاسه انك تعبان كده ومش على بعضك ، تعالى نروح للدكتور
كريم وهو بيبص لرغد علاجى مش عند دكتور يا ماما بس عايز حنية من ناس
الأم لاحظت أنه باصص لرغد وبعدين قالت فى نفسها
هو انا بيتهيألى ولا ايه ، معقول يكون كريم بيحب رغد ، طب أعمل ايه ، اسعد ابنى واظلم رغد ولا العكس اصل اللى مردهوش لبنتى مرداهوش لحد
الأم معلش يا حبيبي كله هيتحصل
كريم يا رب يا امى مع انى مظنش
رغد راحت غرفتها وهى بتعيط ومش عارفه تعمل ايه
فجأة الباب خبط وقام فتح كريم وشاف راحل طويل وجميل وسأله
كريم حضرتك مين
عادل انا خطيب الانسة رغد وجاى علشان اشوفها
كريم رحب بيه مع أنه هينفجر من جوه وبعدين نده لرغد ونزلت تشوف عادل
عادل اتعرف عليهم وكلهم حبوه ماعدا كريم
وبعد فترة عادل خد رغد وروحها
باليل
سمر بجد قدائك النهاردة كان رائع ،مكنتش اتخيل انك شاطر كده
مجهول كله يهون علشان عيونك يا حبيبتي ❤️ ، بس انتى وحشانى اوى
سمر انت اكتر بس مش فاضية وعندى شغل كتير بس اوعدك اول لما اخلص هبسطك يلا سلام
صدمة صح بس لسه فى خفايا كتييييير
كل يوم الام تتعمد تسأل رغد عن خطيبها قدام كريم علشان يعرف انها مش ملكه لكنها متعرفش أن ده بيخليه يتمسك بيها اوى
وعدى شهر والحال كما هو وبعدين جه معاد كتب كتاب رغد وعادل (هو حد بعد شهر ونص)
يوم الخميس يوم كتب الكتاب
رغد قاعدة مكتئبة فى اوضتها ومش عارفه تعمل ايه بس خلاص مفيش تراجع بعد القرار اللى اخدته علشان مصلحة امها وأخوها لأن عادل بيحبهم ويساعدهم فى المصاريف
المأذون نادوا العروسه
وبعدين جت رغد علشان كتب الكتاب يتم ولكن فجأة
يدخل شخص ويقول
مجهول مش عيب يا شيخ تكتب كتاب واحدة متجوزة اصلااااا😯😯😯
(معلش البارت صغير بس كان عندى امتحان النهاردة)
زهرة الحياة
تعليقات
إرسال تعليق