عشقي لخادمتي دمرني الحلقه الاخيره بقلم هويدا زغلول حصريه وجديده على مدونة النجم المتوهج
عشقي لخادمتي دمرني الحلقه الاخيره بقلم هويدا زغلول حصريه وجديده على مدونة النجم المتوهج
عشقي لخادمتي دمرني الحلقه الاخيره بقلم هويدا زغلول حصريه وجديده على مدونة النجم المتوهج
عشقي لخادمتي دمرني الحلقه الاخيره بقلم هويدا زغلول حصريه وجديده على مدونة النجم المتوهج
عشقي لخادمتي دمرني الحلقه الاخيره بقلم هويدا زغلول حصريه وجديده على مدونة النجم المتوهج
جلال وقف قدامها وهو متوتر وقال لها بصوت واطي
جلال
يا تالين انا مش عايزك تزعلي بس لازم تفهمي ان اللي بينا من الاول كان اتفاق جواز لوقت معين ولما العيل ييجي كل واحد هيروح لحاله وانتي عارفه ده كويس
تالين بصت له بوجع وقالت له
تالين
اتفاق هو القلب بيبقى اتفاق يا جلال بيه هو اللي سهر الليالي يفكر فيك واللي كان بيفرح من صوت رجلك وانت داخل البيت ده كله اتفاق انا معاك اني فعلا اتفقت مع ناهد هانم علي كل حاجه من الاول بس انا بعد كده لقيت نفسي حبيتك اعمل ايه
جلال سكت ومعرفش يرد وهي كملت وقالت له
تالين
وعلي فكرة انا مش مجرد ست حملت علشان تجيب لكم الطفل اللي نفسكم فيه لا انا انسانه وليا قلب حبك بصدق انا اللي شايلة ابنك في بطني ومن حقي احس اني غالية عليك مش مجرد خدامة مستنية ميعاد الطرد بمجرد ما تولد
جلال
لو سمحتي اورجوكي ما تصعبيهاش عليا يا تالين انتي عارفة الظروف وناهد هي اللي رتبت لكل حاجة وهي كمان اللي خلتني اوافق اني اعمل كده وانا مكنتش موافق من الأول أصلا
تالين قربت منه وقالت
انا معاك ان ناهد هانم اللي قالت واتفقت بس انت فين من كل ده ولا عمرك حسيت ان في واحدة بتحبك من غير فلوسك من غير اسمك من غير اي حاجة غير انك انت غالي عليها وبس
جلال رفع عينه وبص لهاوهي كملت وقالت
تالين
انا لما كنت بشوفك زعلان قلبي كان بيتقطع ولما تضحك الدنيا كانت بتضحك معايا انا عمري ما بصيت لك كوسيلة ولا مصلحة انا حبيتك كراجل وسند وامان من وقت ما اتجوزتني وحصل اللي حصل بينا عشان انا احمل وانا اتعلقت بيك
ودموعها نزلت وقالت
ولو كنت عايز تاخد ابنك وتبعدني خده بس متقولش اني كنت مجرد ماعون لان الكلمة دي كسرتني يا جلال بيه
جلال
انا مقصدتش اجرحك بالكلام ده بس انتي كنتي عارفه أنها حقيقة واحنا عايشين فيها وكل حاجه بالاتفاق لانك فعلاً المفروض انك في مهمه وهتنتهي
تالين
فعلا انها حقيقة بس برضو جرحتني بكلامك ولو انا فعلا في مهمه وهتنتهي وانت مكنتش عايزني انا معاك بس اعمل ايه زي ما قولت كل حاجة حصلت وحبي كان ليك غصب عني وانا مش ببطل تفكير فيك
وسكتت شوية وقالت له تاني
تالين
انا كان ممكن اتفق وبعدها اخد الفلوس وامشي من اول يوم بس انا فضلت هنا علشانك انا حتى لما اتذليت من مراتك استحملت علشان اكون جنبك
جلال
تالين أرجوكي انتي ليه بتعملي فيا كده انا مقدرش علي الكلام ده
تالين
علشان بحبك وعشان الحب مش بإيدي
جلال سكت وحس ان كلامها دخل قلبه
وقال انا عمري ما حسيت الاحساس اللي انا حاسه دلوقتي قبل كده
تالين ابتسمت وسط دموعها وقالت
تالين
خلاص يبقى متظلمنيش ومتخلينيش احس اني غريبة وان انا شايلة ابنك وبس كده انت تعرف انا لما مشيت من هنا من شويه مبقتش اروح فبن وكنت عايزة اسرخ واقولها ده بيت جوزي زي ما هو جوزك بس انا اللي مرضتش عشان برضو أفضل جنبك لانها كانت ممكن ترميني في الشارع ساعتها ومكانتش هترحمني
جلال قرب منها ومسح لها دموعها وقال لها
جلال
طيب انا عايزك ترتاحي وتنامي دلوقتي ومتفكريش في حاجة عشان متتعبيش وكمان عشان اللي في بطنك
تالين بصت له وقالت
انا هرتاح يوم ما احس ان لي مكان في قلبك وبس وياريت تديني فرصه انه يبقا ليا مكان فعلا في قلبك
جلال
طيب انا لازم اروح لها دلوقتي انا خايف لحسن تخرج تدور عليا زي المرة اللي فاتت وتيجي تخيبط عليكي يلا تصبحي علي خير
وسابها ومشي من عندها وهو لأول مرة يحس ان قلبه بدأ يفكر فيها بجد وراح جنب ناهد ومعرفش ينام
وتاني يوم الصبح صحيت ناهد ونزلت على السفرة وتالين كانت في المطبخ بتحضر الفطار وهي بتطلع الأطباق قالت لها
تالين
صباح الخير يا ناهد هانم تحبي حضرتك اغير الفطار ده ولا هتفطري منه عادي
ناهد قعدت على الكرسي وقالت
ناهد
صباح الخير يا تالين لا الاكل ده كويس أوي المهم قولي لي انتي عامله ايه في الحمل النهارده ان شاء الله تكوني احسن انا عايزاكي تتغذي كويس اوي عشان البيبي وتخلي بالك من نفسك ومن صحتك
تالين حطت الطبق قدامها وقالت لها
تالين
الحمد لله يا ناهد هانم انا كويسه اطمني هو بس حضرتك عارفه الشهور الاخيرة دي بيبقا فيها تقل في الجسم وتعب شويه بس اديني بستحمل
ناهد حست انها تضايقت من كلامها لانها طبعا مجربتش الإحساس ده وبعدين فالت لها بضيق
ناهد
ااا ااه ااه طيب كويس بس ياريت بقا تسمعي كلامي وتبطلي الحركة الكتير وخدي بالك من اللي في بطنك ده اهم حاجه دلوقتي ولو عايزاني اجيب لك واحده معاكي تساعدك انا معنديش مانع
تالين
لا لا وعلي ايه انا هبقا حريصه عليه جداً اطمني وبعدين اصلا الدكتور كان قالي ان الحمل بتاعي كويس يعني وصحتي كويسه
وفي الوقت ده نزل جلال من على السلم وهو لابس بدلته ووشه هادي وكان شكله حلو وقال
جلال
صباح الخير
ناهد ابتسمت وقالت له
صباح النور يا حبيبي يلا اقعد افطر معايا قبل ما تروح الشركة
ساعتها تالين اول ما شافته عينيها اتعلقت بيه وفضلت تبص له من غير ما تحس وجلال لمح نظرتها واتوتر وبص الناحية التانية وقالها
جلال
ااا ااه بس انا مش عارف هلحق افطر ولا لأ انا بس مش عايز اني اتاخر علي الشغل يا ناهد والشركة انتي عارفه
ناهد خدت بالها من اللي بيحصل ومن نظرة تالين ليه ووشها اتغير وقالت بصوت عالي
ناهد
انتي واقفة بتعملي ايه هنا يلا اتفضلي روحي خلصي شغلك وادخلي المطبخ يلا
تالين فاقت من سرحانها وقالت بتوتر
تالين
ح ح حاضر يا ناهد هانم
ودخلت بسرعة وجلال بص لناهد وقال لها
جلال
مالهاش لازمة الطريقة بتاعتك دي يا ناهد انتي ليه بتعملي كده اهدي يا حبيبتي مش كده
ناهد ردت بحدة
ومالوش لازمة كمان النظرات اللي بتحصل قدامي دي يا جلال اتفضل بقا أقعد افطر قبل ما تمشي
جلال
حاضر يا ناهد وقعد يفطر معاها
وفي المطبخ كانت تالين واقفة مخنوقة وفجأة سمعت خبط على باب الفيلا
خرجت تفتح وهي متضايقة ولما فتحت اتصدمت لما لقت وليد واقف قدامها وقالها
وليد
صباح الخير يا تالين وحشتيني يا بت بصي بقا انا جيت لك عشان لازم اتكلم معاكي ضرورى
تالين وشها قلب وقالت له
انت جاي تعمل ايه هنا يلا امشي مش عايزة اشوف وشك
وليد
طيب اسمعيني بس دقيقة واحدة مش اكتر
تالين
مفيش بيني وبينك كلام بعد اللي عملته يلا امشي قبل ما حد من هنا يشوفك أمشي
وليد قرب خطوة وقال
بصي انا غلطت وعايز اصلح اللي حصل والله انتي لازم تفهمي انا مش بحب غيرك انتي يا حبيبتي
تالين زعقت
اخرس خالص عايز تصلح ايه ده انت بعتني وخدعتني واستغلتني علشان الفلوس وجاي دلوقتي تعمل فيها ندمان
وليد
والله كنت مضغوط ومش عارف انا بعمل ايه واللي حصل يعني كان عادي يا تالين دي كانت واحده ونزوة وخلاص
تالين
لا لا الكلام ده تقولوا لواحده هبله واحده عبيطه وهتصدقك لكن انا لأ يلا بقا امشي من هنا انا مش عايزة اشوف وشك تاني
وليد
بس انا لسه بحبك يا تالين وعايزك
تالين ضحكت بوجع وقالت
الحب عندك اسمه مصلحة مش روح قول الكلام ده لغيري يا بابا يلا بقا قبل ما حد ياخد باله عشان انا مش هبقا عارفه اقولهم إيه عنك
وبعدين شدت الباب وقالت
تالين
ياريت تبقا اخر مرة تيجي هنا ولو شوفتك تاني هفضحك قدام الناس كلها
وقفلت الباب في وشه بقوة وفضل وليد واقف مصدوم وهي من جوه سندت على الباب ودموعها نزلت غصب عنها
وبعدها جلال راح الشركة ودخل مكتبه وهو من ساعة ما خرج من البيت وصورة تالين مش بتفارق خياله وافتكر دموعها وكلامها وافتكر نظرتها ليه ودخل عليه أشرف وقاله
اشرف
الاجتماع جاهز يا فندم والكل مستني حضرتك في اوضته الاجتماعات
جلال
اا ااه ااه طيب يا اشرف انا جاي حالا اهو يلا بينا
ودخل قاعة الاجتماعات وكل المديرين قاعدين وأشرف بدأ يتكلم في الأرقام والشغل والخطة الجديدة للشغل وقال
أشرف
واحنا محتاجين نراجع العقود دي ونحدد الميزانية للشهر الجاي وكمان فيه مشروع لازم ناخد قرار فيه النهارده
وكل ده وجلال كان قاعد قدامهم لكن عقله في حتة تانية وكان شايف تالين وهي واقفة وملامحها مكسورة وصوتها وهي بتقوله هرتاح يوم ما احس ان لي مكان في قلبك
أشرف بص له وقال
يا فندم حضرتك شايف ايه في العرض ده
جلال ما ردش وفضل سرحان
أشرف نده تاني يا فندم
جلال فاق فجأة وقال
هااا ايوه ايوه معلش كنت سرحان شويه انت قولت ايه
أشرف
كنت بسأل حضرتك نبدأ بالمشروع الجديد ولا نستنى شويه
جلال
لا طبعا ابدأوا فيه فورا يا اشرف طالما كله لمصلحة الشركة
وبعدها سكت تاني وهو حاسس ان قلبه مشغول لأول مرة بواحدة غير ناهد وبقى يسأل نفسه ليه تالين بقت في دماغه بالشكل ده
وفي مكان تاني كانت سلمي قاعدة مع كارما في البيت وهي متضايقة وقالت لها
سلمي
بصي بقا يا كارما انا مهما حصل لازم اروح لناهد تاني
كارما بصتلها بحدة وقالت
تروحي لها بعد اللي عملته فينا وطردتنا من بيتها يا سلمي
سلمي
ما انتي عارفه يا كارما ان انا نفسي اعمل مشروع صغير يفتح لي انا وانتي باب رزق ومفيش غيرها هي اللي تقدر تساعدني فيه
كارما
وانتي نسيتي كلامها لينا ولا نظرتها لينا كأننا شحاتين ورايحين نشحت منها
سلمي
مهما ان كان دي برضو اختنا الكبيرة وبرضه ملناش غيرها
كارما
اختنا اللي باعتنا علشان جوزها وفلوسها مش كده لا يا سلمي انا مش هروح لها تاني خالص
سلمي اتنهدت
يمكن كانت متعصبة ومضغوطة شويه ولا حاجه
كارما
لا يا سلمي دي بان معدنها الحقيقي يومها وهي اللي بعد لما كانت قايله انها هتدينا من الورث رجعت في كلامها انا مش عارفة هي ليه بتعمل كده
سلمي
وانا هعمل ايه دلوقتي وانا نفسي ابدأ حاجة لنفسي بدل البهدلة دي يا كارما
كارما
بصي احنا نشتغل ونتعب احسن ما نمد ايدنا لواحدة شايفة نفسها علينا وبعدين هي كده كده بتبعت لنا شهريه انا أصلا لو مكنتش محتاجه الفلوس دي انا كان زماني رفضت اخدهم
سلمي
بس انا موجوعة منها ومحتاجة لها في نفس الوقت ومش عارفه اعمل ايه
كارما سكتت شوية وقالت
وانتي لو روحتي لها ورجعت كسرتك تاني هتعملي ايه بقا ان شاء الله
سلمي نزلت عينيها في الأرض وقالت
سلمي
ساعتها هعرف اني فعلا خسرت اختي للأبد ومش عايزة اعرفها تاني بس هنحاول وخلاص
كارما
خلاص سيبي الحكايه دي دلوقتي وبلاش تتكلمي فيها خالص لحد لما نلاقي الوقت المناسب اللي نروح لها فيه
وبعدها عدت الايام وجلال بدا ان هو يروح لتالين في السر بالليل وبدا يقرب منها اكتر واكتر وفعلا اتعلق بيها جدا وفي يوم قالت له
تالين
احنا لازم نشوف لنا مكان تاني غير هنا يا جلال انا بقيت بحس انها ممكن تدخل علينا في اي لحظه وانا بجد مبقتش قادرة اني ابعد عنك وخايفه لحسن هي تفرق بينا تاني
جلال
طيب هنعمل اي بس يا تالين وانتي عارفه انه مش هينفع هو مش انتي بتحطي لها المنوم في الشاي عشان تنام وانا اعرف اجي لك هنا
تالين
ايوه طبعا بحط لها كل يوم بس فكرة انها معانا في نفس المكان دي اللي مخلياني قلقانه اوي ومش عارفه أتصرف ازاي انا بس عايزاك ليا لوحدي ايه رأيك لو رحنا اي مكان تاني غير هنا
جلال
ازاي بقا الكلام ده انتي عايزانا نروح فين يعني
تالين
نروح اي مكان يعني ممكن تشوف لنا شقه ايجار نبقا فيها انا وانت مع بعض عشان انا بجد خايفه عليك لحسن تروح مني وانا مصدقت لقيتك
جلال
انا ممكن اشوف حكاية الشفه ده لو كنتي هتبقي مرتاحه بس مش عارف هنعمل ايه لما انتي تولدي وناهد تيجي تقولك الولد يتكتب بإسمها زي الإتفاق اللي بينا
تالين
انت بتقول ايه يا جلال وانت بقا هتسمح بكده لا انا مش هينفع اني اسيب الني لها ولا حتي اسيبك انت كمان انا بقولك انا مصدقت لقيتك جنبي ومعايا انا والله لو حكمت اني اخلص منها واقتلها هعمل كده
جلال بصدمه
انتي بتقولي ايه يا تالين وايه الكلام الغريب ده بقولك ايه اوعي تفكري في الكلام ده تاني ولا تقوليه مرة تانيه
تالين
وماقلوش ليه يا جلال علي فكرة ده اسلم حل لينا اننا نخلص منها عشان هي اللي هنتغص علينا حياتنا لو هي فضلت عايشه
جلال
انتي اتجننتي ولا ايه بقولك ايه انا مش عايز اسمع الكلام ده تاني انتي سامعه ولا لأ لحسن والله مش هتلاقيني معاكي تاني
تالين
لا لا يا حبيبي طيب خلاص انا مش هتكلم تاني بس انا عايزة أعرف احنا هنعمل ايه المفروض ان اللي في بطني ده ابننا انا وانت وهي ملهاش فيه واحنا اللي نربيه قولي بقا لما انا اولد وهي ترميني في الشارع انا هعمل إيه
جلال
ساعتها يبقا حلها حلال يا تالين لكن التفكير اللي في دماغك بلاش تفكري فيه تاني
تالين
حاضر انا خلاص قدامي شهر واولد والهانم حاطه مخده عشان مفهمه الناس انها حامل وهتولد والعيل ينسب ليها هي وانا اللي هترمي في الشارع
وفضلت تعيط وجلال طبطب عليها وقالها
جلال
خلاص بقا يا تالين قولت لك ساعتها هتتحل انما التفكير بتاعك ده بلاش منه خالص ماشي
تالين
حاضر انا هستني انت تتصرف وتقولي ناوي تعمل ايه في المصيبة اللي احنا فيها دي انا حاسه ان ناهد دي بقت كابوس في حياتي وانا نفسي افوق منه ومش عارفه
جلال
هنعمل ايه انتي عارفه أنها كل حاجة بتاعتها هي
تالين
بس انت برضو معاك منها توكيل ولا انت ناسي بقا انها مسلماك كل حاجة وكل حاجه دي بتاعت ابننا اللي بطني انا يا جلال مش هي
جلال
بقولك ايه النهار طلع انا لازم اروح انام جنبها عشان لما تصحي تلاقيني ومتعملش مشكلة يلا انا همشي
ومشي جلال من جنبها وهي قالت لنفسها
تالين
اعمل ايه بس ياربي في اللي انا فيه ده يارب حلها من عندك يارب
وبعدها عدت الايام عادي وبعد أسبوع كانت ناهد وجلال بيفطروا علي السفرة وتالين قالت
تالين
انا عايزة اروح البلد ازور عمتي اصلها تعبانه أوي وواحده قربتنا كلمتني وقالت لي انها نفسها تشوفني
ناهد
هو انتي مش كنتي قولتي انك ملكيش حد غير عمك يا تالين
تالين
ايوه فعلا انا مكنش ليا حد غير عمي وعمتي اللي عايشه في بلد أرياف انا كنت اصلا مليش علاقة بيهم خالص من بعد بابا ما مات لانهم هما اللي مكانوش عايزني بس الظاهر كده ان عمتي بتموت وعايزة بقا تعمل حاجه لاخرتها
ناهد
امممم طيب أسمعي انا هبعت معاكي السواق يوصل لحد هناك وأنتي بعد لما تخلصي الزيارة انتي هتفضلي معاها يومين مش كده
تالين
اكيد هفضل يومين هناك
ناهد
خلاص ابقي كلميه يروح ياخدك
تالين بحزن
تشكري يا ناهد هانم
وبعدها مشي جلال واتصل بتالين وقالها
جلال
ايه حكاية عمتك دي يا تالين انتي مقولتيش عنها يعني
تالين
اعمل ايه يا جلال بس ماهو أنا ملحقتش اني أقولك علي حاجة وبعدين أنا مكنتش عامله حسابي علي المشوار ده من الاول
جلال
طيب خلي بالك من نفسك وابقي طمنيني
تالين
كنت بحسبك هتقولي انك هتيجي توصلني عشان اقول لعمتي انك جوزي بس الظاهر كده اني عادي بالنسبة لك
جلال
تالين مش وقته المهم انتي خلي بالك من نفسك يلا سلام دلوقتي
وقفل معاها وهي فضلت تفكر فيه وبعدها سافرت فعلا
وفي اليوم ده بالليل جلال كان بره في مشوار شغل واتأخر لحد نص الليل وبعدها
رجع الفيلا وأول لما دخل لاحظ إن باب الفيلا الخارجي موارب ودخل وهو بينادي علي ناهد وبيقول
جلال
ناهد يا ناهد انتي فين
ساعتها مكنش فيه رد منها وقال لنفسه
جلال
الله هي راحت فين دي يمكن طلعت تنام طيب ايه اللي كان سايب باب الفيلا مفتوح كده دي ناهد حتي مش بتحب الباب يبقا مفتوح
وطلع يجري على فوق ولاقي باب أوضة النوم كان مفتوح نص فتحة زقه بإيده ودخل واتجمد مكانه واتصدم لما لاقي ناهد مرمية على الأرض جنب السرير وعينيها مفتوحة ووشها شاحب وفي رقبتها آثار خنق والمخدة مرمية بعيد والستاير متقطعة وكأن كان في خناقة حصلت
جلال صرخ بصوت هز البيت
نااااهد يا نااااهد انتي ايه اللي حصلك قومي يا ناهد مين اللي عمل فيكي كده
جرى عليها ورفع راسها بين إيديه وهو بيرتعش لكن كانت خلاص ماتت
وقع على الأرض وهو مش مستوعب
وبعد ثواني مسك موبايله واتصل بالشرطة والإسعاف
في أقل من نص ساعة الفيلا اتملت ظباط وعساكر والمعاينة بدأت
الضابط كان بيلف في الأوضة وبيبص لكل حاجة وقال
الضابط
واضح إن الجاني حد تعرفه المجني عليها
مفيش كسر في الأبواب ولا سرقة ولا حاجة
جلال كان واقف متوتر وكان حزين جدا عليها وفجأة افتكر كلام تالين وهي بتقول له
لو حكمت اني أخلص منها وأقتلها هعمل كده
عينيه وسعت وقال بصوت متوتر
جلال
تالين هي مفيش غيرها اللي عملت كده
الضابط بص له وقاله
مين تالين دي
جلال بلع ريقه
واحدة شغالة هنا في الفيلا بس سافرت الصبح والمفروض انها مش موجوده أصلا
الضابط ركز معاه وقال
وسافرت فين ولما هي سافرت زي ما بتقول ليه قولت ان هي
جلال
هي قالت انها رايحه عند عمتها في البلد وبعدين انا حاسس انها هي اللي عملت كده اسألها حضرتك
الضابط قال بسرعة
طيب هات رقمها دلوقتي
وبعدها اتصلوا عليها وبعد ساعة كانت راجعة مع السواق وهي منهارة من الخضة ومش فاهمة في إيه
أول ما دخلت الفيلا وشافت الشرطة صرخت وقالت
تالين
في إيه وإيه اللي حصل
جلال نزل السلم ووشه كله غضب وقف قدامها وقال
جلال
قتلتيها ليه يا تالين ليه عملتي كده
تالين رجعت خطوة لورا مصدومة وقالت
تالين
أنا ايه اللي انت بتقوله ده قتلت مين انا مش فاهمه حاجه
جلال زعق
متعمليش نفسك بريئة يا روح امك انا عارف انك انتي اللي عملتي كده وبعدين انتي اللي قولتي بنفسك إنك انت عايزة تتخلصي منها
تالين دموعها نزلت
والله ما قتلتها ولا عملت حاجه وبعدين انا اصلا كنت عند عمتي زي ما انت عارف
جلال قرب منها بعصبية
يعني سفرية عمتك دي كانت حجة
عشان تبعدي عن الشبهة وترجعي ولا كأنك عملتي حاجة صح
تالين
لا والله العظيم أنا روحت فعلا البلد واسألوهم هناك
الضابط اتدخل بينهم وقال بحزم
كفااااية كده هو ايه اللي انتو بتعملوه ده
وبعدين ممنوع أي حد يتهم حد من غير دليل
وبدأ يسأل تالين
الضابط
انتي من ساعة ما خرجتي من هنا لحد ما رجعتي كنتي فين بالظبط اتفضلي قولي لنا ايه اللي حصل
تالين حكيت كل حاجة عن البلد وبيت عمتها والجيران اللي شافوها
والضابط سأل السواق والسواق أكد إنه وصلها فعلا وسبها هناك في البلد
جلال اتلخبط لكن غضبه مراحش
وفي أثناء التفتيش نادوا الضابط من فوق
عسكري
يا فندم تعالى بسرعة تعالي شوف كده
وطلعوا كلهم ولقوا في أوضة ناهد درج مفتوح وفيه أوراق ناقصة وبواقي ورق مرمي وخزنة صغيرة مكسورة
الضابط قال
واضح إن الموضوع أكبر من مجرد غيرة ستات يا ستاذ جلال
جلال اتصدم
إيه الأوراق دي اصلا المفروض ان الاوراق دي تخص الشركة
فتحوا باقي الملفات ولقوا عقود شركات وتوكيلات وأرقام وحسابات
الضابط بص لجلال
وهو مين يعرف عن الأوراق دي يا استاذ جلال
مفيش يا فندم الاوراق دي خاصه بشركتي بس مين اللي هياخد نص الورق والنص التاني هيسيبه كده
الظابط
طيب انا هاروح دلوقتي علي القسم ولازم انت تيحي انت واللي اسمعا تالين دي عشان نشوف التحقيقات هتوصل لحد فين ااه صحيح هي المدام الله يرحمها كان ليها قرايب او حد غيرك
جلال
ايوه ليها اخواتها سلمي وكارما واصلا بقالهم فترة مقاطعين اختهم ومش بيجوا هنا خالص
الظابط
طيب اتفضل قدامي احنا اصلا كده كده هنجيب الكل عشان التحقيقات
وبعدها لما الظابط اخدو في القسم سالوا وقال
الظابط
قولي بقا يا استاذ جلال انت ليه بتتهم الخدامه انها هي اللي عملت كده
جلال بتردد وتوتر
اصل يا فندم الصراحه كده اااا
الظابط
ياريت تقولنا كل حاجه ومتخبيش حاجه
في اللحظه دي جلال حكي له كل حاجة عن الاتفاق وجوازة من تالين وكلامها ليه لما قالت انها عايزة تخلص منها
وبعدها وجابوا سلمي وكارما ووصلت سلمي وكارما علي القسم وهم منهارين من العياط وأول ما شافوا جلال واقف قدام مكتب الضابط جريوا عليه
وسلمي زعقت بصوت عالي
سلمي
إنت اللي قتلتها يا جلال إنت السبب في كل اللي حصل لأختي منك لله
كارما شدت هدومه بعصبية وقالت
يا خسيس خدتها مننا وقطعت علاقتها بينا وفي الآخر موتها كمان كل ده عشان فلوسها
جلال اتراجع خطوة وقال بغضب
إنتوا اتجننتوا ولا ايه انتو بتقولوا ايه ده أنا اللي بلغت الشرطة أول ما رجعت ولقيتها مرمية في الأرض وانا لا يمكن اعمل كده في ناهد
سلمي قربت منه وهي بتبكي
انت بتمثل على مين يا جلال إنت آخر واحد كان معاها وإنت أكتر واحد مستفيد من موتها مش كده برضو
كارما قالت بحدة
أيوه الشركة والفلوس وكل حاجة كانت باسمها مش كده ولا لأ
جلال اتعصب وقال
احترموا نفسكم وأنا مش هسمح بواحدة فيكم انها تتهمني وتظلمني وانتو عارفين انا كنت بحب ناهد اد ايه
سلمي صرخت
ظلم ايه يا مفتري أختي كانت عايشة وبتاكل وتشرب وفجأة تموت في بيتها وتقول ظلم
كارما قالت وهي بتشاور عليه
من يوم ما دخلت حياتها وهي اتغيرت وبقت خايفة ومتوترة أكيد كنت بتضغط عليها
الضابط زعق فيهم وقالهم بصوت حازم
الظابط
كفاية صوت عالي هنا ده قسم شرطة مش سوق هو وبعدين انا مش هسمح لحد يتجاوز حدوده
سلمي بصت له وقالت
يا باشا حق أختي لازم يرجع والراجل ده لازم يتسجن
الضابط
كل واحد هيتحقق معاه ومفيش حد هيفلت من العقاب واللي عمل كده هنعرفه
وفي اللحظة دي دخل عسكري ومعاه تالين وكانت وشها شاحب وبتضم إيديها من الخوف وأول ما شافتها سلمي قالت
سلمي
أهي دي كمان بقا تبقا شريكتك يا جلال مش كده الخدامة اللي خربت بيت أختي
كارما
أكيد هما الاتنين عملوها سوا
تالين انفجرت في العياط وقالت
والله ما عملت حاجة أنا مليش دعوة حرام عليكم انا لا يمكن اعمل كده أبدا
جلال بص لها نظرة متلخبطة ما بين الغضب والشك وسكت والضابط أمر العسكري وقال
الظابط
خدوها الحجز مؤقت لحد ما النيابة تكمل التحقيقات
تالين شهقت وقالت
أنا بريئة والله العظيم أنا مظلومة معملتش حاجة صدقني يا جلال معملتش حاجه
العسكري خدها وهي بتبكي وبتبص لجلال تستنجد بيه لكنه فضل واقف ساكت
سلمي قالت
شفت يا جلال اللي انت عملته انا بقا عارفه انك عملت كده في اختي
كارما
متفكرش اننا هنسيبك كده احنا بقا هنجيب حق ناهد اختنا منك يا واطي
جلال قعد على الكرسي وهو حاسس إن الدنيا بتقفل عليه من كل ناحية
وفي نفس الوقت الضابط قالهم
الظابط
تقدروا تمشوا دلوقتي واحنا هنباشر التحقيقات وهنعرف مين فيهم اللي عملها تالين ولا جلال
جلال
يا فندم انا حكيت لحضرتك علي كل حاجه
الظابط
بس برضو حضرتك قدامي مذنب يا استاذ جلال
الظابط فضل طول الليل يقلب في الكلام اللي سمعه وكل حاجة وكان حاسس إن في سر أكبر من مجرد غيرة أو خيانة
وفي الصبح بدري أمر قوة تروح تفتش بيت سلمي وكارما
وسلمي كانت نايمة وصحيت على خبط جامد على الباب
سلمي
مين بيخبط كده
العسكري من بره
افتحي شرطة
اتخضت هي وكارما وبصوا لبعض برعب
وكارما قالت
يا نهار اسود هم جايين هنا ليه
فتحت سلمي الباب ودخل الظابط ومعاه القوة وهو بيبص في البيت كله
الظابط
معلش يا استاذة كارما انتي والاستاذه سلمي احنا معانا امر بتفتيش البيت
سلمي بعصبية
يعني احنا بقينا متهمين ولا إيه
الظابط
اللي بريء ميخافش
وبدأوا يفتشوا الأوضة والدولاب وتحت السرير لحد ما عسكري طلع صندوق خشب قديم من فوق الدولاب
العسكري
لقيت ده يا فندم
الظابط فتحه قدامهم واتصدم لما لاقي جواه ملفات وعقود وأوراق الشركة الناقصة من فيلا ناهد الظابط رفع عينه وبصلهم جامد
الظابط
الأوراق دي جت هنا ازاي
سلمي وشها اصفر وقالت
م م معرفش
كارما اتلخبطت وقالت
دي ناهد هي اللي كانت مديهالنا
الظابط زعق
كدب ياريت بقا تعترفوا بكل حاجه
وساعتها الاتنين انهاروا وقعدوا يعيطوا
الظابط
انا عايز الحقيقة كاملة
سلمي مسكت راسها وقالت وهي بتترعش
سلمي
احنا مكنش قصدنا نقتلها والله ما كان قصدنا
الظابط قرب منها وقال
احكي من الأول ايه اللي حصل
وساعتها بدأوا يحكوا
#فلاش بااااااك
ليلتها سلمي وكارما راحوا الفيلا من غير ما يبلغوا حد
وناهد فتحت لهم وكانت نسيت تحط المخده ولما شافتهم اتخضت وقالت
ناهد
سلمي وكارما في ايه انتوا جايين ليه
سلمي
ايه يا ناهد جايين لأختنا ونشوفها ولا بقى ممنوع دخلولنا القصر هنا
وساعتها كارما بصتلها جامد وقالت
كارما
استني كده اومال بطنك فين يا ناهد وحامل ايه بقا
سلمي ركزت في بطنها وقالت
اه صح انتي بطنك راحت فين
ناهد اتوترت ومش عارفه ترد وكارما قالت
كارما
يعني بتضحكي على الناس وبتكذبي وتوهمينا انك حامل
سلمي قالت بصدمة
هو انتي مش حامل أصلا
ناهد اتعصبت وقالت
ملكوش دعوة بيا
كارما قالت بحدة
إحنا عرفنا كل حاجة الخدامة اللي اسمها تالين هي اللي متجوزة جلال عشان تخلفلك
سلمي دموعها نزلت وقالت
بقا وصلتي لكده يا ناهد تشتري طفل وتشتري راجل وتذلينا
ناهد زعقت
اخرسوا انتوا الاتنين واطلعوا بره
سلمي قالت
احنا محتاجين حقنا من الورث اللي عندك ومش هنمشي غير لما ناخده
ناهد ضحكت بسخرية
ولا مليم ليكم
كارما فقدت أعصابها ومسكت إيدي ناهد
كارما
انتي طول عمرك شايفانا أقل منك
ناهد حاولت تفلت وضربتها
سلمي جريت تمسكها من ورا عشان تهديها
لكن ناهد كانت بتقاوم بعنف وتصرخ
كارما مسكت مخدة من على السرير وحطتها على وشها تسكتها
سلمي كانت ماسكا إيديها ثواني وعدت وفجأة ناهد ماتت
الاتنين بعدوا عنها وبصوا لبعض برعب
سلمي
قومي يا ناهد قومي
كارما وقعت على الأرض وهي بتعيط
كارما
دي ماتت يا سلمي
سلمي قالت بخوف
ازاي طيب هنعمل ايه
كارما بصت على الدرج المفتوح وقالت
خدي أي أوراق وفلوس ونمشي يمكن يفتكروا انها سرقة يلا
وأخدوا الملفات وجروا من البيت
#باااااااااك
في القسم سلمي كانت منهارة
سلمي
والله ما كنا عايزين نموتها
كارما
هي اللي استفزتنا وضربتنا واحنا اتعصبنا
الظابط قال ببرود
لكنكم قتلتوها وسرقتوا الأوراق
واتقبض عليهم واتحولوا للنيابة
أما تالين فخرجت من الحجز وهي بتبكي من الفرحة لما عرفت إن براءتها ظهرت
جلال جري عليها قدام القسم ومسك إيديها وقالها
جلال
سامحيني يا تالين أنا ظلمتك وسكت لما كنتي محتاجة لي
تالين بصت له بدموع وقالت
أنا كل اللي كنت عايزاه إنك تصدقني يا جلال
جلال شدها لحضنه وقال
من النهارده انتي مراتي قدام الدنيا كلها وانتي أم ابني وكل حياتي
بعد شهور
كانوا قاعدين في مطعم هادي على النيل
وتالين شايله ابنهم
وجلال بيأكلها بإيده وهو بيضحك
تالين
مين كان يصدق إننا هنقعد كده في يوم من الأيام
جلال ابتسم وقال
أنتي من يوم ما دخلتي حياتي وأنا اتولدت من جديد
تالين مسكت إيده وقالت
وأنا من يوم ما حبيتني حسيت إن الدنيا صالحتني يا جلال انا مش عايزاك تبعد عني انا وابنك أبدا
جلال
مش هيحصل يا حبيبتي
وقعدوا يتعشوا في سعادة لأول مرة من غير خوف من حد
وبكده تكون خلصت قصتنا
إرسال تعليق