جميع الروايات كامله

 رواية عشقي لخادمتي دمرني الحلقه الاولي بقلم هويدا زغلول حصريه وجديده على مدونة النجم المتوهج 

رواية عشقي لخادمتي دمرني الحلقه الاولي بقلم هويدا زغلول حصريه وجديده على مدونة النجم المتوهج 

رواية عشقي لخادمتي دمرني الحلقه الاولي بقلم هويدا زغلول حصريه وجديده على مدونة النجم المتوهج 

رواية عشقي لخادمتي دمرني الحلقه الاولي بقلم هويدا زغلول حصريه وجديده على مدونة النجم المتوهج 

جلال وهو قاعد علي السرير وقدامه تالين الخدامه وبتقول له 

تالين وهي باصه في عينه 

نفسي اعرف بس اعملك اي ثاني علشان خاطر تحس بيا والله العظيم انا بحبك قوي يا استاذ جلال 

وبعدها بص ليها جلال وقال 

بس ما ينفعش الكلام ده يا تالين انت عارفه ومتاكده كويس قوي ان انا متجوزك علشان خاطر العيل اللي في بطنك وبعدها كل واحد هيروح لحاله 

تالين 

بس انا مش هقدر اعيش من غيرك ربنا يعلم انا حبيتك ازاي. الله ومقدرش اعيش من غيرك 

وفي الوقت ده الباب خبط وبعدها قام جلال جري وقال ليها 

جلال 

يا خبر ابيض شكلها ناهد مراتي هنعمل اي دلوقتي 

تالين 

استخبي في الدولاب مش هينفع تشوفك هنا 

وبعدها فعلا راح استخبي في الدولاب وراحت تالين فتحت ودخلت ناهد وقالت ليها 

ناهد 

هو فيه اي انتي قافله الباب علي نفسك ليه يا بت انتي 

مش قولت اياك تعملي كده تاني 

تالين 

انتي شايفه ان الجو حر وانا مش بقدر 

انام بهدوم تقيله واظن يعني مفيهاش مشكله 

ناهد وهي عامله تبص بعينها في الاوضه كلها وبعدين قالت 

ناهد 

اه طيب انتي صاحيه لحد دلوقتي ليه 

تالين 

كنت بشرب انا لسه صاحيه دلوقتي 

ناهد 

طيب نامي يا حبيبتي نامي السهر وحش علشانك 

وبعدها خرجت 

جلال خرج من الدولاب وقال ليها 

جلال 

انا لازم اخرج دلوقتي علشان ناهد متعملش مشكله وهنكمل كلامنا بعدين 

وبعدها خرج من الاوضه. تالين قفلت الباب وبعدها اقعدت علي السرير وقالت 

تالين 

هو انت فاكر انك هتاخد مني اللي انت عايزة وبعدها انا هطلق وإسكت ده بعدك انا هوريك هعمل اي 

وكانت ناهد في اوضتها وقالت 

ناهد 

يا تري انت فين يا جلال وبعدين يا ناهد اي اللي عملتي ده ازاي تدخلي اوضه البنت هو انتي معقوله شكه في جوزك انتي اللي عملتي في نفسك كده وجوزتيها ليه 

وبدأت تفتكر اللي حصل 

                             فلاش باك 

راجعه ناهد من عند الدكتور ووشها مخطوف وعينها فيها دموع مكتومه ودخلت الفيلا وهي مش شايفه قدامها

جلال كان قاعد مستنيها اول ما شافها قام وقال

جلال

مالك يا ناهد شكلك مش طبيعي في اي احكيلي  الدكتور قالك ايه انتي سكتك دي بتخوفني

ناهد قعدت على الكرسي وهي تايهه وبصت له وقالت بصوت مكسور

ناهد

الدكتور قاللي اني عمري ما هخلف وان الموضوع انتهى خلاص مفيش امل

جلال اتصدم وقرب منها بسرعه

جلال

انتي بتقولي اي الكلام ده مش صح اكيد الدكتور غلط احنا نروح لغيره ونشوف غيره الدنيا ما وقفتش على واحد

ناهد هزت راسها وهي بتعيط

ناهد

لفيت على دكاتره كتير وكلهم قالوا نفس الكلام انا مش هبقى ام يا جلال

جلال قعد جنبها وحاول يهون عليها

جلال

خلاص يا ناهد نصيب وربنا عوضنا في حاجات تانيه كتير واحنا نعيش لبعض وخلاص

ناهد بصت له بنظره فيها خوف وطمع

ناهد

لا انا مش هعيش من غير عيل انا لازم يكون ليا ابن يشيل اسمي وكل اللي عندنا ده ما يروحش لاخواتي انا مش هسيبهم ياخدوا تعبنا كله

جلال اتضايق وقال

جلال

يعني عايزة تعملي اي يعني  وبعدين ده امر ربنا يا حبيبتي وانا أصلا مش عايز اي حاجه من الدنيا غيرك والله  ولا فلوس ولا اي حاجه 

ناهد سكتت لحظه وبعدين قالت وهي بتفكر

ناهد

بص هو فيه طريقه تانيه بس مش عارفه انت ممكن توافق عليها ولا لا بس هاقولك عليها برضو ونشوف 

جلال بص لها باستغراب

جلال

طريقه ايه دي يا ناهد اتكلمي علي طول في إيه 

ناهد قربت منه وقالت بصوت واطي

ناهد

الحل انك انت تتجوز تالين الخدامه اللي بتشتغل عندها وبعدها هي تحمل وناخد منها العيل مقابل قرشين هي تاخدهم ولو وافقت دلوقتي انا ممكن اكلم اختي واقول ليها أن انا حامل وبعدها العيل كده كده يبقا ابننا 

جلال قام وقف مره واحده وهو متعصب

جلال

انتي اتجننتي انتي بتقولي اي ازاي اتجوز الخدامه يعني إزاي 

والله انتي  شكلك كده مش عارفه أنتي بتقولي اي 

ناهد قامت وراه وهي بتترجاه

ناهد

اسمعني بس تالين بنت غلبانه وملهاش حد خالص واحنا نقدر نخليها تحمل منك وبعدها العيل يبقى لينا ويتكتب باسمي ونقول للناس اني انا اللي حامل

ارجوك توافق ده الحاجه الوحيده اللي هتخليني ام يا جلال انت عايز تحرمني منها 

جلال هز راسه برفض

جلال

لا مستحيل انا عمري ما اعمل كده

ناهد مسكت في ايده وهي بتعيط

ناهد

علشان خاطري يا جلال انا مش عايزه اخواتي ياخدوا كل حاجه انا عايزه ابني هو اللي يورث كل ده انا نفسي ابقى ام حتى لو بالاسم

جلال حاول يبعد ايده

جلال

ده حرام وغلط والناس لو عرفت الدنيا هتتقلب علينا انا وانتي يا ناهد انتي مش عارفه انتي بتقولي ايه ولا إيه 

ناهد قربت منه اكتر وصوتها بقى ضعيف

ناهد

محدش هيعرف حاجة وقولت لك انا هقول اني حامل واسافر كام شهر ولما ارجع يبقى معايا العيل وكل حاجه تخلص علي كده وخلاص 

جلال سكت وهو محتار

ناهد كملت وهي بتضغط عليه

ناهد

انا عمري ما طلبت منك حاجه زي دي قبل كده ودي اول مره اطلب منك طلب يخص حياتي كلها يا جلال ارجوك بقا توافق 

جلال قعد وهو حاطط ايده على راسه

جلال

والبنت دي هنقولها اي ونقنعها ازاي افرضي انها رفضت اصلا الفكرة كلها ايه هيبقا موقفك بقاااا 

ناهد

سيبها عليا انا هكلمها وهي هتوافق غصب عنها احنا اللي مشغلينها وهي ملهاش حد في الدنيا غيرنا 

جلال رفع عينه وبص لها

جلال

انا مش مرتاح للموضوع ده وقلقان منه جدا 

ناهد قالت بلهفه

ناهد

بس انا مرتاحه ومش هعيش غير بيه ولازم نعمل كده عشان انا اقدر ابقي ام 

سكت لحظه طويله وبعدين جلال قال وهو مكسور

جلال

ماشي يا ناهد بس بجد مش عايز اندم ان وافقت علي الحوار ده 

ناهد دموعها نزلت بس كانت فرحانه

ناهد

ربنا يخليك ليا يا جلال انت كده رجعتلي روحي من تاني 

وبعدها دخلت ناهد عند تالين المطبخ 

ناهد 

قوليلي يا تالين انتي من ساعه ما جيتي عندي هنا الفيلا وأنا معرفش عنك اي حاجه ولا اهلك ولا عيشتك انتي حتي مش بتاخدي اجازه خالص انتي ايه ملكيش حد ولا ايه 

تالين سابت المواعين اللي كانت عامله تغسل فيها وقالت 

تالين 

ايوه يا ناهد هانم انا فعلا مليش حد لأن ابويا وامي ماتو ومش ليا الا عمي ومش عايز يعرف عني حاجه ولا عايز يساعدني وده اللي خلاني اشتغل عند حضرتك 

ناهد 

طيب انا عايزه اطلب منك طلب وعارفه انك لا يمكن ترفضي وانا مقابل كده هديكي الفلوس اللي انتي عايزها كلها بس توافقي الاول ونتفق علي كل حاجه 

تالين

موضوع ايه ده يا ناهد هانم خير 

ناهد سكتت شويه وبعدين قالت ليها 

ناهد 

انا عايزكي تتجوزي جلال جوزي يا تالين 

وبعدها تالين قالت بصدمه 

تالين 

ايه حضرتك بتقولي ايه ازاي يعني ايه الكلام ده لا طبعا انا لا يمكن اوافق علي كده وانا اصلا اتجوز جلال بيه ازاي 

ناهد 

اهدي بس واعرفي هنعمل كده ليه الموضوع وما فيه أن انا نفسي اكون ام 

وبعدها قالت ليها علي كل حاجه 

ناهد 

وانتي عارفه أن انا معايا فلوس كتيره اوي وهعملك كل اللي انتي عايزه بس انتي توافقي علي الجواز 

تالين 

حضرتك عارفه ان مش كل حاجه بتيجي بالفلوس يا ناهد هانم 

لا لا طبعا انا لا يمكن اوافق علي الكلام ده 

وبعدها تالين مشيت من البيت وراحت قابلت وليد ابن عمها وقالت ليه الحكايه كلها 

وليد 

ايه ده انتي اكيد غبيه ازاي يعني ترفضي طلب زي ده انا لو منك اروح اوافق علي الجواز ده 

تالين 

معقوله انت اللي بتقول الكلام ده ده انا كنت فاكر انك انت بتحبني وعايز تتجوزني 

وليد 

طبعا يا تالين انا عايز اتجوزك بس انت شايفه مستقبلنا عامل ازاي لو انت وافقتي على الحوار ده هي هتديكي الفلوس اللي احنا نقدر نتجوز بيها ونعيش بيها بقيت عمرنا مرتاحين 

تالين 

بس انت كده مش هتتجوزني وانا بنت وهتقدر تعيش معايا وانت عارف اللي حصل ده واصلا انا المفروض اني هخلف وهما هياخدوا أبني 

وليد 

يا ستي وهو ايه اللي حصل ما الجواز هيكون علي سنه الله ورسوله يعني انتي مش هتعملي حاجه حرام 

تالين 

تمام ماشي بس العيل مش هيتكتب باسمي بجد انا خايفه من الموضوع ده يا وليد

وليد 

بطلي اللي انت فيه بقى ده يا تالين ووافقي على موضوع الجواز خلينا ناخد الفلوس ونقدر نتجوز بيها انا وانت انا ما اقدرش اعيش من غيرك يا بت 

وبعدها تالين رجعت الفيلا 

ناهد 

اكيد راجع علشان خاطر تاخدي حاجتك انا جهزتها لك كلها اهي يا تالين وكمان جهزت لك مرتبك كامل علشان خاطر تقدري تصرفي منه علي نفسك 

تالين 

وانا مش راجعه علشان خاطر كده انا راجعه علشان اقول لك ان انا موافقه على موضوع الجواز ده وهعمل لك كل اللي انت عايزاه 

ناهد بفرحه 

انت بتتكلمي بجد يا تالين والله العظيم ما تعرفي انا هعمل لك ايه اي حاجه انت نفسك فيها هعملها ليكي ربنا يخليكي ليا يعني ابدا اكلم اخواتي واقول لهم ان انا حامل 

تالين 

هو انتي واثقه منين الحمل هيحصل بسرعه كده مش تصبري الاول لما اكون انا حامل وبعدها ابقي عرفيهم انكم حامل عشان متتعشميش برضو ويرجع في الاخر ما يحصلش حاجه 

ناهد 

ايوه صح معلش انا والله من الفرحه مش عارفه انا بقول اي عندك حق بس الفتره دي مش عايزاكي تظهري في الفيلا خالص علشان أخواتي محدش فيهم يشوفك تمام 

وبعدها فعلا تالين اتجوزت جلال وحملت منه علطول 

                       #باك 

وبعدها تاني يوم كانت ناهد نايمه علي الكرسي وراح جلال جنبها وقال 

جلال 

ناهد يا ناهد مالك نايمه كده ليه قومي يا حبيبتي ايه اللي منيمك كده انتي كويسه 

وبعدها ناهد صحيت وفتحت عنيها وقالت 

ناهد 

جلال  انت جيت هو انت كنت فين انا فضلت ادور عليك في الفيلا امبارح مش لقيتك خالص رحت فين يا حبيبي 

جلال 

كان ورايا شغل كتير في المكتب وكنت بخلصه 

وبعدها راحت عليا نومه برضه هو انتي دخلتي المكتب 

ناهد 

لا لا مش دخلته المهم أنا عايزه اقولك ان اخواتي عايزين يجيوا الفيلا هنا وبيقولوا انهم عايزني في موضوع مهم أنا مش عارفه هيكونوا عايزني في ايه بس 

جلال 

طيب انا مش هكون موجود عشان انتي عارفه ان اخواتك مش بيحبوني وانا مش عارف ليه عملت لهم ايه انا مش عارف 

ناهد 

خلاص يا حبيبي متحطش الكلام ده في دماغك المهم انا هخلي تالين تخرج من الفيلا عقبال ما يمشوا هما 

جلال 

البنت حامل وتعبانه هتخليها تروح فين بس يا ناهد ما تسيبها قاعده في اوضتها وبلاش تخرج منها وهما موجودين وخلاص 

ناهد بصت له بحده وعينها ولعت

ناهد

هو انت من امتى بتخاف عليها كده يا جلال وبتتكلم عنها بالحنية دي هي بقت اي بالنسبه لك علشان تدافع عنها بالشكل ده قدامي انت نسيت انك متجوزها ماعون ولا إيه 

جلال اتلخبط وحاول يلم الموضوع وقال 

جلال

ااا انا مش بدافع عنها انا بقول انها تعبانه وحامل ومينفعش نرميها برا كده علشان خاطر اخواتك بس ده اللي انا قصدي عليه يا حبيبتي متفهميش غلط 

ناهد قربت منه وصوتها علي

ناهد

لا بتدافع عنها وبتخاف عليها كمان وانا اللي كنت فاكره اني مسيطرة على كل حاجه طلعت انا اللي عايشه على الهامش 

جلال اتعصب هو كمان

جلال

انتي مكبرة الموضوع على الفاضي ليه كده يا ناهد وبعدين دي خدامه وعملنا معاها اتفاق ومتنسيش ان اللي بطنها ده هيبقا ابننا واحنا لازم نخاف عليها لحد لما تولده ويبقا معانا ولا انتي مش عايزاه 

ناهد زعقت فيه

ناهد

لا يا جلال الموضوع كده وانا مش مكبرة الموضوع على الفاضي زي ما انت بتقول لا يا حبيبي انت قلبك بدأ يميل لها وانا مش هسمح بده انا اللي جوزها لك وانا اللي اقدر اخدها منك في لحظه وابعدها عنك كمان انت سامع 

جلال بصلها بضيق

جلال

خلاص اعملي اللي انتي عايزاه انا مش ناقص خناق مش هيبقا  كل يوم علي وانا من الاول أصلا كنت رافض فكرة الحواز ديه بس انتي اللي صممتي وانا بقي مش عايز اكمل اللعبه دي 

ناهد

ماشي بس انا فعلا هعمل اللي انا عايزاه

وبعدها خرجت من الاوضه وهي متعصبه ونادت على تالين وقالت 

ناهد

يلا يا تالين جهزي نفسك وخدي حاجتك انتي هتمشي من الفيلا دلوقتي حالا 

تالين اتصدمت وقالت

تالين

امشي اروح فين دلوقتي يا ناهد هانم وانا بالحاله دي

ناهد

معلش انا أخواتي جاين عندي وانتي عارفه أن انتي مش هينفع تكوني موجوده هنا وهما هنا عشان محدش يلاحظ عليكي حاجه وياخدوا بالهم 

تالين بصت لجلال وقالت 

تالين

طيب حاضر انا همشي زي ما حضرتك عايزة 

وبعدها خرجت من الفيلا وهي بتمسح دموعها وراحت تالين عند وليد وخبطت على الباب وليد فتح وهو متلخبط وقال 

وليد

ايه ده ااا انتي جيتي هنا ليه دلوقتي يا تالين هو في حاجة ولا ايه ومالك كده 

تالين دخلت وهي مرهقه

تالين

مالك واقف كده ليه خليني ادخل الاول يا وليد هو في ايه 

وفجأة سمعت صوت بنت جوا الاوضه

البنت خرجت وهي لابسه هدوم خفيفه وقالت

سما 

ايه ده هو في اي يا وليد وتطلع  مين دي بقا أن شاء الله 

تالين بصت له بصدمة وعينها دمعت

تالين

ودي تطلع مين دي يا سي  وليد وبتعمل اي عندك هنا في شقتك 

وبعدها وليد فضل ساكت شويه واتوتر وقال وهو عرقان 

وليد

دي دي دي واحده صاحبتي أصل يعني ااا 

وقبل ما يكمل تالين صرخت فيه وقالت 

تالين

صاحبتك ازاي وانت بتقولي انك بتحبني وعايز تتجوزني وانا بعمل كل ده علشانك انت  وحملت علشان خاطرك وفي لاخر تعمل فيا  كده ليه تعمل كده يا واطي يا ناقص انت 

وليد حاول يهديها

وليد

اهدي بس يا حبيبتي الموضوع مش كده خالص اهدي وانا هفهمك 

تالين زعقت

تالين

لا هو الموضوع كده وانت بعتني وخلتني اروح اتجوز واحد تاني علشان الفلوس عشان انا اجيبها لك وانت بقا تعييش حياتك مع واحده غيري مش كده اما انك ناقص بصحيح 

سما 

هو انتي فاكره نفسك اي علشان يسيبني علشانك يا حبيبتي لا يا ماما فوقي كده واعرفي اني سما ووليد مش هيقدر يستغني عني ابدا ماشي 

تالين بصت لها بوجع وقالت 

تالين

عندك حق بس انا كنت فاكره نفسي كل حاجه في حياته بس هو طلع ولا حاجه انا فعلا غلطانه ان صدقت. واحد زيك يا وليد علي العموم اشبع بيها انتو الاتنين شكلكم زي بعض 

وبعدها مشيت من عندة وهي عماله بتعيط جامد وفي الفيلا كانت قاعده ناهد مع كارما وسلمي اخواتها 

ناهد 

بجد مش عارفين انا فرحانه ازاي انت انتو عندي والله يا كارما انتي وسلمي ربنا ما يحرمنا من بعض يارب 

كارما 

يارب يا حبيبتي بس اقعدي كده يا ناهد عشان عايزين نتكلم معاكي في موضوع مهم جدا

ناهد 

خير يا حبيبتي هو في حاجة ولا إيه 

كارما 

دلوقتي انت كنتي قايله زمان انك هتكتبي لنا حاجه من فلوسك والشركات بتاعتك مش كده برضو يا ناهد ولا انتي نسيتي 

ناهد 

اه يا كارما الكلام ده كان هيحصل فعلا يا حبيبتي بس ده قبل ما انا اكون حامل وانا دلوقتي وهجيب الولد اللي هياخد كل حاجه وهيورثني 

سلمي 

بس انت عارفه ظروفنا عامله ازاي وبجد احنا محتاجين الفلوس والمفروض انك انت تكتبي لنا اي حاجه من الورث بتاعك ما احنا برضو اخواتك واحنا ملناش غير بعض ولا إيه 

ناهد 

ايه الكلام اللي انتم جايين تقولوه ده لا طبعا انا مش هعمل كده وما تنسوش ان ابوكوا جوزني زمان لواحد اكبر مني في السن علشان خاطر يكون معايا الفلوس دي كلها ومش بعد ما مات جايين دلوقتي وعايزين الفلوس انتو مش من حقكم اي حاجه لان كل اللي عندي ده هيبقا من نصيب ابني اللي جاي

سلمي 

هو انتي ايه يا شيخه عايزه تاخدي كل حاجه ما انت اتجوزتي جلال اللي كان بيحبك من ايام الجامعه خلاص بقى احمدي ربنا علي نصيبك وارضي بيه وادينا اي حاجه من اللي عندك ماهو انتي مش هيبقا عندك كل حاجة واحنا عايشين كده من غير اي حاجة 

ناهد 

انتو ازاي تتكلموا معايا كده يا بت انتي وهي وبعدين هو انا حرماكم من حاجة ده انا اللي بصرف عليكم وببعت لكم كل شهر اللي يكفيكم وزياده ولا انتو بقا طماعنين فيا 

سلمي 

اسمعي يا ناهد احنا اخواتك وملناش غيرك يعني ده حقك علينا انك تقفي جنبنا صح ولا إيه واظن احنا اولي باي حاجه عندك من جوزك اللي احنا مش بنطيقة واللي أنتي عامله له كل حاجه 

ناهد قامت وقفت وقالت 

بقول لكم ايه الزياره انتهت وانا تعبانه جدا والحمل تاعبني وكمان قربت على ولادها مش هستحمل الكلام اللي انتم عاملين تقولوا ده 

كارما وسلمي قامو وقفوا 

كارما 

لا والله بقى انت بتطردينا من البيت بتاعك طيب ماشي يا ناهد بكره تندمي على اللي انت عملتيه ده يلا بينا يا سلمي الظاهر اننا غلطنا لما جينا هنا 

وبعدها فعلا مشيوا وهي بدأت تفتكر اللي حصل زمان 

          فلاش باك 

ناهد قاعده مع ابوها 

ناهد 

ايه الكلام الغريب اللي انت بتقول عليه ده انت عايز تجوزني مديرك في الشغل اللي اكبر منك ب 10 سنين حرام عليك والله اللي انت بتعمله فيا ده هو انا مش بنتك ولا ايه ازاي يا بابا كده 

الاب 

يا بت افهمي وبلاش تبقي عبيطه كده ده راجل غني اوي وعنده فلوس بالهبل ومعندوش حد يورثه يعني هيكتب لك كل حاجه باسمك انتي وانتي اللي هتعيشي في العز ده كله 

ناهد 

ازاي يعني الكلام ده انا مستحيل اتجوز واحد زي ده راجل اكبر مني ده اد جدي يا بابا ازاي انا مش قادرة استوعب انا ازاي هكون مراته 

الأب 

أسمعي كلامي يا ناهد انا بدور علي مصلحتك يا بنتي وبعدين ما انتي قولتي اهو ان هو اد جدتك يعني مش هيعيش كتير وكلها شويه ويفلسع ويسيب لك كل حاجة متبقيش عبيطه أومال 

ناهد 

طيب اشمعنا انا يعني اللي انت عايز تعمل فيا كده ما تختار اي واحده من اخواتي وجوزاها له 

الأب 

اخواتك لسه صغيرين يا ناهد وانتي الكبيرة ولازم تتجوزي الراجل ده يعني لازم تتجوزيه وكله عشان مصلحتك لا عشان مصلحتنا كلنا وبعدين مش احسن من الواد الصايع اللي انتي عايزة تتجوزيه اللي علي جثتي لو فكرتي بس انك تتجوزيه 

ناهد 

والله انا مش عارفة اقولك ايه وبعدين ما انت اصلا رفضت جلال خلاص ومش موافق عليه بتجيب سيرته ليه بقا خلاص هو راح لحاله والله اتجوز ولا لأ 

الأب 

وده مين اللي هتوافق بيه اصلا ده بقولك ايه انتي هتوافقي ورجلك فوق رقبتك انا بقولك أهو انتي سامعه ولا لأ 

ناهد

ماشي ية بابا اللي تشوفوا انا هعمله 

وبعدها اتجوزت ناهد الراجل الكبير في السن وبعد فترة مات وابوها قالها 

الأب 

شوفتي بقا اديكي ورثتي اد إيه يعني انا كان ليا حق لما خليتك تتجوزي جوازة سقع زي دي 

ناهد 

ده عشان ربنا بيحبني مرضاش يخليني استمر مع واحد انا مش طيقاه يا بابا ولو سمحت بقا سبني اتجوز اللي أنا عايزاه 

الأب 

نعم نعم لاااا انسي الموضوع ده انتي هتتجوزى واحد غني برضو سبيني اخطط لك 

وبعدها عدت الايام وابوها مات وجلال راح عشان يعزي ولما ناهد شافته فرحت اوي ورجعت تتكلم معاه واتفقوا علي الجواز وقالت لاخواتها وقالوا لها 

سلمي 

انتي اتجننتي يا ناهد انتي ازاي عايزة تتجوزي الشحات ده ولا انتي ما صدقتي ان ابوكي مات بقا وخلاص هتعملي اللي علي كيفك 

ناهد 

ايوه يا سلمي انا هعمل اللي علي كيفي وبالنسبة ليكم انا هعملكم شهريه تعيشوا منها وتصرفوا زي ما انتو عايزين ومش هيبقا ليكم حجة أبدا 

كارما 

ماشي يا ناهد اعملي اللي علي مزاجك بس اعملي حسابك ان جوزك ده احنا مش عايزين نعرفوا ابدا انتي سامعه ولا لأ 

وبعدها ناهد اتجوزت جلال وعاشت معاه وهي اللي مسكته كل الشركات بتاعتها وخلته يبقا غني 

#بااااك

رجعت من تفكيرها وجلال بيكلمها وبيقول لها 

جلال 

هو ايه اللي حصل يا ناهد اخواتك كانوا بيزعقوا معاكي ليه كده 

ناهد 

مفيش يا جلال اصلهم كانوا جاين وعايزن اني اديهم من الفلوس والورث وانا رفضت

جلال 

طيب متزعليش نفسك يا حبيبتي ومتحطيش في دماغك هما اللي خسرانين اخت في طيبتك وحنيتك علي فكرة بقا 

ناهد 

متزعلش مني يا جلال عشان انا اتعصبت عليك انا عارفه اني جيت عليك بس حقك عليا 

جلال 

ولا يهمك يا حبيبتي انا عارف انك بتغيري عليا اوي عشان كده اتعصبتي بس لازم تعرفي انك انتي اللي حطيتنا في الموقف ده وانا اللي مكنتش عايز كده 

ناهد 

اعمل ايه ما كان غصب عني اللي حصل ده هو انا يعني كنت احب كده انا لا يمكن اعمل كده غير لو كان غصب عني علي العموم حصل خير بس اخواتي طمعانين فيا تصور يا جلال 

جلال 

اخواتك صغيرين وطايشين بس يا ناهد متزعليش منهم هما برضو نفسهم يبقا عندهم زي اللي عندك ده اكيد يعني متزعليش يا حبيبتي 

ناهد 

ربنا يخليك ليا يا حبيبي انا مش عارفة اقولك إيه 

وبعدها لاقت تالين داخله من باب الفيلا وهي عيونها مدمعه وناهد بصت لها اوي وقالت 

ناهد

ايه ده في ايه مالك يا تالين انتي كنتي بتعيطي ولا إيه 

تالين 

لا ابدا مفيش حاجة يا ناهد هانم انا بس كنت قاعده في الجنينه لحد لما لاقيت اخواتك مشيوا قولت ادخل اصل انا مليش حد عشان اروح عنده 

وانهارت من العياط وجلال بص لناهد وهي قالت لها 

طيب خلاص خلاص ادخلي يلا علي اوضتك ارتاحي وبطلي عياط عشان خاطر اللي في بطنك 

ودخلت تالين وهي بتعيط وجلال قال لناهد 

جلال 

شوفت بقا انا كنت اقصد ايه عشان كده كنت بقولك ان البنت دي ملهاش حد ولو حصلها حاجة هيبقا ذنبها في رقبتنا 

ناهد 

خلاص بقا يا جلال الله هو انت هتقعد تسمعني كلام ملوش لازمه ولا إيه انا هدخل انام تصبح علي خير 

وسابته لوحده وقعد يفكر في اللي بيحصل وعند وليد قال لسما 

عند وليد كان واقف في نص الاوضه وعصبي اوي وسما واقفه قدامه ومش فاهمه هو متعصب ليه كده وقالها

وليد

انتي ايه اللي عملتيه ده بس يا سما انتي كده بوظتي كل حاجه علينا وتالين كشفت العلاقه اللي بيني وبينك 

سما

هو انا عملت ايه يعني هو انا يعني قلت غير الحق يا وليد عشان افوقها من اللي هي فيه 

وليد

حق ايه بس انتي دخلتي تتكلمي وتستفزيها لحد ما مشيت وهي مكسوره انا كنت هعرف أرجعها وأفهمها بس بعد اللي انتي عملتيه ده 

سما

ترجعها ليه يا حبيبي علشان تضحك عليها تاني وتاخد فلوسها وبس ولا عشان بتحبها 

وليد

ايوه عشان فلوسها يا سما اومال هو احنا كنا هنعيش ازاي قولي لي ولا انتي فاكره الحب هيأكلنا ويشربنا

سما

يعني انا بالنسبالك ولا حاجه والفلوس أهم مني يا وليد 

وليد

انا مقولتش كده بس انتي لازم تفهمي ان تالين كانت باب رزق مفتوح لينا وهي اللي كانت هتجيب القرشين من الجوازة بتاعتها من جلال 

سما بصدمه

بص يا حبيبي انت مفهمني انك انت   مكمل معاها علشان مصلحتك وانها هتجيب لنا الفلوس بس انا بقا ماقدرتش استحمل انها تهني بالشكل اللي عملته ده 

وليد

وهو انتي فاكره أني اصرف عليكي وأخرجك وافسحك كنين ماهو من اللي تالين بتديهولي وانت بغباءك ضيعتي كل حاجة 

سما اتعصبت

لا يا وليد بس انا معاك علشان بحبك وفاكره انك انت كمان بتحبني لكن انت يا حبيبي طلعت كل اللي همك اني زعلت تالين بتاعتك دي 

وليد

ما هو انا بحبك يا سما وانتي لو كنتي سكتتي النهارده ومكنتش خرجتي من جوه كانت تالين هتفضل تحت ايديا وانا هفضل اخد منتا اللي انا عايزة 

سما

بس انا مش لعبة عندك يا وليد ولا كنت هسكت لما الاقي واحده داخله بيتك وبتسألني انا مين وعامله لي فيها واحده 

وليد خبط بإيده على الترابيزة

خلاص اهو انتي ضيعتي كل حاجه لا تالين فضلت ولا فلوس جت وكله بغيرتك العاميه 

سما

اه يا حبيبي انا بغير عليك منها والبت دي لو فكرت وجات هنا تاني مش هيحصل طيب 

وسابته ودخلت الاوضه وهو قعد يشد في شعره وبيتمتم

وليد

غبيه غبيه ضيعت علينا كل حاجه

وعند سلمي وكارما كانوا راجعين البيت وكل واحده متغاظة من كلام ناهد وسلمي قالت 

سلمي

شفتي ناهد عملت فينا ايه دي عمرها ما كانت بتتكلم معانا بالشكل ده خلاص قلبت علينا انا وأنتي 

كارما

اصل جلال أكل عقلها من يوم ما اتجوزته وهي اتغيرت خالص يا سلمي اصلا انا قولت طالما هي اتجوزته يبقا هياكل عقلها واديه حصل اهوه 

سلمي

ايوه والله زمان كانت بتسمع كلامنا وتخاف تزعلنا دلوقتي بقت بتزعق وتطردنا من بيتها كمان وكله عشانه 

كارما

ما هو جلال عرف يلفها حوالين صباعه وخلاها شايفاه ملاك ومفيش غيره وحكاية الحمل دي كمان طلعت ولا علي البال ولا علي الخاطر 

سلمي

ايوه عندك حق يا كارما وانا متأكده هو اللي قالها متكتبلناش حاجه من الورث علشان كل حاجه تفضل تحت ايده هو

كارما

أكيد طبعا ده واحد داخل على الجاهز وشاف فلوس وشركات وعز مكانش يحلم بيه يا حبيبتي مش عايزاه بعد ده كله تيتمسك بيها

سلمي

طيب احنا هنعمل ايه دلوقتي هنسكت يا كارما 

كارما

لا انا عن نفسي خلاص مش عايزة اعرفها تاني 

سلمي

يعني ايه بقا ان شاء الله وبعدين انتي ناسيه ان في شهريه بتيجي لنا كل شهر منها اومال هنصرف منين 

كارما

مفيش مشكله احنا هناخد منها برضو الفلوس اللي هي بتبعتها دي كل شهر ومن النهارده هي لا اختي ولا نيلة وطالما هي قلبت علينا كده يبقا ننساها

سلمي

بس دي أختنا الكبيرة يا ناهد برضو 

كارما

الكبير كبير بأصله وهي باعتنا علشان راجل غريب زي جلال يا سلمي ولا انتي هتحني تاني بقا ولا إيه 

سلمي سكتت شوية وقالت

يمكن فعلا احنا ملناش حد غير نفسنا وبس خلاص يا كارما اللي تشوفيه بقا 

كارما

ايوه كده وانا عايزاكي تفتكري كلامي يا سلمي وناهد هتندم يوم ما تعرف قيمة اخواتها بس وقتها انا مش هنرجع لها تاني 

وفي الفيلا جلال لما أتأكد أن ناهد نامت قام من حنبها براحه وراح عند تالين وقالها 

جلال 

انا عارف انك زعلتي من موقف ناهد بس انتي عارفه انا مكنتش هقدر اقولها انتي بتعملي كده ليه عشان يعني اااا 

تالين 

انا عارفه كل حاجه يا جلال بيه اطمن انا مش زعلانه منك بس انا نفسي انك تعرف اللي جوايا وتحس بيا ده اللي انا عايزاه

ولحد هنا تكون خلصت حلقتنا