جميع الروايات كامله

رواية بملكتي اغتنيت الفصل الرابع بقلم ماريان بطرس حصريه وجديده على مدونة النجم المتوهج 

رواية بملكتي اغتنيت الفصل الرابع بقلم ماريان بطرس حصريه وجديده على مدونة النجم المتوهج 

 بداية القصة - 4 

تحركت هى للذهاب الى جامعتها لتقدم مشروعها الخاص بها لتتقدم لتقديمه ثم تذهب لتجلس مع رفقاءها حينما هتفت بها أحدهم

_قدمتى المشروع يا جنا؟

اكتفت بالايماء برأسها وتنهدت بهدوء حينما ابتسمت الأخرى قائلة

_مالك يا جوجو متضايقة من أية؟

رفعت حاجبها لها ثم قالت بهدوء

_هو البعيدة ماعندهاش دم ولا مابتحسش؟ مش فيه مشروع بيتقدم ومعتمد عليه نجاحنا السنه دى لان عليه نص الدرجات ولازم ننجح فيه بتقدير عالى علشان نلاقى وظيفة لان خريجة طلبة بيطرى على قفا من يشيل ولا ايه ياست أميرة

ضحكت اميرة بشدة ثم قالت

_بقى جنا العربى خايفة ومن ايه من المشروع دة.. دة على اساس انك مش كل سنة بايتة فى مزرعة جدك بتدربى فيها لما زهقتى الدكتور إللى هناك

ارتفع حاجبها بغضب بينما أكملت الأخرى هاتفة

_متضايقة ليه بس يا جوجو دة انتى حتى لو ملاقتيش شغل هنا عندكم شغل فى البلد وانتى أولى من الغريب، والمزرعة بتاعتكم والدكتورة صاحبتها، ولا انتى مش عاوزة تروحى البلد هناك؟

ردت أميرة عليها

_اكيد يا شيرين مش عاوزة تروح، هتروح تعمل ايه هناك هو الجمال دة ينفع يندفن فى الارياف

الى هنا وانتهى الأمر وقفت بغضب قائلة

_ماشى يا خفة منك ليها اسيبكم تخفو دمكم مع بعض ولما تهدو ابقى فكرو تنهدولى

ثم تحركت للذهاب بينما بهتت ملامحهم نظرو تجاه بعضهم البعض بحزن ثم قالت أميرة بضيق

_شكلنا زودناها شوية

نفت شيرين برأسها قائلة

_لا دة احنا زودناها خالص

ثم جلسو بضيق لم تكن إحداهن تقصد شيئا فقط ارادو تهدئتها ولكنهم للأسف لم يحسنو اختيار كلماتهم ف أصبح الأمر يضايقها

_________________________

رواية بملكتي اغتنيت الفصل الرابع بقلم ماريان بطرس حصريه وجديده على مدونة النجم المتوهج 

رنين هاتفها أصبح يزعجها نظرت جهة الهاتف بتقطيبة جبين ثم فتحت السماعة لترد ليأتيها صوت تلك المزعجة الثرثارة وهى تصرخ بصوت أصم اذنها

_جنااااا وحشتينى يا بنتى انتى فين مش سائلة عليا كدة؟ هو انا مش بنت عمك برده ولا ايه.. لا لا مالكيش حق انا بجد زعلت منك مش تسألى عليا كدة انا اه اصغر منك بس

أبعدت جنا السماعة عن اذنها وهى تغمض عيناها بضيق منتظرة انتهاء تلك الوصلة من الثرثرة وهدوء ذاك الصوت النشاذ بينما على الجانب الآخر عندما لم تجد تلك صوت يجيبها او يحدثها صمتت وهى تنادى

_جنا.. جنا انتى روحتى فين انتى معايا؟؟ جوجو... جنون

ارجعت هى السماعة بهدوء على اذنها وهى تتساءل بهدوء رقيق

_خلصتى ولا لسة؟ لو لسة محتاجة وقت اضافى اوكى

مطت الأخرى شفتيها بضيق وهى تقول

_خلاص خلصت

ابتسمت جنا بهدوء ثم قالت برقة

_هاا كنتى بتقولى ايه بقى؟

ابتسمت نهلة ابتسامة واسعة ثم قالت بحماس

_عندى ليكى أخبار تجنن يا جوجو انا جايه مصر، ايوة جدى وافج أخيرا اهوه جدملى المرادى فى چامعة القاهرة وخلاص هاچى اعيش معاكم او فى المدينة الچامعية

ابتسمت جنا على تغير لهجتها ولكنها قالت بحماس وسعادة

_بجد يا نهلة بجد يعنى خلاص اتوافق انك تيجى تكملى باقى كليتك هنا

ضربت نهلة على صدرها بفخر ممازح قائلة

_امال.. ميبقاش انا نهلة بنت علوان عبد الحميد العربى ان ماكنتش اعمل إللى انا عاوزاه

ابتسمت جنا عليها ثم أنهت معها الكلام على وعد باللقاء القريب، هزت رأسها بيأس مع تلك الابتسامة نهلة وتدعو بالعون لكل من يعرفها رقيقة ولكنها تخفى ذلك خلف جمود خارجى صلب ممازحة فى أغلب الاوقات جامدة وشرسة جدا فى الدفاع عن حقوقها

_____________________________

يتحرك بهدوء وهو يتحفظ على هدوء خطواته ينظر يمينا ويسارا خشية أن يراه أحدهم، من يصدق أنه هو من يفعل ذلك أ هو الطبيب المحترم فارس عزت يفعل ذلك من كان يتسم بالهدوء والعقلانية مع جميع أصدقائه يتصرف بتلك الطريقة هنا!! ولكن ماذا يفعل فهو قد سقط فى دروب العشق ومنذ سنوات من تلك الصهباء ذو الملامح الناعمة والشعر العنفوانى، وقف أسفل تلك الشجرة وهو يستعيد ذكريات عشقه بها ذاك العشق الذى لا يحتاج كلام بقدر ماهو واضح بجميع تصرفاتهم وعيونهم يعلم انها تعشقه منذ نعومة أظافرها ضحكتها، احمرار وجنتيها وكذلك عيناها التى تتابعه دائما وترسم من العشق دروبا و متاهات تجعله يتوه بها وكذلك هى تعلم بعشقه لها تحينه الفرص للذهاب لباسل لرؤيتها، عيناه التى تتابعها، ووقوفه دائما لحمايتها، كبرا كلاهما على عشق بعضهم دون الحاجة للكلام الى ان وجدها تقف مع صديق ل معتز أخيها وحينها انفجر بها واعترف بحبها ولكنه الآن ينتظر الفرصة للتقدم رسميا رغم انه يعلم يقينا بأن الجميع على علم بقصة عشقهم وواضح من نظراتهم وكلامهم ولكنهم ينتظرون ليتحدث، آفاق على انحجاب ضوء الشمس عن عينيه وذلك الظل من الظلام ففتح عيناه ليجدها امامه بهدوءها ورقتها وتلك البسمة الرقيقة التى تذوب معها صلابة الحجر، ابتسم بهدوء معدلا وضع عويناته على عيناه بحركة متلازمة منه وخصوصا فى حالة الخجل ثم اعتدل فى وقفته بابتسامة بلهاء وهو يقول

رواية بملكتي اغتنيت الفصل الرابع بقلم ماريان بطرس حصريه وجديده على مدونة النجم المتوهج 

_جميلة!!

مازالت جميلة محتفظة بابتسامتها وان زادت فى اتساعها وهى تقول برقتها المعهودة

_ازيك يا فارس

وكم كان اسمها منه له مذاق مختلف يشعر بأنه يتغير اسمه مع نطقها له ويجعله يحبها أكثر، تنطق اسمه وكأنها تستشعر به بأنه فارسها بصدق ليقول بابتسامة عذبة

_انا كويس ازيك انتى يا جميلة

ابتسمت بهدوء وهى تقول

_انا كويسة

ثم حركت رأسها جهة اليمين لتتسائل بمكر

_هو انت جيت علشان كد؟ ة يعنى تسأل انا عاملة ايه؟

حرك عيناه فى جميع الجهات بخجل مع احمرار وجنتيه ليقول وهو يعدل وضع عويناته

_لا انا جيت علشان اسأل عليكى واتأكد انك كويسة

وقد راقها خجله واضطرابه لتستمر فى إحراجه قائلة _واديك اطمنت عاوز حاجة تانية

بهتت ملامحه أ بهذه السرعة بعد تلك المخاطرة تتركه وتذهب؟ لينظر جهتها بضيق مضطرب لتبتسم تجاهه قائلة

'همشى انا اشوف طنط بما ان مفيش جديد ولما تعرف عاوز تقولى ايه ابقى قولى ساعتها اما تفتكر

وتأكيدا على كلامها تحركت للذهاب ليصيح بها لتتوقف هاتفا

_جميلة!!

توقفت جميلة وهى تنظر جهته باستفسار ليقول وهو يحيط ذراعيها الصغيرين بقبضتيه الضخمة بعض الشئ بالنسبة لها

_عاوزة تعرفى جيت ليه جيت علشان اروى عنيا بكتلة النار الملتهبة منك، وجيت علشان اريح قلبى بسماع صوتك إللى بيطمن نبضاته، جيت عشان اروى وجودى بوجودك وبطلتك الملائكية، اريح قلب تعب من رؤية شياطين، انتى بالنسبة لى مش مجرد بنت انتى بالنسبة لى روح حلوة بتحيينى بتطمنى انتى... انتى هدوء وسكينة قلبى فى وسط زحمة العالم والجمال البرئ إللى لما بشوفه بتوب عن جميع جنس حوا واعيش ناسك بيكى لان بيكى انا مكتفى عن الكل وعن رؤية اى أحد.... حبيتك وبحبك ومش هيرتاح قلبى غير فى وجودك جنبى مش مجرد دقايق لا دة العمر كله ف متستكتريش عليا دقايق اريح بيهم قلب تعب من شوف الالم فى وشوش الناس فبيجرى يلاقى سلامه فيكى

ثم اكمل بمزاح هادئ مع ابتسامته الرقيقة دائما

_وماتنسيش ياستى انا بشوف فى شغلانتنا دى اتعب الناس وكل واحد يرميلك هم مايتلم ومجانين ف بيتهيألي انك هتكون معذورة وبشفق عليكى لأنك هتعاشرى واحد معاشر مجانين ف أكيد هيبقى مجنون زيهم

ثم اضاف بوله وهو ينظر داخل بؤبؤى عيناها

_فى حبك

وأمام ذلك الحب وذلك الحنان الطاغى من حديثه لم تجد سوى أن تبتسم بهدوء وتسكن بالقرب منه تستمتع بحديثه على أمل أن تستمتع لنبض قلبه وتسكن على صدره فى القريب فكيف لامرأة من كافة بنات حواء ان ترفض رجل يسمعها مثل ذلك الكلام؟ او يشعرها بأنها سيدة النساء؟ وكيف وهو يعترف لها بأنها من تجلس على عرش قلبه وانه ناسك بها دون شعور بقهر رجولته؟ كيف ترفض رجلا جعلها موضع سكناه وراحته؟ وكيف ترفض ذاك الرجل الذى عزز من أنوثتها بأن جعلها فوق الجميع لدرجة ان لا ينظر لسواها؟ حقا ستكون معتوهة ان تركته

_____________________________

يزرع مكتبه ذهابا وايابا يتميز كمدا وبغضب كيف كيف يحدث ذلك؟ بل كيف عرضو هم عليه ذلك؟ فهو باسل الدمنهورى يحدث له ذلك؟؟!! كيف؟؟ بل والأدهى يهددونه بمضمون الكلام وفى عقر داره.. حتما قد جنو ويبدو انهم مازالو لا يعرفونه ولا يعرفون من هو، ربما ينخدع الجميع بذاك القناع الرقيق الضاحك ولكنهم لا يعلمون انه يقف كالاسد فى الدفاع عن ما يخصه، اذا كانت القطة تصبح مخيفة وكائن شرس حينما تدافع عن صغارها فما بالهم به، أنهم اذا اقتربو منه خطوة وستكون حتما نهايتهم على يديه قاطع أفكاره انفتاح الباب وأطلالها برأسها قائلة برقة مع ابتسامتها الرقيقة دائما

_ممكن ادخل؟؟

اجابها بقوة

_لا

قطبت جبينها وهى تراه شخصا مختلف عن ما تعرفه منقبض الملامح، عيناه تخرج حمما بركانيه، غاضب هو حد الجحيم، غريب هذا الأمر ف بحياتها لم ترى باسل هكذا، باسل الدمنهورى صديقها يصبح هكذا ماذا حدث به؟!! وماذا يحدث فى هذه الدنيا؟ يبدو أن هناك مايضايقه بل مايطيح بعقله لذا يجب عليها مساعدته كصديقته لذا اقتربت منه وهى تضع يدها على كتفه وسألته برقة واضح بها القلق

رواية بملكتي اغتنيت الفصل الرابع بقلم ماريان بطرس حصريه وجديده على مدونة النجم المتوهج 

_مالك يا باسل فيك ايه؟؟

ابتعد عن مرمى يديها غاضبا وهو يغمغم باقتضاب

_مفيش

نظرت له وهى تقول بعدم تصديق

_مفيش ايه قول الكلام دة لحد تانى مش ليا، انت مش شايف نفسك، باسل فيك ايه؟؟؟

صرخ بها بغضب اعمى

_ليليان ابعدى من قدامى دلوقتى لانى فعلا مش طايق نفسى ومش طايق اكلم حد ف اتقى شرى الساعة دى

نظرت له بتعجب قائلة بتردد عله يحكى مابه

_باسل!!

صرخ هو بصوت جهورى اجفلها

_ليليان خليها تعدى السعادى وشوفى وراكى ايه

انتفضت راجعة للخلف من علو صوته بينما لم يدرك هو ذلك الا على انفتاح الباب ودلوف كلا من توفيق والده ونبيل صديقه وشريكه ولكن بنسبة قليلة ينظران تجاهه بقلق، اندفع توفيق يسأله بغضب

_فيه ايه يا باسل؟

نظر نبيل تجاهه بتحذير ليغمغم قائلا باقتضاب

_مفيش

نظر والده تجاهه بعدم تصديق ثم صرخ به

_لو مفيش هتبقى كدة امال لو فيه هتبقى عامل ازاى؟!!

ثم حول انظاره تجاه نبيل الذى يرمقه بتحذير صارخا

_فيه ايه يا نبيل؟

نظر له نبيل بتوتر قائلا

_ف ايه يا عمى مفيش حاجة

نبيل، باسل

حسنا يجب عليه الاعتراف لذا قال بتوتر

_عمى ااا بصراحة كدة فيه حد طالب يشاركنا

نظر له توفيق بتعجب ثم قال

_ودى حاجة تنرفز كدة ايه إللى فيها يعنى

كان هذا هو دور باسل حينما قال

_دى مش اى شركة يا بابا دى شركة LGS واحدة من أكبر شركات الاستيراد والتصدير فى مجالنا مجال الأغذية المغلفة او المحفوظة من حيث لحوم فاكهة خضار وما إلى ذلك، المشكلة مش كدة المشكلة الشركة دى من أكبر الشركات إللى بتبيع أغذية منتهية الصلاحية او الأغذية من حيث الخضار والفاكهة من النوع إللى مليان مبيدات حشرية إللى ممنوعة فى الصحة وبتستغل انها مش ممنوعة لسة فى مصر نظرا لعدم معرفة اضرارها بس فى بلدهم معروف انها مسرطنة، يعنى بمعنى اصح بتبيع إللى ممنوع فى بلدهم و الشركة دى ناس كتير فى مصر بتاخد منهم ومحدش عارف مين أصحابها بس فى اشاعات كتير ان فيه من شركائها ناس عرب مابيهتموش باصولهم كل إللى يهمهم البزنس وبس ومحدش يعرف هما مين لانهم بيبعتو مندوبين وناس مختصة زى محاميين يعنى بيتعاملو من تحت ل تحت

_وبعدين؟

أردف بها توفيق ليكمل باسل

_أصبح دلوقتى فى السوق معروف الشركة دى من المعروفين بالموضوع دة وقربت تقع فى الشرق الأوسط لان الناس عرفتهم والمحامين هنا أبتدت ترفع قضايا على الناس إللى بتتعامل معاهم ف مفيش قدامهم غير انهم يشاركو الناس ويبعتو بطريقتهم بقى الحاجات دى ناس كتير أبتدو يشاركوهم وبما أننا من أكبر شركات الأغذية المحفوظة والمجمدة هنا لازم يعرضوا انهم يشاركونا وبعد معرفتهم برفضنا أبتدو يهددونا وبيهددونى ب عيلتى اما اشاركهم وطبعا هتبقى مكاسب رهيبة او الخسارة التامة

شهقة خرجت من الفم ولكن تلك تعود إلى ليليان ثم صرخت به

_انت هتعمل ايه؟ اوعى يا باسل.. اوعى تأذى الناس، هما اختاروك علشان عارفين انك ليك شعبية جامدة ومن أشهر الشركات هنا

صرخ بها باسل قائلا

_انتى اتجنيتى يا ليليان، انتى فاكرة انى ممكن اعمل كدة او ان خوفى يخلينى اعمل حاجة غلط، انا لو مت مش هعمل حاجة زى كدة ابدا ولو هموت.. فاهمة

نظرت له ليليان لتتقول بتقطع

_باسل اناااا انا مقصدش انا كل إللى كنت اقصده انك متعملش كدة

تحرك باسل فى الغرفة كأسد جريح ثم قال مزمجرا

_مش المشكلة انى اعمل او لا المشكلة ان دى عصابة وليها ايادى فى كل مكان تقدر تعمل اى حاجة علشان تجبرك تنفذ مخططاتها بس لا والله انا مش هنفذ إللى عاوزينه منى ولو فيها موتى، هما لسة ميعرفوش مين هو باسل الدمنهورى، حتى لو بيستعملو رجالتهم وحتى لو كانت مندسين وسطينا هيفضلو فى الآخر خونه وقتلة بس بطرق مشروعة ومش انا إللى اخاف من شوية جبناء

____________________________

تجلس بالمنزل وتذاكر دروسها لتجد ذاك الجرس يرن وصوت تعشقه يخترق مسامعها بينما والدها يرحب به وكذلك ذاك الصوت الاخر الذى يخترق مسامعها

انتفضت من مكانها لتركض تجاهه تتعلق بعنقه بينما هو يربت على كتفها بصوت ضاحك وهو يقول بسعادة

_وحشتينى يا جنا وحشتينى جوى ووحشنى جنانك

ضحكت بسعادة وهى تقول برقة

_وانت اكتر يا جدو وحشتينى اكتر مما تتخيل كنت بعد الايام علشان اجيلكم

ربت على كتفها بحب، ربما يظن الجميع بأنه يحبها لكونها أخذت اسم محبوبته ولكنه يعشقها كونها أخذت منها كل شئ من تلك السيدة التى عشقها حد الجنون، يعشقها كونها هى جنا خليط من الحب والمحبة، خليط من القوة والاتزان، خليط من الرقة والحنان، والقوة والصمود فتاه رقيقة بقوة مائة رجل ولكنها قوية صامدة هشة وناعمة

حل يداها وهو ينظر تجاهها وهو يحيط وجهها بين يديه قائلا

_كيفك يا جلب جدك فيه حد مضايجك

نفت برأسها ضاحكة وهى تقول

_لا يا جدو

ارتفع حاجبى عزيز ذهولا وهو يقول

_ايه يابوى هو انا هضايج وحيدتى ولا ايه؟ وبعدين حتى لو.. هبجى اب وبيربى بته

نظر له عبد الحميد بقوة قائلا

_لاه كله الا جنا

_ياسلام وانا إللى جرطاس لب واجف اهنه كله الا جنا والعشج الممنوع ومادام لجيت جنا تنسانى ولا ايه

صدح ذاك الصوت من الخلف من تلك التى تضع يداها بمنتصف خصرها ولم يلحظها أحد بينما اتسعت ابتسامة شفاههم جميعا

ارائكم وتوقعاتكمم للأحداث القادمة

أشوفكم على خير- marian 

ووويتبع

الفصل الخامس من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺