جميع الروايات كامله

رواية بملكتي اغتنيت الفصل الخامس بقلم الكاتبه ماريان بطرس حصريه وجديده على مدونة النجم المتوهج 

رواية بملكتي اغتنيت الفصل الخامس بقلم الكاتبه ماريان بطرس حصريه وجديده على مدونة النجم المتوهج 

 5=(٥) عفريتة باسل الدمنهورى 

كل طرقى تقودنى اليكى

فما بالك تظهرين لى دائما

ما بال روحتى معكى

وانت لا تشعرين بى

ـــــــــــــــــــــــــــــــــــــــــــــــــــــــــــــــــ

ركضت جنا تجاهها بسعادة بينما تتراقص البسمة على وجهها وهى تصرخ بحب

_نهلة ازيك وحشتينى

احتضنتها نهلة بحب زائد وهى تقول

_وانتى اكتر يا جنا والله، وحشتينى جوى يا بت عمى

هى نهلة علوان العربى ابنة عمها فى الفرقة الثالثة من كلية الآداب قسم الترجمة، تحلم بأن تكون من أكبر المترجمين سواء فى شركات ترجمة او ترجمة كتب ولن تستطع ذلك الا اذا عاشت بالقاهرة ولكن بعد جد واجتهاد وزن لمدة ثلاث سنوات قبل جدها على ان تعيش بالقاهرة على شرط ان يكون ذلك فى بيت عمها

ابتسم الجد على الحب الواضح بيت حفيدتيه وكذلك عزيز لينظر عبد الحميد تجاه ولده قائلا

_وانت اخبارك ايه يا ولدى

ربت عزيز على ساق والده مجيبا إياه

_بخير يا بوى، انت إللى كيفك، وكيف احوالك، وكيف اهلنا كلياتهم؟

اجابه عبد الحميد

_بخير يا ولدى

ثم اكمل بعد أن نظر يمينا ويسارا

_أخبار جنا ايه اجصد مع العريس إياه؟ ابو الولد عمال يسألني وانا مش عارف ارد عليه، الولد كويس ومهندس وهيعيش اهنه فى مصر بس المهم رأيك انت وهى

اجلى عزيز حنجرته قائلا

_معلش يا بوى بس هى مش موافجة

رفع عبد الحميد انظاره قائلا

_ايه السبب يا ولدى؟

تنحنح عزيز قائلا

_يعنى هى مش عارفاه واكدة وبعدين لسة عندها امتحانات السنة دى وترتيب مستجبلها الاول، وبعدين انت عارف مش بسهولة تلاجى شغل ف لازم تضمن شغل جبل الچواز لانها مش ضامنة اذا كان هيوافج يخليها تشتغل ولا لاه

اومأ عبد الحميد برأسه قائلا

_ماشى يا ولدى كلام معجول، سيبها على حريتها وبلاش تضغط عليها

اومأ عزيز برأسه وهو يقول

_أمرك يا بوى

فى تلك الأثناء وعلى الجانب الآخر كانت تقفز فرحة بغرفة جنا وهى تقول

_وفضلت ازن ازن وچدى يجولى اسكتى لمدة تلات سنين ازن وهو صرخ بيا لكن انا جولتله انا رايحة بيت عمى مش مكان غريب واخيرا وافج بعد طول انتظار

نظرت لها جنا بابتسامة لحماسها الزائد ذاك، عيناها التى تمتلئ بالفرحة فأصبحت باللون الفضى اللامع وأصبحت تشبه القمر، تلك الفتاه بارعة الجمال ولكنها أعقبت عليها قائلة برقة

_بالمناسبة يا نهلة انتى هتتكلمى كدة فى الكلية يعنى صعيدى؟ هو براحتك طبعا بس كل الموضوع ان لهجتك هتبقى شوية ملفتة للانتباة

ابتسمت نهلة لها قائلة باللهجة القاهرية

_لهجة اية وطريقة اية يا جنا مش فاهمة هو انا فيا حاجة غريبة؟ ما انا طبيعية اهو

ثم رفعت حاجبها بمشاكسة قائلة

_بيتهيألي انتى إللى لهجتك محتاجة شوية تغيير

ثم تلاعبت بحاجبيها الشقاوة مما جعل جنا تسقط من فرط ضحكاتها

_________________________

يغمض عيناه بغضب هائج حد الجحيم، ارتمى على فراشه يفكر ولم يدرك متى سحبه النوم ومتى استغرق فيه إلى أن وجد نفسه على شاطئ البحر واقف على الرمال والامواج تضرب فى قدميه العاريتين، اغمض عيناه يستنشق عبيره ثم فتحهما ليجدها تقف امامه بابتسامة، اغمض عيناه بغضب وهو يتمتم بضيق

_ماكنتش ناقصاكى انتى كمان

ثم فتحهما ليجدها تنتظره بنفس الابتسامة الرقيقة التى يكاد يقسم انها تستطيع سلب اعتى القلوب، حرك وجهه ينظر للبحر ليجدها تضع يدها على كتفه ثم تشدقت بقلق

_مالك؟

_تعبان.... تعبان وانتى بتزيدى تعبى

قالها بانهاك وتعب لتجيبه برقة متسائلة بقلق

_ليه فيه ايه؟

ضرب كف بآخر وقد فقد آخر ذرات تعقله ليقول

_لان الدنيا تعبانى، حياتى مش سهلة ومتعبة وعندى مشاكل ملهاش حد فى الحقيقة ولما اجى انام علشان ارتاح ملاقيش فيها راحة الاقيكى نطالى فى حلمى ولا عفريتة إسماعيل ياسين، لا عارف عنك ولا اى حاجة تظهريلى ولا عفريت العلبة وآخر مرة قال ايه

ثم يقلد طريقتها

_انا هتجوز

_كنت ناقص انا جنان لا عارف عنك ولا محتاجة، ومش عارف انتى عاوزة منى ايه، عاوزة تسرقى منى راحة البال ليه؟ كنت عملتلك اية؟

ثم التف حول نفسه وهو يشد خصلاته للخلف صارخا بغضب

_انا حاسس انى انا بقيت مجنون او هتجن مش مشكلة كله بيوصل لنفس النقطة

ثم التفت لها ليجدها تناظره بتعجب بينما صرخ هو بها

_انتى عاوزة منى ايه؟ لا انتو كلكم عاوزين منى اية؟ انا إللى بيحصل معايا شئ من درب الخيال لو حكيته لحد هيقول عليا مجنون، حتى فارس بصلى بصة دكتور لواحد مجنون حراام حرام

صمت وبدأ يلهث من انفعالاته وهو ينظر أرضا ليفاجئ بها تضحك، كانت تضحك ضحكة... رائعة، ضحكة ناعمة معزوفة موسيقية، دقق النظر بها، لأول مرة يراها بهذا القرب والوضوح، نعم هى فتاة فى بداية العشرينات من عمرها بشرتها لم يمسها الشمس بيضاء بطريقة لا توصف، شعرها طويل يصل لمنتصف خصرها اسود داكن كسواد الليل يتخلله خصلات بنية داكنة تحولها تضع يدها عليها لئلا تطير وتضع على عيناها نظارة شمسية تحجب رؤية لونهما ورسمتهم ولكنه يقسم انها تغمض عيناها أثناء ضحكتها يشعر هو بذلك، أسنانها بيضاء كالؤلؤ ومستقيمة بالخط، هى تحفة فنية، لم يفق من تأملها سوى على طرقعة أصابعها وهى تقول برقة

_اية عجبتك، حلوة؟

اجابه دون انتباه او تركيز

_جدا حاسس انى لما شفتك عمرى ماشفت بنات فى حياتى

رفعت يديها بهدوء تضع خصلاتها خلف اذنها ليتنحنح مبعدا ناظريه عنها بينما هى قالت

_مش مهم انا مين حتى اما مسألتكش انت مين بس ممكن اكون صديقة، اقرب صديقة ليك، مش هتتعب لما تحكى معايا احنا فى حلم بس هيكون وسيلة للاسترخاء لانى ما اعرفكش ولا انت كمان ولا حتى هنتقابل، زى ما حكيت قبل كدة ليك على إللى مضايقنى احكيلى

ثم نظرت جهته بأهتمام قائلة

_مالك

أطلق زفيرا حارا ثم بدأ يقص عليها ما حدث لتجيبه بهدوء

_وانتَ ايه إللى قالقك؟ ان كان على انهم يأذوك مش هيقدرو لانهم محتاجينك واكيد عارفين انتَ مين وان كان على انهم يأذو حد قريب منك ف انت تحط حراسة، مش فاضل غير شركاتك ومصانعك ودى بقى فتح عينك كويس لانهم مادامو عرضو عليك حاجة زى دى يبقى اكيد ليهم عنين وسطيكم ف خلى بالك

اوما برأسه بينما سألها بهدوء

_وانتِ متوترة ليه؟

إجابته بقلق وكأنها قد تذكرت الأمر للتو

_عندى فترة تدريب إجبارى وعليها درجات، مش عارفة اعمل ايه، خايفة موضوع ظن انى يودونى فى مجال المصانه والتحاليل، تروح مصنع وتبقى تحت عيون الدكاترة وتشتغل على ارض الواقع ويشوفوك هتغلط ولا لا موضوع مرعب، لان الموضوع هيكون على أرض الواقع، خايفة جدا انا مش شاطرة غير فى شغل المزارع مش عارفة ايه إللى هيحصل

نظر تجاه ذاك القلق المرسوم بحرافية على ملامح وجهها وكم ود فى تلك اللحظة ان ينزع تلك النظارة القاتمة عن عيناها ليراها ولكنه بدلا من ذلك حاول تهدئتها

_طيب اهدى يا بنتى اهدى، أكيد ربنا هيقف معاكى وزى مانجحتى السنين إللى فاتت دى كلها هتنجحى السنة دى وبعدين دة مجرد امتحان عملى عادى وانتى ليكى خبرة فى المزرعة يبقى اكيد هيبقى ليكى خبرة فى الباقى، انتى فى المزرعة بتعرفى تتعاملى؟

إجابته بهدوء

اه بعرف اشخص المرض والعلاج المناسب، ادبه سواء حقن او غيره ومن النظر اقدر اعرف مريض ب ايه

اومأ برأسها قائلا

_اهوه انتى عارفة كل حاجة يبقى خلاص اهدى

ثم سألها وقد تذكر الآن قائلا

_انتِ اسمك ايه؟ يعنى ظهرالى من زمان ومش عارف اسمك، انا باسل وانتِ

ضحكت بصخب بتقول بشقاوة مذكرة إياه بكلماته التى قالها

عفريتة إسماعيل ياسين، ولا نقول باسل الدمنهورى؟

ثم اختفت عن انظاره بعدها

ليضرب كفا بآخر وقد أيقن الآن انه هالك لا محالة

________________

تتحرك بسرعة للحضور ولكنها توقفت أثر سماعها لاحدى الأصوات يهتف بأسمها، توقفت تنظر تجاهه بتعجب لتجده ذاك المعيد نظرت تجاهه متسائلة برقة

_نعم يا دكتور كنت عاوز منى حاجة؟

رفع حاجبه تجاهها بتعجب ثم ابتسم بخفة ليقول

_ازيك يا جنا عاملة ايه؟

ابتسمت هى بالمقابل ابتسامة دبلوماسية لتجيبه قائلة

_ازيك يا دكتور عز حضرتك اللى عامل ايه

_تمام ... جنا كنت سألتك على حاجة فكرتى فيها؟

وقفت تسترجع ذاكرتها هل سألها على شئ يخص الدراسة لا بالطبع لا، هى متأكدة لذا إجابته برقة

_حضرتك مسألتنيش فى حاجة يا دكتور

اغمض عيناه بينما أصبحت ملامحه جامدة لذا سألها مرة أخرى بغموض

_متأكدة؟

اومأت برأسها قائلة برقة

_أكيد يا دكتور

فتح عيناه غاضبا ثم قال

_جنا انا مش كنت طلبت ايدك الجواز وطلبت منك تفكرى؟ حصل ولا لا؟

الآن بدأت قوتها تظهر حينما بدأ صوته يرتفع عليها لذا قالت

_اولا يا دكتور احنا دلوقتى فى مكان دراسة يعنى ما ينفعش نتكلم فى حاجة زى دى لان دة لا وقته ولا مكانه، ثانيا دة مش الوقت المناسب انى افكر فى حاجة زى دى لان دى اوقات امتحانات ف مش وقت جواز وخلفة وكلام فاضى من دة خالص،

ثالثا لو حضرتك عاوز تكلمنا فى حاجة زى دى يبقى فى بيت اهلى مش فى الجامعة،

أخيرا بقى انا قولت ل حضرتك قبل كدة ان انا مش موافقة على الجواز مش لحضرتك لا لكنى رافضة المبدأ اصلا فى العموم، لكن اذا كنت حضرتك مافهمتش يبقى بتاعتك، لكن انا مش هتجوز دلوقتى اصلا لا منك ولا من غيرك وكل ما فهمت الموضوع أسرع كان احسن، عن اذنك يا دكتور

ثم تركته وسط صدمته ورحلت جاعلة إياه يثبت مكانه، كيف ذلك؟ كيف تغيرت بتلك الطريقة من تلك الرقيقة الهادئة إلى تلك القوية الصلبة التى لا يهمها أحد؟ حسنا يا جنا العربى سنرى

________________

دخلت لتجلس بجوار صديقتها بتوتر لتسألها شيرين

_مالك يا جنا فيكى ايه؟

أغمضت جنا عيناها ثم قالت

_دكتور عز طلب ايدى تانى ورفضت بس بأسلوب اقوى

نظرت لها أميرة بتعجب قائلة

_اقوى ازاى؟ هنتيه يعنى؟

نفت برأسها قائلة

_لا طبعا بس بطريقة توضح ان الموضوع منتهى، يعنى قولتله لا هتجوزك لا انت ولا غيرك

اومأت أميرة بينما قالت شيرين

_ربنا يسترها ومايحطكيش فى دماغه لأنِك عارفاه انه شرانى

_يارب

دعتها جنا برقة وهى تقضم أظافرها بتوتر بينما فتح الباب ليدخل عز الذى حول انظاره بين الطلبة منتظرا الهدوء وعيناه تحوم فى البحث عنها إلى أن وجدها لذا قال بقوة

_هدوء يا شباب، دلوقتى ميعاد التقسيم كل واحد يشوف اسمه جاى فين الورق متعلق بره واللى ليه اى سؤال يسأل، هيبقى فيه جدول ليكم مكتوب فيه الأسماء والتاريخ انا هنده دلوقتى وانتو شوفو التواريخ برة

ثم بدأ بالأسماء إلى أن وصل إلى الأسماء المطلوبة ف بدأ ينظر جهتهم بتشفى

_شيرين صالح وجنا عزيز العربى واخيرا أميرة سعد مصانع لتجعد شيرين جبينها ثم تسأله

_يعنى ايه يا دكتور؟

اجفلها بابتسامة خبيثة

_يعنى هتروحى المصانع مع لجان تفتيش مصانع أغذية او لحوم وتشرفى على التغليف والتعبئة وطبعا تاخدى عينى للمعامل وتحلليها لئلا تكون مسببة أمراض

_نعم!!! كل دة؟

قالتها جنا بصدمة بينما قالت شيرين

_دة شغل مختصين مش اى حد، يعنى التحاليل دى بيبقى باثولوجى، واكيد بكتريا ومزارع وما إلى ذلك كل دة هحلله غير انى اروح مصنع أشرف دة ايه الهم دة؟

اما أميرة فقد فقدت القدرة على الكلام لتنظر جهته نظرات حارقة قادرة على ان تودى بحياته، اما هو نظر تجاههم ليقول بقوة

_دة إللى عندى ودة اخرى، كل واحد يشوف إللى وراه فاهمين

ضربت أميرة جبهتها وهى تسبه بداخله بأبشع الألفاظ اما هو فخرج بعد أن ابتسم فى وجههم ابتسامة خبيثة قائلا

Enjoy

أغمضت جنا عيناها وهى تقول بحزن

_كله دة بيبقى علشان رفضته و دلوقتى انتو كمان بتتعاقبو معايا عايز يعجزنى او يبعدكم عنى لانه أكيد عارف أنكم عارفين كل حاجة وممكن تضغطو عليا

نظرت شيرين تجاهها لتقول بمزاح

_اهدى ياعم الحاج مين إللى قال كدة؟ مستحيل حد يقدر يقولك حاجة زى دى، دة ان كنت وافقتى كنت هقولك دلوقتى ارفضيه فاهمة، دة بنى ادم محتاج عقل بنى ادم، دة رأسه رأس تور

ابتسمت جنا من وسط دموعها بينما قالت أميرة بطريقة إجرامية

_عارفين يا بنات انا نفسى فى ايه؟

نظرو تجاهها متسائلين بتعجب

_ايه؟

لتجيبهم بما لم يخطر ببالهم بطريقة السفاحين

_نفسى ادبحه واقطعه وامسكه هو أحلله واشوف هو ايه المرض أو الميكروب المتغلغل فى جسمه إللى مخليه بالثقالة دى مع انى متأكدة انه مفيش ميكروب يقدر يعيش فى جسمه نظرا لرخامة دم امه دة الميكروب نفسه هيموت بسببه

ضحكو ثلاثتهم بعد ذلك الرد وهم لا يعلمون ماذا يخبئ لهم هذا الأمر

_________________

جلس معهم بهدوء قائلا

_لازم نفتح عنينا كويس الناس دى أكيد زراعة فى وسطينا ناس تنقل أخبارنا وتوقعنا فى السوق، لازم يكون عاملين ثغرات يوصلولنا من خلالها، من ناحية لازم نتبع وسيلتين الاول أننا نقفل الثغرات دى بأنها نضيق الخناق ان ماكانش نقدر نمسكهم يبقى على الأقل تخليهم مش قادرين يوصلو معلومات مفهوم

اومئ نبيل برأسها وهو يقول

_تمام

ثم اكمل هو قائلا

_ تانى حاجة أفضل وسيلة للدفاع هى الهجوم ودى سيبوها عليا لازم اخليهم مايسووش فى البلد تلاته تعريفة اوكى

_اوكى

قالها الجميع بينما سألته ليليان بتعجب

_ودى هتعملها ازاى

إجابته ب لا مبالاة

م_ش مهم ازاى لانه ميهمش انا هعملها

بينما سأله فارس بتعجب

_انت منين قدرت تفكر كدة انت على حسب ما سمعت انت امبارح كنت هايج منين قدرت تهدى

نظر له توفيق ليقول

_انا نفسى كنت هسأل نفس السؤال منين يا باسل؟

ابتسم باسل ابتسامة عاشقة لا يعلم متى عشق او متى أصبح يحب ولكن كل مايدركه ان تلك الفتاه التى لا يعلم عنها اى شئ سوى أنها تظهر له من آن لاخر سرقت راحة باله ولكنه أجاب

_ربك لما بيريد بيبعت الحلول

ان جئنا للصدق فهو لم يصدقه، باسل يتغير ولكنه سيفهم كل شئ والان انقضى الاجتماع حينما هتف باسل بمزاح

_يلا كل واحد من غير مطرود من مكتبى علشان عاوز اقعد مع نفسى وانتو على مكاتبكو، وياويله ياسواد ليله إللى هلاقيه بيلعب هسلخه واقطعه واحطه ضمن اللحوم المجمدة وقد زعتر من بعتر يلا

هتف نبيل بمزاح

_وعلى ايه انا انفد بجلدى واشوف رزقى، معايا يا ليليان ولا عاوزة تتعلقى على باب زويلة زى رسل المغول

ضحكت وهى تركض خلفه وتقول

_لا وعلى ايه الحى ابقى من الميت

بينما ابتسم توفيق وخرج ولم فى المكتب سواهم

حول باسل انظاره تجاهه متسائلا بتعجب

_خير يا فارس فيه حاجة؟

وقف فارس وهو يمط شفتيه قائلا

_لا مفيش انا إللى كنت هسألك نفس السؤال فيه حاجة يا باسل

نفى باسل برأسه قائلا بمزاح

_اذا كان كل إللى بيحصل دة وتقول فيه حاجة ف لا مفيش، مفيش خالص، لا عصابه ولا غيره حتى انا بفكر اروح شرم يومين

_باسل

_لا مفيش اهدى كنت متوتر وهديت وفكرت بس مش اكتر

اومأ فارس برأسه قائلا

_اوكى تمام

ثم سار بخطواته إلى أن توقف فجاءة وقد تذكر شيئا ما لذا قال بسرعة وهو ينظر جهته باستفسار

_باسل بخصوص البنت إللى كانت بتظهر لك لسة بتظهر؟

اومأ باسل برأسه قائلا بحماس

_اه وشفتها ماعدا عنيها بس زى القمر بيضا وشعرها اسود فى بنى وجسمها سبحان من صوره ورقتها كذلك ماهى إللى هدتنى

نعم!!!

قالها فارس بصدمة بينما اكمل باسل بحماس غير منتبها بصدمة صديقه

_اه ما انا إللى حكيتلها وهى حكيتلى إللى مضايقها وقالقها، عندها امتحان عملى بس على ارض الواقع وقلقانه، يعنى كل واحد بيحكى للتانى،

عارف يا فارس عندى احساس قوى ان البنت دى حقيقية وهشوفها قريب امتى وفين مش عارف

نظر له فارس بتعجب قائلا

_مش ممكن، مش معقول

الآن انتبه لصدمة صديقه ليقول

_فيه ايه يا فارس مالك؟

ليجيبه فارس بتوتر

_ممكن دة يكون تواصل أرواح قبل حتى اللقاء؟ دى لو حصلت هتبقى حالة نادرة بتحصل واحد فى المليون

نظر له فارس بتعجب ليقول

_مش فاهم حاجة

_هفهمك بس لازم الاول تفهمنى، اوكى؟

اومأ باسل برأسه حينما فتح الباب ودخل نبيل يقول

سمعت آخر خبر فى لجان تفتيش فايته على المصانع وفيه لجنه هتجيلنا بكرة عرفت الموضوع النهاردة دلوقتى

اومئ باسل برأسه وقد انقلب من حال إلى حال

ليقول

_احتمال تكون شكوى او حاجة علشان يوقعونا فتحو عنيكم لحد يجملنا حاجة فاهمين،

اجابه نبيل

_فاهمين

لينظر امامه قائلا

_استرها يارب

__________________

تجلس على العشاء تتناوله بهدوء متوتر حينما سألها والدها وقد لاحظ ذلك التوتر البادى عليها قائلا

_أخبار امتحان العملى ايه يا جنا طلع اسمك فى ايه؟

إجابته بتوتر بعض الشئ

_طلع اسمى فى تفتيش عن المصانع وتحليل عينات

كاذب من قال انه لا يستطيع رؤية الخوف فى عينيها فهو واضح للعيان ويفهمون جميعا سببه، جنا تعشق عملها تحبه تخشى تهدم حياتها العملية قبل أن تبدأ وبالأخص ان هذه هى آخر سنه لذا ربتت وفاء على كتفها قائلة

_ماتقلقيش يا قلب ماما كل حاجة هتبقى تمام وخاصة فى دة إللى تخافى منه ما يجيش اسهل منه

اومأت هى برأسها بينما قالت نهلة بمزاح

_وبعدين اذا جنا هانم العربى جميلة الجميلات وسيدة البنات خافت مين إللى هيكون شجاع انا، دة ان كدة اخد ديلى فى اسنانى وأجرى

ضحكت جنا على مزحتها بينما سألها عزيز قائلا

_وفين طلع اسمك على شركة ايه

إجابته بهدوء وهى تضع قطعة من الطعام فى فمها

_مجموعة الدمنهورى للاغذية المحفوظة والمجمدة

بسسسس

مفاجأة

يا ترى ايه إللى هيحصل

باسل

جنا

نهلة

نبيل

جميع الابطال تتوقعون ايه إللى هيحصل معاهم

توقعاتكم

وووويتبع

الفصل السادس من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺