رواية مارد وكنزي الفصل الاول حتى الفصل الثامن عشر بقلم الكاتبه نور محمد حصريه وجديده على مدونة النجم المتوهج

رواية مارد وكنزي الفصل الاول حتى الفصل الثامن عشر بقلم الكاتبه نور محمد حصريه وجديده على مدونة النجم المتوهج 

رواية مارد وكنزي الفصل الاول حتى الفصل الثامن عشر بقلم الكاتبه نور محمد حصريه وجديده 

ياااااااباااا .. اااابااااا يااااابااا ... انت فين ياللي ربتني وكبرتني ... ياللي عايز تجوزني تاجر سلاح ، يا حومتي ياني بقا أخرتها اتجوز مجرم بيقتل ف الناس 

_ تاجر السلاح اللي بتتكلمي عنه دة يبقى ابن عمك ، يعني أولى بيكي من الغريب 

عاااااا الغريب مات م الهم والغلب ، الحقيني يمااااا أُهو أِهي اااعااااا

= بتنهقي ليه يا آخرة صبري 

سامعة جوزك بيقول ايه ، قال تاجر السلاح أولى بيا .. لييييه كنت بتاجر ف الأعضاء البشرية 

_ انا قولت هتتجوزيه يعني هتتجوزيه ... انا مقدرش أقوله لأ

ليييه ماسك عليك ايه ياااابااا ... بقا عايز ترمي بنتك لواحد مبيعرفش يتعامل غير بالرشاشات والدبابات

_ متخافيش ، هو طلب ايدك مني بنفسه يعني أكيد عجبتيه 

لييييه هو كان شافني فين أصلاً هو يعرفني ولا انا اعرفه 

_ من 17 سنة شافك وانتي خارجة من الحمام ، ومن يومها وهو معجب بيكي 

كمان شافني ملط يا لاااااااهوي ... يعني جاي يصلح غلطة عملها لما كان عمري 4 سنين ، غطيني وصوتي يمااا

_ دة بدل ما تشكريه انه مخلعش وجاي يداري خيبتك

يا ريته كان خلع يا رييييته ، ع جثتي اني اتجوزه .. عليا النعمة ارمي نفسي من الدور الأول 

= اهدي يا كنزي ... الراجل زمانه جاي 

يادي النصيبة ، انتوا بتدبسوني ... الحقوني يا نااااس ، الحقوني يا خلق

_ وطي صوتك يا بنت ، الجيران تسمع

خليهم يسمعوا يخويا ، انت اكيد لاقيني ع باب سوبر ماركيت مش ممكن تبقى ابويا اللي زالطني من بطنك 

_ زالطك من بطني ازاي ، انتي مجنونة يا بت 

مجنونة!!! انا هوريك الجنان اللي ع أصله دلوقتي 

= رايحة فين بس!!

ابعدوا عني محدش يقربلي 

= الحقني يا صلااااح بنتك عاوزة تموت نفسها 

_ ايه اللي بتدلقيه ع نفسك دة يا بنت المجانين 

هموتني عشان ترتاحوا مني 

_ بس دة مش جاز ، دة بول كلاب

عاااااا اااعععععع "جابت اللي ف بطنها"

_____

الباب رن وراح صلاح يفتح

مد ايده برعشة _ يا أهلاً وسـ سهلاً يابني اتفضل 

دخل بهيبته وقعد وحط رجل ع رجل ... العروسة فين !!

_ ادخلي يا سعاد هاتيها من جوة

= حاضر

هي من جوة الأوضة-- مش هتجوزووووه ، خرجوووه بررررة

.... ايه!!!!

_ مـ.. معلش يابني أصلها بتعاني من الصرع ربنا يشفيها

.... أه الأحسن برضو انه يكون صرع بدل حاجة تاني

خرجت مع امها--- نزل رجلك ياض ولم التيران بتوعك وأخرج برة معندناش نسوان للجواز 

بصلها بغضب ومسك رقبتها بإيده

عااااا هتموتني يخربيت سنينك 

.... انتي مش عارفة بتكلمي مين!

مجرم وقتال قتله ، يعني هتكون دكتور باطنة 

.... انا أمان المارد اللي محدش ف الدنيا رفع صوته عليه

_ والنبي يابني متقصدش ، منا قولتلك عندها صرع 

متخافش يابااا ، ارقعي بالصوت يمااا 

= يا لاااااااهوي

.... اخرسي يا ولية 

مش عيب ترفع صوتك ع واحدة قد امك يابن الحرامية

.... شكلي هموتك قبل ما تبقي حرمي

ومين قالك هتجوز واحد زيك ... وربنا لبلغ عنك بولييييس بولييييس 

.... اخرسي

وراح راميها هي وأمها وأبوها ورافع السلاح عليهم ....... 

البارت 2

... اقسم بأيمانات الله لو صوتك اترفع تاني ليكون آخر يوم في عمرك .. سامعة ولا لا يا حيلة أمك وابوكي

... ونعم الإيمان والتربية حقيقي مشوفتش ف أخلاقك

صلاح ... اهدى يا بنت المجانين لياخدنا كلنا برصاصة واحدة 

... عقل بنتك يا عمي ، لأني مبرجعش ف قرار أخدته ... فاهمين ولا لأ .... "صرخ فيهم"

التلاتة بصوت واحد ... فاهمين فاهمين 

كنزي بخفوت ... سمعت الرعد ف وداناتك يا بعيد 

... بكرة كتب كتابنا والفرح ، كلكم تكونوا جاهزين مش عايز أي تأخير .. الحرس بتوعي هيكونوا تحت البيت عشان لو فكرتي بس تهربي هيجيبوا أجلك

... اسمع يا أمان يا لاللي انت شغل الشبحنة دة مش عليا .. أوعى تفتكر اني خايفة منك لاااا .. دة انا ممكن ارقصك هنا

وفجأة رفع المسدس وضرب طلقة ف الهوا خلتهم كلهم يصرخوا ... وكنزي رجعت واقعة ف الأرض جنب أهلها

... عااااا من النجمة هجيب المأذون وآجي .. هجيبه وآجي عاااا

حط المسدس ف حزامه ورزع الباب وراه بعد ما مشي 

.... يا نهار مدوحس يابا .. دة كسر كالون الباب ... يا لاااااااهوووي 

______

تاني يوم الصبح وصلت القصر بتاعه حاولت تهرب معرفتش 

... كل دة طبعاً من السرقة والنهب والقتل مش كدة 

سعاد ... يا بت وطي صوتك ، انتي مش هترتاحي إلا لما يقطعنا ويرمينا للكلاب تاكل فينا 

"شافته من بعيد جاي وبيرفع نضارته عن عينيه"

... ولابسلي أبيض عاملي فيها زبادي كامل الدسم 

... لو كنتوا اتأخرتوا خمس دقايق كان زمانكوا مدفونين تحت الأرض 

بخفوت ... ان شالله انت واللي يتشددلك 

... تعالوا ورايا 

بتبص حواليها وبهمس لنفسها ... ايه كل البادي جاردات دي فاكر نفسك مالك ولاية تيكسيكوا 

دخلوا القصر اللي ميجيش واحد ف المية من الجنينة اللي برة 

نرجس والدته ... يا أهلاً يا كنزي ، منورة بيتك

... دة بيت علي بابا والأربعين حرامي مش بيتي 

نغزتها سعاد بحنق ... لمي لسانك هتموتينا 

كمال ... وحشتني يا صلاح .. أخيراً جه اليوم اللي نتلم فيه .. أعرفك أركان وميان ولادي 

بخفوت ... أركان ايه وأمان ايه دة انتوا بتسموا اسماء مش ع مسمى خالص .. والله تلاقي ولا بتركعوها ربنا يحرقكم مع ابو لهب 

... أطلعي فوق أوضتك جاهزة 

... أوضة مين يا روح أمك .. انت جايبني هنا تهزأني

كلهم شهقوا حتى الشغالين .. وفجأة طلع المسدس وشد أجزاءه 

بخوف ... الأوضة فين يا سعادة الباشا 

______

... مش هتجوزه يا نااااس ابعدوا عني ... يا ولية كفاية شد ف شعري هتخلعيه ف ايدك 

... هو دة شعر أصلاً دة سلك مواعين .. انتي بقالك قد ايه مغسلتيهوش !!

... بتقولي ايه يا ولية يا حيزبونة انتي ، وربنا اديكي ع بوزك

... يا لااااهوي حوشوها عني هتموتني 

"فضلت تضرب فيها بالروسية ، وتشدها من شعرها ومحدش عارف يحوشها ، لغاية ما دخلت واحدة وشخطت فيهم"

... بسسس ، ابعدي عنها 

الست بعياط ... عاجبك كدة يا ست ريم أنا اتهزأت خالص 

... وانتي مين يا روح أمك !!

بقرف ... أنا ريم مديرة العلاقات الخاصة لـ أمان باشا 

... كمان عنده علاقات خاصة ، يا ليلة بيضة يا ولاد 

ظبطت نضارتها ... نص ساعة وألاقيكي جاهزة وإلا مارد باشا مش هيعديهالك

... طب يلا يا بنت الحرامية من هنا وخدي العرر دول معاكي .. بررررررة 

"صرخت فيهم وكلهم جريوا ع برة بسرعة"

______

... ربنا يعدي الليلة دي ع خير 

... اسكتي يا سعاد ، لحسن انا حاسس ان النهاردة دفنتنا

... كنزي مش هتجيبها لبر 

____

... المأذون وصل يا مارد باشا 

فتح الدفتر ... أين العروس؟!

سعاد ... هروح أجيبها 

... لا خليكي 

شاور لـ ريم بإيده وطلعت تجيبها

خبطت ع الباب ... كنزي هانم ، كنزي !!!

"مفيش رد دخلت بسرعة ملقيتهاش ، جريت ع البلكونة وشافت مليات السرير مربوطة ف بعض ، نزلت بسرعة تبلغ المارد"

... الحق يا مارد باشا ، عروستك هربت 

"وقف بغضب وأمها وأبوها لطموا ع خدهم"

صلاح بهمس ... مش قولتلك ان الليلة دفنتنا

صرخ بصوته ... هربت ازاي!!! ... موتك ع ايدي يا كنزي 

"راح ناحية سيف متعلق ع الحيطة وأخده وطلع وع وشه علامات الغضب"

"العيلة كلها طلعت وراه ... شاور للحرس يدوروا عليها ف كل حتة"

بحزم وتهديد ... مش عايز طيفها يخرج برة القصر وإلا هقطع رقابكم

___

"كنزي ماسكة فستانها وبتمشي بسرعة وحذر ف الجنينة اللي ملهاش آخر ، وبتبص بترقب للحرس اللي عاملين زي الناضور"

... الأحسن اقعد تحت الشجرة اللي هناك دي لغاية ما يتعبوا من الوقفة .. ولا باينلهم حلاليف مش بيحسوا

"بتمشي ببطء ع طراطيف صوابعها عشان توصل للشجرة .. وفجأة......

البارت 3

... عااااااا ، بس يا ولاد الكلب بطلوا هوهوة .. الحقوني يا خلق .. الحقوني يا هووووه

"الكلاب فضلت تعوي عليها وهي خايفة منهم ومش عارفة تهرب بعيد .. والحراس شافوها .. رفعت فستانها وهاتك يا جري .. وهم وراها"

... اجررررري يا مجددددي ، اللي يحصلني يكسرني عااااا

"أمان سمع صوتها وجري ناحيتها وهو شايل السيف .. والحراس كانوا بيجروا وراها من كل ناحية .. وبتوقع فيهم ومحدش عارف يمسكها"

... وربنا لأدوخكم يا شوية تيران .. اوعى ياض منك له 

"وهي بتجري فستانها شبك ف حاجة ووقعت ، وف لحظة كانوا محاوطينها ف دايرة .. ولسة واحد هيقرب منها يمسكها سمعوا صوته القاتل وهو بيصرخ"

... ابعدوا عنها .. محدش يلمسها ... تعالي بقا بتهربي مني انا يا بت .. دة انتي يوم أهلك مش فايت 

... بت أما تبتك ابعد عني ، جاك قطع ايدك

"بتشد دراعها منه وهو ماسكها بقوة .. وراح شايلها ع كتفه ، وهي بتصرخ"

... نزلنااااااي .. مش هتجوزك .. عااااا 

"رماها ع الكرسي ، وخرج السيف حطه ع رقبتها"

صلاح ... خلاص يابني والنبي سيبها منا قولتلك دي بتتعالج 

صرخ بصوته ... مش عايز أسمع صوت حد

جز ع أسنانه لـ كنزي ... تحبي أخلص عليكي دلوقتي 

هزت راسها بنفي وتابع ... انتي عارفة اللي عملتيه عقابه عندي ايه! أصعب مما انتي تتخيلي 

بصوت مبحوح وخافت ... موتني أحسن ، ع الأقل هبقى شهيدة وهدخل الجنة أحسن ما اتجوز واحد ابن مجرمين زيك 

شدد ع السيف وهي صرخت ... عاااااااا .. خلاص ربنا ياخدك 

... يلا يا شيخ كمل إجراءاتك

المأذون ... دة جواز بالإكراه ، وأنا لا أقبل هذا 

حصل يا شيخنا .. وانا أيضاً لا أقبل

"شاور للحرس ، وف لحظة كانوا حولين المأذون اللي بلع ريقه بخوف"

_أنا من رأيي يا بنتي توافقي ، دة باين عليه شاب كويس وهيسعدك

أما أنت مأذون نطع بصحيح 

_احم نبدأ بسم الله 

"وبعد شوية"

_ بارك الله لكما وبارك عليكما وجمع بينكما في خير

رسمت ملامح باكية ... قصدك جمع بينا ف دا_عش 

________

_وحياة امك بقا .. لخليك تلف حوالين نفسك .. اصبر عليا ، هكرهك فيا وف الجواز  

"فضلت تلبس بنطلون فوق التاني وكذا بيجامة ، وطلعت إسدال اسود ولبسته وطرحة سودة ، وراحت ناحية المراية"

_اعوذ بالله ، مين دي !! ... دة انت ليلة دخلتك كحلي بإذن الله ههههه

"سمعت صوته داخل الأوضة وبسرعة فرشت سجادة الصلاة وبدأت تصلي ، أو مثلت كدة"

_ الله أكبر ... سمع الله لمن حمده 

"قرب منها وهو بيبصلها ببلاهة واستغراب ، وبعدين راح مدد ع السرير وهو ساند ايده تحت راسه"

رفعت ايدها للسما ... إلاهي وانت جاهي أشوف فيك يوم ... 

ولما لقيته اتعدل اتراجعت ...احم قصدي ربنا ينتقم من الظلمة ولاد الحرامية يعني 

قامت ورفعت السجادة ... انتي بتعملي ايه؟

_ بصلي بتفكر ربنا اللي خلقنا قبل ما ييجي اليوم الذي لا ينفع مال فيه ولا بنون 

مط شفايفه وكإنه مهتمش ووقف قصادها ... بس القبلة مش الناحية دي أصلاً!!

شهقت بصدمة ... وانت عرفت القبلة منين يخويا ... انت آخرك تعرف المسدس اللي ف ايدك كام طلقة 

... اممم بمناسبة الطلقة ، انتي هتفضلي لابسة الجلابية دي كتير؟

_ أولاً دة اسمه إسدال ، ثانياً أنا بحب البسه وأنام بيه 

... بس انا مبحبش اللبس دة ، الحاجات دي تتلبس برة مش ف أوضة النوم 

_ انا بقا مبلبسش غير الحاجات دي ، برة وجوة بالذات .. وبعدين انت دخلك ايه ، اطلع برة الأوضة 

... طيب يلا 

_ يلا ايه؟

قرب من ودنها ... اقلعي

فتحت صوتها _ نعم يا روح امك 

... اقلعي والبسي قميص النوم دة 

_ عليا النعمة لو محترمتش نفسك لكون مدياك روسية اجبلك ارتجاج ف نفوخك .. اطلع برة أوضتي ياض

مسكها من قفاها ... مبحبش أكرر كلامي مرتين 

"زقته وبعدت عنه"_ اوعى ياض يابن المجرمين ، هو انت فاكرني عشان مضيت ع ورقة هعتبرك جوزي

... أنا جوزك غصب عنك .. ف الأحسن تسمعي كلامي بمزاجك بدل ما تسمعيه بطريقتي 

شوحتله بإديها ... طريقة ايه دي يا عمر ، لا دة انت متعرفنيش دة انا لحمي مر ، وممكن اقطعك بسناني

"مسكها مرة تانية وخدها ع البلكونة وهو ضاغط ع رقبتها من ورا"

... شايفة القفص اللي هناك دة!! عارفة دول ايه!!

"كان بيشاورلها ع كلاب"

_ اكيد قرايبك معروفة يعني 

جز ع أسنانه ... لو حطيتك معاهم دلوقتي ، حتى عضمك مش هلاقيله أثر 

بلعت ريقها بخوف وقالت _ مفيش عندك قميص لونه أحمر ؟!!!!.....

البارت 4 

... أعمل ايه يا لهوي يا لهوي .. دة مستني برة وشكله مش هيعدي الليلة ع خير ... وايه الشقة اللي دخلت فيها دي .. كل دة حمام يا بن الحرامية... 

لطمت ع خدها ... خليكي ف همك الأول يختي .. بس انا عرفت هعمل ايه 

"طلعت تليفونها اللي كانت حاطاه ف جيبها تحت الإسدال وفتحت صفحة جوجل"

... أنا هسأل جوجل هو اللي عنده الحل للمشكلة دي ... (ازاي أهرب من جوزي ليلة الدخلة؟)

فتحت منتدى وكان مكتوب نفس السؤال وف بنات معلقة عليه:_

_ حطيله منوم ف العصير

_ قوليله ان عندك عذر شرعي أو قهري أيهما أقرب 

... حلو العذر الشرعي دة .. بس مش هيصدق ، هيبقى عايز يتأكد 

وقفت باندفاع ... وحياة أمه نرجس ما يقربلي لأغزه ف كرشه 

"سمعت صوته من برة"

... انتي هتفضلي ف الحمام كتير! أخرجي يلا

... مستعجل ع قلة الأدب بروح أمه ... خارجة أهو 

خبطت ع دماغها بقلة حيلة ... يا مصيبتي ياني يا حوستي .. تعاليلي يمااااا 

____

"كان برة بيغير هدومه وبيرش برفان ، ورش برضو ع السرير ، والأوضة بقت ريحتها كلها مميزة ، ومستني عروسته تخرج ..."

"فتحت الباب بالراحة وبص ناحيتها بابتسامة .. بس اختفت ابتسامته اول ما شافها بنفس اللبس .. ولسة هيعلي صوته عليها ..  وقعت من طولها ، وجري عليها بسرعة"

بخوف ... كنزي ، مالك 

بضعف .. أصـ... أصل تبعت فجأة ودوخت

"شالها ع دراعاته وحطها ع السرير"

... تحبي أجبلك دكتور؟

... لالا بس سيبني أنام شوية وانا هبقى كويسة

... متأكدة؟

"هزت راسها .. غطاها ونام جنبها وهي ف حضنه"

ف نفسها ... وبعدين بقاااا ، يعني أمثل اني تعبانة عشان تبعد عني ، تقوم واخدني ف حضنك!! .. يخربيت ريحتك اللي تجنن .. ايه يا كنزي هتضعفي ولا ايه!! .. الله وانا مالي يا لمبي مهو اللي واد موز وريحته حلوه 

"حاولت بالراحة تفلت من ضمته بس هو محاوطها بشدة .. استسلمت لأمرها ونامت بين دراعاته"

______

نرجس ... يا صباح الخير بالقمر 

"ميان وأركان ضحكوا بخفوت عليها ، لأنها نازلة بالإسدال وبالهدوم الكتير اللي لابساها تحته مخليها تخينه"

ميان ... هي مالها عاملة شبه الساحرة المستديرة كدة ليه 

"أركان ضحك بصوت عالي ع شكلها ، ومارد رمقه بغضب"

مارد ... اقعدي عشان تاكلي 

مدهتوش اهتمام وطلعت فلوس ... خدي يا بت يا بتاعة انتي ، امسكي ال 10 جنيه دي ، هاتيلي 4 طعمية و2 فول وكتري المخلل 

ريم بقرف ... نعم!!! طعمية وفول ايه اللي عاوزاهم ، الحاجات دي ممنوعة هنا 

... مين اللي منعها يا روح امك 

_ أنا! .. مفيش أي أكل من برة هيدخل القصر لأنه غير صحي 

بزمجرة ... وهو الفول غير صحي يا حيلتها 

"وقف بغضب وهي بلعت ريقها بتوتر"

... مبحبش اعتراض ، تعالي يلا افطري

... انت عاوزني آكل من أكلكو الحرام !!! 

"كلهم شهقوا حتى عمال المطبخ اللي واقفين حواليهم"

"مارد زم شفايفة بغضب وقرب عليها مسكها من دراعها"

... قولي تاني كدة!! 

بتوتر ... مـ.. مهو انا هفهمك ، انا ميفعش آكل من الحاجات دي ، معدتي ممكن تشتمني 

ساب ايدها بتذمر ... انتي حرة ، بس مفيش أكل من برة هيدخل هنا وخليكي لغاية ما تموتي من الجوع 

بزمجرة ... ان شالله انت يا رب .. وربنا منا طافحة ها 

وسابتهم وطلعت ع السلم وهي بتمتم ... حتى الحاجة الحلال مش عايزين تدخلوها بيتكم يا ولاد المضايقة 

______

عااااا يا بطني يمااااا أُهو أِهي اااعااااا .. إلهي تتشوي ف نار جهنم يا بعيد .. دة انا لو كلبة عندك مكنتش عملت معايا كدة 

"بطنها فضلت تطلع أصوات دليل ع شدة جوعها"

"بتخبط ع ركبتها بقلة حيلة" ... يا حبيبتي يا بطني اعااااا .. أعمل ايه انزل آكل من أكلهم عشان تسكتي! .. هينزل نار عليكي وممكن أتسمم فيها

"دخل عليها مارد" ... لسة برضو مش عايزة تاكلي! 

... غور من وشي ياض 

"راحلها ومسك رقبتها بإيده ع السرير"

... أنا ممكن جداً افصل راسك عن جسمك ، وهتكوني خسرتي حياتك بسبب طولة لسانك 

بصوت مخنوق ... هتبقى انت وبطني عليا ، شيل ايدك ربنا يهدك يا بعيد 

"بعد عنها وهي رمت المخدة عليه"

شالا ايدك تتشل يا رب عاااااا

"بعد شوية الباب خبط ودخلت ريم"

... مارد باشا ، صلاح أبو المدام تحت هو مراته

_ مااااماااااع

"جريت ع تحت بسرعة" ... أماااا يمااا يمااااتي عاااا .. وحشاني يا غالية وحشاني 

"حضنتها بلهفة" ... للدرجادي وحشاكي يا بت 

... وحشاني ايه ، طلعي الأكل بسرعة انا هموت م الجوع 

... طول عمرك طفسة وميطمرش فيكي 

صلاح ... سلمي عليا طيب 

"الأكل ف بوقها" ... م ش وق.. ته 

... بتقولي ايه يا بت 

بس يابا خليني املى بطني 

صلاح ... اطفحي يختي ، محسساني انك مش لاقية تاكلي ، دة انتي ف نعمة 

متيجي انت تعيش هنا بدالي ، وخليني أرجع لبيت العز يا بيتنا 

سعاد ... يختي عز ايه دة اللي ف بيتنا امال القصر دة ايه 

دة بيت لصوص لكن ظرفاء 

سعاد ... والله انتي اللي ظريفة

قربت منها وهمست ... قوليلي عملتي ايه امبارح طمنيني 

بصوت مسموع ... يعني هكون عملت ايه أكيد كانت ليلة ملوكي

... وطي صوتك يا بنت المعرقبة ... وآه صحيح لابسة كدة ليه .. ف عروسة تلبس اسود يوم صباحيتها!

مش أنا عملت كدة ، يبقى فيه 

"ابتسمت ببلاهة وفجأة لقيته داخل عليهم وهو بيتنفس بالغضب وماسك كرباج ف ايده"

... بقا انتي تضحكي عليا وتعملي نفسك تعبانة امبارح!

"طلع قنينة بلاستيك فيها حبوب دوا ورماها قدامها"

... أحيييييه اتقفشت......

البارت الخااااامس 😂😂😂

... اطلعيلي من ورا أمك وتعالي

"متبتة ف أمها وخايفة من نظراته"

... لا انا مبروحش لحد ، اللي عايزني يجيني

جز ع أسنانه ... بقولك... تعالي... هنا!!!

سعاد بخفوت ... عملتي ايه يا بنت المحروقة 

... بقولك ايه يا أمان يا لاللي ، اوعى تفكر اني خايفة منك ولا من الكرباج اللي ف ايدك دة ، دة انا ممكن ألفه ع رقبتك وأجرك بيه

"اتوسعت عينه بشر وغضب وضرب الكرباج ف الأرض بقوة"

... وحياة أمك لخلص عليكي النهاردة 

... يا لاااهوووووي ، اجري يماااا 

"فضلوا يجروا هم الـ 3 حوالين بعض ومش عارفين يروحوا فين وهو بيضرب الكرباج ف الأرض اللي بيزيد ف صراخهم"

صلاح ... عملتي ايه يا بنت الكلب مخليه طايح فينا كدة 

طلعت فوق الكنبة ... معملتش حاجة عااااا 

سعاد ... والله انا شاكة ان العباية دي هي السبب 

"وفجأة رمى الكرباج عليها وسحبها زي الحصان الجامح وطارت عليه وشالها ع كتفه"

عااااا ابعد عني تاك نصيبة 

سعاد ... يا لهوي واخد البت ع فين 

صلاح ... باين جينا ف وقت مش مناسب يا سعاد 

"طلع برة وبيربطها ف الشجرة بالحبل"

عاااا بتعمل ايه ، سيبني يا جبان

... مش عملالي فيها Strong وبتعرفي تفكري وتمثلي عليا ، وكمان بتعلي صوتك وتشتمي ، هتشوفي رد لكل دة دلوقتي 

بعياط ... خلاص والنبي ما هعمل كدة تاني عااااااا 

"ضرب الكرباج ف الأرض مرة تانية عشان يخوفها"

عااااا .. عيب والله اللي بتعمله دة ف واحدة نسوان .. دة انا ف مقام مراتك!.

صرخ فيها ... مراااتي!! اللي ضحكت عليا ف ليلة دخلتي وفهمتني انها تعبانة! .. بتاخدي دوا بيعمل هبوط عشان تهربي مني!!!.

بملامح باكية ... منا هفهمك بس ، أصلك مش عارف عملت كدة لييييه

... ومش عايز أفهم .. انتي هتفضلي مربوطة ف الشجرة كدة لغاية الصبح .. وخلي كلب يحاول يفكك 

"سابها ف حالة غضب ، وأمها وأبوها جريوا برة القصر بسرعة"

... آه يا جُبنا بقا بتسيبوني لوحدي وتجروا ... منك لله يا ديما الزفت ع شورتك المهببة دي 

_______

"الساعة عدت 2 بعد نص الليل ، مارد بيلف حوالين نفسه ف الأوضة ، وبيتنفس بغضب قلبه بيقوله يروح يفكها. عقله بيرفض .. طلع ف البلكونة وشاف حد بيقرب منها ، عقد حواجبه بضيق ونزل بسرعة"

_______

كمال ... معلش يا بنتي مش هعرف أفكك .. بس خدي اشربي مية 

... والله ابنك دة لطلع عين أهله ، هو فاكرني ساهلة بس وحياة أمه منا معديهاله اعااا

... معلش خدي اشربي 

"ولسة هيحط طرف الكبايه ع شفايفها ، جاهم صوته من وراهم"

... انت واقف عندك بتعمل ايه !!

"الكباية وقعت من ايده ، وبصله وهو بيبلع ريقه"

_ أ.. أنا ... كـ.. كنت بـ.. 

... كان بيشربني ، ايه حتى بق المية عايز تحرمني منه!

بزعيق ... أنا اديت أوامر محدش يقرب منك

بزمجرة ... جرا ايه يا عم ابو جهل انت متخف علينا شوية ، هو انت بتعذب واحدة من أيام قريش ولا ايه 

... اطلع أوضتك يا كمال باشا ، ومتعملش كدة تاني 

"طلع سكينة صغيرة وقطع الحبل عشان يفكها ، وطلعوا اوضتهم"

_______

اترمت ع السرير بتعب ... يا رجلي ياني يماااا .. يا ضهري ويا عضمي ويا جسمي ااااااه ... ZzZzZzZz

"غطست ف نوم عميق وسمع سمفونية العظماء لما يناموا"

... جاتك القرف

بتمتمه وهي نايمة ... وحياة أمك نرجس اللي زلطتك من بطنها لوريك يا أمان لاللي انت 

"بصلها وهو مذبهل ، حتى وهي نايمة لسانها متبري منها!!"

_________

"صحيت كنزي تاني يوم ونزلت تحت ، كان أركان قاعد ع اللاب توب"

... أمال الظاهر بيبرس فينه!!

... ههههه انتي مبتحرميش! ع العموم هو خرج يصطاد

... طبعاً بني آدمين دي أقل حاجة بالنسباله

... هههههه 

"بطريقة الصعايدة " ... والخالج الخلج لكون شاجّاه نصين ع العملة بتاعة امبارح 

"انفجر ف الضحك ع طريقتها" ... طب والخالج الخلج انتي غلبانة أوي ههههه

... لا انت بس متعرفنيش ، دة انا كنزي اللي عمرها ما تهزي

... ههههههه يخربيت دمك العسل 

... قوللي انت بتدرس ايه

... انا ف كلية طب 

"بتردحله" ... نعم يا حيلتهاااا

... ههههه والله بتكلم بجد 

... أكيد قسم تسليخ وتشريح

"ضحك ع كلامها ، وكان المارد داخل القصر"

... اقطع دراعي ان ما كان هربان من فيلم تركي قديم 

"أركان حاول يكتم ضحكته .. ومارد هو وطالع السلم رمقها بنظرة خبيثة ، وبعد شوية طلعت وراه"

______

... انتي بتعملي ايه ف أوضة النوم !!

'ريم مدتهاش اهتمام ودخلت ف مكان مخصص للملابس كبير وواسع جداً وفيه كل اللي ممكن أي حد يحتاجه"

... أنا مش بكلمك يا زفتة انتي! ولا اتزحلقتي ع البلاط وانتي صغيره! 

ببرود ... حضرتك بحضر لمارد باشا هدوم 

... ليه يختي وهو نوغة مش هيعرف يحضر لنفسه!

... هو متعود مني ع كدة 

... متروحي تليفيه بالمرة!!

بخفوت ... يا ريت

شهقت لأنها سمعتها ... بنت انتي انا شاكة فيكي ، انتي متجوزاه عرفي يا بت 

بغرور ... هو انا لو متجوزاه كنتي انتي اتجوزتيه!!

... اللاه!!! دة انتي جامدة أهو وشبيحة .. وربنا لديكي ع بوزك 

"مسكت فيها وفضلت تضربها والتانية تصرخ"

... بقا عايزة تليفيه يا معفنة يا معرقبة .. خدي 

بصراخ ... عاااا ، ابعدي عني 

"دخل مارد ع صوتهم"

... ايه اللي بيحصل هنا 

... الحقني يا مارد باشا ، هتموتني 

"مارد بعد كنزي عنها"

بحدة ... ف ايه بتضربيها ليه 

بزمجرة ... اوعى ايدك ياض .. بقا واخدها ورا مصنع الكراسي وداخلة تليفك .. ناقص تجيبها معانا ف قلب السرير تعملك مساج .. وربنا لفضحكم

"مسكها من دراعها وزعق فيها" ... اخرسي

... خرسة لما تخرس أهلك ، ابعد عني 

"زقت دراعه بعيد عنها .. وراحت البلكونة ووقفت ع كرسي وريم خرجت بسرعة"

... الحقوني يا خلق ، البت داخلة تليف النطع اللي اسمه جوزي قدامي من غير حيا ولا خشااا .. يا لاااااااهوي متجوزني عشان ابقاله اريل .. غطوووني وصوتوووو ، غطوني وصوتووو ... يا خرااابي 

"مارد صبره نفذ ، وراح ماسكها من شعرها ومنزلها"

... تعالي بقا عشان انا جبت آخري 

... يلاّ يا مهزأ يا بتاع الليفة .. طلقني يابن المبقعة 

"نفخ وشه بعصبية وراح قابض ع ايده بقوة وضاربها ع دماغها"

... استنى كدة يمكن موقعش 

"وهوب طبت ساكتة ع وشها" ........

البارت السااااااس تفاعل نار يا جماعة وادعمووووني 💜😂

... هو انا مصدعة كدة ليه ... عاااا أكيد من الشكوش اللي خبطني امبارح ع نفوخي ، منك لله يابن نرجس

"لبست هدومها بعد ما خدت شاور ، ونزلت تحت"

الحارس ... رايحة فين يا مدام؟

... وانت مالك! 

_ حضرتك ممنوع الخروج لأي سبب من الأسباب 

... ودة مين اللي هيمنعني ان شاء الله!!!

_ المارد باشا أدانا أوامر بكدة 

... لا يا روح امك منك له ، الأوامر دي تمشي عليكم انتوا متمشيش عليا انا ... وسع كدة وانت شبه الفيل الهندي 

"منعها بإيده" _ آسف تقدري تكلميه الأول وبعدين تخرجي 

"نفخت بضيق ، وتمتمت لنفسها" ... وبعدين بقاااا ، هو انا هفضل محبوسة ف مغارة مارد بابا كدة كتير !!

"وتابعت للحارس" ... وهو فين سي لالالّي دة !!

"الحارس" موجود ف صالة الرياضة.

______

"دخلت كنزي الصالة الرياضية بعد ما شاورلها الحارس عليها .. لقيته بيتدرب ع كيس ملاكمة باحترافية وتركيز كإنه بيستعد لدخول معركة" 

... يا حلوللي ، محمد علي كلاي بيلعب يخواتي

"سمع صوتها بتمتم من وراه ، وقف لعب والتفت لها"

... ف حاجة ؟

"اتكلمت بزمجرة وهي بتقرب منه" ... هو انت صحيح مانعني من الخروج؟

... أيوة 

"حطت أيدها ف وسطها" ... ليه بقا ان شاء الله؟

... انا ميتقاليش ليه! انا اعمل اللي انا عايزه وبس 

... وحياة أمك؟!!!!

"بصلها باندفاع وغضب خلاها تبلع ريقها بتوتر"

... اقصد وحياة مامتك يعني!. ، يوووه انا عاوزة أخرج انا زهقت من القعدة 

... هبقى آخدك نتمشى شوية ف أي حتة 

"بمداعبة" ... الله منت طلعت كيوت أهو ، أمال مصدرلي الوش الخشب ليه!

"قرب منها ومسك وسطها بلطف ، الحركة دي خلت جسمها يترعش"

همس بالقرب من ودنها ... مهو هيبقى الخروج بمقابل برضو 

"بعدت صدره عندها بإيدها" ... تقصد ايه؟

... انتي عارفة قصدي ايه

بضيق ... لا معرفش وابعد عني 

"زقته بعيد وتمتمت بزمجرة وهي خارجة" 

... قليل الأدب لا بيخاف ولا بيختشي 

"بص ناحية خطواتها بابتسامة جانبية خبيثة"

_____

"دخلت كنزي جوة القصر ، وبعدين ع المطبخ"

"دخلت وهي بتدندن بمرح" ... يا عم يا طبااااخ ، قوللي معدتي مصيرها فيييين!!! .. يا عم يا طباااخ هتأكلني لحمة ولا فرااخ

"ضحك ع طريقتها" ... اللي حضرتك تؤمري بيه

... المهم يبقى أكل حلال...

"وقبل ما تكمل سمعت صوت صارم جاي من وراها"

_انتي مين سمحلك تدخلي هنا !! 

"التفتت وراها ع الصوت وكانت واحدة ست قصيرة ومليانة"

... مالك يا ولية داخلة بزعابيبك ليه! 

... ولية !! أنا إسمي الأستاذة عنايات 

"بتقلدها بنفس طريقتها" ... وانتي بتدرسي ايه بقا يا ملايات 

بزمجرة ... قولتلك عنايات ، وانا هنا مديرة المطبخ ومسؤولة عن كل حاجة تخص الطبخ 

... وه!! طب بما انك مسؤولة هنا امسكي الـ 100 جنيه دي عاوزاكي تجيبيلي بطاية شبهك كدة يا مقلوظة انتي ، عشان انا هفتانة أوي ، والأكل اللي جابته ماما خلص 

"كانت حاطة ايدها ع كتفها .. وعنايات رمقتها بقرف وشالت ايدها"

... أولاً أنا مباخدش فلوس من حد هنا غير مارد باشا .. ثانياً مفيش أكل بيتعمل هنا غير اللي انا بعمله ، حضرتك تقدري تشوفي القائمة اللي فيها كل الأصناف المسموح بيها هنا وتختاري منها اللي عاوزاه .. ثالثاً ودة الأهم ممنوع دخول أي فرد من أفراد العيلة المطبخ.

"ميلت رقبتها وبصتلها بطرف عينها بحنق وهي بتقلد سهير البابلي ف ريا وسكينة"

... جرا ايه يا حصب الله... قصدي يا حنايات الله ، انتي داخلالي دخلة زكي رستم ليه .. دة احنا بناخد وندي بشكل ودي 

... اتفضلي لو سمحتي ، متعطليناش 

اللاه! دة انتي بتطرديني بقا .. طب لما المارد يطردك من هنا متبقيش تزعلي بقا 

_______

"خرجت وهي بتعيط بصوت عالي"

... مارد عاااا 

... ف ايه؟

... هو مش القصر دة بتاعك؟

... أيوة 

... والمطبخ بتاعك ولا مأجره 

"اتنهد بنفاذ صبر" ... أه وبعدين؟!!

بعياط ... أمال الولية الحلمبوحة دي مش عايزاني أدخله ليه!!!

عنايات بزمجرة ... مارد باشا أنا مقبلش ان حد يتدخل ف شغلي ، والمدام بتاعتك بتديني فلوس عشان أشتريلها أكل من برة وأعمله لها هنا

"بصلها بتذمر وتمتمت من تحت ضرسها"

... دة انتي ولية كهينة 

"بجمود" ... هو انا مش قولت مفيش أكل هيدخل البيت من برة!! 

"بتتصنع الدلع عشان تغيظها" ... مارد هو انت بتصدق الحربوءة دي .. انا بس قولتلها اني نفسي ف بطاية فيها حاجة دي 

"حمحم بارتباك من نبرتها الحانية ، وقربها منه وضغط ع وسطها"

... مفيهاش حاجة طبعاً 

"اضايقت من لمسته وبعدت عنه بزمجرة"

... جرا ايه يالا انت هتستغل الموقف عشان تحسس!!

"وسع عينه بغضب وهي بسرعة تراجعت وقربت منه"

... اقصد يعني بلاش هنا عشان عنايات متحسدناش 

"عنايات واقفة مذبهلة من خبثها ، والتانية طلعت لسانها بغيظ"

... طب تعالي نطلع فوق 

______

"طلعت فوق معاه وهي قلبها بيدق بتوتر"

"مسك ايدها بحب وابتسم" ... أنا هاخد شاور بسرعة وأرجعلك 

"لسة هيبوسها سحبت ايدها بسرعة .. وقبل ما يدخل الحمام داعب أنفها بإيده وهو بيضحك بمرح"

"لطمت ع خدودها" ... يا نصيبتي يا نصيبتي .. الضحكة دي أنا عرفاها كويس .. يعني عشان تغيظي عنايات تقومي تجيبي لنفسك تهمة!!!

______

"بعد شوية خرج من الحمام وهو بيمسح شعره المبلول بالفوطة .. شافها واقفة مش منتبهة ، ابتسم بخبث وقرب منها وحضنها بقوة من ضهرها"

بهمس ... مغيرتيش هدومك ليه

بصراخ ... عااااا ابعد عني

"جريت منه وهي بتتنفس بسرعة وخوف"

"بصلها باستغراب" ... ف ايه؟

... أصلك خضتني

بضيق ... خضيتك ايه! هو ف حد ف الأوضة غيرنا!!

بتوتر ... عادي يعني مكنتش مركزة ، مالك

"ظبط هيئته وبدأ يقرب منها تاني"

... ايه يا شيرلوك هولمز ، بتبصلي كدة ليه

"رفع ايده بمحاولة منه يلمس شعرها ، وهي بتبعد نفسها عنه بارتباك"

ف نفسها ... أنا شكلي وقعت في مصيدة المارد ولو حاولت أصوت هيعلقني ع باب القصر!.

"غمضت عينها بخوف وقبل ما يلمسها انتبهوا ع صراخ جاي من برة ، وريم دخلت بسرعة بعد ما خبطت"

"بتتنفس بتوتر"... مارد باشا... روزي... روزي بتولد 

"اتغيرت ملامح وشه وجري بسرعة قدامها وهو لابس البرنص"

"اتنفست كنزي بارتياح بعد ما خرج ، لكن لاحظت حاجة"

... روزي؟! كمان طلع متجوز ومراته حامل وبتولد ، يا دهووووووتي ......

السااااابع 😂😂😂😂💜

كمان طلع متجوز ومراته حامل وبتولد ، يا دهووووووتي......

*******

"نزلت كنزي تحت وراهم عشان تفهم ايه اللي بيحصل!."

... هو ف ايه يا بت انتي وهو بتجروا كدة ليه!!

"ميان بمرح" ... أصل روزي بتولد 

... أه منا عرفت ، مين روزي دي بقااا؟!

... معقول مش عارفة النمرة روزي !! 

"بدهشة" ... نمرة! .. بقا كل الهيجان دة عشان نمرة يا ولاد النمرة

... مهو انتي مش عارفة المارد بيحبها قد ايه

... يا سنة سوخة يا ولاد ، بيحبها!! 

"مسكت كتفها وقربتها منها وكملت بخفوت"

... بت اوعي يكون هو اللي خلاها حامل !

... ههههه بتقولي ايه لا طبعاً ، ف حد يعمل كدة مع نمرة

... ف بيت الزواحف دة اتوقع أي حاجة وخصوصاً من أخوكي، دة طلع يجري وكإن ابنه اللي بيتولد 

... ههههه تعالي طيب نتفرج عليها

... يلا يا حيلة أمك 

_____

مارد ... إيه يا دكتور طمني !!

... الجنين ف وضع غلط ، لو حاولنا نسحبه ممكن يتسبب في موتها ولو فضل جوة ممكن يتخنق!.

صرخ بغضب ... لاااا ، أوعى يجرالها هي او اللي ف بطنها حاجة ، أدفنك مكانك 

"الدكتور بلع ريقه بخوف" ... خلاص يبقى لازم تدخل جراحي ، محتاجين ننقلها المستشفى

... لا ابعت هات كل اللي تحتاجه هنا

... تحت أمرك 

______

... ف ايه يا أركان الإيمان انت ، مالها ست روزي 

بحزن ... حالتها خطر والجنين مقلوب 

"ميان وأركان مضايقين ومتأثرين"

"بتهكم" ... لا حول الله يا رب ، وخايفين عليها لتموت! يا عيني عليكي يا روزي صعبانة عليا .. انتوا عبط ولا هبل يا جدعان! دي لو جاعت هتاكلكم !!!

ميان بدموع ... لا دي طيبة خالص ، دي عرضت نفسها للخطر عشاني 

"بملامح باكية وتأثر مصطنع" ... يا حرااااام ، قطعتي قلبي 

____

"بعد شوية جه طقم دكاترة وأجهزة طبية كاملة ، ودخلوا يولدوها"

"كلهم برة مستنيين المولود ، كنزي سمعت صوت ضرضرتها الموجوعة ، اتأثرت بيها بعد ما كانت بتتريق ، دخلت جوة تبص عليها .. فجأة صوتها علي دليل ع انها بتنبه بالخلاص وبالفعل الجنين نزل بعد معاناه"

كنزي بمرح ... عااا دي ولدت يا جدعان ، جابت ايه والنبي 

الدكتور ... اتفضل يا مارد باشا ، شبلك وصل بالسلامة 

"اتلقاه المارد بحب وخدوا ع برة ، وكلهم صرخوا بمرح"

... اللي جابلك يخليلك يا معلم عقبال طهوره ان شاء الله

... نعم؟!!! 

 ... احم اقصد مش توديه عند أبوه كدة يفرح بيه ، ولا انت أبوه ولا ايه ظروفك!

"بصرامة" ... ابوه أنا خلصت عليه عشان حاول يعتدي عليها وهي حامل 

"سحبت شهقة قوية ووقفت ف زورها" ... يخربمطنك 

"ميان" ... هتسميه ايه يا مارد !!

... أكيد ع اسمه 

"اتكلم وهو بيرمقها بخبث" ... هسميه كنز 

"كنزي بصتله بصدمة ، وتابعت ميان"

... الله دة حلو أوي 

"همست بخفوت" ... عقبال أمك يا حيلتها

______

"كانت قاعدة زهقانة وشافت عنايات خارجة وبسرعة اتسحبت ع المطبخ"

... بقولك ايه يا عم الطباخ ، اسمعني قبل ما ترجع الحلمبوحة ، الأكل دة مينفعنيش ميملاش بطني ، انا عاوزة أكل من اللي بيرم العضم ومتقولش للحرباية خليه سر بيني وبينك ها!

"وسع عينه وملامح وشه اتغيرت"

... خد الفلوس دي ... انت ساكت ليه! هو انت مكسوف !! 

"واقف متخشب وبيحاول يشاورلها بعينه وهي مش فاهمة"

... ولا خايف من الحربوءة القزعة

"سمعت صوتها من وراها" ... الحربوءة واقفة وراكي 

"التفتت بفزع وتفت ف عبها" ... يمه اعوذ بالله هم بيطلعوا امتى 

... انا مش حذرتك من الدخول هنا؟

... أنا حرة يا ولية 

... لاااااه أنا كدة مضطرة أقول لـ مارد باشا وهو يتصرف معاكي 

... خلاص خلاص .. انتي مش عنايات دة انتي داهيات مصيبات ، جاتك ستين نايبة 

______

"طلعت اوضتها ومسكت تليفونها واتصلت"

... يمّة أمّااا يمّاااتي 

... سلاماتي احترماتي قبلاتي هيهيهي

... ايه يا ماما الألش دة ، بنتك عايشة ف بيت التنين وانتي ليكي نفس تغني وتهزري

... تنين ايه!

... تنين من مارد مش هتفرق كتير 

... عايزة ايه انتي دلوقتي ، احنا ما صدقنا نخلص منك

... اعوذ بالله من الناس ، ف ايه! هو انا مش ضناكي والمفروض تزوريني وتشقي عليا!

... اممم طيب جيالك 

... هاتيلي أكل كتير والنبي ، لحسن عنايات واقفالي زي اللقمة ف الزور 

... عنايات مين؟

... لما تيجي هقولك 

... طيب ، يلا سلام 

______

"بعد شوية الجرس رن"

... ايه دة هي لحقت تيجي !!

"الشغالة راحت تفتح ووقفتها"

... خليكي انتي .. انا هفتح

"بتفتح دراعها عشان تحضنها" ...ماااامـ... ، انتي مين يا حلوة 

"نزلت ايدها ودخلت" ... انتي متخلفة!! ازاي توقفيني كدة .. الباشا بتاعك فين؟

"بتبصلها وهي فاتحة بوقها ببلاهة ع لبسها وطريقتها ف الكلام .. لابسة شورت قصير فوق الركبة وعليه بادي أبيض ومعظم جسمها باين"

"التفتت لها" ... واقفة متنحة كدة ليه! انتي خرسة!

"انتبهت لـ مارد داخل واتوسعت ابتسامتها وجريت عليه حضنته"

... مارد! وحشتني أوي أوي 

"كنزي واقفة عاوجة بوقها باستنكار وبلاهة"

... أخص عليك كدة برضو متسألش عني ، أنا زعلانة منك أوي 

... يا موحني يا موحني 

"التفتت لها بتذمر" ... انتي واقفة عندك بتعملي ايه روحي اعمليلي حاجة أشربها ... انا مش فاهمة الخدامين بقوا قلالات الذوق أوي 

"مارد بحدة" ... ماسة 

"كنزي قطبت وشها بغضب ع وصفها بالخدامة وانقضت عليها"

... تعالي بقا عشان انا سكتالك من ساعة ما دخلتي ، فاكرة نفسك داخلة طابونة جدك ، وعماله تتأمري وتتموحني ابو قرف أهلك ع الصبح 

"واقعة ف الأرض وكنزي قاعده فوقها وماسكاها من شعرها وكل الشغالين بيتفرجوا عليها"

... وكمان لابسالي مايو! ايه حد قالك علينا قاعدين ف العجمي ولا المالديف 

... عاااا ابعدي عني يا متوحشة .. الحقني يا مااارد 

"مارد قومها من عليها ، وقال بزعيق" ... خلاص بقاااا 

... بقا انا كنزي زهران عاوزاني أجبلك حاجة تطفحيها! ليه يا بت كنت الدادة اللي اشترهالك اللي خلفك ...

 وايه خدامين دي يا بت ، هو انتي فاكرانا من عصر الجواري ، دة انتوا من غير اللي بيشتغلوا ولا تسوو جاتك ستين نيله عليكي وع وشك 

"مارد بحدة" ... قولت خلاص 

"ماسة بعياط وعصبية" ... مين دي يا مارد 

... دي مراتي 

______

... آه يا جسمي ااااااه ، أنا اتبهدلت عندك أوي .. انت ازاي اتجوزت المتشردة دي 

"تجهم وشه" ... ماسة متشميهاش 

"تراجعت بخوف" ... أنا تعبانة ، شوف دراعي والخرابيش اللي فيه!

... خدي حطي التلج دة وهتبقي كويسة 

"برقة" ... مش عارفة احط حاجة ، ساعدني انت

"واقفة من بعيد شايفاهم وسامعاهم"

... أيوة يا بت اتنحنحي أكتر ، دة انتي ساهلة 

"شافت والدتها داخلة من باب القصر الكبير وجريت عليها"

... أماااااا 

"شافها بتجري واستغرب وكان خلى ريم تساعد ماسة"

... ايه يا بت مالك

... تعالي اتفرجي معايا ع فيلم الممحونين 

... عرض اول يا بت؟

... دة مباشر يمااا 

... ايه دة ازاي !!

"وهي بتشاورلها" ... قدامك أهو 

... ايه الصاروخ اللي مع جوزك دة

... دي صارووخ! يع انا مش فاهمة عاجبكم فيها ايه المعصعصة دي 

... معصعصة ايه دي عود بطل ملفوف 

... ايه يا ماما دة ، انتي جاية تنقطيني 

... ههههه بصراحة أه 

______

... هو انت ايه اللي خلاك تتجوز بالسرعة دي 

"بعصبية" ... وانا من امتى حد بيسألني عملت كدة ليه!!!

"ابتلعت ريقها بتوتر" ... سوري يا مارد ، انا بس اتفاجئت .. اوعى بس تاخدك مننا وتنساني ، انت عارف مقدرش ع بعدك

"حطت ايدها ع كتفه ولسة هتقرب من شفايفه... 

انتبهوا ع صوتها المندفع" 

... هي حصلت يا روميو!! هي دي كمان من ضمن الليالي الخاصة!

سعاد ... يا بنتي استني نشوف بقية المشهد ، ضيعتي علينا اللحظة اللي بنتمناها كلنا منك لله يا شيخة انا وكل المشاهدين هندعي عليكي ...........

الثااااااامن 😂😂😂😂💜

... طب والله منا قعداله فيها ، لازم يطلقني بس ها

"دخلت الأوضة بزمجرة وحنق ، وفتحت شنطتها وبتلم هدومها فيها"

... اهدي يا موكوسة ، لو سبتي البيت الحصان اللي برة دي هتلهفه منك 

... مش مهم ، أنا أصلاً لا طايقاها ولا طايقاه ، خليه يشبع بيها بتاعة الهوت شورت دي 

... منتي لو تلبسي زيها كدة وتناغشيه مش هيبص لغيرك ، مسم دة انا لو راجل مكنتش ضيعتها من ايدي .. دة انتي يوم الصباحية لابسة عباية سودة يا بنت الهبلة

"بزمجرة" ... جرا ايه يما هو انا اللي بنتك ولا هي! 

... هي ، يوووه قصدي انتي .. بس انا عايزة مصلحتك 

... ولا مصلحتي ولا نيلة ، دة بيخوني قدام عيني وانا كرامتي متسمحليش افضل هنا دقيقة واحدة .. إلا الكرامة إلا الكرامة 

... ف ايه يا سعد زغلول ، متهدي ع نفسك واسمعي وافهمي ... البت دي عينها من جوزك 

"بلا مبالاة" ... تشبع بيه ، الطيور ع أشكالها تقع 

"سعاد نفذ صبرها من دماغ بنتها الناشفة ، ومش عارفة تعمل ايه عشان ترجعها عن اللي هي فيه ، مارد لو شافها هيعمل منها كوفته"

"قاطع تفكيرها دخول المارد" ... انتي بتعملي ايه؟

"بصتله بقرف" ... ماشية 

"بغضب" ... نعم!!! ماشية فين!!

"اتدخلت سعاد بتوتر" ... أصل الأوضة مش عاجباها 

... لا انا ماشية من البيت كله ، ويا ريت تبعتلي ورقة طلاقي ع بيت أهلي وخلي عند أهلك انت دم 

"سعاد لطمت ع وشها ، وهو بصلها بازدراء وعينه طلع من الشرار"

... بتقولي ايه! 

"ضربت صدره بإيدها" ... بقولك اتهنى بالمحروسة الممحونة اللي تحت ، وانا من النهاردة مش مراتك 

"مسك رقبتها بكف ايده وجز أسنانه" ... قولتلك مش عايز اسمع الكلمة دي تاني ... سامعة 

"سعاد بخفوت" ... يا لهوي البت هتموت ف ايده

"بصوت مخنوق" ... ان شالله ربنا ياخدك يا رب 

"فلتها بضيق .. ومسكت رقبتها بألم ، يدوب لسة بيديها ضهره وخارج قفزت عليه"

... وحياة أمك عايز تموتني!!!

"لفها بإيده ورماها ع السرير ومسك ايدها كبلهم"

"صرخ بحدة" ... انتي اتهبلتي ، عارفة لو محترمتيش نفسك معايا انا ممكن أعمل فيكي ايه 

"بتفرك تحته عشان تفلت من قبضته بس هو طبعاً أقوى"

... عاااا سيب ايدي يا جبان ، وربنا لرفع عليك قضية لجمعية حقوق المرأة ... الحقيني يا ماما ، انتي بتعملي ايه يا ست انتي ؟

... بصوركم عشان أوثق اللحظة الحاسمة دي 

بصراخ ... عاااا .. اخبطيه ع دماغه بأي حاجة 

... يا بت يا هبلة دة ضرب الحبيب زي أكل الزبيب 

... عاااا مبحبش الزبيب يمااااا ، مبحبووووش

"سابها وخرج برة الأوضة"

"بابتسامة بلهاء" ... متيجي ناخد سيلفي 

"مسكت المخدة بزمجرة وسعاد جريت ع برة بسرعة"

________

"قاعدة ع السرير بتقلب ف التلفزيون بالريموت بملل"

... اوف مفيش أي حاجة نتفرج عليها

"دخل المارد عندها من غير ما يتكلم وبعدين دخل الحمام"

"رفعت شفتها" ... ومالو دة بقا ان شاء الله

"بعد شوية خرج وهو لابس بنطلون وصدره عريان"

"اتنحنحت بإحراج" ... احم واضح انك نسيت تلبس التيشيرت !.

بخبث ... لا ، انا بحب أنام كدة !.

"رفعت حاجبها باستنكار لأنها فهمت أنه بيعاندها زي ما قالت هي قبل كدة إنها بتنام بالإسدال"

_____

"قاعدين الاتنين ع السرير بيتفرجوا ع فيلم .. هو بيشرب نسكافيه ، وهي بتاكل ساندوتشات"

"صرخت فجأة" ... عاااااا 

... ف ايه؟

... هو انت ايه مبيتهزش فيك شعره ، الناس عمالين يموتوا ف بعض وانت قاعد مستمتع بالمشهد!

... اللي بيموت دة انسان ضعيف ، أما البقاء فدة للأقوى

بتأفف ... اعوذ بالله يا جدع من أفكارك ... انا هنام 

... تصبحي ع خير 

 ... وبعدين يعني! بقولك انا هنام!!!!!.

... وانا قولتلك .. تصبحي .. ع .. خير؟!!!!

"قالها كلمة كلمة كإنه بيأكدهالها"

... طب ممكن حضرتك تطرقني! 

"بصلها بازدراء وتابعت بسرعة" ... قصدي يعني حضرتك يعني السرير ضيق زي منت شايف ، فياريت تهوينا شوية

... السرير واسع ، نامي أحسنلك

"ضربت الغطا بزمجرة" ... طيب أوف

"فضل يحرك عضلات صدره قدامها عشان يغيظها"

"نامت ع جنبها بضيق وأدته ضهرها وتمتمت بخفوت" ... فرحان أوي بعضلاتك النفخ دي ، دة انت لئيم بجد

"ابتسم بخبث لأنه سمعها .. قرب منها بالراحة وهي حست بحركته واتعدلت بسرعة"

... جرا ايه رايح فين !!

"بصوت هادي" ... هو انتي مش حرانة! 

... أنا اللي المفروض أسألك انت مش بردان!

... تؤ تؤ ، انا مش ببرد

"بسخرية" ... طبعاً ، كفاية البرود اللي عندك 

... بالعكس انا حاسس جسمي سخن .. حتى شوفي

"مسك ايدها وسحبتها بسرعة"

... اوعى ياض ايدك ، انت هتتموحن عليا! 

"جز أسنانه بحنق وف لحظة شدها من وسطها خبطت ف صدره"

... انت اتجننت ابعد عني 

... هو انتي مش حاسة بأي حاجة خالص؟

بزمجرة ... أيوة ايدك تقيلة

"خفف قبضته" ... طب وكدة!!

"سكتت وبصتله مش عارفة تهرب من نظراته اللي مركزة فيها بطريقة غريبة ، وشه مقابل ليها ، وهي لاصقة ف صدره العريان ، وخايفة تلمسه عشان تبعده ...

الاتنين ساكتين وما بينهم بس نظرات .. هي تايهة ف أفكارها ، وهو شارد ف عيونها .. لغاية ما افتكرت حاجة هتنقذها من الموقف دة"

"زقته بعيد ووقفت جنب السرير"

... بقا انت بتخوني أنا وبتخلي العقربة تحضنك وتبوسك قدامي!!

بغرابة ... مين دي؟

... استعبط يا خويا استعبط ، هيكون مين غير الست ماسة نحنوح

... انتي فاهمة غلط ع فكرة ، انا مفيش بيني وبينها حاجة 

... وانا اصدق بقااا ... انت أكيد كنت معشمها بحاجة قبل ما تتجوزني 

... يعني ايه معشمها؟

... يمكن متجوزها عرفي مثلاً أو يمكن خدتها ع مصنع الكراسي هي الأخرى 

... هو ايه حكاية المصنع دة ، انتي بتشتغلي ف النجارة؟

... اطلع برة ياض 

"لفلها باقتطاب واندفاع ، وبسرعة تمتمت بارتباك وهي بتمثل الزعل"

... اقصد يعني اني مقموصة منك ، فلو سمحت أخرج من هنا حالاً لأن كل ما بشوفك بفتكر المنظر البشع دة .. الست ممكن تسامح جوزها ف أي حاجة الا الخيانة أعاااا

"دارت وشها الناحية التانية بتأثر ، وهو عقد حواجبه بضيق ، وخرج برة بتذمر وهو بيبلس باقي هدومه"

"قعدت ع السرير بعد ما اتنفست براحة" ... الحمد لله انه خرج والا كان زماني انا اللي واخداه ورا المصنع أعاااا

______

"نازلة ع السلم ، وشافتها ونادت عليها وهي ماشية"

... مصيبات!!! .. قصدي عنايات هههه .. رايحة فين كدة 

"عقدت ايدها ع صدرها" ... مارد باشا عنده ضيوف مهمين ولازم اشرف ع الجرسونات 

باهتمام ... ضيوف مين دول ، ها ها؟

... زيدان باشا وبنته ماسة هانم

"عوجت بوقها" ... قولتيلي ، طيب روحي انتي شوفي وراكي ايه 

"دخلت ف الصالون الخاص بالضيوف"

... مساء الخير يا جماعة 

"رفع عينه عليها وابتلع ريقه بدهشة لما شافها لابسة عباية خليجي ظهرت جمالها ، وقربت منه"

... هو انتي رجعتي تاني مكفكيش العلقة بتاعة المرة اللي فاتت هههه

بقرف ... بقولك ايه يا بتاعة انتي ، انا مفيش بيني وبينك كلام ، خليكي بعيد

... أحسن برضو عشان التلزيق ... ومين ابو وش مربع اللي جنبك دة!

"وقف بزمجرة" ... انا اسمي زيدان باشا الزنخ 

... وانا اقول الريحة المعفنة دي جاية منين .. حصلنا القرف يخويا هههههه

مارد بجمود ... كنزي عيب كدة ، اتكلمي كويس 

... الله مهو اللي زنخ انا مالي هههههههه

"وقفت بحنق" ... هو احنا جايين نتهزأ عندك ولا ايه يا مارد

... يا بت هو انتي لو مكنتيش مهزأة كنتي رجعتي تاني يخربيت زناختك هههههههه

"دخلت ريم" ... ملعب الرماية جاهز يا مارد باشا 

"وقف بتذمر" ... انت هروح أجهز يا مارد متتأخرش

... حاسب بس لتتكعبل وانت ماشي 

"ضحكت بصوت عالي ، وماسة زمت شفايفها بحنق"

"برقة" ... مارد انا كمان عايزة اغير هدومي ، ممكن أطلع أوضتك زي ما متعودة !!

"كانت بترمق كنزي بنظرات غيظ ، وقبل ما يرد مارد كانت كنزي ماسكه راسها وضرباها روسية"

... ابقي غيري ع مخك بالمرة يا بنت الزنخ.........

#البارت_التااااااسع 😂😂😂😂😂💜

... انتي ايه فتوة !! كدة برضو كنتي هتفتحي دماغها!

بزمجرة ... مهي اللي دماغها مصفحة انا مالي!! وبعدين شغل الهوءة النوءة بتاعها دة مينفعنيش 

... يعني ايه؟

... يعني دي بني آدمة مستفزة وكحيانة ...

"تابعت وهي بتقلدها بسخرية" ... قال ايه ممكن اطلع اغير ف أوضتك زي منا متعودة ونينينيني ... زنخة زي أبوها 

... طب انا نازل تحت ، خليكي هنا عشان ميحصلش مشاكل 

"فتحت دراعاتها" ... قول كدة بقااااا عايز تحبسني عشانها .. تلاقيكم كنتوا مقضيينها ولبستوني أنا العمّة 

بصرامة ... مش عايز كلام كتير ، وإلا انتي عارفة!!!

"سكتت وبصتله بغيظ وهو خرج وسابها"

... لاااا ، الحكاية دي فيها إنّ وأخواتها .. بس احياة الزنخ أبوها منا سايباها

_______

"دخل مارد الملعب وهو لابس الهدوم المخصصة للعب"

... زيدان باشا فين؟

... بيعتذرلك أوي ، عنده شغل ضروري هيخلصه 

... طب يلا نلعب احنا 

"الاتنين مسكوا مسدساتهم وابتدوا يصوبوا ع النشان"

... أوووف .. متشتغل بقا

... ف إيه!

... مش عارفة المسدس ماله ، بايظ ولا ايه

"راح لها ومسكه منها" ... وريني كدة .. مش عارفة تشدي الأجزاء!!

"مسكت دماغها" ... الخبطة أثرت عليا أوي .. حاسة نفسي دايخة أوي

"راسها طوحت وكانت هتقع" ... الحقني يا مارد

"لحقها بسرعة" ... مالك!!

... مش قادرة أسند نفسي .. ممكن تشيلني 

"صوت شهقة قوية" ... يا رووووح أمك يا بت 

"بص وراه شافها واقفة حاطة ايدها ف وسطها باعتراض .. اتقدمت عليهم باندفاع وحنق"

"شدت ايدها" ... تعالي بقا يا ست أبوكي أساعدك أنا 

... أه اوعي ايدك ، مش عايزة مساعدة 

"ضربت ع دراعاها" ... يعني فوقتي دلوقتي خلاص 

"بجمود" ... انتي ايه اللي نزلك ، انا مش قولتلك متتحركيش من فوق!.

"بدلع مصطنع" ... أعمل ايه يا مانو مقدرتش ع بعدك

"تتشتت نظرته من دلعها ، وماسة هتفرقع من الغيظ"

... ممكن تعلمني يا قمر انت 

"اتصدمت ماسة أكتر ، أما هو ابتسامته وسعت"

... طبعاً أعلمك 

"قربها منه بلطف"

... ايه يا كبير هو احنا هنتعلم رقصة سلو ولا ايه !

"وقف وراها وثبتها كويس ، بعد ما مسكها المسدس ف إيدها وصوبه باتجاه النشان"

... شدي نفسك كويس ، وخلي تركيزك ع الهدف 

"بصتلهم بتأفف ، ونفسها تضرب كنزي .. فاقت ع تصويب المسدس ناحيتها"

... انتي بتعملي ايه يا كنزي 

... مش قولتلي اركز ع الهدف .. بصراحة الهدف دة حاساه يستاهل

بتذمر ... انتي مجنونة!  ابعدي المسدس عني 

... متغلطيش بدل ما اتوتر ، والعيار يفلت مني 

... نزلي المسدس يا كنزي ، الطلقات دي حقيقي مش لعبة 

"وف لحظة كانت الطلقة خارجة برة المسدس وعليت صرخات ماسة"

بصراخ ... عااااا عملتي ايه يا مجنونة ، قتلتيني!!!

"كانت حاطة ايدها ع ودنها من الخوف ، ورفعت راسها ببطء لقت نفسها مفيهاش حاجة .. مارد ماسك إيد كنزي بعيد عنها"

صرخ فيها بعصبية ... اطلعي فوق ، بدل ما افجره كله فيكي .. يلاااااا

"جريت كنزي بسرعة من خوفها ومن اللي عملته من غير ما تقصد"

________

بعد كام يوم ..

"نزلت كنزي تحت وهي حاسة بملل"

... هو مفيش حد هنا اتكلم معاه ولا ايه! 

"سمعت صوت غريب من أوضه .. راحت عندها وفتحت الباب وفتحت بوقها بصدمة ع المنظر اللي شافته"

بصراخ ... عاااااا ... الحقوووني ، قتيييييل يا خرابي 

"فضلت تجري زي المجنونة وهي بتصرخ ، والكل نزل ع صوتها"

"كمال بقلق" ... ف ايه يا بنتي ، ايه اللي حصل 

بعياط وصراخ ... ابن الكلـب ابنك ، نازل تقطيع ف الراجل جوة من غير احساس ولا رحمة 

"نرجس" ... يا شيخة خضتينا ، مهو دة طبيعي 

... حسبي الله ونعم الوكيل ، هو انتو ايييييه مبتحسوووش ، عايشين من غير قلب ازاي اتقوا الله حرام عليكم يا ظلمة

أركان ... ع فكرة أنا مقطعتوش دة يدوب كام خربوش بس 

... هو انا قاعدة ف قصر ولا الديب ويب يا ولاد الكلب يا ولاد الكلب يا سفاحين 

"فضلت تضرب فيه بإيدها بغل"

أركان ... يا بنتي اهدي ، انتي فاهمة غلط .. انا بس عندي امتحان عشان كدة بقطعه ف البيت قصدي بدرس عليه ، ولا انتي نسيتي اني ف طب 

بتذكر ... أه صح

ميان ... يا ستي انتي غاوية تخضينا وخلاص حرام عليكي بقا 

... اللاه واني ايش دراني ، منتو شبهة لوحدكم .. وبعدين ع فكرة الميت بيحس بكل حاجة 

"كلهم ضربوا كف بكف وسابوها ومشيوا"

بخفوت ... ايه يا خواتي الناس دي ، جاتكم نيلة

________

"طلعت من الحمام بعد ما أخدت شاور"

... كدة أنام بقا وأستريح

"نامت ع ضهرها" ... هيييح ، أحلى شاور خدته ف حياتي ، المية مبتخلصش أبداً 

"طفت اللمبة ونامت"

______

"بعد شوية دخل مارد بالراحة وطلع ع السرير من غير ما يعمل حركة ، قعد جنبها وطلع وردة حمرا وبدأ يمشيها ع وشها بهدوء"

"شوحت بإيدها بتأفف" ... أوووف 

"ابتسم بخبث وحركها تاني ، وهي اضايقت" 

... بقا قصر طويل عريض مفيهوش بيرسول يقضي ع الناموسة بنت الجاموسة دي 

"نفخ ف وشها بالراحة وهي قامت بتذمر"

... وبعدين بقـ... عاااااا ، انت دخلت هنا امتى 

بابتسامة ... من ساعة الناموسة

بزمجرة ... هو انت !!

"طلع الوردة وادهالها" ... ملقتش أجمل منها عشانك

"قام عشان يغير هدومه وهي تمتمت بتهكم"

... ايه جو سوما العاشق دة 

... عملتي ايه النهاردة!

"راحت عنده" ... هيكون ايه! ولا حاجة زهق وقرف وخلاص!!.

"شدها من وسطها باندفاع" ... طب متيجي نسافر

"بتزقه ف صدره بارتباك" ... نسافر فين!

... أي مكان ، نقضي شهر العسل بتاعنا 

" باضطراب" .. لا لا ، مينفعش 

"ضمها أكتر وهي اتنفضت" ... مينفعش يعني ايه!!

بتلعثم ... أقصد الـ... كلية أه الكلية ، الدراسة بقالها شوية ابتدت وانا لازم أروح 

"سابها بضيق" ... تروحي فين؟

... كليتي ، ولا انت متعرفش اني ف دراسة 

... لا عارف طبعاً .. انا اعرف كل حاجة عنك من ساعة ما اتولدتي 

باستنكار ... يا رااااجل!!!

... وحياتك 

... طيب ايه هتخليني أروح ولا هتمنعني!! عشان مبقاش أعلى منك علماً وثقافة 

"ضحك بسخرية وتابع كلامه وهو بيغير"

... انتي عارفة انا خريج ايه أصلاً 

... أكيد كلية الفُجر والفسق 

"رمقها بازدراء وابتلعت ريقها وتابعت"

... مهو يسطا الجواب باين من عنوانه أكدب عليك يعني!!

"اتنهد بغضب وتمتمت" ... انت هتف ولا ايه!!

قرب منها ... بصي انا موافق أنك تروحي كليتك

"اترسمت ابتسامة عريضة ع وشها"

... بس بشرط

"بضيق" ... شرط ايه دة بقا؟

... تبوسيني 

"بزمجرة وتذمر" ... ان شالله يبوسك قطر سواقه مطلق مراته 3 مرات وهو لسة بيحبها ........... 

😂😂😂😂😂😂😂

#البارت_العااااااشر 😂😂😂😂

#اليوم نشهد حادثة عجيبة بمنطقة الغربية ، طلب زوج من زوجته أن تعطيه قُبلة ، تذمرت الزوجة وقامت برفع صوتها عليه بالرفض التام ، غضب الرجل وقام بالتقاط سكين مطبخ صغير ثم أسرع بقطع لسانها الطويل#

"كنزي كانت بتشرب وتفت المية اللي ف بوقها بصدمة اول ما سمعت الكلام دة من المذيعة اللي ف التلفزيون"

... ربنا ياخدك وياخد أخبارك الزفت يا مذيعة الشوم انتي 

"سرحت شوية وهي بتفكر ف مارد لما طلب منها تديه بوسه وشوحتله"

... يا مرك يا مُهجة .. يا ماااااارد 

"نزلت بسرعة تدور عليه بلهفة وتوتر"

... ولااا يا أركان ، الريس فين!

... ريس مين؟

... أمان لالالّي 

... ف الجنينة برة

"جريت ع برة وشافته بيلاعب الشبل"

... مارد ، انت بتعمل ايه!

... ولا حاجة!. 

"قعد ع الكرسي ومسك سكينة من ع الطرابيزة اللي قدامه"

"صرخت بخوف" ... عاااا ، انت هتعمل ايه! 

"رفع التفاحة اللي كانت ف ايده التانية بغرابة"

... هقطع التفاحة لـ كنز!! 

"اتنفست براحة ، وراحت تقعد بعيد" 

... هو انت مبتخافش أحسن ياكلك؟

... هههه دة لسة صغير ، ميقدرش يهجم ع حد 

... بس انا بقا بشوفك بتقعد مع روزي مامته ف القفص وعادي برضو مبتخافش

... أه عشان انا مربيها ، طبيعي مخافش منها

... بس دي حيوان مفترس! ازاي بتآمن له؟

... أنا بقا بفضل ءآمن لحيوان مفترس ولا إني ءآمن لبني آدم خبيث

... ايه دة ، دة انت طلعت فيلسوف كبير 

"قرب منها ومسكها من وسطها بلطف" 

إيه رأيك فيا؟

"بتفرك نفسها بتوتر" ... هايل طبعاً 

"نادى ع الشبل" ... كنز!

"قرب منه وشاله ع رجله وتمتمت بصوت مبحوح خايف"

... ابـ... ابعده عني 

... متخافيش ، خدي امسكيه 

"حطه ع رجلها برفق ، وهي صرخت"

... عااااا ، يمااا دي هياكلني

... متبقيش جبانة ، متحسسيهوش بخوفك خليكي قوية 

"مسك ايدها وخلاها تملس ع فروته بالراحة"

... شوفتي بقا انه مش بيأذي 

... ههههه أه دة طلع كيوت أوي 

"همس بالقرب منها" ... طب مش هتخليكي انتي كمان كيوت وتديني اللي طلبته!! 

"حمحمت بارتباك وافتكرت كلام المذيعة" 

... بص يا مارد ، خلينا نعمل اتفاقية تمام؟

"عقد حواجبه بضيق" ... اتفاقيه ايه؟

... اتفاقية تعاون بينا ، يعني مينفعش انت تجبرني أو تلوي دراعي لمجرد اني طلبت منك توديني الجامعة !.

... بس أنا مأجبرتكيش!

... اشترطت عليا! يعني أجبرتني ، ودة استغلال وانا مقبلوش!

"قلب وشه بضيق" ... انتي عارفة انا ممكن آخد اللي عاوزه منك غصب عنك ، سميه جبروت بقا سميه ظلم مش مهم، عشان انا محدش يحطلي قواعد امشي عليها 

"نزلت الشبل ووقفت بزمجرة" ... جرا ايه يالا ، هو عشان بكلمك بهدوء تشطح فيا!! 

"فتح حنجرته بزعيق" ... نعم!!! 

"تراجعت بتوتر وهدوء" ... أقصد يعني خلينا نجرب ، مش يمكن دة يقربنا من بعض 

"سحبها ناحيته" ... ليه هو احنا بعاد من بعض ؟

... لا لا خالص ، اقصد نفهم بعض وكدة 

... ماشي ، أنا موافق ع الاتفاقية دي وهخليكي تروحي الجامعة من غير شروط لكن...

"رفع صباعه السبابة بتحذير" ... لو فكرتي تخدعيني مرة تانية ، العقاب مش هيبقى سهل ، ماشي؟!!!

"هزت راسها بموافقة وتوتر"

________

"الصبح نزلت كنزي بعد ما جهزت نفسها عشان تروح الكلية"

... عنايات! ، انتي يا طباخة الندامة

"خرجت عنايان بحنق" ... أنا مش طباخة قولتلك ، انا مديرة المنزل 

... انتي يا ولية مش قولتيلي انك مديرة المطبخ!! 

... سابقاً، دلوقتي انا بقيت مشرفة ع كل العاملين في القصر 

... انتي يا ولية مش عايزة تطلعي ع المعاش ليه! مش بيجيلك هشاشة عظام ولا لين مفاصل!! حلي عني شوية خديلك أجازة يومين قبل ما يدفنوكي 

... ممنوع الاجازات الا ف الظروف الطارئة ، زي المرض أو موت أحد الأقارب 

... طيب وانتي مبتموتيش ليه وتخلصيني 

"زمت شفايفها بغيظ" ... حضرتك كنتي بتناديني ليه؟

... بسرعة بقا اعمليلي ساندويتشين حلوين من الأكل اللي جابته ماما 

... الأكل أنا رميته

"وسعت عينها بصدمة" ... رميتي أكل أمي اللي انا عايشة عليه! 

... أيوة، لأن ريحته مش كويسة ومضر جداً بالصحة 

... وانتي مالك ، هو انا اللي باكله ولا انتي!! روحي يا شيخة ربنا يهدك 

,,بزمجرة,, مهو حضرتك لو كلتيه وتعبتي انا اللي هتحاسب 

"مسكت هدومها وبصتلها بغضب" ... امشي من قدامي دة انتي بومة 

"خرجت كنزي وهي بتمتم بحنق" ... يعني همشي من غير ما افطر ، ماشي يا ولية يا حربوءة انا هوريكي 

______

... كنزي... دي چيچي هتكون حارستك الخصوصية وقت ما تكوني برة 

"بصراخ" ... عاااا ، هي دي بنت؟

... أيوة 

... امال قالبه ع اندر تيكر ليه ، دي عضلاتها أكبر من عضلاتك

... اسمعيني وبطلي لماضة .. هتبقى ف ضلك ع طول عشان تحميكي 

... طيب يلا عشان انا اتأخرت 

... ماشي ، خدي بالك منها يا چيچي ... وانتي طمنيني عليكي لما توصلي 

... طيب ، باي باي بقا

_____

"ف العربية"

... بقولك يا چيچي

"رمقتها بعنف ف المراية وكنزي خافت منها" ... يما ف ايه!

"بصوت غليظ" ... مبحبش حد يكلمني أثناء تأدية عملي 

... انا مش حد ، انا كنزي .. وخدي ودي معايا ف الكلام ميبقاش خلقك كنز كدة 

... وصلنا الجامعة

"نزلت وفتحتلها باب العربية ونزلت كنزي"

... الله أخيراً الواحد خرج برة الؤمؤم اللي كان فيه ... خليكم هنا 

... أنا واخدة أوامر لازم ابقا معاكي خطوة بخطوة 

"حطت ايدها ف وسطها" ... ممنوع دخول غير الطلبة بس 

... ف قانون مارد باشا مفيش حاجة اسمها ممنوع

"نفخت بضيق ومشيت قدامها والأمن وقف چيچي"

... كارنيهك يا أستاذ!!

"مسكت هدومه وزقته ع الحيطة"

"كنزي لطمت" ... يا لهوي يا لهوي ، سيبي الراجل هتوديني ف داهية 

"بصوت جهوري" ... اوعى توقفنا مرة تانية سامع 

"الراجل هز راسه بخوف وسابهم يدخلوا"

_____

... هو احنا ف حلبة مصارعة! بقولك ايه متتخانقيش مع حد انا مش عايزة مشاكل 

... المشاكل ف كل حتة ، وانا دوري ابعدها عنك 

... هو انتي كدة بتبعديها؟ أوووف

"شافت واحدة بتجري عليها وعايزة تحضنها ووقفتها بإيدها"

"بفرحة" ... كنزززز... ف ايه مين دة ؟

"بملامح باكية" ... عملي الأخبر .. سيبيها يا ستي ، دي صحبتي 

... المارد قاللي مخلكيش تحتكي بحد متعرفهوش

"بزمجرة" ... انتي غبية بقولك صحبتي ، يعني أعرفها 

"سابتها ورمقتها بغضب"

... اعوذ بالله ف ايه!

______

"الاتنين قعدوا ف كافيه تبع الجامعة"

... وحشاني يا كنزي 

... وانتي اكتر يا ديما ، ازيك وازاي أمك 

... بتدعيلك...

"قربت منها وهمست" ... هي الأخت دي هتفضل واقفه فوق راسنا كدة كتير ، خليها تقعد 

... طول مهي واخدة أوامر ، هتلاقيها واقفة كدة 

... احكيلي صحيح ، عملتي معاه ايه!!

&ديما صاحبة كنزي المقربة ومعاها ف نفس الجامعة ، والاتنين ف كلية آداب علم نفس &

... اسكتي يا ديما انا مش عارفة آكل ولا أنام ، عايشة طول الوقت ف رعب

"ابتسمت ببلاهة" ... قوليلي هو الواد موز ولا لأ

... واد مين؟

... المارد!.

"علت صوتها فجأة ولقت ايد ماسكاها من قفاها" ... بتجيبي ف سيرة المارد باشا ليه!!

"كنزي بنفاذ صبر" ... يلا يا ديما نحضر المحاضرة يلا 

______

"دخلوا كلهم المدرج ، وچيچي لاصقة ف كنزي مش عايزة تسيبها ، والدكتور ابتدى المحاضرة" 

"شاب من وراهم همس لـ كنزي"

... هو دة موسم الفراولة ولا انتي وقعتي بالغلط

... لا يا روح أمك دة موسم الجميز وانت اللي وقعت ف الغلط

"فجأة كانت چيچي واقفة وضربته بالروسية ف دماغه"

_______

ف مكتب العميد

"بغضب" ... انتي ازاي يا أستاذة تضربي زميل ليكي ف المحاضرة بالوحشية دي 

"كانت لسة هتتقدم عليه وكنزي مسكتها وتمتمت بخفوت"

... استني الله يخربيتك دة العميد 

... الفتونة دي تتعمل ف الشارع مش حرم جامعي

كنزي ... يا دكتور حضرتك فاهم غلط ، الحيوان دة هو اللي عاكسني الأول 

... وأما هو عاكسك هي اتحمقت ليه! ولا دي نفسنة عشان معاكسهاش هي 

"تمتمت بحنق وكنزي مسكاها بقوة" ... سيبيني اشلفط وشه الجعر دة 

"وسع عينه بغضب" ... انا جعر!! طب انتي وهي مفصولين نهائي 

"انقضت عليه ومسكته من ياقته وبصوت جهوري"

... اسمع ياض ، انا محدش يقدر يفصلني غير المارد باشا

... أنا ياض؟؟ انتي بتتهجمي ع استاذك ف مكتبه! وتنعتيه بـ ياض!! 

"كنزي تمتمت وهي بتلطم ع خدها" ... هترفديني ربنا يهدك

... أنا مش تلميذة ، انا صاحبة أكبر درع ف مصر 

"العميد" ... وأكبر دراع والله ، بس سيبيني هتخلعي كتفي من مكانه

"الشاب اللي عاكس كنزي مسك ايدها"

... انا هدفعك تمن اللي ف وشي دة وهعرفك مين هو وليد الساهر

"وف لحظة وع اثر كلامه الباب اتفتح بهجوم واندفاع لدرجة انه كان هيتخلع من قوة الزقة ...

الكل انتبه عليه واقف زي الغول وعينه ع ايد وليد اللي لامسة كنزي ...

 عروقه برزت بقوة ومقلتينه هيطلعوا من مكانهم ، قبض ع ايده كإن النار بتغلي جواه و...........

#البارت_الحادي_عشررررر 😂😂😂

... انت قد المسكة دي !!

«قال جملته بعين بتطق منها الشرار وهو واقف زي الديب اللي بيستعد عشان ينقض ع فريسته بوحشية .. وليد ارتبك من نظراته الحادة وساب ايد كنزي بسرعة وتوتر»

«اتقدم ببطء ناحيته وفجأة خنقه من رقبته بقوة ، ووليد حس بإن نفسه انقطع من قبضته العنيفة وبيحاول يستنشق الأكسجين الا ان مارد مانع الهوا عنه»

"جز أسنانه بغضب" ... انت قضيت ع عمرك بإيدك ، كان لازم تفكر الف مرة قبل ما تتنفس قريب منها 

«العميد وكل اللي ف الأوضة بلعوا ريقهم بخوف وذهول من اللي بيحصل قدامهم ، وليد علامات الاختناق ظهرت ع وشه وعينه طلعت لبرة وإيده بترخي ، وخلاص روحه بتشهد آخر لحظاتها»

"ديما بخفوت" ... يا لهوي الواد مات ف إيده

«انتبهت كنزي ع كلامها ، بعد ما كانت شبه مغيبه من تصرفات مارد ، وقربت منه بسرعه عشان تبعده عن وليد»

"بتزقه بإيدها وتصرخ بصوتها" ... خلااااص يا ماااارد ، ارجوك سيبه هيموت 

«ولا كإنه سامع حاجة ، فضلت تضرب فيه عشان يحس لكن ايده طابقه فيه ومش هيرتاح الا لما يخلص عليه .. كنزي حست بخوف من شكله وانتزاع آدميته ، وف لحظة كانت واقعة ف الأرض مغمى عليها»

"رمى وليد بعيد بعد ما حس بيها ونزل رفعها عن الأرض ، وخرج بيها"

________

"بعياط وضرب ع ركبتها بحسرة" ... موته!! يا خرااابي يا نصيبتك يا كنزي ، يا فضيحتك ف وسط الجامعة 

"بصلها ببرود" ... يا ريتني كنت خلصت عليه! بس للأسف الشديد لما وقعتي كانت لسة فيه الروح!.

"قامت بسرعة وهي بصاله بعدم تصديق" 

... هو انت اللي بتعمله دة بجد ولا مشهد ف مسلسل أجنبي!!

... بجد

... هو انت راضع ايه وانت صغير ، لبن أمك ولا لبن روزي

"زم شفايفه بغضب ومسكها من دراعها" ... بلاش تطلعي عفاريتي

"نفضت ايدها منه" ... يا عم اوعى ، انت عفاريتك طالعة لوحدها، انا مش عارفة ازاي العميد متصلش بالبوليس وشالك ع البوكس 

"ضحك بسخرية" ... بوليس!! طب خلي حد يقربلي كدة ، وانا كنت أفرمه تحت رجلي

... انت جيت ليه ها جيت ليييييه!!!!

"زقها ع السرير" ... كنتي عايزاني معرفش ولا ايه !! دة اقسم بالله كنت عاقبتك أصعب وأحقر عقاب ممكن تتخيليه

"قامت بزمجرة" ... وتعاقبني انا ليه ، هو انا خليته يعاكسني!

"بغضب مكتوم" ... عشان انتي مينفعش حد يرفع عينه فيكي ، ما بالك بقا بواحد مسك ايدك يعني لمسك!! انا لما بفتكر المنظر ببقى عايز اروح اقطع من جتته نساير، مش قادر أكتفي باللي بيحصل فيه

«بصتله بخوف لشكله اللي بيتغير فعلاً لما بيتكلم عنه»

بتوتر ... هو.. هو انت عملت معاه ايه !!

... انتي متسأليش وانسي اللي حصل، ومفيش مرواح الجامعة تاني 

"حطت ايدها ف وسطها باعتراض" ... نعم يا عين أمك!! هو انا لحقت أروح أصلاً!! 

"صرخ بحدة" ... أنا مش عايز كلام ، واللي قولته لازم يتسمع 

"بزمجرة باكية" ... ازاي يعني احنا بينا اتفاق!! 

... أنا هجيبلك أحسن الأساتذة ف مصر يدرسولك هنا لغاية مواعيد امتحاناتك 

... لأ لأ ، انت كدة بتقيد حريتي ودة ظلم انا معملتش حاجة

... اللي عندي قولته 

«سابها وخرج من غير ما ترد عليه»

... يابن الـ مجرمين وحياة اللي خلفوك لوريك 

_________

«كنزي قاعدة تحت ماسكة كنز ع حجرها وبتدلك ع فروته بلطف»

... كنزي!!

... حاجة نرجس! ولو اني اشك في موضوع حاجة دة .. اتفضلي يا فندم منورة بيت الزواحف

... هههه قاعدة لوحدك ليه

... مش طايقة حد ، اتمنعت من الجامعة واتحبست ف البيت بقيت زيي زي الكنبة اللي قاعدة عليها

... حبيبتي حاولي تستمتعي بحياتك

... يعني ايه!

... أخرجي اتفسحي، شوفي الدنيا اللي بجد 

... هو ابنك دة عاوز يعتقني ابن النمرة ... احم سوري يعني 

... هههه طول ما بتسمعي كلامه أكيد هيعملك اللي عاوزاه

«هزت راسها بموافقة ودخلت عليهم چيچي»

... يا أهلاً بالاستاذة اللي السبب ف اللي انا فيه 

"حطت قدامها شنطة بلاستيك" ... الكتب اللي حضرتك عاوزاها

"وقفت كنزي" ... بقولك ايه يا چيچي ، هو وليد عملتوا فيه ايه!!

... أخد جزاءه، أو لسة بياخده

... هو انتوا حابسينه؟

... متشغليش بالك، المارد عارف بيعمل ايه .. بعد اذنك 

________

«دخل المارد ع كنزي وهي نايمة، طلع السرير وقرب منها يتأمل ملامحها الهادية ، خد نفس عميق وطلعه براحة ، ومن غير ما يحس لقى نفسه بيطبع قبله ع رقبتها بكل حب»

"فتحت عينيها والتفتت له بفزع وهو تابع بهمس وشجن"

... كنزي، أنا... 

"بصتله بخوف" ... عايز ايه!!

"مسك ايدها وفضل يبوسها برومانسية"

"بتشدها منه"... ابعد عني هو انت بتبوس جدتك

... انا مش قادر خلاص

... مش قادر ع ايه بالظبط!!

"وهو بيقرب وبيمسكها من وسطها" ... ع بعدك ، انتي جننتيني

"بتزق فيه" ... ابعد عني وإلا والله لأصوت وألم عليك البيت كله

«سابها عشان يخلع لبسه وبدأ يفتح زراير قميصه»

"بصدمة" ... انت بتعمل ايه!! انت عايز تغتصبني؟

"اندهش من تفكيرها" ... اغتصبك ايه! انتي مراتي

"صرخت بزمجرة" ... وعشان مراتك تستغل طيبتي يا سالب حق الولايا ، وقال ايه أنا اللي مأمناك ع نفسي!! عاوز تضيعني يا مجرم

"زفر بضيق شديد من أسلوبها اللي قطع عليه اللحظة اللي المفروض تبقى لطيفة"

"قطب جبينه بتذمر" ... انا غلطان 

"سابها بغضب وخرج برة الأوضة وهي تمتمت"

... يابن الممحون! الواد دة مبقاش ليه أمان ، أنا لازم آخد حذري منه !.

_________

 

«نزلت كنزي بتعب بسبب انها منامتش الليلة اللي فاتت وخايفة للمارد يدخل عليها الأوضة تاني ، سمعت صوت جاي من اوضة الاجتماعات وراحت عندها»

... الصفقة هتم بعد بكرة بالليل

"قالتها ماسة وهي بتولع السيجارة وتابع بعدها مارد"

... خلي راشد هو اللي يروح ، وانا كمان هكون هناك ..المهم مش عايز قطعة واحدة تروح للدمنهوري

الزنخ ... متقلقش ، محدش من التجار يقدر يخالف أوامرك هم عارفين العواقب 

"ماسة بدلال" ... بعد ما تخلص الصفقة دي عاوزين نحتفل مع بعض 

... بعدين ، خلينا ف شغلنا الأول 

"وقف بصرامة بعد ما خلص كلامه وهم بالخروج .. وكنزي جريت ع السلم بسرعة ودخلت اوضتها"

... يا ولاد الكلب ، وديني لوديكم ف داهية 

«مسكت تليفونها واتصلت»

... ألوووو, بوليس النجدة؟!!!!!.

________

«"بعد يومين بالليل راح مارد عشان يسلم البضاعة، باصص من المنظار وبيتابع اللي بيحصل من بعيد، ولما شاف العميل وصل ركب عربيته واتقدم عليهم»

______

"بابتسامة مرحة" ... يا سلام يا ولاد وأخيراً هخلص منك بابن نرجس ، وبكرة ارفع عليك قضية خلع واتحرر من سجنك 

"يدوب حطت راسها ع المخدة ولقيته داخل عليها وع وشه الغضب"

صرخت بفزع ... عاااااا ، انـ.. انت جيت ازاي 

"بصوت فحيح الافعى" ... بتبلغي عني الحكومة يا كنزي!!!

"وقفت وهي بتبلع ريقها بخوف" ... أنـ... أنا مبلغتش عنك 

"طلع تليفونه وتابع وهو بيرفعه ليها" ... امال مين دي اللي بتتجسس عليا وانا ف الاجتماع!!

"شهقت بصدمة وهو تابع بعد ما قلب ف الفون"

... ورقمك دة اللي اتصل بالبوليس ولا رقم أمك ها!!!

"صرخ فيها بقوة" ... فاكراني غبي ومش هعرف حاجة زي دي؟!!! .. مفيش حاجة بتحصل هنا إلا لما اكون عارفها وعندي خبر بيها وبالذات انتي!!!

بارتباك ... اسـ... اسمع ياض يا بتاعة انت انا انا...

"وقبل ما تكمل هجم عليها بقوة وهي فضلت تصرخ"

... الحقوووني ، ابعد عني يا متوحش 

"مسك رقبتها" ... دة انا هموتك واطلع روحك ف ايدي 

"زقته بعيد وخرجت تجري وهي بتصرخ"

... يا بوليس يا هووووه انقذوووني ، الراجل هيموتني 

"طلع مسدسه وفضل يضرب ف الهوا وهي تزيد ف صراخها" 

... اقفي بقولك وإلا الطلقة الجاية ف نفوخك 

... يا رب صرصار يدخل ف بنطلونك عااااا

"جري عليها وهي كانت نازلة السلم بسرعة ورجلها إتلوت تحتها واتدحرجت عليه لغاية الآخر والمارد صرخ بأعلى صوته بخوف"

.... كنززززززززي.........

#الفصل_الثاني_عشر

.. اااااه يا نفوخي يااباا، منك لله يا بعيد حاسة دما*غي هتتفلق نصين 

"رابطة راسها بشاش لأنها اتعورت بسبب الوقعة .. دخل المارد وهو شايل صينية أكل وحطها ع السرير وقعد جنبها"

... يلا عشان تفطري وتعوضي الد*م اللي نز*فتيه

... لا مش هاكل ، ومتكلمنيش 

... مش عايز رغي كتير 

«بدأ يقطع لقمة ورا التانية ويغمسها ف طبق العسل والبيض والجبنة ويأكلها بلطف»

"ف نفسها وهي بصاله" ... أنا مضطرة آكل دلوقتي عشان أسلم من غضبك، وهبقى أزكي عن اللي أكلته

... اشربي اللبن دة كله 

... انا مبحبش اللبن 

 «مهتمش لكلامها وبدأ هو يشربها .. وبعد ما خلصت فطار دخلت ال شغالة ورفعت الصينية»

"قعد هو جنبها وسند راسها ع صدره بحنية"

بزعل ... ابعد عني متلمسنيش 

"ملس ع شعرها براحة" ... دماغك كويسة

"بزمجرة" ... انا حاسة بمنشا*ر بيجز ف نفوخي 

... هتبقي كويسة دلوقتي  

«ضمها اكتر لحضنه بحنان .. عايزة تبعد بس مش عارفه ، مش هتنكر مرتاحة كتير لضمته بس مش عايزة تستسلم لإحساسها دة .. باس شعرها برقة وهي استسلمت للنوم بعد ما غلبها .. وبعدين نام ع ضهره وهي ف حضنه»

______

«كنزي صحيت بتعب بعد ساعات ، بتحاول تعدل نفسها، بس مارد ضاممها بإيده»

"ف نفسها" ... اللي يشوفك وانت حاضني دلوقتي ميشوفكش وانت بتجري ورايا وعايز تقت*لني 

"عضت أناملها بتفكير وبعدين بصتله وصرخت ف ودنه"

... عااااااا 

"قام من النوم مفزوع" ... ف ايه 

"انفجرت ف الضحك" ... دة انت قلبك رهيف أوي 

... رهيف!! طب تعالي بقا 

«مسك ايديها كلبشهم وفضل يزغزغها وهي تضحك وتصرخ وهي بتتململ ع رجله لغاية ما عيونها دمعوا»

... عاااا خلاص يا مارد، هموووت هههه 

... مش انتي جامدة وبتستحملي!!  

"مسكت راسها بألم" ... أه والله انت غلس ، اوعى كدة متهزرش معايا

"بعيون واعدة" ... هو انتي لسة شوفتي هزار؟!

"بصتله بتوتر من نظراته ونبرة صوته اللي فيها بعض التهديد"

... قصدك ايه!!

"وهو بيقوم ورايح ناحية الحمام" ... مقصديش، انا هغير ونازل 

«قطبت جبينها بارتباك ومش مطمنة له 

... يا رب أنا غلبانة ومش قد التور دة!. 

________

الزنخ بعصبية" ... البضاعة كلها اتصادرت، وكله بسبب مراتك 

"المارد بصله باندفاع ومسك دقنه بعنـ*ـف"

... أوعى تنسى نفسك وتجيب سيرة مراتي ع لسانك! سامع!!!

"هز راسه بخوف، ومارد زقه بضيق" 

"ماسة بزمجرة" ... انت زعلان عشانها!! بعد ما بلغت عنك وكانت عايزة توديك السجن! ولا راشد اللي اتقبض عليه  

"بصلها بوش مر*عب وتابع بصوت هادي مميت"

... يستاهل !! ولو زودتي ف الكلام عنها صدقيني هيكون تمنها حيا*تك

"بلعت ريقها بتوتر وخوف والكلام وقف ف حنجرتها"

... تـ... تقصد ايه وليه بتقول إن راشد يستاهل!! 

... عشان الخو*نة مالهمش مكان عندي!

"الزنخ بصدمة" ... خونة! هو راشد خاين؟ 

"عوج بوقه بسخرية" ... هه هو انت لسة هتسأل!! كان لازم تعرف أن اللي حصل مجرد خطة مني عشان أكشف لعبته، وإلا مكنتش اتعاملت مع حد ف مصر بنفسي!.

«ماسة بصت لابوها ورجعت بصت لمارد بذهول ممزوج بخوف انه بيقدر يكشف حقيقة اللي حواليه بسهولة» 

________

«بعد كام يوم نزلت تحت ولسة يدوب هتقعد جاتها»

ريم ... مارد باشا مستنيكي ف التراس

ف نفسها ... يا ترى عايز ايه!. 

_____

«خرجت ولقيته قاعد واتكلم وهو بيرمي كيس بلاستيك ناحيتها»

... غيري هدومك دي وتعالي ورايا 

... أغير ليه!! انا مش عايزة اغير

"اتكلم وهو بيشاور لها بصرامة" ... ششش ، مش عايز اعتراض واعملي اللي بقولك عليه 

«اتأففت منه وراحت تغير وتلبس ملابس الرياضة، وبعدين دخلت وراه الملعب»

... انت جايبني هنا ليه؟ 

"حدفلها كُرة السلة" ... هنلعب مع بعض  Basketball  🏀

... بس أنا مبحبش الألعاب دي 

"كانت سايباه وماشية مسك دراعها وقفها" 

... لما أقول هنلعب يبقى هيحصل!! ومن هنا ورايح مش عايز اسمع لا لماضة ولا اعتراض ع كلامي

"سحبت ايدها بتذمر" ... اوعى ايدك ياض ، انا محدش يديني أوامر ، قولتلك مبحبهاش يبقى خلص الكلام

"قرب منها باندفاع وهي اتراجعت بسرعة"

... خلاص هلعب هلعب  

... طيب اسمعي قوانينها وأحكامها .. لو خسرتي قدامي هتيجي وتديني بوسة 

"شهقت باستنكار" ... نعم يا حيلة أمك!!!

"قرب ولو*ى دراعها لورا واتألمت" 

... أه أه يا*بن النمرة هتكسر ايدي 

"شدد ع ايدها اكتر" ... هتقلي ادبك تاني!!! 

... لالا ، بس سيب ايدي عاااا

... موافقة ع التحدي!!!

"بسرعة وألم" ... موافقة أيوة 

"بعد عنها ، وهي بتدلك أيدها بوجع من لمسته"

... ربنا ياخد أجلك يا شيخ 

... يلا ابدأي انتي  

"أدالها الكرة وهي اتنهدت استعداد للعب معاه"

«نطنطت الكورة كذا مرة ف الأرض بإيدها ورفعتها عشان ترميها جوة السلة ، بس هو كان أسرع وخدها رماها جواها»

"بزمجرة" ... ع فكرة انت نصاب ، ازاي تاخد الكورة مني

... انا مخدتهاش منك هي اللعبة كدة .. يلا كملي 

... أوووف منك ومن برودك 

«خدوا وقت يلاعبوا بعض ، ومارد مش مديها فرصة تكسب نهائي وكسبها 16 نقطة ، وهي مبتعملش حاجة غير تلف حواليه عشان تحاول تاخدها منه .. مسك الكورة وقفز لفوق ورماها ف السلة ، وعشان يغيظها رفع ونزل نفسه كإنه بيتمرن ضغط»

... دة ظلم ، المفروض تلاعبني ع حاجة اعرف العبها مش حاجة انت اللي محترف فيها! 

... مين قالك اني محترف!! انا ملعبتهاش من أيام المدرسة عشان كدة اخترت حاجة نتساوى فيها

... فين المساواه دي!! انت عارف ازاي تلعب لكن أنا لأ .. بس انت اخترتها عشان تنت*قم مني بسبب اللي عملته فيك لما بلغت البوليس!! 

... أولاً دة مش انتـ ـقام ، لما أعوذ آخد حقي مش هيبقى بالطريقة الهايفة دي 

"جزت أسنانها بحنق" ... وانا بقا مش هبوسك واعمل اللي انت عايزه 

... أنا عاوز اعمل كتير بصراحة، فكملي أحسن

"نفخت بغضب وخطفت الكرة منه وجريت ف الملعب"

... خدي هنا .. فاكراني مش هعرف أجيبك

«جري وراها ، وبيلفوا ف الملعب ورا بعض ، ومش عارف يلحقها...

ماسة جات وشافتهم ، افتكرتهم بيهزروا ، زمت شفايفها بحنق شديد ، ودار ف بالها ازاي بيعاملها برقة وهي كانت عايزاة يتقبض عليه»

... مش هتعرف تلحقني ، دة انا ادوخ بلد 

"وف لحظة كان ماسكها من وسطها ولف بيها وهي صرخت"

... ولااااا نزلني ، وحياة أمك نرجس طيب عاااا

"رفعها من وسطها لفوق عند السلة وحطت الكرة فيها"

بمرح ... عاااا ، انا كسبت كسبت 

"نزلها وفضلت تقفز وتلف حواليه بفرحة ، وهو رفع حواجبه"

... الوقت خلص ، وانتي خسرتي

"بزمجرة" ... لا انا كسبت 

... انا جايب 16 نقطة وانتي 2 .. يلا هاتي البوسة 

... ان شالله نقطة تقع ع نفوخك ، غور يالا مني

"بخبث وتهديد" ... هتجيبي بمزاجك ولا آخد اللي عايزه غصب عنك!!!.

"بعياط" ... حرام عليك ، انت معندكش اخوات بنات!! مش خايف أحسن جوزها يعمل فيها اللي بتعمله فيا 

"رفع حواجبه" ... طب ما يحصل 

... دة انت طلعت نطـ ـع أوي 

"قرب منها ومسك دقنها بإيده وقرب من شفايفها وهي بتحاول تزقه بس ماسكها كويس ، وسعت عينها بخوف" 

... إيه رأيك أديكي واحدة تنسي اسمك بعدها يمكن تبطلي طولة لسان!!

"هزت راسها بنفي وهو تابع" ... طيب اخلصي انتي 

"هزت راسها بموافقة وسابها" ... قربي

"قربت بارتباك وتابع" ... حطي ايدك ع رقبتي

"حطتها بطريقة الخـ نق وقال" ... مش كدة ، بطريقة رومانسية

... الله يرحم والديك 

... بطلي كلام اخلصي 

"لفت ايديها حوالين رقبته وهو ضم وسطها بإيده وقربها"

بتوتر ... مش خايف لحد يشوفنا!! 

... محدش هنا يقدر يرفع عينه ع أهل بيتي ، 

"غمضت عيونها بخوف وإجبار ولسة هتبوسه، دخلت هي وافسدت عليه لحظته اللي مستنيها من يوم ما اتجوزها"

... ايه يا مارد بتعمل ايه عندك  

«بعدت عنه بارتياح لدخول ماسة عليهم»

"بجمود" ... انتي مين سمحلك تدخلي هنا؟!

... هو ممنوع ولا ايه؟

كنزي ... دة انتي اول مرة تعملي حاجة صح ف حياتك .. بعد اذنك يا مارد باشا ابقى خليها هي تكمل بقا شكلك كنت مستنيها ..

"قالتها بسخرية يصطحبها زعل مصطنع عشان تهرب منه" 

_______

«كانت ف أوضتها ودخلت ريم عليها» 

ببرود ... ف واحدة عايزاكي برة بتقول انها صاحبتك !

... صاحبتي مين! 

... معرفش الأمن مش عايز يدخلها وهي عاملة غاغة برة ، يا ريت تنزلي تقوليلها تمشي ، لأن المارد باشا لو عرف مش هيحصل كويس 

... جرا ايه يا عرة العرر ، عاوزاني اطرد صحابي كمان .. وحياة أمك لخليه يطردك انتي .. غوري من وشي جاتكم البلا مليتوا البلد 

"نزلت كنزي بسرعة للبوابة وشافت ديما واقفة عند الأمن"

... كنززززي

... ديمااااا ، ايه اللي جابك 

... بتصل بيكي بقالي كذا يوم مش بتردي وقلقت عليكي 

... طب تعالي  

الأمن ... ممنوع يا مدام 

بزمجرة ... هو ايه اللي ممنوع يا*بن المهزأة انت ، دي صاحبتي

... حضرتك دي أوامر 

"بزهق وزمجرة" ... أوامر أوامر اووووف ... يا مااارد انت يا أمان لالالي 

"جه من وراها" ... ف ايه!! صوتك عالي كدة ليه 

... الحيوانات بتوعك مش عايزين يدخلوا ديما صاحبتي

"شاورلهم يسيبوها تدخل"

بارتباك ... ازيك يا مارد باشا 

... أهلاً

كنزي بضيق ... قول للتيران اللي معينهم حراسة ميدخلوش ف خصوصياتي واللي اسمها ريم بالذات 

... مينفعش أي حد غريب يدخل القصر ، وطبعاً هم ميعرفوهاش فلازم ياخدوا مني أنا أمر عشان تقدر تدخل

... بس دي صاحبتي 

ديما ... خلاص يا جماعة انتوا هتتخانقوا عليا 

بحدة ... لما أكون بكلمها متدخليش  

"اترعشت من صوته وسكتت"

... روحي دلوقتي ونتكلم بعدين 

"خدت ديما ودخلت وهي مضايقة من أسلوبه" 

_______

... ايه الهيلمان اللي عايشة فيه دة ، قصر وحراسة وعربيات وزوج قمر ، انا جاية أحسد النهاردة 

... أيوة احسديه يستاهل 

... طب قوليلي حصل ايه بعد خناقته مع وليد!!

... البيه منعني اروح الجامعه وكمان خد مني التليفون وحابسني زي منتي شايفة 

... هي دي حبسة! طب يا ريتني اتحبس زيك يا شيخة

"شوحت بإيدها بلا مبالاة وتابعت ديما" 

... طيب المهم قوليلي عاملة معاه ايه! لسة برضو بتتهربي منه

... اسكتي يا ديما ، دة بيستغل اي ظرف عشان يحسس قليل الأدب دة 

"ضحكت عليها ، وانتبهوا ع مارد دخل ومعاه واحد طويل وعريض ووسيم"

... مين دة يا بت؟

... معرفش 

... انا وقعت في برطمان حلويات اقسم بالله ، متاخديني أعيش معاكي وحياة أمك يا شيخة  

"ضحكت بصوت عالي من غير قصد ، وقف مارد والتفت بغضب وراحلها" 

... ايه المياعة دي!! انتي اتجننتي !

بضيق ... مالك طايح فيا كدة أنا مخدتش بالي 

_ مش تعرفنا يا مارد

"جه الصوت من وراه ، وقبل ما يلتفت عينه شعت بالغضب و.......

#البارت_الثالث_عشررررر 😂😂😂😂

بعصبية ... تتعرف ع مين يا روح أمك 

"زقه ف صدره بتذمر"

_ اهدى اقسم بالله ما قصدي

"التفت لها مارد ومسك ايدها وتابع بزعيق" ... اطلعي فوق يلا 

"خدت ديما وطلعوا لأن شكله ما بيبقاش طبيعي أبداً لو حد بيكلمها"

______

"بيزقه لبرة" ... اطلع برة يا جاسم ومتجيش هنا تاني ، لأني ممكن ادفنك مكانك 

"ضحك جاسم ع غيرته الغريبة" ... اهدى بس يخربيت دماغك

... صدقني لو ممشيتش دلوقتي هولع فيك 

... لا وع ايه ، أجيلك وقت تاني تكون رايق

"مشي ناحية البوابة عشان يخرج وتابع مارد بصوت عالي"

... مشوفش وشك يالا 

«جاسم الصياد ابن خالة المارد وصديقه المقرب ، وبيشتغل معاه»

_______

... إيه الأوضة الجامدة دي ، وايه السرير الملوكي دة

"واقفة بتهز نفسها بعصبية بسبب أسلوب المارد معاها"

... ايه يا بت مالك بتترقصي ليه!

"بحنق" ... بقا أنا يقوللي مايعة وكمان يزعقلي قدام اللي يسوى واللي ما يسواش ، ليه اشتراني من سوق النخاسة

... عادي عادي ، كبري مخك 

... لأ ، وحياة أمه لـ انا معرفاه 

"بترقب وحماس" ... هتعملي ايه!!

"بخفوت بعد ما لمعت فكرة ف دماغها" ... معاكي الدوا بتاعك؟

"بصوت عالي بعض الشئ" ... دوا إيه دة!! الإسهال؟

"حطت أيدها ع بوقها بسرعة وهمست"

... وطي صوتك الله يخربيتك هتفضحينا ، المكان مترشق أجهزة مراقبة 

"هزت راسها وتمتمت بخفوت" ... معايا معايا!. بس هتعملي بيه ايه؟

"بصت للفراغ بتوعد وشر" ... كل خير 

_______

«نزلت كنزي تحت ومارد كان موجود ف مكتبه بيملى خزنة مسدسه ولاحظ وجودها»

... عايزة ايه!

"بزمجرة" ... هو انا بشحت منك! 

... مش عارف لو مبطلتيش طولة لسانك دي هيجرى ايه! 

... هتموت محروق 

"دخل الخزنة جوة المسدس بحنق كإنه بيديها تحذير ، وهي بلعت ريقها بتوتر"

... هـ.. هو ممكن ديما تبقى تجيلي كل ما أعوذها يعني عشان تديني محاضرات وكدة 

... منا قولتلك مينفعش حد يدخل القصر غير العيلة والمعروفين لينا

"بحنق" ... قصدك مينفعش يدخل هنا غير المشبوهين وبتوع الإجرام زي ماسة والزنخ أبوها 

... بصي انا وافقت انك تشوفيها المرة اللي فاتت عشان محرجكيش قدام الحرس! وعشان برضو انا عارف انها صاحبتك الوحيدة 

... وانت عرفت منين ان شاء الله! 

... أنا قولتلك قبل كدة وهرجع اقولهالك تاني ، انا عارف عنك كل كبيرة وصغيرة من يوم ما اتولدتي!..

ولو انا معرفهاش مكنتش سمحت لها تخطي عتبة القصر أو أنها تدخل من غير حتى ما يفتشوها 

... طيب منت عارف أهو ، ليه مش عايزها تيجي تاني، انت مانعني من الجامعة ومن الخروج عامة ، ليه مش عايزني احتك بحد خالص...

«كانت بتتكلم بهدوء وزعل وهو اتأثر بصوتها الحزين لغاية ما انفعلت مرة واحدة»

"تابعت بزمجرة" ... هو انت فاكرني جارية عندك يا روح أمك ، هتعزلني عن العالم! 

"جز أسنانه بغضب" ... لا دة أنا شكلي هكتفك بحبل وأرميكي وسط التعابين والحشرات كمان 

"اتقدم عليها باندفاع وهي خرجت تجري منه"

... عاااا ، الحقني يا عم كمااااال 

"كان نازل من فوق وشافها بتجري"

كمال ... ف ايه يا بنتي بتجري ليه

مارد ... اقفي يا جزمة بقولك

"استخبت ورا كمال" ... ف حمايتك يا كمال أفندي ، اوعى تخليه يقربلي 

... يعني انا مش هقدر أجيبك مثلاً!!

"خدها من وراه وشدها عليه خبطت ف صدره"

... عاااا اوعى متلمسنيش 

"ماسك ايدها ثبتهم ف جنبها" ... اهدي بقا وبطلي فرك 

... مش هبطل ، عمري مهبطل اقاومك حتى لو آخر يوم في عمري لكن لو سبتني مش هاجي برضو 

"طلعتله لسانها بعد ما خلصت جملتها اللي كانت بتقلد روبانزل فيها بطريقة كوميدي خلته يضحك برغم عفرتتها"

... هههه انتي مجنونة يا بت 

«دخلت ماسة وشافتهم جزت أسنانها بحنق لأنها كل ما تشوفهم مع بعض تلاقيهم بيضحكوا وواخدها ف حضنه ، ومش فاهمة ايه سر تمسكه بيها كدة ، لا هي شبهه ولا جمالها فاتن لدرجة انه يستحملها»

"اتنحنحت لكن محدش فيهم انتبه لوجودها ودة ضايقها أكتر"

"بزمجرة" ... انا بقالي ساعة واقفة، ايه محدش واخد باله!!!

"بصلها مارد وتابع بحدة" ... وبتزعقي ليه!

بتوتر ... أصل جيت من بدري و...

قاطعها ... خلاص

"بدلع عشان تغيظها" ... بقولك يا مانو انت خارج؟

"قربها بلطف" ... لا 

... طب انا هخلي عنايات تعملك عصير فريش يستاهل حنكك

رفع حاجبه .. حنكك؟!!!

... احم قصدي بوقك.

"كان عايز يبوسها ف خدها بس هي هربت منه بسرعة"

... عنايات ، اعملي عصير برتقال لـ مارد ، والبت التانية دي اعمليلها أي زفت عندك وخلاص ، يلا بسرعة

______

"بعد شوية خرجت البنت من المطبخ ومعاها العصير"

... بس بس 

"البنت وقفت وكنزي تابعت" ... ف حاجة ع خدك ... استني أمسحهالك

"طلعت البرشام وحطت حباية ف الكباية من غير البنت متاخد بالها وهي بتمثل انها بتمسحلها وشها"

... روحي خلاص نضفتهالك

... شكراً مدام 

بحماس ... يا رب تسهل من كل حتة

_______

"فاتحين اللاب توب ع صور أسلحة"

ماسة ... القطعة دي نادرة جداً، لو فكرنا نعمل حاجة شبيه ليها هناكل السوق كله

... اممم مش تقيلة شوية؟

... أه ، مهي فولاذية .. لكن إمكانياتها عالية وتعتبر أخطر أنواع الأسلحة النارية ، دة غير انها ممنوعة دولياً 

... طالما هي ممنوعة يبقى انا فيها 

بهمس ... تعرف اني بموت ف ذكاءك وقراراتك الجدية 

... وبعدين؟

"نفخت بضيق وهو تابع" ... اشربي عصيرك 

______

"كنزي سمعت صوت صراخ ونزلت تجري"

بقلق ... ف ايه؟

أركان ... ماسة بتتوجع 

... ايه دة هي بتولد !!

... ههههه 

"خرجت تصرخ من الحمام" 

... عااااااا .. بطناااااي ، الحقني يا مارد انا بتقطع

"كنزي بمرح" ... انا بتقطع من جوايا ونسيت طعم الفرح ... مالك يا اوخة فيكي ايه

"جريت ع الحمام بسرعة للمرة المية"

... اطلبي الدكتور يا ريم ، انا مش فاهم جرالها ايه

... أكيد دي عين 

"وتمتمت ف نفسها" ... عين ايه دي من تأثير الحباية .. بس تستاهل الطفسة بنت الزنخ

"خرجت بعد شوية وهي بتتألم وماسكة بطنها"

... ايه يا حبيبتي أجبلك قصرية!!

بوجع ... مارد أرجوك اتصرف 

"بدلع ساخر" ... أه يا مارد ساعدها واعمل كيكي بدالها

"رمقها بازدراء وريم دخلت"

... الدكتور وصل يا مارد باشا 

____

"الدكتور دخل يكشف عليها وبعدين خرج"

مارد ... مالها يا دكتور؟

... واضح انها واخدة دوا هو اللي سببلها الموضوع دة

بتعب ... بس أنا مخدتش حاجة

الدكتور ... افتكري يمكن خدتيه وانتي ناسية 

"بزمجرة" ... بقولك مخدتش ولا أكلت حاجة غير شربت عصير بس

"مارد عقد حواجبه بتعجب وكإنه افتكر حاجة"

... انتي شربتي العصير اللي المفروض كان ليا!!!

"كنزي بتوتر وسرعة" ... طب استأذن أنا ، أفتكرت اني لسة مصلتش العصر 

بصرامة ... ثانية واحدة .. انتي اللي طلبتي العصير دة!!!............

#البارت_الرررررابع_عشررررر 😂😂😂😂😂💔

"بصوت عالي" ... استني هنا يا كنزي!

«قالها وهو بيمشي وراها بعد ما خرجت من الأوضة»

"وقفت والتفتت له بضيق" ... عايز ايه!! 

"بحدة" ... انا مش بكلمك! خرجتي من الأوضة ليه

"بزعل مصطنع" ... يعني عايزني أسمعك بتتهمني قدامهم كلهم وأفضل قاعدة!!

... هو أنا اتهمتك! انا بسألك سؤال 

بانفعال ... لا يا استاذ نبرة صوتك كلها اتهام كإنك متأكد ان انا اللي عملت كدة 

... مهو بصراحة محدش غيرك يستجري يعمل العملة السودة دي

"بعياط مصطنع" ... اخص عليك يا مانو، يعني انا هكون عاوزة أأذيك! واحطلك حباية ملين ف كباية العصير! دي أكيد عنايات هي اللي حطتها لها

«شهقت عنايات لأنها كانت واقفة صدفة وسمعتها»

"ضيق عينه بشك" ... وانتي عرفتي انها حباية منين! مش يمكن أي نوع تاني من الدوا!!

"بلعت ريقها بارتباك" ... أنـ... أنا بتوقع يعني 

بترقب ... بتتوقعي ااااه 

"قرب منها وتمتمت بنبرة خبيثة" ... عارفة لو طلعتي انتي اللي ورا المقلب دة هعمل فيكي ايه المرة دي !! 

"هزت راسها بنفي وهو تابع" ... بلاش تعرفي دلوقتي خليها مفاجأة أحسن.

"بزمجرة" ... كل دة عشان الست ماسة بتاعتك!

... تؤتؤتؤ ، دة عشان كان زماني مكانها لو انا اللي شربت العصير!.

«بصت له بتشتت وتوتر من نظراته اللي بتترقبها»

_________

... حاسة بإيه دلوقتي يا ماسة؟

... أحسن شوية .. بس انا مش هرتاح غير لما اعرف مين اللي حاول يسمني بالطريقة المقرفة دي ، ولو ان باين أوي مين اللي عملها

"اتنهد بتفكير ف نفسه" ... باين فعلاً ، وانا متأكد بنسبة كبيرة ان هي اللي وراها ... احم ارتاحي انتي دلوقتي وهرجعلك تاني 

_______

"بتلف حوالين نفسها ف الأوضة بارتباك"

... أعمل ايه دلوقتي!. أكيد هو عارف اني انا اللي حطيت الدوا بس عايز يربكني ابن النمرة .. شكله المرة دي هيعلقني من قفايا .. اروح اعترفله طيب!! ، يا ربي ع الحيرة مهو لو معايا تليفون دلوقتي كان زماني متصلة بـ ديما الزفت شافتلي حل ف المصيبة دي 

«قعدت ع السرير بحيرة وهي بتفكر هتعمل ايه»

_______

«مارد مع أركان أخوه ف الجنينة»

... بقولك يا مارد ، عاوز أعمل حفلة عيد ميلادي هنا ف القصر!

... اشمعنى ف القصر !! منت بتعملها كل سنة ف قاعة الحفلات الخاصة

... بصراحة نفسي تحضر الحفلة دي، كل صحابي هيتجننوا ويشوفوك 

... ليه! هو انا مايكل جاكسون!!

... أشهر منه ههههه

«قاطع كلامهم وجود كنزي»

... عايزة اتكلم معاك لوحدنا 

... روح انت دلوقتي يا أركان

"مشي أركان وهي قعدت ع الكرسي"

... غريبة يعني أول مرة تطلبي نتكلم لوحدنا!

... اسمع يا واد انت ، المكر بتاعك دة مش هيخيل عليا ، انا عارفة انك عارف مين اللي حط الملين ف العصير ، فبلاش تلعب عليا وتحاول توقعني، وانا جيت أهو أعترف

... وانتي جاية تعترفي ع نفسك عشان خايفة من العقاب؟

"اتصنعت القوة" ... انا مبخافش من حاجة ، بس عايزاك تعرف كان نيتي ايه من الأول 

"وقف بتذمر" ... نية ايه اللي بتتكلمي عنها! هي الحباية وقعت ف الكباية غصب عنك!!

... لا، انا بس حسيت إنك بتتعسّر وقولونك بيتنفخ فحبيت أساعد يعني غلطانة أنا كدة

... هو حد اشتكالك أصلاً! دة انتي غريبة جداً 

"بزمجرة" ... ما خلاص ياض انت، مضايق أوي عشان ست الحسن جالها اسهال! أهي فوق عندك روح غيرلها البامبرز واهتم بيها

"بخبث" ... متشغليش بالك، أنا مش هخليها تمشي من هنا غير لما تبقى كويسة ، أصل مش معقول حد رقيق زي ماسة اسيبه يتوجع من غير ما اهتم بيه!.

«رفع حواجبه وهو بيبتسم بمكر عشان يحرك جانب الغيرة عندها ، وبعدين مشي وسابها»

"تمتمت بصوت عالي شوية" ... اشوفك والع معاها ان شاء الله 

_______

«تاني يوم قاعدين بياكلوا ع السفرة»

... مدام عنايات ، يا ريت تطلعي الأكل لـ ماسة وانا هاجي أأكلها بنفسي 

"ضغط ع الكلمة الأخيرة بتأكيد عشان يغيظ كنزي اللي قاعدة بتاكل ومش مهتمة بكلامه أو بمعنى أصح بتمثل كدة"

عنايات ... تحت أمرك يا باشا

"نرجس بضحك" ... اول مرة نشوف كنزي بتاكل معانا ع سفرة واحدة!.

"رفعت وشها" ... منا ان شاء الله بعد ما أطلع من بيت الذئاب دة ناوية أطلع عمره وأغسل نفسي بمية زمزم ، يمكن ربما يقبل توبتنا ، أو ربنا ينزل العذاب ع قوم إبليس اللي عايشة ف وسطهم دول 

"كمال وقع الأكل من بوقه وهو بيكح بقوة ، ف لحظة إن مارد مسكها من رقبتها باندفاع"

... تحبي أوقف اللقمة ف زورك وتموتي شهيدة الأكل!!!

"بصوت مخنوق" ... شالا تتكسر إيدك يا رب 

"سابها بضيق وقام طلع السلم ودخل عند ماسة"

"مسكت رقبتها بألم" ... عااااا ، ان شالله تموت انت 

________

"بدلع" ... ميرسي يا مارد انك مهتم بيا كدة 

«وكانت بتحاول تمسك ايده بس هو سحبها بسرعة»

"بضيق" ... قولتلك مية مرة مبحبش الطريقة دي! 

"بعياط" ... انت اتغيرت معايا أوي يا مارد

"وقبل ما هو يرد، وقفت هي ع الباب وحطت ايديها ف وسطها" 

... يا موحني يا موحني ، وايه كمان يا ضنايا!! 

بحنق ... انتي ازاي تدخلي من غير استئذان!!

"وهي بتزق رجلها عشان تقعد ع طرف السرير"

... استئذان ايه يا بت هو انتي فاكرة نفسك قاعدة ف وكالة ابوكي عباس الزفر

"بضيق تأفف" ... بابي اسمه زيدان الزنخ

... زفر من زنخ مش هتفرق أهي كلها عفانة 

"بزمجرة" ... انتي عايزة ايه! مش كفاية اللي عملتيه فيا!

... خلاص يا ماسة .. وانتي اتفضلي حضرتك 

"شوحت بإيدها بزمجرة" ... لا مش هتفضل انا قاعدة ف ملك الشعب

... طب يلا يا ماسة نسيبلها احنا الأوضة

بحماس ... أيوة يلا

«وقفت بسرعة وهي مبسوطة ومشيت مع مارد  .. أما كنزي واقفة مبلمة من اللي حصل قدامها»

________

«الاتنين واقفين قدام حمام السباحة بيتكلموا ، ومارد بيمثل انه بيضحك عشان يغيظ كنزي اللي واقفة بعيد ومراقباه»

... متيجي يا مارد ننزل البسين!

''بص ناحيتها بطرف عينه لقاها بتفرك ف ايديها بغل"

... آه طبعاً ، يلا دة انا حتى بقالي فترة كبيرة معومتش

«جات عليهم وماسة تابعت بدلع لما شافتها"

... طب اقلع انت هدومك وانا هروح ألبس المايوه

... مايوه يا بنت المتسلخة ، وربنا لطلع عين أهلك

«مسكت دراعها وعضتها فيه»

صرخت ... عاااا دراعي يا عضاضة ، ابعدي عني

"مارد مش قادر يسيطر ع نفسه من الضحك"

... خلاص يا كنزي اهدي يا مجنونة 

"زقت ايده" ... اوعى ياض 

«زقتها وقعت في المية ، بس قبل ما تقع مسكت أيدها ووقعت معاها»

... عاااا يا بنت الكلب ما بعرفش أعوم 

«نزل مارد بسرعة يلحقها، والزنخ وصل ولقى بنته واقعة ف البسين بهدومها»

... ايه اللي بيحصل هنا

"مارد شال كنزي ع دراعه وطلع بيها برة حمام السباحة"

بزعيق ... فوطة بسرعة 

«جريت ريم بسرعة ومعاها المنشفة ، سحبها منها ولفها بيها عشان تفاصيل جسمها متبانش بسبب البلل»

_______

... عاجبك كدة يا مارد! 

ببرود ... كدة ايه؟

"بحنق وزمجرة" ... زقتني ف المية 

... انتي اللي استفزتيها، استحملي بقا 

الزنخ ... ايه اللي غيرك كدة يا مارد! حياتك كلها بقت فوضى من ساعة ما اتجوزت 

... قوله يا بابي عشان يفوق لنفسه 

"مسكها من وشها وجز أسنانه" ... انتي نسيتي نفسك ولا ايه! صوتك لو اترفع مرة تانية انا هسحب لسانك واقطعه

"هزت راسها بخوف ، وزقها بضيق وسابهم وطلع فوق"

_______

«كنزي حاضنة نفسها وبتترعش»

... أه يا بنت الزنخ ، إلهي يجيلك تبول لا إرادي 

دخل المارد الأوضة ... انتي بردانة ولا ايه؟

"صرخت بزمجرة" ... ملكش دعوة يابن النمرة ، اطلع برة 

بحدة ... ما كفاية طولة لسان بقا! بوقك دة مبيعملش حاجة غير يتلامض بس !!

بزعيق ... أيوة وامشي من الأوضة ، انا مش عايزة اتكلم معاك

"بياخد نفس ويطلعه بغضب وقرب منها باندفاع ومسكها من أيدها رماها ع ضهرها ع السرير"

... انت اتجننت، اخرج برة بقولك 

"صرخت فيه وهو اتجنن منها ، ومن غير تفكير هجم عليها وحاول يبوسها غصب عنها وهي فضلت تصرخ"

... عااااا ، اوعى يا حيوان يا مغتصب ، يا مااااااماااا

«ومن غير ذرة مشاعر مسك هدومها قطعها بطريقة وحشية و......

#البارت_الخااامس_عشرررر 😂😂😂💔

"صرخت بأعلى صوتها بخوف" ... لااااااا ، أرجوك يا أمان متقربش مني، 

«كان لسة بيقرب شفايفه من رقبتها ولما سمع اسمه منها ثبت مكانه»

"هزها بقوة" ... عشان تعرفي بس اني اقدر اعمل فيكي أي حاجة، واني صابر عليكي بمزاجي، لكن تطولي لسانك وترفعي صوتك عليا هتشوفي مني أسوأ معاملة 

«خلص الكلام وخرج برة الأوضة بغضب .. وهي حطت ايدها ع بوقها وفضلت تشهق بدموع ، حست بحرقة ف قلبها بسبب عملته المؤذية نفسياً ليها ، حتى لو مقربش منها ألا انه جرحها بقسوة ، دة غير شعور الخوف اللي حسسه لها»

_____

ماسة ... أنا همشي بقا يا مارد مع بابي 

باختصار ... امشي 

... كان نفسي أقعد عندك كام يوم تانيين ، بس...

"وقبل ما تكمل كلامها كان سايبها وخارج بدون اي اهتمام ، ودة خلاها اتغاظت"

_______

"نرجس بخجل" ... بس يا كمال احنا كبرنا عيب 

"دخلت الأوضة وشافتهم"

... انت بتعمل ايه!! 

"الاتنين بصولها بفزع" 

كمال بتلعثم ... مـ.. مبعملش 

"وهي بتقرب منهم" ... مبتعملش ازاي! وانا شايفاك بتتحركش بيها

... اتحركش ايه يا بنتي ، دي مراتي 

"طلعت فوق السرير وقعدت وسطهم" ... هو انت وابنك معندكمش غير الكلمة دي!! انتوا ايه مفيش ف قلوبكم أي رحمة! 

"حمحم بحرج" ... ليه بس يا حبيبتي ، هو احنا عملنا ايه!

بزمجرة ... عملكم اسود ومهبب عليكم، وانا اللي كنت فاكراك راجل طيب وكُبّاره، أتاريه طالعلك 

... تقصدي مين المارد؟

... هو فيه غيره قليل أدب هنا!

... ليه حصل ايه ؟

"بدموع" ... حصل ان حضرتك معرفتش تربي ابنك ، وتعلمه ازاي يحترم نفسه ويحترم النسوان اللي ف بيته

"نرجس بغرابة" ... بالعكس هو بيحترم كل الستات 

"صرخت بعياط" ... عاااا ، امال جه عندي وقل باحترامه ليه!!!

انا خلاص مش عايزة اقعد عنده دقيقة واحدة ، ولازم ترجعني لبابا 

كمال ... اهدي طيب وفهميني عمل معاكي ايه

... ابنك الذئب البشري قطعلي هدومي وكان عايز... عاااا

"نرجس شهقت" ... معقولة!! وحصلك حاجة 

"فتحت حنجرتها" ... لا طبعاً ، أنا الحمد لله كنت لابسة اربع بجايم وبنطلونين ، وتقريباً هو زهق وساب الأوضة وخرج عاااا

نرجس ... وانتي زعلانة عشان خرج!!!

"بصت لها بدهشة وشهقت وتابعت وهي بتشدها من كتفها"

... بقولك ايه يا حاجة نرجس ، هو انتي عندك ف العيلة حد واقع ع مخه! 

... احم لأ

... أمال مش مركزة معايا ليه!

... منا مش عارفه انتي مضايقة ليه

... أكيد يعني زعلانة عشان بيجامتي ، دي مرسوم عليها سبونج بوب وماما جايباها من التوحيد والنور بسعر الجملة عااااا

«قطبت وشها بملامح باكية وكمال تابع»

... بصي يا حبيبتي ، أكيد حصل حاجة خلته يتعامل معاكي كدة ، يمكن مكانش ف وعيه

... انا ماليش دعوة ، انا هنام هنا وبكره توديني عند بابا .. يلا تصبحوا ع خير 

"نامت ع جنبها وسحبت الغطا عليها ، والاتنين بصوا لبعض بقلة حيلة"

________

«وصل مارد القصر متأخر، وطلع ع أوضته واتنحنح قبل ما يدخل»

... كنـ...

«قاطع اسمها لما ملقهاش نايمة ف سريرها .. دخل ع الحمام بسرعة يشوفها وملقهاش، جري ع برة بقلق ينادي ع حد من الشغالين»

... ريييم ، عنايات ... انتوا يا بقر ياللي هنا 

"خرجت ريم من اوضتها وهي بتفرك عينيها بنعس"

... خير يا مارد باشا!

... كنزي هانم فين!

"بصوت نايم" ... شوفتها دخلت عند كمال باشا 

"غمض عينه واتنهد بارتياح"

... طب روحي انتي دلوقتي 

«راح عند أوضة والده وخبط بالراحة»

"نرجس صحيت وقالت بنوم"

... كمال الباب بيخبط

"فرك عينه عشان يصحى" ... دة أكيد مارد وصل وبيسأل ع كنزي 

«قام من السرير يفتح له» 

"مارد بإحراج" ... معلش يا كمال باشا اني صحيتك

... ولا يهمك يا مارد ادخل

«دخل وشاف كنزي نايمة جنب والدته»

... بعد اذنك يا نرجس هانم ممكن تصحيها

كمال ... طب متخليها لبكره الصبح يابني

"عقد حواجبه بضيق" ... لا هي مش هتنام غير ف أوضتي ، لو سمحتوا صحوها .. ولا اقولكم انا اللي هصحيها

«قرب من السرير ونرجس قامت عشان توسعله»

"مسح ع دراعها بلطف" ... كنزي ، اصحي 

"تمتمت بنوم" ... سيبوني انام بقا يوووه

... قومي هنّام ف أوضتنا 

"فتحت عيونها بالراحة وأول ما شافته اتعدلت بفزع"

... انت ايه اللي جابك عندي تاني 

... جاي آخدك نروح أوضتنا ، يلا

"واقفة ع السرير" ... خدك ربنا يا بعيد ، انت بعد اللي عملته عايزني أقعد معاك تاني ف مكان واحد ، ياخي دة بعدك 

"وقف بجانب السرير وعقد حواجبه بضيق"

... أمال هتباتي هنا 

بزعيق ... أيوة ولو حاولت تقرب مني تاني ، انا هفتح قرنك .. وع فكرة بكره عمي هيرجعني بيت ابويا غصب عنك ، وريني بقا هتمنعنا ازاي

"مارد بص ناحية والده باندفاع وغضب اللي بيهز له راسه باستنكار وخوف"

"صرخ بغضب" ... انا مش قولتلك الكلام دة مسمعهوش تاني ، ولا عايزاني أكرر اللي حصل النهاردة

«طلع السرير وهي نزلت تجري منه»

... عاااا الحقني يا عمي 

"استخبت وراه كمال ونرجس"

"بجمود نفاذ صبر" ... لو سمحتوا مش عايز حد يقف قصادي

"ماسكة دراعه بخوف وتابعت بملامح باكية" 

... لا والنبي يا عمي خليك واقف أحسن ياكلني المسعور دة 

"ربت ع ايدها" ... حاضر ، بس اهدي انتي

بتذمر ... ارجوك يا كمال باشا 

"هي من ورا كمال" ... انت مالك يا غلس ، واحدة مش طايقاك عايز منها ايه ، خلي عندك كرامة بقا 

«نرجس وكمال وسعوا عينهم بصدمة وخوف ، خصوصاً إن مارد ملامح وشه اتغيرت والغضب لمع ف عينيه»

"قرب باندفاع ومسكها من شعرها وتابع بصوت فحيح الافعى وهو بيجز ع أسنانه"

... أنا بقى هوريكي اللي معندوش كرامة دة هيعمل فيكي ايه ، وانتي الجانية ع نفسك 

_____

«شالها ع كتفه وماشي بيها ناحية أوضته ، وهي بتصرخ بخوف»

... نزلني ياض يابن النمرة ، وربنا لموتك

"رماها ع السرير" ... الظاهر ان تحذيري مجابش نتيجة ، فلازم استعمل معاكي الوش التاني

"بلعت ريقها بارتباك ، وراح ناحية الدولاب وخرج منه حبل وجالها مرة تانية"

... انت هتعمل ايه!

«مسك ايده ورماها ع ضهرها ، وفضل يلف الحبل عليها»

... قال وانا اللي مضايق عشانك، وجاي أصالحك

بعياط ... خلاص والله ، اعتبرني عيلة وغلطت 

... انتي مش عيلة ، انتي لسانك عايز قصه

"فضل يربطها ف السرير من ايدها ورجلها"

... يسطا عيب دي مش أخلاق رئيس مافيا ع فكرة 

... ششش مش عايز اسمع نفس، كفاية الوش اللي عملاهولي ف دماغي من يوم ما جيتي

"بزمجرة" ... وطالما مش عاجباك يخويا متمسك بيا كدة ليه ، متحررني وانت ترتاح مني

... أهو كيفي كدة، حابب أروضك وأعدل لسانك الموس دة .. وكل ما تغلطي أكتر كل ما هتلاقي مني معاملة أوحش، وف النهاية انتي اللي هتخسري 

«استنى يسمع منها رد ع كلامه ، لكن أطلقت صوت سمفونية العمالقة أنهت الحوار كله ف ثانية»

"حرك راسه باستهجان بعد ما اتنهد"

_________

جاسم ... خير يا باشا طالبني الصبح بدري ليه!

بتنهيدة ... محتاج أتكلم شوية، ومفيش حد غيرك ممكن أحكيله ويفيدني 

"حمحم وهو بيعدل ياقة قميصه بثقة"

... بلاش غرور وحياة أمك 

... طب يلا احكي

... الموضوع بخصوص المدام ، يعني حاسس اني مش عارف اتعامل معاها خالص عشان اقربها مني ، أو بمعنى أصح هي مش مدياني فرصة اني اقربلها

... بس فهمتك، انت معندكش خبرة أصلاً ف التعامل مع الجنس اللطيف ، أكيد بطريقتك الخشنة بتخليها تنفر وتخاف منك 

... هو جزء من كلامك صح، لكن هي السبب لدرجة اني حاولت أ... 

"اتنهد وحكاله اللي حصل منه وتابع جاسم"

... انت غلطان طبعاً، ف حد ف الدنيا يخلي مراته تشوفه وواحدة تانية بتدلع عليه ومش عايزها تزعل وتغير!!!

"بتعجب" ... تغير!!

... طبعاً! وف المقابل حضرتك كنت هترتكب جريمة ف حقها عمرها ما كانت هتسامحك عليها 

"اتأفف" ... بقولك ايه مش ناقص تقطيم، عندك حل قوله معندكش يبقى تخرس 

بفخر ... هه طبعاً عندي، امال انت جايلي انا بالخصوص ليه! .. بس انا مش هقول غير بشرط 

بتذمر ... انت عايز تتشرط عليا أنا!!

... أه .. اسمع بس انا عايزك تعرفني ع صاحبتها ، مش انا اخوك وحبيبك! اعملي جميل واكسب فيا ثواب وخليني اتعرف عليها!

... لا طبعاً ، وبعدين انا صاحبتها دي بالذات محرج عليها تدخل القصر تاني، دي هي السبب ف كل حاجة

... يا عم دخلها القصر عشان خاطري ، انا من ساعة ما شوفتها ومش قادر اشيلها من بالي ، أصل النوع دة معداش عليا قبل كدة 

... وانا بقا مش هدخلها ومش عايز منك حلول ، انا ماشي 

"كان ماشي وراح مسكه بسرعة" 

"قوس شفايفه بقلة حيلة"... خلاص خلاص، هقول 

________

"كنزي بتتمطع ، وفتحت عيونها ببطء وبعدين اتعدلت بسرعة ولقت نفسها مش مربوطة"

... هو انا كنت بحلم امبارح ولا ايه!

«نزلت من السرير ودخلت الحمام وبعد شوية خرجت وشهقت بفزع لما لقيته قاعد ع طرف السرير»

... بسم الله الرحمن الرحيم ، هم بيطلعوا امتى دول 

"وقف وبيقرب وهي بتبعد وتابعت بزمجرة"

... بقولك ايه لو حاولت...

"فجأة طلع من جيبه شيكولاتة كبيرة"

... أنا معرفش انتي بتحبي انهو نوع ، بس أنا جبتلك أفضل حاجة 

... وانت فكرك هنسى اللي عملته فيا عشان جبتلي شكولاته؟!

... لا، انا عارف اني غلطان ومكانش لازم اتصرف معاكي كدة، متزعليش

"قرب منها وهي حاولت تبعد بس مسكها وطبع قبله رقيقه ع جبينها"

"تمتمت بخفوت" ... أيوة ادحلب عليا 

"ابتسم وكإنه مسمعهاش" ... غيري هدومك عشان هاخدك ونخرج مع بعض

بحماس ... ايه دة بجد! 

... أيوة ، هستناكي تحت متتأخريش!. 

______

«خدها وخرج مكان هادي وجميل ف كافيه ع النيل»

... مبسوطة!

"هزت راسها بموافقة" ... بس عايزة ادخل الحمام

"شاور لـ جيجي" ... روحي معاها التواليت ومتتأخروش 

جيجي ... تحت أمرك يا مارد .. اتفضلي يا هانم 

«قامت معاها ودخلوا الحمام»

«عدة وقت ومارد بيبص ف ساعته وفجأة جيجي جات عنده بذعر»

... الحق يا مارد باشا ، مدام كنزي هربت

"زق الكرسي لورا بغضب وهو بيقوم" ... انتي بتقولي ايه ، هربت ازاي!

... كنت مستنياها تخرج من الحمام ولما اتأخرت دخلت أشوفها ملقتهاش

"بص للفراغ بتوعد" ... وحياتها عندي لدفنها حية ... الله يخربيت شورتك يا جاسم الكلب ...........

#البارت_السادس_عشرررر 😂😂😂💜

... أيوووة جاية ... 

«سعاد كانت ف المطبخ وسمعت صوت خبط جامد ع الباب»

"تمتمت لنفسها" ... يا ترى مين اللي بيخبط كدة!

«طفت البوتجاز وسألت مين قبل ما تفتح» 

... مين اللي برة!!

... أنا يمااا كنزي افتحي بسرعة 

بفرحة ... كنزي 

"فتحت لها الباب وخدتها ف حضنها" ... يا حبيبتي يا روحي ، عاملة ايه وجيتي ازاي 

"بتتنفس بسرعة وبتنهج بتعب" ... استني بس آخد نفسي

...  انتي جاية مشي ولا إيه!

... لا جاية هربانة

"ضربت صدرها بصدمة" ... يا نصيبتي!. يعني جوزك ميعرفش انك جاية؟

... روحي هاتيلي بوق عصير ولا ساندويتش مربى أبل ريقي الأول وبعدين احكيلك 

"بزمجرة" ... هو انتي يا بت طفسة! مبتفكريش غير ف كرشك!

... آه ، وبلا بقا روحي هاتي

________

«بيمشي بسرعة من المكان وهو مضايق»

"بعصبية" ... ازاي تضحك عليكي يا جيجي وتهرب منك 

... يا باشا دي زي الزيبق اختفت ف غمضة عين معرفش ازاي 

"ركب العربية ووراه الحراس" 

... اطلع بسرعة ع بيت صلاح زهران

_______

... مفيش أحلى من اللقمة الحلال والله

«قالت كلامها بعد ما خلصت شرب العصير»

... خلاص مليتي بطنك! انطقي قولي هربتي ليه وازاي 

«لسة هتتكلم الباب اتفتح ودخل صلاح وانتبه لوجودها»

... كنزي! ازيك يا حبيبتي 

"جريت عليه وتابعت بعياط" ... أباااا 

... مالك يا بنتي ، بتعيطي ليه

"سعاد وقفت'' ... الهانم جاية هربانة من جوزها

صلاح ... ايه! عملتي كدة ليه يا كنزي

سعاد ... وازاي أصلاً عرفت تهرب من كل الحرس بتوعه

"خدت ساندويتش وبتمضغ لقمة"

... مهو خدني مطعم وعملت نفسي عايزة ادخل الحمام ، وانا كنت جايبة الإسدال ف الشنطة، نطيت للحمام التاني وروحت ايه بقا لبسته وغطيت وشي بطرحة، عشان چيچي متاخدش بالها، وبس خرجت قدامها ومعرفتنيش وركبت تاكس وجيت ع هنا

"سعاد لطمت" ... يا لهوي يعني هو كان معاكي! دة أكيد زمانه دلوقتي قرب يوصل هنا ، وليلتنا كلنا هنقضيها تحت التراب بسببك

"بابتسامة بلهاء" ... أه

"بزمجرة" ... وانتي فرحانة يا بنت الهبلة! 

"صلاح بنفاذ صبر" ... وهي اللي عايزة تهرب تيجي عند بيت أبوها أصلاً 

... مهو انا كنت هروح عند ديما، بس مكانش معايا غير 20 جنيه يدوب وصلتني البيت هنا 

"سعاد بغيظ" ... انتي عايزة تجننيني! هو هيغلب ويعرف مكان ديما يعني!

"بزمجرة" ... يوووه بقا، انتوا عايزين ايه دلوقتي

صلاح ... يلا خليني أوصلك ع القصر قبل ما ييجي ويشوفك، وابقي اتحججي بأي حاجة لما يسألك

... لا معلش أنا مش هرجع تاني، دة سلب مني أعز ما أملك

"الاتنين بصوت واحد" ... إيه!!!!

... قطعلي بيجامة سبونج بوب يا ماماااا عاااا

"صلاح بيشاور لها تسرع" ... يلا يا كنزي، مش وقته 

سعاد ... استنى طيب اسلم عليها... 

"حضنتها" ... خدي بالك من نفسك يا روحي 

... حاضر، سلام

"سعاد اتنهدت بعد ما نزلوا" ... جيب العواقب سليمة يا رب 

_____

«نزل صلاح بيها ولسة يدوب طالع ع الشارع الرئيسي عشان يركبوا تاكس ، فجأة عربيات المارد حاوطوهم من كل اتجاه»

"نزل هو باندفاع ووشه عليه علامات الغضب وشكله لا يبشر بالخير، والاتنين بلعوا ريقهم بخوف"

بغضب ... عاوز تهربها يا صلاح 

"صلاح بارتباك" ... والله يابني كنت جاي ارجعهالك

صرخ بتذمر ... ترجعها ولا تبعدها عني! 

... انت عبيط يابني ، ما قالك هيرجعني! ايه جو الأفلام الهندي الر.خيصة اللي عامله دة 

"صلاح حس برجله مش شايلاه من لسان بنته، ومارد وسع عينه بغضب منها"

"صلاح بتمتمة" ... الله يخربيتك اخرسي خالص، انتي ناوية ع موتي النهاردة شكلك 

"قرب منها وقال بصوت مميت وهو بيجز ع أسنانه"

... هتشوفي جو الأفلام الر.خيصة دلوقتي، لما انتي وأبوكي تتعلقوا من قفاكم 

... ولااااا انا مبتهددتش ، دة انت بوق ع الفاضي ، بتقول هعمل واسوي وف الآخر بتقلب قطة

"كانت بتتكلم بسخرية وهي بتعوج بوقها، ومارد زم شفايفه بغضب ونفسه لو يقـ ـطع لسانها من لغلوغه عشان تبطل اسلوبها دة"

صرخ بغضب ... خدوهم ع العربية ، وانتي يا چيچي اطلعي هاتي الولية أمها من فوق***

________

«التلاتة مربوطين وهم ف الأرض ورجلهم ممدودة ع كرسي صغير»

"سعاد تمتمت بعياط" ... منك لله يا مصيبة، هيجـ ـلدنا بسببك دلوقتي 

صلاح ... ربنا يهدك زي ما هدّانا معاكي يا شيخة

"بزمجرة" ... اللاه وانا مالي يا لمبي 

"جه عليهم ووقف قصادهم وهو ماسك الكرباج"

"سعاد بملامح باكية" ... مارد باشا يابني والله عمك كان ناوي يرجعها لك مش يهربها زي منت فاكر 

... ششش مش عايز اسمع كلمة

"مارد بص ع كنزي اللي بتمثل انها مش مهتمة بنظراته ، وبعدين شاور لحد من الشغالين"

... اقلعيلها الشوز

"البنت قعدت ع ركبتها تنفذ الأمر"

... جزمة ايه اللي تقلعها ، اوعي يا بت .. وربنا اديكي ف وشك 

"بعد ما قلعتها شاورلها تمشي وهو قرب من كنزي"

... عايزك بقا تبقي Strong زي لسانك 

«رفع الكر*باج ونزل ع رجلها بيه»

"صرخت بأعلى صوتها بوجع" ... عاااااا يابن النمرة ، يا رب روزي تموت وتبقى يتيم بكرهك عاااااا

"سعاد وصلاح كمان فضلوا يصرخوا"

"بصراخ" ... انتوا بتصوتوا ليه، دة بيضربني أنا ااااااه

"فضلت تفرك رجلها الاتنين المربوطين ف بعض من لسعة الألم، واللي ف القصر كلهم خرجوا ع صوتها"

... مش أنا بقلب قطة، اشربي بقا 

"صرخت بعياط" ... انا اللي قطة وبنت ستين قط كمان

صلاح ... يابني منا قولتلك ان عندها صرع، متاخدش عليها 

"بتذمر" ... انا صبرت عليكي كتير، وخلاص صبري نفد استحملي اللي يجرالك بقا 

"نزل عليها بضر*بة تانية ع باطن رجلها وصرخت صرخة قوية"

... إلهي يجلد*وك مع الكفا*ر يابن النمرة 

"كمال مسك الكر*باج منه" ... خلاص يا مارد البنت هتمو*ت ف إيدك 

"بزعيق" ... اوعى يا كمال باشا، دي لازم تتربى 

بعياط ... أهو انت اللي مش متربي، يا بتاع بنت الزنخ يا معفن 

"صلاح مش مصدقها" ... بت انتي احنا منعرفكيش، احنا لاقيناكي ع باب كباريه .. فوكنا يا مارد باشا واعمل اللي عايزه فيها

... بتبعني يابا عشان الجلا,د دة 

«رمى الكر*باج ف الأرض بغضب وخرج برة القصر كله من غير أي حراسة بعد ما شاور لهم يفضلوا»

______

"جاسم ف المطبخ بيحضر شمبانيا وخارج للصالون ، الباب رن وفرك ايده بحماس"

... أيوة بقا، شكل الليلة هتحلو 

"راح يفتح ويدوب بيبتسم وهيرحب باللي مستنيه ولقى لكـ ـمة قوية ف وشه"

"مسك فكه بألم" ... أه ... مارد! ف ايه!

"جز أسنانه بحنق" ... بقا تقوللي جبلها شكولاته وخرجها وهي هتلين معاك

... اهدى بس وفهمني حصل ايه!

بزعيق ... هربت مني يا متخلف، خرجتها عشان أصالحها وهربت

... هربت راحت فين، وليه أصلاً

... راحت عند أمها وأبوها

... مش يمكن وحشوها! 

"صرخ بتذمر" ... وهو انا مانعها منهم يا غبي

... مهي محبوسة فأكيد انتهزتها فرصة وإلا أصلاً لو ناوية تهرب مكانتش راحت عند أهلها من الأساس!.

"نفخ بضيق وتشتت" ... انا زهقت ومليت 

"وقف فجأة وقال بحسم" ... أنا هطلقها

_______

... ااااه يا رجليا يماا

"قاعدة ع طرف السرير ومنزله رجلها ف طشت مية ساقعه"

... منك لله يابن نرجس ، إلاهي ربنا يبتليك بنصيبه تاخد أجلك 

"دخلت سعاد عندها" ... ايه اللي عاملاه دة! 

... بدلك رجلي ف مية عشان تخف من النار اللي فيها

... انتي هتستعبطي يا بت، هو دة ضرب أصلاً!! محنا كلنا خدنا بالنا أنه يدوب بيخبطها بالراحة

بعياط ... والله الضربة التانية كانت صعبة أوي 

... طب قومي يلا البسي حاجة عدلة وأما يرجع صالحيه

"وقفت باندفاع" ... دة لما يشوف صرصور ودنه***

_________

"بالليل دخل مارد الأوضة عند كنزي اللي كانت قاعدة تقريباً مستنياه، ومحاولش حتى يبص عليها يدوب دخل يغير هدومه ورزع الباب وراه بعد ما خرج"

... الاااه، الجدع دة غريب أوي .. يبقى هو اللي جا.لدني وهو برضو اللي يزعل!!!.

______

«الصبح نزلت كنزي وخرجت تتمشى ف الجنينة وشافت جاسم مع مارد ف التراس بيتكلموا»

جاسم ... الما*فيا الدولية كلمت حد من معارفنا ف مصر عشان يتطقسوا ع السلا*ح الجديد ومعظم الإر*ها*بيين عندهم خبر بيه حتى المخا*برات

... طبعاً المعلومات دي وصلتلهم عن طريق راشد مش كدة!

... راشد مسرب معلومات كتير للما*فيا، وأنا متأكد انك متراقب عشان كدة لازم تاخد بالك من تحركاتك كويس 

... اسمع يا جاسم عايزك تعلن ان مفيش حد هيستلم أي حتة غير البلد اللي انا عاوزها والكلام دة يوصل للما*فيا عشان يعرفوا مش المارد اللي بيخاف أو بيتهدد 

"هي واقفة بعيد مذبهلة وتمتمت بصدمة"

... كمان طلع إر**هابي! ... يا لاااااااهووووووي.........

#البارت_السااااابع_عشرررر 😂😂😂😂💔

... انتي بتعملي ايه عندك!!!

«انتبهت ع صوته الغليظ لما سمعها بتصرخ»

"بلعت ريقها من أسلوبه الجامد" ... لا أنـ.. أنا كنت معدية وعينيها ف عنيا متسلمش عليا وكدة 

... انتي بتقولي ايه؟

"بزمجرة" ... بصراحة كدة انا سمعتك وانت بتتفق مع شيخ المنصر اللي جنبك دة ع عملية سطو مثلث برمودا

بضيق ... طب ممكن حضرتك تتفضلي تدخلي جوة ومتخرجيش لغاية ما أخلص شغلي!

... شغل ايه ياض يا ارهابي ، وربنا أبلغ عنكم يا مجرمين ولاد النمور يا آكلين لحوم البشر

جاسم ... الحق يا عم دي هتلبسنا قضية قومية 

كنزي ... اخرس انت خالص بوشك اللي شبه سد الحنك دة

"بيلمس وشه بدهشة وعقد وشه ببكاء" ... وشي! 

"مارد زم شفايفة بغضب ومسك دراعها"

... انتي مش عاوزة تتهدي أبداً! غوري ع أوضتك

"تمتمت بحنق وهي ماشية" ... غورة تاخدك انت وأبو فصادة اللي جنبك 

"جاسم باصص للفراغ بملامح متأثرة" ... هي حصلت أبو فصادة!

بضيق ... خلاص يا زفت انت التاني

«جاسم قعد جنبه وبصله بترقب»

... بالله عليك يا شيخ! انت ازاي قادر تستحمل كل دة!

"اتنهد بقوة" ... عشان تعرف اني عايش ف جحيم

"تمتم بهدوء" ... يا رب صاحبتها متبقاش زيها كدة ، دة انا غلبان وماليش فيها وبغرق ف شبر مية

"مارد رفع حواجبه باستنكار وسخرية"

________

"بتلف حوالين نفسها بغيظ وتذمر منه"

... أه يا ناري من بجاحتك، بقا عايز تقلب البلد وتنشر فيها الفساد ومش خايف من الحكومة 

«دخل المارد وشافها وهي وقفت وبصتله بغضب»

"بتهكم" ... أهلاً بالمعلم بالكوماندا الكبير

... بصي أنا مش عايز اتكلم ولا حتى عايز اسمع صوتك، لأنك كل ما بتتكلمي بتجبيلي صداع، وأنا لما بصدع مش ببقى فايق، وممكن اطربق الأوضة دي ع دماغك لو مسكتيش 

... طبعاً مش عايز تسمعني، عشان عارف اني مش موافقة ع اللي انت بتعمله.. بقولك ايه يالا انا مش عايزة اعيش معاك وأغرق ف الحرام، طلقني 

... حاضر هطلقك

"بصتله بصدمه من رده المفاجئ اللي هي متوقعتهوش"

"تابع كلامه" ... بس مش عشان انتي طلبتي كدة، لا عشان بجد انا قرفت منك وتعبت .. خرجتيني عن شعوري كذا مرة واستحملتك وحاولت امتص غضبي عشان مأذيكيش، وبرضو مفيش فايدة فيكي .. ف على ايه بقا كل واحد فينا يرجع لحياته الطبيعية عشان يرتاح 

"تابعت بصدمة ممزوجة بزعل" ... انت بجد هتطلقني!!

"رفع كتفه وقال بهدوء"  ... أه .. أصل يعني احنا الاتنين مش شبه بعض، وكمان مش متافهمين ودايماً ف خناق .. وكمان انتي طلبتي الطلاق كذا مرة، وانا هلبيلك رغبتك دي 

"ربعت أيدها وتابعت بتهكم" ... ومين بقا اللي شبهك ست ماسة هانم بنت الزنخ باشا

... ملكيش دعوة بقا، انتي اللي يهمك اني هنفذلك اللي عايزاه ، أما حياتي دي تخصني أنا وبس

"زمت شفايفها بحنق وبصتله بغل" ... أحسن، وع فكرة أنا مبسوطة أوي انك هتطلقني .. وخلي المعصعصة اللي شبهك تنفعك

«سابته وخرجت بضيق، وهو اشاح بوشه من غير اهتمام»

________

«ف الصباح نزلت كنزي تحت وهي مشتتة وبتفكر ف كلام مارد اللي متعرفش سببلها وجع ليه .. جات عليها ميان وهي بتناديها»

ميان ... كنزي كنزي .. تعالي بسرعة

... ف ايه؟

... تعالي وهقولك

«شدتها من ايدها وخدتها لمكان ما ف القصر»

... انتي جايباني فين 

... دة يا ستي مكان زي صالون التجميل ، هنعمل انا وانتي ماسكات وحاجات كدة عشان بشرتنا تبقى نقية وحلوة لحفلة عيد ميلاد أركان

"بملل" ... بقولك ايه انا مش فايقالك

... يا ستي اقعدي، اعملي تغيير ف حياتك بدل الملل دة 

... لا شكراً مش عاوزة

"وكانت سايباها وماشية وراحت مسكت أيدها وقعدتها ع الكرسي بالعافية" 

... انتي مش عاوزة أبيه يعجب بيكي ويحبك أكتر ولا ايه! 

... هو انتي معرفتيش انه هيطلقني!.

"لسة هترد وجات نرجس وقعدت ع كرسي جنبهم وقالت"

... طب وفيها ايه لما تهتمي بمظهرك حتى لو هتتطلقي! شوفتي ماسة بتلبس ايه وبتدلع ازاي! اعملي زيها

"اتنهدت كنزي بضيق ومالت لورا ع ضهر الكرسي"

... انا مبحبش أقلد حد، وحابة نفسي كدة مش عايزة أتغير، وابنك الرمة دة خليه يشبع بيها ويتجوزها هم الاتنين زبالة زي بعض 

"نرجس وميان بصوا لبعض وهزوا راسهم بقلة حيلة"

«نرجس حبت تثير وتولع نارها»

"بخبث" ... عندك حق، أكيد هو هيحب يرتبط بواحدة ف مستواه المهني والفكري، واعتقد ماسة بجمالها كفاية إنها تنسيه اسمك 

"بزمجرة" ... مين دي يا ولية اللي تتنسي قصدي يا حاجة

ميان ... خلاص يبقى لازم تندميه ع انه عايز يسيبك

نرجس ... يلا يا تارا ، عايزاكي تطلعيها ملكة 

... استني بس يا حاجة الحاجات دي بتجبلي حساسية

نرجس ... ششش سيبي نفسك خالص 

«بدأت تحطلها الماسكات ع وشها وكريمات الترطيب وكل اللازم لنضارة البشرة»

__________

«بالليل ف الحفلة، الناس كلها متجمعة من الأهل والأصدقاء، والأجواء كلها جميلة بالمزيكا الهادية ...

طبعاً أول المعازيم كانوا ماسة وأبوها وكمان صلاح ومراته وجات معاهم ديما»

"ديما بانبهار" ... يا نهار جمال وحلاوة يا ولاد، كل دي زينة وبني آدمين .. هي الناس دي عايشة معانا ع الكوكب!.

سعاد بدهشة ... أحيييه يا أركان، شايفين ماسك البت ازاي وبيرقّصها

"أركان خد باله منهم وهمس للبنت وراحلهم"

أركان ... Hi Uncle and Aunt

"سعاد بمرح" ... هاي بوبي 

"أركان ضحك بقوة" ... واقفين كدة ليه! تعالو

____

«خرج المارد من جوة القصر ، وهو آخر شياكة ولابس البدلة السودا الفخمة اللي متفصلة عليه، الكل انتبه لوجوده وخصوصاً صحاب أركان اللي كانوا حابين يتعرفوا عليه»

"سعاد بتوتر" ... أمال فين كنزي يا مارد باشا

باختصار ... فوق 

"ديما بهمس" ... يلا نطلعلها أحسن يكون قتلها ولا حاجة!.

"سعاد بارتباك" ... ممكن أطلعلها لو معندكش مانع

... لا معنديش اتفضلي

"والاتنين جريوا بسرعة ودخلوا القصر وهم رايحين ناحية السلم خبطوا ف واحدة"

بألم ... أه 

ديما ... لا مؤاخذه يا أوختشي 

"لسة يدوب هيخطوا أول سلمة سمعوا صوتها"

... انتوا رايحين فين ؟؟

"سعاد اتلفتت يمين وشمال بتدور ع صوت كنزي ومش لاقياه"

... انتي بتدوري ع ايه انا هنا يماتي

سعاد ببلاهة ... مش دة صوت كنزي!

ديما ... أيوة هو ، بس جاي منين 

"بزمجرة" ... منين ايه يا غبية منا قدامك أهو، هو انا لابسة طاقية الإخفا 

«سعاد بصت ع البنت اللي خبطتها من فوق لتحت وهي بتقلب عينيها باستنكار»

"سعاد بتشاور لها" ... صوت كنزي خارج من الجتة دي 

ديما ... أه 

اتقدمت عليها باندفاع ... كنزي!

... أيوة يما

«سعاد زمت شفايفها ومسكت دراعها وهزتها بقوة»

"صرخت بتأثر" ... انتي كلتي بنتي! انطقي بلعتيها ليه حرام عليكي، يا حبيبتي يا غاليه، بلعوكي الكلاب دول 

"حضنتها وفضلت تبكي وكنزي بعدتها شوية"

... يا ماما كلوني ايه بس منا قدامك أهو!

شهقت بصدمة ... بسم الله الرحمن الرحيم ، كنزي انتي اتحولتي ولا ايه!

ديما ... انتي كنزي بجد!

... يوووه يا جماعة هو انا اتغيرت للدرجة دي!

سعاد ... انتي مبصتيش ف المراية ولا ايه!!

... يعني حلوة ولا وحشة!

سعاد ... يخربيت جمال أمك 

 ديما ... إش إش ع الطعامة، عملتي عملية تجميل ولا ايه!

... لأ، دي واحدة تبع الحاجة نرجس وميان هي اللي ظبطتني ، بس انا مش مرتاحة هروح أغير!

... خدي هنا تغيري ليه ، انتي بقيتي بنت دلوقتي 

"بزمجرة" ... ليه يما هو انا كنت راجل!

سعاد بابتسامة عريضة" ... أه كان ناقصلك شنب ودقن وتبقي شبه بابا نويل هههه

"عقدت حواجبها بضيق" ... اوف بقا 

"ديما مسكت ايدها وخارجين" ... تعالي دة انتي هتاكلي الجو النهاردة 

______

... اتأخرت ليه يا جاسم!.

... منا قولت آجي بقا لما الموزز يوصلوا

«مارد ضحك، وحرك راسه بتلقائية وشاف كنزي وهي خارجة وشكلها يهوس ، لابسة فستان ازرق بسيط مقفول من فوق وطويل من تحت ورافعة شعرها كعكة جميلة وملامح وشها ظهرت لما حطت شوية ميكب خفيف»

"راح لها وع وشه علامات الضيق"

... ايه اللي عاملاه ف نفسك دة؟

... عاملة ايه!

... المسخرة اللي حطاها ف وشك دي 

"شوحت بإيدها" ... مسخرة ايه يا عنيا! هو انت شايفني ماشية بتقصع ولا لابسة فستان فوق الركبة 

"تقصد ع ماسة اللي كانت لابسة شبه عريان"

بحنق ... بقولك ايه! انا مبحبش كدة

بزمجرة ... ان شالله عنك ما حبيت، أنا ألبس اللي عوزاه مش انت خلاص هتطلقني يبقى ملكش حكم عليا 

"قالت كلامها بلواعة وسابته واقف متغاظ من أسلوبها"

_____

«واقف وسط صحاب أركان اللي منبهرين بشخصيته خصوصاً البنات»

بنت منهم بحسرة ... تعرف أننا زعلنا لما عرفنا انك اتجوزت يا خسارة!.

... ملحوقة، أصل انا قريب هرجع سنجل!

"قالها بصوت عالي وقاصدها عشان يغيظ كنزي اللي واقفة مضيقة عينيها بتذمر وحنق"

نفس البنت ... يا ريت .. تعرف أننا عاملين جروب ع الفيس بوك مسمينه "عشاق المارد"

... هممم للدرجة دي !!

بنت تانية ... طبعاً، انت بقيت أشهر من نجوم هوليوود 

__

سعاد بهمس ... جرا ايه يا بت هو انتي هتفضلي واقفة تاكلي ف نفسك كدة لغاية ما تلاقيه مشقوط منك 

بضيق ... يعني عايزاني اعمل ايه يا ماما 

... اتلحلحي كدة وخشي قوليله "ابغي تفسدلي حمرة شفايفي يا زوجي العزيز"

"بصت لها بصدمة" ... ايه دة! لا طبعاً 

... وحياة أمك ليخطفوه منك 

__

جاسم ... بقولك ايه يا ديما، انتي مرتبطة!

... نعم!!

... نعم الله عليكي .. مش نفسك تتجوزي؟

... لأ

... لأ تلؤك 

بزمجرة ... نعم!!!

بيغني ... نعم يا حبيبي نعم أنا بين شفايفك نغم أيامي قبلك ندم وأيامي بعدك عدم ، نعم يااااا حبييييييبي

"ضحكت" ... انت مجنون ولا ايه! 

... اضحكي خليني أضحك، ضحكتك بترد روحي 

"سكت فجأة وحط صوابعه ما بين عينه بتأثر"

... مالك!

بتأثر ... أصل الأغنية دي المرحومة كانت بتغنيهالي

... أمك ولا مين!

... لأ اللي كنت مرتبط بيها، ماتت ف حادثة موتوسيكل

... يا حرااام

... تعرفي ان فيكي شبه منها أوي! 

... ياااا راااجل!

... نفس المناخير ، نفس الشعر نفس الخدود ، حتى الحزن اللي باين ف عيونك الخضرا كانت نفس عيونها

... لا دة مش حزن 

... امال دة ايه!

... دة حول يا ضنايا

 ... يا ساتر يا رب 

"سابها ومشي وهي ضحكت"

______

ماسة بدلع ... ممكن تيجي ترقص معايا شوية يا مارد

"بص ع كنزي اللي عاملة نفسها مش مهتمة وقال"

... طبعاً يا ماسة، أصلاً كنت هقولك 

"ابتسمت ماسة بفرحة وراحوا الاتنين عشان يرقصوا ، وقفوا قصاد بعض ومارد رمق كنزي بنظرة لعوب ورجع بص لماسه اللي كانت لسة هتحط أيدها ع كتفه ...

لكن فجأة لقيت شبشب طاير ع وشها جاي من مسافة بعيدة حست دماغها لفت بعده ........

#البارت_الثااااامن_عشررررر 😂😂😂💔

بصراخ ... اااااه ، وشي راح 

«وقعت ع الأرض وحطت ايدها ع وشها، وصرخت بعياط»

"مارد بيبص ع كنزي اللي واقفة ف عينيها الغضب وبتتنفس بسرعة"

«جه أركان عشان ينادي المعازيم لتقطيع التورتة»

... يلا يا جماعة الساعة قربت تيجي 12، تعالو 

"ماسة بتمد ايدها" ... ساعدني يا مارد بليز 

"زمت شفايفها بغيظ أكتر وراحت ناحية التورتة"

أركان ... هتعملي ايه يا مجنونة

"خدت قالب الكيكة من ع الطرابيزة ورفعتها ع ايدها ورمتها ع ماسة اللي فوراً اتغرفت بيها"

... عاااااا ، يا متخلفة 

«الناس بصولها بصدمة وضحكوا عليها، حتى مارد مقدرش يمسك نفسه وانفجر ف الضحك»

"وفجأة قامت وهي بتزأر بغضب وراحت هي كمان خدت الجاتوه ورمته عليها بس نزلت لتحت ومجاتش فيها"

"ديما انفجرت ف الضحك ع شكل جاسم اللي اتغوط بالكيك"

... يا عيني ع الحلو لما تبهدله الكيكة 

"جاسم بزمجرة" ... طب وربنا لخليها مجزرة تورت النهاردة 

«جري بسرعة وفضل يرمي ع كل الناس الكيك والحلويات .. والناس بتصرخ، ف منهم اللي بينشن عليه واللي بيجري منه .. وبعدين بقوا كلهم يرموا ع بعض»

سعاد ... يا لهوي يا لهوي هي دي حفلة عيدي ميلاد ولا حرب الكيك

"صلاح وسعاد قاعدين ع الأرض وشايفين الكيك بيطير قدامهم"

... كله بيعجن ف كله يا سعاد، خلينا قاعدين متداريين هنا 

"ولسة مكملش الكلمة ولقى أركان طاير عليهم"

أركان ... انتوا بتعملوا ايه، قومي يا ست انتي والحاج من هنا المكان مش آمن

«الاتنين جريوا ع ركبهم وبعدوا» 

_____

"كنزي لقت البنتين اللي اتغزلوا ف مارد"

بسخرية ... بقا يا خسارة انه اتجوز ها!! وانتي مبسوطة أنه هيبقى سنجل، طب خدوا

"كانت ماسكة قالبين كيك وراحت لصقتها ف وشهم"

... جاتكم الأرف بنات واقعة 

"شافت ماسة جاية عليها وماسكة الجاتوه وهترميه عليه، بس سابقتها هي ومسكت أيدها"

... بقا انتي يا بت الزنخ عاوزة تشقطي الواد يا بايرة، وحياة أمك بقا منا مناولاها لك 

... هو أصلاً غلط لما فكر يتجوز واحدة جربوعة زيك، واحد جنتل زيه لازم اللي يرتبط بيها تبقى ف مستواه وجماله حد زيي كدة

"سابت ايدها ومسكت راسها" ... يا حلاوتك يا بت، جمالك دة ولا جمال عبد الناصر

"وأدتها روسية ف دماغها دوختها ...

«الكل انتبه ع صوت ضرب نار كان خارج من مسدس المارد، وكانت رجالته محاوطة المكان كله بالرشاشات عشان يوقفوا المهزلة اللي حصلت، الناس بدأت تسكت وتقف مكانها»

________

بتذمر ... أعمل فيكي ايه دلوقتي أنا! عاجبك اللي عملتيه

شوحت بإيدها ... يا عم انا مالي، دة صاحبك هو اللي خربها

... لولاكي انتي مكانش كل دة حصل، شايفة مناظركم المقرفة دي! مبسوطة انتي كدة

"معظمهم شكله متبدهل ووشوشهم عليها أثر الكيك"

أركان بصوت باكي ... منكم لله بوظتوا الحفلة اللي بستناها كل سنة

كنزي بلا مبالاة ... يا عم اتنيل عازم لنا بنات من جامعة الدول وتقوللي بوظتوا الحفلة

جاسم ... تعيش وتاكل غيرها .. لا بلاش أكل انا معدتي اتهرت من الجاتوه بصراحة

ديما بسخرية ... لا وانت الشهادة لله معتقدتش 

... منتي لو كنتي جيتي معايا سكة وخلتيني أشقطك مكانش حصل اللي حصل 

"ماسة كانت قاعدة ع الكرسي وقامت بضيق"

... ع فكرة يا مارد انت لازم تاخد موقف جامد مع الأستاذة لأني اتبهدلت أوي 

... والنبي يا زفرة لو محطتيش لسانك جوة بوقك لكون ملسنة الفردة التانية ع دماغك 

بحدة ... خلاص، اطلعي أوضتك يلا

"مشيت كنزي، بس قبل ما تطلع السلم رمقت ماسة بنظرة توعد"

________

جاسم ... برغم اللي حصل ف الحفلة إلا اني كنت مبسوط 

"سايق عربيته ورايح يوصل أهل كنزي وجنبه ديما"

سعاد ... وايه اللي باسطك يا عين أمك انت كمان 

"جاسم حمحم بإحراج" ... يعني اني اتعرفت عليكم طبعاً يا طنط

"غمز لـ ديما وهو بيبتسم بمداعبة" 

ديما ... والله انا ما خايفة غير من اللي اسمها ماسة دي، واضح انها حاطة عينها ع المارد

سعاد ... عندك حق يا بت يا ديما، شوفتي ازاي كانت بتتقصع قدامه

"ضحكت" ... بس كنزي ايه علمت عليها بشبشبها

"جاسم رفع حواجبه بدهشة" ... شبشب!! دة انتي لقطة

"كشرت ف وشه وبعدين بصت قدامها"

________

... مبيفكش جسمي غير الدش اللي باخده قبل ما انام 

"كانت طالعة من الحمام ولقته ف وشها"

... يماا، واقف كدة ليه!

... ايه اللي خلاكي تحطي ميكب ف وشك وتخرجي بيه بالشكل دة؟

"حركت شعرها من غير اهتمام وراحت ناحية السرير"

... وانت دخلك ايه 

"مسك دراعها ولفها عليه بتذمر وتابع بحدة" ... أنا جوزك

"ربعت ايدها" ... ولما انت جوزي! سايب شوية الجرابيع دول يتمرقعوا عليك ليه!! ولا الست ماسة اللي عايزة تحضنك وترقص معاك 

"بخبث" ... وانتي متغاظة منهم ليه بقا!

"بحنق" ... انا مش متغاظة، بس المفروض تحافظ ع كرامتي لغاية ما نطلق وإلا بقا انا كمان هعمل اللي عايزاه 

"فجأة مسكها من شعرها وصرخت بعدها"

... اااااه، ايدك يا حيوان

"مسك وشها بإيده التانية وقرب منه واتكلم بغضب مكتوم"

... اقسم لك لو قولتي الكلام دة تاني لهتشوفي مني وشي الحقيقي اللي لغاية دلوقتي انتي متعرفيهوش .. انتي مراتي وكل حاجة فيكي تخصني وتعملي اللي انا عاوزه وبس

«هزت راسها بخوف لأن كان باين عليه المرة دي مش بيهزر»

"سابها" ... انا هعديهالك المرة دي بمزاجي... 

"وبصلها من فوق لتحت بإعجاب" ... حلوة أوي البيجامة اللي لابساها دي 

"ادته جنبها وهي بتتنهد بتأفف وهو دخل الحمام بعدها"

__________

"صحيت كنزي متأخر ونزلت تحت، وخرجت الجنينة وشافت مارد قاعد ف التراس وماسك اللاب"

... صباح الخير!.

"بص ف ساعته" ... قصدك مساء!. الساعة 3 العصر دلوقتي 

... هو انت صحيت امتى!

... صحيت متأخر برضو، الساعة 8 

بدهشة ... وهو كدة متأخر!!

... شوية 

"شافت الشبل بيجري" ... كنز تعالى 

"خدته ع رجلها وداعبت فروته" ... برافو عليك بقيت شطورة خالص

... ع فكرة أنا مضطر أسافر اسبانيا الأسبوع الجاي!.

... وأنا مالي

... تمام جهزي نفسك بقا، عشان هتسافري معايا

... نعم يا روح خالتك! انا مش مسافرة أي حتة

ضحك بسخرية ... انا مش باخد رأيك، انتي تنفذي اللي بقوله وخلاص

"بزمجرة" ... خلصت روحك، هو انت اشتريتني وهتمشيني ع مزاجك!

"قام بتذمر" ... أنا حر

"وقفت هي الأخرى" ... لا مش حر، انت قولت هنتطلق، يبقى خليك راجل ونفذ الاتفاق 

"وسع عينه بغضب وصوت نفسه بدأ يعلى، وهي رجعت لورا بخوف"

... انتي طـا...

«قاطعته بشهقه صادمة وبصتله وع وشها علامات الذهول، وجريت بسرعة بزعل وانكسار انه قدر ينطقها»

"عقد حواجبه بغرابة من تصرفها" 

______

«دخلت القصر وقعدت ع كرسي وهي مضايقة منه وبتعيط، مسحت دموعها وحست بريقها ناشف وقامت عشان تشرب»

"شافت قزازة طويلة ع الطرابيزة" ... ايه دة! عنّاب دة ولا شربات 

"فتحتها وبتصب ف الكباية وكان سائل لونه أحمر" ... عطشانة أوي

"بدأت تشرب بسرعة، وكان طعم المشروب مر ولازع"

... يعععع ايه القرف دة!! جاتكم البلا بتسيبوا العصير يحمض 

"سابت الكباية ومشيت وفجأة حست بدوخه غريبة ومسكت دماغها وكانت هتقع بس جه هو ولحقها"

بقلق ... مالك! 

... حاسة راسي تقيلة أوي 

... سلامتك 

"كان ماسك وسطها بلطف وهي رفعت عيونها فيه وبدأت تعيط"

... بتعيطي ليه!

بتكشيرة ... عشان كنت هتطلقني 

... لا محصلش 

"جالها زغوطة" ... لا قولتلي انتي طـا.. ولو كنت فضلت كنت هتقولها!

... انا كان قصدي انتي طـا.. لعة كدة لمين 

بعياط ... يعني قصدك اني وحشة!

... لالا طبعاً بس لسانك طويل أوي

"صرخت بعياط وبعدت عنه وهي بتتطوح" ... أنا مخصماك ومش عايزة أكلمك طول عمري عاااا

"قرب منها مرة تانية" ... اهدي خلاص، انا مش قصدي 

... لا ابعد عني، ولا اقولك تعالى قرب 

"مسكها من وسطها وهي حطت ايدها ع كتفه ودي كانت أول مرة تلمسه برغبتها ودة خلاه مبسوط"

بهمس ... كنزي! 

"بصت ف عيونه وبتلمس وشه بإيدها" ... انت حلو أوي يا أمان، صحيح كنت عايز تتجوز واحدة ف مستواك وف حلاوتك

"عقد حواجبه بضيق" ... انتي مين اللي قالك كدة!!

"بملامح باكية" ... ماسة، هي اللي قالتلي كان لازم تتجوزها هي مش واحدة جربوعة زيي انا جربوعة يا مانو

"زم شفايفه بتذمر وتمتم بحنق" ... ازاي تستجري تقولك كدة 

... معرفش أكيد انت خدتها ع مصنع الكراسي قبل كدة

"ضحك" ... لا 

... اديني قَطّة

... مش فاهم 

"مطت شفايفها" ... امواااه 

"ابتسم وضمها أكتر وقرب من شفايفها بس شم ريحة غريبة"

... ايه الريحة دي! انتي شاربة ايه!!

... عنّاب

«بعدها عنه بالراحة وراح ناحية القزازة اللي لما شافها نفخ بضيق»

... قولي كدة بقا، وانا أقول متغيرة معايا ليه!

"نادي بصوت عالي" ... مدام عنايات 

"بلهجة ساكرة وضيق" ... بتنادي ع الحربوءة دي ليه أوف

"جاته من المطبخ" ... تحت أمرك يا باشا

"وهو بيشاور لها" ... ايه اللي جاب قزازة الـ (Wine) "نبيذ" دي هنا!

... الظاهر ان الشغالين نسيوها من ربكة امبارح، آسفة سيادتك

بضيق ... طب شيليها من هنا، وخدي بالك من شغلك

"هزت راسها بهدوء، وتابعت كنزي وهي بتحط راسها ع كتفه"

... مش يلا بقا!

"مشي معاها وهيطلعوا السلم" 

... شيلني يا مانو

"شالها ع دراعه وطلع بيها الأوضة وحطها ع السرير"

... رايح فين!!

"عقد حواجبه بضيق" ... ارتاحي انتي وأنا...

"قاطعته وهي ماسكة ف دراعه زي الأطفال" ... لالا خليك معايا 

«مقدرش يسيبها بسبب إصرارها وكمان هو نفسه ف لحظة سكون معاها بس وهي فايقة مش وهي سكرانه ومش ف وعيها...

قعد جنبها وهي بتلقائية حضنته .. قد ايه إحساس أن حد بتحبه يحس بأمان معاك ويحسسك بإنك ملكته وملكت الدنيا واللي فيها بسبب لمسة منه»

"نامت ع صدره، وحاول يبعد عنها بس هي مكلبشة فيه ومش عايزة تسيبه ودة فرحه نوعاً ما ، مال ع ضهره معاها والاتنين غطسوا ف نوم عميق"

_____

عنايات ... يا ريت يا آنسة ريم تبلغي المارد باشا ان العشا جاهز

... غريبة يعني أول مرة يعملها وينام كل دة 

«طلعت فوق وخبطت ع أوضته»

"الاتنين حركوا راسهم بتعب ع صوت الخبط، بدأت كنزي تفتح عيونها ببطء ومسكت راسها"

... اااه يا دماغي! 

"عاوزة تتحرك بس انتبهت لـ مارد وهو محاوطها وتقريباً كدة راسها كلها ع صدره"

بصراخ ... عاااااا

"اتعدل بفزع" ... ف ايه يا بنت المجانين بتصوتي ليه

... دماغي مصدعة أوي، وكمان انت ايه اللي منيمك ف حضني يا قليل الأدب

"الاتنين سمعوا صوت خبط ع الباب وراح هو يفتح"

... العشا جاهز يا باشا

... طيب انا جاي ، ويا ريت تخليهم يعملولي شوب قهوة تقيل عشان دماغي مش متظبطة

... حاضر 

مارد ... قومي اغسلي وشك وفوقي

... حاسة عيوني بتزغلل ودماغي بتلُق كدة 

... من الهباب اللي شربتيه!

"رفعت راسها بغرابة" ... شربت ايه! انا مش فاكرة حاجة 

... شربتي ڨين يا هانم 

"شهقت بصدمة" ... ڨين!! ... ڤين ايه أصلاً!

... ڤين، wine, نبيذ يا استاذة

"ضربت ع صدرها" ... خمرة!!! شربتني خمرة يا واطي، معرفتش تاخد غرضك بالحلال قولت تسكرني، أخص عليك وعليك 

بزعيق ... انتي مجنونة! انا مشربتكيش 

"نزلت من السرير وهي بتجز ع أسنانها"

... انت كداب! امال يعني انا اللي شربته بمزاجي!!

صرخ فيها ... أيوة انتي

بزعيق ... يعني انا هنجس بوقي بالزفت دة وانا أصلاً مبشربش 

«قبض ع ايده بنفاذ صبر وف لحظة مسك وشها وانقض ع شفايفها بغيظ ، كانت كفيلة عشان تخرسها وتشل حركتها»

"بعد عنها وهو بيتنفس بسرعة"

"بنفس متقطع" ... كدة أحسن مدام انتي مش عايزة تقتنعي 

"بصاله بذهول وصوتها اتحبس جوة حنجرتها وف لحظة ضربته ع وشه بالقلم................

الفصل التاسع عشر والعشرين والحادي والعشرون من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙