رواية كعموشا الحلقه الثانيه بقلم الكاتب محمد منصور حصريه وجديده على مدونة النجم المتوهج

رواية كعموشا الحلقه الثانيه بقلم الكاتب محمد منصور حصريه وجديده على مدونة النجم المتوهج 

رواية كعموشا الحلقه الثانيه بقلم الكاتب محمد منصور حصريه وجديده 

بابا مين يا ماما دي انتي اكبر مني يجي ب 20 سنه

دة اللي قاله سعد ل ام العروسة اللي اول ما شافته قالت بابا انتي جيت والست دي اسمها صفية وتبقي مرات المعلم دودي العترة اللي كان باصص من بعيد علي اللي بيحصل وقرب من مراته وسعد وقال وهو بيبص 

ل سعد 

اية يا صفية معاكي حكاية ولا اية

صفية وهي بتبص ل سعد

بابا. يا دودي مش فاكره

دودي 

مش واخد بالي الصراحة استني اما اطلع نظارة القرايه

عوض ميل علي سعد وقال

هو محتاج نظارة القراية لية انت بوست علي الفيس

وضحك عوض ضحكه مستفزه اللي هي

هيلهع هيلهع هيلهع 

 بص له سعد بغل شديد وهو مش طايقة لكن عوض حط صباعه عند اول صدر سعد من ناحية اليمين ومشي بصباعه لاخر صدر سعد من ناحية الشمال استغرب سعد للي بيعمله وقال

انت بتعمل اية

عوض

بعلي اضاءة الهاتف علشان يشوفك كويس

وضحك عوض تاني نفس الضحكة 

هيلهع هيلهع هيلهع 

زقه سعد بعيد عنه وقال

روح هيلهع بعيد عني يا ابرد خلق الله

وهنا حس بايد المعلم دودي بتمشي فوق جسمه ف استغرب و معاها بص للمعلم دودي اللي كان بيقول بعد مالبس النظارة

دة هو حمايا الخالق الناطق بشحمة ولحمة.  الله يرحمك يا عمي صغرت و احلويت بعد الموت

سعد

نعم.  اية الجملة. ازاي يعني

دودي

انت مش مصدقني طيب انا هوريك 

قلع دودي النظارة وطلع الموبيل بتاعه وفتح الموبيل وفضل يقلب في الصور لغاية ما وصل لصور كتب كتابه علي صفية وفتح الصورة وحطها في وش سعد وقال

خد شوف نفسك وانت في كتب كتابي

بص سعد للصورة وشاف نفسه سنه 1990 قاعد وسط دودي وصفية بعد كتب كتابهم. وجنب منه قاعده فاطمه مراته فضحك 

هيلهع هيلهع هيلهع

ووقع من طوله،،،،،،،،،

كعموشا 

من تاليفي 

محمد منصور 

**منص**

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

ويطلع النهار ويفتح سعد عيونه بصعوبه ويلاقي نفسه قصاد تلت ستات اكبر منه  وصفية واحدة منهم و اتنين شبه بعض واقفين جنب بعض اتفزع وقال

اية

التلاته قالو في نفس واحد

بابا

سعد

بابا ازاي دة انتم تخلفوني

صفية

بابا مالك. يعني انت ما عرفتنيش وقولت معلش من الصدمة لكنك ما عرفتش برضو بناتك الاثنين خلود.

وشاورت علي اللي واقفه جنب منها علي طول وبعدها شاورت علي اللي جنب خلود وقالت اسمها

ومش خلود

سعد استغرب

يعني اية مش خلود 

صفية

هو اسمها كدة علشان تؤام خلود وعلشان تعرفو تفرقو ما بينهم انت وماما سميته اللي نزلت الاول خلود والتانية مش خلود

اتعدل سعد وقال

دة اية الخيال القذر  دة. ومين الحمار صاحب الفكرة دي 

هنا تدخل فاطمة وهي علي كرسي بعجله واحده بتوع  السيرك وقالت

ابا كريم يا حبيبي 

بص سعد  للعجله اللي هي داخلة بيها وقال 

هو انا في المولد ولا اية

فاطمة

المولد في زمامير وناس كتير لابسة الطراطير 

سعد استغرب وقال

هي فاطمة مراتي. بشعرها المشعر.  بس لا دة بيتنا ولا دي اوضتنا انا في،،،،،،

وقبل ما يكمل الجملة السرير اللي كان قاعد عليه انفتح ونزل في الهواء وكانه في السماء و فجاة لقي نفسه فوق المسرح والمعلم دوددي ماسكه من قفاة وبيقول

اية يلا الصوت الزفت دة انت ما تغنيش الا في المياتم

بص سعد للمعلم دوددي وهو مستغرب وعمال يبص حوالين منه يشوف هو فين لقي نفسه فوق المسرح وعوض بيبوس ايد المعلم دوددي وبيقوله

حقك عليه انا يا معلم

دوددي مسك عوض بايده التانية وقال

حق مين يا روح امك دة الفرح باظ بسبب مطرب العواصف اللي انت جايبه

عوض

هنرجع لك شيكارة العلف بس اعفو عنه

دوددي

الفلوس ترجع لي علي داير مليم والا اقسم بالله اشلحكم و اخليكم عبره لمن لا يعتبر 

عوض حط ايده في جيبه وطلع الفلوس كلها وقال

من غير قله قيمة فلوسك اهه يا معلم وسيبنا نروح بكرامتنا

دوددي خد الفلوس وحطها في جيبه،،،،،،،،

من قدام  عيادة الدكتور النفساوي  عابد كان واقف الشيخ كريم مع ابنه سعد وبيقول كريم

اسمعني يا ابني دة احسن دكتور بيعالج المرض اللي عندك دة مع انه مرض نادر

ووصلو العيادة ودخل سعد العيادة اللي كانت زحمة وقال

دي العيادة مليانه ناس  يا ابا هو دة مرض نادر ولا مرض طالع تريند 

الشيخ كريم

انا دخلت علي النت وكتبت الاعراض اللي عندك وسالت ال AI. وعرفت انه اسمه كعموشا بيجي ل واحد في المليون

بص سعد للعيادة المليانه  وقال

ماهو باين

الشيخ كريم

ولا.  مش عايز تريقة مش انت اللي عندك تلت بنات من مراتك اصغر بنت فيهم اكبر منك ب 10 سنين. ودي اعراض  المرض النفسي كعموشا. وعلاجه هنا وبس عند الدكتور عابد 

سعد

طيب واحنا هندخل امتي وسط الزحمة دي كلها

كريم

انا مظبط التمرجي ما تقلقش

هنقعد بس كام دقيقة كدة علشان الناس وهندخل علي طول مش عايزك تقلق

سعد

انا قلقان و هضرب نفسي بالجذمة اني حكيت لك

كريم

ولا. ولا. ولا.  حكايتك خلصانه و علاجك عند الدكتور عابد وكلمة تاني مش عايز اسمع، ،،،،،،

وبعدها بشوية ومن جوة اوضة الكشف عابد قلع نظارته وبدا يهرش في راسه وهو باصص ل سعد ومستغرب اللي هو قاله 

وقال عابد 

مش حرام شاب صغير زيك يجي له  كعموشا 

سعد

هي اية كعموشا دي يا دكتور

عابد حط قلم رصاص في ودنه وبدا يلف القلم  وسعد استغرب اللي هو بيعمله وقال ل ابوه

هو بيعمل اية

كريم

بيبري القلم

ورمي عابد القلم وقال

لو اللي في دماغي صح يبقي انت لازم ترجع الترعه تاني وتشوف انت وقعت فين بالظبط لان هناك في قلب الترعه بوابة المزغودا. اللي لو كسرت قفلها يترفع عنك مرض كعموشا. و تبطل تشوف اللي شوفتهم 

هنا وقف سعد وبص ل ابو وقال

انت جايبنا فين هه. هو دة اللي هيعالجني دة عايز يتعالج 

عابد بعصبية

احترم نفسك انت في حضرة الدكتور عابد

سعد

دة بط العابد برقبتك يلا.

عابد

يلا.

كريم

عيب يا سعد مش كدة

وبص كريم ل عابد وقال

اعذرو مريض وبيهلوس

سعد

وربنا ما حد بيهلوس غيره. وانا اصلا جحش علشان جيت هنا. قال مريض بكعموشا. وبوابه المزغودا.  

وبص ل عابد وقال

اقول لك المزغودا مين وما تزعلش

عابد

لو ما خرجتش حالا بالا. انا هطلب المطافي يجو ياخدوك من هنا

كريم

روق اعصابك يا دكتور عابد انا هاخده ونمشي

وبص كريم ل سعد وقال

يلا يا ابني

سعد

ما انا هيلا اومال حابب قعدتي مع البغل دة ،،،،،،

ويتغير المشهد ونشوف سعد قاعد مع مراته فاطمة في اوضة نومهم وكانت بتقول

ابا كريم زعلان منك

سعد

بقول لك اية نامي وانتي ساكته بدل ما،،،،،،،،

وقبل ما يكمل الجملة السرير اتفتح في فجوة ولقي نفسه بيطير في السماء وهوب. بقي قصاد صفية اللي كانت بتاكله في بوقه وبتقول

يلا يا بابا القطر رايح فين

سعد اتفزع وقال

ملعون ابوكي انتي جيتي تاني

صفية

جيت منين الحقي بابا يا ماما

وهنا دخلت فاطمة علي نفس الكرسي اللي بعجله واحده وقالت

مالك يا سعد

سعد

الله يخرب بيتك انتي لسة علي العجلة دي

فاطمة

ربنا يكفيك شر المرض اصل بعد موتك من حزني عليك جالي شلل. وحصل في مخي خلل 

سعد

شلل ازاي وانتي بتلفي العجلة برجليكي الاثنين. هو اة جالك خلل في مخك ودة من زمان وانا عارف

وفجاة دخلت مش خلود وهي بتنهج وبتقول

الحق يا بابا

سعد

في اية يا خلود 

مش خلود

انا مش خلود. وبطل بقي تتلخبط فينا

سعد

اسف

مش خلود

يمكن.   المهم رجاله الديناصور تحت وبيضربو جدي

سعد

الديناصور هو مش انقرض

فاطمة 

يا راجل قوم واتحرك حماك بيضرب وانت هتقف تتفرج 

سعد

يا فاطمة دوددي دة مش ابوكي دة تاجر حشيش يعني يارب البوليس ياخدو وياخدوكي

فاطمة

لا اصحي وفوق للكلام لاني سلام مش سلام وحمام مش هحمم 

سعد

بعد مش هحمم دي انا مش هتكلم ويلا بقي كلكو كدة زي ما ظهرتو اختفو وخلوني ارجع للي اعرفهم 

هنا باب الاوضة اتكسر وراس دوددي عديت من الخشب وكان متخرشم صرخ سعد وقام وقف فوق السرير

واتفتح الباب ودخل راجل ضخم ودة يبقي الديناصور اللي بص ل سعد وقال

اهلا يا حيلتها انت وقعت 

ولا الهواء  اللي رماك 

سعد بخوف شديد

هو والله فعلا الهواء اللي رماني

الديناصور

كنت فاكر ياة انك بعد ما تموت مش هعرف اجيبك

سعد

اية الجملة دي. انتو متعودين هنا تجيبو اللي بيموت عادي

الديناصور

احنا سكان كوكب المزغودا نعرف نعمل اي حاجة واديك جيت وبرجلك تاني يا ابن الست

سعد كان مستني باقي الشتيمة لكن الديناصور وقف عند الكلمة دي وبس والمشهد كله اتحول ل صورة ثابته سعد بص لهم كلهم وقال

انتو ساكتين لية كدة في اية ما ترجعوا تتكلمو تاني 

وبدا يلف حوالين منهم وقال

يا جماعه السكوت دة يخوف اكتر من كلامكم.  طيب انا كنت بتفرج علي فيديو والباقة خلصت في ردو عليه

طيب انا اخرج ازاي من هنا.

وفضل سعد يلف ويدور وكلهم لسة ثابتين وفجاة،،،،،

بس كدة خلصت حلقة النهاردة وسلام لغاية ميعاد الحلقة الجاية. وربنا يكفينا ويكفيكم شر مرض. كعموشا

الحلقه الثالثه والرابعه من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙